28. Tlangvâl Roirêlpu Inchong

Nika chu tlangvâl dân hawi, inchong fê hi Isua hniangah a hong a. “Zirtirtu chatuana nunna ki nei theina dingin imawh thaw ki ti?” ti in Isua ân don a. Isuan a hniangah, “Thilṭha chanchin chu iding mawh a nên don ngare? Mi khatka chai ṭha a om, ama chu Pathian a chang. Changrawchu chatuana nunna nei ni awi chun Pathian dân hei chu zawm rawh,” a ti a.

Ani chun a hniangah, “I pu chia hin maw?” a ti a. Isuan a hniangah, “Tual that naw rawh, uire naw rawh, rûk iru naw rawh. Kêl hril naw rawh, ni nu nih ni pa chawimawi rawh ti nih nangma nên hmangai angkan ni tualbawmhei hom hmangai rawh ti hi,” a ti a.

Tlangvâl chun thiam chang awiin, “Ma dânhei kapai chu ki chiklai aṭangin ki zawm a, imawh thaw ding kila nei vu bei?” a ti a. Isuan a en a, inriang ahmu ta êm êm a.

Isuan a hniangah, “Ṭhafamkima om ni awi chun kal inla, ni nei kapai chu va zuar inla, inrianghei va per awh, kachun rivâna roichan nei ne tih. Chun hong inla, ni hong zui rawh,” a ti a.

Ma thu chu tlangvâl chun a hawi kani in a lungai ta fê a, ân chong fê leiin. A thilhei chu ma khal a awi naw leiin Isua chu a ma khal ta zawk a.

Kachun Isuan a zîrtîr hei hniangah, “Mi inchonghei dingin Vânrama lût chu an tak a chang hih! A chang, mi inchong Vânrama lût hnêk chun saringsei ṭhim kuara lût chu a oml zawk,” a ti a.

Zîrtîrhei chun ma chu an hawiin mak anti êm êm a, “Tûmawh sandam chang thei ding?” an ti a.

Isuan anmanihei chu a en a, an hnianga chun, “Ma chu mihriam dingin thawthei rual a chang naw a, Pathian ding rawchun ihman thawthei loi a om nawh,” a ti a.

Peter said to Jesus, “We have left everything and followed you. What will be our reward?”

Isuan a thung a, “Tûpai in mawh, a unâihei mawh, a farnuhei mawh, a pa mawh, a nu mawh, a nâihei mawh, in nih loi a mâkhal chun a lêt rizâkan hmung an ti a, khawvel thara chatuana damna hmu sa dên an tih. Changhomsiala, mi tamka chu a hmasak chema omhei chu a uhnungah om an ti a, a uhnunga omhei chu a hmasaka om an tih,” a ti a.

Mathaia 19:16-30, Marka 10:17-31, Luka 18:18-30 sûng aṭanga Bible thu lâk suak a chang.