1 Chronicles

1 Chronicles 1

1 Chronicles 1:8-16

Siasino ti kaunaan a mannakigubat iti rabaw ti daga?

Ni Nimrod, a putot a lallaki ni Cus ket isu ti kaunaan a mannakigubat.

1 Chronicles 1:17-42

Apay a napanaganan ti Peleg ti maysa kadagiti putot a lallaki ni Eber?

Kadagiti al-aldawna, ti daga ket nabingbingay.

1 Chronicles 1:43-54

Ania a daga ti addaanen kadagiti ar-ari sakbay a naaddaan iti nagturay nga ar-ari kadagiti Israelita?

Addaanen kadagiti ar-ari ti daga ti Edom sakbay a naaddaan kadagiti ar-ari dagiti Israelita.

1 Chronicles 2

1 Chronicles 2:3-6

Ania ti napasamak kenni Er nga inauna a putot a lalaki ni Juda?

Nadangkes isuna iti imatang ni Yahweh, isu a pinapatay ni Yahweh isuna.

1 Chronicles 2:7-12

Kasano a nangiyeg ni Acar iti riribuk ti Israel?

Tinakawna dagiti nailasin a maipaay iti Dios.

1 Chronicles 2:13-55

Siasino ti maikapito a putot a lalaki ni Jesse?

Ni David ti maikapito a putot a lalaki ni Jesse.

1 Chronicles 3

1 Chronicles 3:4-15

Manu a tawen a nagturay ni David a kas ari idiay Jerusalem?

Nagturay isuna iti tallo pulo ket tallo a tawen a kas ari idiay Jerusalem.

1 Chronicles 3:16-24

Siasino ti kaudian nga ari dagiti Israelita?

Ni Zedekias ti naudi nga ari iti Israel.

1 Chronicles 4

1 Chronicles 4:9

Ania iti inkararag ni Jabez iti Dios ti Israel?

Inkararagna a bendisionan isuna ti Dios, nga ilawlawa ti Dios ti masaksakupanna, ket maiyadayo isuna iti pakadangranna tapno maibturanna ti ut-ot.

1 Chronicles 4:10-26

Nasungbatan kadi ti kararag ni Jabez?

Wen, sinungbatan ti Dios ti kararagna.

1 Chronicles 4:27-39

Apay a saan unay nga immadu ti bilang ti puli ni Simei ken dagiti kakabsatna ket naaramid met kadagiti tattao ti Juda?

Awan iti adu nga annak dagiti kakabsatna.

1 Chronicles 4:40-43

Apay a napan dagiti dadduma a putot a lallaki ni Simei iti Gedor idiay daya a paset ti tanap?

Nagsapulda iti pagpaaraban kadagiti arbanda, ket nakasarakda iti nawadwad ken nasayaat a pagpaaraban sadiay.

1 Chronicles 5

1 Chronicles 5:1

Apay a naited ti kalintegan ni Ruben a kas inauna nga anak a lalaki ti kabsatna a ni Jose?

Naited ti kalinteganna a kas inauna nga anak kenni Jose, a putot ni Israel, gapu ta tinulawanna ti pagiddaan ni amana.

1 Chronicles 5:2-5

Ania a putot a lalaki ni Israel iti pagtaudan ti agbalin a pangulo?

Maysa a pangulo iti umay nga agtaud iti putot a lalaki ni Israel, ni Juda.

1 Chronicles 5:6-17

Ania iti napasamak kenni Beeras, ti putot a lalaki ni Baal?

Innala isuna ti ari iti Assyria a kas balud.

1 Chronicles 5:18-19

Kasano kaadu dagiti soldado nga adda kadagiti Rubenita, Gadita, ken iti kaguddua ti tribu ti Manases a nasanay?

Addaanda iti uppat a pulo ket uppat a ribu a nasanay a soldados a makigubat, a nagaw-awit iti kalasag, kampilan, ken nagibiat kadagiti pana.

1 Chronicles 5:20-21

Apay a naparmek dagiti Hagrita?

Naparmekda gapu ta immawag dagiti Israelita iti Dios ken nagtalekda kenkuana, ket sinungbatan ida ti Dios.

1 Chronicles 5:22

Kasano kabayag a nagnaed dagiti Israelita iti daga nga innalada manipud kadagiti Hagrita?

Nagnaedda sadiay agingga iti pannakaibaludda.

1 Chronicles 5:23-24

Sadino iti nagnaedan ti kaguddua a tribu ti Manases a kadduada dagiti familiada?

Nagnaedda iti daga ti Basan.

1 Chronicles 5:25-26

Gapu ta saan a napudno iti Dios dagiti Rubenita, Gadita, ken ti kaguddua a tribu ti Manasses, ania iti inaramidna kadakuada?

Pinagpungtot ti Dios ti ari iti Assyria ket naipan dagitoy a tribu idiay Assyria a kas balud.

1 Chronicles 6

1 Chronicles 6:15-30

Siasino ti nangipanan ni Yahweh kas balud ti Juda ken Jerusalem?

Impan ni Yahweh ti Juda ken ti Jerusalem kenni Nebucadnezzar nga ari ti Babilonia.

1 Chronicles 6:31

Ania dagiti pagrebbengan dagiti lallaki a dinutokan ni David a mangidaulo iti panagtokar?

Agserbida babaen iti panagkankanta iti sangoanan ti tabernaculo.

1 Chronicles 6:32-47

Siasino ti nangibangon ti balay ni Yahweh idiay Jerusalem?

Ni Solomon iti nangibangon ti balay ni Yahweh.

1 Chronicles 6:48

Ania a tribu ti Israel iti nadutokan a mangaramid iti trabaho para iti tabernaculo?

Dagiti Levita ti nadutokan a mangaramid iti daytoy a trabaho.

1 Chronicles 6:49-63

Ania a daton iti pannakasubbot ti pagrebbengan nga araamiden da Aaron ken dagiti putotna a lallaki?

Pagrebbenganda nga idatag iti rabaw ti altar dagiti daton a naan-anay a mapuoran ken iti altar ti insenso.

Ania ti pakaipaayan dagitoy a daton?

Maipaay dagitoy a daton tapno maaramid para iti pannakasubbot dagiti basol ti Israel.

1 Chronicles 6:64-81

Sadino iti pagnaedan dagiti Levita gapu ta saanda a naikkan iti bukodda a daga a kas kadagiti dadduma a tribu?

Naikkan dagiti Levita babaen iti panagbunot kadagiti siudad agraman dagiti pagpaarabanda manipud kadagiti tribu da Juda, Simeon, ken ni Benjamin.

1 Chronicles 7

1 Chronicles 7:2-4

Ania a kita ti lallaki dagiti putot a lallaki ni Tola?

Napipigsa, ken natuturedda a lallaki.

1 Chronicles 7:5

Manu ti bilang dagiti lallaki a mannakigubat manipud iti tribu ni Issacar?

Addaan iti 87,000 a lallaki a mannakigubat iti tribu ni Issacar.

1 Chronicles 7:6

Ania ti pakabigbigan kadagiti putot a lallaki ni Bela?

Mabigbig dagiti putot a lallaki ni Bela nga isuda dagiti soldado ken dagiti nangrugian dagiti puli.

1 Chronicles 7:7-13

Ania ti pakabigbigan kadagiti putot a lallaki ni Bela?

Mabigbig dagiti putot a lallaki ni Bela nga isuda dagiti soldado ken dagiti nangrugian dagiti puli.

1 Chronicles 7:14-20

Siasino iti nangiputotan ni Manases iti ubing a lalaki nga agnagan iti Asriel?

Ti Aramita nga adipen nga asawa ni Manases iti nangiputotanna iti ubing a lalaki nga agnagan iti Asriel.

1 Chronicles 7:21

Apay a kasapulan ni Efraim iti panangliwliwa manipud kadagiti kakabsatna a lallaki idi agladladingit isuna iti adu nga aldaw?

