Judges

Judges 1

Judges 1:1-3

Siasino ti nangidaulo kadagiti tattao ti Israel idi simmang-atda tapno gubaten dagiti Cananeo?

Ti Juda ti nangidaulo kadagiti tattao ti Israel a nakiranget kadagiti Cananeo.

Judges 1:4-5

Siasino ti kinaranget dagiti lallaki ti Juda?

Kinaranget dagiti lallaki ti Juda ni Adonibesek.

Judges 1:6-7

Siasino ti nagurnong kadagiti taraonda manipud iti sirok ti lamisaan ni Adonibesek?

Pito-pulo nga ari a naputed dagiti tangan ti ima ken dadagkkel a tangan ti sakana ti nagurnong iti taraonda manipud iti sirok ti lamisaan ni Adonibesek.

Judges 1:8-10

Ania idi ti nagan ti Hebron?

Ti nagan idi ti Hebron ket Kiriat Arba.

Judges 1:11-13

Ania ti inted ni Caleb kenni Otniel?

Inted ni Caleb ni Acsa nga anakna a babai tapno asawaen ni Otniel.

Judges 1:14-15

Gapu ta adda ni Acsa idiay Negeb, ania ti kayatna nga ited kenkuana ti amana?

Gapu ta adda ni Acsa idiay Negeb, kayatna nga ikkan isuna iti amana kadagiti ubbog.

Judges 1:16-17

Sadino ti let-ang ti Juda?

Ti let-ang ti Juda ket adda iti Negeb.

Judges 1:18-19

Apay ta saan a mapapanaw dagiti tattao ti Juda dagiti agnanaed kadagiti kapatadan?

Saanda a mapapanaw dagiti agnanaed kadagiti kapatadan gapu ta addaanda kadagiti landok a karwahe.

Judges 1:20-24

Apay a nagnaed dagiti Jebuseo a kaduada dagiti tattao ti Benjamin idiay Jerusalem?

Gapu ta saan a pinapanaw dagiti tattao ti Benjamin dagiti Jebuseo a nagnaed idiay Jerusalem, nakipagnaed dagiti Jebuseo kedagiti tattao ti Benjamin idiay Jerusalem.

Judges 1:25-26

Ania ti napasamak iti lalaki a nangisuro kadagiti espia manipud iti balay ni Jose no kasano ti sumrek idiay Betel?

Pinalubosan dagiti espia ti lalaki ken ti pamiliana a makapanaw ken napan ti lalaki iti daga dagiti Heteo ket nangbangon isuna iti maysa a siudad ken inawaganna daytoy iti Luz.

Judges 1:27-30

Idi bimmileg ti Israel, ania ti inaramidda kadagiti Cananeo?

Idi bimmileg ti Israel, pinilitda dagiti Cananeo nga agserbi kadakuada babaen iti nakaro a panagtrabaho, ngem pulos a saanda ida a pinapanaw.

Judges 1:31-36

Apay a nagnaed ti tribu ti Aser a kaduada dagiti Cananeo?

Nagnaed ti tribu ti Aser a kaduada dagiti Cananeo gapu ta saan ida a pinapanaw ti Aser.

Siasino ti nangparmaek kadagiti Amorreo idiay Bantay Heres, idiay Aijalon ken idiay Saalbim?

Pinarmek ida iti balay ni Jose.

Judges 2

Judges 2:1-2

Sadino ti nangipanan iti anghel ni Yahweh kadagiti tattao ti Israel?

Impan ida iti anghel ni Yahweh iti daga nga insapatana nga ited kadagiti ammada.

Judges 2:3-5

Idi imbaga iti anghel a saanna a papanawen dagiti Cananeo iti sangoanan dagiti tattao, ania ti inaramidda?

Idi imbaga iti anghel a saanna a papanawen dagiti Cananeo iti sangoanan dagiti tattao ti Israel, nagpukkaw ken nagsangitda.

Judges 2:6-10

Kasano kabayag a nagserbi dagiti tattao kenni Yahweh?

Nagserbi dagiti tattao kenni Yahweh bayat iti panagbiag ni Josue ken kadagiti panglakayen a naud-udi a natay ngem kenkuana.

Judges 2:11-13

Ania dagiti dios a sinurot dagiti tattao ti Israel?

Sinurot dagiti tattao ti Israel dagiti dios dagiti tattao nga adda iti aglawlawda.

Judges 2:14-15

Ania ti insapata ni Yahweh iti Israel?

Insapata ni Yahweh a sadinoman a pakigubatan ti Israel, ti imanto ni Yahweh ket maibusor kadakuada a mangparmek kadakuada.

Judges 2:16-17

Ania ti inaramid dagiti ukom?

Insalakan dagiti ukom dagiti tattao ti Israel manipud iti pannakabalin dagiti agtaktakaw kadagiti sanikuada.

Judges 2:18-19

Ania ti napasamak iti natay dagiti ukom?

Idi natay dagiti ukom, timmalikod dagiti tattao ti Israel ken nagaramidda kadagiti banbanag a nadakdakes ngem kadagiti inaramid dagiti ammada.

Judges 2:20-23

Apay a saan a pinapanaw ni Yahweh manipud iti Israel ti aniaman kadagiti nasion nga imbati ni Josue idi natay isuna?

Saan a pinapanaw ni Yahweh manipud iti Israel ti aniaman kadagiti nasion nga imbati ni Josue iti natay isuna, tapno masuotna ti Israel, no salimetmetanda ti dalan ni Yahweh ken magnada iti daytoy a kas iti panangsalimetmet dagiti ammada, wenno saan.

Judges 3

Judges 3:1-3

Apay a binaybay-an ni Yahweh dagiti nasion tapno suoten ti Israel?

Binaybay-an ni Yahweh dagiti nasion a mangsuot iti Israel tapno isuro ti pannakigubat iti baro a henerasion dagiti Israelita a saan pay idi a nakaammo iti daytoy.

Judges 3:4-6

Ania ti inaramid ni Yahweh babaen kadagiti nabatbati a nasion?

Sinubok ni Yahweh ti Israel babaen babaen kadagiti nabatbati a nasion, tapno paneknekanna no agtulnogda kadagiti bilin nga intedna kadagiti kapuonanda babaen kenni Moises.

Judges 3:7-8

Ania ti dinaydayaw dagiti tattao ti Israel?

Nagdaydayawda kadagiti Baal ken dagiti Asera.

Judges 3:9-11

Siasino ti immuna nga imbangon ni Yahweh nga umay tumulong kadagiti tattao ti Israel?

Immuna nga imbangon ni Yahweh ni Otniel nga anak ni Kenaz nga ading ni Caleb.

Judges 3:12-14

Siasino ti nangted iti pigsa kenni Eglon nga ari ti Moab?

Inted ni Yahweh ti pigsa kenni Eglon nga ari ti Moab.

Judges 3:15

Kaano nga imbangon ni Yahweh ni Ehud a tumulong kadagiti tattao ti Israel?

Imbangon ni Yahweh ni Ehud a tumulong kadagiti tattao ti Israel idi immawagda kenkuana.

Judges 3:16-18

Sadino ti nangigalutan ni Ehud iti kampilan nga inaramidna?

Inggalutna daytoy iti kannawan a luppona iti uneg ti pagan-anayna.

Judges 3:19-20

Siasino ti kadua ni Ehud ken ti ari idi imbaga ni Ehud ti mensahe kenkuana?

Ni laeng Ehud ken ti ari ti adda sadiay.

Judges 3:21-23

Apay a tininep iti taba ti tirad ti kampilan?

