Isaiah

Isaiah 1

Isaiah 1:1

Siasino ni Isaias?

Ni Isaias ket anak ni Amos.

Maipanggep iti ania ti sirmata ni Isaias?

Ti sirmata ni Isaias ket maipanggep iti Juda ken Jerusalem.

Kaano a naaddaan iti sirmata ni Isaias?

Naaddaan iti sirmata ni Isaias kadagiti aldaw a nagturay kas ari ti Juda da Uzzias, Jotam, Ahaz ken Ezekias.

Isaiah 1:2-3

Apay a masapul a dumngeg dagiti langlangit ken agdengngeg ti daga?

Masapul a dumngeg dagiti langlangit ken agdengngeg ti daga gapu ta nagsao ni Yahweh.

Ania ti naaramid ni Yahweh?

Ni Yahweh ket nagaywan ken nagpadakkel kadagiti ubbing.

Ania ti inaramid dagiti ubbing ni Yahweh?

Nagrebeldeda kenni Yahweh.

Isaiah 1:4-6

Kasano ti pannakailadawan ti nasion?

Nailadawanda a kas managbasol, tattao a napnoan iti kinadangkes, putot dagiti managbasol, annak a sikukonniber.

Ania ti inaramid ti nasion?

Tinallikudanda ni Yahweh, pinagbalinda a ganggannaet dagiti bagbagida manipud kenkuana ken linalaisda ti Nasantoan a Dios ti Israel.

Isaiah 1:7-8

Ania ti kasasaad ti siudad ken pagilianda?

Nabaybay-an ti siudad ken napuoran dagiti siudadda.

Isaiah 1:9

Ania ti intidda ni Yahweh kadakuada?

Nangitedda isuna iti nagbassit a nakalasat.

Isaiah 1:10-13

Ania ti saan a mangparagsak kenni Yahweh?

Saan isuna a maragsakan iti dara dagiti bulog a baka, karnero, wenno kalding.

Isaiah 1:14-15

Ania ti kagur-gura ni Yahweh?

Kagurana dagiti baro a bulan ken dagiti naikeddeng a padaya.

Apay a saan a denggen ni Yahweh dagiti kararagda?

Saan isuna a dumngeg gapu ta napno ti dara dagiti imada.

Isaiah 1:16-18

Ania ti imbaga ni Yahweh kadakuada nga aramidenda?

Imbaga ni Yahweh kadakuada a sumardengda iti kinadakesda; sursuroenda ti agaramid iti naimbag; sapulenda ti hustisia, tulunganda dagiti maidadanes, ikalinteganda dagiti ulila ti ama, salaknibanda dagiti balo.

Isaiah 1:19-20

Ania ti masapul nga aramidenda tapno makapanganda kadagiti nasayaat a mapataud iti daga?

Masapul a natulok ken natulnogda tapno makapanganda kadagiti nasayaat a mapataud iti daga.

Anianto ti mapasamak no agkedked ken agrebeldeda?

Alun-onento ida iti kampilan.

Isaiah 1:21-23

Ania ti kaiyarigan ti napudno a siudad sakbay a nagbalin daytoy a balangkantis?

Ti napudno a siudad ket napnoan iti kinahustisia ken kinalinteg.

Ania ti nangpunno iti napudno a siudad?

Ti napudno a siudad ket napnoan kadagiti mammapatay.

Isaiah 1:24-28

Anianto ti aramiden ni Yahweh?

Agibalesto isuna kadagiti kasupadina.

Isaiah 1:29-30

Anianto ti pagbainan ken mangpabain kadakuada?

Mabaindanto kadagiti nasagradoan a lugo a kaykayo a tinarigagayanda, ket mabainandanto gapu kadagiti minuyungan a pinilida.

Isaiah 1:31

Anianto ti mapasamak iti napigsa a tao ken iti aramidna?

Mapuoranda nga agpada.

Isaiah 2

Isaiah 2:1-2

Ania ti kaipapanan ti sao a nakita ni Isaias?

Ti sao a nakita ni Isaias ket maipapan iti Juda ken Jerusalem.

Ania ti mapasamak iti maudi nga al-aldaw?

Iti maudi nga al-adaw, maibangonto ti bantay ti balay ni Yahweh.

Siasino dagiti mapan iti balay ni Yahweh?

Mapanto iti daytoy dagiti amin a nasion.

Isaiah 2:3

Apay a sumang-atto dagiti adu a tattao iti bantay ni Yahweh?

Sumang-atdanto tapno masuroanda kadagiti sumagmamano a wagas ni Yahweh.

Isaiah 2:4

Ania ti aramidento ni Yahweh para kadagiti nasion ken kadagiti adu a tattao?

Ukomennanto ida ken iyegna dagiti pangngeddengna.

Ania ti saan nga aramiden dagiti nasion?

Saandanto nga ingato ti kampilan a maibusor iti maysa ken maysa wenno agsanay pay para iti gubat.

Isaiah 2:5-8

Ania ti naibaga nga aramiden dagiti kaputotan ni Jacob?

Nabagaanda a magna iti lawag ni Yahweh.

Ania ti inaramid ni Yahweh?

Binaybay-anna dagiti tattaona, ti kaputotan ni Jacob.

Apay a binaybay-an ni Yahweh ti kaputotan ni Jacob?

Binaybay-anna dagiti kaputotan ni Jacob gapu ta napnoanda kadagiti kaugalian manipud iti daya ken agbuybuyon a kas kadagiti Filisteo, ken nakial-alamanoda kadagiti annak dagiti ganggannaet.

Isaiah 2:9-16

Apay a masapul a sumrek dagiti kaputotan ni Jacob kadagiti kabatbatoan a luglugar ken aglemmeng iti daga?

Masapul nga aglemmengda gapu iti nakaro a buteng kenni Yahweh ken ti dayag ti kinatan-okna.

Ania ti mapasamak iti kinatangsit ken kinapasindayaw dagiti tattao?

Maibaba ken maipababadanto.

Siasino ti maitan-ok iti dayta nga aldaw?

Ni Yahweh laeng ti maitan-ok iti dayta nga aldaw.

Isaiah 2:17-19

Ania ti mapasamak kadagiti didiosen?

Naan-anaydanto nga agpukaw.

Sadinonto ti papanan dagiti tattao iti dayta nga aldaw?

Mapandanto kadagiti rukib dagiti batbato ken kadagiti abut ti daga.

Isaiah 2:20-22

Siasino ti naibaga kadagiti kaputotan ni Jacob nga isardengda a pagtaltalkan?

Naibaga kadakuada nga isardengda ti agtaltalek iti tao.

Isaiah 3

Isaiah 3:1-3

Ania ti dandanin ikkaten ni Yahweh manipud iti Jerusalem ken Juda?

Dandanin ikkatenen ni Yahweh ti tulong ken sarukodda.

Isaiah 3:4-7

Siasino ti mangidaulo iti Juda ken Jerusalem?

Idauloanto ida dagiti agtutubo ken iturayanto ida dagiti ubbing.

Siasinonto ti mangparigat kadagiti tattao?

Parigatento dagiti tattao iti maysa ken maysa ken iti tunggal maysa babaen iti kaarrubana.

Isaiah 3:8-9

Apay a nadadael ti Jerusalem ken narugpo ti Juda?

Nadadael ken narugpoda gapu ta maibusor kenni Yahweh dagiti sao ken tigtignayda.

Ania dagiti mangsaksi iti Juda ken Jerusalem?

Ti langa dagiti rupada ket panpaneknekanna ti maibusor kadakuada

Isaiah 3:10-12

Anianto ti mapasamak kadagiti nalinteg?

Nasayaatto daytoy kadagiti nalinteg

Anianto ti mapasamak kadagiti nadangkes?

Dakesto daytoy para iti nadangkes.

Sadinonto ti pangiturongan kadakuada dagiti panguloda?

Iyaw-awan ida dagiti panguloda ken tikawenda ti turong ti dalanda.

Isaiah 3:13-15

Anianto ti aramiden ni Yahweh kadagiti panglakayen ken kadagiti opisial dagiti tattaona?

Iwaragawagto ni Yahweh ti pangngeddengna kadakuada.

Isaiah 3:16-23

Anianto ti aramiden ti Apo, a ni Yahweh kadagiti annak a babbai ti Sion?

Paggadilento ni Yahweh dagiti uloda ken pagkalboenna ida.

Isaiah 3:24-26

Anianto ti mapasamak kadagiti lallaki?

Mapasagto dagiti lalaki babaen iti kampilan.

Isaiah 4

Isaiah 4:1-2

Apay a tenglen ti pito a babbai ti maysa a lalaki?

Kayatda nga alaen ti naganna ken ikkaten ti pakaibabainanda.

Isaiah 4:3-4

Anianto ti maiyawag kadagiti nakalasat a nabati iti Sion ken Jerusalem?

Dagiti nakalasat a nabati iti Sion ken Jerusalem ket maawaganto a nasantoan.

Anianto ti aramiden ni Yahweh babaen ti espiritu ti hustisia ken espiritu ti sumsumged nga apuy?

Buggoanto ti Apo ti rugit dagiti annak a babbai ti Sion, ken dalusannanto dagiti mantsa ti dara manipud iti tengnga ti Jerusalem.

Isaiah 4:5-6

Anianto ti parsuaen ni Yahweh iti ngato ti sibubukel a nagsaadan ti Bantay Sion ken iti ngato ti lugarna a pagtitiponan?

Parsuaennanto ti ulep ken asuk iti aldaw, ken ti raniag ti maysa nga aggilgil-ayab nga apuy iti rabii; maysa nga abbong iti ngato ti amin a dayag.

Isaiah 5

Isaiah 5:1-2

Siasino ti kayat a kantaan ti kumakanta?

Kayat a kantaan ti kumakanta ti ay-ayatenna unay.

Ania ti linaon ti kanta ti kumakanta?

Ti kanta ket maipapan iti kaubasan iti ay-ayatenna unay.

Ania ti inaramidna iti kaubasan?

Sinukayna daytoy, inakkatna dagiti batto, minulaanna iti kasasayaatan nga ubas, ken nangipatakder iti torre a pagbantayan ken pagpespesan iti ubas.

Ania ti imbunga ti kaubasan?

Nagbunga ti kaubasan iti atap nga ubas.

Isaiah 5:3-4

Ania ti ikeddeng dagiti agnanaed iti Jerusalem ken dagiti tattao iti Juda?

Ikeddengda iti nagbaetan ti ay-ayaten ken ti kaubasanna.

Isaiah 5:5-6

Ania ti aramiden ti ay-ayaten iti kaubasanna?

Ikkatennna ti alad a mula, pagbalinenna a pagaraban ti kaubasan, ken rebbaenna dagiti pader tapno agbalin a langalang daytoy ken saan a matuddoan daytoy.

Isaiah 5:7

Siasino ti kaubasan ni Yahweh a Mannakabalin-amin?

Ti kaubasan ni Yahweh ket isu ti kaputotan ti Israel.

Ania ti ur-urayen ni Yahweh?

Agur-uray ni Yahweh ti hustisia ken kinalinteg.

Ania ti naganab ni Yahweh nga imbes kuma a hustisia ken kinalinteg?

Panangpapatay ken panagasog nga agdawat iti tulong ti naganab ni Yahweh.

Isaiah 5:8-12

Anianto ti mapasamak kadagiti adu a balbalay?

Adunto dagiti balbalay nga awan ti naggianna ken awan ti agnanaed.

Isaiah 5:13-14

Apay a naitalaw a kas balud dagiti tattao ti Israel ken Juda?

Naitalawda a kas balud gapu ta kurang ti pannakaawatda.

Isaiah 5:15-23

Ania ti mangitantan-ok kenni Yahweh a Mannakabalin-amin?

Maitantan-ok ni Yahweh gapu iti kinalintegna.

Kasano a nabigbig ti Nasantoan a Dios?

Nabigbig ti Dios babaen iti nalinteg a pannakilangenna.

Isaiah 5:24

Apay a malungsot ti ramot ti Israel ken maiyangin iti adayo a kasla tapok dagiti sabongna?

Malungsot ti ramot ti Israel ken maiyangin iti adayo a kasla tapok dagiti sabongna gapu ta linaksidda ti linteg ni Yahweh ken linaisda ti sao ti Nasantoan a Dios ti Israel.

Isaiah 5:25

Apay a naparubruban ti pungtot ni Yahweh a maibusor kadagiti tattaona?

Naparubruban ti pungtotna gapu ta linaksidda ti linteg ni Yahweh ken linaisda ti sao ti Nasantoan a Dios ti Israel.

Isaiah 5:26-30

Kasano ti panangayab ni Yahweh iti nasion nga adda iti adayo?

Ayabanna ida babaen iti panangingatona iti maysa a pagilasinan a bandera ken iti panangpaswitna kadakuada.

Kasano ti wagas nga iuumay dayta nga adda iti adayo a nasion?

Umay a dagus ken sipapardas dayta a nasion.

Isaiah 6

Isaiah 6:1-3

Kaano ti pannakakita ni Isaias iti Apo a nakatugaw iti nangato a trono?

Nakita ni Isaias ti Apo iti tawen a natay ni ari Uzzias.

Siasino ti adda iti ngatoen ti Apo?

Adda dagiti serafim iti ngatoen ni Apo.

Isaiah 6:4-5

Ania ti napasamak idi nagpipinnukkaw dagiti serafim iti tunggal maysa?

Idi nagpipinnukkaw dagiti serafim iti tunggal maysa, nagunggon dagiti ruangan ken pundasion ken napno ti asok ti balay.

Ania ti kinuna ni Isaias idi nakitana amin dagitoy a banbanag?

Kinuna ni Isaias a naukom isuna gapu ta narugit dagiti bibigna ken nakipagnaed isuna kadagiti tattao a narurugit dagiti bibigda, ken gapu ta nakitana ti Ari a ni Yahweh.

Isaiah 6:6-7

Ania ti kinuna ti serafim idi sinagidna ti bibig ni Isaias babaen iti beggang manipud iti altar?

Kinunana, “Kitaem, sinagid daytoy ti bibigmo; naikkaten ti basolmo, napakawanen ti basolmo.”

Isaiah 6:8-10

Ania ti nangngeg ni Isaias a sinaludsod ti Apo?

Kinuna ti Apo, “Siasino ti ibaonko; siasino ti mapan para kadatayo?”

Ania ti insungbat ni Isaias iti saludsod ti Apo?

Kinuna ni Isaias, “Adtoyak; ibaonnak.”

Ania ti imbaga ti Apo kenni Isaias nga ibagana kadagiti tattao?

Imbaga ni Apo kenni Isaias nga ibagana kadagiti tattao a dumngegda ngem saanda a makaawat; makakitada ngem saanda a makailasin.

Isaiah 6:11-13

Agingga kaano ti panangibaga ni Isaias iti mensahe ti Apo kadagiti tattao?

Agingga nga maburak dagiti siudad ken awanen ti agned, ken awanto tattao kadagiti balbalay, ken agtinnag a langalang ti daga, ken agingga a papanawen amin ni Yahweh dagiti tattao, agingga nga awanto pulos ti agtalinaed iti daga.

Isaiah 7

Isaiah 7:1-2

Siasino ni Ahaz?

Ni Ahaz ket anak a lalaki ni Jotam nga anak ni Uzzias, nga ari ti Juda.

Bayat kadagiti aldaw ni Ahaz, siasino dagiti ari a napan idiay Jerusalem iti Juda tapno makigubat iti ditoy?

Napan ni Rezin nga ari ti Siria ken ni Peka nga anak ni Remalias nga ari ti Israel tapno makigubat iti Jerusalem.

Ania ti insungbat ni Ahaz ken dagiti tattaona idi nangngegda a nakikadua ti Siria iti Efraim?

Nagkintayeg ti puso ni Ahaz ken dagiti tattaona idi nangngegda daytoy.

Isaiah 7:3-4

Ania ti kinuna ni Yahweh nga aramiden ni Isaias?

Kinuna ni Yahweh nga itugot ni Isaias ti anakna ket mapanna katungtongen ni Ahaz.

Siasino ti imbaga ni Yahweh a saan a rumbeng a pagbutngan ni Ahaz?

Kinuna ni Yahweh kenni Ahaz a saan a rumbeng nga agbuteng isuna kada Rezin ken Peka.

Isaiah 7:5-6

Ania ti pinanggep ti Aram, Efraim, ken dagiti annak ni Remalias nga aramiden?

Nagpanggep iti dakes dagitoy a lallaki a maibusor kenni Ahaz ken Juda. Pinanggepda a rauten ken butbutngen ti Juda ken isaad ti anak a lalaki ni Tabeel a kas ari.

Isaiah 7:7-9

Ania ti kinuna ni Yahweh kenni Ahaz a maipapan iti Efraim?

Kinuna ni Yahweh kenni Ahaz, “Iti las-ud iti 65 a tawen, madadaelto ti Efraim ken awanto ti agnaed a taona.”

Ania ti imbaga ni Yahweh kenni Ahaz a mapasamak no saan a natibker ti pammatina?

Saan nga agtalinaed ti kinatalged ni Ahaz no saan a natibker ti pammatina.

Isaiah 7:10-12

Ania ti insungbat ni Ahaz idi imbaga ti Apo a dumawat ti pagilasinan manipud kenni Yahweh?

Kinuna ni Ahab, “Saanak nga agkiddaw wenno suoten ni Yahweh”

Isaiah 7:13-15

Ania ti kinuna ni Isaias nga ar-aramiden ni Ahab?

Kinuna ni Isaias a saanna laeng a padpadasen ti kinaanus dagiti tattao ngem padpadasenna pay ti kinaanus ti Dios.

Isaiah 7:16-19

Ania ti kinuna ni Isaias kenni Ahaz nga iyeg ni Yahweh a maibusor kenkuana?

Kinuna ni Isaias kenni Ahaz nga iyeg ni Yahweh ti ari ti Asiria a maibusor kenkuana ken kadagiti tattaona.

Isaiah 7:20-22

Ania ti aramiden ti ari ti Asiria?

Kuskusanto ti ari ti Asiria ti ulo ni Ahaz ken ti luppona ken ti barbasna.

Isaiah 7:23-25

Ania ti mapasamakto iti daga?

Mapnonto ti daga kadagiti siit ken siit-siitan a mula ken agbalinto a pagaraban dagiti karnero ken baka daytoy a lugar.

Isaiah 8

Isaiah 8:1-2

Ania ti imbaga ni Yahweh nga aramiden ni Isaias?

Imbagana kenni Isaias a mangala isuna iti dakkel a pagsuratan ket isuratna ditoy ti ‘Maher-Salal-Has-Baz’.

Siasino dagiti natulnog a saksi ni Yahweh?

Da Urias a padi ken ni Zacarias nga anak ni Jeberekias dagiti saksi ni Yahweh.

Isaiah 8:3-7

Apay nga imbaga ni Yahweh kenni Isaias a panagananna ti anakna iti ‘Maher-Salal-Has-Baz’?

Panagananna ti anakna iti ‘Maher-Salal-Has-Baz’ gapu ta sakbay pay a maisaona ti ‘Amak’ ken ’Inak,’ alaento nga iyadayo ti ari ti Asiria dagiti kinabaknang ti Damasco ken dagiti tinakaw ti Samaria.

Isaiah 8:8-10

Sadino pay ti papanan ti Ari ti Asiria?

Mapanto pay a kasla layos iti Juda.

Isaiah 8:11-13

Iti ania a nalawag a dalan dagiti tattao ti imballaag ni Isaias a saanda a pagnaan?

Imballaag ni Isaias a saanda nga awagan a dakes a panggep dagiti aniaman nga ibagbaga dagiti tattao a dakes a panggep ken saanda nga agbuteng kadagiti pagbutbutngan dagiti tattao wenno masdaaw kadagidiay a banbanag.

Siasino ti imbaga ni Isaias nga ibilang a nasantaoan ken pagbutngan?

Imbaga ni Isaias a pagbutngan ken pagsiddaawan ni Yahweh a Mannakabalin-amin ken ibilang isuna a kas nasantoan.

Isaiah 8:14-15

Ania dagiti dua nga aramiden ni Yahweh kadagiti balbalay iti Israel ken kadagiti agnanaed iti Jerusalem?

Agbalin isuna a kasla bato a pakaitibkulan ken pakatumbaan dagiti tattao ti Israel ken silo ken palab-og kadagiti agnanaed iti Jerusalem.

Isaiah 8:16-18

Ania ti pammaneknek ni Isaias a maitedto kadagiti disipulona?

Ti pammaneknek ni Isaias ket urayenna ni Yahweh ken ni Isaias ken dagiti annakna a lallaki maited babaen kenni Yahweh a kas pagilasinan ken nakaskasdaaw idiay Israel.

Isaiah 8:19-20

Segun kenni Isaias, ania dagiti ibaganto dagiti tattao ti Israel kadagiti disipulo ni Isaias?

Ibagadanto kadagiti disipulo ni Isaias a makiumanda kadagiti mammadles ken salamangkero.

Siasino ti imbaga ni Isaias a masapul a pakiumanan dagiti tattao?

Masapul a makiuman dagiti tattao iti Diosda.

Siasino ti imbilin ni Isaias nga ipangag dagiti disipulona?

Imbilinna kadakuada nga ipangagda ti linteg ken ti pammaneknek.

Isaiah 8:21-22

Ania ti aramidento dagiti tattao ti Israel inton mariribukan, agbisin, ken makaungetda iti kasta unay?

Tumangaddanto ket ilunodda ti arida ken ti Diosda.

Ania ti mapasamakto kadagiti tattao ti Israel?

Maipandanto iti daga a kasipngetan.

Isaiah 9

Isaiah 9:1-2

Ania ti mapasamakto iti maysa a tao nga agsagsagaba?

Maikkatto ti panagsagabana.

Ania dagiti daga a pinabainan ti Dios kadagiti napalpalabas a panawen?

Pinabainan ti Dios ti daga ti Zabulun ken ti daga ti Naftali.

Ania ti aramidento ti Dios iti Zabulun ken Naftali?

Aramidennanto dagitoy a nadayag.

