Ecclesiastes

Ecclesiastes 1

Ecclesiastes 1:1-3

Siasino ti akin kaputotan iti Manursuro?

Kaputotan ni David ti Manursuro, ari idiay Jerusalem.

Ecclesiastes 1:4-6

Ania ti agtalinaed nga agnanayon?

Agtalinaed nga agnanayon ti daga.

Ecclesiastes 1:7-8

Babaen iti ania a saan a mapnek ti mata?

Saan a mapnek ti mata kadagiti makitkitana.

Ecclesiastes 1:9-11

Anianto ti maaramid?

Aniaman ti naaramiden ket isunto ti maaramid.

Ecclesiastes 1:12-15

Ania ti nangusaran ti Manursuro iti panunotna?

Inusar ti manursuro ti panunotna a mangadal ken mangsukimat babaen ti kinasirib dagiti amin a maar-aramid iti babaen ti langit.

Ania ti pakadagupan dagiti amin nga aramid iti babaen ti init?

Dagiti amin nga aramid iti babaen ti init ket alingasaw ken panangpadas a mangipastor ti angin.

Ecclesiastes 1:16-18

Apay nga adda ti adu a pannakaupay?

Iti kinawadwad ti kinasirib ket adda ti adu a pannakapaay.

Ecclesiastes 2

Ecclesiastes 2:1-2

Ania ti apagdama laeng a pul-oy?

Ti ragragsak ket apagdama laeng a pul-oy.

Ecclesiastes 2:3

Ania ti kayat a maamnoan ti Manursuro?

Kayat a maammoan ti Manursuro ti nasayaat nga aramiden dagiti tattao iti babaen ti langit kabayatan dagiti aldaw dagiti biagda.

Ecclesiastes 2:4-6

Apay a nangaramid ti pagurnongan ti danum ti Manursuro?

Nangaramid ti pagurnongan ti danum ti Manursuro a mangsibog iti kabakiran a nagtubboan dagiti kaykayo.

Ecclesiastes 2:7-8

Kasano nga inaramid ti Manursuro dagiti banbanag a makaiyeg iti ragsak iti siasinoman a lalaki iti rabaw ti daga?

Babaen kadagiti adu nga assawa ken kakabkabbalay, inaramidna dagiti banbanag a makaiyeg ti ragsak iti siasinoman a lalaki ditoy daga.

Ecclesiastes 2:9-10

Ania ti nangparag-o ti puso ti Manursuro?

Nagrag-o ti puso ti Manursuro kadagiti amin nga aramidna.

Ecclesiastes 2:11-12

Sadino ti awan iti magungguna?

Awan ti magunguna iti baba ti init.

Ecclesiastes 2:13-14

Ania ti agur-uray para iti tunggal maysa?

Agpada a gasat ti agur-uray iti tunggal maysa.

Ecclesiastes 2:15-16

Siasino ti saan a malaglagip iti nabayag a panawen?

Ti nasirib a tao, kas iti maag, ket saan a malaglagip iti nabayag a panawen.

Ecclesiastes 2:17-18

Apay a kinagura ti Manursuro dagiti amin a naaramidanna?

Kinagura ti Manursuro dagiti amin a naaramidanna gapu ta ibatinanto dagitoy iti maysa a tao a sumaruno kenkuana.

Ecclesiastes 2:19-20

Ania ti narikna ti puso ti Manursuro maipapan iti trabahona?

Nangrugi a maupay ti puso ti Manursuro kadagiti amin a trabaho nga inaramidna.

Ecclesiastes 2:21-23

Apay a saan a makainana iti rabii ti kararua ti maysa nga agtrabtrabaho ti kasta unay?

Inaldaw a ti trabahona ket nasakit ken narigat, isu a saan a makainana ti kararuana iti rabii.

Ecclesiastes 2:24-25

Ania ti nasaysayaat para iti siasinoman?

Awan ti nasaysayaat para iti siasinoman ngem ti laeng mangan ken uminom ken mapnek kadagiti nasasayaat banbanag iti trabahona.

