John

John 1

John 1:1-3

Ania ti adda idi punganay?

Adda ti sao idi punganay.

Siasino ti kadua ti sao?

Kadua ti Dios ti Sao.

Ania ti sao?

Ti sao ket Dios.

John 1:4-5

Ania ti adda iti sao?

Adda ti biag iti sao.

John 1:6-9

Ania ti nagan ti lalaki nga imbaon ti Dios?

Ti naganna ket Juan.

John 1:10-13

Naammoan wenno inawat kadi ti lubong ti maipapan iti silaw a pinaneknekan ni Juan?

Saan a naammoan ti lubong ti silaw a pinaneknekan ni Juan, ken saan nga inawat dagiti tattaona ti silaw.

John 1:14-15

Adda kadi ti sabali a tao kas iti sao a naggapu iti Ama?

Awan, ti sao laeng iti maymaysa ken naidumduma a naggapu iti Ama.

John 1:16-18

Ania ti naawattayo manipud iti kinawadwadna iti daytoy a tao a pinaneknekan ni Juan?

Manipud iti kinawadwadna, nakaawattayo iti adu a sagut.

John 1:19-28

Siasino ti imbaga ni Juan a kinasiasinona idi sinaludsod isuna dagiti papadi ken Levita a naggapu idiay Jerusalem?

Kinunana, "Siak ti timek ti maysa nga agpukpukkaw iti let-ang, 'Aramidenyo a nalinteg ti dalan ti Apo; kas imbaga ni profeta Isaias."

John 1:29-31

Ania ti imbaga ni Juan idi nakitana ni Jesus nga um-umay kenkuana?

kinunana, "Kitaenyo! Dayta ti Kordero iti Dios a mangik-ikkat ti basol ti lubong.

John 1:32-34

Ania ti pagilasinan a nangipakita kenni Juan a ni Jesus ti Anak ti Dos?

Ti pagilasinan ket no siasinoman ti makita ni Juan a pagtalinaedan ken pagbabaan ti Espiritu ket isuna ti mangbautisar iti Espiritu Santo.

John 1:35-36

Ania ti inaramid ti dua nga adalan ni Juan idi nangngegda nga inawagan ni Juan ni Jesus nga "ti kordero iti Dios."

Sinurotda ni Jesus.

John 1:37-39

Ania ti inaramid ti dua nga adalan ni Juan idi nangngegda nga inawagan ni Juan ni Jesus nga "ti kordero iti Dios."

Sinurotda ni Jesus.

John 1:40-48

Ania ti nagan ti maysa kadagiti dua nga adalan a nakangngeg iti imbaga ni Juan ken simmurot kenni Jesus?

Ti naganna iti maysa kadagiti dua ket Andres.

John 1:49-51

Ania ti imbaga ni Natanael maipapan kenni Jesus

Kinunana ni Natanael, "Rabbi, sika ti Anak ti Dios ken ari ti Israel!"

John 2

John 2:1-10

Siasino ti adda sadiay kasaran idiay Cana iti Galilea?

Ni Jesus, ti inana, ken dagiti adalanna ket adda idiay kasaran idiay Cana iti Galilea.

John 2:11-14

Ania ti inaramid dagiti adalan ni Jesus idi makitkitada iti pagilasinan a milagro?

Namati dagiti adalan ni Jesus kenkuana.

John 2:15-22

Ania ti inaramid ni Jesus kadagiti aglaklako ken ti agsuksukat ti kuarta?

Nagaramid ni Jesus ti pagbaut a tali ket pinatalawna amin ida iti templo, agraman dagiti baka ken karnero. Imbukbokna ti kuarta ti agsuksukat ti kuarta ken impattogna dagiti lamisaanda.

John 2:23-25

Apay nga adu ti namati iti nagan ni Jesus?

Namatida gapu ta nakitada dagiti milagro a pagilasinan nga inaramid ni Jesus.

John 3

John 3:1-2

Siasino ni Nicodemo?

Ni Nicodemo ket maysa a Fariseo ken kammeng iti konseho dagiti Judio.

John 3:3-6

Ania ti imbaga ni Jesus kenni Nicodemo a nangriribuk kenkuana?

Imbaga ni Jesus kenni Nicodemo a masapul a ti maysa a tao ket maiyanak manen ken maiyanak iti danum ken ti espiritu tapno makastrek daytoy iti Pagarian iti Dios.

John 3:7-8

Ania ti imbaga ni Jesus kenni Nicodemo a mangburibor kenni Nicodemo?

Imbaga ni Jesus kenni Nicodemo a masapul a maysa ket maiyanak manen ken maiyanak iti danum ken ti espiritu tapno makastrek daytoy iti Pagarian iti Dios.

John 3:9-11

Ania ti sinaludsud ni Nicodemo a pakaammoantayo a riniribuk dagiti pammaneknek ni Jesus ni Nicodemo?

Kinuna ni Nicodemo, "Kasano a maiyanak ti tao no lakayen daytoy? Saan isuna a makastrek iti maikadua iti uneg iti tiyan ti inana ken maiyanak manen, kabaelanna kadi?" Kinuna pay ni Nicodemo, "Kasano a mapasamak dagitoy?"

John 3:12-13

Kasano nga imabaga ni Jesus kenni Nicodemo dagiti madi nga inaramidna?

Imbaga ni Jesus kennni Nicodemo a, "Manursuroka kadi iti Israel ta saanmo pay a naawatan dagitoy a banbanag?" Imbagana pay kenni Nicodemo a, "No ibagak kadakayo a tattao ti maipanggep kadagiti naindagaan a banbanag ken saanyo a patien, kasanokayo a mamati no ibagak kadakayo dagiti nailangitan a banbanag?"

John 3:14-15

Apay a masapul a maitag-ay ti Anak iti Tao?

Masapul a maitag-ay isuna tapno amin a mamati kenkuana ket maaddan iti biag nga agnanayon.

John 3:16-18

Kasano nga impakita iti Dios nga inayatna ti lubong?

Impakitana ti panagayatna babaen iti panangitedna iti naidumduma nga Anakna, tapno saan a mapukaw ti siasinoman a mamati kenkuana no diket maaddan iti biag nga agnanayon.

John 3:19-36

Apay a maukom dagiti tattao?

Maukom dagiti tattao agsipud ta immay ti lawag ditoy lubong, ken kaykayat dagiti tattao ti sipnget ngem ti lawag agsipudta dakes dagiti ar-aramidda.

John 4

John 4:1-5

Kaano a pimmanaw ni Jesus iti Judea ken napan idiay Galilea?

Pimmanaw ni Jesus idiay Judea ken napan idiay Galilea kalpasan a naamoanna nga nangngeg dagiti Fariseo nga umad-adu dagiti adalanna ken baubautisaranna ngem kenni Juan.

John 4:6-8

Sadino ti nagsardengan ni Jesus idi mapmapan isuna idiay Galilea?

Nagsardeng isuna idiay bubon ni Jacob a masarakan iti asideg iti ili dagiti Samaritano a maaw-awagan iti Sychar.

John 4:9-10

Apay a nasdaaw ti babai a Samaritano a nakitungtung ni Jesus kenkuana?

Nasdaaw isuna agsipudta saan a makikadkadua dagiti Judio kadagiti Samaritano.

John 4:11-14

Ania ti imbaga iti babai a mangipakita a saanna a naawatan dagiti naespirituan a kababalin dagiti imbaga ni Jesus?

Simmungbat ti babai, "Apo, awan ti timbam, ken nauneg ti bubon. Sadino ti pangalaam iti dayta a sibibiag a danum?"

John 4:15-16

Ania ti imbaga ni Jesus iti babai maipapan iti danum nga itedna?

Imbaga ni Jesus iti babai a saanto pulos a mawaw manen ti uminom iti danum nga itedna ken agbalinto a burayok iti danum nga umubbogto iti agnanayon a biag.

Apay a kayat ita ti babai ti danum a kayat nga ited ni Jesus?

Kayatna ti danum tapno saanen isuna a mawaw ken saanton isuna a mapan iti bubon tapno sumakdo.

John 4:17-18

Kasano a sinungbatan iti babai ni Jesus idi imbagana nga ayabanna ti asawana?

