16. Sansuokpu hei chu

Josua thi hnungin Pathian chungah an hel tan a. Kanan mi omhei chu inhnot sauak loiin an om a, Pathian dânhei hom chu an zawm chuang lem naw a. Pathian tak Jehova chu biak loiin an pathian hei chu an biak zawk a. Lal an hruai ding an nei naw leiin mitinin mani tha ti aw in an kal om ta a.

Mangkata thu awi loia an om lei nih an hel lei chun Israel hei chu an hmêlma heiin an awi awia an thaw theina dingin Pathianin a hrem hoi ta a. An hmêlma hei chun an thil nei hei chu an rûk pêka, an siat pêk a, mi tamka hom an that a. Kum tamka a hong liam hnung chun Israelhei chun an insualna hei chu an sima, a sansuak dingin Pathian den chu an koi ta a.

Kachun hmelma hei laka sansuak dingin Pathianin a sansaukpu ding nih an rama thlamuangna a om theina dingin rem a ruat pek nawk ta a. Changhomsiala mipui hei chun Pathian chu an inhnila, milem chu an biak nawk ta a. Maleia chun a kawla an hmelma Midian mihei chu anmani doi ding nih inhne dingin rem a ruat nawk a.

Midian mihei chun kum sari sunga Israelhei loi inhma an ihmusuak kapai nih thlai an inchinghei chu an lak pek rit a. Midian miheiin an hmu an inlai leiin pûka hei chun an bik a. A tawpa chun anmani sansuak dingin Pathian den chu an koi nawk a.

Nika chu Gideona an iti mi khatka chu Midiam heiin a buhei chu an lak pek an lai leiin Grep sawrna khura chun a rukin bu a khawnga. Pathian Vantirkoi chu Gideona hnianga chun a honga kahin a hong ti a, “Nang mi hrat nih mi huainsen, Pathian chu ni hnianga a om. Kal inla, Israelhei chu Midian hei lak atangin va sansuak rawh,” a ti a.

Gideona hnianga chun Pathianin a pa milem chu inkhoi dingin a ti a. Gideona chun mihei chu a ti leiin zan a zinga riin a nghaka. Kachun milem chu a khoia, a nawitir nenga. Milem an siana hmun chia chun maichâm a bawl a, Pathian hnianga chun inthawina an hlan ta a chang.

A tuka chun mipui hei chun milem chu koi neng nungkan an hei hmu chun an ning a thik ta fe a. That dingin Gideona ina chun an hang a. Gideona pa chun, “I ding mawh nin pathian hei chu tangpui nin tum? Pathian a chang inte anmani nih anmani inveng mai an ti niang!” a ti a. Kachun Gideona chu a sanhim ta a.

Malai chun Israelhei thil inru pek dingin Midian hei chu an hong nawk a. An tam zia chu tinseng reng an chang nawh. Gideona chun anmani hei chu doi dingin Israel hei chu a koi khawm a, Iasrel hei sansuak dingin Pathianin a hmang tum ngei ti hawina dingin sininsiana nhnika Pathian hnianga chun a hni a.

A pakhatna a chun Gideonan rineng chunga chun puan a tha a, Rineng chunga chang loiin puan chunga chun Pathianin zing ridaw loi inthlatir dingin a ngen a. Mangka chia chun Pathianin a thaw pek a. A zing nawka chun puan chunga chang ta loiin rineng chunga chun thla dingin a ngen nawk a. Mangkachia den chun Pathianin a thaw nawk a.

Israel sipai 32,000 chu Gideona hnianga chun an honga. Changhomsiala Gideona chun ma kapai hi chu an tam luat Pathianin a ti a. Kachun indoina a tang ngam loi mi 22,000 chu Gideona chun an krtir ta a. Pathian den chun Gdeona hnianga chun an la tam vu nai a ti a. Kachun Gideona chun mi 300 ti chai loi chu intiang an kirtir nawk ta rit a.

Chun ma zan chun Pathianin Gedeona hniangah, “Zânah Midian hei riakna a chun zung inla, an loi tong rihai ni hawi tik pai chun ti ta naw tun,” a ti a. Kachun ma zan chun Gedona chu Midian hei riakna hmuna chun zu ta a. Midian siapai khatkan a rimang a champa hniangah a loi hril lai tak chu a zu hawi ta a. A champa chun ma rimang omzia chu Gedeonan Midianhei a hne ding thu a chang chu,” a ti a. Gideona chun Pathua chu chibai a buk ta a.

Kachun Gideona chu a sipai hei hniangah chun a kir nawk a, sipai hei hniangah chun an dina tawtawrawt nih pilbel nih meiser chu a pek tianga. Midian sipai hei riakna chu an inhual khuma, siapai 300 hei chun an meiser hei chu Midian sipai heiin an hmu theiloi dan dingin an pilbela chun an thup tianga.

Kachun Gideona sipai hei chun an meiser an thupna pilbel hei chu an thuk khoi a, “Pathian nih Gideona khandai” ti in an tawtawrawt chu mutin an awng ta a.

Pathianin Midian hei chu an buai ta a, kachun anmanai nih anmani chu an in thaw ta zawk a. Voika rengin Israel sipai hei chu an ina inthok chun an koi suak a, Midian sipai hei chu an umthlur a. Mi tamka an that bak homa an rama inthokin an hnot suak a. Chun Midian sipai 120,000 chu an that a. Pathianin Israel hei chu an sansuak ta a.

Mipui hei chun Gideona chu an lal dingin siam an tum ta a. Gideona chun an thil ruat chu var fekan a hniala, changhomsiala an hmelma hei atanga poisa an ilakhei ha sem ve an tum hoi pak a. Gideona chun poisa tamka a hmu ta a.

Changrawchu Gideona chun inthlawthlâk fekan thil a thaw ta a, ma poisa chun milem a siam a, mipui hei chu Pathian atangin an pet nawk rek a. Gideonan milem a siam chu an biak a. Pathianin milem an biak leiin Israel hei chu a hrem nawk a. An hmelma heiin an hong doi hne nawk a. Pathian hnianga anmani tangpui dingin an hong hni a, kachun Pathianin sansuakpu dang a hong tir nawk a.

Mangkata thil thi hmun tamka tia nih voi tamka tia a tlung ta a: Israel hei chu an insual fe a, Pathianin an hrem a, an hong sim nawk thin a, Pathianin a sansuak nawk tir a. Kum tamka sung han hmelhma hei atang chun Israel chu sansuak dingin sansauktu a hong tir thin a.

A tawpa chun hnam dang heiin an nei angkan nei ve dingin Pathian hniangah lal an hni a. Indoina a inhruai thei, mi dung insang nih hrat an dit a. Pathianin mangkata an hnina chu a dit naw fe a, changrawchu an thil hni chu a pe ta tho a chang.

Rorêltuhei bung 1-3; 6-8 sûng aṭanga Bible chanchin lâk suaka a chang.