Ecclesiastes 2:26

Ania ti ited ti Dios iti managbasol?

Ited ti Dios iti managbasol ti trabaho iti panagur-urnong ken panagidulin tapno mabalinna nga ited daytoy iti maysa a tao a makaay-ayo iti Dios.

Ecclesiastes 3

Ecclesiastes 3:1-7

Ania dagiti banbanag nga adda iti panawenna?

Adda ti panawen kadagiti amin a panggep iti babaen ti langit.

Ecclesiastes 3:8-10

Ania ti nakita ti Manursuro?

Nakita ti Manursuro ti trabaho nga inted ti Dios kadagiti tattao a leppasenda.

Ecclesiastes 3:11

Ania ti inkabil ti Dios kadagiti puso dagiti tattao?

Inkabil ti Dios ti kinaagnanayon kadagiti puspusoda.

Ecclesiastes 3:12-13

Ania ti sagut manipud iti Dios?

Ti nasayaat manipud iti trabaho ti maysa a tao ket sagut manipud iti Dios.

Ecclesiastes 3:14-15

Apay nga awan ti mainayon wenno maikkat manipud iti aniaman nga aramiden ti Dios?

Awan ti mainayon wenno maikkat manipud iti daytoy, gapu ta ti Dios ti nangaramid iti daytoy.

Ecclesiastes 3:16-18

Ania ti masansan a masarakan iti lugar ti kinalinteg?

Masansan a masarakan ti kinadangkes iti ayan ti kinalinteg.

Ecclesiastes 3:19-20

Kasano a kasla ayup dagiti tattao?

Kas kadagiti ayup, matay amin a tattao. Masapul nga agangesda amin iti agpada nga angin. Naggapu amin iti tapok ket agsubli amin iti tapok.

Ecclesiastes 3:21-22

Ania ti naituding nga aramiden ti tunggal maysa?

Ti naituding nga aramiden ti tunggal maysa ket ti agragsak iti trabahona.

Ecclesiastes 4

Ecclesiastes 4:1

Siasino ti awan ti liwliwana?

Awan ti mangliwliwa para kadagiti lua dagiti naidadanes.

Ecclesiastes 4:2-4

Siasino ti nagasgasat ngem kadagiti sibibiag ken natay?

Ad-adda a nagasgasat ngem kadagiti sibibiag ken natay a tattao ti saan pay a nagbiag

Ecclesiastes 4:5-8

Ania ti nasaysayaat ngem ti dua a rakem nga addaan iti trabaho a mangpadpadas a mangipastor iti angin?

Nasaysayaat ti sangarakem a gunguna manipud iti naulimek a trabaho ngem ti dua a rakem nga addaan iti trabaho a mangpadpadas a mangipastor iti angin.

Ecclesiastes 4:9-11

Apay a nasaysayaat ti dua a tao ngem maysa no matnag ti maysa?

Nasaysayaat ti dua a tao ngem maysa, gapu ta no matuang ti maysa, mabalin nga bangunen ti maysa ti gayyemna.

Ecclesiastes 4:12

Ania ti saan a nalaka a mapugsat?

Saan a nalaka a mapugsat ti tali a tallo ti linabagna.

Ecclesiastes 4:13-14

Ania ti nasaysayaat ngem ti agbalin a nataengan ken maag nga ari?

Nasaysayaat ti agbalin a marigrigat ngem nasirib nga ubing ngem ti maysa a nataengan ken maag nga ari.

Ecclesiastes 4:15-16

Ania ti kayat nga aramiden dagiti tattao iti kabarbaro nga ari?

Kayat dagiti tattao ti agtungpal iti barbaro nga ari.

Ecclesiastes 5

Ecclesiastes 5:1

Apay a masapul nga apan dagiti tattao iti balay ti Dios?

Masapul a mapan dagiti tattao iti balay ti Dios a dumngeg.

Ecclesiastes 5:2-3

Apay a masapul a bassit laeng koma ti ibaga dagiti tattao?

