Lamentations
Lamentations 1
Lamentations 1:1-2
Ania ti nagbalinan iti siudad ti Jerusalem uray no maysa idi daytoy a nabileg a nasion?
Ti siudad ket nagbalin a kasla balo a babai.
Lamentations 1:3
Ania ti saan a masarakan ti Juda uray no makipagnanaed daytoy kadagiti nasion?
Saan a makasarak ti Juda iti inana uray no makipagnanaed daytoy kadagiti nasion.
Lamentations 1:4-5
Apay a pinarigat ni Yahweh ti siudad ti Jerusalem?
Pinarigat ni Yahweh ti siudad ti Jerusalem gapu kadagiti adu a basol daytoy.
Lamentations 1:6
Ania ti pimmanaw iti anak a babai ti Sion?
Pimmanaw ti kinapintas iti anak a babai ti Sion.
Lamentations 1:7-9
Ania dagiti adda iti Jerusalem kadagiti napalabas nga al-aldaw a malaglagipnan ita?
Malaglagip ti Jerusalem dagiti amin a napateg a gamengna nga adda kenkuana kadagiti napalabas nga al-aldaw.
Lamentations 1:10
Ania ti nakita ti Jerusalem a sumsumrek iti santuariona uray no imbilin ni Yahweh a masapul a saanda a sumsumrek?
Nakita ti Jerusalem dagiti nasion a sumsumrek iti santuariona.
Lamentations 1:11-12
Ania ti ar-aramiden dagiti tattao kabayatan nga agsapsapulda iti tinapay?
Agas-asug dagiti tattao bayat iti panagsapsapulda iti tinapay.
Lamentations 1:13-14
Ania ti napukaw gapu iti sangol dagiti nagkurangan ti Jerusalem a naigalut ken naikabil iti tengngedna?
Napukaw ti pigsa ti Jerusalem gapu iti sangol dagiti nagkuranganna a naikabil iti tengngedna.
Lamentations 1:15
Ania iti nakaiyarigan iti panangpayatpayat ti Apo iti anak a babai ti Juda?
Impayatpayat ti Apo ti birhen nga anak a babai ti Juda a naiyarig kadagiti ubas iti pagpespesan.
Lamentations 1:16-17
Apay nga agwalang-walang dagiti annak ti Jerusalem?
Agwalang-walang dagiti annak ti Jerusalem gapu ta nagballigi ti kabusor.
Lamentations 1:18-19
Siasino dagiti nabalud gapu ta nagsukir ti Jerusalem iti bilin ni Yahweh?
Dagiti birhen ken mamaingel a tattao ti Jerusalem ket nabalud.
Siasino ti nagpukaw iti siudad kabayatan nga agsapsapulda iti taraon tapno agbiagda?
Nagpukaw iti siudad dagiti padi ken panglakayen ti Jerusalem.
Lamentations 1:20
Ania ti naburak iti Jerusalem gapu ta nagrebelde isuna iti nakaro?
Naburak ti puso ti Jerusalem.
Lamentations 1:21-22
Ania ti ar-aramiden dagiti kabusor ti Jerusalem no mangngegda ti panagrigrigat ti Jerusalem?
Agragragsak dagiti kabusor ti Jerusalem.
Ania ti kidkiddawen ti Jerusalem kenni Yahweh nga aramidenna kadagiti kabusorna kas um-umay dagitoy kenni Yahweh?
Kidkiddawen ti Jerusalem kenni Yahweh a dusaenna koma dagiti kabusorna a kas iti panangdusa ni Yahweh kenkuana gapu kadagiti amin a nagkuranganna.
Lamentations 2
Lamentations 2:1-2
Kasano nga impakita ti Apo ti ungetna gapu iti panagrebelde ni Jeremias?
Inikkatna ti kinapintas ti Israel, saanna a kinaasian dagiti ili ni Jacob, ken rinebbana dagiti nasarikedkedan a siudad ti Juda.
Lamentations 2:3-4
Ania ti nagbanagan iti unget ti Apo iti Israel ken Sion?
Inikkat ti Apo ti amin a bileg ti Israel ken imbukbokna ti punngtotna iti Sion.
Lamentations 2:5-6
Kasano a naipakita ti unget ti Apo?
