2 Corinthians

2 Corinthians 1

2 Corinthians 1:1-2

Siasino ti nangisurat iti daytoy a surat?

Ni Pablo kenni Timoteo ti nagsurat.

Siasino ti nakaisuratan ti surat?

Naisurat daytoy maipaay iti iglesia ti Dios nga adda idiay Corinto ken kadagiti amin a namati iti rehion ti Acaya.

2 Corinthians 1:3-7

Kasano nga inladawan ni Pablo ti Dios?

Iladladawan ni Pablo ti Dios a kas Ama ti Apotayo a ni Jesu-Cristo, ti Ama ti asi, ken Dios ti amin a liwliwa.

2 Corinthians 1:8-10

Ania ti adda a pakarikutan ni Pablo ken dagiti kakaduana idiay Asia?

Natumekda a naan-anay iti labes iti kabaelanda. Nasentensia-anda iti ipapatay.

2 Corinthians 1:11

Kasano nga imbaga ni Pablo a mabalin a matulongan ida dagiti iglesia idiay Corinto?

Imbaga ni Pablo a mabalin a tulongan ida dagiti iglesia idiay Corinto babaen iti kararagda.

2 Corinthians 1:12-14

Ania ti imbaga ni Pablo nga impannakkelna ken dagiti kakaduana?

Impannakkelda ti pammaneknek ti konsensiada, nga nagbiagda ditoy lubong ken nangnangruna ti pannakilangen-langenda iti iglesia idiay Corinto--nga addaan iti kinasanto ken kinapasnek a nagtaud iti Dios, saan a sigun iti nainlubongan a kinasirib ngem babaen iti parabur ti Dios.

2 Corinthians 1:15-22

Namin-ano a daras a pinanggep ni Pablo ti mangsarungkar kadagiti namati idiay Corinto?

Naminduana a pinanggep ti mangsarungkar kadakuada.

2 Corinthians 1:23-24

Apay a saan a napan ni Pablo idiay Corinto?

Saan a napan isuna idiay Corinto tapno palabsenna ida.

2 Corinthians 2

2 Corinthians 2:1-2

Ania dagiti paspasamak a padpadasen a liklikan ni Pablo babaen iti saanna nga ipapan iti iglesia idiay Corinto?

Likliklikan ni Pablo iti mapmapan iti iglesia iti Corinto gapu kadagiti nasaem a paspasamak.

2 Corinthians 2:3-13

Apay a nagsurat ni Pablo a kas iti inaramidna iti immuna a suratna iti iglesia idiay Corinto?

Nagsurat isuna tapno inton mapan isuna kadakuada ket mabalin a saan isuna a masakitan babaen kadagiti tattao a rumbeng a mangparagsak kenkuana.

2 Corinthians 2:14-17

Ania ti inaramid iti Dios babaen kenni Pablo ken dagiti kakaduana?

Inwaras ti Dios ti nasam-it nga ayamuom iti pannakaammo kenni Cristo iti sadinoman babaen kenni Pablo ken dagiti kakaduana.

2 Corinthians 3

2 Corinthians 3:4-6

Ania ti kinatalged nga adda kenni Pablo ken dagiti kakaduana a naggapu iti Dios babaen ken Cristo?

Ti kinatalgedda ket awan iti bukodda a kabaelan ngem iti pannaka-an-anay nga inted ti Dios kadakuada.

2 Corinthians 3:7-13

Apay a saan a makita dagiti tattao nga Israel ti rupa ni Moises?

Saanda a makita ti rupana gapu iti dayag a kumuskusnawen iti rupana.

2 Corinthians 3:14-16

Kasano a nalukatan ti panunot ti Israel ken maikkat ti belo manipud kadagiti puspusoda?

Malukatan ti panpanunotda ken maikkat ti beloda no agsubli ti Israel iti Apo a Cristo.

2 Corinthians 3:17-18

Ania ti adda iti Espiritu iti Apo?

Adda iti waya-waya sadinnoman nga ayan iti Espiritu iti Apo.

2 Corinthians 4

2 Corinthians 4:1-2

Apay a saan a maup-upay ni Pablo ken dagiti kakaduana?