Siasino ti pagraniagan ti lawag?

Nagraniag ti lawag kadagiti tattao a nagnaed iti daga ti aniniwan ni patay.

Isaiah 9:3

Apay nga immado ti rag-o ti nasion?

Gapu ta tiinukkol ni Yahweh ti sangol ti dadagsen ti nasion, ti padagsen nga adda iti abaga ti nasion, ti sarukod ti mangidaddadanes iti nasion.

Isaiah 9:4-5

Apay nga immado ti rag-o ti nasion?

Gapu ta tiinukkol ni Yahweh ti sangol ti dadagsen ti nasion, ti padagsen nga adda iti abaga ti nasion, ti sarukod ti mangidaddadanes iti nasion.

Isaiah 9:6-7

Ania ti nagan ti mangbagklay iti panagturay?

Maawagan ti naganna a kas Nakaskasdaaw a Mammagbaga, Mannakabalin a Dios, Agnanayon nga Ama ken Prinsipe ti Kappia.

Kasanonto ti panagturayna?

Agturayto isuna nga addaan hustisia ken kinalinteg.

Kasano kabayag ti panagturayna?

Agturay isuna manipud iti daytoy a tiempo agingga iti awan patinggana.

Isaiah 9:8-10

Ania ti imbaga ti Israel iti addaan kinapalangguad ken natangsit a puso?

Kinuna ti Israel, “Nadadael dagiti ladrilio, ngem ipatakdermi manen babaen kadagiti natikap a bato; napukanen dagiti sikamoro, ngem sukatanmi ida kadagiti sedro.”

Isaiah 9:11-12

Ania ti imbangon ni Yahweh a maibusor iti Israel?

Imbangon ni Yahweh ni Rezin, dagiti taga-Aram ken dagiti Filisteo a maibusor iti Israel.

Kalpasan amin dagitoy, nagsardeng kadi ti pungtot ni Yahweh?

Saan, saan a nagsardeng ti pungtot ni Yahweh. Nakalayat latta ti imana a mangkabil iti Israel.

Kalpasan amin dagitoy, nagsardeng kadi ti pungtot ni Yahweh?

Saan, saan a nagsardeng ti pungtot ni Yahweh. Nakalayat latta ti imana a mangkabil iti Israel.

Isaiah 9:13-15

Nagsubli kadi dagiti tattao kenni Yahweh?

Saan a nagsubli dagiti tattao kenni Yahweh wenno binirukda isuna.

Siasino dagiti “ulo” ken "ipus" a putdento ni Yahweh iti maysa nga aldaw?

Ti pangulo ken ti tao a mabigbigbig, isu ti ulo, ket ti profeta nga agisursuro iti kinaulbud, isu ti ipus.

Isaiah 9:16-17

Apay ta saan a maassian ni Yahweh kadagiti ulila ken balo?

Saan nga isuna a naasian kadakuada gapu ta ti tunggal maysa ket awan diosna ken agar-aramid ti kinadakes ken amin nga ngiwat ket agsasao kadagiti banbanag a kinamaag.

Isaiah 9:18-19

Ania ti napasamak a kas nagbanagan ti aglaplapusanan a pungtot ni Yahweh?

Inuram ni Yahweh ti daga ken pinagbalinna a kasla sungrod iti apuy dagiti tattao.

Isaiah 9:20-21

Ania ti napasamak iti Manases, Efraim ken Juda?

Inalun-on ti Manases ken Efraim iti maysa ken maysa ken rinautda a dua ti Juda.

Isaiah 10

Isaiah 10:5-6

Siasino ti pang-or ti pungtot ni Yahweh ken ti baot nga usaren ni Yahweh tapno ipalak-amna ti pungtotna?

Ti taga-Asiria ti pang-or ti pungtot ni Yahweh ken ti baot nga usarenna tapno ipalak-amna ti pungtotna.

Ania ti imbilin ni Yahweh nga aramiden ti taga-Asiria?

Binilinna ti taga-Asiria nga alaenda ti nabangles, alaen ti inanupan, ken baddebaddekanda ti Israel a kasla pitak kadagiti kalsada.

Isaiah 10:7-11

Ania ti pinanggep ti taga-Asiria?

Adda iti puso dagiti taga-Asiria ti mangdadael ken mangpukaw kadagiti adu a nasion.

Isaiah 10:12-15

Ania ti imbaga ti Apo nga aramidenna inton malpasna ti aramidna iti Bantay Sion ken idiay Jerusalem?

Imbaga ti Apo a dusaenna ti natangsit nga ari ti Asiria nga addaan iti natangsit a sao ken ti kinapalangguadna.

Apay a napanunot ti ari ti Asiria a nagballigi isuna?

Napanunot ti ari ti Asiria a nagballigi isuna gapu iti pigsana, kinasiribna ken pannakaawatna.

Isaiah 10:16-17

Ania ti aramidento ti Apo a Dios kadagiti mabigbigbig a mannakigubat ti Asiria?

Pakapsutento ida ti Apo a Dios.

Isaiah 10:18-19

Ania ti imbaga ni Yahweh nga ibusenna idiay Asiria?

Imbaga ni Yahweh nga ibusennanto ti kinapintas ti kabakiran ti Asiria ken ti nabunga a dagana.

Isaiah 10:20-23

Anianto ti pagtalkan ti nabati ti Israel kalpasan iti panaglibasda?

Ti nabati a nakalibas ket saanton nga agtalek kenkuana a nangparmek kadakuada, ngem ketdi, agtalekdanto a sipupudno kenni Yahweh.

Isaiah 10:24

Apay nga imbaga ti Apo a Dios kadagiti tattao nga agnanaed idiay Jerusalem a saanda nga agbuteng iti taga-Asiria?

Imbaga ni Yahweh kadakuada a saanda nga agbuteng iti taga-Asiria gapu ta iti kabiitan a tiempo, agpatingganto ti pungtot ti Apo maibusor kadagiti adda iti Sion ken ti pungtot ni Yahweh ket maiturongto iti pannakadadael ti Asiria.

Isaiah 10:25-26

Apay ta imbaga ti Apo a Dios kadagiti tattao nga agnanaed iti Sion a saanda nga agbuteng kadagiti taga-Asiria?

Imbagana a saanda nga agbuteng kadagiti taga-Asiria gapu ta iti kabiitan a tiempo, ti pungtot ti Apo maibusor iti Sion ket agpatingga ket ti pungtot ti Apo ti mangiturong iti pakaddadaelan ti Asiria.

Isaiah 10:27-34

Anianto ti mapasamak iti aldaw inton usaren ni Yahweh ti saplitna a maibusor iti Asiria ken iti aldaw nga ingatonto ni Yahweh ti baotna iti baybay tapno ipangatona daytoy?

Iti dayta nga aldaw, maikatto ti dadagsen manipud iti abagada ken ti sangolna ket maikkat iti tengngedda.

Isaiah 11

Isaiah 11:1

Ania ti umayto manipud iti puon ni Jesse?

Adda ti rusing ken maysa a sanga nga agtaud iti ramut ni Jesse. [11:]

Isaiah 11:2-3

Ania ti agtalinaed kenkuana?

Ti Espiritu ni Yahweh ket agtalinaedto kenkuana.

Anianto ti ited ti Espiritu ni Yahweh kenkuana

Ti Espiritu ni Yahweh ket mangtedto kenkuana iti kinasirib ken pannakaawat, sursuro ken kinabileg, pannakaamo ken panagbuteng kenni Yahweh.

Isaiah 11:4-8

Ania ti aramatennanto a mangukom iti nakurapay ken napakumababa?

Saan isuna a mangukom babaen iti makitkitana wenno mangmangngegna. Mangukom isuna nga addaan iti kinalinteg ken mangngeddeng iti patas.

Anianto ti aramidenna iti nadangkes a tao?

Papatayennanto ida babaen iti anges ti bibigna.

Isaiah 11:9

Kasanonto nga agtignay dagiti ayup iti naidumduma?

Saandanto a mangdangran wenno mangdadael iti amin a nasantoan a bantayna.

Apay a saanto a mangdangran wenno mangdadael dagiti ayup?

Saanto a mangdangran wenno mangdadael dagiti ayup gapu ta mapunnonto ti lubong iti pannakaammo ni Yahweh.

Isaiah 11:10-13

Iti dayta nga aldaw, apay nga iyunnatto ti Apo ti imana?

Iti dayta nga aldaw, iyunnatto ti Apo ti imana tapno sublienna ti natda kadagiti tattaona a nagtalinaed idiay Asiria, Egipto, Patros, Cush, Elam, Shinar, Hamat, ken dagiti isla iti baybay. [11:]

Isaiah 11:14-16

Anianto ti pagmaymaysaan nga aramiden ti Efraim ken Juda?

Rautendanto dagiti turturod ti Filisteo iti laud, ken samsamendanto ti sanikua dagiti tattao iti daya. Rautendanto pay ti Edom ken Moab.

Ania ti aramidento ni Yahweh iti gulpo iti baybay ti Egipto ken iti Karayan Eufrates?

Guduaento ni Yahweh ti gulpo iti baybay ti Egipto ken bingay-bingayennanto ti Karayan Eufrates iti pito a karayan. 11:15]

Isaiah 12

Isaiah 12:1-4

Iti dayta nga aldaw, apay nga agyamanda kenni Yahweh?

Agyamanda kenni Yahweh gapu ta uray kaunget ida ni Yahweh, bimmaaw ti ungetna kadakuada ken liniwliwana ida.

Iti dayta nga aldaw, anianto ti ibaga dagiti tattao a kinasiasino ni Yahweh kadakuada?

Ibaganto dagiti tattao a ni Yahweh ti pigsada, ti kantada, ken ti mangisalakan kadakuada.

Isaiah 12:5-6

Apay a mabagaan dagiti tattao a kantaanda ni Yahweh?

Mabagaandanto a kantaanda ni Yahweh gapu kadagiti nakakaskasdaaw a banbanag nga inaramidna ken tapno maipakaammo daytoy iti entero a lubong.

Isaiah 13

Isaiah 13:1-2

Ania a mensahe ti naawat ni Isaias manipud kenni Yahweh?

Naawatna ti maysa a pakaammo maipapan ti Babilonia.

Isaiah 13:3-4

Ania ti nakaayaban nga aramiden dagiti mamaingel a lallaki ni Yahweh?

Inayabanna ida a mangipalak-am iti pungtotna.

Isaiah 13:5-6

Sadino ti paggappuan ti armada ni Yahweh?

Naggapuda iti adayo a pagilian, iti nakaad-adayo a lugar.

Ania ti aramiden dagiti aramaten ni Yahweh a panangukom?

Dadaelenda ti entero a daga.

Isaiah 13:7-8

Ania ti aramidento dagiti tattao inton madadael ti daga?

Malpayto dagiti imada ken kumapoyto dagiti pusoda; mabutengdanto; lak-amendanto dagiti ut-ot ken ladingit. Agkikinnitadanto nga agsiddaaw; kaslanto gil-ayab dagiti rupada.

Isaiah 13:9-11

Anianto pay ti mapasamak bayat iti aldaw ni Yahweh?

Agbalinto a langalang ti daga ken madadaelto dagiti managbasol iti daytoy. Saanto nga agsilnag dagiti bituen, ti init ken ti bulan; sumipngetto dagitoy.

Isaiah 13:12-16

Adunto kadi ti lallaki a mabati?

Saan! Pabassitento ni Yahweh ti bilang dagiti lallaki ngem iti napino a balitok.

Isaiah 13:17-19

Sino ti sugsogan ni Yahweh a mangraut kadagiti taga-Babilonia?

Sugsogan ni Yahweh ti Medes a mangraut kadagiti taga-Babilonia.

Isaiah 13:20

Anianto ti mapasamak iti Babilonia?

Parmekento ida ti Dios a kasla iti Sodoma ken Gomora ken saanen a mapagtaengan wenno mapagnaedan dagiti henerasion.

Isaiah 13:21-22

Anianto ti agidda iti Babilonia?

Aggiddanto sadiay dagiti atap nga ayup iti let-ang.

Kaanonto a mapasamak iti Babilonia dagitoy a banbanag?

Umadanin ti tiempo ti Babilonia ken saanen a maitantan pay dagiti aldawna.

Isaiah 14

Isaiah 14:1-2

Anianto ti aramiden ni Yahweh iti Israel?

Piliento manen ni Yahweh ti Israel ken isublina ida iti bukodda a daga.

Isaiah 14:3

Ania ti mapasamak iti aldaw nga ited ni Yahweh iti Israel ti inana manipud iti panagsagsagaba, panangladladingit ken iti nadagsen a trabaho?

Agkantadanto iti kanta a pananglais iti ari ti Babilonia.

Isaiah 14:4

Ania ti napasamak iti mangparparigat?

Nagpatingga ti mangparparigat.

Isaiah 14:5-9

Ania ti inaramid ti ari iti Babilonia?

Gapu iti pungtotna, kinabilna dagiti tattao iti awan patinggana a panangkabil. Sipupungtot nga inturayanna dagiti nasion iti awan patinggana a panangraut.

Isaiah 14:10-11

Ania ti ibaganto dagiti natay nga ari iti daga iti ari ti babilonia?

Kunadanto, “Kimmapuyka a kas iti kinakapuymi…” ken “ti kinapalangguadmo ket naipababa iti Sheol…”

Isaiah 14:12

Ania ti napasamak iti anak ti bigat?

Natinnag daytoy manipud langit ken napukan daytoy manipud iti puonna.

Isaiah 14:13-19

Ania ti imbaga ti anak ti bigat iti pusona?

Imbagana a mangipasdekto ti tronona iti ngatoen dagiti bituen ti Dios ken pagbalinenna ti bagina a kas iti Kangangatoan a Dios.

Isaiah 14:20-24

Apay a saanto a maitipon iti tanem ti ari ti Babilonia kadagiti dadduma nga ari dagiti nasion?

Saan a maitipon isuna ta dinadaelna ti dagana ken pinatayna dagiti tattaona.

Isaiah 14:25-27

Ania ti insapata ni Yahweh maipapan iti taga-Asiria nga adda iti daga ni Yahweh?

Imbagana a parmekenna ti taga-Asiria nga adda iti dagana ken payatpayatanna isuna kadagiti bantayna.

Isaiah 14:28-30

Ania ti pakaammo maibusor iti Filistia?

Naipakaammo a saan a rumbeng nga agrag-o ti Filistia, gapu ta patayento ni Yahweh ti kapuonan ti Filisteo babaen iti nakaro a panagbisin a mangpapatay kadagiti nakalasat a Filisteo. 14:29]

Isaiah 14:31

Ania ti masarakan dagiti agsagsagaba a tattao ni Yahweh idiay Sion?

Dagiti tattao ni Yahweh nga agsagsagaba ket makasarakto iti pagkamangan iti Sion.

Isaiah 14:32

Sino ti nangipasdek ti Sion?

Inpasdek ni Yahweh ti Sion.

Isaiah 15

Isaiah 15:1-4

Siasino ti madakdakamat iti pakaammo?

Ti pakaammo ket maipanggep iti Moab.

Anianto ti mapasamak iti Ar ken Kir ti Moab?

Tunggal maysa kadagitoy ket madadael ken mabaybay-anto a maminpinsan iti maysa laenga rabii.

Isaiah 15:5-7

Sadino ti papananto dagiti naglibas manipud iti Moab?

Agkamangdanto iti Zoar ken Eglat Selisia.

Isaiah 15:8-9

Ania ti napasamak kadagiti danum ti Dimon ken anianto ti mapasamak iti Dimon?

Nalaokan iti adu a dara dagiti danum ti Dimon; ngem nakarkaronto pay iti iyeg ni Yahweh iti Dimon.

Anianto ti mapasamak kadagiti aglibas manipud iti Moab ken kasta met kadagiti agtalinaed iti daga?

Darupento ti leon dagiti aglibas manipud Moab ken dagiti agtalinaed iti Moab.

Isaiah 16

Isaiah 16:1-2

Siasino ti pakaipatulodan dagiti karnero?

Maipatulodto dagiti karnero iti mangiturturay ti daga idiay bantay ti anak a babai ti Zion.

Ania ti pakaiyaspingan dagiti babbai iti Moab nga adda iti pagballasiwan iti Karayan Arnon?

Kaslada agalla alla a billit wenno nawara-wara nga umok.

Isaiah 16:3-4

Ania ti rumbeng koma nga aramiden ti Juda kadagiti naglibas ken nagkamang ti Moab?

Rumbeng koma nga ilemmengda saan ket a liputan dagiti naglibas a tattao ken ipalubosda koma a makipagnaed kadakuada dagiti nagkamang; agbalinda koma a paglemmengan manipud iti manangdadael.

Isaiah 16:5-10

Anianto ti aramiden ti tao nga aggapu iti tolda ni David a nakatugaw iti trono?

Mangukomto isuna a kas panangtulpalna ti hustisia ken panangaramidna ti kinalinteg.

Isaiah 16:11-12

Anianto ti maganab iti Moab inton sumrek iti templona nga agkararag?

Awanto ti maganab ti Moab kadagiti kararagna.

Isaiah 16:13-14

Anianto ti mapasamak iti dayag ti Moab?

Kinuna ni Yahweh a mapukawto ti dayag ti Moab iti las-ud ti tallo a tawen.

Manonto ti mabati iti Moab?

Manmano ti mabati iti Moab ken agkakapuyto ida.

Isaiah 17

Isaiah 17:1-3

Anianto ti mapasamak iti siudad ti Damasco?

Saanton a maysa a siudad, ngem agbalinto a gabsuon ti dadael.

Anianto ti agpukaw iti Efraim?

Dagiti natibker a siudad ti agpukawto iti Efraim.

Isaiah 17:4-5

Anianto ti mapasamak iti dayag ni Jacob iti dayta nga aldaw?

Kumapuyto ti dayag ni Jacob ken kumuttongto ti kinalukmeg ti lasagna iti dayta nga aldaw.

Isaiah 17:6-7

Siasinonto ti kumitaan dagiti tattao iti dayta nga aldaw?

Kumitanto dagiti tattao iti Nangparsua kadakuada ken kumitada iti Nasantoan ti Israel.

Isaiah 17:8-11

Iti dayta nga aldaw, anianto ti pakaiyarigan dagiti natibker a siudadda?

Iti dayta nga aldaw, dagiti natibker a siudadda ket maiyarigto iti nabaybay-an a kakaykayoan a salog iti tapaw ti turod.

Isaiah 17:12-14

Anianto ti mapasamak inton agarimbangaw dagiti nasion a kas ti danarudor ti napigsa a danum?

Pasardengento ni Yahweh dagiti nasion ken tumaraydanto ken kamatendanto ida.

Ania ti maganab dagidiay agtakaw iti Israel?

Ti maganabda ket makakitadanto ti pagbutngan iti rabii ket maawanto sakbay a bumigat.

Isaiah 18

Isaiah 18:1-2

Sadino ti daga dagiti banerber ti payyak?

Ti daga dagiti banerber ti payyak ket iti ballasiw ti karayan ti Etiopia.

Siasino ti nangibaonan ti daga iti banerber dagiti payyak kadagiti mensahero?

Nangibaonda kadagiti nasion ti natatayag ken nalinis iti kudilna, kadagiti tattao a pagbutngan, napigsa ken agparparmek a nasion a biningay ti karayan dagiti dagana.

Isaiah 18:3

Katno a nasken a kumita ken dumngeg dagiti agnanaed iti lubong?

Kumita ken dumngegda inton maingato ti pagilasinan kadagiti banbantay ken no aguni ti trumpeta.

Isaiah 18:4-5

Anianto ti aramiden ni Yahweh sakbay ti panagapit, inton nalpasen ti panagsasabong?

Putdento ni Yahweh dagiti sanga babaen iti kumpay ket putdenna ken alaenna dagti agrarangpaya a sangsanga.

Isaiah 18:6-7

Aniano ti mapasamak inton kanen dagiti billit dagiti sanga ken kanento met dagiti ayup ti daga dagitoy?

Iti dayta a tiempo, maiyegto ti pammadayaw para kenni Yahweh iti bantay Zion manipud kadagiti tattao a natatayag ken nakikinis ti kudilna.

Isaiah 19

Isaiah 19:1-2

Siasino ti pakaipakaammoan ti maipapan daytoy a kapitulo?

Daytoy a kapitulo ket pakaammo maipanggep ti Egipto.

Siasino ti mangkibur kadagiti Egipcio?

Ni Yahweh ti mangkibur kadagiti Egipcio.

Siasinonto ti pakakiburan dagiti Egipcio?

Makiburdanto a maibusor iti maysa ken maysa.

Isaiah 19:3-4

Siasino ti pagidauloen ni Yahweh kadagiti Egipcio?

Iyawatto ni Yahweh dagiti Egipcio kadagiti ima ti nakuspag nga amo ken iturayanto ida iti maysa a nabileg nga ari.

Isaiah 19:5-8

Anianto ti mapasamak kadagiti danum ti Egipto?

Agmaganto dagiti danum ti baybay ken agmaganto ti karayan ket maawanto ti linaonna

Isaiah 19:9-10

Anianto ti mapasamak kadagiti agab-abel idiay Egipto?

Agladingitto dagiti agab-abel ti lupot.

Isaiah 19:11-12

Ania ti napasamak iti balakad dagiti mammagbaga ni Faraon.

Nagbalin nga awan mamaayna dagiti balakadda.

Isaiah 19:13-15

Apay a nagbalin nga awan ti mamaayna dagiti balakad dagiti mammagbag ni Faraon?

Nagbalin nga awan ti mamaayna ti balakadda gapu ta linaokan ni Yahweh ti espritu ti panangallilaw iti Egipto.

Isaiah 19:16-17

Iti dayta nga aldaw, anianto ti pakaiyarigan dagiti Egipcio?

Iti dayta nga aldaw, dagiti Egipcio ket kasladanto kadagiti babbai. Agtigerger ken agbutengda.

Isaiah 19:18

Iti dayta nga aldaw, anianto ti aramiden dagiti lima a siudad ti Egipto?

Agsapatadanto kenni Yahweh a Mannakabalin-amin.