Kasapulan ni Efraim iti panangliwliwa dagiti kakabsatna a lallaki gapu ta pinapatay dagiti lallaki iti Gat dagiti putotna a lallaki a da Ezer ken Elead idi napanda agtakaw kadagiti baka dagiti taga Gat.

1 Chronicles 7:22

Apay a kasapulan ni Efraim iti panangliwliwa manipud kadagiti kakabsatna a lallaki idi agladladingit isuna iti adu nga aldaw?

Kasapulan ni Efraim iti panangliwliwa dagiti kakabsatna a lallaki gapu ta pinapatay dagiti lallaki iti Gat dagiti putotna a lallaki a da Ezer ken Elead idi napanda agtakaw kadagiti baka dagiti taga Gat.

1 Chronicles 7:23-26

Apay a pinannaganan ni Efraim ti putotna a lalaki iti Berias?

Pinannaganan ni Efraim ti putotna a lalaki iti Berias gapu iti immay a pasamak iti familiana.

1 Chronicles 7:27

Siasino ti putot a lalaki ni Nun?

Ni Josue ti putot a lalaki ni Nun.

1 Chronicles 7:28-39

Sadino dagiti sinakup ken nagnanaedan da Josue ken ti familiana?

Dagiti masakupan ken nagnanaedan da ket ti Betel ken dagiti kabangibang a purpurok.

1 Chronicles 7:40

Ania dagiti kalidad dagiti kaputotan ni Asser?

Dagiti kaputotan ni Aser.ket isuda dagiti nangrugian dagiti puli, papangulo kadagiti familiada, lallaki a mabigbigbig, lallaki a mannakigubat ken kangatoan kadagiti pangpangulo.

1 Chronicles 8

1 Chronicles 8:6-12

Ania ti inaramid nga inkapilitan dagiti kapututan ni Ehud?

Napilitan nga immakar dagiti kaputotan ni Ehud idiay Manahat.

1 Chronicles 8:13-27

Siasino ti pinagpatalaw dagiti annak ni Elpaal?

Pinagtalaw dagiti annakna kadagiti agnanaed iti Gat.

1 Chronicles 8:28-31

Sadino ti nagnaedan dagiti annak ni Jeroham?

Nagnaedda idiay Jerusalem.

1 Chronicles 8:32

Sadino ti nagnaedan ni Miklot ken ti pamiliana?

Nagnaed ni Miklot ken ti pamiliana iti asideg dagiti kabagianna idiay Jerusalem.

1 Chronicles 8:33-38

Siasino ti ama ni Saul?

Ni Kis ti ama ni Saul.

1 Chronicles 8:39

Ania ti pannakaammo dagiti kaputotan ni Benjamin, a para kadagiti annak ni Ulam?

Mannakigubat ken pumapana dagiti annak ni Ulam.

1 Chronicles 8:40

Ania ti pannakaammo dagiti kaputotan ni Benjamin, a para kadagiti annak ni Ulam?

Mannakigubat ken pumapana dagiti annak ni Ulam.

1 Chronicles 9

1 Chronicles 9:1

Sadino ti nakalistaan dagiti kapuonan ti Israel?

Nailista dagiti kapuonan iti Libro dagiti Ari ti Israel.

Apay a naipanaw ti Juda a kas balud a naipan idiay Babilonia?

Naipanaw ti Juda a kas balud a naipan idiay Babilonia gapu kadagiti basolda.

1 Chronicles 9:2-10

Siasino dagiti immuna a tattao a nagnaed kadagiti siudadda?

Dagiti immuna a nagnaed kadagiti siudadda ket dagiti dadduma nga Israelita, dagiti papadi, dagiti Levita, ken dagiti agserserbi iti templo.

1 Chronicles 9:11-12

Ania iti pakabigbigan kenni Azarias?

Ni Azarias ti padi a nadutokan iti balay ti Dios.

1 Chronicles 9:13-16

Ania iti pakabigbigan dagiti kakabagian ni Adaias ken ni Maasa?

Isuda dagiti makabael a lallaki iti trabaho iti balay ti Dios.

1 Chronicles 9:17

Ania idi ti pagrebbengan dagiti para bantay ti ruangan?

Agtakder idi dagiti para bantay iti ruangan ti ari iti daya a paset ti kampo dagiti kaputotan ni Levi.

1 Chronicles 9:18

Ania iti naglabas a pagrebbengan dagiti para bantay ti ruangan?

Agbantay dagiti para bantay ti ruangan iti ruangan ti ari iti akin daya a paset ti kampo dagiti kaputotan ti Levita.

1 Chronicles 9:19-20

Ania ti pagrebbngan dagiti Koratias?

Dagiti Koratias ti guardia iti trabaho ti templo ken iti pagserkan ti templo nga ayan ni Yahweh.

1 Chronicles 9:21

Ania ti pagrebbengan ni Zakarias, anak ni Meselemias?

Ni Zakarias ti guardia iti pagserkan ti Templo, ti “tolda ti gimong.”

1 Chronicles 9:22

Ania ti inaramid dagiti para bantay ti ruangan ken dagiti annakda, a nagisaadan da David ken Samuel iti mapagtalkan a saad nga aramiden a para iti Israel?

Agbantay dagiti para bantay ti ruangan ken dagiti annakda dagiti ruangan ti balay ni Yahweh, ti tabernakulo.

1 Chronicles 9:23

Ania ti nakaisaadan dagiti para bantay ti ruangan ken dagiti annakda, a nagisaadan ni David ken Samuel a saada nga aramidenda iti Israel?

Guardiaan dagiti para bantay ti ruangan ken dagiti annakda kadagiti ruangan ti balay ni Yahweh, ti tabernakulo.

1 Chronicles 9:24-25

Ania ti nakaisaadan dagiti para bantay ti ruangan ken dagiti annakda, a nagisaadan ni David ken Samuel a saada nga aramidenda iti Israel?

Agbantay dagiti para bantay ti ruangan ken dagiti annakda kadagiti ruangan ti balay ni Yahweh, ti tabernakulo.

1 Chronicles 9:26-27

Kasano nga ingganwat dagiti uppat a pangulo dagiti para bantay ti ruangan dagiti nakaisaadanda a batang nga agbantay ti siled ken kamalig iti balay ti Dios?

Agpatpatnag dagiti uppat a pangulo dagiti para bantay ti ruangan kadagiti nakapuwestoanda iti aglawlaw ti balay ti Dios ken lukatanda iti tunggal agsapa.

1 Chronicles 9:28-31

Ania ti kangrunaan nga akem a naidutok kadagiti Levita nga aramidenda?

Dadduma kadagiti Levita ti nadutokan kadagiti alikamen ti templo ken sumagmamano a nadutokan dagiti dadduma a mangaywan dagiti alikamen iti santuario, ken dagiti kasapulan a kas iti arina, ti arak, ti lana ti insenso, ken dagiti rekrekado.

1 Chronicles 9:32

Ania ti pagrebbengan dagiti Koatitas?

Nadutokan dagiti Koatitas iti panagisagana dagiti tinapay ti pammarang iti tunggal Aldaw ti Panaginana.

1 Chronicles 9:33-44

Apay nga agnaed dagiti kumakanta a pamilya ti pangulo dagiti Levita kadagiti siled ti santuario no nawayada ti trabahoda?

Agnaed dagiti kumakanta a pamilya ti pangulo dagiti Levita gapu ta masapul nga aramidenda ti akemda tunggal aldaw ken rabii.

1 Chronicles 10

1 Chronicles 10:1-3

Ania ti napasamak kadagiti annak ni Saul idiay Bantay Gilboa?

Kinamat dagiti Filisteo dagiti annak ni Saul ket pinatayda ida.

1 Chronicles 10:4

Apay a kayat ni Saul a duyuken isuna ti para iggem ti kalasagna babaen iti kampilanna?

Kayat ni Saul a duyoken isuna ti para iggem iti kalasagna tapno saan isuna a palaloan a rnggasan dagiti saan a nakugit.

