Joshua
Joshua 1
Joshua 1:1-3
Ania ti imbaga ni Yahweh kenni Josue nga aramidenna kalpasan iti ipapatay ni Moises?
Imbaga ni Yahweh kenni Josue a ballasiwenna ti Jordan ken idauloanna dagiti tattao ti Israel iti daga nga itedto ni Yahweh kadakuada.
Joshua 1:4-5
Apay a kinuna ni Yahweh nga awan uray maysa a makabael a tumakder a maibusor kenni Josue?
Kinuna ni Yahweh nga awan uray maysa ti makabael a tumakder a maibusor kenni Josue gapu ta addanto isuna kenni Josue kas iti pannakikaadda idi kenni Moises.
Joshua 1:6-7
Ania dagiti tallo a banag a kiniddaw ni Yahweh kenni Josue?
Kiniddaw ni Yahweh kenni Josue a pumigsa, tumured ken agtulnog iti linteg.
Joshua 1:8-9
Ania ti kiniddaw ni Yahweh kenni Josue nga utobenna iti aldaw ken rabii?
Kiniddaw ni Yahweh kenni Josue nga utobenna ti libro ti linteg iti aldaw ken rabii.
Joshua 1:10-11
Ania ti imbilin ni Josue nga aramiden dagiti mangidadaulo dagiti tattao?
Imbilin ni Josue kadagiti mangidadaulo dagiti tattao a bilinenda dagiti tattao a mangisaganada kadagiti taraonda tapno ballasiwenda ti Jordan iti tallo nga aldaw.
Joshua 1:12-13
Ania dagiti dua a banag a kinuna ni Josue nga imbaga ni Moises nga imbilin ni Yahweh kadagiti Rubenita, Gadita ken iti kagudua a tribu ti Manases a laglagipenda?
Dagiti dua a banag a kinuna ni Josue nga imbaga ni Moises nga imbilin ni Yahweh kadagiti Rubenita, Gadita ken iti kagudua a tribu ti Manases a laglagipenda ket “It-ited kadakayo ni Yahweh a Diosyo ti nabatbati, ken it-itedna kadakayo daytoy a daga.”
Joshua 1:14-15
Ania ti imbaga ni Josue kadagiti Rubenita, Gadita ken iti kagudua a tribu ni Manases nga aramidenda?
Imbaga ni Josue kadagiti Rubenita, Gadita ken iti kagudua a tribu ni Manases nga ibatida dagiti assawa, annak ken tarakenda iti daga nga inted ni Moises kadakuada iti ballasiw ti Jordan, ngem masapul a ballasiwen dagiti mannakigubat a lallaki ti Jordan ket tulonganda dagiti kakabsatda.
Joshua 1:16-18
Kasano a simmungbat dagiti tattao kadagiti bilin ni Josue?
Simmungbat dagiti tattao kadagiti bilin ni Josue a kinunada nga aramidenda ti kinunana nga aramidenda ken mapan iti sadinoman nga imbagana a papananda.
Joshua 2
Joshua 2:1-3
Sadino ti nakasarakan dagiti dua nga espia manipud Settim iti pagdagusanda idi imbaon ida ni Josue tapno siimenda iti daga?
Nakasarak dagiti dua nga espia iti pagdagusan iti balay ti maysa a balangkantis nga agnagan iti Rahab.
Joshua 2:4-7
Ania ti inaramid ni Rahab iti dua nga espia idi immay dagiti tattao ti ari a mangsapsapul kadakuada?
Idi immay kenni Rahab dagiti tattao ti ari a mangsapsapul kadagiti espia, inlemmengna ida.
Ania ti kinuna ni Rahab kadagiti tattao ti ari?
Kinuna ni Rahab kadagiti tattao ti ari nga adda idi sadiay dagiti espia, ngem nakapanawdan.
Joshua 2:8-9
Apay nga imbaga ni Rahab kadagiti espia ti makagapu nga inlemmengna ida?
Imbaga ni Rahab kadagiti espia nga inlemmengna ida gapu ta namati isuna nga inted ni Yahweh kadakuada ti daga.
Joshua 2:10-11
Ania ti kinuna ni Rahab a makagapu a namati isuna nga ited ni Yahweh kadagiti Israelita ti daga?
Kinuna ni Rahab a namati isuna nga ited ni Yahweh kadagiti Israelita ti daga gapu ta nagmaga ti danum iti Natay a Bayabay a nangpalubos kadakuada a makalibas manipud Egipto, ken dinadaelda dagiti ari dagiti Amorreo.
Joshua 2:12-13
Ania ti kiniddaw ni Rahab kadagiti espia nga aramidenda?
Kiniddaw ni Rahab kadagiti espia a maasida ken palubosanda isuna ken ti pamiliana inton umayda alaen ti daga.
Joshua 2:14-17
Ania ti inkari dagiti espia kenni Rahab?
Ingkari dagiti espia kenni Rahab a maasi ken napudnodanto kenkuana no saanna nga ibaga ti rantada.
Joshua 2:18-22
Ania ti kiniddaw dagiti espia kenni Rahab nga aramidenna tapno natalgedto isuna?
Kiniddaw dagiti espia kenni Rahab a mangikabil isuna iti nalabaga a tali iti tawana ken ummongenna ti sibubukel a pamiliana iti uneg ti balayna.
Joshua 2:23-24
Ania ti impadamag dagiti espia kenni Josue idi nagsublida manipud iti siudad ni Rahab?
Imbaga dagiti espia kenni Josue dagiti amin a napasamak, ken it-ited ni Yahweh kadakuada ti daga.
Joshua 3
Joshua 3:2-4
Ania ti imbaga dagiti opisial kadagiti tattao a surotenda idi inawit dagiti Levita a padi daytoy?
Imbaga dagiti opisial kadagiti tattao a surotenda ti lakasa ti tulag idi inawit dagiti padi a Levita daytoy.
Apay nga imbaga dagiti padi kadagiti tattao nga agtalinaedda iti agarup 2000 a kasiko iti likudan ti lakasa ti tulag?
Imbaga dagiti padi kadagiti tattao nga agtalinaedda iti likudan ti lakasa tapno makitada no ania a dalan ti papananda agsipud ta saanda pay a pulos a nagnaan dayta a dalan.
Joshua 3:5-6
Ania ti kinuna ni Josue nga aramiden ni Yahweh kadagiti tattao iti dayta nga aldaw?
Kinuna ni Josue a mangaramid ni Yahweh kadagiti “nakakaskasdaaw” kadagiti tattao iti dayta nga aldaw.
Joshua 3:7-11
Ania ti imbaga ni Yahweh kenni Josue a kunaenna kadagiti papadi inton addadan iti Karayan Jordan?
Imbaga ni Yahweh kenni Josue nga ibagana kadagiti papadi nga agtalinaedda a sitatakder iti Karayan Jordan.
Joshua 3:12-13
Ania ti imbaga ni Yahweh kenni Josue nga ibagana kadagiti tattao a mapasamak no nasagid dagiti dapan dagiti padi a mangaw-awit iti lakasa ti Karayan Jordan?
Imbaga ni Josue kadagiti tattao a magudua dagiti danum no masagid dagiti dapan dagiti padi a mangaw-awit iti lakasa ti karayan.