Tininep iti taba ti tadem ti kampilan gapu ta saan nga inuksot ni Ehud ti kampilan manipud iti bagi ti ari.

Judges 3:24-25

Idi nakita dagiti adipen a nakarikep dagiti didaw iti akin-ngato a siled, ania ti pinanunotda?

Idi nakita dagiti adipen a nakarikep dagiti didaw iti akin-ngato a siled, impagarupda nga agin-inana isuna iti kinalamiis iti akin-ngato a siled.

Judges 3:26-27

Kaano a naglibas ni Ehud?

Bayat iti panaguray dagiti adipen a panpanunotenda no ania ti aramidenda, naglibas ni Ehud.

Judges 3:28-30

Kasano a linappedan dagiti tattao ti Israel dagiti Moabita manipud iti panagballasiw iti karayan?

Sinakup dagiti tattao ti Israel dagiti pagballasiwan ti Jordan a batug dagiti Moabita.

Judges 3:31

Ania ti panangpapatay ni Shamgar kadagiti 600 a Filisteo?

Pinatay ni Shamgar dagiti Filisteo babaen iti kayo a pagabug kadagiti baka.

Judges 4

Judges 4:1-3

Apay nga immawag iti tulong kenni Yahweh dagiti tattao ti Israel?

Immawag iti tulong kenni Yahweh dagiti tattao ti Israel gapu ta addaan ni Sisera iti siam a gasut a karuahe a landok ken pinarigatna dagiti tattao ti Israel iti duapulo a tawen.

Judges 4:4-5

Apay a mapan dagiti tattao ti Israel kenni Debora?

Mapan dagiti tattao ti Israel kenni Debora tapno risutenda dagiti pagririrrianda.

Judges 4:6-7

Sadinno ti intuding ni Yahweh a pangsabatan ni Sisera kenni Barak?

Inuyotan ni Yahweh ni Sisera a sabtenna ni Barak iti karayan Kison.

Judges 4:8-10

Apay nga aramiden ni Yahweh a babai ti mangparmek kenni Sisera?

Aramiden ni Yahweh a babai ti mangparmek kenni Sisera gapu ta saan a napan ni Barak nga awan ni Debora.

Judges 4:11-14

Siasino ti nagtaudan dagiti Kineo?

Nagtaud dagiti Kineos manipud kenni Hobab a katugangan ni Moises.

Judges 4:15-16

Mano ti nakalasat iti armada ni Sisera?

Awan ti nakalasat iti armada ni Sisera

Judges 4:17-18

Apay a napan ni Sisera iti tolda ni Jael?

Napan ni Sisera iti tolda ni Jael, ta adda kappia iti nagbaetan ni Jabin nga ari ti Hazor ken ti balay ni Heber nga asawa ni Jael.

Judges 4:19-20

Idi dimmawat ni Sisera iti danum, ania ti inted ni Jael kenkuana?

Idi dimmawat ni Sisera iti danum, inikkan ni Jael isuna iti gatas.

Judges 4:21-24

Kasano a pinatay ni Jael ni Sisera?

Inmartilio ni Jael ti pasok ti tolda iti pispis ni Sisera ket simmalpot daytoy kenkuana agingga iti daga.

Judges 5

Judges 5:3-4

Kaano a nagun-gon ti daga?

Nagun-gon ti daga idi rimuar ni Yahweh manipud Seir, idi nagna isuna manipud Edom.

Judges 5:5-6

Ania a dalan iti pagnaan dagiti magna?

Magnada kadagiti nalikaw a pagnaan.

Judges 5:7-8

Ania ti saan a nakita kadagiti uppat a pulo a ribu idiay Israel?

Awan iti uray a kalasag wenno gayang a nakita kadagiti uppat a pulo a ribu idiay Isarel.

Judges 5:9-14

Ania dagiti banbanag a nausar a kas silyeta kadagiti puraw nga asno?

Dagiti napuskol a lupot ti nausar a kas silyeta kadagiti puraw nga asno.

Judges 5:15-16

Ania ti ar-aramiden ti Issacar kenni barak?

Agdardaras a sumursurot ti Issacar kenni Barak iti tanap babaen iti panangidaulona.

Judges 5:17-18

Ania ti impusta ti Zabulon?

Impusta ti Zabulon ti biagda uray no matayda patay.

Judges 5:19-22

Ania ti nakiranget maibusor kenni Sisera manipud iti dalanda kadagiti langit?

Nakiranget dagiti bituen maibusor kenni Sisera manipud iti dalanda kadagiti langit.

Judges 5:23-25

Apay nga inlunod ti anghel ni Yahweh ti Meroz?

Inlunod ti anghel ni Yahweh ti Meroz gapu ta saanda nga immay a timmulong kenni Yahweh.

Judges 5:26-27

Ania ti inkabil ni Jael iti imana?

Inkabilna ti imana iti pasok ti tolda, ken ti makannawan nga imana ti martilio iti agtrabtrabaho.

Judges 5:28-30

Sadino ti timman-awan ti ina ni Sisera?

Timman-aw ti ina ni Sisera iti tawa, iti rehas.

Judges 5:31

Ania ti kasla rumbeng a pagbalinan dagiti mangayat kenni Yahweh?

Rumbeng nga agbalin dagiti mangayat kenni Yahweh a kasla iti init no kasta nga agsingising daytoy.

Judges 6

Judges 6:1-2

Ania ti inaramid dagiti tattao ti Israel gapu iti Midian?

Gapu iti Midian, nagaramid dagiti tattao ti Israel iti paglinonganda kadagiti gukayab kadagiti turod, kadagiti rukib, ken kadagiti sarikedked.

Judges 6:3-4

Ania ti napasamak tunggal tiempo nga agmula dagiti Israelita?

Tunggal tiempo nga agmula dagiti Israelita, rauten ida dagiti Midianita, Amalekita ken dagiti tattao manipud daya.

Judges 6:5-8

Manu a Midianita ken Amalekita iti rumaut?

Saan a mabilang ti kaaduda.

Judges 6:9-10

Siasino ti makindaga iti pagnanaedan dagiti Israelita?

Agnanaedda iti daga dagiti Amorreo.

Judges 6:11-12

Apay nga ir-iriken ni Gideon ti trigo babaen iti panangibaot iti daga idiay pagpespesan iti ubas?

Ir-iriken ni Gideon ti trigo babaen iti panangibaot daytoy iti daga idiay pagpespesan ti arak tapno ilemmeng daytoy kadagiti Midianita.

Judges 6:13

Ania ti panpanunoten ni Gideon nga inaramid ni Yahweh kadagiti tattao ti Israel?

Impagarup ni Gideon a binaybay-an ni Yahweh ida ken intedna ida iti pannakabalin ti Midian.

Judges 6:14-15

Apay a pinanunot ni Gideon a saanna a maispal ti Israel?

Impagarup ni Gideon a saanna a maispal ti Israel gapu ta ti pamiliana iti kapanglawan idiay Manases, ken isuna ti kanunumoan iti balay ti amana.

Judges 6:16-18

Apay nga inuray ni Yahweh ni Gideon?

Inuray ni Yahweh ni Gideon a mangiyeg kenkuana iti sagut.

Judges 6:19-20

Sadino ti imbaga ti anghel ni Yahweh a pangiparabawan ni Gideon iti karne ken iti tinapay nga awan lebadurana?

Imbaga ti anghel ti Dios nga iparabaw ni Gideon ti karne ken ti awan lebadurana a tinapay iti maysa a bato.

Judges 6:21

Ania ti napasamak idi inggaw-at ti anghel ni Yahweh ti murdong ti sarukod nga adda iti imana?