Ania ti inaramid ni Saul idi saan isuna a dinuyok ti para iggem ti kalasagna?

Inasut ni Saul ti bukodna a kampilan ket rinugmaanna daytoy.

1 Chronicles 10:5-6

Kasano ti tignay ti para iggem ti kalasag ni Saul ti pannakatayna?

Idi nakita ti para awit ti kalasag a natayen ni Saul, rinugmaanna met ti kampilanna ket natay.

1 Chronicles 10:7-8

Ania ti inaramid dagiti lallaki ti Israel idi nakitada a naglibas dagiti armada ken natayen ni Saul ken dagiti annakna?

Naglibasda a nangpanaw kadagiti siudadda ken pinalubosanda dagiti Filisteo nga umay ken agnaed kadagitoy.

1 Chronicles 10:9-10

Ania ti inaramid dagiti Filisteo iti bagi ni Saul?

Linabusan dagiti Filisteo ti bagina ken inkabilda ti kalasagna iti templo dagiti didiosda ken imbitinda ti ulona iti templo ni Dagon.

1 Chronicles 10:11-12

Ania ti inaramid dagiti mannakigubat a lallaki iti Jabes Galaad kadagiti bagi da Saul ken dagiti annakna?

Innalada ti bagi ni Saul ken dagiti annakna ket impanda dagitoy idiay Jabes ket intabonda dagiti tulangda iti sirik ti kayo ti lugo.

1 Chronicles 10:13

Apay a natay ni Saul?

Natay ni Saul gapu ta saan isuna a napudno ken saanna a sinapol ti pannarabay ni Yahweh, ngem nagkiddaw ketdi iti pammalakad iti maysa a makisarsarita ti natay.

1 Chronicles 10:14

Siasino ti nangiyawatan ni Yahweh ti entero a pagarian ti Israel?

Inyawat ni Yahweh ti entero a pagarian ti Israel kenni David, nga anak ni Jesse.

1 Chronicles 11

1 Chronicles 11:1-3

Apay nga immannugot dagiti amin nga Israel a mapulutan ni David a kas ari ti entero nga Israel?

Lasag ken tulangda ni David, indauloanna idi ti armada nga Israelita, ken impakaammo ni Yahweh babaen kenni Samuel nga iturayanto ni David ti Israel.

1 Chronicles 11:4-10

Kasano a nagbalin a mangidadaulo ni Joab iti armada ti Israel?

Kinuna ni David a no siasinoman ti umuna a mangraut kadagiti Jebuseo ket agbalin a mangidadaulo, ket immuna ni Joab a nangraut kadakuada.

1 Chronicles 11:11

Ania ti pakabigbigan ni Jasobeam?

Pinapatay ni Jasobeam ti tallogasut a lallaki babaen ti gayangna iti naminsan laeng a daras.

1 Chronicles 11:12-16

Ania ti pakasaritaan ni Eleazar nga Ahohita?

Kalpasan a naglibas dagiti armada nga Israelita, nagtakder ni Eleazar iti ayanna iti tengnga ti kataltalonan ti sebada ket pinatayna dagiti Filisteo.

1 Chronicles 11:17

Ania ti kiniddaw ni David?

Kayat ni David ti uminum iti danum manipud iti bubon iti asideg ti ruangan ti Betlehem.

1 Chronicles 11:18

Ania ti inaramid dagiti tallo a nabibileg a tattao ni David tapno maaramid ti kiddawna?

Sinarakusok dagiti tallo a nabbileg a tattao ni David idiay ayan dagiti armada a Filisteo, nagsakdoda iti danum iti bubon ti Betlehem, ket inyegda kenni David.

1 Chronicles 11:19

Apay a saan nga ininum ni David ti danum a naggapu iti bubon ti Betlehem idi impusta dagiti nabibileg a tattao ti biagda tapno maalada daytoy?

Saan nga ininom ni David ti danum gapu ta saanna a mainum daytoy idinto ta impusta dagiti tattao ti biagda maalada laeng daytoy.

1 Chronicles 11:20-21

Ania ti pakasaritaan ni Abisai a kabsat ni Joab?

Ni Abisai ti kapitan dagiti tallo a nabibileg a tattao ken naminsan a pinapatayna ti tallogasut babaen iti gayangna.

1 Chronicles 11:22-24

Ania ti pakasaritaan ni Benaias nga anak ni Jehoyada?

Napigsa a tao ni Benaias a nangpatay iti leon iti uneg ti abut kabayatan ti tiempo ti nieve, ken nangpatay iti maysa a dakkel nga Egipcio babaen iti pangangagawna ti bukodna a gayang.

1 Chronicles 11:25

Ania ti pagrebbengan nga inted ni David kenni Benaias?

Pagtaltalkan ni David ni Benaias, isu nga insaadna isuna a mangidaulo ti guardiana.

1 Chronicles 11:26-47

Siasino kadagiti nabibileg a tattao ti kabsat ni Joab?

Ni Asael, maysa a nasiglat a tao a kabsat n Joab.

1 Chronicles 12

1 Chronicles 12:1-7

Ania ti naisangsangayan a laing dagiti mamaingel a lallaki a timmipon kenni David kabayatan iti kaawanna iti imatang ni Saul?

Dagiti mamaingel a lallaki ket dagiti Benjaminita a kabaelanda nga ipallatibong dagiti batbato ken ibiat dagiti pana manipud kadagiti baida babaen iti kannawan wenno kannigid nga imada.

1 Chronicles 12:8-13

Ania dagiti naisangsangayan a kababalin dagiti lallaki a nagtaud iti tribu ti Gad, a timmipon kenni David iti sarikedkedna sadiay let-ang?

Dagiti lallaki manipud ti tribu ti Gad ket mannakigubatda a nasanay a makigubat, a makabael a mangusar iti kalasag ken pika, a dagiti rupada ket kas iti karungsot dagiti ruprupa dagiti leon, ken makatarayda a kas iti kasiglat dagiti ugsa kadagiti bantay.

1 Chronicles 12:14-15

Ania ti lineppas dagiti annak ni Gad iti daga a naited iti Israel?

Saan laeng a binallasiw dagiti putot a lallaki ni Gad ti Jordan kalpasan a nagluppias daytoy kadagiti pantarna, ngem ketdi, kinamatda pay dagiti amin nga agnanaed kadagiti tanap.

1 Chronicles 12:16-17

Ania ti ballaag nga inted ni David kadagiti lallaki ti Benjamin ken Juda idi dimtengda iti sarikedkedna?

Kinuna ni David a mabalinda ti tumipon kenkuana no dimtengda nga addaan iti kappia, ngem no dimtengda tapno liputanda isuna kadagiti kabusorna, ket ibagana iti Dios a tubngarenna ida agsipud ta awan ti inaramidna a saan a rumbeng.

1 Chronicles 12:18

Ania ti sungbat ni Amasai iti ballaag ni David?

Imbaga ni Amasai kenni David nga addada amin iti abayna ken kappia laeng ti kayatda para iti siasinoman a tumulong kenni David gapu ta tultulongan isuna ti Diosna.

1 Chronicles 12:19-20

Apay a pinapanaw dagiti Filisteo ni David idi napan ni David idiay Filistea tapno makigubat kenni Saul?

Nagbuteng dagiti Filisteo ta amangan no agsublinto met laeng isuna a tumipon kenni Saul ket mabalin nga agpeggaddanto ket mapukawda dagiti bibiagda.

1 Chronicles 12:21-22

Kasano a tinulongan isuna dagiti lallaki ti Manasses, a nagbalin a pangulo ti armada ni David?

Dagiti lallaki ti Manasses ket mannakigubat a lallaki a timmulong kenni David maibusor kadagiti bunggoy ti agtatakaw iti pagilian.

1 Chronicles 12:23-27

Apay ta napan dagiti amin a nakaarmas a soldado kenni David sadiay Hebron?

Napanda kenni David idiay Hebron tapno tulonganda isuna a mangsublat ti pagarian ni Saul a pakatungpalan ti sao ni Yahweh.