Joshua 3:14-16
Sadino ti nagballasiwan dagiti tattao iti Karayan Jordan?
Binallasiw dagiti tattao ti Jordan iti asideg ti Jerico.
Joshua 3:17
Ania ti inaramid dagiti padi a mangaw-awit iti lakasa ti tulag kabayatan nga agbalballasiw dagiti tattao?
Nagtalinaed dagiti padi a mangaw-awit iti lakasa ti tulag iti tengnga ti Karayan Jordan iti rabaw ti namaga a daga kabayatan nga agbalballasiw dagiti tattao.
Joshua 4
Joshua 4:1-5
Ania ti imbaga ni Yahweh kenni Josue nga ibilinna kadagiti 12 a lallaki manipud iti Jordan?
Imbaga ni Yahweh kenni Josue a bilinenna dagiti 12 a lallaki a mangalada iti 12 a bato manipud iti namaga a daga iti tengnga ti Jordan a pagtaktakderan dagiti padi, ken iyegda dagitoy iti lugar a pangpalabasanda iti rabii.
Joshua 4:6-7
Ania ti kinuna ni Josue a panggep iti panangala kadagiti bato iti lugar a pangpalabasanda iti rabii?
Agbalin nga agnanayon a pakalaglagipan dagiti bato a mangipalagip kadagiti tattao ti Israel iti inaramid ni Yahweh.
Joshua 4:8-11
Sadino ti nangisimpaan ni Josue iti munomento iti 12 a bato?
Nangisimpa ni Josue iti munomento iti 12 a bato iti nagtakderan dagiti padi iti rabaw ti namaga a daga idiay Karayan Jordan.
Joshua 4:12-16
Manu a lallaki a sisasagana a makigubat ti limmabas iti imatang ni Yahweh idiay kapatadan ti Jerico?
Agarup 40,000 a lallaki a sisasagana a makigubat ti limmabas iti imatang ni Yahweh kadagiti kapatadan ti Jerico.
Joshua 4:17-18
Ania ti napasamak idi simmang-at dagiti padi a mangaw-awit iti lakasa ti tulag manipud iti Karayan Jordan?
Idi simmang-at dagiti padi manipud iti Karayan Jordan, nagsubli dagiti danum iti lugar dagitoy.
Joshua 4:19-21
Sadino ti nangipatakderan ni Josue kadagiti bato a naggapu idiay Jordan?
Impatakder ni Josue idiay Gilgal dagiti bato a naggapu idiay Jordan.
Joshua 4:22-24
Apay nga imbaga ni Josue kadagiti tattao nga ibagada kadagiti annakda ti inaramid ni Yahweh para kadakuada idiay Jordan?
Imbaga ni Josue kadagiti tattao nga ibagada kadagiti annakda ti inaramid ni Yahweh para kadakuada idiay Jordan tapno maammoan dagiti amin a tattao iti lubong a nabileg ti ima ni Yahweh.
Joshua 5
Joshua 5:1
Ania ti napasamak kadagiti puso dagiti ari dagiti Amorreo ken dagiti Cananeo idi nangngegda no kasano a pinagmaga ni Yahweh dagiti danum ti Jordan agingga a nakaballasiw dagiti tattao ti Israel?
Idi nangngeg dagiti ari dagiti Amorreo ken dagiti Cananeo no kasano a pinagmaga ni Yahweh dagiti danum ti Jordan, narunaw dagiti pusoda ken awanen a pulos ti espiritu kadakuada.
Joshua 5:2-5
Ania ti imbilin ni Yahweh kenni Josue nga aramidenna kadagiti imuko a naaramid manipud kadagiti batbato?
Imbilin ni Yahweh kenni Josue a kugitenna dagiti amin a lallaki ti Israel.
Joshua 5:6-9
Apay a nabilin ni Josue a mangkugit kadagiti amin a lallaki ti Israel?
Nabilin ni Josue a mangkugit kadagiti amin a lallaki ti Israel gapu ta saan pay a nakugit dagiti lallaki a naiyanak bayat ti panagalla-allada idiay let-ang.
Joshua 5:10-11
Ania ti nginilin dagiti tattao ti Israel iti maika-14 nga aldaw iti bulan, iti rabii, idiay kapatadan ti Jerico?
Nginilin dagiti Israelita ti Piesta ti Ilalabas iti maika-14 nga aldaw iti bulan, iti rabii, idiay kapatadan ti Jerico.
Joshua 5:12
Ania ti nagsardeng iti aldaw kalpasan a nangan dagiti tattao ti Israel iti apit ti daga?
Nagsardeng ti manna iti aldaw kalpasan a nangan dagiti tattao ti Israel iti apit ti daga.
Joshua 5:13
Siasino ti nasabat ni Josue nga agtaktakder iti sangoananna iti asideg ti Jerico?
Nasabat ni Josue iti lalaki a siiiggem iti naasut a kampilan.
Joshua 5:14-15
Ania ti kinuna ni Josue iti lalaki nga adaan iti nauksot a kampilan?
Kinuna ni Josue iti lalaki nga adaan iti naasut a kampilan, “Sika kadi ket para kadakami wenno para kadagiti kabusormi?”
Ania ti imbaga ti lalaki nga addaan iti naasut a kampilan a kinasiasinona?
Imbaga ti lalaki nga addaan iti naasut a kampilan kenni Josue nga isuna ti mangidadaulo iti armada ni Yahweh.
Ania ti imbaga iti mangidadaulo ti armada ni Yahweh kenni Josue nga aramidenna?
Imbaga ti mangidadaulo iti armada ni Yahweh kenni Josue nga ikkatenna dagiti sandaliasna, gapu ta adda isuna iti nasantoan a daga.
Joshua 6
Joshua 6:1-2
Ania ti ingkari ni Yahweh kenni Josue maipanggep iti Jerico?
Ingkari ni Yahweh kenni Josue nga itedna ti Jerico iti imana.
Joshua 6:3-4
Mamin-ano a daras a magna dagiti tattao ti Israel iti aglawlaw ti pader ti Jerico iti las-ud iti umuna nga innem nga aldaw?
Magna dagiti tattao ti Israel iti aglawlaw ti pader ti Jerico iti maminsan a daras iti tunggal aldaw iti las-ud ti innem nga aldaw.
Joshua 6:5-9
Ania ti imbaga ni Yahweh nga aramiden dagiti tattao iti maikapito nga aldaw?
Imbaga ni Yahweh kadagiti tattao a magnada iti aglawlaw ti Jerico iti pito a daras iti maikapito nga aldaw, ken pagunien iti napigsa dagiti padi dagiti trumpetada.
Ania ti kinuna ni Yahweh a mapasamak no aramiden dagiti tattao ti Israel ken dagiti padi daytoy?
Kinuna ni Yahweh a marba ti pader iti aglawlaw ti Jerico no aramiden dagiti tattao ken padi daytoy.
Joshua 6:10-16
Ania ti imbilin ni Josue kadagiti tattao a saanda nga aramiden agingga iti maikapito nga aldaw?
Imbilin ni Josue kadagiti tattao a saanda nga agpukkaw agingga iti maikapito nga aldaw.