Isaiah 19:19-22

Iti dayta nga aldaw, anianto ti adda iti tengnga iti daga ti Egipto?

Iti dayta nga aldaw addanto altar a maipaay kenni Yahweh iti tengnga ti daga ti Egipto.

Isaiah 19:23

Iti dayta nga aldaw, siasinonto ti agdayaw kenni Yahweh a sangsangkamaysa?

Agdayawto a sangsangkamaysa dagiti Egipcio ken dagiti tattao ti Asiria

Isaiah 19:24-25

Iti dayta nga aldaw, siasinonto ti agbalin a bendision iti entero a lubong?

Agbalinto a bendision ti Israel, Egipto ken Asiria iti entero a lubong.

Isaiah 20

Isaiah 20:1-2

Ania ti napasamak idi napan ni Tartan idiay Asdod?

Nakiranget ni Tartan maibusor iti Asdod ket sinakupna daytoy.

Siasino ti nangibaon kenni Tartan idiay Asdod?

Imbaon ni Sargon nga Ari ti Asiria ni Tartan idiay Asdod.

Ania ti imbaga ni Yahweh kenni Isaias nga aramidenna idi sinakup ni Tartan ti Asdod?

Imbaga ni Yahweh kenni Isaias nga ikkatenna ti kawesna a nakersang a lupot ken sandaliasna ket magna a lamolamo ken sakasaka.

Isaiah 20:3-4

Apay a nabagaan ni Isaias a magna a lamolamo?

Pakakitaan daytoy a dagiti naitalaw a kas balud ti Egipto ken Etiopia ket maipanawto a lamolamo ken sakasaka babaen iti ari ti Asiria.

Isaiah 20:5-6

Anianto ti mapasamak kadagiti agtalek iti Etiopia ken Egipto?

Maupay ken mabainandanto.

Isaiah 21

Isaiah 21:1-2

Ania a kita ti sermata iti naited kenni Isaias?

Maysa a makaupay a sirmata ti naited kenni Isaias.

Ania ti nasirmata ni Isaias?

Ti nasirmat ani Isaias ket maipanggep iti pannakaraut ti Elam ken pannakasakup iti Media.

Isaiah 21:3-5

Kasano a naapektaran ni Isaias iti daytoy a sirmata?

Nangted daytoy iti ut-ot iti lumo ni Isaias. Napadumog ken naburiburan. Nagkibbakibbayo ti barukongna. Nagtigerger ket nagbuteng isuna.

Isaiah 21:6-7

Ania ti imbaga ti Apo kenni Isaias?

Imbaga ti Apo kenni Isaias a mangdutok ti guardia ken impaibagana nga ipakaammona ti makitana.

Ania ti aramiden ti guardia no makakita iti karwahe, iti sagduddua a lallaki a nakakabalio, kadagiti nakasakay iti asno ken kadagiti nakasakay iti kamelio?

Masapul nga agsiput ken agalibtak a naimbag ti guardia.

Isaiah 21:8-12

No dumteng ti nakakarwahe, ania ti ipukkawna?

Ipukkawna, “Nadadaelen ti Babilonia, nadadaelen, ket naburaken iti daga dagiti amin a nakitikitan nga imahen dagiti didiosenna.”

Isaiah 21:13-15

Siasino dagiti agpatpatnag iti let-ang ti Arabia?

Agpatpatnag dagiti bunggoy dagiti taga-Dedan sadiay.

Ania ti naibaga nga aramiden dagiti bunggoy a taga-Dedan?

Naibaga kadakuada a mangitugotda ti Danum para kadagiti mawaw.

Ania ti naibaga nga aramiden dagiti agnanaed iti daga ti Tema?

Naibaga kadakuada a mangipanda ti tinapay kadagiti tattao a naglibas.

Isaiah 21:16-17

Ania ti imbaga ti Apo kenni Isaias maipanggep iti Kedar?

Imbaga ti Apo kenni Isaias nga iti las-ud iti makatawen, agpatingganton ti dayag ti Kedar ket manmanonto laeng kadagiti pumapana ken kadagiti mannakigubat ti mabati.

Isaiah 22

Isaiah 22:2

Ania ti mapaspasamak iti siudad ken iti ili?

Natagari ti siudad ken napnoan ti ramrambak ti ili.

Natay kadi dagiti natay babaen iti kampilan wenno iti gubatan?

Saan, dagiti natay ket saanda a natay babaen iti kampilan wenno iti gubatan.

Isaiah 22:3

Ania ti napasamak kadagiti mangiturturay kadakuada?

Nagtataray a sangsangkamaysa dagiti mangiturturayda ket natiliw ken naibaludda a sangsangkamaysa.

Isaiah 22:4-5

Apay nga agsangsangit ti nasaem ni Isaias?

Agsangsangit isuna gapu iti pannakadadael ti anak a babai dagiti annakna.

Isaiah 22:6-11

Siasino ti mangala kadagiti taguban ken kalasag a maibusor kadakuada?

Alaen ti Elam ti taguban ken isuot met ti Kir ti kalasag.

Isaiah 22:12-13

Ania ti inyayab ni Yahweh a Mannakabalin –amin iti dayta nga aldaw?

Iyay-ayabna iti panagsangsangit ken panagladladingit, pannakakuskos dagiti ulo ken panangikawes iti nakersang a lupot.

Ania ti inaramid dagiti tattao imbes nga agsangit ken agladingitda?

Nagrambak dagiti tattao ken nagragsakda. Nagpartida ti baka ken karnero, nangnagnda ti karne ken ummin-inomda ti arak.

Isaiah 22:14

Pakawanento kadi ti Apo dagiti tattao gapu iti sungbatda?

Saanto a pakawenen ti Apo dagiti tattao uray inton matayda.

Isaiah 22:15-16

Ania ti inaramid ni Sebna a mangimatmaton para iti bagbagina?

Nangikitikit iti dakkel a bato ni Sebna ti tanem para iti bagbagina kas lugar a paginanaanna.

Isaiah 22:17-19

Ania ti imbaga ni Yahweh nga aramidenna kenni Sebna?

Kinuna ni Yahweh nga itinnagna ni Sebna, ken ikkatenna isuna iti opisinana ken nakaisaadanna.

Isaiah 22:20-24

Siasino ti sumukat iti saad ni Sebna iti turay?

Ni Eliakim nga anak ni Hilkias ti sumukat kenni Sebna iti saad ti turay.

Isaiah 22:25

Iti dayta nga aldaw, anianto ti mapasamak iti pasok a naipalok iti natibker a disso?

Lumukayto ti pasok a naipalok iti natibker a disso, matukkol ket matnag, ket maikkatto ti kadagsen nga adda iti daytoy.

Isaiah 23

Isaiah 23:1-2

Ania ti maipapan iti pakaammo a naibaga idiay kapitulo 23?

Ti pakaammo idiay kapitulo 23 ket maipapan ti Tiro.

Apay a rumbeng nga agriaw dagiti barko idiay Tarsis?

Rumbeng nga agriaw dagitoy gapu ta awanen ti pagtaenganda wenno pantalan.

Isaiah 23:3-4

Ania idi ti siudad ti Tiro?

Ti Tiro ket pagtagilakoan dagiti nasion.

Isaiah 23:5-7

Anianto ti aramiden ti Egipto inton mangngegda ti pakaammo maipapan iti Tiro?

Agladingitto ti Egipto inton mangngegda ti pakaammo maipapan iti Tiro.

Isaiah 23:8

Siasino ti nangpanggep iti daytoy a maibusor iti Tiro?

Pinanggep daytoy ti Apo a Mannakabalin – amin a maibusor ti Tiro.

Isaiah 23:9-14

Apay a pinanggep daytoy ti Apo a Mannakabalin-amin maibusor ti Tiro?

Pinanggepna daytoy tapno saanna a dayawen ti pagpanpannakkel ken dayawna, tapno ibabainna dagiti amin a madaydayawna iti daga.

Isaiah 23:15-16

Kasano kabayag a malipatanto ti Tiro?

Iti dayta nga aldaw, malipatandanto ti Tiro iti las-ud ti pito pulo a tawen.

Isaiah 23:17

Aniato ti mapasamak iti Tiro kalpasan a malipatanda iti las-ud iti pito pulo a tawen?

Tulonganto ni Yahweh ti Tiro, ket agsublinto daytoy it sigud a panggedanna ken ilakona ti bagina kadagiti amin a pagarian iti rabaw ti daga.

Isaiah 23:18

Anianto ti mapasamak kadagiti ganansia ken naurnong a kuarta ti Tiro?

Maidulinto dagiti ganansia ken naurnong a kuarta ti Tiro para kenni Yahweh.

Anianto ti mapasamak kadagiti naglakoan ti Tiro?

Daytoy ket maipaayto kadagidiay agnanaed/agbibiag iti presensia ni Yahweh, tapno adda taraonda ken nalagda a kawesda.

Isaiah 24

Isaiah 24:1-4

Ania ti aramidenen ni Yahweh?

Pukawennan ti linaon ti daga, tapno dadaelenna daytoy, tapno dadaelenna ti kinapintas ti rabaw daytoy ken warawaraenna dagiti agbibiag iti daytoy. .

Isaiah 24:5

Kasano a narugitan ti daga babaen kadagiti agbibiag iti daytoy?

Narugitan ti daga gapu ta dagiti agbibiag ditoy ket sinukirda dagiti linteg, sinalungasinda dagiti bilbilin, ken dinadaelda ti agnanayon a katulagan.

Isaiah 24:6-12

Anianto ti mapasamak kadagiti agbibiag ditoy daga?

Mapuorandanto ket manmanonto laeng a tattao iti mabati.

Isaiah 24:13

Ania a ladawan ti us-usaren ni Isaias tapno ipakitana no kasanonto ti pagbanagan ti sibubukel a daga kadagiti amin a nasion iti dayta a tiempo?

Idildiligna kadagiti kasasaad ditoy daga iti dayta a tiemo iti no kasano ti pannakagunggon ti kayo ti olibo wenno ti pannakatudtod dagiti ubas kalpasan ti panagaapit.

Isaiah 24:14-15

Iti tengnga dagitoy amin a didigra, anianto ti aramiden”da”?

Ingatodanto dagiti timekda ket ipukkawdanto ti kinatan-ok ni Yahweh ken sirarag-odanto nga agpukkaw manipud iti taaw.

Isaiah 24:16-20

Ania ti sungbat ni Isaias kadagiti panagpukpukkaw ken panagaw-awag tapno maitan-ok ni Yahweh a Dios ti Israel?

Simmungbat ni Isaias babaen iti panangibagana, “Dinadaelko, dinadaelko, asiak pay! Kasta unay ti panangliput dagiti mangliliput; wen, kasta unay ti ti panangliput dagiti mangliliput.

Isaiah 24:21

Iti dayta nga aldaw siasinonto ti dusaen ni Yahweh?

Dusaento ni Yahweh dagiti anghel iti tangatang a nagrebelde ken dagiti ar-ari ditoy daga.

Isaiah 24:22

Anianto ti dusa para kadagiti anghel iti tangatang a nagrebelde ken dagiti ar-ari ditoy daga?

Maurnongdanto, maibaluddanto iti uneg iti abut ken maiserraandanto ket kalpasan iti adu nga al-aldaw, madusadanto.

Isaiah 24:23

Apay nga agsipngetto ti bulan ken saanton nga aglawag ti init?

Daytoyto ket gapu ta agarinto ni Yahweh a Mannakabalin-amin idiay Bantay Sion ken idiay Jerusalem ket iti sangoanan dagiti panglakayen dagiti tattao, agparangto ti dayagna.

Isaiah 25

Isaiah 25:1-2

Apay nga intan-ok ken indayaw ni Isaias ni Yahweh?

Intan-ok ken indayaw ni Isaias ni Yahweh gapu ta nagaramid ni Yahweh kadagiti nakaskasdaaw a banbanag, banbanag a naplano iti nabayagen a tiempo, iti awan pagkuranganna a kinapudno.

Ania dagiti nakaskasdaaw a banbanag nga inaramid ni Yahweh?

Inaramid ni Yahweh ti siudad a gabsuon, pinagbalinna a dadael ti natalged a siudad, ket pinukawna ti siudad a sarikedked dagiti ganggannaet.

Isaiah 25:3-5

Anianto ti sungbat/mapasamak kalpasan nga aramiden ni Yahweh ti siudad a gabsuon?

Idayawto dagiti nabibileg a tattao ni Yahweh ken agbutengto kenkuana ti siudad dagiti naranggas a nasion.

Isaiah 25:6-7

Anianto ti aramiden ni Yahweh para kadagiti amin a tattao iti dayta a bantay?

Mangipaayto ni Yahweh a Mannakabalin-amin para kadagiti amin a tattao iti maysa a padaya a pakaidasaranto dagiti agkakaimas a taraon ken dadaelennanto dagiti nangabbong kadagiti amin a tattao, ti nalaga a saput a nangabbong kadagiti amin a nasion.

Isaiah 25:8

Anianto ti alun-onen ni Yahweh, ti punasenna ken ikkatenna manipud kadagiti tattaona?

Alun-onennanto ti patay, punasenna dagiti lua ken ikkatenna ti kababainan dagiti tattaona.

Isaiah 25:9

Anianto ti maibaga iti dayta nga aldaw?

Daytoyto ti maibaga: Kitaenyo, daytoy ti Diostayo: naguraytayo kenkuana ket isalakannatayonto. Agragsak ken agrag-otayonto iti panangisalakanna.”

Isaiah 25:10

Ania ti nakaipadaan ti gasat ti Moab?

Ti gasat ti Moab ket maipada iti garami a naipayatpayat iti abut a napunno ti takki.

Isaiah 25:11-12

Iti dayta nga aldaw, sadino ti pakaikantaan daytoy a kanta?

Daytoy a kanta ket maikanta iti daga ti Juda.

Kasano nga inaramid ti Dios ti napigsa a siudad?

Inaramidna daytoy a napigsa babaen iti panangaramidna iti pannakaisalakan a pader ken sarikedked daytoy.

Isaiah 26

Isaiah 26:2-3

Siasino ti pakailuktan dagiti ruangan ti siudad?

Maluktan dagiti ruangan para iti nalinteg a nasion a nangsalimetmet ti pammati.

Isaiah 26:4

Siasino ti rumbeng a pagtalkantayo ken kasano kabayag ti rumbeng a panagtalektayo?

Rumbeng nga agtalektayo kenni Yahweh iti agnanayon.

Isaiah 26:5-7

Anianto ti mapasamak kadagidiay nagbiag a natangsit; ti natalged a siudad?

Ipababanto ida ni Yahweh; ipatadnanto ti natalged a siudad iti tapuk. Maipayatpayatto daytoy babaen kadagiti saka dagiti napanglaw ken panangibaddek dagiti marigrigat.

Isaiah 26:8

Ania ti tarigagay ti kararuami?

Ti nagan ken panunot ni Yahweh ti tarigagay ti kararuami?

Isaiah 26:9

Ania ti mapasamak inton dumteng ti panangukom ditoy daga?

Inton dumteng ti panangukom, makasursuronto iti kinalinteg dagiti agbibiag ditoy lubong.

Isaiah 26:10-11

Anianto ti aramiden ti nadangkes into maipakita kenkuana ti pabor?

Saannanto a masursuro ti kinalinteg.

Isaiah 26:12

Ania ti inaramid ni Yahweh iti Juda ken anianto ti iyegna iti Juda?

Linippas aminen ni Yahweh dagiti trabahotayo para kadatayo ket iyegnanto ti kappia para iti Juda.

Isaiah 26:13-15

Ania ti napasamak kadagiti dadduma a mangiturturay a nangituray iti Juda?

Nataydan, saandanton nga agbiag; nataydan ket saandan a bumangon. Immay nangukom ni Yahweh ket dinadaelna ida.

Isaiah 26:16-18

Kaano a kimmita ti Juda kenni Yahweh?

Kimmitada kenni Yahweh idi addada iti pannakariribuk; idi dinisiplinaan ni Yahweh ida.

Isaiah 26:19

Apay a rumbeng a bumangon ket agkanta gapu iti rag-o dagiti adda iti tapuk?

Rumbeng nga agriing ket agkantada gapu ti rag-o, gapu ta agbiagdanto, bumangondanto.

Isaiah 26:20

Apay a rumbeng nga umuneg dagiti tattao kadagiti siledda ket iserrada dagiti ruanganda?

Rumbeng nga aramidenda daytoy tapno makalemmengda agingga nga agbaaw ti pungtot ni Yahweh.

Isaiah 26:21

Ania ti umadanin nga aramiden ni Yahweh?

Umadanin a rummuar isuna iti lugarna a mangdusa kadagiti agbibiag iti daga gapu kadagiti nagbasolanda.

Isaiah 27

Isaiah 27:1-3

Iti dayta nga aldaw, anianto ti aramiden ni Yahweh iti kampilanna?

Dusaento ni Yahweh ti Leviatan nga uleg, ken papatayennanto ti nakaam-amak nga ayup nga adda iti taaw.

Iti dayta nga aldaw, anianto ti aramiden ni Yahweh iti kaubasan a paggappuan iti arak?

Aywanannanto daytoy, sibuganna iti amin a kanito ken bantayanna daytoy iti aldaw ken rabii.

Isaiah 27:4-5

Anianto ti aramiden ni Yahweh no saan nga awaten dagiti sisiitan a ruot ken sisiit ti panangsalaknibna ken saanto a makikapia dagitoy kenkuana?

Baddebaddekanto ni Yahweh dagitoy ken puoranna amin dagitoy.

Isaiah 27:6-8

Anianto ti aramiden ni Jacob ken Israel iti umay nga aldaw?

Agramutto ni Jacob; agsabong ken agbuselto ti Israel; ket punoendanto ti rabaw ti daga iti bunga.

Isaiah 27:9

Anianto ti naan-anay a bunga ni Jacob iti panangtallikodna iti basolna?

Pagbalinennanto dagiti amin nga altar a bato a kasla tisa ken napulbos, ket awanto ti agtalinaed a nakatakder nga imahen ni Asera wenno dagiti altar a pagidatdatonan iti insenso.

Isaiah 27:10-11

Apay a saanto a maasi kadakuada ti Namarsua iti Israel?

Gapu ta saan ida a tattao ti pannakaawat, saanto a maasi ni Yahweh kadakuada.

Isaiah 27:12-13

Iti dayta nga aldaw kasanonto a maurnong dagiti tattao ti Israel?

Saggaysadanto a maurnong.

Siasinonto ti agdayaw kenni Yahweh iti nasantoan a bantay idiay Jerusalem?

Dagiti mapukpukaw idiay daga ti Asiria ken dagiti napagtalaw idiay daga ti Egipto, idaydayawdanto ni Yahweh iti nasantoan a bantay idiay Jerusalem.

Isaiah 28

Isaiah 28:1-2

Kasano a nailadawan ti kababalin ni Efraim?

Nailadawan ti kababalin ni Efraim a kas napalangguad ken mammartek.

Ania ti mapaspasamak iti kinapintas ni Efraim?

Agkupkupasen ti kinapintas ni Efraim.

Ania ti nakaidiligan ti adda iti Apo a nasiglat ken nabileg?

Naidilig iti maysa a tudo ti uraro, ti manangdadael a bagyo, ken kas iti nadawel ken napegges a danum.

Ania ti aramiden ti adda iti Apo a nasiglat ken nabileg?

Dusaenna ti daga babaen iti imana.

Isaiah 28:3-4

Ania ti nakaiyarigan ti agkupkupas a sabong ti napintas a dayag ni Efraim?

Maiyarigto daytoy iti umuna a naluom a bunga ti igos sakbay iti panawen ti tikag, a no makita daytoy ti maysa a tao, kabayatan nga adda pay laeng iti imana, kanennan daytoy.

Isaiah 28:5-6

Anianto ti pagbalinan ni Yahweh para kadagiti nabatbati a tattaona?

Agbalinto ni Yahweh a napintas a korona ken korona a sabong ti kinapintas para kadagiti nabatbati a tattaona, ken ti espiritu ti ukom para kenkuana nga agtugtugaw iti panangukom, ken pigsa para kadagidiay mangpasubli kadagiti kabusorda kadagiti ruanganda.

Isaiah 28:7-10

Siasino dagiti maulaw gapu iti arak ken agdiwerdiwer gapu iti naingel a mainum?

Dagiti nabatbati a tattao ni Yahweh, dagiti padi ken profeta.

Ania ti nakariribukan ken saan nga ammo dagiti padi ken profeta?

Nariribok ti sirmatada ken saanda a makaikeddeng iti umno.

Isaiah 28:11-12

Kasanonto a makisarita ni Yahweh kadagitoy a tattao?

Makisaritanto isuna kadakuada babaen kadagiti mananguyaw a bibig ken babaen iti pagsasao a ganggannaet.

Ania ti napasamak iti napalabas idi nagsao ni Yahweh kadakuada?

Saanda met a dumngeg.

Isaiah 28:13

Anianto ti pagbanaganna inton mangngeg dagiti tattao ti sao ni Yahweh?

Mapanda ket matnagda, mapasag, mapalab-oganda ken matiliwda.

Isaiah 28:14-15

Ania ti imbaga dagiti mangiturturay kadagiti tattao ti Jerusalem?

Kinunada a nakitulagda iti patay ken babaen iti sheol naaramidda ti katulagan. Isu a no lumabas ti nainget a panangukom, saandanto a maan-ano, gapu ta pinagbalinda a sarikedked ti inuulbod ken iti kinaulbod ti naglemmenganda.

Isaiah 28:16

Anianto ti ipatakder ni Apo a Yahweh idiay Sion?

Mangipatakderto isuna idiay Sion iti bato a pundasion, maysa a napadasen a bato, maysa a napateg a pasuli a bato, maysa a nataled a pundasion.

Ania ti mapasamak no mamatida iti daytoy a pundasion a bato?

No mamatida iti daytoy a pundasion a bato, saandanto a mabain.

Isaiah 28:17

Anianto ti mapasamak kadagiti sarikedked nga inuulbod ken ti disso a paglemlemmengan?

