Hosea

Hosea 1

Hosea 1:1-5

Apay a masapul a panaganan ni Oseas iti Jezreel ti umuna a putotna?

Masapul a panaganan ni Oseas iti Jezreel. Ta iti mabiit, dusaento ni Yahweh ti balay ni Jehu gapu iti pannakaiparukpok iti dara idiay Jezreel.

Hosea 1:6-7

Siasinonto ti kaasian ni Yahweh?

Kaasianto ni Yahweh ti balay ti Juda.

Hosea 1:8-9

Apay a masapul a panaganan ni Oseas ti Lo-ammi ti maikadua a putotna?

Masapul a panaganan ni Oseas ti putotna iti Lo-ammi, ta saanton a maibilang a tattaona dagiti Israelita.

Hosea 1:10-11

Anianto ti maibaga kadagiti sigud a saan a tattao ni Yahweh?

Maibaganto kadakuada nga annak ida ti sibibiag a Dios.

Hosea 2

Hosea 2:2-3

Anianto ti aramiden ni Yahweh no saan nga iwaksi ti Israel ti kinabalangkantisna?

No saan nga iwaksi ti Israel ti kinabalangkantisna, labusanto isuna ni Yahweh ket ipakitananto ti kinalamolamona kas iti aldaw a pannakaiyanakna.

Hosea 2:4-5

Apay a saanto a maasi ni Yahweh kadagiti annak ti Israel?

Saanto a maasi ni Yahweh kadagiti annakna, gapu ta annak ida ti kinabalangkantis.

Hosea 2:6-7

Apay nga agsublinto ti Israel iti immuna nga asawana?

Agsublinto ti Israel iti umuna nga asawana, gapu ta nasaysayaat idi para kenkuana ngem ita.

Hosea 2:8-9

Siasino ti nangipaay iti aglaplapusanan a pirak ken balitok iti Israel?

Impaay ni Yahweh kenkuana ti aglaplapusanan a pirak ken balitok.

Hosea 2:10-11

Anianto ti aramiden ni Yahweh iti Israel iti imatang dagiti kaayan-ayatna?

Labusanto isuna ni Yahweh iti imatang dagiti kaayan-ayatna.

Hosea 2:12-13

Ania a tangdan ti inted kenkuana dagiti kaayan-ayat ti Israel?

Dagiti kaubasan ken dagiti kayo nga igos ti inted kenkuana dagiti kaayan-ayat ti Israel.

Hosea 2:14-15

Kasano a sungbatan ti balangkantis ni Yahweh kalpasan a mababawina isuna?

Sungbatanna isuna kas iti inaramidna idi panawen ti kinaagtutubona, kas idi panawen a rimmuar isuna iti daga ti Egipto.

Hosea 2:16-17

Iti dayta nga aldaw, anianto ti iyawag ti Israel kenni Yahweh?

Awagananto isuna iti ‘Ti asawak,’ ken saanton a, ‘Ti Baalko.”

Hosea 2:18

Anianto ti ipaaramid ni Yahweh kadagiti tattaona?

Pagiddaennanto ida iti kinatalged.

Hosea 2:19-20

Kasano kabayag ti inkari ni Yahweh a panagbalinna nga asawa kadagiti tattaona?

Ikarinto ni Yahweh nga agbalin nga asawada iti agnanayon.

Hosea 2:21-22

Anianto ti isungbat ti baro nga arak ken ti lana?

Sungbatanto ti baro nga arak ken lana ti Jezreel.

Hosea 2:23

Anianto ti ibaga ni Yahweh kadagiti saanna a tattao?

Ibaganto ni Yahweh kadagiti sanna a tattao, ‘Dakayo dagiti tattaok’

Hosea 3

Hosea 3:1-3

Iti ania a wagas ti masapul a panagayat ni Oseas iti asawana?

Masapul nga ayaten ni Oseas ti asawana a kas iti panangayat ni Yahweh kadagiti Israelita.

Manu ti pananggatang ni Yahweh iti Israel?

Ginatangna ti Israel iti sangapulo ket lima a pirak, maysa ket kagudua nga omer ti sebada.

