Joel

Joel 1

Joel 1:1-3

Makinsao iti dimteng kenni Joel?

Ni Yahweh ti makinsao iti dimteng kenni Joel.

Siasino ti pangibagaan dagiti panglakayen iti sao ni Yahweh?

Ibagada kadagiti annakda, ken ibaganto met dagiti annakda kadagiti annakda.

Joel 1:4

Ania ti napasamak iti tinedda dagiti pangen ti insekto?

Kinnan dagiti dudon ti tinidda dagiti pangen ti insekto.

Joel 1:5-7

Apay nga agasugto dagiti mannaginom iti arak?

Agasugdanto gapu ta naibusen dagiti nasam-it nga arak.

Joel 1:8-12

Iti ania a gapu nga agladladingit ti birhen?

Agladladingit ti birhen gapu iti ipapatay ti ubing nga asawana.

Ania ti napasamak iti bukel?

Nadadael ti bukel.

Joel 1:13-14

Ania ti naibus manipud iti balay ti Dios?

Naibus ti daton a bukel ken daton a mainom iti balay ti Dios.

Joel 1:15-17

Ania ti nadadael?

Nadadael ti sarusar/kamarin iti bukbukel.

Joel 1:18-20

Apay nga agsagsagaba ti arban dagiti baka?

Agsagsagaba ti arban dagiti baka gapu ta awan ti pagarabanda.

Siasino ti inawagan ni Joel?

Aw-awagan ni Joel ni Yahweh.

Siasino ti pagas-asugan dagiti ayup iti tay-ak?

Agpakpakaasi dagiti ay-ayup iti tay-ak kenni Yahweh.

Joel 2

Joel 2:1-2

Apay a masapul nga agpigerger iti buteng dagiti amin nga agnanaed iti daga?

Masapul nga agpigergerda iti buteng, ta paumayen ti aldaw ni Yahweh.

Kaano a naadda ti armada a kas iti daytoy?

Awan pay ti kas iti daytoy nga armada, ken awanton a pulos.

Joel 2:3

Ania a kita ti daga iti likudan ti armada?

Nadadael a let-ang ti daga iti likudan ti armada.

Joel 2:4-7

Ania ti kalanglanga ken katigtignay ti armada?

Ti armada ket kasla kadagiti kabalio ken agtarayda a kas kadagiti kumakabalio.

Joel 2:8-9

Kasano a sumrek ti armada iti siudad?

Agdadarasda a sumrek iti siudad, tinarayda dagiti pader, kimmalay-atda kadagiti balbalay, ket sumrekda kadagiti tawa a kas kadagiti mannanakaw.

Joel 2:10-11

Siasino ti akin-armada iti daytoy?

Armada daytoy ni Yahweh.

Joel 2:12-14

Ania ti dua a banag a masapul a pigisen dagiti tattao?

Masapul a pigisenda dagiti puso ken dagiti pagan-anayda.

Apay a masapul nga agsubli dagiti tattao kenni Yahweh?

Managparabur ken manangngaasi isuna, saan a nalaka nga agpungtot ken napnoan iti ayat, ken kayatna nga ibabawi ti panangdusana.

Joel 2:15-17

Apay a masapul a puyutan dagiti tattao ti trumpeta iti Sion?

Masapul a puyutanda ti trumpeta tapno agayunarda, ken mang-angayda iti nasagradoan a gimong.

Joel 2:18-20

Ania ti kasasaad dagiti tattao ni Yahweh kadagiti nasion?

Naibabain dagiti tattao ni Yahweh kadagiti nasion.

Joel 2:21-23

Apay a saan a masapul nga agbuteng ti daga?

Saan a masapul nga agbuteng ti daga ta nangaramid ni Yahweh kadagiti nakaskasdaaw a banbanag.

Joel 2:24-25

Siasino ti nangibaon iti nabileg nga armada?

Imbaon ni Yahweh ti nabileg nga armada.

Joel 2:26-27

Ibabain kadi manen ni Yahweh dagiti tattaona?

Saan, saannanton a pulos a mangiyeg iti pakaibabainan dagiti tattaona.

Joel 2:28-29

Ania ti mapasamak inton iparukpok ni Yahweh ti Espirituna?

Agipadtonto dagiti annakda a lallaki ken babbai, agtagtagainep dagiti panglakayenda, ken makakita iti parmata dagiti agtutuboda a lallaki.

Joel 2:30-31

Ania ti ipakitanto ni Yahweh iti langit ken iti daga?

Ipakita ni Yahweh kadagiti nakaskasdaaw iti langit ken iti daga.

Anianto ti pagbalinan ti init?

Sumipngetto ti init.

Joel 2:32

Siasinonto dagiti maisalakan iti dayta a tiempo?

Maisalakanto ti amin nga umawag iti nagan ni Yahweh.

Joel 3

Joel 3:1-3

Siasino dagiti ipan ni Yahweh iti Tanap ni Jehosafat?

Ipanto ni Yahweh dagiti nasion iti Tanap ni Jehosafat.

Siasino dagiti nangiwarawara dagiti nasion?

Dagiti tattao ni Yahweh ti winara-wara dagiti nasion.

Joel 3:4-6

Siasino ti kaunget ti Tiro, Sidon, ken amin a rehiyon ti Filistia?

Ni Yahweh ti kaunget ti Tiro, Sidon, ken amin a rehiyon ti Filistia.

Ania ti inaramid ti Tiro, Sidon ken Filistia iti gameng ni Yahweh?

Impanda dagiti gamengna kadagiti temploda.

Ania ti inaramid ti Tiro, Sidon ken Filistia kadagiti tattao ti Juda ken Jerusalem?

Inlakoda dagiti tattao kadagiti Griego tapno maiyadayoda ida kadagiti dagada.

Joel 3:7-8

Ania ti aramidento ni Yahweh kadagiti annak a lallaki ken babbai ti Tiro, Sidon, ken Filistia?

Ilakonto ni Yahweh dagiti annakda a lallaki ken babbai kadagiti taga-Saba babaen iti ima dagiti tattao ti Juda.

Joel 3:9-11

Ania a banag ti aramiden dagiti nasion kadagiti aradoda?

Masapul a pagbalinenda a kampilan dagiti aradoda.

Joel 3:12-13

Ania ti aramiden ni Yahweh kadagiti amin a kabangibang a nasion?

Agtugawto ni Yahweh a mangukom kadagiti amin a kabangibang a nasion.

Joel 3:14-15

Ania ti mapasamak iti init, bulan, ken bituen?

Sumipnget ti init,bulan ken saanen nga agraniag dagiti bituen.

Joel 3:16-17

Ania ti dua a banag a pagbalinan ni Yahweh para kadagiti tattaona?

Agbalin ni Yahweh a salaknib ken sarikedked kadagiti tattaona.

Siasino ti agnanaed idiay Sion?

Agnanaed ni Yahweh a Diosda idiay Sion.

Joel 3:18-21

Ania ti agayusto kadagiti turturod?

Agayusto iti gatas dagiti turturod.

Siasinonto ti mabaybay-an gapu iti kinaranggas nga inaramidda kadagiti tattao ti Juda?

Mabaybay-anto ti Egipto ken Edom.