Iyanudto ti uraro dagiti sarikedked nga inuulbod, ket lipusento ti layus ti disso a paglemlemmengan.

Isaiah 28:18-21

Anianto ti mapasamak iti katulagan iti ipapatay ken ti katulagan iti Sheol nga inaramid dagiti mangiturturay kadagiti tattao ti Jerusalem?

Mawaswasto dayta a katulagan ken malipusdanto inton sumangbay ti napigsa a layus.

Isaiah 28:22-29

Ania ti imbaga ni Isaias a pagbanaganto ti pananguy-uyaw?

Binallaaganna ida a saanda nga aguyaw ta no saan ket mapairutanto ti kawarda.

Isaiah 29

Isaiah 29:1-2

Ania ti Ariel?

Ti Ariel ket ti siudad a nagkampoan ni David.

Isaiah 29:3-4

Ania ti aramidento ni Yahweh iti Ariel?

Lawlawennanto ti Ariel ken maipababanto daytoy.

Isaiah 29:5-6

Kasanonto kabayag a maipababa ti Ariel?

Mapasamakto daytoy a saan a mapakpakadaan, iti apagdarikmat.

Isaiah 29:7-8

Siasinonto ti mangranget iti Ariel ken iti sarikedked daytoy?

Ti bunggoy dagiti amin a nasion ti mangrangetto iti Ariel.

Isaiah 29:9-12

Ania ti imbukbok ni Yahweh iti Ariel?

Imbukbok ni Yahweh kadakuada ti espiritu ti pannakarnek iti turog.

Ania ti aramiden kadakuada daytoy a pannakaibukbok ti espiritu ti pannakarnek iti turog?

Pinagkidemna dagiti profeta ken inabbunganna dagiti ulo dagiti makakitkita iti masakbayan.

Isaiah 29:13-16

Ania ti irirriri ti Apo kadagitoy a tattao?

Kinuna ti Apo, “Umas-asideg kaniak dagitoy a tattao babaen iti ngiwatda ken daydayawendak babaen kadagiti bibigda, ngem adayo kaniak dagiti pusoda. Ti panangdaydayawda kaniak ket bilin nga insuro dagiti tattao.

Agsipud ta adayo dagiti pusoda iti Apo ken saanda a daydayawen isuna, anianto ti aramiden ti Apo kadakuada?

Pukawennanto ti kinasirib dagiti masirib a tattao, ken ti mapukawto ti pannakaawat dagiti nanakman a tattao.

Isaiah 29:17-19

Ania ti mapasamak iti Libano iti apagbiit laeng a panawen?

Agbalinto a talon ti Libano ken agbalinto a kabakiran ti talon.

Iti dayta nga aldaw ania ti aramidento dagiti tuleng ken bulsek?

Mangngegto ti tuleng dagiti sasao ti libro, ken makitanto dagiti mata ti bulsek manipud iti nakaro a sipnget.

Ania ti aramidento dagiti naidadanes ken nakurapay a tattao?

Agrag-odanto kenni Yahweh a Nasantoan ti Israel.

Isaiah 29:20-21

Anianto ti mapasamak kadagiti mangay-ayat nga agar-aramid iti dakes?

Mapukawdanto.

Isaiah 29:22-24

Kaanonto a dayawen ti balay ni Jacob ti nagan ni Yahweh?

Dayawendanto ti nagan ni Yahweh inton makitana dagiti annakna iti tengngana, ti aramid dagiti ima ni Yahweh.

Anianto ti mapasamak kadagiti managriri ken dagiti agbiddut iti espiritu?

Masursuronto dagiti managriri ti Pannakaammo ken dagiti agbiddut iti espiritu ket magun-oddanto ti pannakaawat.

Isaiah 30

Isaiah 30:1-2

Ania ti imbaga ni Yahweh nga aramiden dagiti nasukir nga annak?

Kinunana nga agpanggepda ngem saan nga aggapu kenkuana ken makikaysada ngem saan ida nga idalan ti espirituna, a ninayunanda ti basolda.

Siasino ti nagdawatan dagiti nasukir nga annak tapno masalaknibanda?

Dinawatda ti panangsalaknib ti Faraon ken nagkamangda iti salinong ti Egipto.

Isaiah 30:3-5

Anianto ti pagbanagan ti panangsalaknib ti Faraon ken ti panagkamang iti salinong ti Egipto para kadagiti nasukir nga annak?

Ti panangsalaknib ti Faraon ket daytoyto ti pakaibabainanda ken ti panagkamangda iti salinong ti Egipto ti pannakaibabainda.

Isaiah 30:6-7

Kasano kapateg ti tulong ti Egipto kadagiti nasukir nga annak?

Awan serserbi ti tulong ti Egipto.

Isaiah 30:8-9

Apay a kayat ni Yahweh nga isurat ni Isaias daytoy iti sangoananda iti maysa a tapi ti bato, ken isuratna iti nalukot a pagbasaan?

Kayat ni Yahweh a masalimetmetan daytoy para iti umay a tiempo a kas maysa a pammaneknek.

Ania ti saan a denggen dagiti nasukir a tattao?

Saandanto a dumngeg iti bilin ni Yahweh.

Isaiah 30:10-14

Ania ti kayat a denggen dagiti nasukir nga annak?

Kayatda a denggen dagiti nasayaat a banbanag ken dagiti manangallilaw a padto.

Isaiah 30:15-16

Kasano a pumigsa ken maisalakan dagiti nasukir nga annak a kinuna ni Yahweh?

Kuna ni Yahweh a maisalakanda babaen iti panagsubli ken panaginanada, ken ti kinaulimek ken panagtalek ket isunto ti pigsada.

Ania ti sungbat dagiti nasukir nga annak kenni Yahweh?

Kinunada, “Saan, aglibaskami babaen kadagiti kabalio.” ken, “Agsakaykami kadagiti napapartak a kabalio.”

Ania ti sungbat ni Yahweh iti salaysay dagiti nasukir nga annak maipapan iti panaglibasda babaen kadagiti kabalio ken panagsakay kadagiti napapartak a kabalio?

Simmungbat ni Yahweh babaen iti panangibagana kadagiti nasukir nga annak nga aglibasdanto ket naparpartakto dagiti mangkamat kadakuada.

Isaiah 30:17

Manonto ti aglibas a kinuna ni Yahweh babaen iti panangbutbuteng ti maysa?

Kinuna ni Yahweh a sangaribonto ti aglibas babaen iti panangbutbuteng ti maysa.

Isaiah 30:18-19

Ania ti ur-urayen ken nakasagana nga aramiden ni Yahweh?

Ur-urayenna ti panangparaborna kadagiti nasukir nga annak ken ti panangngaasina kadakuada.

Ania ti mapasamak kadagiti amin nga agur-uray kenni Yahweh?

Mabendisionandanto.

Isaiah 30:20-21

Uray no ipaay ni Yahweh kadakuada ti tinapay ti kinarigat ken ti danum ti panagsagaba, anianto ti saanen nga aramiden ti mannursuroda?

Saanton a pulos nga aglemmeng ti mannursuroda, ngem makitadanto isuna kadagiti bukodda a mata.

Isaiah 30:22-24

Anianto ti aramiden dagiti nasukir nga annak kadagiti nakitikitan nga imahe ken kadagiti nasukog a balitok nga imahe?

Dadaelen ken ibellengdanto dagitoy.

Isaiah 30:25-29

Anianto ti aramiden ni Yahweh kalpasan ti aldaw ti nakaro a panangpapatay no marba dagiti tore?

Bedbedanto ni Yahweh ti sugat dagiti tattaona ken agasanna dagiti dunor ti panangsugatna kadakuada.

Isaiah 30:30

Kasano nga ipakaammo ni Yahweh ti kinadayag ti timekna ken kasano nga ipakitana ti garaw ti takkiagna?

Ipakaammona dagitoy babaen iti bagyo ti pungtotna ken gil-ayab ti apuy, nga addaan iti napigsa nga angin, tudo ken uraro.

Isaiah 30:31-32

Siasino ti pakaiturongan ti timek ken takkiag ni Yahweh?

Maiturongto dagitoy iti Asiria. Ta babaen iti timek ni Yahweh, madadaelto ti Asiria; dusaennanto ida babaen iti sarukod.

Anianto ti mangdanggay iti tunggal panangilayatna iti naituding a sarukod a pangdusana kadakuada?

Danggayanto iti tukar dagiti tamborin ken arpa ti tunggal panangilayat kabayatan a makigubgubat ken makirangranget ni Yahweh iti Asiria.

Isaiah 30:33

Ania ti naisagana para iti ari ti Asiria?

Ti lugar ti pagpupuoran ti naisagana para iti ari ti Asiria.

Ania wenno siasinonto ti mangsindi ti apuy a naisagana para iti ari ti Asiria?

Ti anges ni Yahweh ti mangsindinto iti daytoy.

Isaiah 31

Isaiah 31:1-2

Apay a naibalikas ti “asi pay” kadagiti sumalog idiay Egipto tapno dumawat iti tulong?

Naibalikas ti “asi pay” kadakuada gapu ta nagtalekda kadagiti karwahe ken agkabkabalio ngem saanda a pakaseknan ti maipapan iti Nasantoan ti Israel, wenno saanda a sapulen ni Yahweh.

Siasinonto ti busoren ni Yahweh?

Busorennanto ti balay ti dakes ken dagiti katulongan dagiti agar-aramid iti basol.

Isaiah 31:3-4

Anianto ti mapasamak iti tumulong ken ti natulongan?

Agpadadanto a mapukaw.

Isaiah 31:5-9

Anianto ti aramiden ni Yahweh iti Jerusalem?

Salaknibannanto, ispalen ken salimetmetanna daytoy.

Ania ti imbaga ni Isaias nga aramiden dagiti Israelita?

Imbagana kadakuada nga agsublida kenni Yahweh a tinallikudanda.

Kalpasan a mapasag ti Asiria babaen iti kampilan, anianto ti maipilit nga aramiden dagiti agtutuboda?

Mapilitto nga agtrabaho iti nadagsen dagiti agtutubo ti Asiria.

Isaiah 32

Isaiah 32:1-3

Anianto ti kaiyarigan ti nalinteg nga ari ken dagiti prinsipe?

Maiyarigdanto iti salaknib no agangin ken pagkamangan no agbagyo, kas kadagiti karayan iti namaga a disso, kas iti linong ti maysa a dakkel a bato iti daga ti kinabannog.

Isaiah 32:4-6

Anianto ti aramiden ti darasudos ken ti atel inton agturay ti maysa nga ari nga addaan kinalinteg ken agturay dagiti prinsipe nga addaan hustisia?

Agpanunotto a nalaing ti darasudos nga addaan pannakaawat, ken ti atel ket nalaka ken nalawagto nga agsao. Ti maag ket saanen a maawagan a madaydayaw, wenno maawagan a natakneng ti manangallilaw.

Ania ti ar-aramiden ti maag?

Agsasao isuna iti minamaag, agpangpanggep ti pusona iti dakes ken saan a nadiosan nga ar-aramid ken agsasao isuna iti dakes maibusor kenni Yahweh.

Isaiah 32:7-8

Ania ti ar-aramiden ti manangallilaw?

Mangar-aramat isuna kadagiti dakes a wagas. Mangpanpanunot isuna kadagiti nadangkes a panggep a mangdadael kadagiti marigrigat babaen kadagiti inuulbod.

Anianto ti mapasamak iti mararaem a tao?

Agtalinaedto ti tao a mararaem gapu kadagiti nasayaat nga aramidna.

Isaiah 32:9-10

Ania ti naibaga nga aramiden dagiti babbai a nanam-ay?

Naibaga kadakuada a bumangonda, dumngegda iti timek ni Isaias, agtigergerda, mariribunkanda, ussubenda dagiti nagpipintas a pagan-anayda, aglabusda ken agbidangda iti nakersang a lupot.

Apay ta naibaga kadagiti babbai a nanam-ay a dumngegda iti timek ni Isaias?

Naibaga kadakuada a dumngegda iti timek ni Isaias gapu ta kalpasan ti maysa a tawen, mariribukandanto, agkurangto ti maapitda nga ubas, saanto nga umay ti panagaapit.

Isaiah 32:11-13

Ania ti naibaga nga aramiden dagiti babbai a nanam-ay?

Naibaga kadakuada a bumangonda, dumngegda iti timek ni Isaias, agtigergerda, mariribunkanda, ussubenda dagiti nagpipintas a pagan-anayda, aglabusda ken agbidangda iti nakersang a lupot.

Anianto ti mapasamak iti daga dagiti tattaona, iti palasio ken iti siudad nga adu ti taona?

Agtubonto dagiti siit ken nasiit a mulmula iti daga, mabaybay-anto ti palasio ken mapanawanto ti siudad nga adu ti taona.

Isaiah 32:14-15

Anianto ti mapasamak iti daga dagiti tattaona, iti palasio ken iti siudad nga adu ti taona?

Agtubonto dagiti siit ken nasiit a mulmula iti daga, mabaybay-anto ti palasio ken mapanawanto ti siudad nga adu ti taona.

Kasanonto kabayag ti pannakadadael?

Agbayagto daytoy agingga a maibukbok ti Espiritu nga aggapu iti ngato ken agbalin a nabunga a taltalon ti let-ang ken maibilang a kabakiran ti nabunga a talon..

Isaiah 32:16-18

Anianto ti aramid ken pagbanagan ti kinalinteg?

Ti aramidto ti kinalinteg ket talna, ken ti pagbanagan ti kinalinteg ket kinaulimek ken panagtalek nga agnanayon.

Isaiah 32:19-20

Siasinonto ti mabendisionan?

Mabendisionanto dagiti agmula iti igid ti amin a karayan ken dagiti mangibulos kadagiti baka ken asnoda tapno agarab.

Isaiah 33

Isaiah 33:1-2

Anianto ti mapasamak iti manangdadael ken iti mananglipliput inton agsardengda a mangdaddadael ken manglipliput?

Madadaelto ti manangdadael ken liputandanto ti mananglipliput.

Isaiah 33:3-4

Ania ti mapasamak no agtakder ni Yahweh?

Mawarawara dagiti nasion.

Isaiah 33:5-6

Anianto ti ipunno ni Yahweh iti Sion?

Punoennanto ti Sion iti hustisia ken kinalinteg.

Anianto ni Yahweh kadagiti tiempoda?

Kadagiti tiempoda, isunanto ti kinatalna, kinawadwaad ti pannakaisalakan, kinasirib, ken pannakaammo.

Isaiah 33:7-9

Apay ta nagsangit iti nasaem dagiti imbaonda?

Nagsangitda gapu ta nabaybay-an dagiti kalsada; awanen dagiti agdaldaliasat. Saan a natungpal dagiti tulag, mauy-uyaw dagiti saksi, ken saan a mararaem dagiti siudad.

Isaiah 33:10-12

Anianto ti mapasamak inton agtakder ni Yahweh?

Maitag-ay ken maitan-okto ni Yahweh.

Anianto ti mapasamak kadagiti adda iti Sion nga agsiksikog iti taep, ken mangipaspasngay iti garami?

Ti angesda ket maiyarig iti apuy a manguramto kadakuada. Mapuoranto dagiti tattao agingga nga agbalinda nga apug.

Isaiah 33:13-14

Ania ti napasamak kadagiti managbasol iti Sion?

Mabutbuteng dagiti managbasol idiay Sion; agtigtigerger dagiti awan diosna.

Isaiah 33:15-21

Siasino kadagiti adda iti Sion ti makabael a makipagnaed iti gumilgil-ayab nga apuy ken iti agnanayon a sumsumged nga apuy?

Ti makabael a makipagnaed iti daytoy nga apuy ket dagiti tao nga agbibiag a sililinteg ken agsasao a sipupudno; ti tao a mangum-umsi iti magungun-od manipud iti panangidadanes, ti saanna kayat nga umawat iti pasuksuk, ti saan nga agpangpanggep iti naranggas a krimen, ken saan a kumitkita iti kinadakes.

Sadino ti panangipatakderan ti tao nga agbibiag a sililinteg ken agsasao a sipupudno iti balayna?

Ti tao nga agbibiag a sililinteg ken agsasao a sipupudno ket ipatakdernanto ti balayna iti nangato a disso.

Isaiah 33:22

Siasino ni Yahweh ken anianto ti aramidenna?

Ni Yahweh ti ukomtayo, ti mangmangted iti lintegtayo ken ti aritayo; isalakannatayonto.

Isaiah 33:23-24

Inton mabingay ti adu a samsam siasino ti kadua dagiti mangiguy-guyod kadagitoy?

Uray dagiti pilay ket mangiguyodto kadagiti samsam.

Isaiah 34

Isaiah 34:1-2

Siasino dagiti umasideg ken dumngeg?

Masapul nga umasideg, ken dumngeg dagiti nasion, ti daga ken dagiti amin a linaon daytoy, ti lubong ken dagiti amin a banag a nagtaud iti daytoy.

Apay a masapul nga umasideg ken dumngeg dagiti nasion ken dagiti amin a linaon daytoy, ti lubong ken dagiti amin a banag a nagtaud iti daytoy?

Masapul nga aramidenda daytoy gapu ta makaunget ni Yahweh kadagiti amin a nasion ken makapungtot maibusor kadagiti amin nga armadada.

Ania ti inaramid ni Yahweh kadagiti nasion ken kadagiti armadada?

Dinadaelna ida a naan-anay. Inyawatna ida iti pannakapapatay.

Isaiah 34:3-4

Anianto ti mapasamak kadagiti bituen ken iti tangatang?

Agpukawto dagiti amin a bituen, ket malukotto ti tangatang kas iti maysa a nalukot a pagsuratan; ken agpukawto dagiti amin a bituen daytoy.

Isaiah 34:5-7

Ania ti adda kenni Yahweh idiay Bosra ken Edom?

Adda daton ni Yahweh idiay Bosra ken dakkel a panagpapatay iti daga ti Edom.

Isaiah 34:8-10

Anianto ti mapasamak iti daga ti Edom?

Agbalinto nga alkitran dagiti karayan ti Edom, agbalinto nga asupre ti tapuk. Agbalinto a sumsumged nga alkitran ti daga ti Edom. Agbalinto daytoy a langalang iti amin a henerasion; awanto ti siasinoman a magna iti daytoy.

Isaiah 34:11-15

Anianto ti agnaed idiay Edom?

Agnaedto iti Edom dagiti atap a tumatayab ken ayup.

Isaiah 34:16-17

Kasano kabayag ti panangtagikua dagiti tumatayab ken ayup iti Edom?

Tagikuaendanto daytoy iti agnanayon; iti amin a henerasion, agnaedanto sadiay.

Isaiah 35

Isaiah 35:1-2

Anianto ti mapasamak iti disierto?

Agrag-onto ken agsabongto daytoy kas iti rosas.

Anianto ti maited iti disierto?

Maittedto iti disierto ti dayag ti Lebanon, ti dayag ti Carmel ken Saron.

Anianto ti makita ti let-ang, ti Araba ken ti disierto?

Makitadanto ti dayag ni Yahweh, ti kinadayag ti Diostayo.

Isaiah 35:3-4

Apay ta masapul a bumileg ken saan nga agbuteng dagiti addaan iti managbutbuteng a puso?

Gapu ta umayto ti Diosda nga adaan panangibales, nga adaan panangsupapak ti Dios. Umayto isuna ket isalakanna ida.

Isaiah 35:5-7

Ania dagiti dadduma a banbanag a mapasamakto inton umay ti Diosda?

Makakitanto ti bulsek. Makangngegto ti tuleng. Aglantonto ti pilay. Agkantanto ti umel. Addanto ti danum iti Araba ken karayan iti let-ang. Agbalinto a dan-aw ti dumardarang a kadaratan ken ub-ubbog ti danum dagiti mawaw a daga. Agtubonto dagiti runo, ken tanubong kadagiti disso a nagiddaan idi dagiti atap nga aso.

Isaiah 35:8-9

Anianto ti nagan ti kalsada nga agparang iti dayta a tiempo?

Addanto sadiay ti maysa a kalsada a managanan a Nasantoan a Dalan.

Siasinonto ti magna ken saan a magna iti kalsada?

Saan nga agdaliasat sadiay ti saan a nadalus ken awan ti maag a magna sadiay. Awan ti leon wenno narungsot nga ayup a magna sadiay. Ti kalsada ket para kenkuana nga agbibiag a nasantoan. Magnanto sadiay ti nasubbot.

Isaiah 35:10

Anianto ti mapasamak kadagiti sinubbot ni Yahweh inton agsublida?

Ti agnanayon a ragsak ket addanto kadakuada; kamakamento ida ti ragsak ken rag-o; agtalawto ti panagladingit ken panagsennaay.

Isaiah 36

Isaiah 36:1-5

Ania ti napasamak iti maikauppat a pulo a tawen ni Ari Ezekias?

Rinaut ni Senakerib nga ari ti Asiria dagiti amin a nasarikedkedan a siudad ti Juda ket sinakupna ida.

Siasino ti imbaon ti ari ti Asiria manipud iti Lakis a mapan kenni Ezekias idiay Jerusalem?

Imbaon ti ari ti Asiria ti Rabsakes.

Sadino ti nagsardengan ti Rabsakes?

Nagsardeng isuna iti pagay-ayusan ti akinngato a pagur-urnongan iti danum, iti kalsada nga agturong iti tanap dagiti aglablaba.

Siasino dagiti rimmuar tapno makisarita iti Rabsakes?

Rimmuar da Eliakim nga anak a lalaki ni Helkias, Sebna nga eskriba, ken Joas nga anak ni Asaf ken parasurat tapno makisarita iti Rabsakes.

Isaiah 36:6-7

Ania ti imbaga iti Rabsakes a kaiyarigan ni Faraon, nga ari ti Egipto, iti siasinoman nga agtaltalek kenkuana?

Imbaga iti Rabsakes a maiyarig iti maysa a naparpar a runo ni Faraon a no usaren a kas sarukod ket lussoken daytoy ti ima ti mangusar.

Isaiah 36:8

Ania ti imbaga ti Rabsakes nga aramiden ti ari ti Asiria no makitulag ni Ezekias iti ari ti Asiria?