1 Chronicles 12:28-31

Ta ania ti pakaam-ammoan kenni Zadok?

Ni Zadok ket maysa nga agtutubo a napigsa ken natured a lalaki.

1 Chronicles 12:32-37

Ta ania ti pakaam-ammoan kadagiti dua gasut a pangulo manipud iti tribu ti Issacar?

Addaanda iti pannakaawat kadagiti tiempo ken ammodan no ania ti rumbeng nga aramiden ti Israel.

1 Chronicles 12:38-40

Apay a napan amin dagiti soldado ti Israel idiay Hebron?

Napanda sadiay Hebron nga addaan iti natibker a panggep nga isaadda ni David a kas ari iti entero nga Israel.

Sadino ti nangalaan dagiti soldado iti umdas a taraon ken inumenda tapno makapangan ken makainumda iti tallo nga aldaw a kas panangrambakda iti panagbalin ni David a kas ari ti Israel?

Impabalon dagiti kakabagian dagiti soldado ti Israel dagiti amin a masapulda. 12:39]

1 Chronicles 13

1 Chronicles 13:1

Siasino ti nakiumanan ni David sakbay a makisarita kadagiti amin a gimong ti Israel?

Inyumanna kadagiti mangidadaulo ken tunggal pangulo ti Israel.

1 Chronicles 13:2-6

Apay nga immanamong ti gimong a dumngeg kenni David, mangibaon kadagiti mensahero iti amin a paset ti Israel ken makikaduada kenni David a mangisubli ti lakas ti Dios idiay Israel?

Immanamong ti gimong a maaramid dagitoy a banbanag gapu ta ipagarupda a nasayaatda iti imatang dagiti tattao.

1 Chronicles 13:7-8

Ania ti inaramid ni David ken ti amin nga Israel idi inruarda ti lakasa iti balay ni Abinadab?

Nagrambak da David ken ti amin nga Israel iti sangoanan ti Dios iti amin a kabaelanda.

1 Chronicles 13:9-10

Ania ti inaramid ni Yahweh iti inyunnat ni Uzza ti imana tapno tenglenna ti lakasa idi naitibkol ti baka?

Simged ti pungtot ni Yahweh kenni Uzza ket pinapatayna isuna.

1 Chronicles 13:11

Apay a nakapungtot ni David kenni Yahweh?

Nakapungtot ni David gapu ta kinabil ni Yahweh ni Uzza.

1 Chronicles 13:12-13

Sadino ti nangikabilan ni David ti lakasa ti Dios idi nagbuteng isuna iti Dios?

Inkabil ni david ti lakasa ti Dios iti balay ni Obed Edom a Geteo.

1 Chronicles 13:14

Ania ti inaramid ni Yahweh a para iti pagtaengan ni Obed Edom?

Binendisionan ni Yahweh ti balayna ken amin a sanikuana.

1 Chronicles 14

1 Chronicles 14:1-2

Ania ti ammo ni David nga awan duadua idi nangibaon ni Hiram nga ari ti Tiro kadagiti mensahero, kadagiti karpintero, kadagiti kumakabite ken nangipatulod pay kadagiti kayo a sedro?

Ammo ni David nga awan dua-dua nga insaad isuna ni Yahweh a kas ari iti entero nga Israel.

1 Chronicles 14:3-7

Ania ti nagbanaganna idi nangasawa ni David iti ad-adu pay idiay Jerusalem?

Nagbalin ni David nga ama dagiti ad-adu pay a lallaki ken babbai.

1 Chronicles 14:8-9

Ania ti inaramid ni David idi nadamagna a birbiruken isuna dagiti Filisteo?

Rimmuar isuna ket sinuppiatna dagiti Filisteo?

1 Chronicles 14:10-11

Ania ti insungbat ni Yahweh idi sinaludsod ni David no rumbeng a rautenda dagiti Filisteo?

Imbaga ni Yahweh kenni David a rautenda ida ta sigurado nga itedna ida kenni David.

1 Chronicles 14:12

Ania ti imbilin ni David a rumbeng a maaramid kadagiti dios a nabati dagiti Filisteo?

Nangted ni David iti bilin a rumbeng a mapuoran dagiti dios dagiti Filisteo.

1 Chronicles 14:13-14

Sadino ti imbaga ti Dios a pangdarupan da David kadagiti Filisteo idi rinautda manen ti tanap?

Imbaga ti Dios a lawlawenda ti likudda ket darupenda ida iti kakaykaywan.

1 Chronicles 14:15-16

Ania ti mangngeg ni David sakbay a darupenna nga addaan iti pwersa dagiti Filisteo?

Mangngeg ni David ti danapeg iti angin no agpul-oy kadagiti ngatoen dagiti kaykayo.

1 Chronicles 14:17

Ania ti pamay-an ni Yahweh kadagiti amin a nasion inton agdinamag ti kinalatak ni David kadagiti amin a daga?

Pagbutngento ni Yahweh dagiti amin a nasion kenni David.

1 Chronicles 15

1 Chronicles 15:2

Siasino ti nangibagaan ni David nga isuda laeng dagiti tattao a pinili ni Yahweh a mangawit iti lakasa ti tulag?

Dagiti Levita ket isuda laeng dagiti tattao a pinili ni Yahweh a mangawit iti lakasa ti tulag.

1 Chronicles 15:3

Ta ania a panggep ti nangummongan ni David kadagiti amin nga Israelita idiay Jerusalem?

Inummong ida ni David tapno isang-atda ti lakasa ti tulag ni Yahweh iti disso nga insaganana para iti daytoy.

1 Chronicles 15:4-11

Siasino dagiti inummong ni David a mangisang-at iti lakasa ti tulag?

Inummong ni David dagiti kaputotan ni Aaron ken dagiti Levita.

1 Chronicles 15:12-13

Ania ti rumbeng nga aramiden dagiti pangulo dagiti pamilia dagiti Levita ken dagiti kakabsatda a lallaki tapno maisang-atda ti lakasa ti tulag ni Yahweh iti disso nga insagana ni David para iti daytoy?

Masapul nga ikonsagrarda dagiti bagbagida tapno maisang-atda ti lakasa ti tulag ni Yahweh.

1 Chronicles 15:14

Apay nga inkonsagrar dagiti papadi ken dagiti Levita dagiti bagbagida?

Inkonsagrarda dagiti bagbagida tapno maisang-atda ti lakasa ti tulag ni Yahweh a Dios ti Israel.

1 Chronicles 15:15

Siasino ti nangalaan ni Moises kadagiti pagalagadan iti panangibaklay dagiti Levita babaen kadagiti assiw ti lakasa ti tulag?

Dagiti pagalagadan iti pannakaawit ti lakasa ti tulag ket naited bababen iti sao ni Yahweh.

1 Chronicles 15:16-25

Siasino ti nangtedan ni David iti pagrebbengan a mangdutok kadagiti musiko?

Inted ni David ti pagrebbengan a mangdutok kadagiti musiko kadagiti pangulo dagiti Levita.

1 Chronicles 15:26

Siasino ti timmulong kadagiti Levita a nangawit iti lakasa ti tulag ni Yahweh?

Ti Dios ti timmulong kadagiti Levita a nangawit iti lakasa ti tulag.

1 Chronicles 15:27

Ania ti inkawes ni David ken ania pay ti nayon ti kawesna?

Nakakawes ni David iti kagay a naaramid iti kapintasan a lino ken nakasuot met isuna iti efod a lino.

1 Chronicles 15:28

Siasino ti nangisang-at iti lakasa ti tulag nga addaan iti naragsak a panagpukpukkaw, uni ti tangguyob, piangpiang ken dagiti nakuerdasan nga instrumento ken dagiti arpa?

Ti entero nga Israel ti nangisang-at ti lakasa ti tulag.

1 Chronicles 15:29

Ania ti nakita ni Mical nga ar-aramiden ni David a nanguyawanna kenkuana iti pusona?