Joshua 6:17-19
Siasino ti imbaga ni Josue a palubosan dagiti tattao nga agbiag inton ited ni Yahweh ti siudad kadakuada?
Imbaga ni Josue kadagiti tattao a palubosanda nga agbiag ni Rahab ken dagiti amin nga adda iti balayna gapu ta inlemmengna dagiti espia.
Ania dagiti banbanag nga imbaga ni Josue kadagiti tattao a nasantoan kenni Yahweh ken masapul a maikabil iti pagiduldulinan iti gameng?
Imbaga ni Josue kadagiti tattao a nasantoan kenni Yahweh dagiti banbanag a naaramid manipud iti pirak, balitok, landok ken tanso ken masapul a maipan dagitoy iti pagiduldulinan iti gameng.
Joshua 6:20-21
Ania ti inaramid dagiti tattao ti Israel idi narba dagiti pader ti Jerico?
Sinakup dagiti tattao ti Israel ti siudad ken dinadaelda dagiti amin nga adda iti siudad babaen iti tadem ti kampilan.
Joshua 6:22
Ania ti imbilin ni Josue nga aramiden ti dua nga agtutubo a lallaki a nagsiim iti dayta a daga?
Imbilin ni Josue iti dua nga espia a sumrekda iti balay ti balangkantis ket irruarda isuna ken dagiti amin a kaduana, a kas ingkarida kenkuana.
Joshua 6:23-25
Siasino ti inruar dagiti dua nga espia iti siudad sakbay a napuoran daytoy?
Inruar dagiti dua nga espia ni Rahab ken dagiti amin a pamiliana sakbay a dinadaelda ti siudad, a kas insapatada nga aramiden.
Joshua 6:26-27
Ania ti kinuna ni Josue a mapasamakto iti tao a mangpadas a mangbangon manen iti Jerico?
Kinuna ni Josue a mailunodto ti tao a mangpadas a mangbangon manen iti Jerico.
Joshua 7
Joshua 7:1
Apay a simged ti unget ni Yahweh kadagiti tattao ti Israel?
Simged ti unget ni Yahweh kadagiti tattao ti Israel gapu ta nangala ni Acan iti sumagmamano a banbanag a nailasin a madadael.
Joshua 7:2-3
Ania ti impadamag dagiti espia nga imbaon ni Josue idiay Ai kenkuana?
Impadamagda dagiti espia a naibaon idiay Ai kenni Josue a bassit laeng nga armada ti mangsakup iti Ai gapu ta bassit laeng dagiti tattao sadiay.
Joshua 7:4-5
Ania ti napasamak iti basbassit nga armada a tallo a ribu a lallaki a nangraut iti Ai?
Pinagsanud dagiti lallaki ti Ai ti basbassit nga armada a nangraut iti Ai ken napapatay ti tallo pulo ket innem.
Joshua 7:6-9
Ania ti inaramid ni Josue idi naammoanna ti pannakaparmek ti armadana idiay Ai?
Ania ti inaramid ni Josue idi naammoanna ti pannakaparmek ti armadana idiay Ai? Idi naammoan ni Josue ti pannakaparmek dagiti armadana idiay Ai, rinay-abna ti pagan-anayna, inikkanna iti tapok ti ulona ken nagpakleb iti sangoanan ti lakasa.
Joshua 7:10-12
Ania ti imbaga ni Yahweh kenni Josue a makagapu no apay a naparmek ti armadana idiay Ai?
Ania ti imbaga ni Yahweh kenni Josue a makagapu no apay a naparmek ti armadana idiay Ai? Imbaga ni Yahweh kenni Josue a naparmek ti armadana gapu ta nagbasol ti Israel babaen iti panagtakaw iti sumagmamano a banbanag a nailasin a madadael.
Joshua 7:13
Ania ti imbaga ni Yahweh kenni Josue nga aramidenna?
Imbaga ni Yahweh kenni Josue a tumakder ken pasantoenna dagiti tattao tapno itedda dagiti banbanag a nailasin a madadael.
Joshua 7:14-18
Ania ti kinuna ni Yahweh a mapasamak iti tao a nangtakaw kadagiti banbanag a nailasin a madadael?
Kinuna ni Yahweh mapuoranto ti tao a nangtakaw kadagiti banbanag a nailasin a madadael kasta met dagiti amin nga adda kenkuana.
Joshua 7:19-23
Ania ti imbaga ni Acan kenni Josue nga innalana?
Imbaga ni Acan kenni Josue nga innalana ti maysa a napintas a kagay, dua gasut a siklo ti pirak, ken maysa a barreta ti balitok.
Joshua 7:24
Sadino ti nangipanan ni Josue ken dagiti amin nga Israel kenni Acan ken amin nga adda kenkuana?
Impan ni Josue ken dagiti amin nga Israel ni Acan ken amin nga adda kenkuana iti tanap ti Acor.
Joshua 7:25-26
Ania ti napasamak kenni Acan?
Naipan ni Acan, ti pamiliana, ti baka, dagiti asno, karnero ken ti toldana iti Tanap ti Acor a nakapuoran ken nakabatoanda.
Ania ti napasamak iti sumsumged nga unget ni Yahweh?
Bimmaaw ti sumsumged nga unget ni Yahweh.
Joshua 8
Joshua 8:1-2
Ania ti imbaga ni Yahweh nga aramiden ni Josue tapno masakupna ti siudad ti Ai?
Imbaga ni Yahweh kenni Josue nga ikuyogna idiay dagiti amin a tattao a mannakigubat ken mangaramidkayo iti pagsaneban iti likudan ti siudad.
Ania ti aramiden dagiti tattao iti sinamsam manipud iti Ai?
Imbaga ni Yahweh kadagiti tattao a mabalinda nga alaen ti sinamsam ken dagiti taraken nga agpaay kadakuada.
Joshua 8:3-7
Kaano nga imbaon ni Josue dagiti tallo pulo a ribu a napipigsa ken natutured a lallaki idiay Ai?
Imbaon ni Josue dagiti tallo pulo a ribu a napipigsa ken natutured a lallaki idiay Ai iti rabii.
Ania ti panggep ni Josue nga aramiden kadagiti tattaona inton makaasidegda iti siudad?
Inton makaasideg ni Josue iti siudad a kaduana dagiti tattaona ket rummuar dagiti tattao iti siudad tapno rumaut, tumaray dagiti tattao ni Josue a kasla idi damo.
Joshua 8:8-14
Ania ti aramiden dagiti tattao ni Josue iti siudad inton masakupda daytoy?
Inton masakup dagiti tattao ni Josue ti siudad, nasken a puorandanto daytoy.
Joshua 8:15-17
Ania ti inaramid dagiti lallaki ti Ai idi nagtaray ti armada ni Josue nga agturong iti let-ang?
Kinamat dagiti lallaki ti Ai ti armada ni Josue kabayatan ti panagtarayda nga agturong iti let-ang, agingga nga awan nabati a lalaki iti siudad.
Joshua 8:18-21
Ania a senyas ti imbaga ni Yahweh kenni Josue nga itedna kadagiti tattaona no nakasaganan isuna a mangsakup iti siudad?
