Daniel

Daniel 1

Daniel 1:1-2

Kaano nga immay ni Nebucadnesar nga ari ti Babilonia iti Jerusalem tapno lakuben ti siudad ken putden dagiti amin nga abasto iti daytoy?

Immay ni Nebucadnesar iti Jerusalem iti maikatlo a tawen ti panagturay ni Jehoyakim nga ari ti Juda.

Siasino ti nangpaballigi kenni Nebucadnesar a maibusor kenni Jehoyakim nga ari ti Juda?

Ti Apo iti nangpaballigi kenni Nebucadnesar a maibusor kenni Jehoyakim.

Daniel 1:3-5

Ania ti imbaga ti ari nga aramiden ni Aspenaz?

Imbaga ti ari kenni Aspenaz nga itugotna dagiti dadduma a tattao ti Israel, dagiti pamilia ti ari ken dagiti mararaem.

Ania a kita dagiti agtutubo a lallaki ti kayat ti ari a maipan idiay Babilonia?

Kayat ti ari dagiti agtututbo a lallaki nga awan pakapilawanna, nataraki/nataer, napnoan iti amin a kinasirib, napnoan iti pannakaammo ken pannakaawat, maikari nga agserbi iti palasio ti ari.

Ania iti maipakan kadagitoy nga agtutubo a lallaki?

Mapakanda iti inaldaw a paset ti taraon ken arak ti ari.

Daniel 1:6-7

Ania ti nagan dagitoy dadduma nga agtutubo a lallaki a nagggapu idiay Israel ken ania ti impanagan kadakuada ti kangatoan nga ofisial?

Dagiti nagan dagitoy dadduma nga agtutubo a lallaki ken ti impanagan kadakuada ti kangatoan nga ofisial ket: Ni Daniel a naawagan iti Beltesazar, ni Hananias a naawagan iti Sedrac, ni Misael a naawagan iti Mesac, ken ni Azarias a naawagan iti Abednego.

Daniel 1:8-10

Ania ti inkeddeng ni Daniel?

Inkeddeng ni Daniel a saanna a tulawan ti bagina babaen iti taraon ken arak ti ari.

Kasano a sinungbatan ti kangatoan nga ofisial ni Daniel idi dimmawat iti pammalubos a saanna a tulawan ti bagina babaen iti taraon ken arak ti ari?

Imbaga ti kangatoan nga ofisial kenni Daniel a mabuteng isuna iti ari, nga imbilin ti ari no ania a taraon ken mainom ti rumbeng a maiserbi kenni Daniel ket amangan no ipapatay ti ari ti kangatoan nga ofisial no makitana a nakutkuttong ti langa ni Daniel ngem dagiti dadduma nga agtutubo a lallaki a kapatadanna.

Daniel 1:11-13

Ania ti dinawat ni Daniel iti mangay-aywan a naidutok kada Daniel, Hananias, Misael, ken Azarias?

Dinawat ni Daniel iti mangay-aywan a paliiwenna ida iti sangapulo nga aldaw babaen iti panangtedna kadakuada kadagiti natnateng laeng a kanen ken danum nga inumen ket kalpasan ti sangapulo nga aldaw, idiligna ida kadagiti dadduma nga agtutubo a lallaki a nangan iti taraon ti ari ket tratoenna ida a maibasar iti makitana.

Daniel 1:14-16

Kalpasan nga immannugot ti mangay-aywan iti pannubok, ania ti napaliiwna kalpasan iti sangapulo nga aldaw idi indiligna ni Daniel, Hananias, Misael, ken Azarias kadagiti dadduma nga agtutubo a lallaki?

Napaliiw ti mangay-aywan a nasalsalun-at ti langa da Daniel, Hananias, Misael ken Azarias. Ken naluklukmegda ngem dagiti dadduma nga agtutubo a lallaki a nangan iti taraon ti ari.

Daniel 1:17-18

Ania ti inted ti Dios kada Daniel, Hananias, Misael, ken Azarias?

Inikkan ida ti Dios iti pannakaammo ken saririt iti amin a sursuro ken kinasirib, ken maawatan ni Daniel dagiti amin a kita ti sirmata ken dagiti tagtagainep.

Daniel 1:19-21

Ania ti naammoan ti ari idi nakisarita isuna iti entero a bunggoy dagiti agtutubo a lallaki?

Naammoan ti ari nga awan iti maidilig kada Daniel, Hananias, Misael ken Azarias. Iti tunggal saludsod ti kinasirib ken pannakaammo a damagen kadakuada ti ari, naammoanna a maminsangapulo a daras a nalalaingda ngem dagiti salamangkero ken dagiti mangibagbaga a kabaelanda ti makisarita kadagiti natay, nga adda iti entero a pagarianna.

Kasano kapaut ti kaadda ni Daniel idiay Babilonia?

Adda isuna sadiay agingga iti umuna a tawen ti panagturay ni Ari Cyrus.

Daniel 2

Daniel 2:1-4

Kaano a nagtagtagainep ni Nebucadnesar a nakariribukanna isu a saanen a makaturog?

Napasamak daytoy iti maikadua a tawen ti panagturayna.

Apay a pinaayaban ti ari dagiti salamangkero, dagiti managanito, dagiti nasirib a lallaki ken dagiti mangibagbaga a makasaritada dagiti natay?

Kayat ti ari nga ibaga kenkuana dagitoy a lallaki ti maipapan kadagiti tagtagainepna.

Daniel 2:5-9

Ania ti kangrunaan a kayat ti ari nga aramiden dagiti nasirib a lallaki?

kayat ti ari nga iparang kenkuana dagiti nasirib a lallaki ti tagtagainep ken kasta met nga ibagada ti kaipapanan ti tagtagainep para iti ari.

Ania ti imbaga ti ari a mapasamak kadagiti nasirib a lallaki no saanda a maibaga iti ari ti tagtagainepna ken ti kaipapanan daytoy para kenkuana?

Kinuna ti ari a no saanda a maibaga ti tagtagainep ken ti kaipapanan daytoy, marangrangkayto ti bagi dagiti nasirib a lallaki ken agbalin a gabsuon iti rugit dagiti balayda.

Ania ti kinuna ti ari nga aramidenna para iti tao wenno tattao a makaiparang kenkuana iti tagtagainep ken makaibaga iti kaipapanan daytoy?

Kinuna ti ari nga ikkanna dayta a tao wenno tattao kadagiti sagut, gunggona, ken dakkel a pammadayaw.

Daniel 2:10-11

Siasino ti imbaga dagiti nasirib a lallaki a makaaramid iti dawdawaten ti maipapan iti tagtagainepna?

Kinuna dagiti nasirib a lallaki nga awan iti tao iti daga a makaibaga iti kalkalikaguman ti ari, dagiti laeng dios ti makaaramid iti dayta.

Daniel 2:12-13

Kalpasan ti sungbat dagiti nasirib a lallaki kenni Nebucadnesar, ania ti imbilin ti ari?

Imbilin ti ari a mapapatay dagiti amin a nalatak gapu iti kinasiribda.

Daniel 2:14-18

Siasino ni Arioc?

Isuna ti pangulo dagiti guardia ti ari, ti dinutokan ti ari a mangpapatay kadagiti amin a nasirib iti Babilonia.

Kasano a nakisarita ni Daniel kenni Arioc, idi napan isuna kenni Daniel?