Saanda a maup-upay gapu ta iti akin-uneg, mapabpabaroda nga inaldaw. Uray iti apagbiit, ti nalag-an a panagrigat ket isagsaganana ida iti dakkel ken agnanayon a dayag a manglabes ti amin a pangrukodan. Kamaudiananna, kitkitaenda ti saan a makita a banbanag nga agpaut iti agnanayon.

2 Corinthians 4:3-4

Siasino ti naka-iyabbungan iti ebanghelio?

Naabbungan kadagidiay mapukpukaw.

2 Corinthians 4:5-6

Ania ti iwarwaragawag ni Pablo ken dagiti kakaduana maipapan ken Jesus ken maipapan iti bagbagida?

Iwarwaragawagda ni Cristo Jesus kas Apo ken ti bagbagida kas adipen iti iglesia idiay Corinto para kenni Jesus.

2 Corinthians 4:7-15

Apay nga adda kenni Pablo ken dagiti kakaduana daytoy a gameng iti burburnay a naaramid iti pitak?

Adda kadakuada daytoy a gameng iti burburnay a naaramid iti pitak tapno nalawag a naggapu iti Dios ti aglaplapusanan ken naindaklan a pannakabalin saan a naggapu kadakuada.

2 Corinthians 4:16-18

Apay nga adda ti rason ni Pablo ken dagiti kakaduana a maupay?

Adda rasonda a maupay gapu ta madaddadaelda iti akinruar.

Apay a saan a mau-upay ni Pablo ken dagiti kakaduana?

Saanda a maup-upay gapu ta iti akin-uneg, mapabpabaroda iti inaldaw. Ta iti apagbiit, ti nalag-an a panagrigat, isagsaganana ida iti dakkel ken agnanayon a dayag a manglabes iti amin a pangrukodan. kamaudiananna, kitkitaenda dagiti saan a makita a banbanag nga agpaut iti agnanayon.

2 Corinthians 5

2 Corinthians 5:1-3

Ania ti imbaga ni Pablo nga addanto pay laeng kadatayo no madadael daytoy nailubongan a pagtaengantayo?

Kinuna ni Pablo,addaan kami iti patakder nga aggapu iti Dios. Daytoy ket balay a saan nga inaramid dagiti im-ima iti tattao , ngem ketdi maysa nga agnanayon wenno agpaut a balay idiay langit.

2 Corinthians 5:4-8

Apay nga imbaga ni Pablo nga agunnoykami kabayatan nga addakami iti daytoy a tolda?

Imbaga ni Pablo daytoy agsipud ta kabayatan nga adda iti daytoy a tolda, madagdagsenankami ken kayatmi ti makawesan, tapno iti matay ket mabalin a tilmunen iti biag.

2 Corinthians 5:9-10

Ania ti kalat ni Pablo?

Inaramid ni Pablo a kalat ti mangay-ayo ti Apo.

2 Corinthians 5:11-15

Apay nga inallukoy ni Pablo ken dagiti kakaduana dagiti tattao?

Inallukoyda dagiti tattao gapu ta ammoda ti panagbutengda iti Apo.

2 Corinthians 5:16-19

Apay nga imbaga ni Pablo a saantayon a mangukom iti siasinoman babaen iti pangrukudan ti tao?

Daytoy ket gapu ta natay ni Cristo maipaay iti amin, ken saantayonton nga agbiag maipaay kadagiti bagbagitayo ngem maipaay kenni Cristo.

2 Corinthians 5:20-21

Kas nadutukan a mangibagbagi kenni Cristo, ania ti pakaasi ni Pablo ken dagiti kakaduana kadagiti tattao iti Corinto?

Ti pakaasida kadagiti tattao iti Corinto ket masapul a makipagtinnunosda iti Dios gapu kenni Cristo!

2 Corinthians 6

2 Corinthians 6:1-3

Ania ti imapakaasi ni Pablo ken dagiti kakaduana a saan nga aramiden dagiti tattao iti Corinto?

Nagpakaasida kadagiti tattao iti Corinto a saanda nga awaten iti parabor iti Dios no awan iti ibungana.

2 Corinthians 6:4-7

Ania ti paneknekan dagiti ar-aramid ni Pablo ken dagiti kakaduana?

Pinaneknekan dagiti ar-aramidda nga isuda dagiti adipen iti Dios.

Ania dagiti sumagmamano a banbanag nga inibturan ni Pablo ken dagiti kakaduana?