Adda ti Dios idiay langit, ngem adda dagiti tattao iti rabaw ti daga, isu a masapul a bassit koma laeng ti ibagada.

Ecclesiastes 5:4-7

Ania ti nasaysayaat nga aramiden dagiti tattao ngem ti agikari a saanna a matungpal?

Nasaysayaat a saan nga agsapata ti maysa a tao ngem ti agsapata a saanna a matungpal ti insapatana.

Ecclesiastes 5:8-9

No adda makakita iti marigrigat a maidaddadanes ken natakawan iti nalinteg ken umno a panangtrato, apay nga awan ti masdaaw a kasla awan ti makaammo?

No adda makakita iti marigrigat a maidaddadanes ken mataktakawan iti nalinteg wenno umno a panangtrato, saan koma a masmasdaaw isuna gapu ta adda dagiti tattao nga addaan iti pannakabalin a mangkitkita kadagiti adda iti babaenda, ken adda pay dagiti nangatngato ngem kadakuada.

Ecclesiastes 5:10-11

Ania ti mapasamak kas umad-adu ti panagrang-ay?

Kas umad-adu ti panagrang-ay, kasta met nga umad-adu dagiti tattao a mangibus iti daytoy.

Ecclesiastes 5:12

Ania ti saan a mangipalubos kadagiti nabaknang a tattao a maturog ti nasayaat?

Saan nga ipalubos ti kinabaknang ti nabakng a tao a maturog isuna a nasayaat.

Ecclesiastes 5:13-14

Ania ti mapasamak no mapukaw ti nabaknang a tao ti kinabaknangna babaen iti dakes a gasat?

No mapukaw ti nabaknang a tao ti kinabaknangna babaen iti dakes a gasat, awan ti mabati kadagiti ima ti anakna a lalaki a nagbalinanna nga ama.

Ecclesiastes 5:15-18

Kasano a naiyanak ti tao ken kasanona a panawan daytoy a biag?

Naiyanak ti tao a lamolamo manipud iti aanakan ti inana, kasta met a panawanna daytoy a biag a lamolamo.

Ecclesiastes 5:19-20

Apay a saan a masansan a laglagipen ti maysa a tao dagiti aldaw ti biagna?

Saan a masansan a laglagipen ti maysa a tao dagiti aldaw ti biagna, gapu ta pagtalinaeden ti Dios isuna a makumikoman kadagiti banbanag a ragragsakenna nga ar-aramiden.

Ecclesiastes 6

Ecclesiastes 6:1-2

Ania a dakes ti nakita ti Manursuro?

Nakita ti Manursuro a mabalin a mangted ti Dios iti kinabaknang, sanikua wenno dayaw iti maysa a tao tapno awan ti pagkuranggan kadagiti tartarigagayanna para iti bagina, ngem kalpasanna saan nga ikkan isuna ti Dios iti kabaelan a mangragragsak kadagitoy. Ngem ketdi, usuren ti sabali dagiti sanikuana.

Ecclesiastes 6:3-4

No saan a mapnek ti nasayaat ti puso ti maysa a tao ken no saan isuna a naitanem nga addaan iti dayaw, siasino ti nagasgasat ngem isuna?

No saan a mapnek ti kinasayaat ti puso ti maysa a tao ken saan isuna a naitanem nga addaan iti dayaw, nasaysayaat ti maysa a maladaga a naiyanak a natay.

Ecclesiastes 6:5-6

Uray no agbiag ti maysa a tao iti dua a ribo a tawen ngem saanna nga ammo a ragragsaken dagiti nasasayaat a banbanag, sadino ti pagturunganna?

Uray no agbiag ti maysa a tao iti dua a ribo a tawen ngem saanna nga ammo to agragsak kadagiti nasasayaat a banbanag, mapan isuna iti isu met laeng a lugar a pagturungan ti tunggal maysa.

Ecclesiastes 6:7-8

Uray no ti trabaho ti amin a tao ket ti mangpennek ti ngiwatna, ania ti mapasamak?