Imbaga ni Yahweh kenni Josue nga ipaturongna iti Ai ti gayang nga iggemna.
Joshua 8:22-23
Siasino ti tiniliw a sibibiag dagiti lallaki ti Israel ken inyegda kenni Josue?
Tiniliw a sibibiag dagiti lallaki ti Israel ti ari ti Ai ket impanda isuna kenni Josue.
Joshua 8:24-26
Siasino ti dinadael ni Josue idiay siudad ti Ai?
Dinadael ni Josue dagiti amin a tattao ti Ai.
Joshua 8:27-28
Ania ti innala ti Israel manipud iti siudad ti Ai sakbay a pinuoranda daytoy?
Innala ti Israel dagiti taraken ken sinamsam, a kas imbilin ni Yahweh kenni Josue.
Joshua 8:29-35
Ania ti inaramid ni Josue iti ari ti Ai?
Inbitin ni Josue ti ari ti Ai iti kayo ket kalpasanna impuruakna ti bagina iti sangoanan dagiti ruangan ti siudad.
Joshua 9
Joshua 9:1-2
Ania ti inaramid dagiti ari nga agnanaed iti ballasiw ti Jordan iti katurodan a pagilian tapno makigubat kenni Josue ken iti Israel?
Nagsangsangkamaysa dagiti ari nga agnanaed iti ballasiw ti Jordan iti katurodan a pagilian iti maysa a bilin tapno parmeken ni Josue ken ti Israel.
Joshua 9:3-5
Siasino ti nagtignay nga addaan iti makaallilaw a panggep?
Nagtignay dagiti agnanaed idiay Gabaon nga addaan iti makaallilaw a panggep.
Ania ti makaallilaw a panggep dagiti agnanaed idiay Gabaon?
Nangala dagiti taga-Gabaon kadagiti rutrot a sako, daan a lalat a pagkargaan iti arak, natakupan a sandalias ken nagkawesda iti rutrot a pagan-anay, kinunada a naggapuda iti adayo a pagilian ket tinarigagayanda a makitulag kenni Josue gapu iti ar-aramiden ni Yahweh.
Kasano ti panangisagana dagiti taga-Gabaon a “mensahero” kadagiti bagbagida?
Nangala dagiti taga-Gabaon kadagiti rutrot a sako ket insakayda kadagiti asnoda. Nangalada kadagiti daan a lalat a pagkargaan iti arak, ken nangisuotda kadagiti natakupan a sandalias ken rutrot a pagan-anay. Nangalada pay iti namaga ken binuot a tinapay.
Joshua 9:6-13
Sadino ti kinuna a naggapuan dagiti taga-Gabaon idi dimtengda kenni Josue idiay Gilgal?
Kinuna dagiti taga-Gabaon a naggapuda iti adayo unay a pagilian.
Ania ti kayat dagiti taga-Gabaon nga aramiden dagiti tattao ti Israel?
Kayat dagiti taga-Gabaon a makitulag dagiti tattao ti Israel kadakuada.
Joshua 9:14-15
Ania ti saan nga inaramid dagiti Israelita?
Saan a nakiuman dagiti Israelita kenni Yahweh para iti pannarabay.
Ania ti ingkari ni Josue kadagiti tattao ti Gabaon?
Nakikapia ni Josue kadakuada ken nagsapata a palubosanna ida nga agbiag.
Joshua 9:16-17
Ania ti naammoan dagiti Israelita maipanggep kadagiti tattao manipud iti Gabaon kalpasan iti sumagmamano laeng nga aldaw?
Naammoan dagiti Israelita a dagiti tattao manipud iti Gabaon ket kaarrubada ken agnanaed iti asideg.
Joshua 9:18-19
Apay a saan a rinaut dagiti Israelita dagiti tattao ti Gabaon?
Saan a rinaut dagiti Israelita dagiti tattao ti Gabaon gapu ta nagsapatada maipanggep kadakuada iti sangoanan ni Yahweh.
Joshua 9:20-23
Apay a pinalubosan dagiti Israelita nga agbiag dagiti tattao ti Gabaon?
Pinalubosan dagiti Israelita nga agbiag dagiti tattao ti Gabaon gapu ta nagsapatada maipanggep kadakuada babaen kenni Yahweh a palubosanda ida nga agbiag
Ania ti inaramid dagiti taga-Gabaon nga agpaay kadagiti Israelita?
Nagbalin dagiti taga-Gabaon a para-balsig ken para-sakdo nga agpaay kadagiti Israelita.
Joshua 9:24-25
Ania ti makagapu nga imbaga dagiti taga-Gabaon kenni Josue no apay nga inallilawda isuna?
Imbaga dagiti taga-Gabaon kenni Josue a mabutbutengda unay para kadagiti bibiagda.
Joshua 9:26-27
Ania ti mapasamak kadagiti taga-Gabaon?
Inikkat ni Josue ida manipud iti pannakabalin dagiti Israelita ken pinagbalinna ida a para-balsig ken para-sakdo nga agpaay kadagiti tattao ken iti altar ni Yahweh.
Joshua 10
Joshua 10:1-2
Apay a nagbuteng dagiti tattao iti Jerusalem a nakikappia dagiti tattao ti Gabaon iti Israel?
Nagbuteng dagiti tattao iti Jerusalem gapu ta dakkel idi a siudad ti Gabaon, dakdakkel ngem iti Ai, ken amin dagiti lallakina daytoy ket nabibileg a mannakigubat
Joshua 10:3-4
Ania iti dinawat ti ari iti Jerusalem kadagiti dadduma nga ari nga aramidenda?
Dinawat ti ari iti Jerusalem kadagiti dadduma nga ari a sumang-atda a mapan kenkuana ken tulunganda isuna a mangraut iti Gabaon.
Joshua 10:5
Ania ti inaramid dagiti ari?
Simmang-atda ken amin dagiti armadada ket rinautda ti Gabaon
Joshua 10:6-7
Ania ti inaramid dagit tattao iti Gabaon idi nakitada dagiti amin nga ar-ari ken rmadada?
Nangipatulod iti mensahe dagiti tattao iti Gabaon kenni Josue tapno umay ken isalakanna ida.
Joshua 10:8-10
Ania ti imbaga ni Yahweh kenni Josue?
Imbaga ni Yahweh kenni Josue nga inyawatnan dagiti ar-ari kadagiti imana.
Joshua 10:11
Kasano a pinapatay ni Yahweh ti kaadduan kadagiti kabusor?
Nangitinnag ni Yahweh iti dadakkel a bato manipud langit nga isu iti nangpatay iti ad-adu ngem iti napapatay babaen iti kampilan dagiti lallaki iti Israe
Joshua 10:12-14
Ania ti imbaga ni Josue kenni Yahweh iti aldaw nga inted ni Yahweh ti balligi iti Israel?
Kinuna ni Josue kenni Yahweh, “Init, agsardengka idiay Gabaon, ken bulan idiay tanap iti Aijalon.
Joshua 10:15-19
Ania ti napasamak kadagiti lima nga ari?
Naglemmeng dagiti lima nga ar-ari iti rukib ti Makkeda
Joshua 10:20-25
Ania ti napasamak kadagiti armada dagiti ari?