Inibturanda ti rigat, tuok, panagsaba, pannakapangpang-or, pannakaibalud, gulgulo, ti narigat a trabaho, ti puypuyat ken panagbisin.

2 Corinthians 6:8-10

Urayno napudno ni Pablo ken dagiti kakaduana, ania iti nakapabasolanda?

Napabasolda a manangallilawda.

2 Corinthians 6:11-13

Ania ti kasukat ti tarigagay ni Pablo a maaaramid kadagiti tattao iti Corinto?

Imbaga ni Pablo a silulukat ti pusoda kadagiti tattao iti Corinto ken iti rumbeng a kasukatna ket kayat ni Pablo a lukatan dagiti namati iti Corinto dagiti puspusoda kenni Pablo ken kadagiti kakaduana.

2 Corinthians 6:14-16

Ania ti inted ni Pablo a rason no apay a saan koma a rumbeng a makikaddua dagiti santo wenno dagiti namati iti Corinto kadagiti tattao a saan a namati?

Inted ni Pablo dagiti sumaganad a rasrason: Ania ti adda a pagtiponan iti kinalinteg ken iti kinakillo? Adda kadi ti nagkaysaan iti lawag ken sipnget? mabalin kadi a kumanunong ti Cristo kenni Beliar? Ania ti mabalin a pagbingayan iti namati ken iti saan a namati? Mabalin kadi nga adda nagtulagan iti nagbaetan iti templo iti Dios ken kadagiti didiosen?

2 Corinthians 6:17-18

Ania ti ibaga iti Apo nga aramidennanto maipaay kadagidiay nga, "Umadayokayo manipud kadakuada, ket masapul nga ilasinyo ti bagbagiyo, ken saanyo a sagiden ti narugit a banag...."?

Imbaga ti Apo nga awatennanto ida. Agbalinto isuna nga Amada ken agblindanto nga an-annakna.

2 Corinthians 7

2 Corinthians 7:1

Apay nga imbaga ni Pablo a masapul a dalusantayo dagiti bagbagitayo?

Masapul a dalusantayo dagiti bagbagitayo kadagiti amin a banbanag a mangparugit iti bagi ken espiritutayo.

2 Corinthians 7:2-7

Ania ti kayat ni Pablo nga aramiden dagiti namati iti Corinto maipaay kenkuana ken kadagiti kakaduana?

Kayat ni Pablo nga ikkanda ida iti lugar.

2 Corinthians 7:8-10

Ania ti imbunga ti umuna a surat ni Pablo kadagiti namati iti Corinto?

Napadasan dagiti santo wenno dagiti namati iti Corinto ti panagliday, maysa a Nadiosan a panagladingit kas sungbat iti immun-una a surat ni Pablo.

2 Corinthians 7:11-12

Ania ti bunga iti nadiosan a panagladingit kadagiti namati iti Corinto?

Iyeg iti nadiosan a panagladingit ti panagbabawi kadakuada ken dakkel a panagtarigagay a mangpaneknek nga inosenteda.

2 Corinthians 7:13-14

Apay a naragsak ni Tito?

Naragsak isuna agsipud ta napabaro iti espirituna babaen kadagiti amin a santo wenno dagiti namati iti Corinto.

2 Corinthians 7:15-16

Apay a dimmakdakkel pay ti ayat ni Tito kadagiti namati iti Corinto?

Dimmakdakkel pay ti ayat ni Tito kadagiti santo wenno kadagiti namati iti Corinto idi nalagipna ti kinatulnog dagiti namati iti Corinto kas ti panangawatda kenkuana a napnoan buteng ken panagpigpigerger.

2 Corinthians 8

2 Corinthians 8:1-5

Ania ti kayat ni Pablo a maammoan dagiti kakabsat a Taga-Corinto?

Kayat ni Pablo a maammoanda ti maipapan iti parabur ti Dios a naited kadagiti iglesia iti Macedonia.

2 Corinthians 8:6-7

Ania ti inguyugoy ni Pablo nga aramiden ni Tito?

Ginuyugoy ni Pablo ni Tito a leppasenna daytoy a naparabur nga aramid a para kadagiti namati iti Corinto.

2 Corinthians 8:8-12

Apay nga imbaga ni Pablo kadagiti namati idiay Corinto a, "siguraduenyo a nabungakayo iti daytoy a naparabur a trabaho"?