Hosea 3:4-5

Kalpasan a nagbiag dagiti Israelita iti manu nga aldaw nga awananda ti ari, siasinonto ti birokenda?

Kalpasan a nagbiag dagiti Israelita iti manu nga aldaw nga awananda iti ari, birokendanto ni Yahweh a Diosda ken ni David nga arida.

Hosea 4

Hosea 4:1-2

Siasino ti pakaibusoran ti darum ni Yahweh?

Adda ti darum ni Yahweh a maibusor kadagiti agnanaed iti daga.

Hosea 4:3

Ania ti mapaspasamak kadagiti agnanaed iti daga?

Kumapkapoy dagiti amin nga agnanaed iti daytoy.

Hosea 4:4-5

Siasino dagiti maitublak iti rabii?

Dagiti profeta ti maitublak iti rabii.

Hosea 4:6-7

Apay a lipatento ni Yahweh dagiti annak dagiti tattao ti Israel?

Lipatento ni Yahweh dagiti annak dagiti tattao ti Israel gapu ta linipatda ti Linteg ti Dios.

Hosea 4:8-10

Kasanonto nga agtignay dagiti tattao?

Agtignaydanto a kasla kadagiti padi?

Hosea 4:11-12

Ania dagiti banbanag a nangpukaw kadagiti pannakaawat dagiti tattao?

Pinukaw ti kinaderrep, arak, ken baro nga arak ti pannakaawatda.

Hosea 4:13-14

Apay a saan a dusaen ni Yahweh dagiti annak a babbai dagiti tattao inton pilienda a makikamalala?

Saan a dusaen ni Yahweh dagiti annak a babbai dagiti tattao inton pilienda ti makikamalala, gapu ta inted met dagiti lallaki dagiti bagbagida kadagiti balangkantis.

Hosea 4:15-16

Sadino ti saan a rumbeng a papanan dagiti tattao?

Masapul a saanda a mapan idiay Gilgal wenno Bethaven.

Hosea 4:17-19

Ania ti inaramid ti Efraim idi naibusen dagiti naingel a mainumda?

Intultuloy ti Efraim ti nakikammalala uray no naibusen dagiti naingel a mainumda.

Hosea 5

Hosea 5:1-2

Sadino ti nakailumloman dagiti rebelde?

Nailumlom dagiti rebelde iti panagpapatay.

Hosea 5:3-4

Ania ti saan a mangipalubos a mangpasubli ti Efraim iti Diosda?

Dagiti aramid ti Efraim ti saan a mangipalubos a mangipasubli kadakuada iti Diosda.

Hosea 5:5-9

Apay a saanto a mabirokan ti Israel, Efraim, ken Juda ni Yahweh?

Saanto a mabirokan ti Efraim, ken Juda ni Yahweh, ta inyadayona ti bagina kadakuada.

Hosea 5:10-11

Siasinonto ti pangibukbokan ni Yahweh iti pungtotna?

Ibukbokto ni Yahweh ti pungtotna kadagiti mangidadaulo ti Juda.

Hosea 5:12-13

Kaano a napan ti Efraim idiay Asiria?

Idi nakita ti Efraim ti sakitna, ket napan isuna idiay Asiria.

Hosea 5:14-15

Kasano kabayag a mapan ni Yahweh ken agsubli iti lugarna?

Mapan ken agsubli ni Yahweh iti lugarna agingga a mabigbig ti Efraim ken Juda ti basolda ket birokenda ti rupana; agingga a sipapasnekda a mangbirok kenkuana iti panagrigrigatda.

Hosea 6

Hosea 6:1-3

Uray no rinangrangkay ni Yahweh dagiti tattaona, anianto ti aramidenna kalpasanna?

Uray no rinangrangkayna ida, paimbagenanto ida.

Kaanonto a pagungaren ni Yahweh dagiti tattaona?

Pagungarennanto ida iti maikatlo nga aldaw.

Hosea 6:4-5

Ania ti kaiyarigan ti kinapudno ti Efraim ken Juda?

Naiyarig ti kinapudnoda iti ulep ti agsapa, a kas iti linnaaw a nasapa a mapukaw.