Nakita ni Mical ni David nga agsalsala ken agramrambak.

1 Chronicles 16

1 Chronicles 16:1

Ania ti indatag dagiti Israelita iti sangoanan ti Dios kalpasan a naikabil ti lakasa ti tulag iti tengnga ti tolda nga impatakder ni David?

Nagidatagda kadagiti daton a mapuoran ken daton a pakikappia.

1 Chronicles 16:2-3

Ania ti inwaras ni David iti tunggal Israelita idi nalpasna a binendisionan dagiti tattao iti nagan ni Yahweh?

Winarasan ni David ti tunggal maysa kadakuada iti tinapay, karne, ken kankanen a naaramid iti pasas.

1 Chronicles 16:4-6

Ania dagiti naibaga nga aramiden dagiti Levita iti panagserbida iti sangoanan iti lakasa ti tulag?

Dagiti Israelita ket agrambak, agyaman ken agdayawda kenni Yahweh a Dios ti Israel kas panagserbida iti sangoanan ti lakasa ti tulag ni Yahweh.

1 Chronicles 16:7-8

Ania ti naibaga nga aramiden da Asaf ken dagiti kakabsatna?

Nadutokanda nga agkanta iti panagyaman kenni Yahweh.

1 Chronicles 16:9

Ania ti isao dagiti tattao maipapan iti kanta a kinanta da Asaf ken dagiti kakabsatna?

Isaoda dagiti amin nga aramid ni Yahweh a nakakaskasdaaw.

1 Chronicles 16:10-11

Siasino ti ipannakkel ken biroken dagiti tattao?

Ti ipannakkel ken biruken dagiti tattao ket ni Yahweh.

1 Chronicles 16:12-14

Ania dagiti rumbeng a lagipen koma dagiti kaputotan ti Israel a pinili ni Yahweh, maipapan kenni Yahweh a Diosda?

Rumbeng a laglagipenda dagiti nakaskasdaaw a banbanag nga inaramidna, dagiti milagrona ken dagiti pagalagadan a nagtaud iti ngiwatna.

1 Chronicles 16:15-17

Ania ti inaramid ni Yahweh kenni Abraham a masapul a laglagipen dagiti Israelita iti agnanayon?

Nakitulag isuna kenni Abraham, ket masapul a panunoten dagiti Israelita ti katulaganna iti agnanayon.

1 Chronicles 16:18

Ania ti inkari ni Yahweh nga itedna kadagiti tattaona kas bingayda iti tawidda?

Inkari ni Yahweh nga itedna kadakuada ti daga ti Canaan.

1 Chronicles 16:19-22

Kasano a sinalakniban ni Yahweh ti Israel idi bassit pay laeng ti bilangda ken iti panagalis-alisda kadagiti pagarian?

Saanna a pinalubosan ti siasinoman a mangidadanes kadakuada.

1 Chronicles 16:23-24

Ania ti ipakaammo dagiti tattao kadagiti nasion bayat iti panagkantada para kenni Yahweh ken iti inaldaw-aldaw a panangiwaragawagda iti panangisalakan ni Yahweh?

Rumbeng nga ipablaakda kadagiti amin a nasion ti dayag ni Yahweh ken dagiti nakaskasdaaw nga aramidna.

1 Chronicles 16:25-27

Siasino dayta a nangaramid kadagiti langlangit, mapadayawan iti kasta unay ken pagbutngan kadagiti amin a dios?

Ni Yahweh a namarsua kadagiti langlangit ket isu ti mapadayawan iti kasta unay ken pagbutngan kadagiti amin a dios.

1 Chronicles 16:28-30

Ania ti rumbeng a pangdayaw kenni Yahweh?

Dayag ken pigsa ti pangdayaw kenni Yahweh.

1 Chronicles 16:31-32

Ania ti ibaganto dagiti nasion maipapan kenni Yahweh?

Ibaganto dagiti nasion, “Agari ni Yahweh.”

1 Chronicles 16:33-34

Ania ti aramidento dagiti kayakayo iti kabakiran iti sangoanan ni Yahweh?

Agpukkawto iti sangoanan ni Yahweh dagiti kaykayo iti kabakiran gapu iti rag-o.

1 Chronicles 16:35

Apay a rumbeng nga ummongen ni Yahweh dagiti tattaona ket ispalenna ida manipud kadagiti dadduma a nasion?

Rumbeng nga ummongenna ida ket ispalenna ida tapno makapagyamanda iti nasantoan a naganna ken dayag iti dayawna.

1 Chronicles 16:36-39

Kasano kabayag a maidaydayaw ni Yahweh a Dios ti Israel?

Masapul a maidaydayaw isuna iti agnanayon nga awan inggana.

1 Chronicles 16:40-42

Siasino ti nangted kadagiti bilin ken ti naisurat a linteg no kasano ti pannakaaramid dagiti daton a mapuoran iti Israel?

Inted ni Yahweh dagiti bilbilin ken ti naisurat a linteg iti Israel.

1 Chronicles 16:43

Ania a lugar ti nagsublian dagiti tattao ken ni David kalpasan ti pannakarambak ti pannakaikabil ti lakasa ti tulag?

Nagawid dagiti tattao kadagiti pagtaenganda, ken nagawid ni David tapno bendisionanna ti pagtaenganna.

1 Chronicles 17

1 Chronicles 17:1-2

Ania ti mangburburibur kenni ari David maipapan iti paggigianan ti lakasa ti tulag ni Yahweh?

Burburiburen daytoy isuna ta aggigian laeng ti lakasa ti tulag ni Yahweh iti sirok ti tolda kabayatan a ni David ket aggigian iti balay a naaramid iti sedro.

1 Chronicles 17:3-6

Ania ti imbaga ni Yahweh kenni Natan nga ibagana kenni David maipapan iti pannakaipatakder iti balay a paggianan ni Yahweh?

Imbaga ti Dios a saan a ni David ti mangipatakder iti balay a paggigianan ni Yahweh.

1 Chronicles 17:7

Apay nga innala ni Yahweh ni David manipud iti pagpapaaraban ken manipud iti panangsurot-surotna kadagiti karnero?

Innalana ni David manipud iti pagpapaaraban ken manipud iti panangsurot-surotna kadagiti karnero tapno iturayanna dagiti Israelita a tattao ni Yahweh.

1 Chronicles 17:8

Ania ti imbaga ni Yahweh nga aramidenna iti nagan ni David?

Imbagana nga iyaramidanna ni David iti nagan a kas iti nagan dagiti naindaklan a tattao nga adda iti rabaw ti daga.

1 Chronicles 17:9-10

Siasino ti saanen a mangidadanes kadagiti tattao iti Israel kalpasan nga inikkan ida ni Yahweh iti lugar a pagnaedanda a saandanton a pulos a mariribuk pay?

Dagiti nadangkes a tattao ti saanton a pulos a mangidadanes iti Israel a kas iti inaramidda idi.

1 Chronicles 17:11-13

Ania ti imbaga ni Yahweh nga aramidento ti kaputotan ni David kalpasan a matungpal dagiti al-aldaw ni David?

Mangipatakderto ti kaputotan ni David iti balay para kenni Yahweh. [17:11

1 Chronicles 17:14-16

Ta kasano kabayag ti imbaga ni Yahweh a pannakaipasdek ti trono ti kaputotan ni David?

Maipasdekto iti agnanayon ti trono ti kaputotan ni David.

1 Chronicles 17:17

Ania ti imbaga ni David nga inaramid ni Yahweh para kenkuana gapu iti impakita kenkuana ni Yahweh maipapan kadagiti masakbayan a henerasion?

Imbagana a pinadayawan isuna ni Yahweh ken inikkanna isuna iti naisangsangayan a pammadayaw.

1 Chronicles 17:18-22

Ania ti imbaga ni David a rason no apay nga inispal ni Yahweh dagiti tattaona manipud idiay Egipto ken inaramidna ida a tattaona?