Nagbalin a kasla kabusor ni Yahweh, dinadaelna ti palasio ken dagiti tabernakulo, ken linalaisna ti ari ken ti padi.
Lamentations 2:7
Apay a marikna ti kabusor a nagballigi isuna?
Marikriknana a nagballigi isuna gapu ta linaksid ti Apo ti altarna ken inyawat ti Apo kadakuada dagiti pader ti palasio.
Lamentations 2:8-9
Ania ti napasamak kadagiti ruangan ken balunet ti Sion?
Limned dagiti ruanganna iti daga, ken dinadael ni Yahweh dagiti balunet ti ruanganna.
Lamentations 2:10
Kasano ti panangipakita dagiti panglakayen ken dagiti birhen nga agladladingitda?
Agtutugaw dagiti panglakayen iti daga, warakiwakanda dagiti uloda iti tapok kabayatan a nakakawesda iti nakirsang a lupot. Idumog dagiti birhen dagiti uloda iti daga.
Lamentations 2:11-14
Apay nga agun-unnoy ni Jeremias?
Gapu ta awan iti kanen ken inumen dagiti tattaona.
Lamentations 2:15-17
Ania ti ar-aramiden dagiti manglalais kabayatan a lumablabasda iti siudad?
Agpalakpak, agsakuntip ken angwingiwingda, agsagaiwsiw ken pagngaretngetenda dagiti ngipenda.
Lamentations 2:18-19
Kasano ti panangipakita dagiti tattao iti panagbabawida?
Umawagda iti Apo ken itag-ayda dagiti imada kenkuana gapu kadagiti annakda.
Lamentations 2:20
Apay a kidkiddawenda ti asi ni Yahweh?
Gapu ta nakaro ti inaramid ni Yahweh kadakuada, mabisbisida, ken maseknanda kadagiti padida a mapappapatay.
Lamentations 2:21-22
Kasano ti panangiladawan ni Jeremias iti aldaw ti pungtot ni Yahweh?
Iti aldaw ti pungtot ni Yahweh, pinatay ni Yahweh dagiti ubbing ken lallakay, awan ti nakalasat, ken saan isuna a naasi.
Lamentations 3
Lamentations 3:1-4
Ania ti ibagbaga ti mannurat nga inaramid ni Yahweh kenkuana?
Tinallikudan isuna ni Yahweh, ken inaldaw a dusdusaen isuna ni Yahweh.
Lamentations 3:5-8
Ania ti ibagbaga ti mannurat a binangon ni Yahweh iti aglawlawna tapno saan isuna a makalibas?
Ibagbagana a nangbangon ni Yahweh iti pader iti aglawlawna tapno saan isuna a makalibas.
Lamentations 3:9-11
Ania nga ayup ti nangiyarigan ti mannurat kenni Yahweh a nakasagana a mangkemmeg kenkuana?
Iyar-arig ti mannurat ni Yahweh iti maysa nga oso a nakasagana a mangkemmeg kenkuana.
Lamentations 3:12-15
Ania ti nagbalinan ti mannurat kadagiti tattaona?
Ti mannurat ket nagbalin a pagkakatawaan kadagiti amin a tattaona.
Lamentations 3:16-18
Ania ti saanen a malagip ti mannurat agsipud ta inikkaten ni Yahweh ti talna iti biagna?
Kuna ti mannurat a awanen malagipna a kinaragsak.
Lamentations 3:19-21
Ania ti rikna ti mannurat kabayatan a malaglagipna ti panagrigrigatna?
Aglusdoy ti mannurat tunggal malagipna ti pannakaparigatna.
Lamentations 3:22-24
Ania ti ibagbaga ti mannurat a binigat a bumaro?
Ibagbagana a binigat a bumaro ti kinamanangaasi ni Yahweh.
Lamentations 3:25-29
Anianto ti aramiden ni Yahweh kadagiti mangur-uray kenkuana ken kadagiti siuulimek a manguray iti panangisalakanna?
Nasayaat ni Yahweh kadagiti mangur-uray kenkuana, ken kadagiti siuulimek a mangur-uray iti panangisalakanna.
Kasano ti rumbeng a panagtugaw ti maysa a tao gapu ta isu ti impaay ni Yahweh kenkuana?
Agtugaw koma isuna a agmaymaysa ken siuulimek gapu ta isu ti impaay ni Yahweh kenkuana.
