43. Kohran A Ngîr Ṭanna

Isuan thu a pêk angkan rivân tiang a kal hnunng han a zîrtîrhei chu Jerusalema an om mai a. Isua hnung zuipu hei chu hmunkan an om hoi a, an om ta mai a.

Isua mithi laia aṭanga a thoi nawk ni sawmrigana hnunga chun Judahei ruaiṭhe Pentecost an iti chu a hong tlung a. Pentecost chu lawmthu hrilna ruaithena hun a chang. Jerusalema lawmthu hrilna ruaiṭhena a chun khawvela Juda omhei kapai chu an hong kal khawm a.

Ringtuhei an omkhawm lai tak chun voika renga thlipui hong inri chu an hawi ta a, an omkhawmna in chu a hong sip ta a. Ringtu kapai hei lu chunga chun meichok angkan a hong inlâr ta a. An rengka chun Thlarau Thianghlimin an sip ta rît a, ṭong danghei chun an ṭong ta a.

Jerusalem khua a mipuihei chun ma thu chu an hawi chun an hong kal hawi a, thil hong tlung chu mak ti fê pumin an buai ta a. Ringtu heiin mani ṭong ṭianga thu hrilin Pathian thilmak thaw hei an ihril an hawi chun an lung a zînga mak anti ta fe a.

Mi ṭhenka chun zîrtîrheiin zu a inhâi a chang hi an ti a, anmani lai aṭang chun Petera chu a ngîr a, an hniangah, “Ki thuhril hi loi ngai roi! Ma hei hin zu an inhâi naw! Zawlnei Joela loi i hril, ‘Nakan hnunga chun ki Thlarau buak kiti a’ a ti ha a hong tlung kip a chang hi.”

“Nangni Israelhei, Isua chu Pathian thilthawtheina hangin thilmakhei nih sininsianahei thawtpu a chang ti hawiin nin hmu a. Nin hawi ta ha!

Changhomsiala hrillawkna thu, ni mithianghlim hom mithi thlana hmon ral phal naw tun ti a tlung kip theina dingin Pathianin a kaithoi nawk ta a chang. Pathianin Isua chu mithi laia inthokin a kai thoi nawk ta a, a thu hawipuhei ei hang.

Isua chu Pa, Pathian kut changtiang chawimawiin a hang om ta a. Kachun nin hmu kung ngeia Pathianin a Thlarau Thianghlim a intiam chu a hong tir ta a chang hi.”

“Ma Isua Krawsa nin ikhêngbet a ha, Pathianinin Lal nih Messia fawmin a siam ta a chang, ti hawi roi,” a ti a.

Petera thuhril chu mipuihei chun an hawiin nânsa vaikan an lungril a tawn ta a. “Uaihei, inkan mawh thaw ta kin tih?” an ti a.

Peteran, “Sim unla, nin sualhei ngaidamna dingin Isua rihmingin baptisma chang roi, kachun Thlarau Thianghlim thilpêk hei chu hmu nin tih,” a ti a.

Petera huhril chu mi 3,000 laiin an ring ta a. Pathian an ring a, Koihran hei laiah belsa in an om a. Isua ringtuhe ma tak aṭang chun Kristian ti an hong chang ta a.

Ringtuhei chu tirkoihei inzîrîrna nih inpawlhlimna neia hmunka fa khawmin an ṭonginṭai a. An rengkan an omkhawm a, an thil neihei chu an inṭawm a, Pathian an inpâk a, ringloi mihei ditsak nih inpâk an hlaw a. Nintin mi tamka chu Kristian an hong chang tir a.

Sinthawhei bung 2 sûng aṭanga Bible thu lâk suak a chang.