Imbaga iti babai kenni Jesus nga awan ti asawana.

John 4:19-22

Ania ti imbaga ni Jesus a makagapu no apay a namati ti babai a ni Jesus ket maysa a profeta?

Imbagana kenkuana nga adda ti lima nga asawana ken ti lalaki a kaduana ita ket saanna nga asawa.

John 4:23-24

Ania ti imbaga ni Jesus iti babai maipapan kadagiti agrukrukbab a sapsapulen iti Dios?

Imbaga ni Jesus kenkuana a ti Dios ket Espiritu isu a masapul nga agrukbab dagiti pudno nga agrukrukbab iti Dios iti espiritu ken kinapudno.

John 4:25-27

Ania ti imbaga ni Jesus iti babai idi imbaga ti babai nga ibaganto amin ti Messias, ti Kristo ti amin kadakuada no umayto isuna?

Imbaga ni Jesus kenkuana nga isuna ti Messias (ti Kristo).

John 4:28-33

Ania ti inaramid iti babai kalpasan ti panakisaritana kenni Jesus?

Imbati iti babai ti banga iti danum ket nagsubli isuna idiay ili ken imbagana kadagiti tattao, "Umaykayo, kitaenyo ti lalaki a nangibaga iti amin nga inaramidko. Saan a mabalin nga isuna ti Kristo, mabalin kadi?'

John 4:34-38

Ania ti imbaga ni Jesus a taraonna?

Imbaga ni Jesus a ti taraonna ket ti mangaramid iti pagayatan iti nangibaon kenkuana ken mangleppas iti trabahona.

John 4:39-40

Ania dagiti dua a banbanag a makagapu no apay a namati dagiti adu a Samaritano iti dayta a siudad kenni Jesus?

Ti imbaga iti babai ti makagapu no apay nga adu ti Samaritano iti dayta a siudad iti namati kenni Jesus. Adu met ti namati kenni Jesus gapu kadagiti sasaona.

John 4:41-45

Ania dagiti dua a banbanag a makagapu no apay a namati dagiti adu a Samaritano iti dayta a siudad kenni Jesus?

Ti imbaga iti babai ti makagapu no apay nga adu ti Samaritano iti dayta a siudad iti namati kenni Jesus. Adu met ti namati kenni Jesus gapu kadagiti sasaona.

John 4:46-47

Kalpasan a pimmanaw ni Jesus idiay Judea ken nagsubli idiay Galilea, siasino ti napan kenkuana ken ania ti kayatna?

Napan ti maysa nga opisial iti ari a masakit ti anakna kenni Jesus ken nagpakpakaasi isuna kenni Jesus a mapan isuna tapno paimbagenna ti anakna.

John 4:48-52

Ania ti imbaga ni Jesus iti opisial iti ari maipapan kadagiti pagilasinan ken dagiti nakaskasdaaw a banbanag?

Imbaga ni Jesus kenkuana a saan a mamati dagiti tattao malaksid no makakitada kadagiti pagilasinan ken nakaskasdaaw a banbanag.

John 4:53-54

Ania ti nagbanaganna kalpasan nga imbagada iti ama iti masakit nga ubing nga agbibiag ti anakna ken naikkat ti pudotna iti aldaw sakbay iti maikapito nga oras, agpada nga oras idi imbaga ni Jesus kenkuana, "Agbiag ti anakmo."?

Ti nagbanaganna ket namati ti opisial iti ari ken ti amin nga agnanaed iti balayna.

John 5

John 5:5-6

Idiay Betesda, siasino ti nagdamagan ni Jesus, "Kayatmo kadi ti umimbag?"

Dinamag ni Jesus iti maysa a lalaki a saan a makagaraw iti tallopulo ket walo a tawen ken nakaidda sadiay ti nabayagen a panawen.

John 5:7-8

Ania ti insungbat iti agsaksakit a lalaki iti saludsod ni Jesus, "Kayatmo kadi ti umimbag?"

Simmungbat ti agsaksakit a lalaki, "Apo, awan ti kaduak a mangikarga kaniak iti pagdigosan no makiburen ti danum. Padpadasek pay laeng, addan sabali a bimmaba iti sangoanak."

John 5:9

Ania ti napasamak idi imbaga ni Jesus iti agsaksakit a lalaki, "Tumakderka, alaem ti ikamenmo ket magnaka."?

Dagus a naagasan ti lalaki, Innalana ti pagiddaanna ket nagna.

Apay a makaunget dagiti panguloen iti Judio idi nakitada a magmagna ti naagasan a lalaki nga awitna ti pagiddaanna?

Makaungetda gapu ta Aldaw iti Panaginana. Imbagada pay iti lalaki a maiparit nga awitenna ti pagiddaanna iti dayta nga aldaw.

John 5:10-13

Apay a makaunget dagiti panguloen iti Judio idi nakitada a magmagna ti naagasan a lalaki nga awitna ti pagiddaanna?

Makaungetda gapu ta Aldaw iti Panaginana. Imbagada pay iti lalaki a maiparit nga awitenna ti pagiddaanna iti dayta nga aldaw.

John 5:14-18

Ania ti imbaga ni Jesus iti inagasanna nga agsaksakit a lalaki idi nasarakanna daytoy idiay templo?

Imbaga ni Jesus kenkuana, "Kitaem, immimbagkan! Saanka nga agbasolen amangan no adda ti dakdakes pay a mapasamak kenka."

John 5:19-20

Ania ti inaramid ni Jesus?

Inaramidna no ania ti nakitana nga ar-aramiden iti Ama.

John 5:21-23

Ania dagiti nabilbileg a banbanag nga impakita iti Ama iti Anak tapno agsiddaaw dagiti panguloen iti Judio?

Pinagungar ti Ama dagiti natay ken inikkanna ida iti biag, kastamet, mangted met iti biag ti Anak iti siasinoman a tarigagayanna.

John 5:24-25

Ania ti mapasamak no mamatikayo iti sao ni Jesus ken mamatikayo iti Ama a nangibaon kenkuana?

No kasta, adda biagyo nga agnanayon ken saankayo a mailunod, ngem ketdi, malabsanyo ti pannakatay iti biag.

John 5:26-27

Ania ti inted iti Ama iti Anak maipapan iti biag?

Inted ti Ama iti Anak ti biag kenkuana.

John 5:28-29

Ania ti mapasamak no mangngeg amin dagiti adda iti tanem ti timek iti Ama?

Umaydanto. Dagidiay a nagaramid iti naimbag maipaay iti panagungar iti biag, dagidiay a nagaramid iti kinadakes maipaay iti panagungar iti pannakaukom.

John 5:30-38

Apay a nalinteg ti panangukom ni Jesus?

Nalinteg ti panangukomna gapu ta saanna a birbiruken ti bukodna a pagayatan ngem ti pagayatan iti Ama a nangibaon kenkuana.

John 5:39-44

Apay a sinukimat dagiti panguloen iti Judio dagiti kasuratan?

Sinukimatda gapu ta impagarupda a kadagitoy, adda agnanayon a biagda.

Siasino ti panpaneknekan dagiti kasuratan?

Panpaneknekan dagiti kasuratan ti maipapan ken Jesus.

John 5:45-47

Siasino ti mangidarum kadagiti panguloen iti Judio iti sangoanan iti Ama?

Ni Moises ti mangidarum kadagiti panguloen iti Judio iti sangoanan iti Ama.

John 6

John 6:1-3

Ania ti sabali a nagan iti Baybay iti Galilea?

Ti Baybay iti Galilea ket maawagan met Baybay iti Tiberias.

John 6:4-6

Ania ti nakita ni Jesus idi timmangad kalpasan a nagtugawda kadagiti adalanna iti igid iti bantay?

Nakitana ti adu a tattao a mapmapan kenkuana.

John 6:7-9

Ania ti insungbat ni Felipe iti saludsod ni Jesus, "Sadino iti paggatangantayo iti tinapay tapno makapangan dagiti tattao?

Simmungbat ni Felipe, " Saan pay a maka-anay ti dua gasut a dinario a balor iti tinapay tapno makapanganda iti saggabassit."

John 6:10-12

Agarup mano a lallaki ti adda iti dayta a lugar

Agarup limaribu a lallaki ti adda sadiay.