Hosea 6:6-7

Ania ti tinarigagayan ti Dios?

Tinarigagayan ti Dios ti kinapudno, saan ket a daton, ken ti ad-adda a pannakaammo kenkuana ngem kadagiti daton a maipuoran.

Hosea 6:8-10

Ania a wagas ti nagnunumoan dagiti papadi nga agpapatay iti dalan nga agturong idiay Shekem?

Kas iti panaguray ti bunggoy dagiti agtatakaw iti maysa a tao, kasta met ti nagnunumoan dagiti papadi nga agpapatay iti dalan nga agturong idiay Sikem.

Hosea 6:11

Ania ti naitudingen iti Juda inton isubli ni Yahweh ti kinabaknang dagiti tattaona?

Naitudingen ti panagapit, inton isubli ni Yahweh dagiti kinabaknang dagiti tattaona.

Hosea 7

Hosea 7:1-2

Ania ti nalagip ni Yahweh?

Nalagip ni Yahweh dagiti amin a dakes nga aramidda.

Hosea 7:3-5

Kasano ti pinaragsak dagiti tattao kadagiti opisial?

Babaen ti kinaulbodda, pinaragsakda dagiti opisialda.

Hosea 7:6-7

Ania ti kaiyarigan dagiti puso dagiti tattao?

Maiyarig iti maysa a pugon dagiti pusoda.

Hosea 7:8-9

Ania ti saan nga ammo ti Efraim?

Saan nga ammo ti Efraim nga inibus dagiti ganggannaet ti pigsana wenno nagtubo dagiti uban kenkuana.

Hosea 7:10-11

Kasano a naiyarig ti Efraim ti maysa a kalapati?

Ti Efraim ket naiyarig iti maysa a kalapati, nengneng ken awan pannakaawatna.

Hosea 7:12-13

Apay a saan nga inispal ni Yahweh dagiti tattao?

Saan nga inispal ni Yahweh dagiti tattao gapu ta nagsaoda kadagiti inu-ulbod kenkuana.

Hosea 7:14-15

Ania ti inaramid dagiti tattao tapno makagun-odda iti trigo ken baro nga arak?

Sinugatda dagiti bagbagida tapno makagun-odda iti trigo ken baro nga arak.

Hosea 7:16

Apay a mapapatayto dagiti opisial?

Mapapatayto dagiti opisial gapu iti kinakuspag dagiti dilada.

Hosea 8

Hosea 8:1-3

Apay nga umayen ti maysa nga agila iti balay ni Yahweh?

Umayen ti maysa nga agila iti balay ni Yahweh gapu ta sinalungasing dagiti tattao ti katulaganna ken sinukirda ti lintegna.

Hosea 8:4-5

Ania ti inaramat dagiti tattao a nagaramid kadagiti didiosenda?

Babaen kadagiti pirak ken balitokda, nagaramidda iti didiosen para kadakuada .

Hosea 8:6-7

Ania ti napasamak idi nagmula dagiti tattao iti angin?

Nagmula dagiti tattao iti angin ket alipugpug ti inapitda.

Hosea 8:8-10

Anianto ti aramiden ni Yahweh uray no nangtandan dagiti tattao kadagiti agayat kadagiti nasion?

Uray no nangtangdanda kadagiti agayat kadakuada kadagiti nasion, ummungento ida ni Yahweh.

Hosea 8:11-12

No insurat ni Yahweh ti lintegna kadakuada iti naminsangapulo ribu a daras, kasano ti panangibilangda iti daytoy?

No insurat ni Yahweh ti lintegna kadakuada iti naminsangapulo a ribu a daras, ibilangda daytoy a kas karkarna a banag kadakuada.

Hosea 8:13-14

Kasanonto a dusaen ni Yahweh dagiti basol dagiti tattao?

Dusaennanto dagiti basbasolda babaen iti panangisublina kadakuada idiay Egipto.

Hosea 9

Hosea 9:1-2

Ania ti pagay-ayat ti Israel a bayadan?

Pagay-ayat ti Israel a bayadan ti tangdan a kasapulan ti balangkantis kadagiti amin a pagirikan.