Imbaga ti Rabsakes nga ikkan ti ari ti Asiria ni Ezekias iti dua a ribu a kabalio.

Isaiah 36:9-10

Segun iti Rabsakes, siasino ti nangibaon kenkuana a mangraut ken mangdadael iti Juda?

Kinuna ti Rabsakes nga imbaon isuna ni Yahweh a mangraut ken mangdadael iti Juda.

Isaiah 36:11-12

Apay a kiniddaw da Eliakim, Sebna ken Joas ti Rabsakes a makisarita kadakuada iti Aramaic?

Saanda kayat a mangngeg daytoy dagiti tattao nga adda iti rabaw ti pader ken saanda a maawatan ti maibagbaga.

Isaiah 36:13-15

Kasano a simmungbat ti Rabsakes iti kiddaw a makisarita isuna kenni Eliakim, Sebna ken Joas iti pagsasao dagiti Arameo?

Nagtakder ken nagpukkaw isuna iti Hebreo a pagsasao.

Segun ti Rabsakes, ania ti imbaga ti ari ti Asiria maipapan kenni Ezekias?

Kinunana a saanda nga ipalubos nga allilawen ida ni Ezekias gapu ta saanto ida a maispal ni Ezekias ken kinunana a saanda nga agtalek kenni Yahweh.

Isaiah 36:16-20

Ania ti kinuna ti ari ti Asiria a mapasamak no makikappia ken sumuko kenkuana dagiti Judio?

Kinunana a dagiti Judio ket manganto manipud kadagiti bukodda nga ubas ken iti bukodda nga igos ken uminum iti danum manipud iti bukodda a bubon, agingga nga umay isuna a mangiyapan kadakuada iti daga a kas iti bukodda a daga, maysa a daga ti bukbukel ken baro nga arak, maysa a daga iti tinapay ken kaubasan

Isaiah 36:21-22

Ania ti insungbatda iti imbaga ti Rabsakes?

Siuulimek latta dagiti tattao ken saanda a simmungbat, ta ti bilin ti ari ket, “Saanyo a sungsungbatan isuna.”

Ania ti inaramid ni Eliakim, Sebna ken Joas kalpasan iti panagsao ti Rabsakes?

Napanda kenni Ezekias a naray-ab dagiti kawesda ket imbagada kenni Ezekias dagiti imbaga ti Rabsakes

Isaiah 37

Isaiah 37:1-2

Ania ti inaramid ni Ezekias idi nangngegna ti impadamag da Eliakim, Sebna ken Joas?

Rinay-ab ni Ezekias ti kawesna, nagkawes iti nakersang a lupot ket simrek iti balay ni Yahweh. Imbaonna pay da Eliakim, Sebna ken dagiti panglakayen dagiti papadi kenni Isaias a profeta.

Isaiah 37:3-4

Ania ti kiniddaw ni Ezekias nga aramiden ni Isaias?

Kiniddawna kenni Isaias nga agkakarag kenni Yahweh nga agpaay kadagiti nabatbati nga adda pay laeng sadiay.

Isaiah 37:5-7

Ania ti mensahe nga inted ni Isaias kadagiti adipen ni Ezekias nga ipadamagda kenni Ezekias?

Ti mensahe ni Isaias kenni Ezekias ket saan isuna nga agbuteng kadagiti sasao ti adipen ti ari ti Asiria, ti Rabsakes. Mangikabil ni Yahweh iti maysa nga espiritu iti ari ti Asiria, ket makangngegto isuna iti maysa a damag ket agsublinto isuna iti dagana. Mapapatayto isuna babaen iti kampilan.

Isaiah 37:8-13

Kalpasan a nangngeg ti ari ti Asiria a rimmuar ni Tirkaha nga ari ti Etiopia tapno makigubat kenkuana, ania ti mensahe nga impatulod ti ari ti Asiria kenni Ezekias?

Imbaga ti ari ti Asiria kenni Ezekias iti maysa a surat a saan nga ipalubos ni Ezekias nga allilawen isuna ti Dios a mangibagbaga, a saan a maiyawat ti Jerusalem iti ima ti ari ti Asiria.

Isaiah 37:14-16

Ania ti inaramid ni Ezekias kalpasan a naawat ken nabasana ti surat manipud iti ari ti Asiria?

Simmang-at ni Ezekias iti balay ni Yahweh ket inukradna ti surat ken nagkararag kenni Yahweh.

Isaiah 37:17-18

Ania ti inkararag ni Ezekias nga aramiden ni Yahweh?

Umuna, kiniddaw ni Ezekias a dumngeg ni Yahweh ken ilukatna dagiti matana ket kitaenna dagiti amin a sasao iti surat ni Senakerib. Maikadua, kiniddaw ni Ezekias nga isalakan ni Yahweh ti Jerusalem manipud iti ima ni Senakerib.

Isaiah 37:19-20

Ania a rason ti inted ni Ezekias tapno isalakan ti Dios ti Jerusalem manipud kenni Senakerib?

Kayat ni Ezekias nga isalakan ni Yahweh ti Jerusalem manipud kenni Senakerib tapno maammoan dagiti am-amin a pagarian ti lubong a ni Yahweh laeng ti Dios.

Isaiah 37:21-25

Kasano a simmungbat ni Yahweh iti kararag ni Ezekias?

Simmungbat ni Yahweh babaen iti pannangipatulodna iti maysa a mensahe kenni Ezekias babaen kenni Isaias.

Iti mensahe ni Yahweh kenni Ezekias ania ti imbaga ni Yahweh a biddut nga inaramid ni Senakerib?

Imbaga ni Yahweh a kinarit, tinabbawaan, pinukkawan ken intangad ni Senakerib dagiti matana maibusor iti Nasantoan a Dios ti Israel.

Isaiah 37:26-27

Ania ti inkeddeng ni Yahweh idi nabayagen a panawen ken inaramidna idi un-una?

Inkeddeng ken pinanggepna a pagbalinennto ni Senakerib a gabgabsuon dagiti narba dagiti siudad a narigat a maraut.

Isaiah 37:28-32

Ania pay ti ammo ni Yahweh maipapan kenni Senakerib?

Ammo ni Yahweh ti panagtugaw, panagruar, panagserrek ken panagpungtot ni Senakerib maibusor kenni Yahweh.

Ania ti nagbanagan ti panagpungtot ni Senakerib a maibusor kenni Yahweh?

Pinagsubli ni Yahweh ni Senakerib iti dalan nga immayanna.

Isaiah 37:33-34

Ania ti imbaga ni Yahweh maipanggep iti ari ti Asiria maipapan iti Jerusalem?

Kinuna ni Yahweh a saan a sumrek ti ari ti Asiria iti Jerusalem wenno mangibiat ti pana sadiay ken saanto isuna nga umay iti sangoanan daytoy nga addaan iti kalasag wenno mangaramid iti patakder a pangraut iti daytoy.

Isaiah 37:35

Ania ti inted ni Yahweh a rason iti panangsalaknib ken panangisalakanna iti Jerusalem?

Kinunana a salakniban ken isalakanna ti Jerusalem gapu kenkuana ken gapu iti adipenna a ni David.

Isaiah 37:36-37

Ania ti inaramid ti anghel ni Yahweh?

Rimmuar isuna ket pinatayna ti 185,000 a soldado iti kampo dagiti taga-Asiria.

Isaiah 37:38

Ania ti napasamak kenni Senakerib kalpasan a pimmanaw ken naggawid isuna iti Nineve?

Kabayatan nga agdaydayawan isuna iti uneg ti balay ni Nisrok a diosna, pinatay isuna ni Adramelek ken ni Sarezer nga annakna babaen iti kampilan.

Isaiah 38

Isaiah 38:1-6

Kadagidi nga aldaw, ania ti napasamak kenni Hezekias?

Nagsakit ni Hezekias iti makapatay.

Ania ti imbaga ni Isaias kenni Hezekias?

Kinuna ni Hezekias, "Kuna ni Yahweh, 'Iyurnosmo ti balaymon ta mataykan, saankan nga agbiag.'"

Ania ti imbaga ni Yahweh kenni Hezekias babaen kenni Isaias?

Imbaga ni Yahweh kenni Hezekias babaen kenni Isaias a nangngegna ti kararag ni Hezekias ken dagiti luluana. Kuna ni Yahweh kenni Hezekias a nayunanna ti 15 a tawen ti biag ni Hezekias, ispalenna pay isuna ken iti Jerusalem manipud iti ari ti Asiria ken salaknibanna ti Jerusalem.

Isaiah 38:7-8

Ania ti pagilasinan nga imbaga ni Yahweh nga itedna tapno maammoan ni Hezekias nga aramiden ni Yahweh no ania ti imbagana?

Pinagsubli ni Yahweh iti sangapulo nga addang ti aniniwan idiay agdan ni Ahaz.

Isaiah 38:9-15

Iti naisurat a kararag ni Hezekias, ania ti imbaga ni Hezekias a mapasamak iti kabanbannuagan iti biagna?

Kinunana a mapan isunan kadagiti ruangan ti sheol.

Iti rugi ti naisurat a kararag ni Hezekias, ania ti imbagana maipapan kenni Yahweh?

Imbaga ni Hezekias a saannan a makita ni Yahweh iti daga dagiti sibibiag.

Isaiah 38:16-19

Ania ti imbaga ni Hezekias iti Apo maipapan iti panagsagabana ken iti panagladingitna?

Kinuna ni Hezekias a ti panagsagaba nga imbaon ti Apo ket naimbag para kenkuana ken daytoy ket agpaay iti pagimbaganna a napadasanna ti kasta a panagladingit.

Ania ti imbaga ni Hezekias nga inaramid ti Apo kadagiti basbasolna?

Kinuna ni Hezekias nga imbelleng amin ti Apo dagiti basbasolna iti likodan ti Apo.

Isaiah 38:20

Kasano a rambakan ni Hezekias ti panangisalakan kenkuana ni Yahweh?

Kinuna ni Hezekias a rambakandanto babaen iti samiweng iti amin nga aldaw iti biagda idiay balay ni Yahweh.

Isaiah 38:21-22

Ania ti imbaga ni Isaias nga aramidenna tapno agimbag ni Hezekias?

Kinunana, "Pagalaem ida ti sangkatipkel nga igos ken ikabilmo daytoy iti lettegna ket agimbag isuna.

Isaiah 39

Isaiah 39:1-2

Siasino ti nangipatulod iti surat ken sagut kenni Hezekias?

Nangipatulod ni Merodak Baladan nga anak ni Baladan, ti ari ti Babilonia, iti sursurat ken sagut kenni Hezekias.

Isaiah 39:3-6

Ania ti sinaludsod ni Isaias kenni Hezekias?

Sinaludsona kenni Hezekias no ania ti imbaga kenkuana dagiti lallaki, no sadino ti naggapuanda, ken no ania ti nakitada iti uneg ti balay ni Hezekias.

Isaiah 39:7-8

Ania ti sao ni Yahweh babaen kenni Isaias para kenni Hezekias maipapan iti Babilonia?

Imbaga ni Yahweh kenni Hezekias nga amin nga indulinna ken dagiti ammana agingga iti dayta nga aldaw ket maipanto amin idiay Babilonia, ken dagiti sumagmamano kadagiti bukod a kaputotan ni Hezekias ket maipanawto ken agbalin nga eunuko iti palasio ti ari ti Babilonia.

Isaiah 40

Isaiah 40:1-2

Kasano ti imbaga ti Dios a pangliwliwa kadagiti tattaona?

Imbagana a liwliwaenda ida babaen ti panagsao iti naalumanay iti Jerusalem, ipakaammoda kenkuana a ti rangrangetna ket naglipasen, a napakawanen dagiti nagbasolanna, nga inawatna manipud iti ima ni Yahweh ti mamindua a maipaay iti amin a basbasolna.

Isaiah 40:3-5

Ania ti ipukpukaw ti maysa a timek?

Ipukpukawna, "Iti let-ang, isaganayo ti dalan ni Yahweh; iti Araba, lintegenyo ti dalan agpaay iti Diostayo."

Anianto ti mapasamak iti daga ti Israel?

Tunggal tanap ket maipangato, ken tunggal bantay ken turod ket mapatad; dagiti likka-likkaong ken lasonglasong a daga ket mapatadto.

Siasino ti pakaiparangaranto ti dayag ni Yahweh?

Ti dayag ni Yahweh ket makitanto a sangsangkamaysa ti amin a tattao.

Isaiah 40:6-8

Ania ti mataginayon?

Ti sao ti Dios ket mataginayon.

Isaiah 40:9-14

Ania ti naimbag a damag ti maiwaragawag iti Jerusalem ken kadagiti siudad ti Juda?

Ti naimbag a damag ket, "Adtoy ti Diosyo!"

Ti naimbag a damag ket, "Adtoy ti Diosyo!"

Ania ti naimbag a damag ti maiwaragawag iti Jerusalem ken kadagiti siudad ti Juda?

Kasano nga umay ti Apo a ni Yahweh?

Um-umay ni Apo a ni Yahweh a kas maysa a naballigi a mannakigubat.

Ania ti adda kenkuana inton umay isuna?

Adda kenkuana ti panggungunana ken un-unaan isuna iti pangsupapakna.

Isaiah 40:15-20

Ania ti kaiyarigan dagiti nasion kenni Yahweh?

Dagiti nasion ket maiyarig iti maysa tedted iti timba ken naibilang a kasla tapok iti pagtimbangan.

Isaiah 40:21-22

Sadino ti pagtugtugawan ti Dios?

Agtugtugaw ti Dios iti ngatoen ti nagbaetan ti langit ken daga.

Isaiah 40:23-24

Siasino ti Dios ken ania ti naaramidna?

Isuna ti agtugtugaw iti ngatoen ti nagbaetan ti langit ken iti daga. Iyuk-ukradna dagiti langlangit a kasla kurtina ken iwarwarasna dagitoy a kas tolda a pagyanan. Pabassitenna dagiti mangiturturay ken ar-aramidenna ida nga awan pategna ditoy daga.

Isaiah 40:25-26

Ania ti ar-aramiden ni Yahweh kadagiti bitbituen?

Tinudinganna dagitoy kadagiti puestodaa ken aw-awaganna dagitoy iti naganda. Babaen iti kinatan-ok ti bilegna ken babaen iti pigsa ti pannakabalinna, awan ti uray maysa kadagitoy ti mapukpukaw.

Isaiah 40:27-28

Siasino ni Yahweh, ken ania ti pakaipadaanna?

Ni Yahweh ti agnanayon a Dios, ti Namarsua iti murdong ti daga. Saan isuna a mabannog wenno agkapsut ken a wan ti pagpatiggaan ti pannakawatna.

Isaiah 40:29-31

Ania ti ar-aramiden ni Yahweh kadagiti nabannog ken kadagiti nakapsut?

Mangmangted isuna iti pigsa kadagiti nabannog/ Pappapigsaenna dagiti nabannog; ken pabpabaroenna ti regget dagiti nakapsut.

Ania ti mapasamakto kadagiti agur-uray kenni Yahweh?

Dagiti agur-uray kenni Yahweh ket pabaroenda ti pigsa; agtayabda a sipapayyak a kasla kadagiti agila; agtaraydanto ket saanda a mabannog; magnadanto ket saanda a matalimudaw.

Isaiah 41

Isaiah 41:1-4

Ania ti panggep ni Yahweh apay nga imbagana, "Agiinnasidegtayo"?

Ibagbaga ni Yahweh kadakuada nga umasidegda ken agiinnasidegda tapno aglilinnawagda.

Isaiah 41:5-7

Anianto ti sungbat dagiti purpuro a nakakita ket nagbutengda, ken iti pagpatinggaan ti daga a nagpigerger?

Ti sungbatda ket umasidegda ket dumtengda ken pabilgenda ti tunggal maysa nga agipatakder iti didiosen.

Isaiah 41:8-9

Ania ti iyaw-awag ni Yahweh iti Israel?

Aw-awagan ni Yahweh ti Israel nga adipenna, nga anak ni Abraham a gayyemna ken aw-awaganna a pinilina ti Israel.

Isaiah 41:10

Ania ti ibagbaga ni Yahweh iti Israel a saanda nga aramiden ken apay?

Ibagbaga ni Yahweh iti Israel a saan isuna nga agbuteng ta kaduana ni Yahweh ken saan a madanagan gapu ta isuna ti Diosda.

Ania pay ti imbaga ni Yahweh nga aramidenna agpaay iti Israel?

Kuna ni Yahweh a papigsaenna, tulonganna ida ken ipangatona ida babaen iti kannawan nga ima ti balligina.

Isaiah 41:11

Ania ti mapasamak kadagiti gumurgura ken sumupsuppiat iti Israel?

Maipababa ken maibabaindanto ket kasdanto la awan ken mapukawdanto.

Isaiah 41:12-15

Anianto ti aramiden ti Israel no itaepda dagiti nanggubgubat ken nangsupsuppiat kadakuada?

Agrag-onto kenni Yahweh ti Israel, iti Nasantoan a Dios ti Israel.

Isaiah 41:16

Anianto ti aramiden ti Israel no itaepda dagiti nanggubgubat ken nangsupsuppiat kadakuada?

Agrag-onto kenni Yahweh ti Israel, iti Nasantoan a Dios ti Israel.

Isaiah 41:17-20

Anianto ti aramiden ni Yahweh inton agbirok iti danum dagiti maparparigat ken agkasapulan?

Kuna ni Yahweh a sumungbatto isuna kadagiti kararagda babaen iti panangpaayusna iti waig kadagiti turturod ken panagaramidna iti ubbog iti tengnga dagiti tanap, babaen iti panangaramidna a dan-aw iti danum ti disierto ken ti natikag a daga nga ubbog ti danum. Saanna a baybay-an ida.

Isaiah 41:21-22

Ania ti ibagbaga ni Yahweh kadagiti sumursurot kadagiti didiosen?

Kunana nga idatagda ti darumda, ken iparangda ti kasayaatan a pammaneknekda agpaay kadagiti didiosenda.

Isaiah 41:23-24

Ania ti pammaneknek a masapul nga idatag dagiti sumursurot kadagiti didiosen nga imbaga ni Yahweh tapno mammoanda no diosda wenno saan?

Ibagbaga ni Yahweh kadakuada nga ibaga no anianto ti mapasamak, ibagada dagiti banbanag maipapan iti masakbayan, ibagada kadakami dagiti ummuna nga impadtoda tapno utobenmi dagitoy ken ti pannakapasamakda ken agaramidda iti maysa a banag a naimbag wenno dakes tapno agbuteng ken masdaawkami.

Isaiah 41:25-26

Siasino kadagiti agdaydayaw kadagiti didiosen ti nangipablaak wenno nangipakammo nga adda lalaki nga umay manipud iti ammianan ken mangibaddebadekto kadagiti mangiturturay a kas pitak, kasla iti dumadamili a mangibaddebaddek iti damilina?

Awan kadagidiay nga agdaydayaw kadagiti didiosen ti nangipablaak iti daytoy ken awan ti siasinoman a nakangngeg kadakuada a nangibaga ti aniaman.

Isaiah 41:27-29

Ania ti imbaga ni Yahweh maipapan ti lalaki a pataudenna manipud iti ammianan?

Kinunana nga ummuna iti Sion, 'Kitaenyo, adtoydan;' Nangibaon isuna iti maysa a mangipadamag iti Jerusalem.

Isaiah 42

Isaiah 42:1-4

Ania ti imbaga ni Yahweh nga aramidenna agpaay iti adipenna?

Kuna ni Yahweh a pinilina ti adipenna, a pakaragsakanna isuna ken inkabilna ti Espirituna kenkuana.

Ania sumagmamano a banbanag nga aramiden ken saan nga aramiden ti adipen ni Yahweh?

Sipupudnonto nga ipakat ti adipenna ti kinalinteg kadagiti nasion. Saan isuna nga agikkis wenno agpukkaw, wenno saanna nga ipangngeg ti timekna kadagiti kalkalsada. Ti naparpar a runo ket saanna a tukkolen, ken saannanto nga iddepen ti nakudrep a pabilo. Saan isuna a kumapsut wenno maupay.

Isaiah 42:5-6

Kasano nga inladawan ni Yahweh ti bagina?

Iladladawan ni Yahweh ti bagina a kas isu ti namarsua kadagiti langlangit ken nangisaknap kadagitoy; isuna ti nangisaknap iti lubong ket mangmangted iti biag kadagitoy; isuna ti mangmangted iti anges kadagiti tattao kadagitoy ken biag kadagiti agnanaed kadagitoy.

Isaiah 42:7

Ania dagiti sumagmamano a banbanag a kayat ni Yahweh nga aramiden ti pinilina nga adipenna?

Insaad ni Yahweh ti adipenna a kas tulag kadagiti tattao, a kas lawag kadagiti Hentil, tapno luktan dagiti mata dagiti bulag, tapno wayawayaan dagiti balud manipud kadagiti nailet a pagbaludan, ken dagiti agtugtugaw iti nasipnget kadagiti balay a pagbaludan.

Isaiah 42:8-9

Ania ti imbaga ni Yahweh a saanna nga ibingay?

Ibagbagana a saanna nga ibingay ti dayagna iti dadduma wenno ti dayawna kadagiti kinitikitan a ladawan.

Kasano nga impadis ni Yahweh ti bagina kadagiti kinitikitan a didiosen?

No maipadis kadagiti kinitikitan a didiosen, mapasamak dagiti naglabas a banbanag no ipakaammo dagitoy ni Yahweh.

Isaiah 42:10-11

Siasino dagiti nabilin a mangkanta iti baro a kanta kenni Yahweh ken mangidaydayaw kenkuana?

Dagiti sumalsalog iti baybay, ken amin nga adda iti daytoy, dagiti adayo a daga ken dagiti agnanaed sadiay, ti disierto ken dagiti siudad, dagiti purpurok a pagnanaedan ti Kedar ken dagiti agnanaed iti Sela ket agkanta ken agdayaw kenkuana, itedda koma ti dayaw kenni Yahweh.