Pinapatay dagiti Israelita ti kaadduan kadakuada. Sumagmamano laeng kadakuada ti nakalasat.
Joshua 10:26-39
Ania ti napasamak kadagiti lima nga ar-ari a naglemmeng iti rukib ti Makkeda?
Inyegda kenni Josue dagiti lima nga ar-ari a naglemmeng iti rukib ti Makkeda. Dinarup ken pinapatayda ida, imbitinda ida kadagiti lima a kayo inggana iti lumnek ti init, ket kalpasanna imbellengda ida idiay rukib.
Joshua 10:40-41
Ania ti inaramidda Josue ken ti armada ti Israel iti intero a daga a katurturodan a pagilian, ti Negeb, dagiti nababa a daga, ken dagiti sakaanan ti turod?
Sinakup ni Josue ken ti armada ti Israel dagiti amin nga ari ket awan uray maysa nga imbatida a nakalasat
Joshua 10:42-43
Apay a naballigi unay ni Josue a nangsakup kadagitoy amin nga ari ken dagiti dagada?
Naballigi unay ni Josue iti panangsakupna kadagitoy nga ari ken dagiti dagada gapu ta ni Yahweh a Dios ti Israel, ti nakiranget para iti Israel
Joshua 11
Joshua 11:1-3
Ania iti inaramid ni Jabin, nga ari iti Hazor, idi nangngegna ti maipapan iti panagballigi dagiti Israelita idiay Gabaon?
Nangipatulod isuna iti pakaammo kadagiti adu nga ari manipud iti rehion
Joshua 11:4-5
Ania iti sungbat dagiti ari iti pakaammo ni Jabin?
Kas sungbat iti pakaammo ni Jabin ket kimmuyog kadakuada nga immaay amin dagiti armadada ken nagsasarakda iti naikeddeng a tiempo ken nagkampoda iti ayan dagiti dandanum ti Meron tapno makigubatda iti Israel.
Ania iti pakaiyarigan dagiti bilangda?
Dagiti bilangda ket kasla iti kaadu iti darat iti igid ti baybay
Joshua 11:6-9
Sadino ti nakapasamakan iti gubat?
Naapasamak ti gubat idiay dandanum ti Meron
Ania iti imbaga ni Yahweh kenni Josue nga aramidenna no malpas ti gubat?
Imbaga ni Yahweh kenni Josue a pilayenna dagiti kabalioda ken puoranna dagiti karwaheda
Joshua 11:10-11
Ania iti inaramid ni Josue iti Hazor ken iti arina?
Pinuoran ni Josue ti siudad ken dinangranna ti ari babaen iti kampilanna
Joshua 11:12-13
Ania iti inaramid ni Josue iti nabatbati kadagiti ari ken kadagiti siudad a nakigubat iti Israel?
Tiniliw ni Josue dagit ari ken dinadaelna ida, ngem saanna a pinuoran dagiti siudadda
Joshua 11:14-17
Ania iti imbilin ni Moises nga aramiden ni Josue?
Imbilin ni Moises kenni Josue a patayenna amin a tattao
Inaramid kadi amin ni Josue dagiti imbilin ni Moises kenkuana nga aramiden?
Wen. Inaramid amin ni Josue dagiti imbilin ni Moises kenkuana nga aramidenna
Joshua 11:18-23
Ania laeng a siudad iti nakikappia iti Israel?
Ti laeng Gabaon a siudad iti nakikappia iti Israel.
Joshua 12
Joshua 12:1-5
Ania ti inaramid dagiti israelita iti daga idiay daya a paset ti Jordan?
Tinagikuada ti daga iti daya a paset ti Jordan a pagleggakan ti init.
Joshua 12:6
Siasino iti nangidaulo kadagiti tattao ti Israel idi pinarmekda dagiti tattao iti daya a paset ti Jordan?
Ni Moises nga adipen ni Yahweh iti nangidaulo kadakuada idi pinarmekda dagiti tattao iti daya a paset ti Jordan.
Joshua 12:7-20
Siasino iti nangidaulo kadagiti tattao iti Israel idi pinarmekda dagiti tattao iti laud a paset ti Jordan?
Ni Josue iti nangidaulo kadkuada idi pinarmekda dagiti tattao iti laud a paset ti Jordan.
Joshua 12:21-24
Manu nga ari ti pinarmek ni Josue ken dagiti Israelita iti daga nga inted ni Yahweh kadakuada?
Tallo pulo ket maysa amin nga ari ti sinakup ni Josue ken dagiti Israelita iti daga nga inted ni Yahweh kadakuada
Joshua 13
Joshua 13:1-5
Apay nga imbaga ni Yahweh kenni Josue nga adu pay dagiti daga a rumbeng a masakup?
Imbaga ni Yahweh kenni Josue nga adu pay dagiti daga a rumbeng a masakup gapu ta lakayen ken adun ti tawen na.
Joshua 13:6-7
Ania ti imbaga ni Yahweh kenni Josue nga aramidenna kalpasan a mapagtalawna dagiti agnanaed iti sangaonan ti armada ti Israel?
Imbaga ni Yahweh kenni Josue nga maibingay ti daga iti Israel a kas tawidenda a kas iti imbilin ni Yahweh
Siasino ti rumbeng a pakaibingayan ti daga?
Rumbeng a mabingay ti daga kas tawid dagiti siyam a tribu ken ti kaguddua a tribu ni Manases
Joshua 13:8-13
Sadino ti naawaten dagiti dua a sabali ken ti kaguddua a tribu a tawidda?
Ti kaguddua a tribu ni Manases, ti Rubenitas ken ti Gaditas ket naawatda dagiti tawidda idiay daya a ballasiw ti Jordan.
Joshua 13:14-21
Ania a tribu ti saan nga inikkan ni Moises iti tawid?
Saan nga inikkan ni Moises iti tawid dagiti tribu ni Levi.
Ania a tawid ti inted ni Moises kadagiti tribu ni Levi?
Inted ni Moises kadagiti tribu ni Levi ti “Dagiti daton a mapuoran para kenni Yahweh a Dios iti Israel” a kas tawidda
Joshua 13:22-33
Ania ti beddeng ti tribu ni Ruben?
Ti Karayan Jordan ti beddeng ti tribu ni Ruben
Joshua 14
Joshua 14:2-5
Ania dagiti dua a tribu a nangbukel iti tribu ni Jose?
Dagiti tribu ti Manases ken Efraim iti nangbukel iti tribu ni Jose
Joshua 14:6-7
Manu ti tawen ni Caleb idi imbaon isuna ni Moises nga adipen ni Yahweh nga agespia iti daga?
Uppat a pulo ti tawenna idi imbaon isuna ni Moises nga adipen ni Yahweh nga agespia iti daga manipud Kades Barnea.
Joshua 14:8-9
Ania ti insapata ni Moises nga itedna kenni Caleb?
Insapata ni Moises nga itedna kenni Caleb ti daga a nagnaan dagiti sakana a kas tawid para kenkuana ken kadagiti annakna iti agnanayon
Joshua 14:10-11
Manu ti tawen ni Caleb idi napan isuna kenni Josue?
