5.Thutiam Nâipa chu

Abrama nih Saraii chu Kanan rama an lût kum sawm hnung homin nâi anla nei vu nai naw a. Abrama nupui Saraiin Abrama hnianga chun, “Pathianin nâi ani pe phal nghal naw a, tun hinle nâi nei dingin ki tar ta nghala, mahin ki siahlawnu Hagari chu a om hi, nâi ne neipêk dingin nupuiin nei mai rawh,” a ti a.

Kachun Abrama chun Hagari chu nupuiin a nei ta a. Hagari chun nâi ipate a neia, a rihming chu Abrama chun Ismaela ti in a saka. Changhomsiala, Saraiii chun Hagari chu a thîk ta fê a. Ismaela chu kum sawmhlei kum inthumka a hong tling chun Pathianin Abrama hnianga kahin thu a hril nawk ta a.

“Pathian ipai thawthei ke chang. Ei kârah thuthlung ke siam ding a chang hi,” ti in. Kachun Abrama chu rinênga a bokkhup ta a. Pathianin a hniangah, “Hnam tamka pa la hong chang ne tih. Nang nih ni thlahei hniangah ni roichan dingin Kanan ram hi nang pe ki ti a, chatuanin an Pathian chang ke tih. Ni insûnga nâi ipa piang taphot chu an ser ne tan pêk le le ding a chang,” ti in.

Ni nupui Saraii chun nâi nei a ti a, thutiam nâipa tîng an tih. A rihming Isaka ti in sak rawh. Ki thuthlung chu a hniangah om a ti a, hnam roiinpui fêka la hong chang a tih. Ismaela hom hnam roiinpui fêkan siam ke tih, changrawchu ki thuthlung chu Isaka rêka inkâr chai chang a tih. Kachun Pathianin Abrama rihming chu a thleng pêka, Abrahama a sak ta a. A omzia chu ‘Mi tamka pa” tina a chang. Pathianin Saraii rihming hom a thleng a, Sari ti in a saka, “Lal nâinu” tina a chang.

Mangkachun Abrahama chun a insûnga ipa kaphot ser chu a tan pêk ta a. Kumka hnunga chun Abrahama chu kum 100 a ulian a hong chang ta a. Sari hom kum 90 a hong kai chun Sari chun Abrahama chu nâi ipa a nei pêk ta a. Pathianin a hril angka han a rihming chu Isaka a sak ta a.

Isaka chu thleirawlte a hong chang chun Pathianin Abrahama chu a ringna fiana dingin, “Ni nâipa neisûn ha hruai inla, ki dinga inthawina dingin maichâm chungah inhlân rawh,” a ti ta a. Abrahama chun Pathian thuhril chu a zawm ta a, a nâipa chu maichâma Pathian hniangah inthawina dingin a buatsai a.

Abrahama nih Isaka chu inthawina ding hmun tiang chun an kal laiin Isakan, “Pa, inthawina dingin thing a om a,pumrawhmang inhlân dingin berate chu iten mawh a om?” a ti a. Abrahama chun, “Ki nâipa, inthawina ding berate chu Pathianin ngaitua fawm mai a tih,” ti in a thung a.

Inthawina ding hmun an thlung chun Abrahama chun a nâipa Isaka chu a phiara, maichâm chunga chun ân zâltir a, a nâipa that dinga chemte ân lâng lai chun Pathianin Abrahama hnianga chun, “Thaw naw rawh, nâipang chunga han kut thla naw rawh. Tun chun ani ṭi leiin ni nâipa neisûn hom ki ta dingin ne pe phal a chang ti ki hawi ta,” a ti a.

Abrahama chun a hang en vêl a, a hnung tiang chun bera chal, a riki thing ṭanga loi intâng hi a hang hmu a. Isaka thlengin inthawina dinga Pathianin a loi ibuatsai pêk a chang. Kachun hlim vaikan Abrahma chun inthawina dingin bera chal chu a hmang ta a.

Mangkachun Pathianin Abrahama hniangah, “Thil ikapai, ni nâipa neisûn ari hom ani pêk phal leiin mal nang sawm ngei ngei ke tih. Ni thla hei hom rivâna arsi zakan inpungtir ke tih. Ki thu ni zawm leiin ni thla a chun khawvela chitin hei chu la thawveng an tih,” a ti a.

Genesis bung 16-22 sûng aṭanga Bible thu lâk suok a chang.