Uray no ti trabaho ti amin a tao ket ti mangpennek iti ngiwatna, ngem saan latta a napnek ti ganasna.

Ecclesiastes 6:9-12

Ania ti mapasamak no ad-adu ti maibagbaga?

No adu ti maibagbaga, umad-adu met ti awan mamaayna.

Ecclesiastes 7

Ecclesiastes 7:1-2

Apay a nasaysayaat ti mapan iti balay ti ladladingit ngem iti balay ti ramrambak?

Nasaysayat ti mapan iti balay ti ladladingit ngem iti balay ti ramrambak, ta dumteng kadagiti amin a tattao ti ladladingit iti pagpatinggaan ti biag.

Ecclesiastes 7:3-4

Sadino ti ayan ti puso ti nasirib?

Ti puso ti nasirib ket adda iti balay ti ladladingit.

Ecclesiastes 7:5-6

Ania ti kaiyarigan ti katkatawa dagiti maag?

Kas iti panagrissat dagiti sisiit a mapupuoran iti sirok ti banga, kasta met dagiti katkatawa dagiti maag.

Ecclesiastes 7:7

Ania ti mangpamaag iti maysa a tao a nasirib?

Ti panagkusit ket pagbalinenna a maag ti maysa a nasirib a tao.

Ecclesiastes 7:8-10

Apay a saan rumbeng a dagus a makaunget dagiti tattao iti espirituda?

Masapul a saan a dagus a makaunget dagiti tattao iti espirituda, ta agnanaed ti unget kadagiti puso dagiti maag.

Ecclesiastes 7:11-13

Kasano a nasaysayaat ti kinasirib ngem ti kuarta?

Mangipapaay ti salaknib ti kinasirib kas ti kuarta a makaipaay iti salaknib, ngem ti pagsayaatan ti pannakaammo ket mangmangted ti biag ti kinasirib iti siasinoman nga addaan iti daytoy.

Ecclesiastes 7:14

No nasayaat dagiti tiempo, kasano koma nga agbiag dagiti tattao?

No nasayaat dagiti tiempo, masapul nga agbiag dagiti tattao a siraragsak iti dayta a kinasayaat.

Ecclesiastes 7:15-16

Ania ti napasamak kadagiti nadangkes a tattao a nakita ti Manursuro?

Nakita ti Manursuro dagiti nadangkes a tattao nga agbiag iti atiddug iti laksid dagiti dakes nga aramidda.

Ecclesiastes 7:17-20

Ania ti mapasamak iti tao nga agbuteng iti Dios?

Maaramidto ti tao a mabuteng iti Dios dagiti amin a pagrebbenganna.

Ecclesiastes 7:21-22

Apay a saan a rumbeng dumngeg dagiti tattao iti tunggal sasao?

Saan a rumbeng a denggen dagiti tattao dagiti tunggal sasao a maibagbaga gapu ta amangan no mangngegda ti adipenda a mangilunod kadakuada.

Ecclesiastes 7:23-25

Sadino ti ayan ti kinasirib?

Adayo ti kinasirib.

Ecclesiastes 7:26

Siasinonto ti makaala iti managbasol?

Ti managbasol ket alaento ti babai a napno ti pusona kadagiti palab-og ken iket, ken ti imana ket kawar.

Ecclesiastes 7:27-29

Uray no nakasarak ti Manursuro iti maysa a nalinteg a tao kadagiti sangaribu, ania ti saanna a masarakan?

Uray no nakasarak ti Manursuro iti maysa a nalinteg a lalaki kadagiti sangaribo, awan ti masarakanna a babai kadakuada.

Ecclesiastes 8

Ecclesiastes 8:1

Ania ti nasirib a tao?

Ti nasirib a tao ket maysa a tao a makaammo ti kaipapanan dagiti paspasamak ti biag.

Ecclesiastes 8:2-4

Apay a saan a rumbeng nga agdardaras a pumanaw dagiti tattao iti presensia ti ari, ken saan a tumulong iti maysa a banag a dakes?