Hosea 9:3-4

Anianto ti kaiyarigan dagiti daton ti Efraim kadakuada?

Dagiti datonda ket maiyarigto iti taraon dagiti nagminatay: matulawanto dagiti amin a mangan.

Hosea 9:5-6

Anianto ti mapasamak no maitarayan dagiti tattao iti pannakadadael?

No maitarayan dagiti tattao iti pannakadadael, ummungento ida ti Egipto, ken itabonto ida ti Memfis.

Hosea 9:7

Ania dagiti aldaw nga umay?

Umadanin dagiti aldaw ti pannakadusa. Umadanin dagiti aldaw iti panagsagaba.

Hosea 9:8-9

Ania iti adda kadagiti dalan ti profeta?

Ti pangsilo iti billit ti adda kadagiti dalanna.

Hosea 9:10

Kalpasan a napan dagiti amma idiay Baal Peor, ania ti nagbalinanda?

Kalpasan a napan dagiti amma idiay Baal Peor, nagbalinda a makarimon kas iti didiosen nga inayatda.

Hosea 9:11-12

Anianto ti mapasamak iti dayag ti Efraim?

Tumayabto ti dayag ti Efraim a kas iti billit.

Hosea 9:13-14

Anianto ti ited ni Yahweh iti Efraim?

Ikkanto ida ni Yahweh iti maal-alisan nga aanakan ken kadagiti suso nga awan tubbogna.

Hosea 9:15

Apay a papanawento ni Yahweh iti balayna ti Efraim?

Gapu kadagiti nakadakdakes nga aramidda, papanawento ida ni Yahweh iti balayna.

Hosea 9:16-17

Anianto ti mapasamak uray no addaan ti Efraim kadagiti annak?

Uray no addaanda kadagiti annak, patayento ni Yahweh dagiti ipatpategda nga annakda.

Hosea 10

Hosea 10:1-2

Ania ti napasamak kabayatan nga umad-adu ti bunga ti Israel?

Bayat nga umad-adu ti bungana, ad-adu pay ti ipatakderna nga altar.

Hosea 10:3-4

Kasano a nakitulag ti Israel?

Nakitulag ti Israel babaen iti ulbod a panagsapsapata.

Hosea 10:5-6

Apay a maipanto idiay Asiria dagiti agnanaed iti Samaria?

Maipandanto idiay Asiria a kas sagut iti natan-ok nga ari.

Hosea 10:7-9

Anianto ti agtubo iti altar?

Agtubonto dagiti nasiit a mula iti altar.

Hosea 10:10-11

Apay nga ikabilto ni Yahweh ti sangol iti napintas a teltel ti Efraim?

Gapu ta ti Efraim ket naiyarig iti nasusuroan a bumalasang a baka a pagay-ayatna iti agirik ti trigo, ikkanto ni Yahweh ti sangol iti napintas a teltelna.

Hosea 10:12-13

Kasano kabayag a rumbeng a biroken dagiti tattao ni Yahweh?

Rumbeng a birokenda ni Yahweh, agingga nga umay ket pagtuddoenna iti kinalinteg kadakuada.

Hosea 10:14-15

Ania ti napasamak kadagiti inna ken dagiti annakda idi dinadael ni Salmana ti Bet-Arbel?

Idi dinadael ni Salmana ti Bet-Arbel, narumrumek dagiti inna ken dagiti annakda.

Hosea 11

Hosea 11:1-2

Sadino ti nangayaban ni Yahweh iti Israel idi ti Israel ket maysan nga agtutubo?

Idi ni Israel ket maysan nga agtutubo, inawagan ni Yahweh isuna manipud iti Egipto.

Hosea 11:3-4

Siasino ti nangaywan iti Efraim?

Ni Yahweh ti nangaywan kadakuada.

Hosea 11:5-7

Ania ti inkeddeng nga aramiden dagiti tattao ni Yahweh?

Inkeddeng dagiti tattao a tumallikod kenkuana.

Hosea 11:8-9

Apay a saanton a dadaelen ni Yahweh ti Efraim?

