46. Paula Kristian a Hong chang Thu

Saula hi Stefana an that laia theraw loi vêngpu ha a chang. Saula chu in tina kalin nupang ipa a hman a, lung inah a khum ṭhin a. Kristian hei chu ala hnuamhen ta tir a. Saula chu Damaska khua ah va a, ma taka ringtuhei chu hman a, Jerusalem khua ah hong ṭhui khir dingin puithiam lal chem hniangah phalna a lâk a.

Saula chu Damaska khua lampuia a om lai chun vâr êm êmka chun Isua chu a hniangah a hong inlâr ta phut a. A hnianga chun, “Saula, Saula, iding mawh nangin ani hnuamhen ngare?” ti in rawl a hawi a. Chun ani chun, “Lalpa, tumawh ni chang?” a ti a. Chun, Isuan, “Isua, ni ihnuamhen ṭhin a ha ke chang,” a ti a.

Saula chu a hang thoi chun ihom a hmu thei tâk naw a, a kuta chun an hruai a, Damaska khua a chun an ṭhui a. Ni inthumka chu Saula chun ihom a fâkin a in naw a.

Ma zoi chun mi khatka Kristian Ananani an iti hniangah chun Pathian a hong inlâr a, “Saula hniangah va rawh, khawhmual a hmu thei nawkna dingin a lu chunga chun ni kut innghat rawh,” a ti a. Changhomsiala Anannia chun, “Lalpa, ani chun Kristianhei a hnuamhen ṭhin ti ke hawi,” a ti a. Pathian chun, “Ringloi mihei hnianga ki rihming chawi lûttu dinga ki ruat a chang, ki rihming leiin i angkata harsatna mawh ala tuar ding a hniangah lân hawitir ke tih,” a ti a.

Kachun Anania chu Saula hnianga chun, “Ni mit a hong vâr thei nawkna ding nih Thlarau Thianghlim sipa ni om theina dingin lampuia ni itong Isua han ani hong itir ke chang,” a ti a. Saula mit chu a hong vâr nawk ta a. Chun Saula chun baptisma chang ta a. Bu a nêka a, a hong hrât nawk ta a.

“Isu chu Pathen Naupa a nizie chu Judahai lai chun a khêkpui ta nghâl a!” Kristienhai sukbohmang tumtu kha tuhin Kristien a hung ni ta hi ti’n mak an ti a. Isu chu Messia a ni takzet a nih ti hrilfiein Judahai chu an sêlpui a. Saula chu Paula ti a ko a hung ni ta a.

Voi tamka chu Juda heiin Saula chu that tumin an zong a, kul kot tina chun an inruang a. Changhomsiala ma thu chu Saula chun a loi hawi a, a chamhei chun an thuoi boi ta a. Zânka chu a chamheiin khawpui bang a chun bawmin an khâi a, an san suak ta a. Saula chu a rot a, Isua chanchin chu a hril sunzom ta tir a.

Saula chu zîrtîr hei hmu tumin Jerusalema chun a kal ta a, changhomsiala Kristianhei chun an loi ṭi a. Tawika hnung chun Kristian mi khatka Barnaba an iti chun an hnianga chun a va pui a. Damaska khua ah Saulan inhuai fêkan Isua chanchin a hril thu hei chu a hrilpui a. Mangka chai chun Saula chu an pom thei ta a.

Ringtu ṭhenka chu Isua Krista an ring leia hnuamhenna ṭi a, ram hla fêka tia Antiokeia rawhei chun Isua chanchin chu an hril tir a. Antiokei khua a mi tamka chu Juda an chang naw a, changhomsiala Isua Krista chu an hog ring tir a. Ma zoi chun Saula nih Barnaba chu Antiokei khua a chun an va a, Koihranhei chu an inhrâttir ta tir a. Antiokei khua a hin a chang ringtuhei chu Kristian an inti ṭanna chu.

Nika chu Antiokei khua a Kristianhei chu an ṭonginṭai a, bu an nghei lai mat chun Thlarau Thianghlimin “Barnaba nih Saula hi ki ina sin thaw dingin ni khaihrang pêk roi,” a ti a. Kachun Koihranhei chun Saula nih Barnaba chunga chun an kut innghatin an ṭonginṭai pêk a, Isua Krista chanchin ṭha hrilpu dingin an tir suak ta a. Hmun tina Isu chanchin an hril a, mi tamka chun Isua Krista chu an ring ta a.

Sinthawhei 8:3; 9:1-25; 11:25-26; 13:1-3 sûng aṭanga Bible thu lâk suak a chang.