Walopulo ket lima ti tawen ni Caleb idi napan isuna kenni Josue
Joshua 14:12-15
Ania ti dinawat ni Caleb nga ited ni Josue kenkuana?
Dinawat ni Caleb kenni Josue nga itedna kenkuana ti katurturodan a pagilian a kas tawidna.
Joshua 15
Joshua 15:1-4
Ania ti kaadayoan a paset iti abagatan a dimmanonan ti daga ti Juda?
Ti let-ang ti Sin ti kaadayoan a paset iti abagatan.
Joshua 15:5-6
Ania ti akindaya a beddeng ti daga ti Juda?
Ti Asin a Baybay ti akindaya a beddeng.
Joshua 15:7-10
Ania ti nagan ti siudad dagiti Jebuseo?
Jerusalem ti nagan ti siudad dagiti Jebuseo.
Joshua 15:11-18
Ania ti akinlaud a beddeng iti puli ti Juda?
Ti Dakkel a Baybay ken ti igidna ti akinlaud a beddeng iti puli ti Juda.
Joshua 15:19-62
Ania ti inted ni Caleb iti anakna, a ni Acsa, idi dinawatna daytoy?
Inted ni Caleb kenni Acsa ti akinngato ken akinbaba nga ubbog idi dinawatna daytoy.
Joshua 15:63
Ania a tattao iti Jerusalem ti saan a mapapanaw ti tribu ti Juda?
Dagiti Jebuseo ti saan a mapapanaw ti tribu ti Juda iti Jerusalem.
Joshua 16
Joshua 16:3-9
Ania dagiti dua a tribu ni Jose a nakaawat iti tawidda?
Dagiti tribu ti Manases ken Efraim, dagiti kaputotan ni Jose.
Joshua 16:10
Ania a tattao ti saan a napapanaw ti tribu ti Efraim manipud iti Gezer?
Saan a napapanaw ti tribu ti Efraim dagiti Cananeo manipud iti Gezer.
Joshua 17
Joshua 17:1-2
Siasino ti inauna nga anak ni Jose?
Ni Manases ti inauna nga anak ni Jose.
Siasino ni Makir?
Ni Makir ti inauna nga anak ni Manases ken ti ama ni Galaad.
Joshua 17:3-12
Apay a napan dagiti annak ni Zelofehad kenni Eleasar, kenni Josue, ken kadagiti mangidadaulo?
Napan dagiti annak ni Zelofehad kenni Eleasar, kenni Josue ken kadagiti mangidadaulo gapu ta awan iti kabsatda a lalaki a mangawat iti tawid.
Ania ti inaramid ni Josue kadagiti annak ni Zelofehad?
Inikkan ni Josue dagiti annak ni Zelofehad iti tawid kasta met dagiti kakabsat a lallaki ti amada.
Joshua 17:13
Ania ti inaramid dagiti tattao ti Israel kadagiti Cananeo idi pimmigsa dagiti Israelita?
Idi pimmigsa dagiti Israelita, pinilitda a pinagtrabaho dagiti Cananeo.
Joshua 17:14-18
Ania ti imbaga dagiti kaputotan ni Jose kenni Josue?
Kinuna dagiti kaputotan ni Jose kenni Josue a saan nga umanay ti katurturodan a pagilian iti bilangda.
Ania ti imbaga ni Josue kadagiti kaputotan nI Jose?
Ania ti imbaga ni Josue kadagiti kaputotan nI Jose? Imbaga ni Josue kadagiti kaputotan ni Jose a sumang-atda a mismo iti kabakiran ket dalusanda ti daga idiay daga dagiti Perezeo ken dagiti Refaim.
Joshua 18
Joshua 18:1-2
Idi nagsasarak dagiti taripnong dagiti tattao idiay Silo, manu a tribu dagiti tattao ti Israel ti saan pay a naibingayan iti tawid?
Idi nagsasarak dagiti taripnong dagiti tattao idiay Silo, pito a tribu dagiti tattao ti Israel ti saan pay a naibingayan iti tawid.
Joshua 18:3-9
Siasino dagiti imbaon ni Josue a mangsawar iti daga?
Nangibaon ni Josue iti saga-tallo a lallaki manipud iti tunggal tribu a mangsawar iti daga.
Anianto ti ipadamag dagiti tallo a lallaki manipud iti tunggal tribu kenni Josue?
Mangaramidto dagiti tallo a lallaki manipud iti tunggal tribu iti panangiladawan iti daga a pakakitaan dagiti tawidenda, kalpasanna agsublidanto kenni Josue.
Joshua 18:10
Ania ti inaramid ni Josue kalpasan a nagsubli dagiti lallaki kenkuana kalpasan ti panagsawarda?
Nangipuruak ni Josue kadagiti pagbunotan para kadakuada iti sangoanan ni Yahweh idi nagsubli dagiti lallaki manipud iti panagsawsawar iti daga.
Joshua 18:11-28
Ania dagiti dua a tribu a nangbaet iti tawid a naibingay iti tribu ti Benjamin?
Naibingay iti tribu ti Benjamin a kas tawid ti daga iti nagbaetan dagiti kaputotan ti Juda ken kaputotan ti Jose.
Joshua 19
Joshua 19:1-7
Ania a tribu ti nagtinnagan iti maikadua a panangipuruak kadagiti pagbunotan?
Ti maikadua a panangipuruak kadagiti pagbunotan ket nagtinnag iti Simeon.
Joshua 19:8-9
Ania a tribu ti akinsakup iti naggapuan ti tawid ti Simeon?
Naggapu iti masakupan iti tribu ti Juda ti tawid iti tribu ti Simeon.
Apay a naggapu iti masakupan ti Juda ti tawid ti Simeon?
Naggapu iti masakupan iti tribu ti Juda ti tawid iti tribu ti Simeon gapu ta nalawa unay dayta a masakupan para iti Juda.
Joshua 19:10-16
Ania a tribu ti nagtinnaganna ti maikatlo a panangipuruak kadagiti pagbunotan?
Ti maikatlo a panangipuruak iti pagbunotan ket nagtinnag iti tribu ti Zabulon.
Joshua 19:17-23
Ania a tribu ti nagtinnaganna ti maika uppat a panangipuruak kadagiti pagbunotan?
Ti maika uppat a panangipuruak iti pagbunotan ket nagtinnag iti tribu ti Zabulon.
Joshua 19:24-31
Ania a tribu ti nagtinnaganna ti maikalima a panangipuruak kadagiti pagbunotan?
Ti maikalima a panangipuruak iti pagbunotan ket nagtinnag iti tribu ti Zabulon.
Joshua 19:32-37
Ania a tribu ti nagtinnaganna ti maika-innem a panangipuruak kadagiti pagbunotan?
Ti maika-innem a panangipuruak iti pagbunotan ket nagtinnag iti tribu ti Zabulon.
Joshua 19:38-39
Manu dagiti siudad a karaman iti tawid iti tribu ti Neftali?
Sangapulo ket siam a siudad ti tawid iti tribu ti Neftali
Joshua 19:40-48
Ania a tribu ti nagtinnagan ti maikapito a panangipuruak kadagiti pagbunotan?
