49. Pathian Thuthlung Thar

Vântirkoi in nunghak thiangiinhlim Mari hnianga chun nâi ipa a nei ding thu a hril a. Nunghak thianginhlim a chang lai chun Thlarau Thianginhlim chun a hliakhu a, a râi ta a. nai ipa neiin a rihming Isua a sak ta a. Kachun Isua chu Pathian nih mihriam a fawm a.

Isua chun Pathian a chang leiin thilmak tamka a thaw a. Tui chungah pheiin a kal a, thlipui a hal a an mong a, damloi tamka ân dam a, khawhrihei a hnot suak a, mithi hei a thoi a, baiphêk inhnika nih ngate ringakan mipui 5,000 lai a hrâi a.

Isua chu zîrtîrtu lian a chang. Nangma nên hmangai angka denin ni tualbawmhei hom ne hmangai ding a chang ti ân zîrtîr a.

Thil dang kapai hnêkin ni thil neihei , nên chongna hei chun Pathian ne hmangai ding a chang ti ân zîrtîr s den a.

Isuan khawvela thil kapaihei hnekin sandamna hi a hlu zawk a ti a. Mitin ta dingin Pathian ram mi chang hi a ṭha chem a chang. Pathian rama lût ding chun ni suala inthokin sandam ni chang a ṭul.

Mi kapaihei chun ama chu ring naw ni a, sandam hom chang chuang naw nih ti in ân zîrtîr a.Sandam chang loi hei chu khawvel tawpa inhruai chang an ti a, chatuan meidîla a om ding thu ân zîrtîr a.

Isuan Pathianin misualhei a hmang êm êm zia ân zîrtîr a, Anmani hei chu ngaidam ding nih a nâia siam dingin itik lai paiin an ning mai ti ân zîrtîr a.

Isuan khawvela mi kapai hei chun thil a n thaw sual rît a, Pathian aṭangin ṭhen an chang ta a. Sualna leiin mi kapai hi Pathian hmêlma an hong chang ta a. Pathianin sual hi ân tir ti ân zîrtîr a.

Pathianin khawvel hi a hmangai êm êm a, maleiachun a Nâipa neisûn a pêk a, ama chu tupai a ring ta phot chu hremhmuna kal naw ni a, chatuanin a hniangah an om theina dingin.

Nên sualna leiin thiamloi ni chang ta a. Thi thlâk ne chang. Pathian ningthikna hom tuar thlâk ne chang. Changhomsiala.Pathianin a ningthikna chu ni tuar aiin Isua chungah an tuartir ta a.Kraws chungah Isua a thi lai han hremna ni tuar ding ha aman nanga tuar pêk a chang.

Isua chun khawvel kapai nih ni sual la boi dingin sual kop loi nih dem kailoi chu inthawina chang dingin a thlang ta zawk a. Isua zârin i angka sualna hom changsiala ngaidam thei a chang.

Tuhom hilṭha thaw leia sandam chang an om nawh. I ihom thaw inla Pathian rêk nin kâr siamṭha thei chuang naw nih. Isua chu Pathian Nâipa a chang ti nih ni aiin Kraws ah chun a thi a chun Pathianin a kai thoi a chang ti ni ring hnung chain ni sualhei chu infâiin om a tih.

Mi tupai Isua chu ringa, ama Lalpa ah pompu hei chai chu sandamin om an tih, changhomsiala a ring loihei chu hnawlin om an tih. Nên chong mawh, ni châi mawh, ni nâiinpang mawh,ni tar mawh,nunghâk Tlanval chang hominla ngaisak chang chuang naw tun. Nangma rêk insûngka ni chang theina dingin Pathianin nanga hmangai a chang. Isua chu ring dingin nangan di.

Isua chu Messia Pathian Nâipa a chang ti ni ring maw? Misual ni chang a, Pathian hrem thlâk ne chang ti ni ring maw? Nên sualna hei chu la boi dingin Krawsa chun ni aiin a thi ti ni ring maw? Isuan ama chu ringa, baptisma chang a, a hnianga pan dingin nanga koi.

Ma thu hi ni ring chun Kristian ne chang. Setana lal ram zîng hnuaia inthokin Pathianin nanga sansuak ta a, Pathianin Êng Lal rama chun nangan ṭhungtir ta a chang. Thil hluihei chu a boi tâk a, Pathianin thiltharin nanga siam ta a chang.

Kristian ni chang chun Patianin Isua zârin ni sualhei chu nanga ngaidam ta a chang. Tun chun Pathianin hmêlma angkang nanga en tâk naw a, cham ṭha enin na ng en tâng a tih.

Pathian chamṭha chang ding nih Isua Krista siahlaw changin ân zîrtîrnahei chu ni zawm ding a chang. Kristian changhom inla sual rek nin lan doi mai ding a chang. Changhomsiala nên suala hei chu nên puanga, ngaidam nên hni chun sualhei doi thei diingin hrâtna nang pe dingin a ringom a chang.

Pathian chun ṭonginṭai ding nih a thu zira Kristian danghei rêk ama inpâk a, nita dinga thil a thawhei chu midanghei hniangah hril dar dingin nanga hril a chang.

Rom 3:21-26, 5:1-11; Johana 3:16; Marka 16:16; Kolosa 1:13-14; 2 Korinth 5:17-21; 1 Johana 1:5-10 sûng aṭanga Bible thu lâk suak a chang.