Isaiah 42:12-15

Siasino dagiti nabilin a mangkanta iti baro a kanta kenni Yahweh ken mangidaydayaw kenkuana?

Dagiti sumalsalog iti baybay, ken amin nga adda iti daytoy, dagiti adayo a daga ken dagiti agnanaed sadiay, ti disierto ken dagiti siudad, dagiti purpurok a pagnanaedan ti Kedar ken dagiti agnanaed iti Sela ket agkanta ken agdayaw kenkuana, itedda ti dayaw kenni Yahweh.

Isaiah 42:16

Anianto ti aramiden ni Yahweh iti bulag?

Ipannato ti bulsek iti dalan a saanda nga ammo; idalannanto ida kadagiti dana a saanda nga ammo. Pagbalinennanto a lawag iti sangoananda ti kinasipnget, ken pagbalinennanto a nalinteg ti nakillo a luglugar ket saannanto ida a baybay-an.

Isaiah 42:17

Anianto ti mapasamak kadagiti agtaltalek kadagiti didiosen ken mangibagbaga kadagiti kinitikitan a ladawan, “Sika ti diosmi”?

Tumallikoddanto ken maibabaindanto a naan-anay.

Isaiah 42:18-19

Ania ti naibilin nga aramiden ti tuleng ken ti bulag?

Ti tuleng ket nabilin nga agdengngeg ken ti bulag ket nabilin nga agkita tapno makakitada.

Isaiah 42:20-21

Apay a binilin ida ni Yahweh a dumngeg ken kumita?

Bilbilinen ni Yahweh ida a dumngeg ken kumita gapu ta uray no nakitada dagiti adu a banbanag ngem saanda met naawatan; nakalukat dagiti lapayagda ngem saanda a nangngeg.

Isaiah 42:22-24

Ania ti imbaga ni Yahweh a kasasaad dagiti tattao?

Imbaga ni Yahweh a dagiti tattao ket natakawan ken nasamsaman; naipalab-ogda amin kadagiti ab-abut, naipupokda kadagiti pagbaludan; nasamsamda nga awan ti siasinoman a mangisalakan kadakuada.

Isaiah 42:25

Naamiris kadi ti Israel no siasino ti nangted kadakuada iti pannakadadael babaen iti gubat ken apay nga inaramidna dayta?

Saan, simged daytoy iti aglawlawda ngem saanda a naamiris; nanguram daytoy kadakuada ngem saanda nga impapuso.

Isaiah 43

Isaiah 43:1

Ania ti imbaga ni Yahweh nga aramiden ni Jacob, ken Israel?

Kinunana kenni Jacob, Israel, saanka nga agbuteng.

Isaiah 43:2-3

Ania ti imbaga ni Yahweh a rumbeng nga aramidenna para kadagiti Israelita tapno masalaknibanna ida?

Kinuna ni Yahweh a saan a malipus dagiti karayan dagiti Israelita ken wenno saan a madangran wenno mauram iti apuy.

Isaiah 43:4-9

Ania dagiti inted ni Yahweh a kas bayad ken kasukat dagiti Israelita?

Inyawatna ti Egipto a kas bayad ken ti Etiopia ken Seba a kas kasukat ti Israel.

Ania ti imbaga ni Yahweh nga aramidenna para kadagiti kaputotan ti Israel?

Kinuna ni Yahweh nga ummungenna ida manipud daya ken manipud laud.

Isaiah 43:10-11

Apay nga impadto ni Yahweh ti panagguummong dagiti annakna a lallaki ken babbai manipud iti daya ken manipud iti laud ken impakaammona a nasapsapa daytoy kadakuada?

Inaramid ni Yahweh daytoy tapno maammoanda koma isuna, mamatida kenkuana ken maawatanda nga isuna ket Dios.

Adda pay kadi sabali a dios wenno mangisalakan malaksid kenni Yahweh?

Malaksid kenni Yahweh awanen ti dios a naaramid ken awanen ti sumaruno kenkuana. Isuna ni Yahweh ken awanen ti mangisalakan no di isuna laeng.

Isaiah 43:12-13

Siasino ti makaikkat kadatayo manipud kadagiti ima ti Dios?

Awan iti makaala kadatayo manipud kadagiti ima ti Dios.

Isaiah 43:14-17

Ania dagiti banag nga inaramid idi ni Yahweh nga ibagbagana kadakuada a saandan a lagipen wenno ibilang?

Inlukat ni Yahweh ti dalan iti tengnga ti baybay ken iti maysa a pagnaan iti uneg ti naranggas a danum. Inturongna dagiti karwahe ken kabalio, ti armada ken ti ari. Limnedda amin ket pulos a saandan a tumpaw. Naggibusdan, naiddepda a kasla iti agap-apuy a pabilo.

Isaiah 43:18-21

Ania dagiti baro a banag nga ibagbaga ni Yahweh a dandaninan nga aramiden idiay desyerto ken idiay let-ang?

Kinuna ni Yahweh a mangaramid isuna ti dalan idiay disierto ken pagayusan ti danum idiay let-ang.

Isaiah 43:22-23

Ania ti inaramid dagitoy a tattao, Israel, a pinarsua ni Yahweh a para kenkuana a saan a nagtungpal kadagiti ipapaaramidna?

Saan nga immawag dagiti Israelita kenni Yahweh. Saanda a nangiyeg iti uray ania a karnero a daton a maipuor ken saanda a dinayaw isuna babaen koma kadagiti datonda.

Isaiah 43:24

Ania ti inaramid dagiti Israelita kenni Yahweh?

Pinadagsenanda ni Yahweh babaen kadagiti basbasolda ken riniribokda isuna babaen kadagiti dakes a aramidda.

Isaiah 43:25-28

Apay a punpunasen ni Yahweh dagiti basbasol dagiti Israelita ken liplipatanna dagiti basbasolda?

Ar-aramiden ni Yahweh daytoy a maipaay iti kenkuana.

Isaiah 44

Isaiah 44:1-6

Apay nga imbaga ni Yahweh kenni Jacob a ibukbok isuna kadagiti kaputotan ni Jacob?

Imbaga ni Yahweh nga ibukbokna ti espirituna kadagiti kaputotanna.

Isaiah 44:7-8

Kasano a mapaneknekan ti maysa a tao kenni Yahweh nga adda pay maysa a kas kenkuana; a sabali pay a dios?

Tapno mapaneknekam dayta kenni Yahweh masapul nga ipalawagmo kenkuana dagiti napaspasamak manipud idi pinarsuana dagiti nagkauna a tattao ken masapul nga iparangarangda dagiti mapasamak iti masangngoanan.

Isaiah 44:9-10

Ania ti ibagbaga ni Yahweh maipanggep kadagiti agar-aramid kadagit didiosen?

Imbagbaga ni Yahweh nga awan serserbida ken dagiti banag a daydayawenda ket awan serserbina ken maibabaindanto.

Isaiah 44:11-13

Ania iti mapasamak kadagiti agkitkitikit ken kadagiti katulonganda nga agar-aramid iti maysa a didiosen wenno agdaydayaw iti didiosen?

Maibabainto dagiti agkitkitikit ken dagiti katulongda nga agar-aramid iti didiosen wenno maibabainto dagiti agdaydayaw iti didiosen.

Isaiah 44:14

Kasano a rugianan ti maysa a karpentero iti panangaramidna iti didiosen?

Agpukan nga umuna iti kayo ti sedro, wenno mangpili iti kayo a lugo wenno maysa kayo ti lugo.

Isaiah 44:15-18

Ania ti aramiden ti tao iti kayo a pinukanna?

Aramaten ti tao ti dadduma a paset daytoy a pagsungrod sana pagalinudoan daytoy, paglutoanna iti tinapay daytoy ken pagitunoanna daytoy iti karne ken mangaramid iti maysa didiosen manipud iti paset daytoy a kayo, ket agrukbab iti daytoy.

Isaiah 44:19-20

Gapu ta saan a makaaw-awat dagiti agar-aramid ken agdaydayaw kadagiti didiosen ken bulsek dagiti matada ken saan a makarikna dagiti pusoda, ania ti dua a saludsod a saanda a salsaludsoden iti bagida?

Umuna, saanda a salsaludsoden dagiti bagbagida no rumbeng nga aramidenda ti dadduma a paset ti kayo iti maysa a banag a saan nga umno a pagdaydayawan. Maikadua, saanda a salsaludsoden dagiti bagbagida no maiparbeng ti agrukbab iti maysa a kayo.

Isaiah 44:21-22

Apay a naibaga kada Jacob ken Israel a panunotenda a ni Yahweh laeng ti Dios ket dagiti didiosen ket awan serserbida?

Lagipenda dagitoy a banbanag gapu ta ni Yahweh ti nangaramid kadakuada, isuda dagiti adipenna ken saanna a lipaten isuda. Pinunas met ni Yahweh dagiti basbasolda ken dagiti panagsukirda.

Isaiah 44:23-25

Apay a nabilin nga agkanta dagiti langit, dagiti banbantay, dagiti kabakiran ken tunggal kayo?

Nabilinda nga agkanta gapu ta sinubbot ni Yahweh ni Jacob ken ipakitana ti dayagna iti Israel.

Isaiah 44:26-27

Ania ti ar-aramiden ni Yahweh kadagiti adipenna ken kadagiti mensaherona?

Tungtungpalen ni Yahweh dagiti iparparangarang ti adipenna ken ar-aramidenna ti pammagbaga dagiti adipenna.

Ania ti imbaga ni Yahweh maipanggep iti Jerusalem ken kadagiti suidad ti Juda?

Imbagana nga addanto manen agnaed iti Jerusalem ken maibangonto manen dagiti siudad ti Juda.

Isaiah 44:28

Ania ti imbaga ni Yahweh maipanggep iti Ciro ken ania ti rumbeng nga aramidenna?

Kuna ni Yahweh kenni Ciro, “Isuna ti pastorko, tungpalenna amin a kayatko---itedna ti pagannurotan iti Jerusalem, ‘Bay-an a maibangon manen isuna, ‘ken ti templo, ‘Bay-am a maikabil ti pundasyonna.’

Isaiah 45

Isaiah 45:1

Iti daytoy a kapitulo, siasino ti pinulotan ni Yahweh?

Iti daytoy a kapitulo, kuna ni Yahweh a ni Ciro ti pinulotanna.

Apay a kibkibinen ni Yahweh ni Ciro?

Kibkibinen ni Yahweh ni Ciro tapno maparmekna dagiti nasion iti sangngoananna, tapno ikkatenna dagiti igam dagiti ar-ari, ken tapno mailukat dagiti ruangan iti sangngoananna, tapno agtalinaed a nakalukat dagiti ruangan.

Isaiah 45:2-3

Apay nga inun-unaan ni Yahweh ni Ciro ken pinatagna dagtiti kabanbantayan, binurakburakna dagiti ruangan a bronse, tinukkotukkolna dagiti landok a balunet ket intedna dagiti gameng iti sipnget ken dagiti kinabaknang a naidulin ken naiyadayo?

Aramiden ni Yahweh dagitoy a banbanag tapno maamoan ni Ciro a ni Yahweh ti Dios iti Israel a nangawag kenkuana.

Isaiah 45:4-6

Siasino dagiti agnumar iti daytoy a panangayab ni Yahweh kenni Ciro babaen iti nagana?

Inaramid ni Yahweh daytoy para kadagiti kaputotan ni Jacob ken pagsayaatan iti Israel a pinilina.

Am-ammo kadi ni Ciro ni Yahweh?

Adda pay kadi ti Dios malaksid kenni Yahweh? Awan, Awanen ti sabali a Dios malaksid kenni Yahweh.

Isaiah 45:7-8

Siasino ti nangaramid iti lawag ken nangaramid iti sipnget ken siasino ti mangpakpakappia ken mangar-aramid iti didigra?

Ni Yahweh ti mangar-aramid amin dagitoy a banbanag.

Siasino ti nangaramid iti pannakaisalakan?

Ni Yahweh ti nangaramid iti pannakaisalakan.

Isaiah 45:9-15

Ania a banag ti nangidiligan ni Yahweh iti maysa a makisupsupiat iti mangar-aramid kenkuana?

Idildiligna ti maysa a makisinsinnupiat iti mangar-aramid kenkuana a pila a kunkunana iti agdamdamili, “Ania ti ar-aramidem?” wenno, ‘Ania ti ar-aramidem---apay awan ti imam idi inaramidmo daytoy?

Ania ti aramiden ni Ciro a para kenni Yahweh?

Ibangonna ti suidad ni Yahweh; palubosanna a makaawid dagiti tattao a naitalaw a kas balud nga awan bayad ken pasuksokna.

Isaiah 45:16-17

Siasino dagiti maibabain?

Maibabainto dagiti agkitkitikit kadagiti didiosen.

Kasano kapaot ti pannakaisalakan ti Israel?

Isalakan ni Yahweh ti Israel iti agnanayon a pannakaisalakan.

Isaiah 45:18-19

Apay nga inaramid ni Yahweh ti daga?

Inaramidna daytoy a pagtalinaedan dagiti tattao.

Isaiah 45:20-23

Siasino dagiti awan pannakaammona?

Awan pannakaammona dagiti mangbagbagkat kadagiti ladawan ken agkarkararag kadagiti didiosen a saan a makaisalakan.

Isaiah 45:24-25

Anianto ti ikari ti tunggal dila?

Agkarinto ti tunggal dila a kunana, “Kenni Yahweh laeng ti pannakaisalakan ken pigsa.”

Ania ti mapasamak iti amin a kaputotan ti Israel?

Kenni Yahweh, amin dagiti kaputotan ti Israel ket madalusanto; Ipannakkeldanto isuna.

Isaiah 46

Isaiah 46:1-2

Ania ti Bel ken Nebo?

Dagitoy ket didiosen.

Siasino dagiti mangaw-awit kada Bel ken Nebo?

Aw-awiten dagiti ayup da Bel ken Nebo.

Isaiah 46:3-4

Siasino ti nangaywan iti balay ni Jacob?

Inaywanan ni Yahweh ti balay ni Jacob.

Kasano kapaot ti panangaywan ni Yahweh iti balay ni Jacob ken inggat kaano nga aywanan ida ni Yahweh?

Inaywanan ni Yahweh ida sakbay a maipasngayda ken aywananna pay ida agingga nga aguban dagiti buokda.

Isaiah 46:5-6

Ania ti aramiden dagiti tattao kadagiti balitok ken pirak?

Manangdan dagiti tattao iti mammanday ket alaenna dagiti balitok ken pirakda ket pagbalinenna a didiosen daytoy.

Isaiah 46:7

Maisalakan kadi ida dayta a didiosen ken masungbatanna kadi ida?

Saan a sumonbat wenno makaisalakan iti siasinoman manipud iti pannakariribokda.

Isaiah 46:8-11

Siasino ti pakaidiligan ni Yahweh? Siasino ti kas kenkuana?

Ni Yahweh ket Dios ken awanen ti sabali pay a kas kenkuana. Awanen ti kas kekuana.

Isaiah 46:12-13

Ania ti ar-aramiden ni Yahweh kadagiti sulpeng a tattao, siasino dagiti saan nga agar-aramid iti nalinteg?

Asidegen nga iyeg ni Yahweh ti kinalintegna. Iyegna iti pannakaisalakan iti Sion ken iti pintasna iti Israel.

Isaiah 47

Isaiah 47:1-2

Siasino ti saan a maawagan a naemma ken nalapsat?

Ti birhen a nga anak ti Babailon, ti anak a babai ti Kaldeoas, saanton a pulos a maawan a naemma ken nalapsat.

Isaiah 47:3-5

Ania ti saanton a maiyawag iti anak ti Kaldeos?

Saanton a maawagan a Reyna dagiti pagarian ti anak ti Kaldeos.

Isaiah 47:6-7

Apay a naupay ni Yahweh iti Kaldeos?

Naupay ni Yahweh iti Kaldeos nupay impasakopna dagiti tattaona iti turay ti Kaldeos, impakitada kenni Yahweh nga awan asida kadagiti tattaona ken impakoda kadagiti lallakay a tattao ti nadagsen unay a sangol.

Isaiah 47:8-9

Anianto ti mapasamak kadagiti annak a babbai ti Kaldeos iti maysa la nga aldaw?

Matayanto iti annak dagiti annak a babbai ti Kaldeos ken mabalodanto iti maysa la nga aldaw.

Isaiah 47:10-13

Ania ti nagtaltalkan dagiti annak a babbai ti Kaldeos?

Nagtalkanna ti kinadangkesna.

Isaiah 47:14-15

Ania ti pagbanagan dagiti mangad-adal kadagiti langit ken mangbasbasa kadagiti bituen, dagiti mangiparparangarang iti baro a bulan?

Dagiti mangad-adal kadagiti langit ken mangbasbasa kadagiti bituen, dagiti mangiparparangarang iti baro a bulan ket kasladanto iti garami a nagapitan. Mauramto dagitoy.

Siasino ti mangisalakan kadagiti annak a babbai kadagiti Kaldeos?

Awanto ti mangisalakan kadakuada.

Isaiah 48

Isaiah 48:1-2

Ania ti naawagan a balay ni Jacob ken siasino ti nagtaudanda?

Naawaganda nga Israel ken nagtaudda iti kaputotan ni Juda.

Ania ti ar-aramiden ti Israel a saan a naimpusoan ken saan nalinteg?

Agsapsapata ti Israel babaen iti nagan ni Yahweh ken umaw-awagda iti Dios ti Israel a saan a kinapudno ken saan kinalinteg.

Isaiah 48:3-8

Ania ti inaramid ni Yahweh, iti pannakaammona a natangken ti ulo ti Israel?

Inwaragawagna dagiti banbanag manipud idi, ken impakaammona dagitoy, kellaat nga inaramidna ket napasamak dagitoy.

Ania ti nimamnama ni Yahweh a malappedan babaen iti panangiwaragawagna idi kadagitoy a banbanag?

Kayat a lappedan ni Yahweh ti Israel a mangibaga nga “Inaramid dagitoy dagiti didiosek” wenno inbilin dagitoy dagiti kinitikitak nga imahen wenno dagiti sinukogko a landok dagitoy a banbanag.”

Isaiah 48:9-13

Apay a lappedan ni Yahweh ti ungetna ken saana nga ituloy ni Yahweh ti panangdadaelna iti Israel?

Aramidennanto daytoy para iti bukodna a nagan.

Kasano a pasin-awen ni Yahweh ti Israel?

Pasin-awan ni Yahweh ida iti hurno ti pakarigatan.

Isaiah 48:14-16

Siasino ti panaayaban ni Yahweh ken iti ania a panggep?

Pinaayaban ni Yahwen ti kaduana tapno ipatungpalna ti gandatna maibusor iti Babilonia.

Isaiah 48:17-19

Ania koma ti napasamak no nagtulnog ti Israel kadagiti bilbilin ni Yahweh?

No nagtulnogda ket nagayus koma a kalsa karayan ti talna ken kinarang-ayda ken kasla koma dalluyon iti baybay ti pannakaisalakanda.

Isaiah 48:20-22

Ania a pakaammo ti iwaragawagda agingga iti pungto ti daga?

Ti pakaammo ket “Inispal ni Yahweh ti adipenna a ni Jacob.”

Isaiah 49

Isaiah 49:1-2

Ania ti inaramid ni Yahweh para iti adipenna nga Israel?

Inawagan ni Yahweh iti nagana sipud pannakaiyanakna. Pinagbalinna ti ngiwat ti Isael a kasla natadem a kampilan ken inlengedna ti Israel iti anniniwan ti imana; inaramidna ti Israel a napasileng a pana; idulinna isuna iti pagikkan ti pana.

Isaiah 49:3-4

Ania ti inaramid ni Yahweh para iti adipenna nga Israel?

Inawagan ni Yahweh iti nagana sipud pannakaiyanakna. Pinagbalinna ti ngiwat ti Isael a kasla natadem a kampilan ken inlengedna ti Israel iti anniniwan ti imana; inaramidna ti aIsrael a napasileng a pana; idulinna isuna iti pagikkan ti pana.

Ania ti aramiden ni Yahweh iti Israel?

Ipakita ni Yahweh ti dayagna iti Israel.

Ania ti namnamaen ti Israel kenni Yahweh?

Ibagbaga ti Israel nga adda kenni Yahweh ti Hustisiana ken adda iti Dios ti gunggonana.

Isaiah 49:5-6

Ania ti trabaho ti Israel a kas adipen ni Yahweh?

Ti trabahona ket tapno isublina manen ni Jacob kenni Yahweh ken tapno ummongenna ti Israel para kenkuana.

Ania ti bassit unay a banag para iti adipen ni Yahweh?

Bassit unay a banag iti adipen ni Yahweh ti mangipasdek manen kadagiti tribu ni Jacob, ken ti mangisubli kadagiti nakalasat iti Israel.

Anianto pay ti aramiden ni Yahweh iti adipenna?

Aramidennanto ti adipenna a silaw kadagiti Hentil nga agbalinto ti adipenna a mangisalakan ni Yahweh agingga iti pungto ti daga.

Isaiah 49:7

Anianto ti mapasamak iti maysa a naumsi, kinagura dagiti nasion, ken adipen ti agtuturay?

Makitanto dagiti ari isuna ket tumakderda, ken makitanto dagiti prinsipe isuna ket agtameddanto.

Isaiah 49:8

Kaanonto a tulongan ken sungbatan ni Yahweh ti adipenna?

Iti tiempo nga ikeddeng ni Yahweh nga ipakita ti paborna ket sungbatannanto ti adipenna, ken iti aldaw ti panangisalakan ni Yahweh ket salaknibanannto ti adipenna.

Iti ania a panggep ti pakaitedan ti adipen ni Yahweh a kas tulag para kadagiti tattao?

Naited isuna a kas tulag para kadagiti tattao tapno ipatakder manen ti daga, ken ited manen ti nabaybay-an a tawid.

Isaiah 49:9

Siasinonto ti mangidalan kadagiti balud?

Isuna nga addaan asi kadagiti balud ti mangidalanto kadakuada.

Isaiah 49:10-11

Siasinonto ti mangidalan kadagiti balud?