Imbaga ni Pablo daytoy tapno mapaneknekan ti kinapudno iti ayatda babaen iti panangidilig na iti daytoy kinagagar dagiti dadduma a tattao.

2 Corinthians 8:13-15

Kayat kadi ni Pablo a malpas daytoy a trabaho tapno mapalag-anan dagiti dadduma ken madagsenan dagiti namati iti Corinto?

Saan. Kinuna ni Pablo a ti kinawadwad dagiti Taga- Corinto iti dayta nga agdama a tiempo ket isu ti mangipaayto iti aniaman a kasapulanda dagiti dadduma a namati. Tapno ti kinawadwadda ket mabalin a makaipaay met kadagiti kasapulan dagiti namati idiay Corinto, ken tapno mabalin nga addanto panagpapada ti tunggal maysa.

2 Corinthians 8:16-17

Ania ti inaramid ni Tito kalpasan nga inkabil ti Dios iti pusona iti kasta unay a panangilala a kas iti panangilala ni Pablo kadagiti namati idiay Corinto?

Inawat ni Tito ti kiddaw ni Pablo, ken (kas) napasnek unay isuna maipanggep iti daytoy, napan isuna kadagiti namati idiay Corinto iti bukodna a pagayatan.

2 Corinthians 8:18-21

Ania ti inaramid ni Pablo ken dagiti dadduma a namati tapno maliklikanda ti mabalin a panggappuan ti siasinoman nga agriri maipapan iti naparabur a sagut nga ur-urnongenda?

Saan laeng a ni Tito ti imbaon ni Pablo ken dagiti dadduma a namati ngem uray ti maysa a kabsat a mararaem dagiti amin nga iglesia gapu iti trabahona iti panangiwarwaragawag iti ebanghelio. Daytoy a kabsat ken ti sabali pay mapagtalkan a kabsat ket tumulongda met a mangitulod iti daytoy a sagut nga aramid a naparabur.

2 Corinthians 8:22-24

Ania ti inaramid ni Pablo ken dagiti dadduma a sasanto tapno maliklikan ti mabalin a panggapuan ti siasinoman nga agriri maipapan iti naparabur a sagut nga ur-urnongenda?

Saan laeng a ni Tito ti imbaon ni Pablo ken dagiti dadduma a namati ngem uray ti maysa a kabsat a mararaem dagiti kadagiti amin nga iglesia gapu iti trabahona iti panangiwarwaragawag iti ebanghelio. Daytoy a kabsat ken ti sabali pay mapagtalkan a kabsat ket tumulongda met a mangitulod iti daytoy a sagut nga aramid a naparabur.

2 Corinthians 9

2 Corinthians 9:1-2

Maipapan iti ania ti imbaga ni Pablo a saanen a masapul nga isurat kadagiti namati idiay Corinto?

Imbaga ni Pablo a saanen a masapul nga isurat kadakuada ti maipapan iti ministerio maipaay kadagiti namati.

2 Corinthians 9:3-5

Apay nga imbaon ni Pablo dagiti kakabsat idiay Corinto?

Imbaon ni Pablo dagiti kakabsat tapno saan a maawanan serserbi ti panagpaspasindayawna maipapan kadagiti namati idiay Corinto ken tapno agbalin a sisasagana dagiti namati idiay Corinto kas imbagana.

2 Corinthians 9:6-9

Ania ti imbaga ni Pablo a kinapateg iti panangit-itedda?

Daytoy ti imbaga ni Pablo: "Ti agmulmula ti saggabassit ket agapitto met ti saggabassit, ken ti agmulmula iti nawadwad ket agapitto met ti nawadwad."

2 Corinthians 9:10-15

Ania ti aramiden ti mangit-ited iti bukel ken tinapay a kas taraon iti agmulmula kadagiti namati idiay Corinto?

Ipaayanna ken paaduenna dagiti bukel maipaay iti panagmula ken nayunanna iti apit ti kinalintegda. Mapabaknangda iti tunggal wagas tapno agbalinda a naparabur.

2 Corinthians 10

2 Corinthians 10:5-10

Ania dagiti kabaelan nga aramiden dagiti ig-igam nga inaramat ni Pablo?