Inispal ida ni Yahweh manipud idiay Egipto tapno aramidenna ti naganna babaen kadagiti naindaklan ken nakaskasdaaw nga aramidna.

1 Chronicles 17:23-25

Ania ti kidkiddawen ni David nga aramiden ni Yahweh maipapan iti karina kenkuana maipanggep iti pannakaipasdek iti pamilia ni David iti agnanayon?

Kidkiddawen ni David kenni Yahweh nga aramidenna ti imbagana.

1 Chronicles 17:26-27

Ania ti inkari ni Yahweh nga aramidenna iti balay ti adipenna a ni David?

Inkari ni Yahweh a bendisionanna iti agananayon ti balay ti adipenna a ni David.

1 Chronicles 18

1 Chronicles 18:1-2

Ania dagiti dua a bunggoy dagiti tattao a rinaut ken pinarmek ni David?

Rinaut ken pinarmekna dagiti Filisteo ken dagiti Moabita.

1 Chronicles 18:3-4

Ania ti inaramid ni David iti sangagasut a kabalio a nabati kalpasan a pinilayna dagiti kabalio a naalana kenni Adadeser?

Nangibati isuna kadagiti kabalio nga umanay para iti sangagasut a karuahe.

1 Chronicles 18:5-6

Ania ti inkabil ni David idiay Aram iti Danascus kalpasan a napatayna ti duapulo ket dua a ribu a taga-Aram?

Nangikabil ni David iti kampo ti military idiay Aram iti Damascus.

1 Chronicles 18:7-8

Ania ti innala ni David manipud kenni Adadeser nga inusar ni Solomon iti saan a nabayag tapno makaaramid kadagiti banbanag para iti templo?

Nangala ni David iti adu a Bronse manipud kenni Adadeser.

1 Chronicles 18:9-11

Ania ti inaramid ni David iti pirak, balitok, ken dagiti alikamen a bronse nga impan ni Hadoram kenni David a naggapu kenni Toi nga ari ti Hamat ken ti pirak ken balitok nga innalana manipud kadagiti amin a nasion?

Indaton ni David dagitoy a bangbanag kenni Yahweh.

1 Chronicles 18:12-13

Ania ti napasamak kadagiti amin nga Edomita kalpasan ti panangpapatay ni Abisai iti 18,000 nga Edomita iti gubat?

Nagbalin nga adipen ni David dagiti amin nga Edomita?

1 Chronicles 18:14-17

Siasino ti kangrunaan a mamagbaga kenni Ari David bayat ti panagturayna iti entero nga Israel ken panangipatungpalna iti hustisia ken kinalinteg kadagiti amin a tattaona?

Dagiti putot a lallaki ni David ti kangrunaan a mammagbaga iti ari.

1 Chronicles 19

1 Chronicles 19:1-3

Apay a kayat a pakitaan ni David iti nasayaat ni Hanun nga anak ni Naas nga ari dagiti tattao ti Ammon kalpasan a natay ti amana?

Nagbalin idi a nasayaat ti ama Hanun kenni David.

Mamati kadi dagiti mangidadaulo iti Ammon a liwliwaen ni David ni Hanun gapu ta simrek dagiti soldadona iti dagada?

Pagarupen dagiti mangidadaulo nga immay dagiti adipen ni David tapno agdakiwas/agsiim ken agsukimat iti dagada tapno parmeken ni David ti dagada.

1 Chronicles 19:4-5

Ania ti inaramid ni Hanun kadagiti adipen ni David a nakaibabainanda unay?

Kinuskosanna/binarbasanna ida ken pinutedda dagiti pagan-anayda agingga iti siket.

1 Chronicles 19:6-7

Apay a nagabang/nagarkila dagiti taga Amon kadagiti karuahe ken kumakabalio?

Nagabangda/nagarkilada kadagiti karuahe ken kumakabalio tapno agsaganada iti gubat gapu ta nadadaeldan/bimmangsitdan kenni David.

1 Chronicles 19:8-9

Siasino ti imbaon ni David idi nadamagna/nangngegna ti maipapan iti panagsagsagana dagiti taga Amon para iti gubat?

Imbaonna ni Joab ket ti entero nga armadana.

1 Chronicles 19:10-11

Kasano ti panangiyurnos ni Joab iti pannakiranget kadagiti taga Amon ken taga Aram idi nakitana dagiti nagasagana a makigubat?

Pinili ni Joab ti sumagmamano a kalaingan iti Israel a makiranget kadagiti taga Aram ken binilinna ti kabsatna a makiranget kadagiti taga Amon a kaduana dagiti nabati/dadduma iti armada.

1 Chronicles 19:12-13

Ania ti imbaga ni Joab iti kabsatna?

Imbaga ni Joab ng agtinnulongda iti kabsatna no kasapulan, ken rumbeng nga agpapigsada gapu ta aramidento ni Yahweh ti nasayaat para kadagiti tattaona.

1 Chronicles 19:14-15

Apay a nagtataray ti armada ti Ammon a nagsubli iti siudadda?

Nakita ti armada ti Ammon a nagtataray dagiti taga-Aram iti sangoanan/iti masungadan ti armada ti Israel, isu a nagtatarayda a nagsubli iti siudadda.

1 Chronicles 19:16-17

Apay nga inummong ni David ti amin nga Israel ken inurnosna/insaganana para iti gubat a maibusor kadagiti taga-Aram?

Nangngeg ni David a nangayab iti tulong dagiti taga-Aram.

1 Chronicles 19:18-19

Apay a saanen a kayat dagiti tattao ti Aram a tumulong kadagiti Ammonita?

Saandan a tinulongan dagiti Ammonita idi napapatay ni David ti 47,000 kadagiti tattaoda ken ti mangidadaulo ti armada.

1 Chronicles 20

1 Chronicles 20:1-5

Ania ti inaramid ni Joab idi nagtalinaed ni David idiay Jerusalem?

Indauloan ni Joab ti armada a makigubat, dinadaelna ti daga dagiti taga Ammonita, ket rinaut ken pinarmekna ti Rabba.

1 Chronicles 20:6-8

Ania ti napasamak idi linais dagiti kaputotan ti Rafaim ti armada ti Israel?

Pinapatay ida ni David ken dagiti soldadona.

1 Chronicles 21

1 Chronicles 21:1-3

Apay nga inkeddeng ni David a bilangen dagiti tattao ti Israel?

No umay ti maysa a kabusor ti Israel, kayat ni David a maammoan no manu ti adda iti armadana,.

Kasano ti panangsungbat ti Joab iti kiddaw ni David a bilangenna dagiti tattao?

Insingasingna a makaiyeg daytoy iti pagbasolan ti Israel.

1 Chronicles 21:4-5

Ania ti inaramid ni Joab idi imbilin ti ari kenkuana a mapanna bilangen dagiti tattao?

Napan isuna ket impadamagna ti dagup/kabuklan a bilang dagiti lallaki a makabael a makiranget.

1 Chronicles 21:6-8

Kasano ti wagas a panangsungbat ti Dios iti panangbilang ni David kadagiti soldado ti Israel?

Nasaktan ti Dios ket rinautna ti Israel.

1 Chronicles 21:9-10

Kasano/Ania ti narikna ni David idi rinaut ti Dios ti Israel?

Nariknana a nagbasol isuna gapu iti panangibaonna kenni Joab a bilangen dagiti soldado.

Ania ti indiaya ni Yahweh kenni David idi nagkiddaw isuna iti pammakawan?

Nangidiaya ni Yahweh iti tallo a pagpilian kenkuana.

1 Chronicles 21:11-12

Ania dagiti tallo a pagpilian nga inted ni Yahweh kenni David?

Mabalin a pilien ni David ti tallo a tawen a panagbisin, tallo a bulan a kamatkamaten ida dagiti kabusorna, wenno talo nga aldaw a kampilan ni Yahweh.

1 Chronicles 21:13-15

Ania kadagiti tallo a pannusa ti pinili ni David?

