Titus

Titus 1

Titus 1:1-3

Ania ti panggep ni Pablo iti panagserbina iti Dios?

Ti panggepna ket tapno mangipasdek ti pammati dagiti napili iti Dios ken mangipasdek ti pannakaammo iti kinapudno.

Titus 1:4-5

Ania ti pakainaigan ni Tito ken Pablo?

Ni Tito ket pudno nga anak ni Pablo iti pammati.

Titus 1:6-7

Ania ti masapul a pudno nga adda koma iti pamilia iti panglakayen?

Masapul nga asawa a lalaki iti may-maysa nga asawa a babai, addaan napudno nga annak a natakneng.

Titus 1:8-9

Ania dagiti sumagmamano a kababalin a masapul a makita iti panglakayen?

Masapul a managsangaili, gayyem no ania ti nasayaat, managawat, nalinteg, nasantoan, ken managteppel.

Titus 1:10-13

Ania ti ar-aramiden dagiti palso a manursuro babaen kadagiti sasaoda?

Al-allilawenda dagiti tattao ken pagsisinaenda dagiti pamilia.

Titus 1:14

Ania ti imbaga ni Pablo a saanda a kasapulan a pagbusbosan iti tiempo?

Saanda a busbosen ti tiempo kadagiti parparbo nga estoria dagiti Judio ken kadagiti bilbilin iti tao.

Titus 1:15-16

Iti saan a mamatpati a tao, ania iti narugitan?

Ti panunot ken konsiensiana ket narugitan.

Titus 2

Titus 2:3-8

Ania dagiti sumagmamano nga ugali dagiti nataengan a babbai iti iglesia a masapul nga iparang?

Masapul nga iparangda iti panagraem, saan a managsarita; masapul a saan a naangaw ken agisuro no ania iti nasayaat.

Titus 2:9-10

Kasano nga agtignay a natakneng dagiti tagabu a namati?

Agtulnogda kadagiti amoda, saanda nga agtakaw manipud kadakuada, ken masapul nga agipakita iti pammati a nasayaat.

Titus 2:11-13

Siasino ti isalakan iti parabur iti Dios?

Mabalin nga isalakan ti parabur ti Dios ti siasinoman.

Titus 2:14-15

Apay nga inted ni Jesus iti bukodna a bagi para kadatayo?

Intedna ti bukodna a bagi tapno mabayadan ti gatad tapno mawayawayaantayo manipud iti kinaawan linteg, ken tapno pagbalinen dagiti tattao a nagagar nga agaramid iti nasayaat.

Titus 3

Titus 3:1-2

Ania ti masapul nga ugali dagiti namati kadagiti agtakem ken agtuturay?

Masapul a managpaituray ken natulnog dagiti namati, sisasagana para iti tunggal nasayaat nga aramid.

Titus 3:3-7

Ania dagiti mangiyaw-awan ken dagiti mangtagabu kadagiti saan a namati?

Dagiti riknada ken ragragsak ti nangiyaw-awan kadakuada.

Titus 3:8

Ania iti masapul a panunoten dagiti namati?

Masapul nga panunoten dagiti namati dagiti nasayaat nga ar-aramid nga impaaramid ti Dios kadakuada.

Titus 3:9-13

Ania ti masapul a liklikan dagiti namati?

Masapul a liklikan dagiti namati dagiti minamaag a panagsusuppiat.

Titus 3:14-15

Ania ti masapul a tamingen dagiti namati tapno iti kasta agbalinda a nabunga?

Masapul nga adalen dagiti namati a tamingen ti panagaramid iti nasayaat a trabtrabaho a makasabet kadagiti kasapulan.