John 6:13-18

Mano a tinapay ti nabati a naurnong kalpasan iti pannangan?

Nakapunno dagiti adalan iti sangapulo ket dua a basket iti napirpirsay a tinapay manipud iti lima a tinapay. Dagitoy ket nabati dagiti nalpasen a nangan.

John 6:19-25

Apay a nangrugi nga agbuteng dagiti adalan?

Nagbutengda gapu ta nakitada ni Jesus a magmagna iti baybay ken umas-asideg iti bangka.

John 6:26-29

Ania ti imbaga ni Jesus a makagapu no apay a birbiruken isuna dagiti tattao?

Imbaga ni Jesus a birbirukenda isuna saan gapu ta nakakitada iti pagilasinan, ngem gapu ta nanganda iti tinapay ket nabsugda.

John 6:30-34

Rinugian dagiti tattao ti agsaludsod ken Jesus iti pagilasinan kas koma iti manna, tinapay a naggapu iti langit, inted dagiti ammada a kanenda. Ania ngarud ti ibagbaga ni Jesus a tinapay?

Ibagbaga ni Jesus ti maipapan iti pudno a tinapay a naggapu iti Dios a mangmangted iti biag iti lubong. Imbaga ngarud ni Jesus kadakuada, isuna ti tinapay iti biag.

John 6:35-45

Rinugian dagiti tattao ti agsaludsod ken Jesus iti pagilasinan kas koma iti manna, tinapay a naggapu iti langit, inted dagiti ammada a kanenda. Ania ngarud ti ibagbaga ni Jesus a tinapay?

Ibagbaga ni Jesus ti maipapan iti pudno a tinapay a naggapu iti Dios a mangmangted iti biag iti lubong. Imbaga ngarud ni Jesus kadakuada, isuna ti tinapay iti biag.

John 6:46-56

Siasino iti nakakita iti Ama?

Isuna laeng a naggapu iti Dios ti nakakita iti Ama.

John 6:57-59

Apay a nabiag ni Jesus?

Nabiag ni Jesus gapu iti Ama.

John 6:60-63

Kasano a simmungbat dagiti adu nga adalan ni Jesus kalpasan a nangngegda dagiti insursurona maipapan iti pannangan iti lasagna ken pananginom iti darana?

Idi nangngeg dagiti adalan daytoy insursurona, adu kadakuada iti nagkuna, "Narigat daytoy a panursuro; siasino ti makaawat?" Kalpasan daytoy, adu kadagiti adalanna ti saanen a simmurot kenkuana.

John 6:64-69

Ania ti ammo ni Jesus maipapan kadagiti tattao manipud pay idi rugina?

Ammo ni Jesus manipud pay idi rugina no siasino dagiti saan a mamati ken no siasino ti mangliput kenkuana.

John 6:70-71

Siasino ti kayat a sawen ni Jesus idi imbagana a maysa kadagiti sangapulo ket dua ket dakes?

Ti ibagbaga ni Jesus ket ni Judas, ti anak ni Simon Iskariote, gapu ta isuna, maysa kadagiti sangapulo ket dua, ti mangliput ken Jesus.

John 7

John 7:1-9

Apay a saan a kayat ni Jesus iti mapan idiay Judea?

Saanna kayat iti mapan idiay agsipudta kayat dagiti Judio a patayen isuna.

John 7:10-11

Kaano ken kasano iti isasang-at ni Jesus iti fiesta?

Kalpasan a simmang-at iti fiesta dagiti kakabsatna, simmang-at met laeng isuna ngem saan a nalatak ngem sililimed.

John 7:12-13

Ania iti imbaga dagiti tattao maipapan ken Jesus?

Sumagmamano iti nagkuna, "Nasayaat a tao isuna." Saan ta inyaw-awanna dagiti tattao," kinuna iti dadduma.

John 7:14-16

Kaano nga immuli ni Jesus iti templo ken nangrugi a nangisursuro?

Idin ta malpas ti kagudua iti fiesta, immuli ni Jesus iti templo ket nangrugi a nangisursuro.

John 7:17-18

Kasano iti panangibaga ni Jesus nga ammo ti maysa no iti isursurona ket naggapu iti Dios, wenno agsasao ni Jesus iti bukbukodna?

Kinuna ni Jesus nga no ti siasinoman ket agtarigagay a mangaramid iti pagayatan iti tao a nangibaon ken Jesus, ammona iti maipapan kadagiti isursurona, no naggapo daytoy iti Dios wenno saan.

John 7:19-22

Sigun ken Jesus, siasino iti nangaramid iti linteg?

Kinuna ni Jesus awan kadakayao iti mangar-aramid iti linteg.

John 7:23-34

Ania iti pinangsuppiat ni Jesus gapu iti panangagasna iti Aldaw iti panaginana?

Ti pinangsuppiat ni Jesus ket: Mangkugitkayo iti lalaki iti Aldaw iti Panaginana tapno saan a maburak iti linteg ni Moises. Apay a makaunget kayo kaniak no inaramid ko a naan-anay a naagasan ti lalaki iti aldaw iti Panaginana.

John 7:35-38

Naawatan kadi dagiti Judio iti kayat a sawen ni Jesus idi imbagana, "Iti ababa a panawen, addaak pay lang kadakayo, ngem mapanakto iti nangibaon kaniak. Birukendakto ngem saandak a masapulan, Saankayto a makaumay idiay papanak."

Ngem impakitada kadagiti panagsasaritada a saanda a naawatan ti insao ni Jesus.

John 7:39-44

Ania iti kayat nga iparang ni Jesus idi imbagana a, "Palubusanyo nga umay kaniak ket uminom ti siasinoman a mawaw. Siasinoman a mamati kaniak kas imbaga iti Nasantoan a Surat, agataud iti unegna iti karayan iti sibibiag a danum."

Imbaga ni Jesus daytoy maipapan iti Espiritu, a maawatto dagiti namati kenkuana.

John 7:45-49

Kasano a simmungbat dagiti opisyales kadagiti papanguloen a papadi ken kadagiti Fariseo a nangibaga kadakuada nga, "Apay a saanyo isuna nga inyeg (ni Jesus)?"

Simmungbat dagiti opisyales, " Awan pay pulos a tao ti nagsao kas iti daytoy idi."

John 7:50-53

Kasano a simmungbat ni Nicodemus kadagiti Fariseo idi dinamag dagiti Fariseo dagiti naibaon a mangtiliw ken Jesus, "Naiyaw-awan kayo kadi met? Adda kadi sinoman kadagiti panguloen wenno sinoman a Fariseo ti namati kenkuana?

Kinunana ni Nicodemus kadagiti Fariseo, "Mangukom kadi iti lintegtayo iti tao malaksid nga umuna a mangngegan isuna wenno maammoan iti inaramidna?"

John 8

John 8:7-8

Ania iti imbaga ni Jesus kadagiti eskriba ken kadagiti Fariseo kalpasan nga itultuloyda ti agsalsaludsod kenkuana maipapan iti babai a natiliwan a makikamkamalala?

Imbagana kadakuada a, " Palubusam nga umuna a mangbato iti babai ti siasinoman kadakayo nga awan basolna."

John 8:9-16

Ania iti inaramid dagiti tattao kalpasan a nagsao ni Jesus kadakuada maipapan no siasino ti rumbeng nga umuna a mangbato iti babai a natiliwan a nakikamalala?

Kalpasan a nagsao ni Jesus pimmanawda a saggaysa, mangrugi iti kataengan inggana iti maudi.

John 8:17-22

Kasano nga inkalintegan ni Jesus a ti pammaneknekna a kas pudno?

Imbaga ni Jesus a, naisurat iti lintegyo a ti panagsaksi iti dua a tao ket pudno. Kalpasanna, imbagana nga isuna ken ti Ama a nangibaon kenkuana ket agpada a mangpanpaneknek maipapan ken Jesus.

John 8:23-30

Ania iti nangibasaran ni Jesus iti imbagana maipapan kadagiti Fariseo a matayda iti basbasolda?

Imbasar ni Jesus ti imbagana iti pannakaammona kadakuada, a taga babada, ket taga ngato isuna. A taga lubongda ket saan isuna a taga ditoy lubong.