Pinilina ti tallo nga aldaw a kampilan ni Yahweh.

Ania ti nagbanagan ti pinili ni David?

Nangiyeg ni Yahweh iti didigra ket adu a tattao ti natay. Nangibaon ni Yahweh iti maysa nga anghel a mangdadael iti Jerusalem, ngem nagbaliw ti panunot ni Yahweh.

1 Chronicles 21:16-17

Idi nakita ni David ti anghel nga adda kampilanna, kasano/ania ti inaramidna?

Nagpakawan isuna ket kiniddawna a dusaen ti Dios isuna ken ti pamiliana, ngem saanna a dusaen dagiti tattao ti Dios.

1 Chronicles 21:18-20

Ania ti naibilin nga aramiden ni David idiay pagir-irikan ni Ornan?

Mangipatakder isuna iti altar para kenni Yahweh.

Kasano ti inaramid ni Ornan iti pannakakitana iti anghel?

Nanglemmeng isuna ken dagiti uppat nga annakna manipud iti anghel.

1 Chronicles 21:21-22

Idi nagsarak da Ornan ken ni David, ania ti kiniddaw ni David kenkuana?

Kiniddawna kenni Ornan nga ilakona kenkuana ti pagir-irikan.

1 Chronicles 21:23-24

Ania ti indiaya ni Ornan a pinagkekkedan ni David?

Indiayana nga itedna kenkuana ti pagir-irikan, ti baka ket ti arina

1 Chronicles 21:25-27

Kasano a sinungbatan ni Yahweh ti kararag ni David kalpasan a nagatangna ti pagir-irikan ken nakaipatakder iti maysa nga altar?

Sinungbatan isuna ni Yahweh babaen iti apuy manipud iti langit iti rabaw ti altar ken imbagana iti anghel nga isublina ti kampilanna iti kaluban.

1 Chronicles 21:28-30

Apay a saan a makaapan ni David iti disso a pagdaydayawan idiay Gabaon?

Kabuteng ni David ti kampilan ti anghel ni Yahweh.

1 Chronicles 22

1 Chronicles 22:1-2

Ania ti imbilin ni David nga aramiden dagiti adipenna kalpasan a naipakaammona no sadino ti pakaipatakderan ti balay ni Yahweh?

Imbilinna a birukenda dagiti ganggannaet nga agnanaed iti daga ti Israel ken ikkanda ida iti trabaho a paratapias kadagiti bato tapno maipatakder ti balay ti Dios.

1 Chronicles 22:3-5

Ania dagiti panagsagana nga inaramid ni David para iti pannakaipatakder ti balay ni Yahweh sakbay ti ipapatayna?

Nangted isuna iti adu a landok, bronze ken sedro.

1 Chronicles 22:6-8

Apay a bilbilinen ni David ni Solomon nga isuna ti mangipatakder ti balay ni Yahweh?

Imbaga ni Yahweh kenni David a saan nga isuna ti mangipatakder iti balay gapu kadagiti amin a dara a nagsayasay

1 Chronicles 22:9-10

Kasano ti panangibaga ni Yahweh kenni David nga aramidenna iti anakna?

Paginanaennanto isuna kadagiti amin a kabusorna iti amin a disso, ken patibkerennanto ti trono ti pagarianna iti entero nga Israel iti agnanayon.

1 Chronicles 22:11-13

Kasano nga imbaga ni David kenni Solomon a siaannad a tungpalenna?

Imbagana kenni Solomon a tungpalen a nasayaat dagiti paglintegan ken bilin nga inted ni Yahweh kenni Moises maipapan ti Israel

1 Chronicles 22:14-16

Ania ti imbaga ni David nga aramiden ni Solomon kadagiti alikamen nga insagana ni David para iti balay ni Yahweh?

Imbagana nayunan pay daytoy ni Solomon.

1 Chronicles 22:17-19

Ania ti imbaga ni David kenni Solomon nga isaganana ken aramidenna?

Imbagana kenni Solomon nga agsagana ket ipatakderna ti santuario ni Yahweh a Dios.

1 Chronicles 23

1 Chronicles 23:1-3

Ania dagiti dadduma a maudi a banbanag nga inaramid ni David a kas ari ti Israel?

Insaad ni David ni Solomon a kas ari a sumukat kenkuana, ken binilangna dagiti Levita nga agtawen iti tallopulo a tawen.

1 Chronicles 23:4-11

Ania dagiti trabaho nga inted ni David kadagiti Levita?

Biningayna ida kadagiti bunggoy dagiti mangimaton iti trabaho iti balay ni Yahweh, dagiti opisial ken uk-ukom, dagiti parabantay ken dadduma nga agdayaw kenni Yahweh babaen kadagiti instrument.

1 Chronicles 23:12-23

Ania ti pinili ni Aaron ken dagiti kaputotanna nga aramidenda iti agnanayon?

Pinili ni Aaron ken dagiti kaputotanna ti agkonsagrar kadagiti nasantoan unay a banbanag, mangidaton iti insenso kenni Yahweh, agserbida kenkuana, ken mangbendision babaen iti nagan ni Yahweh iti agnanayon.

1 Chronicles 23:24-29

Apay a saanen nga awiten dagiti Levita ti tabernakulo?

Inikkan ida ni Yahweh iti agnanayon a lugar a pangikabilan idiay Jerusalem.

1 Chronicles 23:30-32

Kaano ti tiempo a panagyaman ken panagdayaw dagiti Levita kenni Yahweh?

Binigat ken rinabiida nga agdaydayaw kenkuana, no mangidatonda kadagiti daton a maipuor, iti Aldaw a Panaginana, iti panagramrambak ken kadagiti aldaw dagiti piesta.

1 Chronicles 24

1 Chronicles 24:4-18

Ania a wagas ti inaramidda tapno bingayenda dagiti papadi para iti panagserbida iti santuario?

Biningayda ida nga awan iti panangidumduma babaen iti binnunotan.

1 Chronicles 24:19-28

Ania ti annuroten para kadagiti kaputotan ni Aaron tapno makastrekda iti balay ni Yahweh?

Insuro ida ni Yahweh a sumrek iti balayna babaen iti naisangsangayan a pannakaiyurnos.

1 Chronicles 24:29-31

Ania ti kaugalian a nakairamanan dagiti kaputotan ni Aaron?

Nagbibinnunotda iti sangoanan ti ari.

1 Chronicles 25

1 Chronicles 25:1-5

Ania ti ar-aramiden idi dagiti annak da Asap, Haman, ken Jedutun kadagiti arpa, nakuerdasan nga instrumento ken piangpinag?

Agipadto dagitoy a lallaki a bunggoyan dagti arpa, nakuerdasan nga instrumento, ken piangpiang.

Ta ani ti makagapu nga agtukar ti arpa dagiti putot ni Jedutun?

Agtukar iti arpa para iti panagyaman ken panagdaydayaw kenni Yahweh.

Ania ti inted ti Dios kenni Heman tapno mapadayawan isuna?

Inikkan ti Dios isuna iti annak a sangapulo ket uppat a nataengan ken tallo a babai.

1 Chronicles 25:6-31

Siasino kadagiti tumutokar ti nairaman idi nagbibinnunotda para kadagiti pagrebbenganda?

Agpapadada amin a nabunot a para kadagiti pagrebbenganda, ubbing man wenno lallakay, mangisursuro man wenno agad-adal.

1 Chronicles 26

1 Chronicles 26:8-9

Ania ti kabaelan nga aramiden dagiti makabael a lallaki a putot a lallaki ken dagiti kakabagian ni Obed Edom?

Isuda dagiti lallaki a makabael a mangaramid kadagiti pagrebbenganda a serbisio iti uneg ti tabernakulo.

1 Chronicles 26:10-11

Kasano a nagbalin a mangidadaulo ni Simri uray no san nga isuna ti inauna?

Uray no saan nga isuna ti inauna, pinagbalin isuna ti amana a mangidaulo.

