37. Isuan Mithi Laia Inthokin Lazara A Kaithoi Thu

Nika chu Isuan Lazara damloi inrik zia a loi hawi a. Lazara nih a farnu hei Mari nih Martha hei chu Isua chamṭha an chang a. Ma thu hi Isuan a loi hawi chun, “Ma natna hi thina ding a chag nawh, Pathian roiinpuina ding zawk a chang,” a ti a. Isuan a chamhei hi a hmangai a, changrawchu chu a omna pangaia chun ni inhnika lâi a la om ta ret a.

Ni inhnika a liam hnung chun Isuan a zîrtîrhei hniangah, “Juda rama kal nawk ei ti,” a ti a. “Changhomsiala, zîrtîrtu, nika reng han mi heiin lunga nang sep that an tum ha,” an ti a. Isuan, “Ei champa Lazara chu a in inhnil a, kinthoi dingin va ke tih,” a ti a.

Isua zîrtîrhei chun, “Lalpa, a in inhnil a chang chun thoi nawk mai a tih,” an ti a. Kachun Isuan fel vaikan an hniangah a hril ta a. “Lazara chu a thi a chang. A thi laia ei i omloi chu nangni ke lawm, tun hin nin ring theina dingin thilmakhei hmu nin tih,” a ti a.

Isua a tlung chun Lazara chu ni inlîka lai thlâna chun a loi om ta a. Martha chu Isua hmuak dingin a va suak a, “Lalpa, ma taka om hi chang inla chun ki ṭapa hi a thi loi ding khai. Changhomsiala Pathian hnianga ni hni taphot chu nang penga tih ti ke ring,” a ti a.

Keima hi thoi nawkna nih damna chu ke chang. Tupai ane ring chu thi homsiala dam rêt a tih. Tupai ane ring chu iba ngai naw nih. Ma hi ni ring maw?” a ti a. Ani chun ring e ni, Lalpa,” Mesia Pathian Nâipa chu ne chang ti ke ring,” a ti a.

Mari hom chu a hong tlung ve a. Isua pheibula a bokkhupa a hniangah, “Lalpa, ma taka om hi chang inla chun ki ṭapa hi a thi loi ding khai,” a ti a. Isuan, “Lazara chu iten mawh nin inzâl?” ti in ân don a. Anni chun, “Thlân sûngah, hong inla hong en ta,” an ti a. Isua chu a ṭap ta a.

Thlân chu pûk a chang a, a kot khatka chu lungin an sîn a. Isua chu thlân a tlung chun, “Lung hi dom unla khai roi,” a t a. Martha chun, “Tûn hi chun thu tâng a tih, a thina ni inlîka pai a chang tah,” a ti a.

Isuan a thung a, “Ni ring chun Pathian roiinpuina hmu ne tih, nang kiti naw bei?” a ti a. Kachun lung chu an inhlum tir ta a.

Chun Isua chu rivân tiang a tang a, “Pa ki thu ne ngai leiin ni chungah ke lawm, ki thu nen ngai nai ṭhin ti ki hawiin ma chu mipui ngir hei lei hin a chang kitina chu, nangin ani itir ke chang ti an hawi theina dingin,” a ti a. Mangkata a ti zoi kani chun rawl inring fêkan, “Lazar hong suak rawh,” ti in ân khêk a.

Lazara chu a hong suak ta a! Ani chu thlân puana tuam mai ala chang a. Isuan an hniangah, “Thlân puanhei chu i sût pêk unla inkaltir roi,” a ti a. Ma a thilmak thaw lei hin Juda mi tamkan an ring ta a.

Juda sakhua hruaituhei raw chun Isua chu an thîk a, Lazara nih Isua an that thei dân ding ngaitua in an inrawn khawm a.

Johana 11:1-46 sûng aṭanga Bible thu lâk suak a chang.