Idi inggaw-at ti anghel ni Yahweh ti murdong ti sarukod nga adda iti imana, sinagidna ti karne ken ti tinapay nga awan lebadurana; rimuar ti apuy manipud iti bato ket pinuoranna ti karne ken ti tinapay nga awan lebadurana.

Judges 6:22-24

Apay a nagbuteng ni Gideon idi naawatanna a nakitana ti anghel ni Yahweh?

Nagbuteng ni Gideon idi naawatanna a nakitana ti anghel ni Yahweh gapu ta impagarupna a matay isuna.

Judges 6:25-26

Ania ti imbaga ni Yahweh nga ipatakder ni Gideon iti tuktok ti pagkamangan?

Imbaga ni Yahweh kenkuana mangipatakder iti altar iti tuktok ti pagkamangan.

Judges 6:27-29

Apay a rabii ti nangaramidan ni Gideon iti imbaga ni Yahweh kenkuana nga aramidenna?

Inaramid ni Gideon iti rabii saan nga iti aldaw ti imbaga ni Yahweh kenkuana nga aramidenna gapu ta mabuteng unay isuna iti sangkabbalayan ti amana ken kadagiti tattao iti ili.

Judges 6:30

Apay a kayat dagiti tattao iti ili a mapapatay ni Gideon?

Kayat dagiti tattao a mapapatay ni Gideon gapu ta rinebbana ti altar ni Baal ken gapu ta pinutedna ti Asera iti abay daytoy.

Judges 6:31-35

Apay a napanaganan ni Gideon iti “Jeru Baal”?

Naited kenni Gideon ti nagan a “Jerub Baal,” gapu ta kinunana, “Bay-am nga ikanawa ni Baal ti bagina maibusor kenkuana,” gapu ta rinebba ni Gideon ti altarna.

Judges 6:36-37

Ania ti inaramid ni Gideon tapno maduktalanna no ginandat ni Yahweh nga usaren isuna a mangisalakan iti Israel

Nangikabil ni Gideon iti dutdot iti pagir-irikan. Kinunana a no adda laeng linnaaw iti dutdot ket namaga iti amin a daga, maammoanna ngarud nga usaren ni Yahweh isuna a mangisalakan iti Israel.

Judges 6:38

Idi inummong ni Gideon dagiti dutdot ket pinespesna ti linnaaw iti dutdot, kasano kaadu ti danum nga adda sadiay?

Idi inummong ni Gideon dagiti dutdot, ken pinespesna ti linnaaw manipud kadagiti dutdot, adda danum nga umanay a mangpunno iti maysa a mallukong.

Judges 6:39-40

Ania ti maikadua a panangsubok ni Gideon iti Dios?

Ti maikadua a panangsubok ni Gideon iti Dios ket aramiden ti Dios a namaga ti dutdot, ken maadda iti linnaaw iti amin a daga iti aglawlaw daytoy.

Judges 7

Judges 7:2-3

Apay a pinagawid ni Yahweh dagiti managbuteng a soldado?

Pinagawid ni Yahweh dagiti managbuteng a soldado tapno saan nga agpalangguad ti Israel kenni Yahweh a kunada, “Insalakannakami ti bukodmi a pigsa.”

Judges 7:4

Apay nga imbaga ni Yahweh nga isalog ni Gideon dagiti soldado iti danum?

Gapu ta kayat ni Yahweh a kissayan ti bilang dagiti soldado babaen iti panangibaga kenni Gideon no siasino ti kumuyog kenkuana.

Judges 7:5-6

Kasano ti panangibaga ni Yahweh a panangilasin ni Gideon kadagiti soldado?

Imbaga ni Yahweh kenni Gideon nga ilasinna ti tunggal maysa a mangab-ab iti danum, a kas iti panaginum ti aso.

Judges 7:7-8

Mano a soldado ti pinagtalinaed ni Gideon?

Pinagtalinaed ni Gideon ti tallo gasut a soldado ket pinagawidna dagiti dadduma.

Judges 7:9-12

No mabuteng ni Gideon, ania ti mangpatured kenkuana?

No mabuteng ni Gideon, naibaga kenkuana a sumalog isuna iti kampo, ket denggenna ti ibagbagada, ket mapaturedto isuna a mangraut iti kampo.

Judges 7:13-14

Idi ibagbaga ti maysa a lalaki ti tagtagainepna iti kaduana, siasino ti dakdakamaten ti kaduana maipanggep iti tagtagainep?

Idi ibagbaga ti maysa a lalaki ti tagtagainepna iti kaduana, kinuna ti kaduana a maipanggep kenni Gideon ti tagtagainep. Pinagballigi ti Dios isuna iti Midian ken kadagiti amin nga armadada.

Judges 7:15-18

Ania dagiti inted ni Gideon kadagiti tallo gasut a soldadona?

Inikkan ni Gideon amin ida kadagiti trumpeta ken awan naggianna a banga, nga addaan kadagiti pagsilawan iti uneg ti tunggal banga.

Judges 7:19-21

Kaano a pinaguni dagiti soldado ni Gideon dagiti trumpeta ken binurak dagiti banga nga iggemda?

Apaman nga agsuksukat pay laeng dagiti Midianita iti guardia, pinaguni dagiti soldado ni Gideon dagiti trumpeta ken binurakda dagiti banga nga iggemda.

Judges 7:22-23

Ania ti inaramid ni Yahweh idi pinaguni dagiti soldado dagiti tallo gasut a trumpeta?

Ingkabil ni Yahweh ti tunggal kampilan ti Midianita a maibusor iti kaduana ken maibusor kadagiti amin nga armadada.

Judges 7:24-25

Kasano kaadayo ti naguummongan dagiti tattao ti Efraim ken nangbantayanda kadagiti danum?

Naguummong dagiti amin a lallaki ti Efraim ken binantayanda dagiti danum, manipud iti Bet-bara agingga iti Karayan Jordan.

Judges 8

Judges 8:1-3

Apay a nakisinnupiat dagiti lallaki ti Efraim kenni Gideon?

Nakisinnupiat dagiti lallaki ti Efraim kenni Gideon gapu ta saanna nga inayaban ida idi napanna ginubat ti Midian.

Judges 8:4-5

Ania ti kiniddaw ni Gideon kadagiti lallaki ti Succot?

Nagkiddaw ni Gideon kadagiti lallaki ti Succot kadagiti tinapay para kadagiti tattao a sumursurot kenkuana.

Judges 8:6-7

Apay nga imbaga ni Gideon kadagiti lallaki ti Penuel a rebbaenna ti torre?

Imbaga ni Gideon kadagiti lallaki ti Penuel a rebbaenna ti torre gapu ta saanda nga inikkan ti armadana iti tinapay, a kas iti panagkedked dagiti lallaki ti Succot.

Judges 8:8-10

Apay nga imbaga ni Gideon kadagiti lallaki ti Penuel a rebbaenna ti torre?

Imbaga ni Gideon kadagiti lallaki ti Penuel a rebbaenna ti torre gapu ta saanda nga inikkan ti armadana iti tinapay, a kas iti panagkedked dagiti lallaki ti Succot.

Judges 8:11-14

Apay a naparmek ni Gideon ti armada ti kabusor idi limmabas isuna idiay Noba ken Jogbea?

Naparmek ni Gideon ti armada ti kabusor gapu ta saanda a namnamaen ti panangraut.

Judges 8:15-17

Siasino ti impakita ni Gideon kadagiti lallaki ti Succot sakbay a dinusana ida?

Impakita ni Gideon da Zeba ken Salmunna kadagiti lallaki ti Succot sakbay a dinusana ida.