John 8:31-33

Kasano ti panangibaga ni Jesus tapno maammoan dagiti namati kenkuana a Judio nga isuda dagiti napudno nga adalanna?

Maammoanda nga isuda iti napudno nga adalan ni Jesus no agtalinaedda iti sao ni Jesus.

John 8:34-36

Ania iti pangipappapanan ni Jesus idi imbagana,..ken ammoyo iti kinapudno, ket wayawayaannakayo iti kinapudno?

Impapan ni Jesus iti mabalin a pannakawayawaya manipud iti pannakatagabo iti basol.

John 8:37-38

Sigun ken Jesus, ania iti rason dagiti Judio apay a biruken tapno papatayenda ni Jesus?

Birukenda tapno papatayenda ni Jesus gapu ta awan iti lugar ti saona kadakuada.

John 8:39-41

Apay nga imbaga ni Jesus a dagitoy a Judio ket saan nga annak ni Abraham?

Imbaga ni Jesus a saan nga anak ida ni Abraham gapu ta saanda nga inaramid dagiti trabaho ni Abrham. Ngem ketdi binirokda tapno patayen ni Jesus.

John 8:42-51

Idi imbaga dagiti Judio nga addaanda iti maymaysa nga Ama, kasano a sinungbatan ida ni Jesus?

Imbaga ni Jesus kadakuada, "No ti Dios iti Amayo, ayatendak koma, ta naggapoak iti Dios; ta saanak nga immay iti bukbukodko ngem imbaonnak."

John 8:52-59

Apay nga imbaga dagiti Judio nga adda iti demonio ken Jesus?

Imbagada daytoy agsipud ta imbaga ni Jesus a, "Pudno, pudno, kunak kadakayo, siasinoman a mangsalsalimetmet iti saok saanna a makita iti patay.

Apay a pinanunot dagiti Judio a nakadidillaw ti imbaga ni Jesus maipapan iti saan a pannakakita iti patay?

Pinanunotda daytoy gapu ta panpanunotenda iti napisikilan nga ipapatay iti bagi. Uray ni Abraham ken dagiti profeta ket natay ( dagiti napisikalan a bagbagida).

John 9

John 9:3-5

Ania ti imbaga ni Jesus a makagapu no apay a naiyanak ti lalaki a bulsek?

Imbaga ni Jesus a naiyanak ti lalaki a bulag tapno maipaikita dagiti trabaho ti Dios kenkuana.

John 9:6-12

Ania ti inaramid ken imbaga ni Jesus iti bulsek a lalaki?

Nagtupra ni Jesus idiay daga, nagaramid iti pitak ken pinulotanna ti mata ti lalaki iti pitak. Ken imbaga ni Jesus iti lalaki nga mapan isuna agbuggo idiay pagdigusan idiay Siloam.

John 9:13-15

Ania ti inaramid dagiti tattao a kadua ti sigud a bulsek nga agpalpalama?

Impanda ti lalaki kadagiti Fariseo.

John 9:16-18

Ania ti panagsisina nga immadda kadagiti Fariseo?

Imbaga dagiti dadduma a Fariseo a saan a nagtaud ni Jesus iti Dios gaputa saanna a sinalimetmetan ti Aldaw ti Panaginana (nangagas isuna iti Aldaw a Panaginana) ken imbaga met dagiti dadduma a Fariseo a kasano a ti maysa a tao a managbasol ket makaaramid iti kasta a pagilasinan.

John 9:19-21

Apay a pinaayaban dagiti Judio ti nagannak ti lalaki a nakaawat ti panagkita?

Pinaayabanda ti nagannak ti lalaki gapu ta saanda pay laeng a mamati a ti lalaki ket ti sigud a bulag.

John 9:22-23

Apay nga imbaga ti nagannak ti lalaki a, "Nataenganen isuna. Damagenyo kenkuana."

Imbagada daytoy gapu ta mabutengda kadigiti Judio. Ta nagtutulag gamin dagiti Judio a no siasinoman a mangibaga a ni Jesus ket Cristo ket mapapanaw iti sinagoga.

John 9:24-25

Ania ti imbaga dagiti Fariseo iti sigud a bulsek a lalaki idi pinaayabanda isuna iti maikadua a daras?

Kinunada, "Ited ti dayag iti Dios. Ammomi a daytoy a tao (Jesus) ket managbasol."

John 9:26-29

Apay a nakaunget dagiti Fariseo iti lalaki a sigud a bulsek?

Nakaunget dagiti Fariseo iti lalaki gapu ta imbagana nga, "Imbagakun idi kadakayo ket saanyo kayat a dinggen. Apay ta kayat yo manen a mangngeg? Saanyo met kayat ti agbalin nga adalanna, kayatyo kadi?"

John 9:30-34

Idi nakaunget dagiti Fariseo iti lalaki, ania ti insungbat ti lalaki a sigud a bulsek kadagiti Fariseo?

Insungbat ti lalaki, "Daytoy ket nakaskasdaaw a banag, nga madi yo ammo no sadino ti nagtaudan daytoy a lalaki(Jesus)ngem nalukatanna dagiti matak." Ammo tayo nga saan a dingdinggen ti Dios dagiti managbasol. Ngem no agdaydayaw isuna ti Dios ken araramidenna dagiti pagayatan ti Dios, dinggen isuna ti Dios. Manipud pay idi nairugi ti lubong saan pay a nangngeg nga naagasan ti siasinoman ti mata ti tao a naiyanak a bulag. No saan isuna a naggapu iti Dios, awan koma ti maaramidanna."

John 9:35-41

Ania ti inaramid ni Jesus idi nangngegna a ti sigud a bulsek a lalaki ket napapanaw idiay sinagoga?

Napan biniruk ni Jesus ti lalaki ket nabirukanna daytoy.

Ania ti imbaga ni Jesus iti lalaki a sigud a bulsek kalpasan a nabirukanna daytoy?

Dinamag ni Jesus ti lalaki no mamati isuna iti Anak ti Tao kalpasanna imbagana iti sigud a bulsek a lalaki nga isuna(Jesus) ti Anak ti Tao.

John 10

John 10:1-2

Sigun kenni Jesus, siasino ti agtatakaw?

No siasinoman ti saan a sumrek babaen ti ruangan ti pagapunan dagiti karnero, ngem umuli iti sabali a dalan ket agtatakaw.

John 10:3-4

Apay a sursuruten dagiti karnero ti agpaspastor no ayabanna isuda?

Sumursurot kenkuana dagiti karnero gapu ta ammoda ti timekna.

John 10:5-6

Sumurot kadi dagiti karnero iti saanda nga amammo?

Saan. Saan nga sumurot dagiti karnero ti saanna nga amammo.

John 10:7-8

Siasino dagiti immay sakbay ni Jesus?

Amin nga immuna nga immay sakbay ni Jesus ket agtatakaw, ken saan ida a dinengngeg dagiti karnero.

John 10:9-10

Kinuna ni Jesus nga isuna ti ruangan. Ania ti mapasamak kadagiti umuneg babaen iti dayta a ruangan?

Dagiti umuneg babaen kenni Jesus, ti ruangan,ket maisalakan; umuneg ken rumuarda ket makabirukda ti pagaraban.

John 10:11-16

Ania ti sipapalubos nga aramiden ni Jesus, ti naimbag a pastor, ken ania ti inaramidna maipaay iti karnero?

Ni Jesus, ti naimbag a pastor ket sipapalubosna nga ited ti biagna maipaay kadagiti karnero.

John 10:17-18

Apay nga ay-ayaten ti Dios Ama ni Jesus?

Ay-ayaten ti Dios Ama ni Jesus gaputa inted i Jesus ti biagna tapno maalana manen.

John 10:19-24

Ania ti imbaga dagiti Judio gapu kadagiti sasao ni Jesus?

Adu kadakuada ti mangibagbaga, "Adda kenkuana ti demonio ken agmauyong isuna. Apay dumdumngegkayo kenkuana? Kinuna dadduma, "Saan a kastoy ti ibagbaga iti maysa a naluganan ti demonio. Kabaelan kadi ti demonio ti manglukat ti mata ti bulag?"

John 10:25-28

Kasano a simmungbat ni Jesus kadagiti Judio idiay Beranda ni Solomon?

