25. Setanan Isua a thlêmna Thu

Isuan baptisma a lâk zoi kani chunThlarau Thianghlimin thlalera a ṭhui a, ma hmuna chun ni sawm inlika nih zân sawm inlika bu ngheiin a om a. Kachun Setana chu a hong lang a, a thlêm ta a.

Setana chun, “Pathian Nâipa ni chang chun ma lung hi baiin inthlântir inla fa rawh,” a ti a.

Isuan, “Mihriam hi bai chaiin dam naw ni a, Pathian bâia thu tin suakin dam zawk an tih, ti ziak a chang,” ti in a thung a.

Chun Setanan Temple sîp zuma chun a ṭhui a, “Pathian Nâipa ni chang chun, inchawm thla rawh, ni chung thua chun a vântirkoi hei chu thu pêng a ti a, an kutin nang dom an ti a, kachun ni pheiin lung isui hrawi ne tih,” a ti a.

Changhomsiala Isuan a thung a, “Lalpa ni Pathian chu fia naw rawh ti ziak a chang,” ti in a thung a.

Chun Setana chun khawvel ram kapai nih a roiinpuina kapai ân entir a, “Bokkhupin chibai ni bûk inla, ma kapai hei hi nang pe ke tih,” a ti a.

Isuan a thung a, “Setan kal dai rawh! Lalpa ni Pathian chibai bûk inla, a ma rong chai bawl rawh, ti Pathian Thu ziak a chang,” a ti a.

Isua chu Setana thlêmna a chun a thlawm naw leiin Setana chun a kal khal ta a. Chun Vântirkoihei chu an hong a, a rong chu an hong bawl pêk ta a.

Mathaia 4:1-11, Marka 1:12-13, Luka 4:1-13 sûng aṭanga Bible thu lâk suak a chang.