Judges 8:18-19

Ania ti langa dagiti tattao a pinatay da Zeba ken Salmunna idiay Tabor?

Pinatay da Zeba ken Salmunna dagiti kakabsat a lallaki ni Gideon.

Judges 8:20-21

Apay a saan nga inasut ni Jeter ti kampilanna?

Saan nga inasut ni Jeter ti kampilanna ta mabuteng isuna, gapu ta ubing pay laeng isuna.

Judges 8:22-23

Siasino ti kinuna ni Gideon a mangituray kadagiti lallaki ti Israel?

Kinuna ni Gideon a ni Yahweh ti mangituray kadagiti lallaki ti Israel.

Judges 8:24-26

Ania ti kiniddaw ni Gideon kadagiti lallaki ti Israel?

Kiniddaw ni Gideon kadakuada dagiti aritos manipud iti sinamsamda.

Judges 8:27-31

Ania ti nangaramidan ni Gideon kadagiti aritos?

Nangaramid ni Gideon iti efod manipud kadagiti aritos.

Ania ti inaramid ti Israel iti balitok nga efod?

Nagbalangkantis ti Israel babaen iti panagdaydayawda iti daytoy.

Judges 8:32-35

Ania ti napasamak apaman a natay ni Gideon?

Apaman a natay ni Gideon, timmallikud manen dagiti tattao ti Israel ket nagbalangkantisda babaen iti panagdaydayawda kadagiti Baal.

Judges 9

Judges 9:1-2

Siasino ti ama ni Abimelec?

Ni Jerubbaal ti ama ni Abimelec.

Judges 9:3-4

Apay nga immanamong dagiti kabagian ti ina ni Abimelec a sumurot kenkuana?

Immanamongda a sumurot kenni Abimelec, gapu ta kinunada, “Kabsattayo isuna.”

Ania ti nangusaran ni Abimelec kadagiti pitopulo a pidaso a pirak?

Inusar ni Abimelec dagiti pitopulo a pidaso a pirak a pinangtangdanna kadagiti lallaki a nasukir ken darasudos.

Judges 9:5-6

Apay a saan a napapatay ni Jotam?

Saan a napapatay ni Jotam gapu ta naglemmeng isuna.

Judges 9:7-16

Ania nga aldaw a nagsao ni Jotam kadagiti mangidadaulo iti Sikem?

Nagsao ni Jotam kadakuada iti isu met laeng nga aldaw a timmakderda a maibusor iti balay ti amana ken pinatayda dagiti annakna a lallaki, pito pulo a tattao iti rabaw ti maysa a bato.

Judges 9:17-18

Ania nga aldaw a nagsao ni Jotam kadagiti mangidadaulo iti Sikem?

Nagsao ni Jotam kadakuada iti isu met laeng nga aldaw a timmakderda a maibusor iti balay ti amana ken pinatayda dagiti annakna a lallaki, pito pulo a tattao iti rabaw ti maysa a bato.

Judges 9:19-21

No napudno ken nalinteg ti panangsubad dagiti tattao kenni Jerubbaal ken iti balayna, ania ti mapasamak?

No napudno ken nalinteg ti panangsubad dagiti tattao kenni Jerubbaal ken iti balayna, rummuar koma ti apuy kenni Abimelec ket puoranna dagiti lallaki ti Sikem ken ti balay ni Millo. Rummuar koma ti apuy kadagiti lallaki ti Sikem ken Betmillo a mangpuor kenni Abimelec.

Judges 9:22-24

Apay a nangibaon ti Dios iti dakes nga espiritu iti nagbaetan ni Abimelec ken dagiti mangidadaulo iti Sikem?

Nangibaon ti Dios iti dakes nga espiritu iti nagbaetan ni Abimelec ken dagiti mangidadaulo iti Sikem tapno maibales ti kinaranggas a naaramid iti pito pulo nga annak a lallaki ni Jerubbaal.

Judges 9:25-27

Siasino ti pinanggep a saneben dagiti mangidadaulo iti Sikem?

Pinanggep a saneben dagiti mangidadaulo iti Sikem ni Abimelec.

Judges 9:28-29

Siasiso ti nagtarigagay a mangidaulo kadagiti tattao?

Ni Gaal ti nagtarigagay a mangidaulo kadagiti tattao.

Judges 9:30-35

Apay a simged ti unget ni Zebul?

Idi nangngeg ni Zebul dagiti sinao ni Gaal (nga anak ni Ebed), simged ti ungetna.

Apay a nangibaon ni Zebul kadagiti mensahero a mapan kenni Abimelec?

Nangibaon isuna kadagiti mensahero a mapan kenni Abimelec tapno allilawenna isuna.

Judges 9:36-37

Kasano nga inladawan ni Zebul dagiti tattao kadagiti tapaw dagiti turod?

Kinuna ni Zebul nga anniniwan dagitoy kadagiti tapaw dagiti turod.

Judges 9:38-40

Ania ti imbaga ni Zebul nga aramiden ni Gaal?

Imbaga ni Zebul a rummuar ni Gaal ket makiranget kenni Abimelec.

Ania ti napasamak idi nakiranget ni Gaal kenni Abimelec?

Kinamat ni Abimelec ni Gaal ket nagtaray ni Gaal iti sangoanan ni Abimelec ket adu ti napasag kadagiti makapatay a sugsugat iti sangoanan ti pagserkan iti ruangan ti siudad.

Judges 9:41-43

Ania ti napasamak kenni Gaal?

Kinamat ni Abimelec isuna. Pinilit a pinapanaw ni Zebul ni Gaal ken dagiti kabagianna idiay Sikem.

Judges 9:44-45

Ania ti inaramid ni Abimelec kalpasan a masakupna ti siudad?

Rinebba ni Abimelec dagiti pader ti siudad ket winarasanna iti asin ti rabaw daytoy.

Judges 9:46-47

Sadino ti simrekan dagiti mangidadaulo iti torre ti Sikem?

Simrek dagiti mangidadaulo iti torre ti Sikem iti sarikedked iti balay ni El-Berit.

Judges 9:48-51

Kasano a pinatay ni Abimelec dagiti amin a mangidadaulo ken dagiti tattao idiay torre ti Sikem?

Simman-at ni Abimelec idiay Bantay Zalmon, ginabsuonanna kadagiti sanga ti rabaw ti siled iti uneg ti daga, ket pinuoranna ti rabaw daytoy.

Judges 9:52-54

Idi immasideg ni Abimelec iti ruangan ti torre ti Tebes, ania ti napasamak kenkuana?

Idi immasideg ni Abimelec iti ruangan ti torre ti Tebes, tinupakan ti maysa a babai ti ulo ni Abimelec iti akin-ngato a gilingan a bato ket nabuong ti bangabangana.

Apay nga imbaga ni Abimelec iti para-iggem iti armasna nga asutenna ti kampilanna ket patayenna isuna?

Imbaga ni Abimelec iti para-iggem iti armasna nga asutenna ti kampilanna ket patayenna isuna, tapno awanto ti agkuna a pinatay ti maysa a babai ni Abimelec.

Judges 9:55-57

Ania ti lunod ni Jotam?

Ti lunod ni Jotam ket rummuar ti apuy kenni Abimelec ket puoranna dagiti lallaki ti Sikem ken ti balay ni Betmillo, rummuar ti apuy kadagiti lallaki ti Sikem ken Betmillo a mangpuor kenni Abimelec.

Judges 10

Judges 10:1-5

Sadino ti pakasarakan iti Samir?

Ti Samir ket adda iti katurodan a pagilian ti Efraim.

