33. Loi Neipu Chanchin

Nika chu Isua chu dîl panga chun a ṭhung a, mipui tamkahei chu ân zîrtîr a. Mipui an tam fê leiin Isua chu rilonga chun a chuang a, ma tak aṭang chun thu a hril ta a.

Isuan ma chanchin hi a hril a, “Loi neipu chu chi in the dingin a kal suak a. Bu chi a the lai chun, a ṭhen lam sîra a ṭul a, chunga vatehei chu an hong a, an hong fâk zoi a.”

“A ṭhen chu pialthlêng chung rinêng inphanna a chun a ṭul a, rinêng ân sa naw leiin a hong mawng ta thai a. Changhomsiala ni a hong insâng chun a em vuai a, a rizung hnîng fêkan a nei naw leiin ân vuai a, a hi ta thai a.”

“A ṭhen chu rihling laia chun a ṭul a, rihlinghei chun an dîp leiin ra reng an nei thei naw a.”

“Thlâi chi ṭhenka chu rinêng ṭhatna hmuna chun a ṭul a. A hong mawng a, an hong inṭhang liana, an ra ta a, a lêt sawm inthumka, a lêt sawm rukka, a lêt rizakan a hong pung ta a. Tûpai hawina dinga kuar nei chu hawi rise,” a ti a.

Ma chanchin chun zîrtîrhei chu ân buai a, a ngaina an hawi naw a. Kachun Isuan a hrilfia ta a. “Thlâi chi chu Pathian Thu hi a chang. Thlâi chi lam sîra ṭul chu mipui Pathian Thu hawi a, a ngaina hawi loi chu an chang, khawhri, Setana a hong a, thu chu a la boi pêk a chang.”

Thlâi chi pialthlênga ṭul chu mipui Pathian Thu chu hawi a, lawm vaika pomhei angka hi an chang. Changhomsiala harsatna mawh, tidudana mawh a hong tlung tik pai mipuitling anla chang naw leiin an inlîr nawk ṭhin.”

“Rihling laia ṭul hei chu mi Pathian Thu chu hawi a, ring thaihei hi an chang. Changhomsiala a hong kal tir a, Pathian an hmangaina chu khawvel lungkhamna nih inchongna nih khawvel damsûng bei tina in a dîp ṭhin a. Inzîrtîrna an idong han ra ân sua naw a chang.”

“Thlâi chi rinêng ṭhatna hmuna iul hei chu mi Pathian Thu hawi a, ring a, ra insua ṭhin hi a chang,” a ti a.

Mathaia 13:1-8,18-23; Marka 4:1-8,13-20; Luka 8:4-15 sûng aṭanga Bible thu lâk suak a chang.