45. Filipa Nih Ethiopia Mi

Stefana chu Koihrahmasahei hruaipu a chang. A rihming a ṭhat a, vârna nih Thlarau Thianghlimin a sip sa den a. Stefana chun thilmak tamkahei a thaw a, miin Isua chu an ring ding a chang ti in mihei ân hnialpui ṭhin a.

Nika chu Juda ring loi mi hei chu Isua chungthu a chun ân hnialpui a. Stephan chu “Mosia nih Pathian a soisêl” tiin an hêk a. Kachun Stefana chu an hman a, puithiam lal chem nih Juda hruaituhei hnianga chun an ṭhui a.

Puithiam lal chem chun Stefana hnianga chun, “Ma thil hei hi a dik bei?” ti in ân don a. Stefana chun Abraham aṭanga Isua Krista a ri Pathian thilthaw inmakhei chu a hril ta tir a. Chun ani chun, “Nangmani mi sual nih hel awihei hin nin thlatu heiin Pathian chu an dit naw a, a zawlneihei hom an that angka den han Thlarau Thianghlim chu nin hnawl a. Pathianin a hong itir Messia hom hi an that a,” ti in a thung a.

Ma thu chu mipuihei chun an hawiin an kuarhei chu an hup a. Inring fêkan an inkhêk a, khua aṭang chun an kai suak a, lungin an sep that a.

Stefana chu a thi taw in “Isu, ki thlarau la rawh” ti in ân khêk suak a. Chun a khûksaiindîla inring fêkan ân khêk suak nawk a, “Lalpa, an thilsual thaw chunga hin maw inphurtir naw rawh,” a ti a. Kachun ma thu chu a hril zoi kani chun a thi ta a.

Chun mi khatka Saula an iti chun Stefana chu lunga sep that chu rem a ti ve a. Ma ni chun mi tamkan Kristianhei chu an hnuamhen ta a, ma kawl ram khawtina chun an in dar ta a. Changhomsiala an kalna taphota chun Isua chanchin chu an hril ta tir a.

Filipa, Isua Krista zîrtîrhei laia mi khatka chu Samari rama chun a hang kal a. Isua chanchin chu a hril tir a, mi tamkan sndamna chu an chang ta a. Nika chu Pathian Vântikoi khatkan Filipa chu a sawn a, thlalêra Gaza khua zuk lût lampuia chun zu kal dinginin a ti a. Lampuia a kal lai chun Ethiopia mi poimaw fêka chu Filipan tawlailira chuang a hmu a, Thlarau Thianghlimin a hnianga va a, vân sawnpui dingn a ti a.

Filipan tawllailir a hong hnâi chun, zawlnei Isaia lekhabu a, “That dingin berate angkan ani chu an ṭhui a, ani chun ihom a ti naw a. Inzakderna reng om loiin inhoiloi fêkan an soisak a. Ama aṭangin a damna an lâk pêk tâk leiin,” ti a loi isiar chu a hawi a.

Filipa chun Ehthiopia mi hnianga chun, “Ni isiar ha a omzia ni hawi maw?” ti in ân don a. Ani chun, “Miin anni hrilfia naw chun hawi thei naw ning, khawngaitakan ki hniangah hong inla, ni hong hnâi inla, ni hong hril rawh. Isaian tu thu mawh a hril, ama thu mawh awle midang thu?” a ti a.

Filipa chun Isaian Isua thu a hril a chang ti a hril a. Filipan Isua chanchin hril puiin Pathian thu dang tamka a hril a.

Chun lampuia an kal lai chun tui an hmu a. Ethiopa chun Filipa hnianga chun, “En ta, mahin tui a om! Baptisma chang thei kiti bei?” a ti a. Kachun tawllailîr chu an innghamtir ta a.

Kachun tuia chun a zu ṭum a, Filipa chu baptisma a pêk a. Filipan baptisma a pêk zoi kani chun Thlarau Thianghlimin Filipa chu hmun dang tiang a ṭhui a, Isua chanchin chu a hril zom ta tir a.

Ethipia mi chu a kal ta tir a, Isua a hawi tâk lei chun a hlim ta êm êm a.

Sinthawhei 8:26-40 sûng aṭanga Bible thu lâk suak a chang.