Masapul a saan nga agdardaras a pumanaw dagiti tattao iti presensia ti ari ken saan a tumulong iti maysa a banag a dakes, ta ar-aramiden ti ari ti aniaman a tarigagayanna.

Ecclesiastes 8:5-7

Siasino ti makaliklik iti pannakadangran?

Siasinoman a mangsalimetmet kadagiti bilin ti ari ket makaliklik iti pannakadangran

Ecclesiastes 8:8-9

Ania ti awanan ti pannakabalin ti siasinoman?

Awan siasinoman nga addaan ti turay iti anges ti biag a mangpasardeng iti panagang-anges, ken awan iti makaituray iti aldaw ti pannakatayna.

Ecclesiastes 8:10-11

Siasino ti nangdayaw kadagiti nadangkes a tattao?

Dagiti nadangkes ket indaydayaw dagiti tattao iti siudad a nangaramidanda kadagiti kinadangkes.

Ecclesiastes 8:12-13

Uray no agaramid ti managbasol iti kinadakes iti mamingasut ket agbiag latta ti atiddug a panawen, anianto ti mapasamak kadagiti mangraraem iti Dios?

Uray no agaramid ti managbasol iti kinadakes iti mamingasut, nasayaatto latta ti mapasamak kadagiti mangraraem iti Dios, a mangidaydayaw iti presensiana kadakuada.

Ecclesiastes 8:14-15

Apay nga isingasing ti Manursuro ti kinaragsak?

Insingasing ti Manursuro ti kinaragsak, gapu ta awan ti nasaysayaat nga aramiden ti tao iti sirok ti init no di ti mangan ken uminom ken agbalin a naragsak.

Ecclesiastes 8:16-17

Ania ti saan a maawatan ti tao?

Saan a maawatan ti tao ti trabaho a maar-aramid iti sirok ti init.

Ecclesiastes 9

Ecclesiastes 9:1

Siasino dagiti adda iti ima ti Dios?

Adda amin kadagiti ima ti Dios dagiti nalinteg ken nasiririb a tattao.

Ecclesiastes 9:2

Ania ti agpada para iti tunggal maysa?

Addaan ti agpada a gasat ti tunggal maysa.

Ecclesiastes 9:3

Ania ti nangpunno iti puso dagiti tattao?

Napno ti kinadakes dagiti puso dagiti tattao.

Ecclesiastes 9:4-5

Apay nga awanen ti gunguna dagiti natay?

Awanen ti gungunada ta nalipatanen ti pakalaglagipanda.

Ecclesiastes 9:6-8

Ania ti napukaw iti nabayagen a panawen?

Nabayagen a napukaw ti ayat, gura ken apal dagiti natayen a tattao.

Ecclesiastes 9:9-10

Ania ti masapul nga aramiden dagiti tattao kadagiti masarakan dagiti imada nga aramiden?

Aniaman a masarakan dagiti imada nga aramiden ket masapul nga aramidenda daytoy babaen iti pigsada.

Ecclesiastes 9:11-12

Ania ti nakaibaludan dagiti tattao?

Naibalud dagiti tattao kadagiti dakes a tiempo a kellaat a nagdissuor kadakuada.

Ecclesiastes 9:13-16

Ania ti napasamak iti marigrigat a nasirib a lalaki a babaen iti kinasiribna a naisalakan ti siudad?

Awan ti makalagip iti marigrigat a nasirib a lalaki a babaen iti kinasiribna ket naisalakan ti siudad.

Ecclesiastes 9:17-18

Ania ti nasaysayaat ngem kadagiti igam iti gubat?

Nasaysayaat ti kinasirib ngem kadagiti igam iti gubat.

Ecclesiastes 10

Ecclesiastes 10:1-4

Ania ti mangpaneknek iti tunggal maysa a ti maysa a tao ket maag?

No agkurang ti panunot ti maysa a tao,daytoy ti mangpaneknek iti tunggal maysa a maag isuna.