Isuna nga addaan asi kadagiti balud ti mangi dalanto kadakuada.

Isaiah 49:12-13

Apay nga agkanta a siraragsak koma dagiti langit, daga ken banbantay?

Agkantada ken agrag-oda gapu ta liwliwliwaen ni Yaweh dagiti tattaona ken adda asina kadagiti panagrigrigatna.

Isaiah 49:14-15

Ania ti sungbat ni Yahweh iti Sion idi nagreklamoda; “Binaybay-annak niYahweh, ken nalipatannak ti Apo”?

Ti sungbat ni Yahweh iti Sion ket. "Malipatan kadi ti babai ti maladaga nga anakna, nga agsussuso iti barukongna, no awan asina iti impasngayna nga anakna? Wen, mabalin a malipatanda, ngem saankayonto a malipatan.

Isaiah 49:16-20

Ania ti pammaneknek nga ipakpakita ni Yahweh iti panangpategna/panangilalana iti Sion?

Imbaga ni Yahweh ti pammaneknekna dagiti sumaganad: “Kitaem, inkitikitko ti naganmo kadagiti dakulapko; agtultuloy nga adda iti sangoanak dagiti padermo. Agdardaras nga agsubli dagiti annakmo, bayat nga umad-adayo dagiti nangdadael kenka. Kitaem ti aglawlawmo ket makitam, aguummongda amin ket umayda kenka.

Isaiah 49:21

Anianto ti damagen ti Sion iti bagina?

Damagennanto, "Siasino ti nangipasngay kadagitoy nga ubbing para kaniak?” Ken “Siasino ti nangpadakkel kadagitoy nga ubbing?” ken ti maudi a saludsod,… sadino ti naggapuan dagitoy?”

Isaiah 49:22-23

Siasinonto ti mangisubli kadagiti annak ti Sion?

Isublinto ida dagiti tattao kadagiti nasion.

Isaiah 49:24-25

Maala kadi dagiti sinamsam kadagiti mannakigubat, wenno maispal kadi dagiti balud manipud iti nauyong nga agturay?

Wen, maalanto dagiti balud manipud kadagiti mannakigubat ken maispalto ti sinamsamda; gapu ta karangetto ni Yahweh dagiti kabusor ti Sion ken isalakananto dagiti annakna.

Isaiah 49:26

Anianto ti aramiden ni Yahweh kadagiti kabusor ti Sion?

Pakanennanto dagiti mangparparigat kadakuada iti bukodda a lasag.

Anianto ti maammoan dagiti amin a tao?

Maammoandanto a ni Yahweh, ti Mangisalakan ken mannubbot ti Sion, ti Mannakabalin a Dios ni Jacob.

Isaiah 50

Isaiah 50:1

Apay a nailako ti Sion ken napagtalaw ti inana?

Nailako ti Sion gapu kadagiti basolna, ken gapu iti panagrebeldena, napagtalaw ti inana.

Isaiah 50:2-3

Ania ti mappasamak iti panangtubngar ni Yahweh?

Iti panangtubngar ni Yahweh ket mamagaan ti baybay ken pagbalinenna a disierto dagiti karayan. Badoan ni Yahweh ti tangatang iti kinasipnget ken kalubanna iti nakersang a lupot.

Isaiah 50:4

Ania ti inted ni Yahweh iti adipenna?

Inikkanna ti adipenna iti dila a kas maysa kadagiti nasuroan.

Ania ti aramiden ti adipen ni Yahweh iti dila nga inted ni Yahweh kenkuana?

Nagsao ti adipen ni Yahweh iti mangpapigsa a sasao kadagiti nabannog.

Isaiah 50:5-6

Gapu ta saan isuna a nagrebelde ken saan a timmallikud, ania ti inaramid ti adipen ni Yahweh?

Intaya ti adipen ni Yahweh ti bukotna kadagiti nangsaplit kenkuana ken dagiti pingpingna kadagiti nangparut kadagiti barbasna; Saanna nga inlenged ti rupana iti panangibabainda ken panangtuptuprada.

Isaiah 50:7

Apay nga ibaga ti adipen ni Yahweh a saan a naibabain isuna?

Ibagbaga ti adipen a saan a naibabain isuna gapu ta tulonganto isuna ni Yahweh.

Isaiah 50:8-9

Ania ti mapasamak kadagiti mangakusar iti adipen ni Yahweh ken mangibaga a nagbasol isuna?

Marunotto a kasla lupot amin a mangakusar kenkuana, kenento ida ti buotto.

Isaiah 50:10

Ania koma ti aramiden ti maysa nga agbutbuteng kenni Yahweh, nga agtultulnog iti timek ti adipenna ken ti maysa magmagna iti kasipngetan nga awan silawna?

Agtalek koma isuna iti nagan ni Yahweh a Diosna.

Isaiah 50:11

Anianto ti aramidento ti adipen ni Yahweh kadagiti amin a nangsegged iti apuy, a nangibarikes iti apuy?

Paddaento ida ti adipen ni Yahweh iti maysa a lugar ti saem.

Isaiah 51

Isaiah 51:1

Ania ti kuna ni Yahweh a rumbeng a kitaen dagiti mangitultuloy iti kinalinteg?

Kinuna ni Yahweh a kitaenyo ti dakkel a bato a nakaalaan kadakayo ken ti abut a nakaputdan kadakayo.

Siasino ti dakkel a “bato” ken “abut” a kitaen koma dagiti mangituloy iti kinalinteg ken mangbirok kenni Yahweh?

Ni Abraham kenni Sara ti “dakkel a bato” ken “abut” a nagipasngay kadakuada.

Isaiah 51:2-5

Siasino dagiti dakkel a “bato” ken “abut” a kitaen koma dagiti mangituloy iti kinalinteg ken mangbirok kenni Yahweh?

Ti “dakkel a bato” ken “abut” ni Abraham kenni Sara a nagipasngay kadakuada.

Ania ti inaramid ni Yahweh kenni Abraham?

Inayaban ni Yahweh isuna, binindesionanna isuna ken pinaaduna isuna.

Isaiah 51:6

Anianto ti mapasamak kadagiti langit, ti daga ken dagiti agnaed it daytoy?

Mapukawto a kasla asuk dagiti langit, marunotto a kasla lupot ti daga; ken matayto a kasla ngilaw dagiti agnaed iti daytoy.

Ania ti agtultuloyto iti agnanayon ken saan a pulos nga agsardeng ti panagtrabahona?

Agtultuloyto ti kinalinteg ni Yahweh iti agnanayon ken saanto a pulos nga agsardeng nga agtrabaho.

Isaiah 51:7-8

Siasino ti nakaiturongan daytoy a salaysay: “Saankayo nga agbuteng kadagiti mangumsi a tattao, ken agdanag kadagiti panagirurumenda”?

Naiturong dayta a salaysay kadagiti makaammo iti umno ken tattao nga adda iti pusona ti linteg ni Yahweh.

Isaiah 51:9-10

Siasino ti nangrumek iti narungsot nga ayup, nangpaatian iti baybay ken nangaramid iti dalan iti kaadaleman a baybay tapno makalasat dagiti nasubbot?

Ti takiag ni Yahweh ti nangaramid dagitoy a banbanag.

Isaiah 51:11-13

Anianto ti mangrimbaw ken pumanaw manipud kadagiti sinubbot ni Yahweh inton agsublida ken umay iti Sion?

Rimbawanto ida ti rag-o ken pumanawto ti liday ken ladingit.

Isaiah 51:14-16

Anianto ti aramiden ni Yahweh iti naibalud?

Dardarsento a wayawayaan ni Yahweh isuna.

Isaiah 51:17-22

Ania ti ininom ti Jerusalem manipud iti ima ni Yahweh?

Ininomda ti kopa ti pungtot ni Yahweh; ininomda ti malukong, ti kopa ti makapadiwerdiwer.

Siasino kadagiti amin nga annak ti Jerusalem ti naiyanak a mangidalan iti daytoy?

Awan uray maysa kadagiti amin nga inyanakna ti mangidalan iti daytoy.

Isaiah 51:23

Siasino ti pangitedan ni Yahweh iti kopa a makapadiwerdiwer kalpasan nga innalana manipud iti Jerusalem?

Itednanto kadagiti ima dagiti nangparigat iti Jerusalem.

Isaiah 52

Isaiah 52:1-3

Ania ti saanton a pulos a mapasamak iti Jerusalem?

Saanton a pulos a makastrek iti Jerusalem dagiti saan a nakugit wenno saan a nadalus.

Isaiah 52:4

Siasino ti nangparigat iti Jerusalem iti napalabas?

Pinarigat ida ti Asiria iti napalabas.

Isaiah 52:5-6

Iti dayta nga aldaw apay a maammoanto dagiti tattao ni Yahweh ti nagan ni Yahweh?

Maamoandanto ti nagan ni Yahweh gapu ta agtultuloy a mapadpadakes ti nagana iti agmalmalem.

Isaiah 52:7-8

Siasinonto ti makakita ti panagsubli ni Yahweh iti Sion?

Tunggal mata dagiti agwanwanawan iti Sion ti makatitanto ti panagsubli ni Yahweh iti Sion.

Isaiah 52:9-10

Apay a rumbeng nga idir-i dagiti nadadael iti Jerusalem ti agkanta a sangsangkamaysa?

Rumbeng nga aramidenda daytoy gapu ta liniwliwa ni Yahweh dagiti tattaona; sinubbotna ti Jerusalem. Insagana ni Yahweh ti nasantoan a takiagna iti imatang dagiti amin a nasion.

Isaiah 52:11-12

Ania ti aramiden dagiti mangaw-awit kadagiti alikamen ni Yahweh?

Pumanawda, saanda a mangsagid iti saan a nadalus ken dalusanda dagiti bagbagida.

Apay a saan a masapul nga agdardaras a pumanaw wenno agdanag dagiti tattao ni Yahweh inton pumanawda?

Saanda a masapul ti agdardaras wenno agdanag gapu ta umunanto ni Yahweh iti sangoananda ken bantayanto ti Dios ti Israel ti likudanda.

Isaiah 52:13-14

Anianto ti aramiden ti adipen ni Yahweh?

Agtignayto a sisisirib ken naballigi isuna; maitan-ok ken maitag-ayto isuna, natan-okyo iti kasta unay

Ania ti napasamak iti langa ti adipen ni Yahweh?

Immalas ti langana manipud iti langa ti tao.

Isaiah 52:15

Anianto ti aramiden dagiti ari gapu iti adipen ni Yahweh?

Agulimekto dagiti ari gapu kenkuana.

Isaiah 53

Isaiah 53:1-2

Kasano a dimmakkel ti adipen ni Yahweh?

Dimmakkel isuna iti sangoanan ni Yahweh a kas iti naganus a mula, ken kas iti mula a nagtubo iti namaga a daga.

Ania ti langa ti adipen ni Yahweh?

Awan ti nasayaat a langa wenno pintasna; idi nakitami isuna, awan ti pintasna tapno maay-ayokami kenkuana.

Isaiah 53:3

Kasano nga inawat dagiti tattao ti adipen ni Yahweh?

Inuyaw ken linaksid isuna dagiti tattao ken imbilangda nga awan serserbina.

Isaiah 53:4

Ania ti inaramid ti adipen ni Yahweh para kadatayo?

Binaklayna dagiti saksakitentayo ken inawitna dagiti ladladingittayo.

Isaiah 53:5

Apay a nasugat ken nagsagaba ti adipen ni Yahweh?

Nasugat isuna gapu kadagiti kinadangkestayo ken nagsagaba gapu kadagiti basoltayo.

Ania ti impaay ti dusa ken sugsugat ti adipen kadatayo?

Ti dusana ket nangipaay kadatayo ti talna ken pinaimbagnatayo dagiti sugatna.

Isaiah 53:6-7

Kasanotayo a maiyasping iti karnero?

Maiyarigtayo iti karnero gapu ta naiyaw-awantayo amin; nagturongtayo iti bukodtayo a dalan.

Isaiah 53:8-9

Ania a wagas ti nausar tapno mapapatay ti adipen ni Yahweh?

Pannakaparparigat ken pannakaukom dagiti wagas a nausar tapno mapapatay isuna.

Apay a natay ti adipen ni Yahweh?

Natay isuna gapu kadagiti labsing dagiti tattaona.

Adda kadi ti aniaman a nagbasolan ti adipen ni Yahweh?

Awan. Awan ti aniaman a naranggas nga inaramidna wenno aniaman a panangallilaw iti ngiwatna.

Isaiah 53:10-11

Apay a pagayatan ni Yahweh a madusa ti adipenna?

Pagayatan daytoy ni Yahweh tapno matungpal ti panggep ni Yahweh babaen kenkuana.

Isaiah 53:12

Apay nga ited ni Yahweh iti adipenna ti bingayna manipud iti sangkataoan?

Itedto ni Yahweh iti adipenna ti bingayna gapu ta imbukbokna ti kararruana iti patay ken naibilang kadagiti managbasol. Binaklayna ti basbasol ti adu a tattao ken mangibabaet isuna para kadagiti managbasol.

Isaiah 54

Isaiah 54:1

Apay a kinuna ni Yahweh a masapul nga agkanta ti lupes a babai?

Kinunana a masapul nga agkanta, ta dagiti annak ti lupes a babai ket ad-adunto ngem kadagiti annak ti naasawaan a babai.

Isaiah 54:2-4

Anianto ti aramiden dagiti kaputotan ti Sion?

Parmekendanto dagiti nasion ken agnaedda kadagiti langalang a siudad.

Isaiah 54:5-6

Siasino ti asawa ti Sion?

Ni Yahweh a Mannakabalin amin, ti nangparsua iti Sion, ti asawada.

Isaiah 54:7-8

Ania ti inaramid ni Yahweh iti Israel?

Binaybay-anna ti Israel iti apagbiit.

Anianto ti aramiden ni Yahweh para iti Israel?

Gapu iti dakkel nga asi ummongento ida ni Yahweh.

Isaiah 54:9-12

Ania ti inkari ni Yahweh maipapan iti Israel?

Inkarina a saanan ida nga ungtan wenno tubngaren.

Anianto ti saan a magungon ken anianto ti saan a mapukaw manipud iti Israel?

Saanto a magungon ti tulag ti kapia iti Israel ken saanto a mapukaw ti kinapudno ti tulagna iti Israel.

Isaiah 54:13-14

Anianto ti saan a mapadasan ti Israel?

Saanto a pulos a mapadasan ti Israel ti pannakaparparigat.

Isaiah 54:15-16

Anianto ti mapasamak kadagiti siasinoman a mangpataud iti riribuk iti Israel?

Maparmekto ti siasinoman a mangpataud iti riribuk iti Israel.

Isaiah 54:17

Anianto ti mapasamak iti siasinoman a mangpabasol iti Israel?

Ukomento ida ti Israel.

Isaiah 55

Isaiah 55:1

Ania ti naibaga a gatangen dagiti awan kuartana?

Nabagaanda a gumatangda iti arak ken gatas nga awan ti bayadna.

Isaiah 55:2

Ania ti naibaga a kanen dagiti mawaw?

Nabagaanda a kanenda ti nasayaat.

Isaiah 55:3-4

Siasino ti dinutokan ni Yahweh nga agbalin a saksi kadagiti nasion ken agbalin a pangulo ken mangituray kadagiti tattao?

Dinutokan ni Yahweh ni David iti dayta a saad.

Isaiah 55:5

Apay nga agtaray nga agturong iti Israel ti nasion a saanda nga am-ammo?

Agtarayda nga agturong iti Israel gapu ta ni Yahweh a Diosda, ti Nasantoan ti Israel ket pinadayawanna ida.

Isaiah 55:6-7

Kaano a biroken ken awagan ti Israel ni Yahweh?

Masapul a birokenda isuna kabayatan a mabirukan pay laeng isuna; umawagkayo kenkuana kabayatan nga asideg isuna.

Ania ti aramiden dagiti nadangkes ken managbasol?

Biroken koma dagiti nadangkes ti dalanna, ken ti tao a managbasol dagiti dakes a panagpanpanunotna.

Anianto ti aramiden ni Yahweh iti tao nga agsubli kenkuana?

Kaasianto isuna ni Yahweh ken saanto a mauma a mamakawan kenkuana.

Isaiah 55:8-9

Apay a ti panagpanpanunot ken wagas ni Yahweh ket saan a kas iti panagpanpanunot ken wagas ti Israel?

Daytoy ket gapu ta kas iti langit a nangatngato ngem iti daga, kasta met a nangatngato ti wagas ken panunot ni Yahweh ngem dagiti Israelita.

Isaiah 55:10-11

Anianto ti mapasamak kadagiti sasao nga agtaud iti ngiwat ni Yahweh?

Aramidendanto dagiti tarigagay ni Yahweh ket agballiginto dagitoy iti nangibaonanna.

Isaiah 55:12-13

Ania ti agnanayon a pagilasinan a saanto a maikkat?

Daytoy ti pagilasinan: Rummuarto ti Israel a naragsak ken maiturongda a sitatalna. Agpukkaw iti rag-o dagiti bantay ken dagiti turod iti sangoananda. Agpalakpak amin dagiti kayo iti tay-ak. Imbes a dagiti sisiitan, agtubonto dagiti kaykayo ken imbes a dagiti kalkalunay agtubonto dagiti arrayan.

Isaiah 56

Isaiah 56:3

Ania ti saan a nasken nga ibaga ti gangannaet ken eunuko a nagbalin nga adipen ni Yahweh?

Saan a nasken nga ibaga ti gangannaet ti, “Awan duadua nga ilaksidnakto ni Yahweh manipud kadagiti tattaona” ken masapul a saan nga ibaga ti eunuko, “Kitaem, nagangoak a kayo.”

Isaiah 56:4-5

Ania ti aramidento ni Yahweh kadagiti eunuko a mangikaskaso iti Aldaw a Panaginana, a mangpilpili iti maka-ay-ayo kenkuana, ken mangsalsalimetmet iti tulag ni Yahweh?

Mangaramid ni Yahweh iti pakalaglagipan kenkuana, iti balay ni Yahweh ken iti uneg ti paderna, nasaysayaat dayta ngem kadagiti annak a lallaki ken babbai.

Isaiah 56:6-8

Ania ti aramidento ni Yahweh kadagiti gangannaet a nakipagmaymaysa kenni Yahweh tapno agserbi kenkuana, a mangidaydayaw kenkuana ken mangay-ayat iti nagana, nga agtultulnog iti Aldaw a Panaginana ken manglikliklik a mangrugit iti daytoy, ken ti mansalsalimetmet iti tulag ni Yahweh?

Ipanto ida ni Yahweh iti nasantoan a bantayna ken parag-oenanto ida iti pagkararagan a balayna; maawatto dagiti datonda a mapuoran ken dagiti sagsagutda iti altar ni Yahweh.

Isaiah 56:9-10

Siasino ti nakaidiligan ti saan a makataul nga aso?

Naidilig dagiti agbanbantay kadagiti saan a makataul nga aso.

Isaiah 56:11-12

Ania ti inaramid dagiti agbanbantay ken dagiti agpaspastor?

Nagturongda amin iti bukodda a dalan, inaagoman ti tunggal maysa dagiti awan serserbina.

Isaiah 57

Isaiah 57:1-2

Ania ti saan a maikaskaso wenno saan a maawatan ti siasinoman maipanggep kadagiti nalinteg inton mapukawda?

Saanda nga ikaskaso wenno maawatan a naipanaw dagiti nalinteg manipud iti dakes ket sumrekda iti talna.

Isaiah 57:3-4

Siasino dagiti mangrabrabak ken manginganga iti ngiwat ken agidildilat?

Dagiti annak dagiti manggagamud, dagiti annak ti mannakikamalala ken ti balangkantis ti agar-aramid kadagitoy a banbanag.

Isaiah 57:5

Ania pay ti ar-aramiden dagitoy nga annak iti kinasukir ken annak iti ulbod?

Nakikaiddada iti sirok ti lugo, iti sirok ti tunggal kayo. Pinatayda dagiti annakda iti namaga a karayan, iti sirok ti rengrengngat dagiti batbato.

Isaiah 57:6

Ania dagiti banbanag a daydayawenda?

Dagiti sumagmamano a nalamuyot a banbanag iti igid ti karayan dagiti daydayawenda.

Isaiah 57:7-12

Ania ti inaramid dagitoy a managlabsing ken managulbod kenni Yahweh?

Tinallikudanda ni Yahweh.

Isaiah 57:13

Anianto ti ibaga ni Yahweh kadagitoy a nadangkes ken nasukir inton umasogda?

Ibaganto ni Yahweh kadakuada nga agpatulongda kadagiti inurnongda a didiosen.

Anianto ti mapasamak kadagitoy a nadangkes ken nasukir a tattao?

Itayabto ida amin ti angin, itayabto ida amin ti maysa a puyot.

Anianto ti mapasamak kadagiti agpaituray kenni Yahweh?

Tagikuaendanto ti daga ken tawidendanto ti nasantoan a bantay ni Yahweh.

Isaiah 57:14-15

Siasino ti makipagnaed kenni Yahweh iti natan-ok ken nasantoan a lugar?

Makipagnaedto kenni Yahweh dagiti addaan iti espiritu a nakakaasi ken napakumbaba sadiay.

Isaiah 57:16-17

Ania ti mapasamak no usigen ni Yahweh ti tao iti agnanayon?

Kumapuy ti kararua ti tao iti sangoanan ni Yahweh.

Apay a nagunget ni Yahweh iti tao?

Nakaunget ni Yahweh iti tao gapu iti kinaranggasna.

Isaiah 57:18-19

Uray no nakita ni Yahweh dagiti wagas ti tao, ania ti aramidento ni Yahweh iti tao?

Kinuna ni Yahweh a paimbagennanto isuna.

Isaiah 57:20-21

Siasino dagiti awan talnana?

Awan talna dagiti nadangkes.

Isaiah 58

Isaiah 58:1-2

Ania ti imbilin ni Yahweh kadagiti balay ni Jacob a matubngar?

Binilinna ti balay ni Jacob a matubngar gapu kadagiti kinasukir ken kadagiti basbasolda.