Simmungbat ni Daniel kenni Arioc nga addaan kinaannad ken kinatimbeng. Sinaludsodna kenni Arioc no apay a naganat unay ti bilin ti ari.

Ania ti kiniddaw ni Daniel kalpasan a nakisarita isuna kenni Arioc?

Simrek ni Daniel ket kiniddawna iti ari a mangikeddeng ti ari iti tiempo tapno maibagana ti tagtagainep ken ti kaipapanan daytoy iti ari.

Daniel 2:19-22

Ania ti inaramid ni Daniel kalpasan a naiparang kenkuana ti palimed?

Dinaydayaw ni Daniel ti Dios dagiti langit.

Daniel 2:23

Ania ti nagyamanan ni Daniel iti Dios dagiti kapuonanna?

Nagyaman ni Daniel iti Dios dagiti kapuonanna gapu iti kinasirib ken pannakabalin ti Dios dagiti kapuonanna nga intedna kenkuana.

Daniel 2:24-26

Siasino ti napan sinarak ni Daniel kalpasan a naiparang ti palimed kenkuana?

Napan sinarak ni Daniel ni Arioc.

Ania ti imbaga ni Daniel kenni Arioc?

Imbaga ni Daniel kenni Arioc a saanna a papatayen dagiti nasirib a lallaki iti Babilonia. Imbaga ni Daniel kenni Arioc a kadduanna isuna iti sangoanan ti ari tapno maibaga ni Daniel iti ari ti kaipapanan ti tagtagainep ti ari.

Daniel 2:27-28

Idi naipan ni Daniel iti ari, siasino ti imbaga ni Daniel a makaiparang iti misterio a kalkalikaguman ti ari?

Kinuna ni Daniel nga adda iti maysa a Dios nga agnanaed kadagiti langit, a mangiparparang kadagiti palimed.

Ania ti imbaga ni Daniel maipapan iti tagtagainep ti ari?

Kinuna ni Daniel a ti tagtagainep ket maipapan kadagiti mapasamakto kadagiti sumaruno nga al-aldaw.

Daniel 2:29-33

Ania ti langa ti estatua a nakita ti ari iti tagtagainepna?

Dakkel ti estatua, ken naaramid iti balitok ti ulona, naaramid iti pirak ti barukong ken takkiagna, naaramid iti bronse ti tian ken luppona, naaramid iti naglaok a landok ken damili dagiti gurong ken sakana.

Daniel 2:34-35

Ania iti napasamak iti estatua a nakita ti ari iti tagtagainepna?

Nakita ti ari ti maysa a bato a nareggaay, ngem saan a babaen kadagiti ima ti tao. Dinungpar ti bato ti saka ti estatua ket nawarawara iti napino ti sibubukel nga estatua ket naiyangin dagiti pidasona.

Ania ti napasamak iti bato a nangdungpar iti estatua?

Ti bato a nangdungpar iti estatua ket nagbalin a dakkel a bantay ket nagwaras iti entero a daga.

Daniel 2:36-43

Siasino ti ulo ti estatua?

Ni Ari Nebucadnesar ti ulo ti estatua.

Daniel 2:44-45

Anianto ti aramiden ti Dios ti langit kadagiti aldaw ti pagarian a naaramid iti naglaok a landok ken damili?

Kadagidiay nga al-aldaw, mangisaadto ti Dios ti langit iti maysa a pagarian a saanto a pulos a madadael wenno maparmek dagiti dadduma pay a tattao.

Daniel 2:46-47

Ania ti imbilin ni Nebucadnesar a maaramid kalpasan a naibaga ni Daniel ti tagtagainep ken ti kaipapanan daytoy?

Imbilin ti ari nga agidatonda ken mangpuorda iti insenso para kenni Daniel.

Ania ti imbaga ni Nebucadnesar maipapan iti Dios ni Daniel?

Kinuna ni Nebucadnesar a ti Dios ni Daniel ket Dios dagiti dios, ti Apo dagiti ari, ken ti mangiparparang kadagiti palimed.

Daniel 2:48-49

Ania ti inaramid ni Nebucadnesar kalpasan a nagkiddaw ni Daniel iti ari?

Dinutokan ti ari da Sedrac, Mesac, ken Abednego nga agbalin nga administrador iti entero a probinsia ti Babilonia.

Daniel 3

Daniel 3:1-2

Ania dagiti sukat ti balitok nga estatua nga inaramid ken impatakder ni Nebucadnesar idiay Tanap ti Dura?

Ti estatua ket innem a pulo a cubico ti katayagna ken innem a cubico ti kaakabana.

Daniel 3:3-5

Siasino dagiti immay iti pannakaidaton ti estatua nga inaramid ni Nebucadnesar?

Immay iti pannakaidaton dagiti gobernador ti probinsia, gobernador ti reheion, ket dagiti gobernador ti ili, kadduada dagiti kameng ti mammagbaga, tesorero, ukom, mahistrado, ken dagiti amin a kangangatoan nga ofisial ti probinsia.

Ania ti kayat ni Nebucadnesar nga aramiden dagiti dimmar-ay iti pannakaidaton?

Kayatna nga agkurno ken agpakleb dagiti dimmar-ay iti sangoanan ti balitok nga estatua inton mangngegda ti uni dagiti tangguyob, plauta, sacabuche, lira, arpa, ken sinfonia, ken dagiti amin a kita ti musiko.

Daniel 3:6-7

Ania ti imbilin ti ari a mapasamak kadagiti saan nga agkurno ken agdayaw iti estatua inton mangngegda amin dagiti amin nga instrumento ken ti musiko?

Kinuna ti ari a dagiti saan nga agkurno ken agdayaw, iti dayta a kanito, maitappuak iti gumilgil-ayab nga urno.

Daniel 3:8-10

Siasino ti nangpabasol kada Sedrac, Mesac, ken Abednego?

Adda dagiti Caldeo nga immay ket pinabasolda ida.

Daniel 3:11-15

Siasino dagiti saan nga agkurno ken agdayaw iti estatua?

Adda dagiti Judio, a ti naganda ket Sedrac, Mesac, ken Abednego, a saan nga agkurno ken agdayaw iti estatua.

Daniel 3:16-18

Ania ti insungbat da Sedrac, Mesac, ken Abednego iti ari idi inulit ti ari ti bilin nga agkurno ken agdayawda iti estatua, ken imbagana ti mapasamak no saanda a suroten ti bilin ti ari?

Insungbat da Sedrac, Mesac, ken Abednego a pagtalinaeden ida ti Diosda a natalged ket ispalenna ida manipud iti gumilgil-ayab nga urno. Ngem uray saan nga ispalen ida ti Diosda, saanda nga agdayaw kadagiti dios ni Nebucadnesar wenno agpakleb iti sangoanan ti estatua.

Daniel 3:19-20

Ania ti imbilin ni Nebucadnesar maipapan kada Sedrac, Masec, ken Abednego?

Imbilin ni Nebucadnesar a mapapudot ti urno iti maminpito a napudpudot ngem ti sigud a kapudot daytoy, ken mareppet da Sedrac, Mesac, ken Abednego ket maitappuak iti urno.

Daniel 3:21-23

Ania ti napasamak kada Sedrac, Mesac, ken Abednego ken dagiti lallaki a nangala kadakuada tapno ikabilda ida iti urno?

Natay dagiti lallaki a nangala kada Sedrac, Mesac, ken Abednego babaen iti napudot unay nga apuy manipud iti urno ket naitappuak iti urno da Sedrac, Mesac, ken Abednego.