Lamentations 3:30-36
Ania ti ipakpakita ni Yahweh, uray no mangiyeyeg isuna iti ladingit?
Ipakpakita ni Yahweh ti asina uray no mangiyeyeg isuna iti ladingit.
Ania ti rikna ni Yahweh tunggal marigrigatan dagiti tattao?
Saan a pagaayat ni Yahweh a mangparparigat kadagiti annak dagiti tattao.
Lamentations 3:37-39
Ania dagiti dua a banag a rummuar iti ngiwat ti Kangangatoan?
Umadda ti didigra ken balligi babaen iti ngiwat ti Kangatoan.
Lamentations 3:40-43
Ania ti rumbeng nga itag-ay dagiti tattao iti Dios nga adda sadi langit tunggal sukimatenda dagiti wagasda ket agsublida kenni Yahweh?
Itag-ayda koma dagiti puspuso ken im-imada iti Dios nga adda sadi langit.
Ania ti rumbeng nga aklunen dagiti tattao nga inaramidda a maibusor kenni Yahweh kabayatan ti panagkararagda?
Rumbeng nga aklunenda a linabsingda ken sinukirda ni Yahweh.
Lamentations 3:44-47
Ania ti ibagbaga ti mannurat a pinangpabalinan kenkuana ni Yahweh iti imatang dagiti tattao?
Pinagbalin ida ni Yahweh a kasla basura ken awan serserbina kadagiti tattao. (Lam 3:45)
Lamentations 3:48-50
Kasano ti panangiladawan ti mannurat kadagiti lua nga agarubos manipud kadagiti matana?
Dagiti luana ket kasla danum nga agayus manipud kadagiti matana. (Lam 3:48)
Lamentations 3:51-54
Ania ti ibagbaga ti mannurat kabayatan ti panangan-anup ken panangdaddadael dagiti kabusorna iti biagna babaen iti bubon ken panangikabil dagitoy iti bato iti ngatoenna?
Kunana, “Kanibusanakon!” (Lam3:52)
Lamentations 3:55-57
Ania ti imbaga ni Yahweh iti mannurat idi immawag daytoy iti nagan ni Yahweh ket dinawat daytoy nga ipangag ni Yahweh isuna?
Kinuna ni Yahweh kenkuana, “Dika agbuteng!” (Lam3:5)
Lamentations 3:58-61
Kasano a panangukom ti kiniddaw ti mannurat a panangukom ni Yahweh iti kasona?
Kiniddawna a sililinteg nga ukomen ni Yahweh ti kasona.
Lamentations 3:62-63
Iti panagtugaw man wenno iti panagtakder dagiti kabusor ti mannurat, kasano ida a dakamaten ti mannurat?
Dakdakamatenda ti mannurat kadagiti kankantada a panglais. (Lam3:63)
Lamentations 3:64-66
Ania ti dawdawaten ti mannurat nga aramiden ni Yahweh kadagiti kabusorna?
Dawdawaten ti mannurat a balsen ida ni Yahweh a kas iti inaramid dagitoy kenkuana. (Lam3:64)
Lamentations 4
Lamentations 4:1
Ania ti nagbalinan ti balitok ken nasagradoan a batbato?
Saanen a narimat ti balitok; nagbaliwen ti kapupuroan a balitok ken naibukboken dagiti nasagradoan a batbato iti nagsasabatan dagiti kalsada.
Lamentations 4:2
Kasanon ti kinapateg dagiti lallaki nga annak ti Sion?
Napateg unay idi dagiti annak ti Sion, napatpateg ngem iti puro a balitok. Ngem itan ket arigda laengen ti banga nga inaramid ti maysa a dumadamili.
Lamentations 4:3
Ania ti ar-aramiden dagiti babbai nga annak dagiti tattaona?
Narangasda a maiyarigda iti abestrus iti disierto.
Lamentations 4:4
Ania ti mapaspasamak kadagiti dila dagiti maladaga ken ania ti dawdawatenda?
Dumket ti dila ti agsuso nga ubing iti ngangawna gapu iti pannakawawna, dumawat dagiti ubbing iti tinapay.
Lamentations 4:5
Ania ti napasamak kadagiti sigud a mangmangan iti agkakangina a taraon ken kadagiti agkawkawes iti nalabbaga a pagan-anay?
