30. Isuan Mipui Sâng Ringâka a Hrâi Thu

Isuan a zîtîrhei chu thu hril ding nih inzîrtîr dingin a tir suak a. An hong kîr chun an thilthawhei chu Isua an hong hril a. Chun hun tawika hnungin fianrialah inngham dingin a fial a, kachun rilonga chun an chuang a, an kal ta a.

Changhomsiala Isua nih a zîrtîrhei chu an hmu chun mipui tam fêkan an zui a. Va râl tiang loi lekhalin loi intongpui an tum a. Isua nih a zîrtîrhei chu va râl chu an tlung chun mipui tam fêkan an loi hmuk a.

Mipuihei chu nupang nih nâipang tin loiin sâng ringâka lai zet an chang. Isuan mipuihei chu a hmu in a khawngai ta êm êm a. A vêngpu om loi bera invai angkan a hmu a, Kachun anmani hei chu ân zîrtîr a, an damloinahei ân dam pêk a.

Khawhloi a hong chang chun a zîrtîrhei chun Isua chu an hril a, “Ei kawl hnâia hin khua a om naw leiin fâk ding an hmu theina dingin mipuihei hi inṭintir raw chu,” an ti a.

Changhomsiala Isuan, “Nangmanin fâk ding per oi,” a ti a. Zîrtîrhei chun, “Ma chu inkan mawh thawthei kin ti? Bai thlêk ringaka nih ngate inhnika chai kin nei,” an ti a.

Isuan mipuihei chu a hniangah a koi khawm a, zîtirhei hnianga chun mipuihei chu sawm ringâka ṭhaiin durba chunga inthungtir dingin thu a pêk a.

Chun, Isuan bai thlêp ringâka nih ngate inhnika chu a lâk a, rivân tiang enin mal a sawm a.

Chun, Isuan bai nih ngate chu a khoi a, zîrtîrhei chu a pêk a, chun zîrtîrhei chun mipuihei chu an sem a, an sem tir a, thlasam reng an thlâksam naw a. Mipuihei chun an fâk a, an khop pak a.

An fâk hlei chu zîrtîrhei chun an rût a, bawm rang sawm hlei inhnika a sip a. Fâk ding kapai ha baithlêp ringâka nih ngate inhnika inthoka hong suak a chang.

Mathaia 14:13-21; Marka 6:31-44; Luka 9:10-17; Johana 6:5-15 sûng aṭanga Bible thu lâk suak a chang.