Daniel 3:24-25

Ania ti nangpasiddaaw ken nangpatakder a dagus kenni Nebucadnesar?

Nasdaaw ni Nebucadnesar gapu ta nakakita isuna iti uppat a lallaki, saan a nareppet, agpagnapagna iti apuy ken saanda a nadangran ket ti kinaraniag ti maikapat a lalaki ket kasla maysa nga anak dagiti didios.

Daniel 3:26-28

Ania ti napaliiw dagiti adda sadiay maipapan kada Sedrac, Mesac, ken Abednego kalpasan a rimmuarda iti apuy?

Napaliiw dagiti adda sadiay a saan a dinangran ti apuy dagiti bagida; saan a nasiraman dagiti buokda; saan a nadadael dagiti pagan-anayda; ken awan ti agat-asuk nga angotda.

Daniel 3:29-30

Ania ti impaulog ni Nebucadnesar a bilin kalpasan ti napasamak kada Sedrac, Mesac, ken Abednego ken iti gumilgil-ayab nga urno?

Imbilin ni Nebucadnesar a siasinoman a tao, nasion, wenno pagsasao nga agsao iti aniaman a banag a maibusor iti Dios da Sedrac, Mesac, ken Abednego ket marangrangkay ken mapagbalin a gabsuon dagiti rugit dagiti balayda gapu ta awan ti sabali a dios a makabael a mangisalakan ti kas iti dayta.

Ania ti inaramid ti ari para kada Sedrac, Mesac, ken Abednego?

Impangato ni Nebucadnesar nga ari ti saad da Sedrac, Mesac, ken Abednego idiay probinsia ti Babilonia.

Daniel 4

Daniel 4:1-3

Siasino ti nangipatulodan ni Nebucadnesar iti bilin?

Impatulod ni Nebucadnesar ti bilin kadagiti amin a tattao, nasion, ken pagsasao nga agnanaed iti daga.

Apay nga impatulod ni Nebucadnesar ti bilin?

Impatulod ni Nebucadnesar ti bilin tapno ibagana iti tunggal maysa ti maipapan kadagiti pagilasinan ken nakaskasdaaw nga inaramid kenkuana ti Kangangatoan.

Ania ti imbaga ni Nebucadnesar maipapan iti Kangangatoan?

Kinuna ni Nebucadnesar maipapan iti Kangangatoan, “Anian a naindaklan dagiti pagilasinanna, ken anian a nagbileg dagiti nakaskasdaaw nga inaramidna!” Ti pagarianna ket agnanayon a pagarian, ken ti panagturayna ket agpaut iti amin a henerasion.”

Daniel 4:4-6

Ania ti nagbutngan ni Nebucadnesar?

Nagbuteng ni Nebucadnesar iti maysa a tagtagainep.

Apay a nangipaulog ni Nebucadnesar iti maysa a bilin nga ipanda kenkuana dagiti amin a nasirib a lallaki ti Babilonia?

Kayat ni Nebucadnesar nga umay dagiti nasirib a lallaki ti Babilonia tapno ibagada kenkuana ti kaipapanan ti tagtagainepna.

Daniel 4:7-9

Ania a nagan dagiti taga-Babilonia ti naipanagan kenni Daniel ken ania ti saad ni Daniel iti pagarian ni Nebucadnesar?

Ti naipanagan kenni Daniel ket Beltesazar ken isuna ti “kangatoan kadagiti salamangkero.”

Siasino ti patien ni Nebucadnesar a makabael a mangibaga iti kaipapanan ti tagtagainepna?

Mamati ni Nebucadnesar a maibaga kenkuana ni Daniel ti kaipapanan ti tagtagainepna, ta kinuna ni Nebucadnesar kenni Daniel, “… adda kenka ti espiritu dagiti nasantoan a dios ket awan ti misterio a narigat unay para kenka.”

Ania a nagan dagiti taga-Babilonia ti naipanagan kenni Daniel ken ania ti saad ni Daniel iti pagarian ni Nebucadnesar?

Ti naipanagan kenni Daniel ket Beltesazar ken isuna ti “kangatoan kadagiti salamangkero.”

Daniel 4:10-12

Ania ti nakita ni Nebucadnesar iti umuna a paset ti tagtagainepna?

Nakakita ni Nebucadnesar iti maysa a natayag, natibker, napintas a kayo a dimmanon kadagiti langit. Nangipaay daytoy iti linong kadagiti ayup ken pagnaedan kadagiti billit. Addaan daytoy iti adu a bunga a kanen dagiti amin a sibibiag a parsua.

Daniel 4:13-14

Ania ti kinuna ti mensahero manipud kadagiti langit a maaramid iti kayo?

Kinuna ti mensahero a pukanen ti kayo, salingsingan dagiti sangana, ikkaten dagiti bulongna ken iwara dagiti bungana.

Daniel 4:15-19

Ania ti maaramid iti pungdol ti kayo?

Mabati ti pungdol iti daga ket napakalupkopan iti landok ken bronse. Bay-an a mabasa iti linnaaw daytoy. Bay-an a makipagnaed kadagiti ayup. Bay-an nga agbalin a kasla agpanpanunot nga ayup ket saan a kas tao iti las-ud ti pito a tawen.

Iti tagtagainep ni Nebucadnesar, ania ti panggep ti panangaramid iti daytoy iti kayo?

Ti panggep ket tapno maammoan dagiti sibibiag a ti Kangangatoan ti agturturay kadagiti pagarian dagiti tattao ken iyawatna ida iti siasinoman a kayatna a pangisaadan kadakuada.

Daniel 4:20-23

Siasino ti imbaga ni Daniel a nakaiyarigan ti kayo iti tagtagainep ni Nebucadnesar?

Kinuna ni Daniel a ti kayo ket isu ni Nebucadnesar.

Daniel 4:24-25

Ania ti mapasamak kenni Nebucadnesar agingga a mabigbigna a ti Kangangatoan ti agturturay kadagiti pagarian dagiti tattao ken iyawatna ida iti siasinoman a tarigagayanna?

Mapapanaw ni Nebucadnesar iti ayan dagiti tattao. Agnaed isuna iti kataltalonan a kaduana dagiti atap nga ayup ken mangan isuna iti ruot a kasla iti baka ket mabasa isuna iti linnaaw manipud kadagiti langit.

Kasano kapaut sakbay a mabigbig ni Nebucadnesar a ti Kangangatoan ti agturturay kadagiti pagarian dagiti tattao ken iyawatna ida iti siasinoman a tarigagayanna?

Aglabas ti pito a tawen agingga a mabigbig ni Nebucadnesar a ti Kangangatoan ti agturturay kadagiti pagarian dagiti tattao ken iyawatna ida iti siasinoman a tarigagayanna a pangiyawatanna.

Daniel 4:26-27

Kalpasan a naibagana kenni Nebucadnesar ti kaipapanan ti tagtagainep, ania ti imbalakad ni Daniel kenkuana?

Binalakadan ni Daniel ni Nebucadnesar nga isardengnan ti agbasbasol ken aramidenna ti nalinteg. Imbagana pay kenni Nebucadnesar nga agbabawi isuna kadagiti basbasolna babaen iti panangipakitana iti asi kadagiti maparparigat.

Daniel 4:28-33

Kasano kabayag sakbay a mapasamak ti kaipapanan ti tagtagainep ni Nebucadnesar?