Dagiti ig-igam nga inaramat ni Pablo ket addaan iti nadiosan a pannakabalin a mangdadael iti napigsa a sarikedked. Awan ti pagbanaganna dagiti mangiyaw-awan a panagsisinnupiat ken mangdadael met ti tunggal banag a ngumatngato a maibusor iti pannakaammo iti Dios.

2 Corinthians 10:11-12

Ania ti imbaga ni Pablo kadagiti mangipagarup a naiduma isuna no makasango ngem ti ipakpakita dagiti suratna?

Imbaga ni Pablo a ti imbagana iti suratna idi adda isuna iti adayo ket kapadanto met laeng ti aramidenna no adda isuna kadagiti namati idiay Corinto.

2 Corinthians 10:13-14

Ania ti pagpatinggaan iti panagpaspasindayaw ni Pablo?

Imbaga ni Pablo nga ti panagpaspasindayawda ket agtalinaed iti lugar a nangisaadan kadakuada ti Dios, dumanon pay inggana iti Corinto. Imbaga ni Pablo a saanda nga ipasindayaw ti maipanggep kadagiti rigrigat dagiti dadduma, maipanggep kadagiti trabaho a maar-aramid iti sabali a lugar.

2 Corinthians 10:15-18

Ania ti pagpatinggaan ti panagpaspasindayaw ni Pablo?

Imbaga ni Pablo nga ti panagpaspasindayawda ket agtalinaed iti disso a nangisaadan kadakuada ti Dios, dumanon pay inggana iti Corinto. Imbaga ni Pablo a saanda nga ipasindayaw ti maipapan kadagiti rigrigat dagiti dadduma, maipapan kadagiti trabaho iti sabali.

2 Corinthians 11

2 Corinthians 11:3-6

Ania ti pagbutbutngan ni Pablo maipapan kadagiti namati a taga-Corinto?

Mabuteng ni Pablo ta amangan no maiyaw-awan dagiti panpanunotda manipud iti napudno ken nasin-aw a panagdayawda kenni Cristo.

2 Corinthians 11:7-13

Kasano nga inkasaba ni Pablo ti ebanghelio kadagiti taga Corinto?

Siwayawaya nga inkasaba ni Pablo ti ebanghelio kadagiti taga Corinto.

2 Corinthians 11:14-15

Kasano a nagpammarang ni Satanas?

Agpampammarang isuna a kas anghel ti lawag.

2 Corinthians 11:16-18

Apay a dinawat ni Pablo kadagiti namati a taga-Corinto nga awatenda isuna a kas maag?

Dinawat ni Pablo kadakuada nga awatenda isuna a kas maag tapno mabalin isuna nga agpasindayaw iti bassit.

2 Corinthians 11:19-21

Siasino ti imbaga ni Pablo a ragragsaken dagiti santo iti Corinto nga an-anusan?

Imbaga ni Pablo a maragsakanda a mangan-anus kadagiti maag, iti maysa a nang-adipen kadakuada, iti maysa a namagsisina kadakuada, iti maysa a manggun-gundaway kadakuada, iti aginlalaing, wenno iti maysa nga nangsipat kadakuada.

2 Corinthians 11:22-23

Ania dagiti ipaspasindayag ni Pablo a maipapan kenkuana nga idildiligna kadagiti mangtartarigagay a maipadada kenni Pablo maipapan kadagiti ipaspasindayawda?

Impasindayaw ni Pablo a Hebreo isuna, a maysa isuna nga Israelita ken maysa isuna a kaputotan ni Abraham a kas kadagiti mangibagbaga nga maipadada kenni Pablo. Imbaga ni Pablo nga ad-adda nga adipen isuna iti Cristo ngem kadakuada- iti adu a naririrgat a trabaho, iti ad-adu a pagbaludan, iti babaut a saan a mabilang, iti adu a peggad iti patay.

2 Corinthians 11:24-29

Ania dagiti peggad a naibturan ni Pablo?

Naminlima a sinaplit dagiti Judio ni Pablo iti "sagtatallo pulo ket siam". Namintallo a binautda isuna iti pamang-or. Naminsan a binatuda isuna. Namintallo a napirdi ti barko a naglugananna. Nagpatpatnag ken nagmalmalem isuna iti baybay. Nagpeggad isuna kadagiti karayan. kadagiti agtatakaw, kadagiti tattao a kalugaranna, kadagiti Hentil. Nagpeggad isuna iti siudad, iti let-ang, iti baybay ken iti peggad manipud kadagiti palso a kakabsat. Nagpeggad pay ni Pablo iti gobernador iti Damasco.