Ecclesiastes 10:5-7

Ania ti nakita ti Manursuro ng ar-aramiden dagiti tagabu

Nakita ti Manursuro dagiti tagabu nga agluglugan kadagiti kabalyo

Ecclesiastes 10:8-9

Ania ti mabalin a mapasamak no rebbaen ti maysa a tao ti pader?

No adda maysa a tao a mangrebba iti pader, mabalin a makagat isuna ti uleg.

Ecclesiastes 10:10-12

Ania ti mapasamak no saan nga asaen ti maysa a tao ti namudel a patadem a landok ?

No saan nga asaen ti maysa a tao ti namudel a patadem a landok ket masapul ngarud nga agusar isuna iti ad-adu a pigsa.

Ecclesiastes 10:13-15

Iti maudi, ania ti rummuar iti ngiwat ti maag?

Iti maudi, rummuar iti ngiwat ti maag ti nadangkes a kinamauyong.

Ecclesiastes 10:16-17

Kaano nga adda ti riribuk iti daga?

Adda ti riribuk iti daga no ubing ti ari ken rugian dagiti mangidadaulo ti agrambak iti agsapa!

Ecclesiastes 10:18-19

Apay nga agtedted ti balay?

Agtedted ti balay gapu kadagiti sadut nga ima.

Ecclesiastes 10:20

Apay a saan a rumbeng nga ilunod dagiti tattao ti ari?

Masapul a saan nga ilunod dagiti tattao ti ari, amangan no ibaga dagiti billit iti tangatang dagiti sasaoda.

Ecclesiastes 11

Ecclesiastes 11:1-3

Apay a rumbeng nga ibingay dagiti tattao ti tinapay kadagiti pito, uray walo a tattao?

Masapul nga ibingay dagiti tattao ti tinapay kadagiti pito, uray walo a tattao, ta saanda nga ammo no ania ti dumteng a didigra ditoy rabaw ti daga.

Ecclesiastes 11:4-5

Ania ti saan a maawatan dagiti tattao?

Saan a maawatan dagiti tattao dagiti trabaho ti Dios.

Ecclesiastes 11:6-8

Kasano kabayag a rumbeng nga agmula dagiti tattao?

Masapul nga agmula dagiti tattao iti bukel iti bigat agingga iti rabii.

Ecclesiastes 11:9-10

Ania ti rumbeng nga ikkaten dagiti tattao kadagiti pusoda?

Masapul nga ikkaten dagiti tattao ti pungtot kadagiti pusoda.

Ecclesiastes 12

Ecclesiastes 12:1-2

Kaano a rumbeng a lagipen dagiti tattao ti Namarsua kadakuada?

Masapul a lagipen dagiti tattao ti Namarsua kadakuada kadagiti aldaw ti kinaagtutuboda.

Ecclesiastes 12:3

Apay a sumardeng dagiti babbai nga aggilgiling?

Agsardengto dagiti babbai nga aggilgiling gapu ta bassitda.

Ecclesiastes 12:4-5

Ania ti pakakigtutan dagiti tattao?

Makigtotto dagiti tattao iti timek dagiti billit.

Ecclesiastes 12:6-7

Sadino ti pagsublian ti tapok?

Agsubli ti tapok iti daga a naggapuanna.

Ecclesiastes 12:8-9

Ania ti insuro ti Manursuro kadagiti tattao?

Sinuroan ti Manursuro dagiti tattao iti pannakaammo.

Ecclesiastes 12:10-11

Ania ti kaiyarigan dagiti sasao ti nasirib?

Maiyarig iti natirad a sarukod dagiti sasao ti nasirib.

Ecclesiastes 12:12

Ania ti iyeg ti panagadal ti kasta unay?

Makabannog iti bagi ti kasta unay a panagadal.

Ecclesiastes 12:13-14

Ania ti pagleppasan?

Ti pagleppasan ket masapul nga agbuteng dagiti tattao iti Dios ken salimetmetanda dagiti bilbilinna.