Judges 10:6-7

Apay a nakapungtot ni Yahweh kadagiti tattao ti Israel?

Tinallikudan dagiti tattao ti Israel ni Yahweh ket saanda a nagdaydayaw kenkuana, isu a nakapungtot isuna iti Israel.

Judges 10:8-12

Apay a nalaus ti panagsagaba ti Israel?

Linasat dagiti Ammonita ti Jordan tapno makiranget iti Juda, Benjamin, ken iti balay ni Efraim, iti kasta nalaus a nagsagaba ti Israel.

Judges 10:13-14

Siasino ti imbaga ni Yahweh nga umawagan dagiti tattao ti Israel iti tulong?

Imbaga ni Yahweh kadagiti tatttao nga umawagda kadagiti didiosen a nagdaydayawanda.

Judges 10:15-18

Apay a saan a naibturan ni Yahweh ti panagrigrigat ti Israel?

Tinallikudan ti Israel dagiti ganggannaet a dios a tinagikuada, ket nagdaydayawda kenni Yahweh. Isu a saanna a naibturan ti panagrigrigatda.

Judges 11

Judges 11:1-3

Siasino ti akin anak kenni Jefte?

Anak ti maysa a balangkantis ni Jefte?

Judges 11:4-6

Apay a napan dagiti panglakayen ti Galaad tapno pagsublien ni Jefte idiay Galaad manipud iti daga ti Tob?

Napan dagiti panglakayen ti Galaad tapno pagsublienda ni Jefte manipud iti daga ti Tob, tapno agbalin isuna a mangidaulo.

Judges 11:7-8

Apay nga agsubsubli dagiti panglakayen iti Galaad kenni Jefte?

Agsubsuli dagiti panglakayen iti Galaad kenni Jefte gapu ta addaanda iti pakariribukan.

Judges 11:9-11

No maiyawid manen dagiti panglakayen iti Galaad ni Jefte tapno makiranget kadagiti soldado ti Ammon, ket no pagballigien ida ni Yahweh, anianto ti mapasamak kenni Jefte?

No maiyawid manen dagiti panglakayen iti Galaad ni Jefte tapno makiranget kadagiti soldado ti Ammon, ket no pagballigien ida ni Yahweh, ni Jefte ti mangidaulo kadakuada.

Judges 11:12-16

Apay nga umay piliten dagiti tattao ti Ammon nga alaen ti daga ti Israel?

Immay dagiti tattao ti Ammon tapno pilitenda nga alaen ti daga ti Israel gapu ta idi rimmuar ti Israel iti Egipto, inagawda ti daga iti Ammon.

Judges 11:17-20

Siasino ti saan a mangipalubos a lumabas ti Israel?

Ti ari ti Moab ken ti ari ti Edom ti saan a mangipalubos a lumabas ti Israel.

Apay a saan a simrek ti Israel iti masakupan ti Moab?

Saanda a simrek iti masakupan ti Moab, ta ti Arnon ti beddeng ti Moab.

Judges 11:21-22

Siasino ti nangted iti balligi ti Israel maibusor kenni Sihon?

ni Yahweh a Dios ti Israel, pinagballigina ti Israel maibusor kenni Sihon.

Judges 11:23-28

Kasano kabayag a nagnaed ti Israel idiay Hesbon ken kadagiti bariona, ken idiay Aroer ken kadagiti amin a siudad nga adda iti igid ti Arnon?

Kabayatan ti tallogasut a tawen a panagnaed ti Israel idiay Hesbon ken kadagiti barrio daytoy, idiay Aroer ken kadagiti barrio daytoy, ken kadagiti amin a siudad nga asideg iti igid ti Arnon

Judges 11:29-31

No pagballigien ni Yahweh ni Jefte maibusor kadagiti tattao ti Ammon, ania ti aramiden ni Jefte?

No pagballigien ni Yahweh ni Jefte maibusor kadagiti tattao ti Ammon, idatag ni Jefte a kas daton a maipuor amin ti siasinoman a rumuar kadagiti ridaw ti balayna a sumabat kenkuana.

Judges 11:32-33

Idi linasat ni Jefte dagiti tattao ti Ammon tapno makiranget kadakuada, siasino ti nangpaballigi kenkuana?

Idi linasat ni Jefte dagiti tattao ti Ammon tapno makiranget kadakuada, pinagballigi ni Yahweh isuna.

Judges 11:34-35

Mano ti anak ni Jefte?

Maysa laeng ti anak ni Jefte?

Judges 11:36-37

Ania ti kayat nga aramiden ti anak ni Jefte sakbay nga aramidenna amin a banbanag nga inkarina?

Kayatna a panawan ti amana nga agmaymaysa iti dua a bulan, tapno makapanaw ken sumalog iti katurturodan ket pagladingitanna ti kinabirhenna.

Judges 11:38-40

Ania ti inaramid ni Jefte iti anakna?

Impatungpalna iti anakna ti sigun iti kari nga insapatana.

Judges 12

Judges 12:1-2

Ania ti kayat nga aramiden dagiti tattao ti Efraim iti balay ni Jefte gapu ta saanna nga inayaban ida a kumuyog kenkuana?

Kayat dagiti tattao ti Efraim a puoran ti balay ni Jefte a karaman isuna gapu ta saanna nga inayaban ida a kumuyog kenkuana a makiranget maibusor kadagiti tattao ti Ammon.

Judges 12:3-4

Apay a rinaut dagiti lallaki ti Galaad dagiti lallaki ti Efraim?

Rinaut dagiti lallaki ti Galaad dagiti lallaki ti Efraim gapu ta kinunada, "Dakayo a Galaadita ket dagiti naglibas iti Efraim-iti Efraim ken Manases."

Judges 12:5-15

Kasano a sinubok dagiti lallaki ti Galaad no ti tao ket nagtaud iti Efraim?

Ibagada kenkuana nga ibalikasna ti “Shibboleth.” Ket no kunana a, “Sibboleth,” (ta saanna a maibalikas nga usto ti sao), tiliwen ken papatayen isuna dagiti Galaadita idiay pagballasiwan iti Jordan.

Judges 13

Judges 13:1-2

Apay a saan a naganak ti asawa ni Manoa?

Saan a kabaelan nga agsikog ti asawa ni Manoa ket isu a saan isuna a naganak.

Judges 13:3-5

Apay nga awan iti maisagid a labaha iti ulo ti ubing?

Awan ti labaha a maisagid iti ulona, ta agbalinto a Nazireo iti Dios ti ubing

Judges 13:6-7

Ania ti kalanglanga ti tao ti Dios?

kasla maysa nga anghel ti Dios ti langa ti tao ti Dios.

Judges 13:8-11

Idi immay ti anghel ti Dios iti maikadua a gundaway, siasino ti adda sadiay?

Idi immay ti anghel ti Dios iti maikadua a gundaway, ti asawa laeng ni Manoa ti adda sadiay.

Judges 13:12-14

Maipapan iti ania ti sinaludsod ni Manoa iti anghel?

Sinaludsod ni Manoa iti anghel ti maipapan kadigiti annuroten para iti ubing ken anianto ti agbalin a trabahona.

Judges 13:15-18

No mangisagana ni Manoa iti daton a maipuor amin, siasino ti pangidatonanna iti daytoy?

No mangisagana ni Manoa iti daton a maipuor amin, idatonna daytoy kenni Yahweh.

Judges 13:19-23

Ania ti nakaskadaaw a banag nga inaramid ni Yahweh bayat a buybuyaen ni Manoa ken ti asawana?