Nangrugi a mapasamak dagitoy iti sangapulo ket dua a bulan kalpasan ti tagtagainepna.

Daniel 4:34-35

Ania ti napasamak kenni Nebucadnesar kalpasan ti pito a tawen?

Nagsubli kenni Nebucadnesar ti kinalimbong ti panunotna.

Ania ti inaramid ni Nebucadnesar kalpasan a nagsubli ti kinalimbong ti panunotna?

Dinayaw ken rinaem ni Nebucadnesar ti Kangangatoan nga agturturay iti agnanayon.

Daniel 4:36-37

Ania ti napasamak iti pagarian ni Nebucadnesar?

Naisubli kenkuana ti pagarianna.

Kamaudiananna, Ania ti kinuna ni Nebucadnesar maipapan iti Ari ti langit?

Kinunana, “Ita, siak, a ni Nebucadnesar, dayawek, itan-okko, ken raemek ti Ari ti langit, ta umno dagiti amin nga aramidna, ken nalinteg dagiti wagasna. Kabaelanna nga ipababa dagiti magna iti bukodda a kinatangsit .”

Daniel 5

Daniel 5:1

Siasino ti pinadayaan iti kasta unay ni Belsazar nga ari?

Nangbuangay isuna iti dakkel a padayapara kadagitii sangaribu a natakneng a tattaona.

Daniel 5:2

Siasino daytoy a Belsazar?

Isuna ti anak a lalaki ni Nebucadnesar.

Daniel 5:3

Ania dagiti alikamen nga inusarda tapno uminom iti arak iti daytoy a padaya?

Inusarda dagiti balitok a tasa a naala manipud iti templo, a balay ti Dios, idiay Jerusalem.

Daniel 5:4

Ania ti inaramid dagiti tattao iti padaya kas in-inomenda ti arak?

Dinaydayawda dagiti didiosenda a balitok ken pirak, bronse, landok, kayo, ken bato.

Daniel 5:5

Ania ti napasamak bayat nga umin-inom dagiti tattao ti arak ken agdaydayaw kadagiti didiosenda?

Nagparang dagiti ramay ti maysa a tao iti sangoanan ti pagsilawan ket nagsurat iti napalitadaan a pader idiay palasio ti ari.

Daniel 5:6

Ania ti napasamak iti ari idi nakitana ti ima?

Bimsag ti rupa ti ari ken nagbuteng isuna; saan a matenggel isuna dagiti sakana, ken agkutkutokot dagiti dua a tumengna.

Daniel 5:7-12

Ania ti inkari ti ari iti siasinoman a makaipalawag iti surat iti napalitaan a pader ken iti kayatna a sawen?

Inkari ti ari iti siasinoman a makaipalawag iti naisurat ken iti kayat a sawen daytoy ket makawesan iti lila a lupot ken maikkan iti balitok a kuentas iti tengngedna ken maikkan iti kinaturay a kas maikatlo a kangangatoan a mangituray iti pagarian.

Daniel 5:13-16

Segun iti ari ania dagiti kababalin nga imbagana a nangngeganna maipanggep kenni Daniel?

Imbaga ti ari kenni Daniel a nangngegna nga adda kenni Daniel iti espiritu dagiti Dios ken agtagikua ni Daniel iti lawag ken pannakaawat ken naisangsangayan a kinasirib

Daniel 5:17-19

Ania ti sungbat ni Daniel idi naibaga kenkuana dagiti gunggona a maawatna gapu ti panangbasana iti naisurat ken panangilawlawagna iti kayat a sawen daytoy?

Imbaga ni Daniel iti ari, “Kukuam lattan dagiti sagutmo, ket itedmo dagiti panggunggonam iti sabali a tao. Nupay kasta basaek ti naisurat kenka, O ari, ken ibagak kenka ti kayatna a sawen.”

Daniel 5:20-21

Apay a naikkat ni Nebucadnesar manipud iti naarian a tronona ken apay a naikkat kenkuana iti kinadayagna?

Napukaw kenni Nebucadnesar ti kinatan-okna ken ti kinaarina gapu ta nagbalin a napalangguad ken timmangsit ti espirituna isu a nagtignay a sipapasindayag.

Daniel 5:22-25

Ania dagiti imbaga ni Daniel a maibusor kenni Belsazar?

Kinuna ni Daniel a saan a nagpakumbaba ni Belsazar, nagpannakkel isuna iti Apo ti Langit ken saanna a pinagdayawan ti Dios a makintengngel iti angesna iti imana ken makaammo kadagiti amin a wagasna.

Daniel 5:26-29

Ania ti kayat a sawen ti nakasurat iti napalitadaan a diding?

Dagiti kayatna a sawen ket dagiti sumaganad: Binilangan ti Dios ti pagarian ni Belsazar ket pinagpatingganan daytoy. Tinimbangna ni Belsazar ket nagkurang daytoy. Naguddua ti pagarian ni Belsazar ket naited kadagiti taga-Medes ken taga-Persia.

Daniel 5:30

Ania iti napasamak iti dayta a rabii kalpasan a naited ni Daniel ti kaipapanan ti surat kenni Belsazar?

Iti dayta a rabii napapatay ni Belsazar, nga ari ti Babilonia, ket inawat ni Dario a taga-Mede ti pagarian.

Daniel 5:31

Mano ti tawen ni Darius a Mede idi inawatna ti pagarian?

Agarup innem a pulo ket dua ti tawen ni Darius idi inawatna ti pagarian.

Daniel 6

Daniel 6:1

Siasino ti dinutokan ni Dario a mangimaton iti pagarian?

Nangdutok isuna kadagiti 120 a gobernador ti probisia a kadua dagiti tallo a kangatoan nga administrador a mangaywan kadakuada.

Daniel 6:2

Siasino ti maysa kadagiti tallo a kangatoan nga administrador?

Ni Daniel ti maysa kadagiti tallo a kangatoan nga administrador.

Apay a nadutokan dagiti tallo a kangatoan nga administrador?

Nadutokanda tapno imatonan dagiti gobernador ti probinsia, tapno saan a mapukawan ti ari.

Daniel 6:3

Siasino ti pangpanggepen ti ari nga ikabil a mangimaton iti entero a pagarian?

Pinanggep ti ari nga isaad ni Daniel a mangimaton iti entero a pagarian.

Daniel 6:4

Apay nga awan ti nasarakan dagiti dadduma a kangatoan nga administrador ken dagiti gobernador ti probinsia a kinakusit, saan a nagkurang iti pagrebbenganna, saan a nagbiddut ken nagbaybay-a iti trabahona ni Daniel para iti pagarian?

Awan ti masarakanda kadagitoy a banbanag gapu ta napudno ni Daniel.

Daniel 6:5-6

Ania laeng a paset ti panagbiagna ti panpanunoten dagiti dadduma a kangatoan nga administrador ken dagiti gobernador ti probinsia a mabalin a pakasarakanda ti pangidarumanda kenni Daniel?

Panpanunotenda a mabalin a makasarakda iti maysa a banag a maibusor kenni Daniel maipapan iti linteg ti Diosna.

Daniel 6:7-9

Ania ti imbalakad dagiti gobernador ti probinsia ken dagiti dadduma a kangatoan nga administrador nga aramiden ni Ari Dario?

