24. Johanan Isua baptisma a pêk thu

Johana chu a hong seiliana, zawlnei a hong chang ta a. Thlalera a om a, rama khai nih khuaizu chub u in a ring a. Saringsei hmul puan chu a sil a.

Johana thuhril inngai dingin mipui a hong kalkhawm ṭhin a. “Sim roi, Pathian Lalram chu a hnâi ta,” ti in an hniangah a hril a.

Johana thuhril an hawi chun mi ṭhenka chu an sualhei an sim a, baptisma an chang ta a, changhomsiala sakhua hruaitu tamka chu an onsualna inpuang loia, insim chuang loi baptisma chang tum tamka an hong a.

Johana chun sakhua hruaitu hei hnianga chun, “Rûl thlahei, nin sualhei sim unla, nin omdân hei inthlâkdanglam roi. Thing a ra ṭha loi apai chu an phûra meia an pai ṭhin,” a ti a. Zawlnei Isaian, “Ngai ta, ki tirkoi ni hma ah ki tir a, Ani chun ni hma ah ni lampui buaisai a tih,” a ti ha Johana hin a famkim ta a chang.

Juda ṭhenkahei chun Johana chu Messia a chang nih chang loi an indon a. Johana chun, “Messia chu ki chang nawh, ke hnungah ki hnêka roiinpui zawk a hong ding a chang, innguna a pheikok hrui insût thlak hom ki chang nawh,” a ti a.

A thaia chun Isua chu Johana hnianga baptisma chang dingin a hong a. Johanan ani chu a loi hmu chun, “En ta u, Pathian Berate khawvel sual kalpuipu ding saw,” a ti a.

Johanan Isua hniangah, “Baptisma nang inchangtir dingin kên phu nawh. Ani baptis ke ṭûl zawk,” a ti a. Changhomsiala Isuan a hniangah, “Ane baptis ngêi ding a chang, ani baptis hi thilṭha a chang,” a ti a. Kachun Johana chun a baptis ta a. Isuan thilsual a thaw lei chang riai loiin, ani chun thil sual a thaw ngai nawh.

Isua chu tui aṭangin a hong suak chun Pathian Thlarau chu vaṭhu angkan a chungah a hong fûk a. Chun rivân aṭangin rawl a hong suak a, “Nang ki Nâipa dit chem, ki lawm êm êma chu ne chang,” ti in.

Pathianin Johana hniangah thu a loi hril ta hrim a, “Mi tûmaw chang ni ibaptis chungah chun Thlarau Thianghlim hong fûng a tih,” a i ti ha. “Ama chu a chang Pathian Nâipa chu.” Pathian khatka chai chu a om, changhomsiala Pathiana chun mi inthumka an om, Pa Nâpa nih Thlarau Thianghlim an chang.

Mathaia 3, Marka 1:9-11, Luka 3:1-23 sûng aṭanga Bible thu lâk suak a chang.