Dagiti tattao a sigud a mangmangan iti agkakangina a taraon ket nabaybay-anen, mabisbisinanen kadagiti kalsada; dagiti sigud a mangikawkawes iti nalabbaga a pagan-anay ket addan ita iti tuktok dagiti gabsuon dagiti basura.
Lamentations 4:6
Kasano kadakkel ti nagkurangan dagiti babbai nga annak dagiti tattaona?
Ti nagkurangan dagiti babbai nga annakda ket nalablabes ngem iti basol ti Sodoma.
Lamentations 4:7-8
Ania idi ti kasasaad dagiti mangidadaulo kenkuana, ken anian ti kasasaadda ita?
Dagiti turayna ket sigud a maiyarig iti niebe ken kas kapudaw iti gatas. Nalablabbaga ti bagbagida ngem iti napintas a rubi iti baybay; kasla sapiro ti sukogda. Pinangisiten ita ti kasipngetan dagiti langada, ket narigatdan a mabigbig kadagiti kalkalsada, ta dimketen dagiti kudilda kadagiti tultulangda.
Lamentations 4:9
Ania ti ibagbaga ni Jeremias maipapan kadagiti natay babaen iti bisin no maidilig kadagiti napapatay babaen iti kampilan?
Kuna ni Jeremias a nasaysayaat dagiti napapatay babaen iti kampilan ngem kadagiti natay babaen iti bisin.
Lamentations 4:10
Anian ti ar-aramiden dagiti managayat a babbai idi kadagiti annakda?
Inluto dagiti naasi a babbai dagiti bukodda nga annak ket nagbalin dagitoy a taraonda.
Lamentations 4:11
Kasano a pinennek ni Yahweh ti pungtotna?
Pinennek ni Yahweh ti pungtotna idi imbukbokna ti umap-apuy nga ungetna; kasla nangpasged isuna idiay Sion ket inkisap daytoy dagiti pundasionna.
Lamentations 4:12
Ania ti saan a patien dagiti ari ken dagiti tattao a mapasamak iti Jerusalem?
Saanda patien nga adda makastrek a kabusor kadagiti ruangan ti Jerusalem.
Lamentations 4:13
Ania ti inaramid ti kabusor gapu kadagiti basol dagiti profeta ken dagiti papadi?
Nakastrek dagiti kabusor kadagiti ruangan ti Jerusalem.
Lamentations 4:14
Ania ti napasamak kadagiti profeta ken kadagiti papadi?
Nagalla-allan dagidiay a profeta a kas kadagiti bulsek iti kalkalsada ken natulawandan babaen iti dayta a dara isu nga awan ti makabael a mangsagid kadagiti kawesda.
Lamentations 4:15
Sadino ti napnapanan dagiti profeta ken papadi?
Nagalla-allada kadagiti dadduma a dagdaga, ket uray dagiti Hentil ket kunkunada a saanen a makapagnaed dagiti profeta ken papadi sadiay.
Lamentations 4:16
Ania ti inaramid ni Yahweh kadagiti profeta ken papadi?
Inwarawara ni Yahweh dagiti profeta ken dagiti papadi ken saanna idan a kakaasian.
Kasano ti pannangawat dagiti tattao kadagiti papadi ken kasanoda nga inawat dagiti panglakayen?
Saanen a mararaem dagiti papadi ken saan metten a kailalaan dagiti tattao dagiti panglakayen.
Lamentations 4:17
Ania dagiti napaay a nangsapsapul iti tulong?
Dagiti matada ti kanayon a mapaay a makasarak iti tulong.
Lamentations 4:18
Ania ti inaramid dagiti kabusor kadakuada?
Inan-anup dagitoy dagiti tugotda kadagiti kalkalsada.
Ania ti imbaga dagiti tattao maipapan iti kanibusananda?
Kinunada nga asidegen ti kanibusananda, mabilbilangen dagiti al-aldawda, ta dimtengen ti panungpalanda.
Lamentations 4:19
Kasano nga inladawan dagiti tattao dagiti mangan-anup kadakuada, ken ania met ti ar-aramiden dagiti mangkamkamat kadakuada?
Naparpartak dagiti mangan-anup kadakuada ngem dagiti agila iti tangatang. Inanupda ida agingga kadagiti banbantay sada pinadaanan ida iti let-ang.