Binalakadanda ni Dario a mangipaulog iti maysa a linteg ken ipatungpalna daytoy a siasinoman iti agkararag iti siasinoman a didiosen wenno tao malaksid kenni Ari Dario iti tallopulo nga aldaw, dayta a tao ket maipuruak iti rukib dagiti leon.

Daniel 6:10-12

Ania ti inaramid ni Daniel kalpasan a naammoanna a naipaulog ti linteg ken napirmaanen ti kasuratan a kas maysa a linteg?

Nagawid ni Daniel, nagparintumen ken nagkararag a nagyaman iti Dios kas ar-aramidenna iti kallabes.

Daniel 6:13

Ania ti inaramid dagiti lallaki a nagpanggep iti maibusor kenni Daniel idi nakitada nga agkarkararag ken dumawdawat iti tulong ti Dios ni Daniel?

Napan dagidiay a lallaki iti ari ket imbagada kenkuana a saan nga impangag ni Daniel ti ari wenno ti lintegna ket nagkararag iti Dios ni Daniel iti tallo a daras iti maysa nga aldaw.

Daniel 6:14-16

Ania ti inaramid ti ari idi nadamagna a linabsing ni Daniel ti linteg ti ari?

Nariribukan unay ti Ari ket pinanunotna nga ispalen ni Daniel manipud iti lintegna.

Daniel 6:17-19

Kalpasan a naipuruak ni Daniel iti rukib dagiti leon, ania ti inaramid ti ari?

Sinelyoan ti ari ti pagserkan ti rukib babaen iti bukodna a pangselio a singsing. Kalpasanna nagawid isuna iti palasio ket nagayunar iti nagpatnag ken saan a naturog.

Daniel 6:20

Iti kabigatanna kalpasan a naipuruak ni Daniel iti rukib dagiti leon,idi napan ti ari iti rukib, ania ti dinamagna kenni Daniel?

Dinamag ti ari ni Daniel no insalakan isuna ti Dios nga agtultuloy a pagserserbian ni Daniel manipud kadagiti leon.

Daniel 6:21-22

Kasano a sinungbatan ni Daniel ti ari?

Kinuna ni Daniel iti ari, “O ari, agbiagka koma iti agnanayo! Imbaon ti Diosko ti mensaherona ket inkaemna dagiti ngiwat ti leon, ket saandak a dinangran. Ta nasarakannak nga awan mulitna iti sangoananna ken kasta met kenka, O ari, ket saanka a dinangran.”

Daniel 6:23

Ania ti umuna a bilin nga inted ti ari kalpasan a naammoanna a sibibiag ni Daniel idiay rukib dagiti leon?

Ti umuna a bilin nga inted ti ari kalpasan a naammoanna a sibibiag ni Daniel ket masapul nga iruarda ni Daniel iti rukib.

Daniel 6:24-25

Ania ti maikaddua a bilin nga inted ti ari kalpasan a masarakanna a sibibiag ni Daniel idiay rukib dagiti leon?

Ti maikaddua a bilin ket maiyeg dagiti lallaki a nangpabasol kenni Daniel ket maitappuakda iti rukib dagiti leon a kaddua dagiti annakda ken dagiti assawada.

Daniel 6:26-27

Ania ti imbaga ni Dario maipapan iti Dios ken iti lintegna maipanggep iti Dios ni Daniel?

Kinuna ni Dario iti Dios ni Daniel “Isuna ti sibibiag a Dios ken agbiag iti agnanayon, ken saan a madadael ti pagarianna; ti pagturayanna ket agingga iti panungpalan. Salsaluadannatayo ken is-ispalennatayo, ken mangar-aramid kadagiti pagilasinan ken kadagiti nakakaskasdaaw idiay langit ken iti daga; Pinagtalinaedna a natalged ni Daniel manipud iti kinarungsot dagiti leon.

Daniel 6:28

Siasino iti agturturay idi rimmang-ay ni Daniel?

Rimmang-ay ni Daniel kabayatan ti panagturay ni Dario ken kabayatan ti panagturay ni Cyrus a taga Persia.

Daniel 7

Daniel 7:1

Kaano a naaddaan iti tagtagainep ken sirmata iti panunot ni Daniel?

Naaddaan iti tagtagainep ken sirmata ni Daniel bayat a nakaidda isuna kabayatan ti umuna a tawen ni Belsazar nga ari ti Babilonia.

Daniel 7:2

Iti sirmata ni Daniel ania ti mangkibkibur iti nalawa a baybay?

Kibkiburen dagiti uppat nga angin ti langit ti nalawa a baybay.

Daniel 7:3

Ania ti rimmuar manipud iti baybay?

Uppat a dadakkel nga ayup, agduduma ti langa ti tunggal maysa a rimmuar manipud iti baybay.

Daniel 7:4

Ania ti naited iti ayup a kasla leon?

Naited kenkuana ti kapanunotan ti maysa a tao.

Daniel 7:5

Ania ti naibaga nga aramiden ti kasla oso nga ayup?

Naibaga a tumakder daytoy ket alun-onenna dagiti adu a tattao.

Daniel 7:6

Ania iti naited iti kasla leopard nga ayup?

Naikkan iti karbengan a mangituray.

Daniel 7:7

Ania ti inaramid ti maikapat nga ayup?

Inalun-on ti maikapat nga ayup, rinumekna, ken impayat-payatna ti nabati.

Daniel 7:8

Ania ti nakita ni Daniel a napasamak kas buybuyaenna dagiti sara ti maikapat nga ayup?

Nakakita ni Daniel ti bassit a sara nga agtubtubo iti tengnga dagiti dadduma a sangapulo a sara. Naparut ti tallo kadagiti ummun-una a sara. Nakita ni Daniel nga addaan kadagiti mata a kasla mata ti tao ti bassit a sara ken ngiwat nga agpalpalangguad maipanggep kadagiti naindaklan a banbanag.

Daniel 7:9

Siasino ti nakatugaw kadagiti maysa a trono a naisagana?

Nakatugaw ti Agbibiag iti Agnanayon iti maysa kadagiti trono.

Daniel 7:10

Ania a pasamak ti isaysayangkat ti Agbibiag iti Agnanayon?

Nangrugin ti panangukom ken nalukatan dagiti libro.

Daniel 7:11-12

Ania ti napasamak kadagiti uppat nga ayup?

Napapatay ti ayup nga addaan iti sara nga agpalpalangguad, nadadael ti bagi daytoy ket naipaima daytoy tapno mapuoran. Dagiti dadduma a tallo nga ayup ket napukaw ti turayda a mangidaulo ngem napalubosanda nga agbiag ti apagbiit.

Daniel 7:13

Iti sirmata ni Daniel, siasino ti naiparang iti Agbibiag iti Agnanayon?

Ti kasla anak ti tao nga immay a kakuyog dagiti ulep ti langit ket naidatag iti Agbibiag iti Agnanayon.

Daniel 7:14-16

Ania ti naited iti daytoy a “kasla anak ti tao”?

Agnanayon a karbengan a mangituray, maysa a pagarian a saanto a madadael, ken naited ti dayag ken naarian a pannakabalin iti daytoy a “kasla anak ti tao”.

Daniel 7:17

Ania ti naibaga kenni Daniel nga ibagbagi dagiti uppat nga ayup nga ayup iti sirmatana?

Naibaga kenni Daniel a dagiti uppat nga ayup ket dagiti uppat nga ari a tumaudto iti daga.

Daniel 7:18-22

Siasinonto ti umawat iti pagarian ken mangtagikua iti daytoy iti agnanayon?