Bayat a buybuyaen ni Manoa ken ti asawana, nangpangato ti anghel ni Yahweh iti apuy ti altar.

Judges 13:24-25

Sadino ti nangrugian ti Espiritu ni Yahweh a mangtignay kenni Samson?

Nangrugi a tinignay ti Espiritu ni Yahweh ni Samson idiay Mahane Dan.

Judges 14

Judges 14:1-2

Siasino ni kayat ni Samson nga alaen dagiti nagannakna para kenkuana tapno agbalin nga asawana?

Kayat ni Samson nga alaen dagiti nagannakna ti maysa a babai idiay Timna, maysa kadagiti annak dagiti Filisteo, tapno agbalin nga asawana?

Judges 14:3-4

Apay a kayat ni Samson nga alaen dagiti nagannakna ti babai idiay Timna a kas asawana?

Kayatna nga alaen dagiti nagannakna para kenkuana ti babai idiay Timna a kas asawana, ta no kitaenna isuna, maay-ayo isuna kenkuana.

Judges 14:5-6

Kasano ti panangrangrangkay ni Samson iti leon?

Immay a dagus kenkuana ti Espiritu ni Yahweh, ket rinangrangkayna ti leon.

Judges 14:7-11

Ania ti adda iti bangkay iti leon?

Adda maysa a pangen dagiti ayukan ken diro iti bangkay iti leon.

Judges 14:12-14

Ania iti maala ni Samson no saan a masungbatan dagiti tallopulo nga aggagayyem ti burburtia?

Makaala ni Samson iti tallopulo a lino a kagay ken tallopulo a pagan-anay no saan a masungbatan dagiti tallopulo nga aggagayyem ti burburtiana.

Judges 14:15

Ania ti mapasamak iti asawa ni Samson no saanna a sikapan ti asawana ken ammoem ti sungbat ti burburtia?

No saan a sikapan ti asawana ni Samson ken ammoen ti sungbat ti burburtia, puoran isuna dagiti tallopulo nga aggagayyem ken ti balay ti amana.

Judges 14:16-18

Kasano kabayag ti panagsangsangit ti asawa ni Samson tapno maammoan ti sungbat ti burburtia?

Nagsangsangit isuna kabayatan ti pito nga aldaw a kabayag ti panagrambakda.

Judges 14:19-20

Kasano a nakaala ni Samson iti tallopulo a pagan-anay?

Simmalog ni Samson idiay Askelon ket pinatayna ti tallopulo a lallaki kadagidiay a tattao ket innalana dagiti pagan-anayda.

Judges 15

Judges 15:1-2

Idi napan sarungkaran ni Samson ti asawana, apay a saan a pinalubosan ti ama ti asawana a sumrek?

Impagarup ti ama a kagura ni Samson ti asawana, isu nga inted ti ama isuna iti gayyem ni Samson

Judges 15:3-4

Kasano iti inaramid ni Samson tapno padasenna nga agbalin nga awan basolna maipanggep kadagiti Filisteo idi dinangranna isuda?

Pinadas ni Samson nga agbalin nga awan basolna maipanggep kadagiti Fiisteo idi dangranna ida babaen iti panangtiliwna iti tallogasut nga atap nga aso, ket nangigalut iti aluten kadagitoy, ket imbulosna dagitoy iti ayan dagiti trigo dagiti Filisteo.

Judges 15:5-6

Idi naammoan dagiti Filisteo a pinuoran ni Samson dagiti kataltalonanda, ania ti inaramidda?

Idi naibaga kadagiti Filisteo a pinuoran ni Samson dagiti kataltalonanda, pinuoranda ti asawana ken ti ama ti asawana

Judges 15:7-8

Apay a pinutedputed ni Samson a pinidaso dagiti Filisteo iti patong ken iti luppo, babaen iti nakaro a panangpapatay?

Pinutedputed ni Samson a pinidaso dagiti Filisteo iti patong ken iti luppo, babaen iti nakaro a panangpapatay tapno agibales kadakuada gapu iti panangpatayda iti aswana ken iti ama ti asawana.

Judges 15:9-11

Apay a simang-at dagiti Filisteo a manggubat iti Juda?

Simmang-at dagiti Filisteo a manggubat iti Juda tapno bareng matiliwda ni Samson, ken bareng maaramidda ti kas iti inaramidna kadakuada.

Judges 15:12-14

Idi napan dagiti lallaki iti Juda tapno reppetenda ni Samson, ania iti kiniddawna kadakuada a sapata?

Idi napan dagiti lallaki iti Juda tapno reppetenda ni Samson, pinagsapatana ida a saanda isuna a papatayen.

Judges 15:15-16

Ania iti inaramat ni Samson a panangpatay kadagiti sangaribu a lallaki?

Pinapatay ni Samson dagiti sangaribu a lallaki babaen iti maysa a sadiwa sangi a tulang iti asno.

Judges 15:17-18

Kalpasan a napapatay ni Samson dagiti sangaribu a lallaki babaen iti sadiwa a sangi a tulang iti asno, kasano a pinanunot ni Samson a mabalin a matay?

Kalpasan a pinapapatay ni Samson dagiti sangaribu a lallaki babbaen iti sadiwa a sangi a tulang iti asno, pagarupenna a matay isuna babaen iti pannakauwaw.

Judges 15:19-20

Kasano a nakaala ni Samson iti danum?

Inungap ti Dios ti lungog a lugar idiay Lehi, ket rimmuar iti danum

Judges 16

Judges 16:1-3

Kaano a pinanggep dagiti Gazita a papatayen ni Samson?

Pinanggep dagiti Gazita a papatayen ni Samson iti lumawag

Kasano a nakalibas ni Samson iti Gaza?

Iniggaman ni Samson ti ruangan ti siudad ken dagiti dua a poste daytoy. Pinarutna ida, ti bangen ken amin.

Judges 16:4-7

No maallilaw ni Delila ni Samson, ania ti rumbeng nga ited kenkuana dagiti mangiturturay kadagiti Filisteo?

No maallilaw ni Delila ni Samson, mangted kenkuana ti tunggal mangiturturay kadagiti Filisteo iti 1,100 a pidaso ti pirak.

Judges 16:8-9

Idi imbaga ni Delila kenni Samson nga adda kenkuana dagiti Filisteo, ania iti inaramidna kadagiti lapnit a bai ti pana a naigalut kenkuana?

Idi imbaga ni Delila kenni Samson nga adda dagiti Filisteo, pinugsatna dagiti lapnit a bai ti pana.

Judges 16:10-14

Idi pinugsat ni Samson dagiti tali kadagiti imana, sadino ti nagyanan dagiti agur-uray lallaki?

Adda iti akin-uneg a siled dagiti agur-uray a lallaki, idi pugsaten ni Samson dagiti tali kadagiti imana

Judges 16:15-16

Kasano a rinengreng ni Delila ni Samson?

rinengrengna ngarud iti nakaru a pananggpilit nga uray la tarigagayan ni Samson ti matay.

Judges 16:17

Apay a saan a pulos a napukisan ti buok iti ulo ni Samson?

Saan a pulos a napukisan ti buok iti ulo ni Samson, gapu ta isuna ket maysa a Nasireo a maipaay iti Dios manipud iti aanakan ni inana.

Judges 16:18-19

Kasano a nairugi ti kabaelan ni Delila a mangparukma kenni Samson?

dagiti napunggos kadagiti ulona, ta pinanawan isuna ti pigsana.

Judges 16:20-22

Ania a trabaho iti impaaramid dagiti Filisteo kenni Samson?

Pinagpatayyek dagiti Filisteo ni Samson iti gilingan a bato idiay pagbaludan.

