35. Hmangaina Nei Pa Chanchin

One day, Jesus was teaching many tax collectors and other sinners who had gathered to hear him.

Isuan ma angka mihei chu cham angkan ân kom leiin sakhaua hruaitu hei chu an inphun a. Kachun Isuan ma chanchin hi a hril pêk ta a.

“Mi khatka nâi ipa inhnika nei a om a, A nâipngpu chun a pa hnianga chun, ‘Pa ki roichan kên di,’ a ti a. Kachun a sum chu a nâi ipa inhnikahei chu a sem ta a.”

“Tawika hnung chun a nâipangpu chun a chanhrang kapai chu a lâk a ram hlaw fêka tia chun a kal ta a, ma hmuna chun bei tinahei chu a chên a, a sum hei chu a thangral ta mai mai a.”

Ma hun lai chun, ma rama chun ṭam nansa vaikan a hong thla ta a. A nâipangpu chun fâk ding a chawkna ding sum a nei ta loin a om a. Kachun sin thaw ding a hmu sûn chu vok hre chai hi a chang ta a. Bu a hong ṭâm âk leiin harsa a hong ti ta a, vok bu a ri fa ve a awi ta hial a.

“A tawpa chun a nâipangpu chu ân ngaitua a, ‘I mawh ki thaw tâk aw, ki pa inah siahlaw heiin fâk sêng loi tamka a nei tâk rai nin, kei raw chu bu ṭâmin mahin ki om a. Ki pa hniangah kîr nawk ki ti a, a sihlawhei laia mi khatka angka chang ve dingin hnîng ke tih,’ a ti a.

“Kachun hla fêka ṭang chun a pa in a hei hmu chun, a khawngai ta êm êm a, a va thloi a, a kua a, a fawp ta ngawi ngawi a.”

“Ani chun a pa hniangah, ‘Pa nang nih Pathian mithmu in thil ki loi thaw sual a chang, ni nâipa a chang thlâk hom ki chang ta naw,’ a ti a.”

“Changhomsiala a pa chun a siahlawhei laia mi khatka chu a koi a, kal inla, pua laia ṭha chem ha va la inla, insiltir rawh! A kutah kutbun, a pheiah pheikok inbuntir rawh. Chun sehrâtte thâi chem ha hong la inla, that unla ruai ṭhengei tih, ki nâipa hi a thi a, a hong dam nawk tah a chang hi! A boia ei hmu nawk tah a chang hi!” a ti a.

“Chun mipuihei chun lawmna an siam a, tawika hnung chun a nâi ulianpu chu loia sinthaw a hong tlung a, rimawi nih lâm rihâihei chu a hei hawi a, ‘Imawh a chnang tâk’ ti in mak a ti a.”

“A nâibung ha in a hong inlawi nawk tah maleiachun lawmna an siam a chang ti a hawi chun a ning a thik ta fê a, insûng a lût awi tâk naw a. A pa chu a hong suak a, a hong thlêm a, a chamhei laiah ṭang ve dingin a hong thlêm a, changhomsiala a ṭang awi tâk naw a.

“A nâi ulianpu chun a pa hnianga chun kahin a ti a, ‘Ma tenka hi ni rong ki bawl a, ni thu hom ki hnial ngai naw a, ki chamhei rêka lawmna ki siamna dingin kelte khatka hom ani pe ngâi nawh. Changrawchu ma ni nâipa misualhei laia ni sum thethang mai maipu hi a hong kani in a ta dingin sehrâtte thâi fêka ni that thai a,’ a ti a.”

“A pa chun a hniangah, ‘Ki nâipa, ki hniangah ne om mai hite, ki nei kapai hi ni ta a chang. Hlim nih lawm vaika om ding ne chang hate, ma ni nâibung pa hi a thi a, a hong dam nawk ta a chang, a boia ei hmu nawk ta a chang hi,’ a ti a.

Luka 15:11-32 sûng aṭanga Bible thu lâk suak a chang.