Awatento dagiti santo ti Kangangatoan ti pagarian ken tagikuaendanto daytoy iti agnanayon ken awan patinggana.

Daniel 7:23

Idi nagsaludsod ni Daniel iti maysa a nakatakder sadiay maipanggep iti maikapat nga ayup, ania ti imbagana maipapan iti maikapat nga ayup ken ania ti aramiden daytoy iti daga?

Kinunana a ti maikapat nga ayup ket ti maikapat a pagarian ken alun-onennanto ti entero a daga, payatanna daytoy ken rumekenna daytoy.

Daniel 7:24-25

Ania ti imbaga ti maysa a nakatakder sadiay maipanggep kadagiti sangapulo a sara?

Kinunana a tumaudto ti sangapulo nga ari manipud iti maikapat a pagarian.

Daniel 7:26

Ania ti aramiden ti agsasao a maibusor ti kangangatoan ken ania iti pagpatinggaannanto?

Idadanesnanto dagiti nasantoan a tattao ti kangangatoan. Sukatannanto dagiti padaya ken ti linteg. Iturayannanto dagitoy a banbanag iti makatawen, dua a tawen ken kaguddua ngem mapukawto ti naarian a pannakabalinna tapno mapapatayto ken madadael iti kamaudianan.

Daniel 7:27

Siasinonto ti pakaitedan ti pagarian ken masakupan iti babaen ti langit?

Maitedto kadagiti tattao a kukua ti Kangangatoan.

Daniel 7:28

Ania ti sungbat ni Daniel iti daytoy a sirmata?

Madanagan unay ni Daniel ket nagbaliw ti langa ti rupana, ngem saanna nga imbagbaga ti nakitana a sirmata.

Daniel 8

Daniel 8:1

Kaano a naaddaan ti maikadua a sirmata ni Daniel?

Naaddan ni Daniel iti maikadua a sirmata iti maikatlo a tawen ti panagturay ni ari Belsazar.

Daniel 8:2

Sadino iti ayan ni Daniel iti sirmatana?

Adda ni Daniel iti napaderan a siudad ti Susa iti probinsia ti Elam iti abay ti Karayan Ulai.

Daniel 8:3

Ania dagiti dua nga ayup a nakita ni Daniel iti daytoy a sirmata?

Nakita ni Daniel ti maysa a kalakian a karnero ken maysa a bulog a kalding iti daytoy a sirmata.

Ania ti langa dagiti dua a sara ti kalakian a karnero?

Maysa kadagiti sara ti kalakian a karnero ket at-atiddog ngem iti sabali ngem ti ab-ababa ket dimmakkel nga at-atiddog ngem ti immun-una nga atiddog a sara.

Daniel 8:4

Kasano kabileg ti kalakian a karnero?

Awan ti makabael a tumakder iti sangoanan ti kalakian a karnero. Awan ti mabalin a makaispal manipud iti pannakabalin ti kalakian a karnero. Aramidenna ti aniaman a kayatna, ken nagbalin isuna a nabileg.

Daniel 8:5-6

Ania a kita ti sara ti adda iti kalding?

Addaan laeng ti kalding iti maysa a dakkel a sara iti nagbaetan dagiti matana.

Daniel 8:7

Ania ti inaramid ti kalding iti kalakian a karnero?

Sinangdo ti kalding ti kalakian a karnero ken tinukkolna dagiti dua a sara daytoy, tinumbana iti daga ti kalakian a karnero ket impayatna daytoy.

Daniel 8:8

Idi natukkol ti dakkel a sara ti kalding, ania ti nagtubo iti sigud nga ayanna?

Uppat a sabali a dadakkel a sara a nakaturong kadagiti uppat nga angin ti langit ti nagtubo iti sigud nga ayan ti natukkol a sara.

Daniel 8:9

Ania ti napasamak iti maysa kadagiti uppat a sara ti kalding?

Manipud iti maysa kadagiti sara nagtubo ti sabali a sara, bassit idi damo, ngem nagbalin a nakadakdakkel iti abagatan, idiay daya, ken idiay nadayag a daga ti Israel.

Daniel 8:10-11

Ania ti inaramid daytoy a sara idi nagbalin a dakkel?

Nagbalin a dakkel ket nakigubat iti armada ti langit.

Daniel 8:12-13

Apay a naiyawat ti armada iti sara ti kalding ken naisardeng ti panagpuor iti daton?

Mapasamakto daytoy gapu iti panagrebelde.

Daniel 8:14-15

Kasano kapaut a dagitoy a banbanag, daytoy a sirmata maipapan ti daton a maipuor, ti basol a mangiyeg iti pannakadadael, ti pannakaiyawat ti santuario, ken ti pannakaipayat ti armada ti langit?

Agpaut daytoy iti 2,300 a rabii ken agsapa.

Anianto ti mapasamak kalpasan ti 2,300 a rabii ken agsapa?

Maisimpanto ti santuario.

Daniel 8:16-18

Siasino ti nabagaan a tumulong kenni Daniel tapno maawatanna ti sirmata?

Ni Gabriel ti nabagaan a tumulong kenni Daniel tapno maawatanna ti sirmata.

Daniel 8:19

Ta inton kaano ti sirmata? Ania a tiempo iti pakaseknanna daytoy?

Ti sirmata ket inton tiempo ti panagpungtot. Pakaseknanna daytoy ti naituding a tiempo iti panungpalan.

Daniel 8:20-21

Ania ti ibagbagi ti kalakian a karnero nga addaan kadagiti dua a sara ken ti bulog a kalding iti sirmata ni Daniel?

Ti kalakian a karnero nga addaan kadagiti dua a sara ket dagiti ari ti medes ken Persia. Ti bulog a kalding ket ti ari ti Grecia.

Daniel 8:22-23

Ania ti ibagbagi dagiti uppat a sara, dagiti sara a nagtubo iti disso ti natukkol a sara?

Ibagbagi dagiti uppat a sara dagiti uppat a pagarian a timmaud manipud iti nasion nga ibagbagi ti natukkol a sara.

Daniel 8:24

Ania ti aramiden daytoy a nalaing, narungsot ti rupana nga ari?

Nalawanto ti dadaelenna ken agballigi iti aniaman nga aramidenna. Papatayennanto dagiti nabileg a tattao, tattao a nasantoan. Palubosannanto nga agballigi iti kinamanangallilaw iti panagturayna. Busurennanto ti ari dagiti ari.

Daniel 8:25-26

Iti kamaudianan, anianto ti mapasamak iti nalaing, narungsot ti rupana nga ari?

Maburakto isuna, ngem saan a babaen iti pannakabalin ti tao.

Daniel 8:27

Kasano a naapektaran ni Daniel iti daytoy a sirmata?

Kimmapsot ni Daniel ken nagsakit iti sumagmamano nga aldaw ken pinagdanag isuna ti sirmata.

Daniel 9

Daniel 9:1

Ania a pagturayan a nagbalin nga ari ni Ahasuero?

Isuna ti ari iti entero a pagarian dagiti taga-Babilonia.

Daniel 9:2

Ania ti napaliiw ni Daniel babaen iti panangad-adalna ti sao ni Yahweh kenni Jeremias a profeta?

Napaliiwna a ti pannakalangalang ti Jerusalem ket agpatingga kalpasan iti pito pulo a tawen.

Daniel 9:3

Kasano a sinapul ni Daniel ti Apo a Dios?