Judges 16:23-24

Apay a naguornong dagiti mangiturturay kadagiti Filisteo tapno mangidatonda iti didiosenda a ni dagon?

Naguornong dagiti mangiturturay kadagiti Filisteo tapno mangidatonda iti dakkel a sakrifisio iti diosda a ni Dagon, kunkunada, “Inabak ti diostayo ni Samson.”

Judges 16:25-27

Siasino ti nangtulong kenni Samson a nangsagid kadagiti adigi a nakaisaadan ti pasdek?

Ti ubing a lalaki ti nangtulong kenni Samson a nangsagid kadagiti adigi a nakaisaadan ti pasdek.

Judges 16:28-29

Apay a kayat ni Samson a papigsaen isuna ti Dios?

Kayat ni Samson a papigsaen isuna ti Dios tapno maminpinsan a makaibalis isuna kadagiti Filisteo gapu iti panangikkatda kadagiti dua a matana.

Judges 16:30-31

Kasano kaadu iti napapatay ni Samson idi narba ti pasdek?

Ad-adu iti napapatay ni Samson ngem kadagidiay napapatayna bayat iti panagbiagna.

Judges 17

Judges 17:1-2

Ania ti tinakaw ni Mica iti inana?

Tinakaw ni Mica ti 1,100 a pidaso iti pirak

Judges 17:3-4

Pangipaayan ti ina ni Mica ti inlasina a pirak?

Inlasinna ti pirak nga agpaay kenni Yahweh, a para iti anakna tapno aramidenna a ladawan a kinitikitan ken nasukog a ladawan a landok.

Judges 17:5-6

Nangidatonan ni Mica iti maysa kadagiti annakna?

Indatonna ti maysa kadagiti annakna nga agbalin a padina.

Judges 17:7-9

Apay a pinanawan ti Levita ti Betlehem?

Pinanawan ti Levita ti Betlehem tapno mapan agsapul iti lugar a pagnaedanna.

Judges 17:10-11

Ania ti dinawat ni Mica iti Levita tapno makipagnaed kenkuana?

Dinawat ni Mica iti Levita a makipagnaed isuna kenkuana ken agbalin a maysa a mammagbagana ken maysa a padina.

Judges 17:12-13

Apay a pinanunot ni Mica a mangaramid ni Yahweh kenkuana iti naimbag?

Pinanunot ni Mica a mangaramid ni Yahweh iti naimbag kenkuana gapu ta nagbalin ti Levita a padina.

Judges 18

Judges 18:1-4

Apay a nagsapul dagiti tribu ti Dan iti sakupenda a pagnaedan?

Nagsapul ti tribu ti Dan iti sakupenda a pagnaedan, gapu ta iti dayta nga aldaw ket saanda pay a naawat ti aniaman a tawid manipud kadagiti tribu ti Israel.

Judges 18:5-8

Ania iti kayat dagiti tribu a dawaten ti Levita?

Kayat dagiti tribu ti Dan a dumawat ti Levita ti pammagbaga ti Dios.

Judges 18:9-12

Ania iti kayat dagiti lima a lallaki manipud Dan nga aramidenda iti daga ti Lais?

Kayat dagiti lima a lallaki manipud Dan a sakupen ti daga.

Judges 18:13-16

Ania iti imbaga dagiti lima a lallaki nga adda kadagiti balbalay iti Lais?

Kinuna dagiti lima a lallaki nga iti balbalay ti Lais ket addaan Efod, dagiti didiosen iti balay, maysa a ladawan kinitikitan, ken ladawan a sinukog a landok.

Judges 18:17-23

Siasino ti nangala iti ladawan a kinitikitan?

Dagiti lima a lallaki a nagsiim iti daga ti napan idiay ket innalada ti ladawan a kinitikitan.

Judges 18:24-26

Apay a nagpungtot ni Mica?

Nagpungtot ni Mica gapu ta tinakaw dagiti Danita ti inaramidna a didiosen, innalada ti padi, kert pimmanawda.

Kaano a nagbaw-ing ni Mica ken nagsubli iti balayna?

Idi nakita ni Mica a napigsada unay ngem isuna, nagbaw-ing isuna ket nagsubli iti balayna.

Judges 18:27-29

Apay nga awan iti tao a nangispal kadagiti tattao iti Lais?

Awan iti tao a nangispal kadagiti tattao gapu ta adayu unay manipud Sidon, ken awan iti panakilangenlangenda iti siasinoman.

Judges 18:30-31

Siasino idi ti padi para iti tribu dagiti annak ti Dan?

Ni Jonatan nga anak ni Gerson (anak ni Moises), isuna ken dagiti annakna dagiti papadi iti tribu dagiti annak ti Dan agingga iti aldaw a pannakasakup ti daga.

Judges 19

Judges 19:1-2

Sadino ti pagnanaedan ti Levita?

Makipagnanaed ti Levita iti kasusulinekan a disso iti katurturodan a pagilian ti Efraim.

Judges 19:3-4

Sadino ti nangipanan ti kabbalay ti Levita kenkuana?

Impan ti kabbalay ti Levita iti balay ti amana.

Judges 19:5-6

Uray no pinangngep ti Levita nga agawid, ania ti kayat nga aramiden ti katuganganna kenkuana nga aramidenna?

Kayat ti katuganganna a lalaki nga agtalinaed pay laeng isuna ken umian idiay.

Judges 19:7-8

Ania ti inaramid ti Levita maipapan iti panggepna a masapa a pumanaw ken agawid?

Binaliwanna ti panggepna ket pinalabasna ti rabii a kaduana ti katuganganna.

Judges 19:9

Ania ti kiniddaw kenkuana ti katugangan a lalaki ti Levita nga aramidenna manen iti maikalima nga aldaw?

Kiniddaw ti katuganganna nga agtalinaed isuna iti maysa pay a rabii ket agragsakda.

Judges 19:10-13

Apay a saan a kayat ti Levita a palabsen ti rabii idiay Jebus?

Saan a kayat ti Levita nga agdagus iti siudad dagiti ganggannaet.

Judges 19:14-15

Apay a nagtugaw ti Levita ken ti adipenna iti plasa ti siudad?

Nagtugawda iti plasa ti siudad gapu ta awan ti nangawis kadakuada nga ummian iti balayna iti dayta a rabii.

Judges 19:16-17

Ania a tribu ti nagtaudan dagiti tattao nga agnanaed idiay Gabaa?

Dagiti tattao nga agnanaed idiay Gabaa ket dagiti Benjaminita.

Judges 19:18-21

Ania ti imballaag ti lakay iti Levita a saanna nga aramiden?

Binallaagan ti lakay ti Levita a saan nga agpalabas iti rabii iti plasa.

Judges 19:22-23

Apay a kayat dagiti nadangkes a lallaki iti siudad nga irruar ti lakay ti lalaki nga immian iti balayna?

Kayat dagiti nadangkes a lallaki iti siudad nga irruar ti lakay ti lalaki nga immian iti balayna, tapno kaiddaenda isuna.

Judges 19:24-26

Siasino ti indiaya ti lakay kadagiti nadangkes a lallaki a kasukat ti Levita?

Indiaya ti lakay kadakuada ti birhen nga anakna ken ti kabbalay ti Levita.

Ania ti napasamak iti parbangon?

Iti parbangon, pinalubosan dagiti nadangkes a lallaki ti kabbalay. Dimteng isuna ket napasag iti ruangan ti balay ti lalaki nga ayan ti apona, ket nakadasay isuna sadiay agingga iti bigat.