2 Corinthians 11:30-31

Ania ti imbaga ni Pablo nga ipasindayawna no masapul nga agpasindayaw isuna?

Imbaga ni Pablo nga ipasindayawna dagiti mangipakita ti maipapan kadagiti pagkapuyanna.

2 Corinthians 11:32-33

Ania dagiti peggad a naibturan ni Pablo?

Naminlima a sinaplit dagiti Judio ni Pablo iti "sagtatallo pulo ket siam". Namintallo a binautda isuna iti pamang-or. Naminsan a binatuda isuna. Namintallo a napirdi ti barko a naglugananna. Nagpatpatnag ken nagmalmalem isuna iti baybay. Nagpeggad isuna kadagiti karayan. kadagiti agtatakaw, kadagiti tattao a kalugaranna, kadagiti Hentil. Nagpeggad isuna iti siudad, iti let-ang, iti baybay ken iti peggad manipud kadagiti palso a kakabsat. Nagpeggad pay ni Pablo iti gobernador iti Damasco.

2 Corinthians 12

2 Corinthians 12:1-5

Ania ti maipanggep iti imbaga ni Pablo nga ipasindayawna ita?

Imbaga ni Pablo nga ituloyna latta a mangipasindayaw ti maipapan kadagiti sirmata ken dagiti paltiing manipud iti Apo.

2 Corinthians 12:6-13

Apay nga imbaga ni Pablo a saan a isuna nga agbalin a maag no agpasindayaw isuna?

Imbaga ni Pablo a saan a kinamaag kenkuana nga agpasindayaw ta ibagbagana laeng ti kinapudno.

2 Corinthians 12:14-18

Apay nga imbaga ni Pablo kadagiti taga-Corinto a saan isuna nga agbalin a pakadagsenanda?

Imbaga ni Pablo daytoy kadakuada tapno ipakitana kadakuada a saanna a kayat dagiti kukuada. Isuda ti kayatna.

2 Corinthians 12:19

Apay a kayat ni Pablo nga ibagana dagitoy a banbanag kadagiti namati a taga-Corinto?

Imbaga ni Pablo dagiti amin a banbanag tapno pabilegenna dagiti namati a taga-Corinto.

2 Corinthians 12:20-21

Ania ti Pagbutbutngan ni Pablo a mabalin a maamoanna no agsubli isuna kadagiti namati a taga-Corinto.

Mabuteng ni Pablo nga amangan no adda ti panagsisinupiat, panag-iinapal, dagus a panagunget, managinbubukod nga arapaap, panagpipinirdi, kinatangsit, ken saan a panagtitinunos.

2 Corinthians 13

2 Corinthians 13:1-2

Namin ano a napan ni Pablo kadagiti namati a taga-Corinto iti panawen nga naisurat ti maikadua surat para kadagiti taga-Corinto?

Namindua a daras a napan ni Pablo kadakuada iti tiepmo a naisurat ti maikadua a surat para kadagiti taga-Corinto.

2 Corinthians 13:3-4

Apay nga imbaga ni Pablo kadagiti namati a taga-Corinto ken kadagiti amin a nagbasul a saanna ida a palabsen no umay manen isuna?

Imbaga ni Pablo daytoy kadakuada gapu ta agbirbiruk dagiti namati a taga-Corinto ti pammaneknek nga agsasao ni Cristo babaen kenni Pablo.

2 Corinthians 13:5-10

Apay nga imbaga ni Pablo kadagiti namati a taga-Corinto a sukimatenda dagiti bagbagida?

Imbaga ni Pablo a sukimatenda ken subukenda dagiti bagbagida tapno makitada no addada iti pammati.

2 Corinthians 13:11-14

Iti panagleppas, ania ti kayat ni Pablo nga aramiden dagiti taga Corinto?

Kayat ni Pablo nga agrag-oda, agtrabahoda maipaay iti pannakaipasubli, agtitinnunosda agbiagda iti kapia, agkikinablaawda iti nasantoan nga agek.