Sinapul ni Daniel ti Apo a Dios babaen iti kararag ken panagkiddaw, a nabuyogan iti panagayunar, panagkawes iti nakersang a lupot ken panagtugaw iti dapdapo.

Daniel 9:4-5

Ania ti umuna a banag nga inaramid ni Daniel idi nagkararag isuna iti Apo a Dios?

Impakawan ni Daniel dagiti basbasol dagiti Israelita.

Daniel 9:6-7

Siasino ti kinasarita dagiti profeta iti nagan ti Dios?

Nakisarita dagiti profeta kadagiti ari, kadagiti mangidadaulo, kadagiti kapuonan ken kadagiti amin a tattao iti daga.

Daniel 9:8-10

Apay a nabainan dagiti Israelita?

Nabainanda gapu ta nagbasolda iti Apo.

Daniel 9:11

Ania ti naibukbok kadagiti Israelita gapu iti basolda?

Ti lunod ken sapata a naisurat iti linteg ni Moises, nga adipen ti Dios, ket inbukbokna kadakuada.

Daniel 9:12

Kasano a pinaneknekan ni Yahweh dagiti sao a sinaritana a maibusor iti Israel ken kadagiti mangiturturay?

Pinaneknekan ni Yahweh dagiti sasaona babaen iti panangted iti nakaro a didigra iti Israel ken kadagiti mangiturturay.

Daniel 9:13-15

Apay nga imbaga ni Daniel a saan a nagpakpakaasi ti Israel iti Dios?

Imbaga ni Daniel a saanda a timmallikud manipud kadagiti basolda ken saanda nga impangag ti kinapudno iti Dios.

Daniel 9:16-20

Ania ti imbaga ni Daniel a rason ta masapul a pakawanen ti Dios ti Israel?

Imbaga ni Daniel a masapul a pakawanen ti Apo ti Israel gapu iti nalinteg nga ar-aramid ti Apo.

Daniel 9:21

Kaano a napan ni Gabriel kenni Daniel?

Napan ni Gabriel kenni Daniel iti rabii a panagidaton kabayatan nga agkarkararag ni Daniel.

Daniel 9:22-23

Apay a napan ni Gabiel kenni Daniel?

Napan ni Gabriel tapno ikkanna ni Daniel ti kinasirib ken pannakaawat.

Daniel 9:24

Apay a naikeddeng ti pito pulo a tawen kadagiti tattao ni Daniel ken iti nasantoan a siudadna?

Naikeddeng ti pito pulo a tawen tapno agpatingga ti panagsalungasing, agsardeng ti panagbasol, tapno masubbot ti kinadakes, tapno mangyeg ti awan patinggana a kinalinteg, tapno maipatungpal ti sirmata ken ti padto, ken tapno mapulotan ti nasantoan unay a disso.

Daniel 9:25

Mano a tiempo ti mabusbusto iti nagbaetan ti pannakaited ti bilin tapno maisubli ken maibangon manen ti Jerusalem iti iyu-umay ti napulotan?

Pito a pito ken innem a pulo ket pito ti mabusbusto iti nagbaetan iti dua a pasamak.

Daniel 9:26

Kaanonto a madadael ti napulotan?

Madadaelto isuna kalpasan iti innem a pulo ket pito a tawen.

Daniel 9:27

Anianto ti aramiden ti paumay a mangiturturay?

Mangaramidto isuna ti maysa a katulagan kadagiti adu iti maysa a pito. Iti kaguddua iti pito pasardengennanto ti panagidaton ken panagisagut.

Anianto ti mapasamak iti nangaramid iti pannakalangalang?

Naan-anay a pagpatinggaan ken pannakadadael iti naikeddeng kenkuana.

Daniel 10

Daniel 10:1-3

Ania a mensahe ti naipaltiing kenni Daniel iti maikatlo a tawen a panagturturay ni Ciro nga ari ti Persia?

Ti mensahe ket maipanggep iti maysa a nakaro a gubat.

Kasano a naawatan ni Daniel ti mensahe?

Naawatan ni Daniel ti mensahe gapu ta naaddaan isuna iti pannakaawat manipud iti sirmata.

Daniel 10:4-6

Siasino ti nakita ni Daniel iti sirmata a nakitana?

Nakakita isuna iti lalaki a nakakawes iti linen a nakabarikes iti barikes a balitok.

Ania ti nakaiyaspingan ti lalaki iti sirmata a nakita ni Daniel?

Ti bagi ti lalaki a nakita ni Daniel ket kasla iti topaz, ti rupana ket kasla iti kimat, dagiti matana ket kasla kadagiti agap-apuy a pagsilawan, dagiti takkiagna ken sakana ket kasla iti napasileng a bronse, ken iti panagsaona ket kasla iti ariwawa dagiti umariwekwek a tattao.

Daniel 10:7-11

Ania ti napasamak kenni Daniel idi nakitana ti nakaskasdaaw a sirmata ken nangngegna dagiti imbaga ti tao a nakitana?

Nakabutbuteng ti panagbaliw ti naraniag a langa ni Daniel, ken napakapsutan unay isuna. Naawanan isuna iti puot ket natuang a papakleb iti daga

Daniel 10:12-13

Kaano a naibaon ti anghel a mapan kenni Daniel?

Naibaon ti anghel manipud idi ummuna nga aldaw nga inkeddeng ni Daniel a mang-awat iti sirmata ken agpakumbaba isuna iti sangoanan ti Dios.

Apay a duapulo ket maysa nga aldaw ti napalabas sakbay a nakagteng iti ayan ni Daniel?

Ti anghel ket linapdan ti prinsipe ti pagarian ti Persia.

Daniel 10:14-15

Kaanonto a mapasamak daytoy a sirmata?

Ti sirmata ket maipanggep iti maudi nga al-aldaw, dagiti masungad nga al-aldaw.

Daniel 10:16-17

Ania ti inaramid ti maysa a kaas-asping ti tao kenni Daniel tapno tulonganna isuna a makasao, pumigsa manen ken makaanges?

Sinagid ti kaas-asping ti tao dagiti bibig ni Daniel tapno makasao isuna ken sinagidna manen ni Daniel tapno papigsaenna isuna.

Ania ti imbaga ni Daniel nga inaramid kenkuana ti sirmata?

Imbaga ni Daniel a gapu ti sirmata, pinagkapsut ti kasta unay isuna ti ladingitna, ken marigatan nga aganges isuna.

Daniel 10:18-19

Ania ti inaramid ti kaas-asping ti tao a mangpapigsa kenni Daniel?

Sinagid ti kaas-asping ti tao ni Daniel tapno papigsaenna isuna.

Daniel 10:20-21

Ania ti imbaga ti kaas-asping ti tao nga aramidennanto inton panawanna ni Daniel?

Imbagana nga agsubli isuna tapno karangetna ti prinsipe ti Persia.

Ania ti kinuna ti kaas-asping ti tao nga ibagana kenni Daniel?

Kinunana nga ibagana kenni Daniel ti nakasurat iti libro ti kinapudno.

Daniel 11

Daniel 11:1-2

Kasanonto a magun-od ti maikapat nga agturay a kas ari ti Persia ti bilegna?

Magun-odna ti bilegna babaen kadagiti kinabaknangna.

Ania a pagarian ti nangallukoyan ti maikapat nga agturay a kas ari ti Persia a busorenda iti amin?

Innalukoyna amin ida a bumusor iti pagarian ti Grecia.