Saanton a dadaelen ni Yahweh ti Efraim, gapu ta Dios isuna ket saan a tao.

Hosea 11:10-11

Kasanonto nga umay dagiti tattao?

Umayto nga atigtigerger dagiti tattao manipud iti daya a kas iti billit a naggapu idiay Egipto, a kas iti kalapati a naggapu iti daga ti Asiria.

Hosea 11:12

Siasino ti napudno latta iti Dios?

Ni Juda ket napudno latta iti Dios.

Hosea 12

Hosea 12:1-2

Ania ti adda kenni Yahweh a maibusor iti Juda?

Addaan ni Yahweh iti pammabasol iti Juda.

Hosea 12:3-4

Ania ti inaramid ni Jacob iti aanakan ti inana?

Iti aanakan, ginammatan ni Jacob ti mukod ti kabsatna.

Hosea 12:5-6

Ta ania ti rumbeng nga urayen dagiti tattao?

Rumbeng nga agtultuloyda nga aguray ti Diosda.

Hosea 12:7-8

Anianto ti saan a masarakan ti siasinoman iti trabaho ti Efraim?

Iti amin a trabaho ti Efraim, awan ti siasinoman a makasarak iti aniaman a basol kenkuana, aniaman a banag nga agbalin a basol.

Hosea 12:9-10

Kasano kabayag ti pannakikaadda ni Yahweh kadagiti tattao?

Nakikaadda kadakuada ni Yahweh manipud iti daga ti Egipto.

Hosea 12:11-12

Anianto ti pagbalinan dagiti altar ti Gilgal?

Agbalinto dagiti altar ti Gilgal a kasla gabsuon dagiti bato iti tengnga dagiti talon.

Hosea 12:13-14

Ania ti inaramid ni Yahweh babaen iti maysa a profeta?

Inruar ni Yahweh ti Israel manipud Egipto babaen iti maysa a profeta, ken inaywananna ida babaen iti maysa a profeta.

Hosea 13

Hosea 13:1-2

Apay a nagbasol ti Efraim?

Nagbasol isuna gapu iti panagdaydayawna kenni Baal.

Hosea 13:3

Ania iti mapasamak iti taep?

Maiyangin ti taep manipud iti pagirikan.

Hosea 13:4-6

Ania ti napasamak idi nabsug dagiti tattao ni Yahweh?

Idi nabsug dagiti tattao ni Yahweh, timmangsit dagiti pusoda ket linipatda isuna.

Hosea 13:7-8

Anianto ti kayarigan ti panangdarup ni Yahweh kadagiti tattaona?

Darupennanto ida a kas iti oso a natakawan kadagiti annakna.

Hosea 13:9-11

Apay nga umay iti pannakadadael iti Israel?

Umay ti pannakadadael iti Israel gapu ta bimmusorda kenni Yahweh, a katulonganda.

Hosea 13:12-13

Idi tiempo a maipasngayen ti Efraim, ania ti napasamak?

Idi tiempo a maipasngayen ti Efraim, saan isuna a rimmuar iti aanakan.

Hosea 13:14

Ania ti kayat ni Yahweh nga iyeg kenkuana?

Kayat ni Yahweh a maiyeg kenkuana dagiti makapatay a didigra ken pannakadadael ti Sheol.

Hosea 13:15

Anianto ti samsaen dagiti kabusor ti Efraim?

Samsamento dagiti kabusorna ti pagiduldulinan kadagiti napapateg a banbanag.

Hosea 13:16

Anianto ti mapasamak kadagiti ubbing ti Samaria?

Marumrumekto dagiti ubbing nga annakda.

Hosea 14

Hosea 14:1-2

Apay a natnag ti Israel?

Natnag ti Israel gapu kadagiti basbasolda.

Hosea 14:3

Apay a saanto nga ibaga ti Israel iti aramid dagiti imada, “Dakayo dagiti diosmi”?

Saanton nga ibaga ti Israel iti aramid dagiti imada, “Dakayo dagiti diosmi” gapu ta makasarak iti asi kenni Yahweh dagiti ulila.

open-licensed biblical content