Ti maikapito a panangipuruak iti pagbunotan ket nagtinnag iti tribu ti Dan.
Joshua 19:49-51
Ania a tawid ti inted dagiti tattao ti Israel kenni Josue idi naileppasda a biningaybingay ti daga?
Inted dagiti tattao ti Israel babaen iti bilin ni Yahweh ti kiniddawna a siudad ti Timnat Sera.
Joshua 20
Joshua 20:1-3
Ania ti Imbilin ni Yahweh nga ibaga ni Josue kadagiti tattao?
Imbilin ni Yahweh kenni Josue nga ibagana kadagiti tattao a rumbeng a mangitudingda kadagiti siudad a pagkamangan.
Ania ti siudad a pagkamangan?
Ti siudad a pagkamangan ket maysa a siudad a mabalin a papanan ti maysa a tao a nakapatay a saanna nga inggagara tapno makalibas iti siasinoman a mangibales ti dara iti tao a napapatay.
Joshua 20:4
Siasino ken sadino ti mabalin a pangipalawagan ti tao a nakapatay iti padana a tao iti kasasaadna?
Ti tao a nakapatay iti dadduma ket mabalin a tumakder iti pagserrekan ti siudad, ken ilawlawagna ti kasasaadna kadagiti panglakayen iti dayta a siudad.
Joshua 20:5-8
Kalpasan a napan ti maysa a tao iti siudad a pagkamangan ken timmakder iti sangoanan ti taripnong para iti pannaka usig, ania pay ti mapasamak sakbay a mapalubosan isuna nga agsubli iti pagtaenganna?
Saanna a mabalin a iti pumanaw iti siudad a pagkamangan ken agawid iti pagtaenganna agingga iti ipapatay ti kangatoan a padi.
Joshua 20:9
Ania ti masapul nga aramiden ti napabasol a tao iti siudad a pagkamangan tapno mailisi a mapapatay iti tao a kayatna nga ibales ti nagsayasay a dara?
Tumakder nga umuna ti napabasol a tao iti sangoanan ti taripnong.
Joshua 21
Joshua 21:1-7
Siasino dagiti nagkiddaw kadagiti tattao ti Israel nga ikkanda ida iti siudad a pagnaedan ken pagpaaraban kadagiti tarakenda?
Kiniddaw dagiti puli dagiti Levita kadagiti tattao ti Israel nga ikkanda ida kadagiti siudad a pagnaedan ken pagpaaraban para kadagiti tarakenda.
Joshua 21:8-16
Kasano a maammoan dagiti tattao ti Israel dagiti siudad ken pagpaaraban a maited kadagiti Levita?
Naammoan dagiti tattao ti Israel dagiti siudad ken pagpaaraban a maited kadagiti Levita babaen iti panangipuruak kadagiti pagbunotan, kas imbilin ni Yahweh.
Joshua 21:17-24
Manu a siudad ti naited kadagiti kaputotan ni Aaron?
Naawat dagiti kaputotan ni Aaron dagiti amin a siudad iti puli ti Merari.
Joshua 21:25-31
Manu a siudad ti naited iti pamilia iti Coat?
Sangapulo a siudad amin ti naawat iti pamilia ti Coat.
Joshua 21:32-38
Manu a siudad ti naited kadagiti puli ti Gerson?
Naawat dagiti puli ti Gerson dagiti amin a siudad iti puli ti Merari.
Joshua 21:39-40
Manu a siudad ti naited kadagiti puli iti Merari?
Sangapulo ket dua amin dagiti siudad a naawat dagiti puli ti Merari.
Joshua 21:41-42
Manu a siudad ti naited kadagiti amin a Levita manipud iti tengnga ti daga a kukua dagiti tattao ti Israel?
Uppat a pulo ket walo dagiti siudad, agraman dagiti pagpaarabanda, ti naited kadagiti Levita manipud iti tengnga iti kukua a daga dagiti tattao ti Israel.
Joshua 21:43-45
Ania ti insapata ni Yahweh kadagiti kapuonan dagiti israelita?
Insapata ni Yahweh nga ited kadakuada ti daga a sanikuada, ken inana iti aglawlaw.
Joshua 22
Joshua 22:1-3
Kasano a pinadayawan ni Josue dagiti Rubenitas, Gaditas, ken ti kagudua a tribu ti Manases?
Pinadayawan ida ni Josue babaen iti panangibagana nga inaramidda amin a banag nga imbilin da Moises ken ni Josue kadakuada ken saanda a pinanawan dagiti kakabsatda ngem nagbalinda a naannad nga agtulnog iti Dios.
Ania dagiti tribu a binendisionan ni Josue ken imbaonna nga agsubli kadagiti toldada iti daga a kukuada?
Binendisionan ni Josue dagiti tribu dagiti Rubenitas, Gaditas, ken ti kagudua a tribu ti Manases, ken pinaawidna ida kadagiti toldada iti daga a kukuada.
Joshua 22:4-6
Ania ti imbaga ni Josue kadagitoy a tribu nga annadanda inton agsublida kadagiti toldada?
Kinuna ni Josue kadagitoy a tribu nga agbalinda a naannad a mangtungpal kadagiti bilin ken iti linteg nga imbilin ni Moises kadakuada.
Joshua 22:7-9
Ania ti imbaga ni Josue iti kagudua a tribu ti Manases nga ibingayda kadagiti kakabsatda?
Kinuna ni Josue iti maysa a kagudua a tribu ti Manases nga ibingayanda dagiti kakabsatda iti nasamsam.
Joshua 22:10-11
Ania ti inaramid dagiti Rubenitas, Gaditas, ken ti kagudua a tribu ti Manases iti abay ti Jordan a nangpaunget kadagiti tattao ti Israel iti daga ti Canaan?
Nangipatakder dagiti Rubenitas, Gaditas, ken ti kagudua a tribu ti Manases iti dakkel nga altar iti abay ti Jordan a kukua dagiti tattao ti Israel.
Joshua 22:12
Ania ti inaramid dagiti tattao ti Israel idi nangngegda ti maipanggep iti altar?
Naguummong a sangsangkamaysa dagiti tattao ti Israel idiay Silo tapno sumang-atda a mapan makigubat a maibusor kadagidiay a tribu idi nangngegda ti maipanggep iti altar.
Joshua 22:13-14
Siasino dagiti mensahero nga imbaon dagiti tattao ti Israel kadagiti tattao ti Ruben, Gad, ken iti kagudua a tribu ti Manases?
Imbaon dagiti tattao ti Israel ni Finees nga anak ni Eleazar a padi, ken dagiti sangapulo a mangidadaulo a kas mensahero kadagiti Rubenitas, Gaditas, ken iti kagudua a tribu ti Manases.
Joshua 22:15-16
Ania ti imbaga dagiti mensahero dagiti tattao ti Israel kadagiti tattao ti Ruben, Gad, ken iti kagudua a tribu ti Manases?
Kinuna dagiti mensahero dagiti tattao ti Israel kadagiti tattao ti Ruben, Gad, ken iti kagudua a tribu ti Manases, "Ania daytoy a pananglabsing nga inaramidyo a maibusor iti Dios ti Israel babaen iti panangipatakderyo a mismo iti altar...?"