Imbaga ni Jesus nga imbagana idin kadakuada (nga isuna ti Kristo) ket saanda a namati kenkuana gapu ta saanna isuda a karnero.

John 10:29-33

Siasino ti nangited kenni Jesus kadagiti karnero?

Inted ti Dios Ama kenni Jesus dagiti karnero.

Adda kadi ti natantan-ok ngem ti Dios Ama?

Ti Dios Ama ket natantan-ok ngem ti siasinoman.

John 10:34-36

Kasano nga inkalintegan ni Jesus ti bagina iti panangpabasolda kenkuana iti panagtabbaaw?

Inkalintegan ni Jesus ti bagina babaen iti panangibagana iti, "Saan kadi nga nakasurat iti lintegyo, 'Imbagak, "Sikayo dagiti dios"?" No inawaganna ida a dios, siasinno ti immayan ti sao ti Dios (saan a maburak ti Nasantoan a Surat), ibagbagayo kadi kenkuana no siasinno ti indaton ken imbaon ti Ama ditoy lubong, "Agtabtabaaawka,' gapu ta imbagak nga, 'Siak ti Anak ti Dios'?

John 10:37-39

Ania ti imbaga ni Jesus kadagiti Judio nga aramidenda tapno maammoanda no mamatida wenno saan kenkuana?

Kinuna ni Jesus kadagiti Judio a kitaenda dagiti inaramidna. No saan nga ar-aramiden ni Jesus dagiti trabaho ti Amana, saankayo a mamati kenkuana. No ar-aramidenna dagiti trabaho ti Amana, mamati kayo kenkuana.

John 10:40-42

Napanan ni Jesus kalpasan daytoy a pasamak?

Pimmanaw manen ni Jesus ket napan iti labes ti Jordan, iti lugar nga pagbaubautisaran ni Juan idi rugrugina.

John 11

John 11:1-7

Siasino daytoy a Lazaro?

Ni Lazaro ket nagtaud idiay Betania. Kabsatna da Maria ken Marta. Daytoy a Maria ket isu met laeng ti Maria a mangibukbok iti mira ken mangpunas kadagiti saksaka ni Jesus babaen kadagiti buokna.

John 11:8-9

Ania ti imbaga dagiti adalan ni Jesus idi kinuna ni Jesus kadakuada nga, "Intayo manen idiay Judea."?

Kinuna dagiti adalan ken ni Jesus, "Rabbi, kaano laeng ket kayatdaka nga uboren dagiti Judio, ket agsublika manen idiay?"

John 11:10-11

Ania ti kinuna ni Jesus maipanggep iti pannagna iti aldaw ken pannagna iti rabii?

Kinuna ni Jesus a no ti maysa ket magna iti aldaw, saanto a maitublak ta makakita isuna babaen iti lawag. Nupay kasta, no magna isuna iti rabii, maitublakto gapu ta awan kenkuana ti lawag.

John 11:12-14

Idi imbaga ni Jesus kadagiti adalan a nakaturog ni Lazaro ken riingennanto ni Lazaro, ania ti ipagarup dagiti adalan a kayatna a sawen?

Ipagarup dagiti adalan a ti kayat a sawen ni Jesus ket ti kadawyan a pannaturog, ta kinunada ken ni Jesus, "Apo, no nakaturog isuna, umimbagto."

John 11:15-16

Apay a naragsakan ni Jesus ta awan isuna idi natay ni Lazaro?

Kinuna ni Jesus, "Maragsakanak, maigapu kaddakayo, nga awanak idiay tapno mamatikayo."

John 11:17-23

Kasano kabayagen ti kaadda ni Lazaro iti tanem idi immay ni Jesus?

Uppat nga aldawen nga adda ni Lazaro iti tanem.

John 11:24-26

Idi imbaga ni Jesus ken ni Marta nga, "agungarto ti kabsatmo", ania ti insungbatna ken ni Jesus?

Kinunana ken ni Jesus, "Ammok nga agungarto isuna iti panagungar iti maudi nga aldaw."

John 11:27-32

Ania ti pammaneknek ni Marta maipanggep iti kinasiasino ni Jesus?

Kinuna ni Marta ken ni Jesus, "Wen, Apo, mamatiak a sika ti Kristo, ti Anak ti Dios, ti maysa nga umay iti lubong."

John 11:33-35

Ania ti makagapu iti panagasug ni Jesus iti naespirituan ken pannakariribukna ken ti panagsangitna?

Nagasug ni Jesus iti espiritu ken nariribukan ket nagsangit kalpasan a nakitana ni Maria ken dagiti Judio nga agsangsangit.

John 11:36-40

Ania ti kinuna dagiti Judio idi nakitada nga agsangsangit ni Jesus?

Kinunada nga inay-ayat unay ni Jesus ni Lazaro.

John 11:41-44

Ania ti dagus nga inaramid ni Jesus kalpasan a naikkat ti bato iti rukib?

Timmangad ni Jesus ket nagkararag iti napigsa iti Amana.

John 11:45-50

Ania ti inaramid dagiti Judio idi nakitada ni Lazaro a rimmuar iti rukib?

Idi nakita dagiti adu a Judio ti inaramid ni Jesus ket namatida kenkuana, ngem dadduma kadakuada ti napan kadagiti Pariseo ket imbagada kadakuada ti inaramid ni Jesus.

John 11:51-53

Iti panaguummong dagiti panguloen a papadi ken dagiti Pariseo, ania ti impadto ni Caifas?

Kinuna ni Caifas a nasaysayaat no ti maysa a tao ket matay para kadagiti tattao ngem iti pannakapukaw ti sibubukel a nasion.

John 11:54-57

Ania ti inaramid ni Jesus kalpasan a pinagungarna ni Lazaro?

Saanen a nakipagna ni Jesus kadagiti Judio, ngem ketdi, pimmanaw manipud Betania a nagturong iti lugar nga asideg iti let-ang iti ili a maawagan Efraim. Nagian isuna idiay a kaduana dagiti adalanna.

John 12

John 12:1-3

Kaano a nagsubli ni Jesus idiay Betania?

Nagsubli ni Jesus idiay Betania innem nga aldaw sakbay ti Ilalabas.

John 12:4-6

Apay a kinuna ni Judas Escariote, a maysa kadagiti adalan ni Jesus a masapul koma a nailako ti bangbanglo tapno ti paglakoan ket maited kadagiti nakurapay?

Kinuna ni Judas daytoy saan a gapu ta kailalaanna dagiti nakurapay ngem gapu ta isuna ket maysa nga agtatakaw: Isuna ti mangig-iggem iti nakaikabilan ti kuarta ket mangal-ala isuna iti adda iti dayta para iti bagina..

John 12:7-8

Kasano ti panangikanawa ni Jesus ken ni Maria iti panangusarna iti bangbanglo?

Kinuna ni Jesus, "Bay-anyo isuna a salimetmetanna ti aniaman nga adda kenkuana iti kaaldawan ti pannakaitabonko. Dagiti nakurapay ket kanayon nga adda kadakayo; ngem saanak a kanayon ti kaaddak kadakayo."

John 12:9-15

Apay nga adu dagiti tattao a naguurnong idiay Betania?

Immayda maigapu ken ni Jesus ken maigapu met laeng ken ni Lazaro a pinagungar ni Jesus.

John 12:16

Ania dagiti banbanag a saan nga naawatan dagiti adalan ni Jesus idi damo ngem nalagipda a naaramidda dagitoy a banbanag kenkuana kalpasan a napadayawan ni Jesus?

Nalagip dagiti adalan ti naisurat maipanggep ken ni Jesus, "Saanka nga agbuteng, anak a babai ti Zion, kitaenyo, ti ariyo ket um-umay, nakasakay iti urbon ti asno."

John 12:17-22

Apay a sinabat dagiti adu a tattao iti fiesta ni Jesus?

Rimmuarda a sinabat ni Jesus gapu ta nangngegda manipud kadagiti nakaimatang a pinaruar ni Jesus ni Lazaro manipud iti tanemna ken pinagungarna daytoy.

John 12:23-24

Ania ti immuna nga imbaga ni Jesus idi imbaga da Andres ken Felipe kenkuana nga adda Griego a mangkayat a mangkita kenkuana?