Lamentations 4:20
Ania ti napasamak iti arida?
Natiliw ti arida babaen kadagiti abut a palab-og dagiti kabusor.
Lamentations 4:21
Apay a naibaga iti babai nga anak ti Edom nga agrag-o ken agragsak daytoy?
Naibaga nga agrag-o ken agragsak isuna ta maipasanto kenkuana ti kopa ket mabartekto isuna ket aglamo-lamonto.
Ania ti naibaga iti babai nga anak ti Edom?
Naibaga kenkuana a dusaento isuna ni Yahweh iti nagbasolanna ken lukaisannanto dagiti basbasolna.
Lamentations 4:22
Ania ti naibaga iti babai nga anak ti Sion?
Naibaga kenkuana nga agpatingga met laeng ti dusana ken saanton isuna a paipanaw ni Yahweh.
Lamentations 5
Lamentations 5:1-4
Ania ti dawdawaten ni Jeremias nga aramiden ni Yahweh?
Dawdawaten ni Jeremias kenni Yahweh a lagipenna koma ti napaspasamak kadakuada ken kitaenna ti pannakaibabainda.
Ania ti ibagbaga ni Jeremias kenni Yahweh a napasamak kadagiti tawidda?
Ibagbaga ni Jeremias kenni Yahweh a naipasan kadagiti sangsangaili dagiti tawidda, ken naipasan kadagiti ganggannaet dagiti babbalayda.
Lamentations 5:5-7
Kasano ti panangiladawan ni Jeremias iti mapaspasamak kadakuada?
Kamkamaten ida dagiti kabusorda, nabanbannogdan, ken nagtrabahoda kadagiti taga-Egipto ken taga-Asiria tapno adda taraonda.
Ania ti ibagbaga dagiti tattao maipapan iti basol?
Kukunada a nagbasol dagiti kapuonanda ket isudan ti mangsagsagrap iti basol dagiti kapuonanda.
Lamentations 5:8-10
Ania ti ibagbaga dagiti tattao maipapan kadagiti tagabu?
Kunkuna dagiti tattao nga iturturayan ida dagiti tagabu ket awan mangispal kadakuada.
Kasanoda nga iladawan dagiti bagbagida tunggal mapanda agbirok iti tinapay?
Ipuspustada ti biagda tapno laeng makaalada iti tinapay iti sangoanan ti kampilan idiay let-ang.
Kasanoda nga iladawan dagiti kudilda?
Dagiti kudilda ket maiyarig iti pogon ken nakabarbara daytoy gapu iti kasta unay a bisin.
Lamentations 5:11-12
Ania ti napasamak kadagiti babbai ken birhen?
Ginunggundawayan dagiti kabusor dagiti babbai iti Sion ken dagiti birhen kadagiti siudad ti Judah.
Ania ti napasamak kadagiti panglakayen ken kadagiti prinsipe?
Imbitinda dagiti prinsipe ken saanda a rinaraem dagiti panglakayen.
Lamentations 5:13-14
Ania ti napasamak kadagiti babbaro ken agtutubo a lallaki?
Dagiti babbaro ket naipan iti balay a paggilingan. Dagiti met agtutubo a lallaki ket agparparigat nga agbakbaklay kadagiti troso.
Ania ti napasamak kadagiti panglakayen ken kadagiti babbaro?
Dagiti panglakayen ket napapanaw manipud iti ruangan ti siudad. Pinapanawda met dagiti babbaro manipud iti musikada.
Lamentations 5:15-16
Kasanoda nga iladawan ti rag-o iti pusoda, ti panagsalsalada, ken ti koronada?
Nagsardengen ti panagragrag-oda, nagbalinen a dung-aw dagiti panagsalsalada, ken natinnagen manipud iti uloda ti korona.
Lamentations 5:17-18
Ania ti ibagbagada maipapan kadagiti puso ken matada?
Kimmapsuten ti pusoda ken agkudrepen dagiti matada.
Lamentations 5:19-22
Ania ti ibagbagada maipapan iti panagturay ni Yahweh ken iti trono?
Agturay iti agnanayon ni Yahweh ken adda iti amin a henerasion ti tronona.
Ania ti damdamagenda kenni Yahweh?
Damdamagenda kenni Yahweh no nalipatanna idan ken no pagsublienna pay ngata ida kenkuana.