36. Likalukhana

Litukhu lilala Yesu yarula na veechi veve vavaka, Petelo, Chakobo nende Yowana. (Mwechi ulangwa Yowana shiali oyo wavatisa Yesu tawe.) Vanina khu shikulu ikulu khusaala.

Lwa Yesu yali na saalanga, munoni mwemwe mwa lolekha mulavu khuli liuva khandi tsinguvu tsietsie tsia lolekha tsindavu khuli vulavu, tsindavu tsikhanyala khulavitswa nu mundu wosi wu khwilova.

Malelo Musa nende muloli Ilichia ni va lolekha. Vasatsa yava va menyanga mu shivala tsimia tsi mihika yaka ni kashili khu kholekha. Va lomaloma na Yesu khu londakhana khu likhutsa lielie, lia kha kholeshe Yerusalemi khu vwangu.

Musa nende Ilichia ni va shilomoloma na Yesu, Petelo ya volela Yesu, ''Nu vulayi khutsi khuva hanu. ''Lashi khulombe matili kavaka, lilala liolio, lindi lia Musa, malelo lindi lia Ilichia.'' Petelo shi yamenya shia ya vola tawe.

Petelo na shi lomaloma, lilesi liu vulavu litsa hasi ni li va khumbelitsa na mwoyo khurula mu malesi kwa vola, ''Uyu naye mwana wanje wa nayanza. Nyanzizwi naye. Muhulishitsi.'' Veechi vavaka yavo vali nu vuri ni vagwa hasi.

Malelo Yesu na vatila khu na vola, "Mwakhari tawe. Sinjili." Lwa vahenza wa vali wali na shili ho yali Yesu wonyene.

Yesu nende veechi ve vavaka va kalukha hasi wi shikulu. Malelo Yesu na vavolela, ''Mwa kha volelakhu mundu wosi tawe ka kholeshe tawe. Khu vwanguvu na khutsa makhandi ngalushi khu va mwoyo. Ni ka kha kholekha kario, nalwo lwa munyela khu volela vandu.''

Lukanu lwi Vanjeli khurula: Matayo 17:1-9; Maliko 9:2-8; Luka 9:28-36