Joshua 22:17-25
Ania ti pagdandanagan dagiti tattao ti Israel no nagsukir dagiti tattao ti Ruben, Gad, ken ti kagudua a tribu ti Manases kenni Yahweh?
Madanagan dagiti tattao ti Israel a no nagsukir dagiti tattao ti Ruben, Gad, ken ti kagudua a tribu ti Manases, ket makaunget ni Yahweh iti entero a gimong ti Israel.
Ania dagiti dua a basol a dinakamat dagiti mensahero dagiti tattao ti Israel kadagiti tattao ti Ruben, Gad, ken iti kagudua a tribu ti Manases?
Dinakamat dagiti mensahero dagiti tattao ti Israel ti basol idiay Peor a nagbunga iti didigra, ken ti panaglabsing ni Acan iti pammati a nagbunga iti panagdisso ti pungtot kadagiti tattao ti Israel, tattao ti Ruben, Gad, ken iti kagudua a tribu ti Manases.
Joshua 22:26-29
Ania ti imbaga dagiti tribu ti Ruben, Gad, ken ti kagudua a tribu ti Manases kadagiti mensahero dagiti tattao ti Israel?
Kinuna dagiti tribu ti Ruben, Gad, ken ti kagudua a tribu ti Manases kadagiti mensahero ti Israel nga impatakderda ti altar, saan a gapu kadagiti daton a mapuoran wenno sakrifisio, ngem kas pagilasinan iti nagbaetanda kadagiti tattao ti Israel nga aramidenda ti serbisio ni Yahweh tapno kitaen dagiti sumaruno a henerasion.
Joshua 22:30-31
Ania ti imbaga ni Finees a padi ken dagiti dadduma a mensahero maipanggep kadagiti sasao a nangngegda manipud kadagiti Rubenitas, Gaditas, ken Manases?
Kinuna ni Finees ken dagiti dadduma a mensahero a dagiti imbaga dagiti Rubenitas, Gaditas, ken Manases ket nasayaat iti panagkitada.
Joshua 22:32-33
Ania ti inaramid dagiti tattao ti Israel idi nagpadamag ni Finees ken dagiti mensahero kadakuada?
Pinadayawan dagiti tattao ti Israel ti Dios ken saandan a sinarita pay ti pannakigubat kadakuada.
Joshua 22:34
Ania ti impanagan dagiti Rubenitas ken Gaditas iti altar?
Pinanaganan dagiti Rubenitas ken Gaditas ti altar iti "Saksi."
Joshua 23
Joshua 23:1-5
Ania ti inaramid ni Josue kalpasan a nangted ni Yahweh iti inana iti Israel iti amin a kabusorda?
Inayaban ni Josue ti amin nga Israel kalpasan a nangted ni Yahweh iti inana iti Israel iti amin a kabusorda.
Siasino ti imbaga ni Yahweh a nakigubat para kadakuada?
Kinuna ni Josue a nakigubat ni Yahweh para kadakuada.
Joshua 23:6-11
Ania ti imbaga ni Josue kadagiti tattao a saanda a dakamaten?
Kinuna ni Josue kadagiti tattao a rumbeng a saanda a dakamaten ti nagan dagiti dios dagiti nasion a natda kadakuada.
Joshua 23:12-13
Ania ti kinuna ni Josue a mapasamak no makiasawada kadagiti nakalasat kadagiti nasion a natda kadakuada?
Kinuna ni Josue kadagiti tattao a pukawen ida ni Yahweh manipud iti nasayaat a daga a naited kadakuada no makiasawada kadagiti nakalasat kadagiti nasion a natda kadakuada.
Joshua 23:14-15
Ania ti kinuna ni Josue a mapasamak kenkuana?
Kinunana a mapmapan isuna iti dalan iti amin a daga.
Joshua 23:16
Ania ti kinuna ni Josue nga iyeg ni Yahweh kadagiti tattao ti Israel no labsingenda ti katulagan ni Yahweh?
Kinuna ni Josue nga iyeg ni Yahweh dagiti amin a dakes a banbanag kadagiti tattao ti Israel no labsingenda ti katulagan ni Yahweh.
Joshua 24
Joshua 24:1-12
Siasino ti kinasarita ni Josue ken sadino ti nakisaritaanna kadakuada?
Inummong ni Josue dagiti amin a tribu ti Israel idiay Sikem ket kinasaritana dagiti panglakayen ti Israel, dagiti mangidadaulo kadakuada, dagiti ukomda, ken dagiti opisialda.
Joshua 24:13
Ania dagiti banbanag nga imbaga ni Yahweh kadagiti tattao ti Israel babaen kenni Josue?
Babaen kenni Josue, imbaga ni Yahweh kadagiti tattao ti Israel dagiti banbanag a naaramidna para kadakuada manipud kenni Abraham agingga iti panangtagikuada iti naikari a daga.
Ania ti imbaga ni Yahweh nga intedna kadagiti tattao ti Israel?
Kinuna ni Yahweh nga inikkanna dagiti tattao ti Israel iti daga a saanda a trinabaho, siudad a saanda nga impatakder, ken kadagiti kaubasan ken kaoliboan a saanda a minulaan.
Joshua 24:14-15
Ania ti kinuna ni Josue maipanggep iti bagina ken iti balayna?
Kinuna ni Josue nga isuna ken ti balayna ket agdayaw kenni Yahweh.
Joshua 24:16-18
Kasano a sinungbatan dagiti tattao ti Israel ni Josue?
Sinungbatan dagiti tattao ti Israel ni Josue babaen iti panangibagada nga agdayawda met kenni Yahweh.
Joshua 24:19-20
Kasano a sinungbatan ni Josue dagiti tattao ti Israel?
Kinuna ni Josue kadagiti tattao ti Israel a saanda a makapagserbi kenni Yahweh gapu kadagiti panaglabsing ken basbasolda.
Joshua 24:21-23
Ania ti kamaudian a sungbat dagiti tattao ti Israel kenni Josue?
Kamaudiananna, kinuna dagiti tattao ti Israel kenni Josue, "Saan, agdayawkami kenni Yahweh."
Joshua 24:24-26
Ania ti inaramid ni Josue a mangmarka iti katulagan dagiti tattao nga inaramidda iti dayta nga aldaw?
Insurat ni Josue dagidiay a sasao iti libro ti Linteg ti Dios ken nangisaad iti dakkel a bato iti sirok ti kayo a lugo iti abay ti santuario ni Yahweh.
Joshua 24:27-28
Siasino ti imbaga ni Josue a saksian ti dakkel a bato?
Kinuna ni Josue nga agbalin a saksi ti dakkel a bato a maibusor kadagiti Israelita gapu ta nangngeg daytoy dagiti amin a sasao nga imbaga ni Yahweh ken dagiti tattao ti Israel.
Joshua 24:29-31
Mano ti tawen ni Josue idi natay isuna?
Agtawen iti 110 ni Josue idi natay isuna.
Joshua 24:32-33
Siasino ti makintulang iti innala dagiti tattao ti Israel idiay Egipto?
Innala dagiti tattao ti Israel dagiti tulang ni Jose idiay Egipto.