1 Chronicles 26:12-14

Sadino ti pagserbian dagiti agbanbantay iti rungan?

Sadino ti pagserbian dagiti agbanbantay iti rungan?

1 Chronicles 26:15-19

Ania ti nakaidutokan dagiti putot a lallaki ni Obed Edom a kanayonan ti akin-abagatan a ruangan?

Ania ti nakaidutokan dagiti putot a lallaki ni Obed Edom a kanayonan ti akin-abagatan a ruangan? Nadutokan dagiti putot a lallaki kadagiti pangiduldulinan.

1 Chronicles 26:20-26

Ania ti aywanan ni Ahias iti balay ti Dios?

Isuna ti agaywan kadagiti gameng iti balay ti Dios, ken dagiti gamaeng a naisagut a banbanag.

1 Chronicles 26:27-28

Ania ti panggep a naidaton dagiti dadduma a nasamsam kadagiti nagballigian a gubat babaen kenni David ken dagiti mangidadaulo?

Insagutda dagiti dadduma a nasamsam kadagiti nagballigian a gubat para iti pannakatarimaan ti balay ni Yahweh.

1 Chronicles 26:29-32

Ania ti nakaidutokan dagiti lallaki nga annak ni Kenanias kas kadagiti opisial ken uk-ukom?

Ania ti nakaidutokan dagiti lallaki nga annak ni Kenanias kas kadagiti opisial ken uk-ukom?

1 Chronicles 27

1 Chronicles 27:1-22

Kaano ti panagserbi iti tunggal bunggoy ti armada?

Agserbida iti binulan iti uneg ti makatawen.

Mano a lallaki ti adda iti tunggal bunggoy ti armada?

Adda iti 24,000 a lallaki iti tunggal bunggoy.

1 Chronicles 27:23-27

Apay a saan a binilang ni David dagiti agtawen iti duapulo wenno ub-ubing?

Saanna a binilang ida gapu ta inkari ni Yahweh a paaduenna ti Israel a kas kadagiti bituen iti langit.

1 Chronicles 27:28-31

Ania a kita dagiti kayo nga adda kadagiti kapatadan?

Dagiti kayo ti olibo ken dagiti kayo ti sikamuro ti adda kadagiti patad.

1 Chronicles 27:32-34

Apay a mammagbaga ni Jonatan nga uliteg ni David?

Maysa isuna a mammagbaga, agsipud ta masirib isuna ken eskriba.

1 Chronicles 28

1 Chronicles 28:2-3

Apay nga imbaga ti Dios a saan a kenni David ti mangipatakder iti templo para iti naganna?

Kinuna ti Dios a saan nga isuna ti mabalin a mangipatakder daytoy gapu ta mannakigubat isuna ken nangpasayasay isuna iti dara.

1 Chronicles 28:4-5

Ania ti pinili ni Yahweh para kenni Solomon a putot ni David nga aramidenna iti entero nga Israel?

Pinilina ni Solomon nga agtugaw iti trono iti pagarian ni Yahweh iti entero nga Israel.

1 Chronicles 28:6-7

Ania ti imbaga ni Yahweh nga aramidenna kenni Solomon no agtalinaed a napudno nga agtulnog kadagiti bilinna?

Kinuna ni Yahweh nga bilegna ti pagarianna iti agnanayon.

1 Chronicles 28:8

Anianto ti mapasamak iti napintas a daga a tawidenda no salimetmetan dagiti amin a tattao dagiti bilin ni Yahweh?

Tawidendanto ti nasayaat a daga ken pagnaedandanto daytoy a kas tawidto dagiti annakda a sumaruno kadakuada ti agnanayon.

1 Chronicles 28:9-12

Ania ti maawatan ni Yahweh kadagiti kapanunotan ti tunggal maysa?

Ammona ti tunggal panggep ti kapanunotan ti tunggal maysa.

Ania ti mapasamak no tallikudan ni Solomon ni Yahweh?

Agnanayonto a laksiden isuna ni Yahweh.

1 Chronicles 28:13-17

Sadino ti naidutok a trabaho dagiti dagiti papadi ken Levita?

Dagiti naidutok a pagrebbenganda ket ti panagserbida iti balay ni Yahweh.

1 Chronicles 28:18-19

Kasano nga idalan ni David kadagiti amin a banag nga insuratna?

Indalan ni Yahweh isuna ken intedna kenkuana dagitoy tapno maawatanna ti maipapan iti desenio.

1 Chronicles 28:20-21

Ania ti inkari ni David kenni Solomon maipanggep iti presensia ni Yahweh agingga a malpas ti amin a trabaho?

Saan isuna a panawan wenno baybay-an ni Yahweh agingga a malpas ti amin a trabaho iti panagserbi iti templo ni Yahweh.

Ania ti nakasaganan nga aramiden dagiti opisial ken dagiti amin a tattao?

Nakasaganadan nga agtungpal kadagiti bilin ni Solomon.

1 Chronicles 29

1 Chronicles 29:1-2

Apay nga imbaga ni David a ti trabaho ti pannakaipatakder ti templo ket dakkel?

Ti trabaho ket dakkel, ta ti templo ket saan a para kadagiti tattao, ngem para kenni Yahweh a Dios.

1 Chronicles 29:3-5

Apay nga inted ni David ti bukodna a gameng para iti balay ti Dios?

Maragsakan isuna iti balay ti Diosna.

1 Chronicles 29:6-7

Ania a kita ti sagut nga inaramid dagiti pangulo dagiti pamilia dagiti kapuonanda?

Nangaramidda iti siwayawaya a sagut.

1 Chronicles 29:8-9

Apay a narag-o dagiti tattao para iti siwayawaya a sagut?

Nagrag-oda gapu ta nangipaayda a naimpusoan kenni Yahweh.

1 Chronicles 29:10-11

Ania ti imbaga ni David a kukua ni Yahweh?

Kukua ni Yahweh dagiti amin nga adda kadagiti langit ken daga kasta met ti pagarian.

1 Chronicles 29:12-13

Kasano a kabaelan ni Yahweh a pabilegen ken papigsaen dagiti tattao?

Naggapu kenkuana ti pigsa ken bileg ken kabaelanna a papigsaen ti tunggal maysa.

1 Chronicles 29:14-15

Ania ti imbaga ni David maipanggep kadagiti banbanag nga inted dagiti tattao kenni Yahweh?

Naggapu kenni Yahweh dagiti amin a banbanag, ket isublida kenkuana iti kukuana.

1 Chronicles 29:16-19

Ania ti pakaragsakan ti Dios inton makitana ti puso?

Makitkita ni Yahweh ti puso ken maragsakan isuna iti napudno.

Ania ti nangparag-o kenni David kadagiti tattao ti Dios nga adda sadiay?

Sirarag-o isuna a nakakita kabayatan a sipapalubosda a nagisagut kenni Yahweh.

1 Chronicles 29:20-21

Kasano a nagdaydayaw kenni Yahweh ti amin a gimong?

Amin a gimong ket nagdayddayawda kenni Yahweh, nagpaklebda ket nagdaydayawda kenni Yahweh

1 Chronicles 29:22-23

Siasino ti adda turayna a pinulotanda ni Solomon nga agturay?

Pinulutanda babaen iti nagan ni Yahweh.

1 Chronicles 29:24-25

Kasano nga rinaem ni Yahweh ni Solomon iti sangoanan ti entero nga Israel?

Impaayna kenkuana ti kinabileg a saanna a pulos nga inted iti siasinoman nga ari iti sangoananna iday Israel.

1 Chronicles 29:26-28

Ania dagiti dua a banag a rinagragsak ni David kabayatan iti atiddog a biagna?

Rinagragsakna ti kinabaknang ken panangraem.

1 Chronicles 29:29-30

Ania dagiti pagarian a nakapasamakan dagiti naaramid ni David, a kanayon ti Israel?

Inlista dagiti profeta dagiti naaramidna ken dagiti paspasamak a napasamak kadagiti amin a pagarian kadagiti dadduama a daga.