Kasano a binirok dagiti balay ni Jacob ni Yahweh?

Binirokda isuna a kas iti nasion a sililinteg ken saan a nangbaybay-an iti linteg ti Diosda.

Isaiah 58:3

Ania ti reklamo dagiti balay ni Jacob kenni Yahweh maipapan iti panagpakumbaba ken panagayunarda?

Ti reklamoda kenni Yahweh ket inton agayunarda ken agpakpakumbabada, saan daytoy a makita wenno ikaskaso ni Yahweh.

Ania ti imbaga ni Yahweh kadagiti balay ni Jacob iti aldaw ti panagayunarda?

Kinuna ni Yahweh nga iti aldaw iti panagayunarda binirokda ti bukodda a pakaragsakan ken pinarigatda amin a mangmanggedda.

Isaiah 58:4-5

Ania ti kuna ni Yahweh a rason dagiti balay ni Jacob a saan a maipangag ti panagayunarda?

Kinuna ni Yahweh a saan nga agay-ayunar ti balay ni Jacob tapno maipangag ti timekda iti ngato.

Isaiah 58:6-8

Ania ti panagayunar a pinili ni Yahweh?

Ti panagayunar a pinili ni Yahweh ket mangwayawaya kadagiti galut dagiti nadangkes, a mangwarwar kadagiti tali ti sangol, a mangwayawaya kadagiti maparparigat, ken mangwarwar ti tunggal sangol, nga iwarasda ti tinapay kadagiti mabisin, nga ayaban ti marigrigat ken awanan balay kadagiti balayda, a mangkawes kadagiti lamo-lamo, ken saan a mangipaidam iti tulongda kadagiti kabagianda.

Isaiah 58:9-14

Anianto ti aramiden ni Yahweh no iwaksi dagiti balay ni Jacob ti sangol, ti managpabasol a ramay, ken ti panagsao iti kinadangkes, no mangipaayda para kadagiti mabisin ken pennekenda ti kasapulan dagiti naladingit?

No aramidenda dagitoy agraniagto ngarud ti lawagda iti kasipngetan, ken agbalinto a kasla iti aldaw ti kinasipngetda.

Isaiah 59

Isaiah 59:1-2

Maisalakannatayo kadi Yahweh? Mangmangngegnatayo kadi?

Saan a naababa ti ima ni Yahweh tapno saan a makaisalakan; wenno saan a tuleng ti lapayagna tapno saan a makangngeg.

Isaiah 59:3-6

Ania dagiti basol nga inaramid ti balay ni Jacob a nangisina kadakuada kenni Yahweh?

Nagbasolda iti panangibagada kadagiti inuulbod ken panagsasaoda iti agkakadakes. Isikogda ti riribuk ken dagiti rinaranggas nga aramid ti adda kadagiti imada; agtarayda a mangibukbok ti dara iti awan basolna.

Isaiah 59:7-13

Ania dagiti basol nga inaramid ti balay ni Jacob a nangisina kadakuada kenni Yahweh?

Nagbasolda iti panangibagada kadagiti inuulbod ken panagsasaoda iti agkakadakes. Isikogda ti riribuk ken dagiti rinaranggas nga aramid ti adda kadagiti imada; agtarayda a mangibukbok ti dara iti awan basolna.

Isaiah 59:14-15

Ania ti napasamak iti tao a timmalikod manipud iti panagaramid iti dakes?

Pinagbalinna ti bagina a biktima.

Ania ti saan a nakaay-ayo kenni Yahweh?

Saan a nakaay-ayo kenni Yahweh idi nakitana nga awan iti hustisia.

Isaiah 59:16

Ania ti inaramid ni Yahweh idi nakitana nga awan ti uray maysa a timmulong?

Idi nakita ni Yahweh nga awan ti uray maysa a timmulong, inyegna ti pannakaisalakan babaen iti bukodna a pannakabalin

Isaiah 59:17-18

Kalpasanna, ania ti inaramid ni Yahweh?

Insuot ni Yahweh ti kinalinteg kas kabal ken inkabilna iti ulona ti helmet ti pannakaisalakan. Kinawesanna ti bagina kadagiti pagan-anay ti panagibales ken insuotna ti tatak a kas ti maysa a nagayad a lupot. Sinupapakanna ida sigun iti inaramidda, naunget a panangukom kadagiti kabusorna, panangibales para kadagiti kabusorna, ti pannakadusa kadagiti isla a kas gunggonada.

Isaiah 59:19-20

Ania ti pagbanagan ti panangbales ni Yahweh kadakuada gapu kadagiti inaramidda?

Agbutengdanto iti nagan ni Yahweh manipud iti laud, ken iti dayagna manipud iti pagsingsingisingan ti init.

Isaiah 59:21

Ania ti katulagan ni Yahweh kadakuada?

Daytoy ti katulagan:Ti espiritu ni Yahweh nga adda kadakayo, ken dagiti sasaok nga inkabilko kadagiti ngiwatyo, ket saanto a mapukaw kadagiti ngiwatyo wenno rummuar manipud kadagiti ngiwat dagiti annakyo, wenno rummuar manipud kadagiti ngiwat ti appokoyo manipud ita ken iti agnanayon.

Isaiah 60

Isaiah 60:2-3

Uray no balkoten ti kinasepnget ti daga, anianto ti aramiden ni Yahweh para iti Israel?

Agraniagto ni Yahweh kadakuada ken makitanto ti dayagna kadakuada.

Siasino dagiti umasidegto iti silaw ti Israel?

Umasidegto dagiti nasion ken dagiti ari kadagiti silawda.

Isaiah 60:4-7

Apay a kumitanto ti Israel ken agbalinda a naraniag ken agrag-onto ti pusoda ken aglupias?

Daytoy ket gapu ta maibukbokto kadakuada ti aglaplapusanan a kinabaknang ti baybay, maiyegto kadakuada ti kinabaknang dagiti nasion.

Isaiah 60:8-9

Siasino dagiti mangidalanto kadagiti annak ti Israel a naggapu iti adayo?

Idalanto ida dagiti barko manipud Tarsis.

Isaiah 60:10-11

Siasino dagiti mangibangonto iti siudad ni Yahweh ken siasino dagiti agserbinto kadakuada?

Bangonento dagiti lallaki nga annak dagiti ganggannaet dagiti bakudda ken agserbinto dagiti ari kadakuada.

Isaiah 60:12-14

Ania ti mapasamakto kadagiti nasion ken pagarian a saan nga agserbi kenkuana?

Mapukawto dagiti nasion ken dagiti pagarian; naan-anayto ti pannakadadaelda.

Isaiah 60:15-16

Ania ti aramidento ni Yahweh a pagbalinan ti Siudadna?

Pagbalinennanto ti siudadna a maipagpannakkel iti agnanayon, a rag-o agingga kadagiti sumaruno a henerasyon.

Isaiah 60:17-18

Ania ti saanen a pulos a mangngegan iti daga ti Sion?

Saanton a pulos a mangngegan ti kinaranggas iti dagada, wenno pannakadadael wenno pannakasinasina dagiti beddengda.

Isaiah 60:19-20

Ania ti makaited silaw iti daga?

Ni Yahweh ti agnanayonto a silawda.

Isaiah 60:21-22

Kasanonto kabayag ti panagtagikua dagiti tattao ti daga?

Tagikuaendanto ti daga iti agnanayon.

Isaiah 61

Isaiah 61:1-2

Apay nga adda kenkuana ti Espiritu ti Apo a ni Yahweh?

Adda kenkuana ti Espiritu gapu ta pinulotan isuna ni Yahweh.

Ania dagiti immuna a tallo a banag a nangibaonan ni Yahweh kenkuana?

Imbaon isuna ni Yahweh tapno paimbagenna dagiti napasakitan ti nakemna, tapno iwaragawagna ti pannakawayawaya kadagiti balud, tapno lukatanna ti pagbaludan para kadagiti naipupok.

Isaiah 61:3

Ania ti nangibaonan ni Yahweh kenkuana nga aramidenna?

Imbaon isuna ni Yahweh a mangiwaragawag kadagiti naimbag a damag kadagiti napakumbaba, a mangpaimbag kadagiti napasakitan ti nakemna, a mangiwaragawag iti pannakawayawaya dagiti balud, a mangilukat ti pagbaludan para kadagiti naipupok, a mangiwaragawag ti tawen ti parabur ni Yahweh, ti aldaw iti panangibales ti Diostayo, a mangliwliwa kadagiti amin nga agladladingit, ken tapno maidayaw ni Yahweh.

Isaiah 61:4-5

Ania ti aramidento dagiti ganggannaet idiay Sion?

Tumakderdanto ket pakanenda dagiti arban dagiti agnanaed idiay Sion ken agtrabahonto dagiti lallaki nga annak dagiti ganggannaet kadagiti kataltalonan ken kadagiti kaubasanda.

Isaiah 61:6-7

Ania ti maiyawagto kadagidiay adda idiay Sion?

Maawagandanto a papadi ni Yahweh; dagiti adipen ti Dios.

Isaiah 61:8-9

Ania ti ipatpateg ni Yahweh ken ania ti kagurgurana?

Ipatpateg ni Yahweh ti hustisia ken kagurgurana ti panagtakaw ken ti kinaranggas.

Isaiah 61:10-11

Ania ti inaramid ni Yahweh kenkuana?

Kinawesan isuna ni Yahweh kadagiti pagan-anay iti pannakaisalakan ken ti nagayad a kagay iti kinalinteg.

Isaiah 62

Isaiah 62:1-2

Siasino dagiti makakitanto iti kinalinteg ti Sion ken ti dayagna?

Dagiti nasion ti makakitanto iti kinalinteg ti Sion ken dagiti amin ari ti makakitanto iti dayagna.

Isaiah 62:3-5

Ania ti saanen a pulos a maiyawag iti Sion ken iti dagana?

Saanton a pulos a maawagan ti Sion iti “Nabaybay-an” ken saanton a pulos a maawagan ti dagana iti “Napanawan”.

Apay a mapanaganan ti Sion iti “Adda iti dagam ti ragsakko” ken naiyasawa ti daga ti Sion”?

Mapanagan ti Sion kadagidiay a banbanag gapu ta maay-ayo ni Yahweh iti dagana ken maiyasawanto ti dagana.

Isaiah 62:6-7

Apay a naisaad dagiti agwanwanawan kadagiti bakud ti Jerusalem?

Naisaad dagiti agwanwanawan sadiay tapno kanayonda a palagipan ni Yahweh a saanda a palubosan nga aginana agingga a bangonenna manen ti Jerusalem ken pagbalinenna daytoy a pakaidayawan iti rabaw ti daga.

Isaiah 62:8-10

Ania ti insapata ni Yahweh babaen iti makannawan nga imana ken babaen pannakabalinna?

Insapatana a saannanton a pulos nga ited ti trigo ti Jerusalem kas taraon dagiti kabusorda, ken saanton nga inumen dagiti ganggannaet ti kaar-aramid nga arakna.

Isaiah 62:11-12

Ania ti impakaammo ni Yahweh agingga kadagiti nagpatinggaan ti daga?

Kastoy ti impakaammo ni Yahweh: “Ibagam iti anak a babai ti Sion, ‘Kitaenyo, umayen ti manubbotyo! Kitaenyo, awitna dagiti itedna a gunggona, ken ti gunggonaanna ket umun-unanto ngem isuna.”’

Isaiah 63

Isaiah 63:1-2

Ania ti langa ti um-umay manipud Edom a nakakawes iti nalabbaga a pagan-anay ti ari ken kasano ti iyaayna?

Nakakawes isuna iti nalabbaga a pagan-anay ti ari ken magmagna isuna a situtured.

Apay a magmagna a situtured ti maysa a naggapu idiay Edom?

Magmagna isuna a situtured gapu iti naindaklan a pigsana.

Ania ti kuna daytoy naggapu idiay Edom maipapan iti bagina?

Ibagbagana nga agsasao isuna ti kinalinteg ken naindaklan a manangisalakan.

Isaiah 63:3-4

Ania ti padpadaanan daytoy naggapu idiay Edom?

Padpadaananna ti aldaw ti panagibalesna, ken dimtengen ti tiempo ti panangsubbotna.

Isaiah 63:5-6

Adda kadi timmulong iti daytoy naggapu idiay Edom?

Awan. Kimmita isuna ngem awan ti uray maysa a timmulong.

Isaiah 63:7-8

Apay ken kasano nga impakita ni Yahweh ti di agbalbaliw nga ayatna iti balay ti Israel?

Impakitana kadakuada ti di agbalbaliw nga ayatna gapu iti asina ken ti agnanayon a kinapudno dagiti tulagna.

Isaiah 63:9

Ania ti napasamak idi un-unana a panawen idi nagsagaba dagiti tattao ni Yahweh?

Idi nagsagaba ti balay ti Israel, nagsagaba met ni Yahweh.

Idi un-unana a panawen, siasino ti nangisalakan iti Israel?

Ti mensahero nga adda iti presensia ni Yahweh ti nangisalakan kadakuada idi un-unana a panawen.

Isaiah 63:10-16

Apay a nagbalin isuna a kabusorda?

Nagbalin isuna a kabusorda gapu ta nagsukirda ken pinagladingitda ti Nasantoan nga Espirituna.

Isaiah 63:17-19

Ania ti inriri wenno sinaludsod ti balay ti Israel kenni Yahweh?

Kastoy ti sinaludsod ken inririda, "Yahweh, apay nga inyaw-awannakami manipud kadagiti wagasmo ket timmangken ti pusomi, isu a saankami a nagtulnog kenka?”

Isaiah 64

Isaiah 64:1-2

Ania koma ti mapasamak no naammoan dagiti kabusor ni Yahweh ti naganna?

Agpigerger dagiti nasion iti presensiana.

Isaiah 64:3-5

Sipud pay idi un-una a tiempo, adda kadi iti nakangngeg wenno nakakita iti aniaman a Dios no di laeng ni Yahweh, a mangar-aramid kadagiti banbanag kadagiti tattao nga agtaltalek kenkuana?

Awan, awan pay ti nakangngeg wenno nakakita iti aniaman a Dios nga agar-aramid kadagiti banbanag kadagiti tattao nga agtaltalek kenkuana.

Isaiah 64:6-7

Ania ti nakaiyarigan dagiti nalinteg nga aramid dagiti amin nga adda iti Israel?

Naiyarigda iti pasador.

Apay nga awan iti immawag iti nagan ni Yahweh ken awan dagiti nagregget a kumpet kenkuana?

Daytoy ket gapu ta inlemmeng ni Yahweh ti rupana kadakuada ken inyawatna ida kadagiti basbasolda.

Isaiah 64:8-9

Ania iti nangidiligan iti nangisurat kenni Yahweh ken dagiti tattao ti Israel?

Naidilig ni Yahweh iti agdamdamili ken dagiti tattao ket naidilig iti damili.

Isaiah 64:10-12

Ania iti nagbalinan dagiti nasantoan a siudad ni Yahweh?

Nagbalin a let-ang dagiti nasantoan a siudad ni Yahweh ken nagbalin a langalang ti Jerusalem.

Ania dagiti dua a saludsod iti nangisurat kenni Yahweh?

Dagiti dua a saludsod ket, “Kasano a mabaelam pay laeng ti agkedked, O Yahweh? Kasano a mabaelam pay laeng ti agtalinaed a siuulimek ken itultuloynakami nga ibabain?”

Isaiah 65

Isaiah 65:1-2

Ania ti kayat ni Yahweh manipud kadagiti saan a dimmawat ken saan a nagsapul?

Kayatna a saraken ken biruken isuna dagiti saan a dimmawat ken nagsapul.

Ania ti pagpagnaan dagitoy a nasukir a tattao?

Nagnada kadagiti bukodda a kapanunotan ken pangpanggep.

Isaiah 65:3-5

Ania dagiti wagas a nagbalinan dagitoy a tattao a pakarimonan ni Yahweh?

Kankanayonda a makarimon kenni Yahweh gapu ta agidatdatonda kadagiti minuyongan ken mangpupuorda kadagiti insenso iti rabaw dagiti ladrillo. Agtugawda kadagiti pagipumponan ken agpatpatnagda nga agbanbantay ken mangmanganda kadagiti karne ti babuy nga addaan iti digu ti makarimon a karne kadagiti pangananda.

Isaiah 65:6-8

Ania ti inaramid ni Yahweh ken anianto ti aramidenna kadagitoy tattao a nasukir?

Binalesanna ida ken balesannanto ida gapu kadagiti bukodda a basbasol ken dagiti basbasol dagiti ammada.

Isaiah 65:9-11

Anianto ti aramiden ni Yahweh kadagiti pinilina?

Tagikuaendanto ti daga.

Isaiah 65:12

Anianto ti aramiden ni Yahweh kadagiti mangpanaw kenkuana?

Ipatungpalnanto ida nga agpaay iti kampilan ken agparintumengdanto iti pannakapapatay.

Isaiah 65:13-16

Anianto ti mapasamak kadagiti adipen ni Yahweh?

Mangan, uminom, agragsak ken agpukkawdanto nga addaan rag-o.

Ania pay ti mapasamakto kadagiti mangpanaw kenni Yahweh?

Mabisinan ken mawawdanto. Maibabain ken agsangitdanto gapu iti ut-ot ti puso ken agasugdanto gapu iti pannakaburak ti espiritu.

Isaiah 65:17-19

Anianto ti parsuaen ni Yahweh?

Parsuaento ni Yahweh ti baro a langit ken baro a daga.

Anianto ti marikna dagiti adipen ni Yahweh iti baro a langit ken baro a daga?

Agragsak ken agrag-odanto iti agnanayon iti dandanin a parsuaen ni Yahweh.

Isaiah 65:20-21

Anianto ti aramiden dagiti tattao iti baro a Jerusalem?

Mangipatakderdanto kadagiti babbalay ket pagnaedandanto dagitoy, ken agmuladanto kadagiti ubas ken kanenda ti bungana.

Isaiah 65:22-23

Manu nga aldaw nga agbiag dagiti tattao?

Napautto ti biagda a kas kadagiti al-aldaw dagiti kaykayo.

Isaiah 65:24-25

Iti baro a langit ken baro a daga, kaano a sumungbat ni Yahweh kadagiti tattaona?

Kabayatan nga agsasaoda pay laeng, denggento ni Yahweh ida, ken sakbay nga umawagda, sungbatanna ida.

Anianto ti naidumduma maipanggep kadagiti ayup idiay nasantoan a bantay ni Yahweh?

Saanton a pulos nga agdidinnangran dagiti ayup. Agkakaduanto nga agarab dagiti lobo ken karnero, ken manganto ti lion iti garami a kas iti baka.

Isaiah 66

Isaiah 66:2

Siasino ti nangaramid iti langit ken daga?

Inaramid ni Yahweh dagitoy amin a banbanag babaen iti bukodna nga ima.

Ania a kita ti tao ti an-anamungan ni Yahweh?

Ania a kita ti tao ti an-anamungan ni Yahweh?

Isaiah 66:3-4

Ania a pangiyarigan dagiti it-ited ni Isaias tapno ipakita ti kinamanaginsisingpet ti maysa a tao?

Kuna ni Yahweh a ti tao a mangpatpatay iti baka, mangpatpatay met iti tao; isuna a mangidatdaton iti karnero, mangtuktukkol met iti tengnged ti aso; isuna a mangidatdaton iti bukbukel a daton, mangidatdaton iti dara ti babuy; isuna a mangidatdaton iti insenso, benbendisionanna met ti kinadangkes. Pinilida dagiti bukodda a wagas, ken agragsakda kadagiti kinarimonda.

Isaiah 66:5

Ania ti aramiden kadakuada dagiti kakabsat dagiti agpigerger iti sao ni Yahweh?

Kagkagura ken ilaklaksid dagiti kakabsatda dagiti agpigerger iti sao ni Yahweh.

Isaiah 66:6-9

Ania ti uni a naggapu iti siudad ken iti templo?

Daytoy ti uni ti riribuk nga aggapu iti siudad, ti uni iti panangibalbales ni Yahweh kadagiti kabusorna.

Isaiah 66:10-11

Apay a dagiti mangay-ayat iti Jerusalem ket rumbeng nga agrag-o ken agragsak gapu kenkuana?

Masapul nga ag-rag-otayo iti Jerusalem ken agragsak gapu kenkuana, gapu ta agsusokayonto ket mapnekkayo; maliwliwakayonto iti barukongna; ta inumenyonto dagitoy agingga a mapnekkayo ket agragsakkayo nga addaan iti kinawadwad ti dayagna.

Isaiah 66:12-14

Ania ti dandanin nga iwaras ni Yahweh iti Jerusalem?

Dandanin nga iwaras ni Yahweh ti kinarang-ay iti Jerusalem a kasla iti maysa a karayan, ken dagiti kinabaknang dagiti nasion a kasla iti agliplipias a waig.

Isaiah 66:15-17

Anianto ti usaren ni Yahweh a mangipatungal iti panangukom kadagiti tattao?

Usarennanto ti apuy ken ti kampilanna.

Isaiah 66:18-19

Apay nga urnongento ni Yahweh dagiti amin a nasion ken pagsasao?

Urnongento ni Yahweh dagiti amin a nasion ken pagsasao tapno mabalinanda ti umay ket makitada ti dayagna ken tapno makasubli ti dadduma kadagiti nakalasat kadagiti nasionda tapno maiwaragawagda ti dayag ni Yahweh kadagiti nasion.

Isaiah 66:20-21

Siasinonto ti maited kenni Yahweh a kas daton?

Dagiti kakabsat ti Israel manipud kadagiti amin a nasion ket maitedto a kas daton kenni Yahweh.

Isaiah 66:22-23

Anianto ti aramiden dagiti tattao iti binulan ken tunggal Panaginana?

Iti binulan ken tunggal Panaginana, umay ken agparintumengto dagiti amin a tattao kenni Yahweh.

Isaiah 66:24

Anianto ti mapasamak kadagiti bangkay dagiti tattao a nagrebelde kenni Yahweh?

Kanento dagiti igges dagitoy ket runoten to ti apuy.