34. Isuan Chanchin Dang Dang Ân Zîrtîr Thu

Isuan Pathian Lal ram Chanchin thu, Chanchin tamkan a hril a. “Pathian Lal ram chu hmeṭam malka miin a lâk a, a loia a the angka chu a chang, ma chu thlâi chi laia a chik chem a chang,” a ti a.

“Changhomsiala a hong mawng insâng chun thlâi danghei hnêkin a hong lian ta a, kachun thing a hong chang ṭhin. Chunga vate hei chu an hong a, a zâra hei chun ribu an khuar ṭhin,” a ti a.

Isuan chanchin dang a hril nawk a, “Pathian Lal ram chu nupangin chol a lâk a, baiphit intana tekhawng ṭhenka rêk a chokpol a, a rêngka a puam hmâka a i pol chu a chang.

“Pathian Lal ram chu loia roi phûm rûk angka chu a chang. Ma chu mi in a hmu a, a thup dai a. A lawm leiin a kal a, a nei kapai a va zuar a, ma loi chu a chaw ta a.”

“Pathian Lal ram chu sumdawng mi artetuirikaw ṭha fêka a zong angka chu a chang. Ani chun artetuirikaw ṭha fêka chu a hmu a, a nei kapai chu a zuar a, a chawna ta a.”

Chun Isuan miin a thilthaw ṭhathei chu a suang a, mi danghei a hmusit thu a hril a. “Mi inhnika Temple ah ṭonginṭai dingin an fê a. Khatka chu sakhua hoitu a chang.

“Sakhua hoitu chu mangka hin a ṭonginṭai a, “Lalpa mi danghei ma suamhmanghei, mifel loihei, uirehei nih siakhontu hei angka hom hi ki chang nawh.”

“Hapta tin voi inhni bu ki nghei ṭhin a, ki thilnei kapai sawmapakhat ke pe ṭhin.”

Changhomsiala Silawrtu chu hla fêkati a a ngîr a, rivân tiang hom en ngam loiin, a ṭâng inchumin a ṭonginṭai a, “Pathian misual ke chang hi, ki chungah za ne ngai pêk rawh.”

Chun, Isuan, “Thudik nangni ke hril hi, siakhontu chu ngaidamin in tiang a kîr a, sakhua hoitu raw chu ngaidam a chang ve nawh. Inngaihlu taphot chu tlawm an ti a, inngaitlawm taphot chu chawimawiin om an tih,” a ti a.

Mathaia 13:31-33,44-46; Marka 4:30-32; Luka 13:18-21; 18:9-14 sûng aṭanga Bible thu lâk suak a chang.