Simmungbat ni Jesus kadakuada ket kinunana, "Immayen ti oras tapno mapadayawan ti Anak Ti Tao."

John 12:25-29

Ania ti imbaga ni Jesus a mapasamak iti agayat iti biagna ken iti manggura iti biagna iti daytoy a lubong?

Kinuna ni Jesus a ti mangayat iti biagna ket mapukawna, ngem ti manggura iti biagna iti daytoy a lubong ket masalimetmetanna para iti agnanayon a biag.

John 12:30-36

Ania ti imbaga ni Jesus a makagapu no apay nga adda nagtimek manipud iti langit?

Kinuna ni Jesus, "Saan nga immay ti timek maigapu kaniak ngem maigapu kadakayo (a Judio)."

John 12:37-38

Apay a saan a namati dagiti tattao ken ni Jesus?

Saan a namati dagiti tattao tapno matungpal ti sasao ni Isaias a propeta a kunana, "Apo, Siasino ti namati iti padamagmi? Ken siasino ti nakaipakitaan ti takkiag ti Apo?"

John 12:39-40

Apay a saan a mamati dagiti tattao ken ni Jesus?

Saanda a namati gapu ta kas kinuna ni Isaias, "Binulsekna dagiti matada, ken pinatangkenna dagiti puspusoda; ta no saan makitada ket maawatanda kadagiti puspusoda, ket agsublida, ket paimbagek isuda."

John 12:41-43

Apay a naibaga ni Isaias dagitoy a banbanag?

Naibaga ni Isaias dagitoy gapu ta nakitana ti dayag ni Jesus.

John 12:44-47

Ania ti imbaga ni Jesus maipapan kenkuana ken iti Amana?

Kinuna ni Jesus, "Ti mamati kaniak, saan laeng a siak ti pinatina ngem mamati met laeng kenkuana a nangibaon kaniak, ken ti makakita kaniak, makitkitana met isuna a nangibaon kaniak."

John 12:48-50

Ania ti mangukom kadagiti manglaksid ken ni Jesus ken saan a mangawat iti sasaona?

Ti sao nga insao ni Jesus ti mangukom kadagiti manglaksid kenkuana iti maudi nga aldaw.

John 13

John 13:1-2

Kasano kabayag nga ayaten ni Jesus dagiti bukodna?

Ipatpategna isuda iti agnanayon.

John 13:3-15

Ania dagiti inted ti Ama ken ni Jesus?

Inted ti Ama amin dagiti bambanag ken ni Jesus.

Sadino iti naggapuan ni Jesus ken sadino iti papananna?

Naggapu ni Jesus manipud iti Dios ken agsubli isuna iti Dios.

John 13:16-18

Ti adipen kadi ket nangatngato ngem ti amona wenno nangatngato ngem ti maysa a nangibaon kenkuana?

Ti adipen ket saan a nangatngato ngem iti Amona ken ti maysa nga naibaon ket saan a nangatngato ngem iti nangibaon kenkuana.

John 13:19-25

Apay nga inbaga ni Jesus kadagiti adalanna, "Saan nga amin kadakayo ket nadalusen" ken "Isuna a mangan iti tinapayko ket ingatona ti mukodna maibusor kaniak."?

Inbaga ni Jesus kadakuada daytoy sakbay a mapasamak tapno iti kasta inton mapasamak mamatida koma nga isuna ket ti SIAK.

John 13:26-30

Kasano iti sungbat ni Jesus iti saludsod ti adalan a dinungdungngona no siasino iti mangliput kenkuana?

Simmungbat ni Jesus, "Isuna daytoy isaw-sawakto iti pirsay ti tinapay ket itedko kenkuana." Ket insawsaw ni Jesus ti tinapay ket intedna ken ni Judas, ti anak ni Simon Iscariote.

John 13:31-33

Kasano a maitag-ayto ti Dios?

Maitag-ayto ti Dios iti Anak ti tao. Inton ti Anak ti tao ket naitag-ay nga intag-ay iti Dios

John 13:34-38

Ania ti baro a bilin nga inted ni Jesus kadagiti adalanna?

Ti baro a bilin ket masapul nga ayatenda ti maysa ken maysa kas iti panagayat ni Jesus kadakuada.

John 14

John 14:1-7

Apay a masapul a dagiti puspuso dagiti adalan ket saan a mariribukan?

Masapul a dagiti puspusoda ket a saan a mariribukan gapu ta apanen isagana ni Jesus ti lugar a maipaay kadakuada ken agsublinto manen ni Jesus tapno awatenna isuda tapno iti kasta sadinoman ti ayan ni Jesus addada koma met sadiay.

John 14:8-9

Ania iti inbaga ni Felipe ken ni Jesus nga umanayen nga aramidenna para kadagiti adalan?

Imbaga ni Felipe ken ni Jesus, "Apo, Ipakitam ti Ama, ket umanayto daytan a maipaay kadakami."

John 14:10-11

Agsasao kadi ni Jesus kadagiti adalanna iti bukbukodna?

Saan nga agsasao ni Jesus iti bukbukodna, ngem ketdi, ti Ama nga agtataeng kenkuana nga manga-aramid iti trabaho ti Ama

John 14:12-14

Apay nga imbaga ni Jesus kadagiti adalanna a mabalindanto nga aramiden uray dagiti dadakkel nga ar-aramid ngem iti inaramidna?

Imbaga ni Jesus kadagiti adalanna a mabalindanto nga aramiden uray dagiti dadakkel nga ar-aramid agsipud ta apanen ni Jesus iti Ama.

John 14:15-20

Ania iti imbaga ni Jesus nga aramidem no ay-ayatem isuna?

Imbaga ni Jesus nga salimetmetam dagiti bilbilinna no ay-ayatem isuna.

John 14:21-27

Anianto iti mapasamak iti siasinoman nga addaan iti bilblilin ni Jesus kenkuana ken salimetmetanna dagitoy?

Dagidiay a tattao ket ayatento ni Jesus ken ti Amana ken agparangto ni Jesus kadagidiay a tattao.

John 14:28-31

Apay a rumbeng nga agrag-o dagiti adalan inton ni Jesus ket pumanaw?

Kinuna ni Jesus a rumbeng nga agrag-oda gapu ta ni Jesus ket mapanen iti Ama ken ti Ama ket natantan-ok ngem ni Jesus.

John 15

John 15:1-2

Siasino ti pudno a puon?

Ni Jesus ti pudno a puon.

Siasino ti mangpadpadakel iti puon?

Ti Ama ti mangpadpadakkel.

John 15:3-4

Apay a nadalusan dagiti adalan?

Nadalusanda gapu iti mensahe nga imbaga ni Jesus kadakuada.

John 15:5-7

Siasino dagiti sanga?

Datayo dagiti sanga.

Ania ti masapul nga armidentayo tapno makapagbunga?

Tapno makapagbunga masapul nga agtalinaedkayo ken ni Jesus.

John 15:8-9

Ania dagiti dua a wagas a maitan-ok iti Ama?

Maitan-ok iti Ama no agbungatayo iti adu ken no datayo dagiti adalan ni Jesus.

John 15:10-13

Ania ti masapul nga aramidentayo tapno agtalinaedtayo iti ayat ni Jesus?

Masapul nga idulintayo dagiti bilbilinna.

John 15:14-25

Kasano a maammoantayo a gayyemnatayo ni Jesus wenno saan?

Gayyemnatayo ni Jesus no aramidentayo dagiti banbanag nga imbilinna kadatayo.

John 15:26-27

Siasino ti mangpaneknek ti padto maipapan ken ni Jesus?

Ti Mangliwliwa, nga isu iti Espiritu ti Kinapudno, ken dagiti adalan ni Jesus ti mangpaneknek maipapan ken ni Jesus.

John 16

John 16:1-2

Apai nga insao ni Jesus dagitoy a banbanag kadagiti adalan?

Insao ni Jesus dagitoy a banbanag kadakuada tapno rumbeng a saanda a maitibkul.

John 16:3-7

Apai nga ikabilto dagiti tattao dagiti adalan ni Jesus iti ruar ti sinagoga ken patayenda iti sumagmamano kadakuada?

