50. Isu a Hong Kîr Nawkna Ding

Kum 2000 sûng mai a chang ta, Isua Krista Chanchin Ṭha inpuang dara a omna hi. Koihran hom a punga ân ṭhang hrât sa den a. Isuan khawvel tawp tika a hong nawkna ding thu a hril a chang. A la hong naw a chu a thiam chu a vong ṭhat a, a lân dik ding a chang.

Isua hong nawkna ding ei nghak sng hin Kristian hei chu ei damlai nihei hi thianginhlim nih Pathian mihei angkan ei nun hi ei hmang ding a chang. Isua khawvela a lênglai han “Mitin hnianga Lalram Chanchin Ṭha hi hril chang a ti a, ma zoi chun tawpna chu hong tlung a tih,” a ti a.

Mi tamkan Isua chanchin hi anla hawi nai naw a. Rivânah a kal taw hom han Isuan Chanchin Ṭha hi hril dar dingin ringtuhei hniangah chun mawphurna a pêk a. “Kal unla mi kapai zîrtîrah siam roi! Loia buhei chu insi dingin ân hmin tah,” a ti a.

Isuan “Siahlaw chu a pu hnêkin a roiinpui nawh, Keima leiin hnuamhen nih thatin om nin ti a. Khawvela hin harsa in om nin tih, changhomsiala huaiinsen vaikan om roi. Keiman Setana ki ngam tah! A Tawpa riin ringomin om roi, kachun sandamin om nin tih,” a ti a.

Isuan a zîrtîrhei hniangah khawvel tawp dân a lang chiangna dingin thephûng a hril a. “Pathian Lalram chu miin loiah buchi a the a, changhomsiala a in kârin a hmêlma a hong a, buchi laia chun hloi chu a thek ve a, kachun a kal khal ta a.”

Hloihei chu an hong lian chun sinthawpuhei chun an pu hnianga chun “Pu, loia han buchi ṭha nen thek a chang naw maw, butelemhei saw itena inthoka hong maw an chang?” an ti a. An pu chun, “Hmêlma in a loi ithek a chang chu,” ti in a thung a.

Sinthawpuhei chun, “Hloihei chu va phawi kin ti bei? ti in an indon a. Anpu chun, “Phawi naw roi, nin phawi chun buchi ṭha hei chu phawi sa nin tih. Bu chîl hun a riin nghâk roi, chun hloihei chu têl unla hâl roi, buchi ṭha hei raw chu ki inah hong chawi roi,” a ti a.

Ma thu chu zîrtîrhei chun an hawi thiam naw a, Isua hniangah chun, “Ma thephung chu ni hrilfia rawh,” an ti a. Isuan an hniangah,”Buchi ṭha inthepu chu Messia a chang, loihei chu khawvel hi a chang. Chi ṭha chu Pathian ram mihei chu an chang.”

“Hloi hei chun misual ân entir a, Hmêlma hloi tupu ha Setana a chang. Bu chil chu khawvel tawp hi a chang a. Chun bu insipuhei chu vântirkoi hei an chang.”

Khawvel tawp tik chun Setana tianga ṭang kapai chu bûmkhawm an ti a, mei thi thei loia chun pai rît chang an tih. Ma hmuna chun ṭap nih ha inrawtna chu om a tih. Mifel hei rawchu an Pa Lalrama chun ni angkan inêng tang an tih,” a ti a.

Rivân tiang chun Isua chu a kîr nawk ta a, a kîr nawk angka dên han rinênga hin taksa inpu in a hong kîr nawk ding a chang, a ti a. Isua dên chun a hong kîr nawk tik chun Kristian loi thi tâkhei kapai chu thlân aṭangin hong thoi nawk an ti a, boiruak a khin loi don an tih tiin thu a intiam sai a chang.

Kristian dama la loi omhei chun a rualin boruak a khin Isua tong dingin kal an ti a, Kristian hei chu chatuanin Isua hniangah om tâng an tih. Isua a chun ami hei chu chatuanin omkhawm tâng an tih.

Kristianhei chu hringna lallukhum chu pêk chang an tih. Thi hnina hremhmun chu tong ta naw nh. Tong nawk hnêkin Pathian rêk chatuanin om ta zawk an tih.

Changhomsiala Isua ringloi hei chu Pathianin an chungah roi rêl a ti a. chatuanin meidila pai chang tang an tih. Meidila chu mihei chu ṭap nih ha inrawtin om tang an tih. Chun mei thi thei loi chun kâng a ti a, a ringe thi thei loi chun fa tâng a tih.

Isua chun Setn lalram chu isepêk rît a ti a, chatuana meia kang dingin meiah pailût sa dên a tih.Thina hom meiah pai lût chang sa dên a tih.

Evi nih Adama sualna leiin Pathianin thil siam kapai rinêng nih riv^an chu ṭongsia inphurin la se rît a tih. Isuan rinêng thar nih rivân thar soisêl ding boi chu la siam a tih.

Isuan chatuan chatuanin roirêl a tih. Mirithli kapai chu hrufâi a ti a, thina om nawk ta naw nih, lungainahei ṭapna hei, sualna nih natna hei hom om ta ngâi naw nih. A Lalram chu thlamuangna nih felna in roirêl a ti a, a mihei hniangah chatuanin om tâng a tih.

A Bible story from: Matthew 24:14; 28:18; John 15:20, 16:33; Revelation 2:10; Matthew 13:24-30, 36-42; 1 Thessalonians 4:13-5:11; James 1:12; Matthew 22:13; Revelation 20:10, 21:1-22:21