Judges 19:27-28

Ania ti inaramid ti Levita idi saan a simmungbat ti kabbalayna kenkuana?

Idi saan a simmungbat ti kabbalay ti Levita kenkuana, insakayna isuna iti asno, ket nagawid ti lalaki.

Judges 19:29-30

Ania ti inaramid ti Levita iti bagi ti kabbalayna?

Pinutedputed ti Levita isuna, sinuopsuopna iti sangapulo ket dua a pidaso, ket impatulodna dagiti pidaso iti sadinoman iti entero nga Israel.

Judges 20

Judges 20:1-4

Siasino dagiti nagmaymaysa a naguummong iti imatang ni Yahweh idiay Mizpa?

Nagmaymaysa a naguummong iti sangoanan ni Yahweh idiay Mizpa dagiti amin a tattao manipud idiay Dan agingga idiay Beerseba, a pakairamanan ti daga ti Galaad.

Judges 20:5-7

Ania ti kinuna ti Levita nga inaramid dagiti kakabagian ti Gabaa kenkuana?

Kinuna ti Levita a dinarup isuna dagiti kakabagian ti Gabaa, linawlawda ti balay a nagdagusanna ken gandatda a papatayen isuna.

Judges 20:8-12

Kasano a darupen dagiti tattao ti Israel ti Gabaa?

Darupenda ti Gabaa kas iti iturturong ti binnunot kadakuada.

Judges 20:13

Apay a kinuna dagiti tribu ti Israel kadagiti Benjaminita nga iyawatda dagidiay a nadangkes a lallaki ti Gabaa?

Imbaga dagiti tribu ti Israel kadagiti Benjaminita nga iyawatda kadakuada dagidiay a nadangkes a lallaki ti Gabaa, tapno mapapatay ida dagiti tribu, ken tapno naan-anay a maikkatda daytoy a kinadakes iti Israel.

Judges 20:14-15

Apay a nagmaymaysa a rimmuar dagiti tattao ti Benjamin manipud kadagiti siudad ti Gabaa?

Nagmaymaysa a rimmuar dagiti tattao ti Benjamin manipud kadagiti siudad ti Gabaa tapno agsaganada a makigubat kadagiti tattao ti Israel.

Judges 20:16-17

Ania ti naisangsangayan a kababalin dagiti pito gasut a napili a lallaki?

Pasig a kattigid dagiti pito gasut a napili a lallaki; tunggal maysa kadakuada ket kabaelanna a pallatibongan ti maysa a buok a saan nga agmintis.

Judges 20:18-25

Apay a ti Juda ti immuna a nangdarup kadagiti Benjaminita?

Nakiuman dagiti tattao iti Dios, ket kinuna ni Yahweh, "Umuna a dumarup ti Juda."

Judges 20:26

Kalpasan a pinatay dagiti Benjaminita ti adu a soldado ti Israel, ania ti inaramid dagiti soldado ti Israel?

Kalpasan a pinatay dagiti Benjaminita ti adu a soldado ti Israel, nagsangit dagiti soldado ti Israel iti imatang ni Yahweh agingga iti rabii.

Judges 20:27-31

Kasano a nagsaludsod dagiti tattao ti Israel kenni Yahweh?

Nagsaludsod dagiti tattao ti Israel kenni Yahweh babaen iti panangusarda iti lakasa ti tulag ti Dios nga adda sadiay kadagidiay nga aldaw.

Judges 20:32-35

Idi immadayo dagiti soldado ti Israel manipud iti siudad agingga kadagiti kalsada, ania ti pinanunot dagiti Benjaminita?

Idi immadayo dagiti soldado ti Israel manipud iti siudad agingga kadagiti kalsada, pinanunot dagiti tattao ti Benjamin nga itartarayan ida dagiti soldado ti Israel.

Judges 20:36-37

Apay nga intarayan dagiti lallaki ti Israel dagiti Benjaminita?

Intarayan dagiti lallaki ti Israel dagiti Benjaminita gapu ta mangnamnamada kadagiti lallaki a pinagpuestoda kadagiti nalimed a pagpuestoan iti ruar ti Gabaa.

Judges 20:38-41

Ania ti pagilasinan a nagtulagan dagiti soldado ti Israel ken dagiti lallaki nga aglemlemmeng?

Ti nagtulagan a pagilasinan dagiti soldado ti Israel ken dagiti lallaki nga aglemlemmeng ket adda asuk nga agpangato manipud iti siudad.

Judges 20:42-46

Apay a saan a makalibas dagiti lallaki ti Benjamin?

Intarayan dagiti lallaki ti Benjamin dagiti soldado ti Israel, naglibasda iti dalan a mapan idiay let-ang, ngem kinamat ida ti pannakigubat.

Judges 20:47-48

Mano a soldado ti Benjamin ti nagkurba ken naglibas a napan idiay let-ang?

Innem a gasut a lallaki ti nagkurba ken naglibas a nagturong idiay let-ang.

Judges 21

Judges 21:1-4

Apay a madanagan dagiti lallaki ti Israel a mapukaw ti maysa kadagiti tribuda?

Madanagan dagiti lallaki ti Israel a maysa kadagiti tribuda ti mapukaw gapu ta inkarida a saanda nga ited dagiti annakda a makiasawa kadagiti Benjaminita.

Judges 21:5-7

Siasino ti awan duadua a mapapatay?

Awan duadua a mapapatay ti siasinoman a saan nga immay kenni Yahweh idiay Mizpa.

Judges 21:8-10

Siasino kadagiti tribu ti Israel ti saan a napan kenni Yahweh idiay Mizpa?

Saan a napan ti Jabes Galaad kenni Yahweh idiay Mizpa.

Judges 21:11-13

Siasino dagiti innala dagiti lallaki manipud kadagiti agnanaed idiay Jabes Galaad?

Innala dagiti lallaki ti uppat a gasut a babbalasang manipud kadagiti agnanaed idiay Jabes Galaad a saan pulos a nakikaidda iti lallaki.

Judges 21:14-18

Ania ti parikut idi nagsubli dagiti Benjaminita iti dayta a tiempo ken naited kadakuada dagiti babbai a taga-Jabes Galaad?

Idi nagsubli dagiti Benjaminita iti dayta a tiempo ken naited kadakuada dagiti babbai a taga-Jabes Galaad, awan ti umunay a babbai para kadakuada amin.

Judges 21:19-20

Sadino ti ayan ti Silo?

Ti Silo ket adda iti amianan ti Betel, dayaen ti kalsada a sumang-at idiay Sikem manipud idiay Betel, ken abagatan ti Lebona.

Judges 21:21

Kaano a nagdardaras a rimmuar dagiti Benjaminita kadagiti kaubasan ket nangiguyod ti tunggal maysa kadakuada iti babai nga asawaenna manipud kadagiti babbai ti Silo?

Idi rimmuar dagiti babbai manipud Silo tapno agsalada, tunggal maysa kadagiti Benjaminita ket nagdardaras a rimmuar manipud kadagiti kaubasan ken nanggammat iti asawaenna kadagiti babbai a taga-Silo.

Judges 21:22-24

Ania a palusot ti ibaga dagiti lallaki ti Israel kadagiti lallaki ti Silo maipanggep kadagiti babbai?

Ibaganto dagiti lallaki ti Israel kadagiti lallaki ti Silo a palubosanda dagiti babbai nga agtalinaed gapu ta saan a nakaala dagiti lallaki ti Israel kadagiti asawaenda kabayatan ti gubat.

Judges 21:25

Kasano a nagbibiag ti tunggal maysa?

Inaramid ti tunggal maysa ti nasayaat kadagiti bukodna a mata.