Aramidenda daytoy gapu ta saanda nga am-ammo iti Ama wenno ni Jesus.

John 16:8-14

Maipapan no anianto iti paneknekan ti Mangliwliwa ti lubong?

Paneknekanto ti Mangliwliwa iti lubong ti maipapan iti basol, ti kinalinteg ken panangukom.

John 16:15-21

Ania dagiti banbanag ni Jesus nga alaento ti Espiritu ti kinapudno?

Alaento ti Espiritu ti kinapudno dagiti banbanag ti Ama. Amin a banbanag nga adda iti Ama ket kukua met ni Jesus.

John 16:22-31

Ania iti mapasamak a pakaigapuan nga agrag-o dagiti adalan?

Makitada manen ni Jesus ket agrag-o dagiti puspusoda.

John 16:32-33

Ania iti imbaga ni Jesus kadagiti adalanna nga aramidenda iti dayta nga oras?

Imbaga ni Jesus a dagiti adalan ket mawarawara, ken tunggal maysa iti bukodda a sanikua, ken panawanda ni Jesus nga agmaymaysa.

Siasino iti nagtalinaed a mapan a kadua ni Jesus kalpasan a pinanawanda nga agmaymaysa?

Nagtalinaed latta iti Ama a kadua ni Jesus.

John 17

John 17:3-5

Ania ti biag nga agnanayon?

Ti biag nga agnanayon ket ti panangammo iti Ama, ti maymaysa a pudno a Dios, ken kenkuana nga imbaonmo, ni Jesu-Cristo.

John 17:6-8

Siasino dagiti nangipakaammoan ni Jesus ti nagan iti Ama?

Impakaammo ni Jesus ti nagan ti Ama kadagiti tattao nga inted ti Ama ken ni Jesus a nagtaud iti lubong.

John 17:9-11

Siasino dagiti kinuna ni Jesus a saanna nga ikarkararagan?

Kinuna ni Jesus a saan isuna nga agkarkararag para ti lubong.

John 17:12-19

Bayat ti kaadda ni Jesus ditoy lubong, ania dagiti inaramid ni Jesus kadagiti inted ti Ama kenkuana?

Inaywanan ida ni Jesus.

John 17:20-26

Siasinoda pay dagiti ikarkararagan ni Jesus?

Ikarkararagan ni Jesus dagiti siasinoman a mamati kenkuana babaen iti sao dagiti simmurot kenkuana iti dayta a tiempo.

John 18

John 18:1-3

Kalpasan a naibaga dagitoy ni Jesus, sadino ti napananna?

Napan isuna a kadua dagiti adalanna idiay Tanap ti Kidron iti maysa minuyongan ket simrekda iti daytoy.

John 18:4-5

Ania ti sinaludsod ni Jesus kadagiti bunggoy ti tattao idiay minuyongan?

Sinaludsod ni Jesus kadakuada, "Ta siasino ti birbirukenyo?"

John 18:6-7

Ania ti napasamak kadagiti bunggoy ti tattao idi imbagada a birbirukenda ni Jesus a taga-Nasaret ket simmungbat ni Jesus ti, "Siak."?

Dagiti soldado ken dagiti sabali a kaduada ket napasanudda ken natumbada iti daga.

John 18:8-9

Apay nga imbaga ni Jesus nga, "Imbagak kadakayo a Siak isuna; isu a no siak ti birbirukenyo, ipalubosyo a pumanaw dagitoy dadduma a tattao."?

Imbaga ni Jesus daytoy tapno maipatungpal ti sao nga imbagana: "Kadagiti amin nga intedmo kaniak, awan uray maysa a napukawko."

John 18:10-16

Ania ti kinuna ni Jesus kenni Pedro kalpasan a tinagbat ni Pedro ti lapayag ni Malco, nga adipen ti kangatoan a padi?

Kinuna ni Jesus kenni Pedro, "Isublim dayta kampilanmo iti kalubanna. Ti kopa nga inted kaniak ti Ama, saanko aya nga inumen daytoy?"

John 18:17-18

Siasino ti nagsaludsod kenni Pedro no isuna ket adalan ni Jesus wenno nakadua ni Jesus?

Ti babai nga agbanbantay ti ridaw idiay paraangan ti pagukoman, dagiti tattao nga agtaktakdaer iti aglawlaw ti bumigbeggang nga uging, ken maysa kadagiti adipen ti kangatoan a padi, a kabagian ti lalaki a sinigpat ni Pedro ti lapayagna, amin dagitoy nagsalodsod kenni Pedro no isuna ket kadua ni Jesus wenno adalan ni Jesus.

John 18:19-27

Iti apagbiit, kasano a simmungbat ni Jesus idi sinaludsod ti kangatoan a padi ni Jesus maipapan iti adalanna ken iti sursurona?

Kinuna ni Jesus a nagsao isuna a nawaya iti lubong. Kinunana iti panguloen a padi a damagenda kadagiti nagdengeg kenkuana maipapan kadagiti imbagana.

John 18:28-30

Apay a saan a simrek dagidiay nangala kenni Jesus iti "Praetorio?"

Saanda a simrek iti Praetorio tapno saanda a matulawan ken makapanganda iti fiesta ti ilalabas.

John 18:31-32

Apay nga indatag dagiti Judio ni Jesus kenni Pilato imbes a bukodda a dusaen ni Jesus?

Kayat a patayen dagiti Judio ni Jesus ngem saan a nainkalintegan kadakuada a mangpapatay iti tao nga awan ti pammalubos manipud kadagiti agturay iti Roma (Pilato).

John 18:33-35

Ania ti sinaludsod ni Pilato kenni Jesus?

Nagsaludsod ni Pilato kenni Jesus no isuna ket ari dagiti Judio, ken dinamagna pay ni Jesus no ania ti inaramidna.

John 18:36-37

Ania ti imbaga ni Jesus kenni Pilato maipapan iti pagarianna?

Kinuna ni Jesus kenni Pilato a ti pagarianna ket saan a paset iti daytoy a lubong ken saan a naggapu ditoy.

John 18:38-40

Ania ti pangngeddeng ni Pilato maipapan kenni Jesus kalpasan a nakitungtong kenkuana?

Kinuna ni Pilato kadagiti Judio nga, "Awan masarakak a krimen iti daytoy a tao."

John 19

John 19:4-6

Apay ta inruar manen ni Pilato kadagiti tatttao ni Jesus?

Inruar ni Pilato ni Jesus kadagiti tattao tapno maammoanda nga awan ti nasarakan ni Pilato a basol ni Jesus.

John 19:7-11

Ania ti imbaga dagiti Judio a gapuanan ti nakaru a buteng ni Pilato?

Imbaga dagiti Judio ken ni Pilato, "Adda ti lintegtayo, ken babaen iti dayta a linteg masapul a matay isuna gapu ta inaramidna ti bagina nga Anak ti Dios."

John 19:12-16

Uray no kayat ni Pilato a palubosan ni Jesus, ania ti imbaga dagiti Judio tapno lappedanda isuna?

Nagpukkaw dagiti Judio a kunada, "No palubosam daytoy a tao, saannaka a gayyem ni Cesar: Tunggal maysa a mangaramid iti bagina nga ari ket agsarsarita a maibusor kenni Cesar."

John 19:17-18

Sadino ti nangilansaanda kenni Jesus?

Idiay Golgota ti nangilansaanda kenni Jesus a ti kayatna a sawen ket ti lugar iti banga-banga.

John 19:19-22

Ania ti insurat ni Pilato a pakaammo a naikabil iti krus ni Jesus?

Idiay a pakaammo ket naisurat ti "JESUS ITI NAZARET, TI ARI DAGITI JUDIO."

John 19:23-24

Ania ti inaramid dagiti soldado kadagiti pagan-anay ni Jesus?

Ginudua dagiti soldado ti pagan-anay ni Jesus iti uppat a paset, maysa a paset iti tunggal soldado. Ngem nagbibinunotanda tapno makita no asino iti makaala ti bado ni Jesus nga awan ti daitna.

Apay nga inaramid dagiti soldado ti kastoy iti pagan-anay ni Jesus?

Napasamak daytoy tapno maipatungpal ti naibaga iti Nasantoan a Surat, "Nagbibingayanda dagiti pagan-anayko, ken nagbibinnunotanda iti lupotko."

John 19:25-27

Siasino ti nakatakder ti asideg iti krus ni Jesus?

Agtaktakder ti asideg iti krus ni Jesus ti inana, ti kabsat ti inana, ni Maria nga asawa ni Clopas, ni Maria Magdalena, ken ti adalan nga inayatna.

John 19:28-30

Apay nga imbaga ni Jesus, "Mawawak."

Imbaga ni Jesus daytoy tapno pumudno ti naibaga iti Nasantoan a Surat.

John 19:31-33

Apay a kayat dagiti Judio a tukkolen ni Pilato dagiti saka ti napapatay a lallaki?

Panagsagana idi, ket tapno saan nga agtalinaed dagiti bagi iti krus kabayatan ti Panaginana (ta ti Panaginana ket napateg nga aldaw), kiniddaw dagiti Judio kenni Pilato a tukkolendan dagiti tulang ti saka dagiti napapatay a lallaki tapno maiyulog dagiti bagida.

John 19:34-35

Ania ti inaramid dagiti soldado kenni Jesus kalpasan a nakitada nga isuna ket natayen?

Dinuyok ti maysa kadagiti soldado ti bakrang ni Jesus babaen iti gayang.

John 19:36-37

Apay a saan a natukkol dagiti saka ni Jesus ken apay a naduyok ni Jesus babaen iti gayang?

Dagitoy a banbanag ket napasamak tapno maipatungpal ti kuna ti nasantoan a Surat nga, "Awan uray maysa a tulangna ti natukkol." ket manen, "Kitaenda isuna a dinuyokda."

John 19:38-42

Siasino ti immay a nangkiddaw tapno alaen ti bagi ni Jesus?

Ni Jose a taga Arimatea ket kiniddawna ken ni Pilato no mabalin nga alaen ti bagi ni Jesus.

John 20

John 20:1-2

Kaano a napan ni Maria Magdalena iti tanem?

Napan isuna iti tanem iti ag-agsapa ti umuna nga aldaw ti lawas.

Ania ti nakita ni Maria Magdalena idi nakaadanon iti tanem?

Nakitana a naitulid a naiyadayo ti bato a naiserra iti tanem.

John 20:3-7

Ania ti inaramid da Simon Pedro ken ti sabali pay nga adalan kalpasan a nangngegda ti imbaga ni Maria Magdalena?

Nagtarayda a dua a napan iti tanem.

John 20:8-13

Ania ti inaramid ti sabali nga adalan iti nakitana idiay tanem?

Nakitana ket namati

John 20:14-15

Idi timmalliaw ni Maria ania ti nakitana?

Nakitana ni Jesus nga agtaktakder sadiay, ngem saanna nga ammo nga isu ni Jesus.

John 20:16-18

Kaano a nabigbig ni Maria ni Jesus?

Nabigbigna ni Jesus idi imbagana ti naganna a, "Maria."

John 20:19-20

Ania ti napasamak iti ayan dagiti adalan iti rabii ti umuna nga aldaw ti lawas?

Immay ni Jesus ken nagtakder iti nagtetengngaanda.

John 20:21-23

Ania ti imbaga ni Jesus nga aramidenna kadagiti adalan?

Imbaga ni Jesus nga ibaonna dagiti adalan kas iti panangibaon ti Amana kenkuana.

John 20:24-25

Asino ti maysa kadagiti adalan ti saan a kadua dagiti sabali nga adalan idi nakitada ni Jesus?

Ni Tomas, a maaw-awagan iti Singin, a maysa kadagiti sangapulo ket dua, ket saan a kadua dagiti adalan idi immay ni Jesus.

John 20:26-27

Kaano a nakita ni Tomas ni Jesus?

Walo nga aldaw ti napalabas, kadua ni Tomas dagiti adalan idi nagparang ni Jesus idinto a nakaserra dagiti ruangan ket nagtakder ni Jesus iti ayanda.

John 20:28-29

Ania ti imbaga ni Tomas kenni Jesus?

Ti imbaga ni Tomas ket "Apok ken Diosko," .

John 20:30-31

Nagaramid pay kadi ni Jesus kadagiti sabali pay a pagilasinan a saan a naisurat iti libro?

Wen, nagaramid pay ni Jesus kadagiti sabali pay a pagilasinan iti imatang dagiti adalan, a saan a nakasurat iti libro ni Juan.

John 21

John 21:1-6

Sadino ti ayan dagiti adalan idi nagpakita ni Jesus manen kadakuada?

Adda dagiti adalan iti Baybay ti Tiberias idi nagpakita manen ni Jesus kadakuada.

John 21:7-9

Ania ti inaramid ni Simon Pedro idi imbaga ti adalan nga inay-ayat ni Jesus nga, "Isu dayta ti Apo."

Ingatona ti akin-ruar a badona ket timpuak iti baybay.

John 21:10-11

Ania dagiti dua a banag nga imbaga ni Jesus nga aramiden dagiti adalan?

Imbaga ni Jesus kadagiti adalan a mangiyegda iti lames a kakalkalapda ken imbagana kadakuada a mammigatdan.

John 21:12-14

Ania dagiti dua a banag nga imbaga ni Jesus nga aramiden dagiti adalan?

Imbaga ni Jesus kadagiti adalan a mangiyegda iti lames a kakalkalapda ken imbagana kadakuada a mammigatdan.

John 21:15-16

Kalpasan ti pammigat, ania ti dinamag ni Jesus kenni Simon Pedro?

Iti naminsan dinamag ni Jesus kenni Simon Pedro no ay-ayaten ni Pedro ni Jesus iti nalablabes pay ngem dagitoy, ken namindua a dinamag ni Jesus kenni Pedro nga, "Ay-ayatennak kadi?"

Kasano ti panagsungbat ni Pedro tunggal damagen ni Jesus kenkuana no ay-ayatenna ni Jesus?

Tunggal damagenna ket sumungbat ni Pedro iti, "Wen, Apo; ammom nga ay-ayatenka."

Tunggal sungbat ni Pedro iti damagen ni Jesus nga, "Ay-ayatennak kadi?" ania ti imbaga ni Jesus nga aramiden ni Pedro?

Iti umuna a gundaway, imbaga ni Jesus kenni Pedro a, "Pakanem dagiti korderok." Iti maikadua a gundaway imbaga ni Jesus, "Aywanam dagiti karnerok." Iti maikatlo a gundaway imbaga ni Jesus kenkuana a, "Pakanem dagiti karnerok."

John 21:17-18

Kalpasan ti pammigat, ania ti dinamag ni Jesus kenni Simon Pedro?

Iti naminsan dinamag ni Jesus kenni Simon Pedro no ay-ayaten ni Pedro ni Jesus iti nalablabes pay ngem dagitoy, ken namindua a dinamag ni Jesus kenni Pedro nga, "Ay-ayatennak kadi?"

Kasano ti panagsungbat ni Pedro tunggal damagen ni Jesus kenkuana no ay-ayatenna ni Jesus?

Tunggal damagenna ket sumungbat ni Pedro iti, "Wen, Apo; ammom nga ay-ayatenka."

Tunggal sungbat ni Pedro iti damagen ni Jesus nga, "Ay-ayatennak kadi?" ania ti imbaga ni Jesus nga aramiden ni Pedro?

Iti umuna a gundaway, imbaga ni Jesus kenni Pedro a, "Pakanem dagiti korderok." Iti maikadua a gundaway imbaga ni Jesus, "Aywanam dagiti karnerok." Iti maikatlo a gundaway imbaga ni Jesus kenkuana a, "Pakanem dagiti karnerok."

John 21:19-21

Apay nga imbaga ni Jesus kenni Pedro no ania ti mapasamak kenkuana inton lumakay isuna?

Imbaga ni Jesus daytoy tapno mapakdaaran no ania a kita ti ipapatayto ni Pedro a pakaidayawan ti Dios.

John 21:22-25

Kasano a simmungbat ni Jesus idi dinamag ni Pedro nga, "Apo, anianto ti aramiden daytoy a tao?"

Ti imbaga ni Jesus kenni Pedro ket "Surotennak." .