Daniel 11:3-4

Siasinonto ti saan a pakaitedan ti pagarian ti nabileg nga ari?

Saanto a maited dayta a pagarian kadagiti mismo a kaputotan ti ari.

Daniel 11:5-6

Siasinonto dagiti agtulag nga agkaddua?

Agtulagto nga agkaddua ti ari ti Abagatan ken ti maysa kadagiti pangulo ti armadana nga agbalinto a kas ari ti Amianan.

Siasinonto ti umay a mangpasingked ti panagkaddua ti ari ti Abagatan ken ti ari ti Amianan?

Umayto ti babai a putot ti ari ti Abagatan iti ari ti Amianan tapno pasingkedanna ti katulagan dagitoy nga ari.

Daniel 11:7-9

Anianto ti aramiden ti sanga nga agtaud iti babai a putot ti ari ti Abagatan iti ari ti Amianan?

Rautennanto ti armada ken serrekenna ti sarikedked ti ari ti Amianan ken parmekenna ida.

Daniel 11:10

Anianto ti aramiden dagiti lallaki a putot ti ari ti Amianan?

Mangirugidanto iti gubat ken mangbuangaydanto iti dakkel nga armada. Agluppiasdanto a kasla layus, lumabas ken agsubli manen a rumaut nga agturong iti sarikedked ti ari ti Amianan.

Daniel 11:11-12

Anianto ti aramiden ti ari ti Abagatan a kas sungbat iti panangraut nga aramiden dagiti putot a lalaki ti ari ti Amianan?

Sipupungtotto a rumaut ti ari ti Abagatan ket makirangetto a maibusor iti ari ti Amianan.

Siasino ti nagballigi iti daytoy a panagginnubat ti Amianan ken Abagatan?

Ti ari ti Abagatan ti nagballigi iti dayta a gubat.

Daniel 11:13

Anianto ti aramiden ti ari ti Amianan kalpasan iti sumagmamano a tawen?

Mangbuangayto isuna iti maysa pay a dakkel nga armada nga addaan kadagiti adu nga armas a pakigubat ken siguradonto nga rumaut isuna.

Daniel 11:14

Anianto ti aramiden ti ari ti Amianan mapalabas iti sumagmamano a tawen?

Mangbuangayto isuna iti sabali manen a dakkel nga armada nga addaan kadagiti adu nga armas a pakigubat a maibusor iti ari ti Abagatan.

Siasinonto pay dagiti bumusor iti ari ti Abagatan kadagita a tiempo?

Adunto dagiti bumusor iti ari ti Abagatan kadagita a tiempo agraman dagiti kararanggasan kadagiti tattao ni Daniel.

Daniel 11:15-16

Anianto ti mapasamak iti dayta a tiempo inton rumaut ti ari ti Amianan a maibusor iti ari ti Abagatan?

Saanto a kabaelan ti ari ti Abagatan ti makiranget a maibusor kenkuana. Aramidento ti ari ti Amianan ti aniaman a kayatna a maibusor iti ari ti Abagatan.

Daniel 11:17-19

Apay nga ipaasawanto ti ari ti Amianan ti babai a putotna iti ari ti Abagatan?

Aramidento daytoy ti ari ti Amianan tapno dadaelenna ti pagarian ti Abagatan.

Anianto ti mapasamak iti ari ti Amianan?

Maysanto a pangulo ti armada ti manggibus iti kinatangsit ti ari ti Amianan ket ipalak-amnanto iti ari ti bukodna a kinatangsit. Maparmek ken mapasagto isuna; saanto isuna a masarakan.

Daniel 11:20-22

Anianto ti aramiden ti tumaud a mangsukat iti ari ti Amianan?

Pilitennanto a pagbuisen dagiti iturayanna para iti kinadayag ti pagarianna.

Anianto ti mapasamak iti daytoy nga ari a mangipilit a pagbuisen dagiti iturayanna?

Matayto daytoy nga ari kalpasan iti sumagmamano nga aldaw, ngem saan nga iti pungtot wenno iti gubatan.

Kasano a maisaad nga agturay ti maysa a tao a gurguraen dagiti tattao ken saan a mararaem a kas ari?

Maisaadto isuna nga awan ti makaammo ket iturayannanto ti pagarian babaen iti kinasikap.

Daniel 11:23-24

Anianto ti aramiden daytoy nga ari a kagurgura dagiti tattao apaman nga adda iti maaramid tulag a pannakikaddua?

Agtignayto isuna a siaallilaw manipud iti tiempo a pannakitulag a makikaddua kenkuana.

Daniel 11:25-27

Anianto ti mapasamak inton makigubat daytoy a manangallilaw nga ari a maibusor iti ari ti Abagatan?

Saanto a kabaelan ti ari ti Abagatan a makiranget iti manangallilaw nga ari gapu kadagiti amin a dakes a panangsikap a maibusor kenkuana.

Apay nga agsangonto iti maymaysa a lamisaan ken aginnulbod iti tumunggal maysa ti ari ti Amianan ken ari ti Abagatan?

Aginnulbodda iti tumunggal maysa gapu ta adda iti dakes a gandat kadagiti pusoda a maibusor iti tumunggal maysa.

Daniel 11:28

Anianto ti busoren ti puso ti ari ti Amianan?

Bumusorto ti pusona iti nasantoan a tulag.

Anianto ti marikna daytoy a manangallilaw nga ari ti Amianan maipanggep iti nasantoan a tulag?

Bumusorto ti pusona iti nasantoan a tulag ken makapungtotto isuna iti kasta unay iti daytoy.

Daniel 11:29-32

Kasanonto nga ipakita ti ari ti Amianan iti pungtotna a maibusor iti nasantoan a tulag?

Ipakitanto ti ari ti Amianan ti pungtotna a maibusor iti nasantoan a tulag babaen iti panangpaborna kadagiti nangtallikod iti nasantoan a tulag.

Daniel 11:33-35

Anianto ti mapasamak kadagiti masisirib?

Iti sumamagmamano nga aldaw ket mapasagto dagiti mamasirib babaen iti kampilan ken apuy, maibaludda ken matakawto dagiti sanikuada. Inton maparparigatda, makaawatdanto iti bassit a tulong.

Anianto ti aramiden dagiti mamasirib iti dayta a tiempo?

Suroanto dagiti mamasirib dagiti adu a tattao iti dayta a tiempo.

Apay a maparigatto dagiti dadduma kadagiti mamasirib?

Maparigatto dagiti dadduma kadakuada tapno madalusan, maguguran ken mapasin-awda agingga iti panungpalan.

Daniel 11:36-37

Siasinonto ti pagpannakelan daytoy a manangallilaw nga ari ti Amianan?

Ingato ken itantan-oknanto ti bagina kadagiti amin a dios; agraman iti Dios a kangatoan, kadagiti didiosen dagiti kapuonanna, ken iti didiosen a tinarigagayan dagiti babbai.

Daniel 11:38-39

Anianto ti aramiden daytoy a managallilaw nga ari ti Amianan kadagiti mangbigbig kenkuana?

Padayawannanto dagiti mangbigbig kenkuana. Pagbalinennanto ida a mangituray kadagiti adu a tattao.

Daniel 11:40-41

Anianto ti mapasamak inton rumaut ti ari ti Amianan iti nadayag a daga iti tiempo ti panungpalan?

Iti dayta a tiempo, rinibribunto nga Israelita iti mapasag.

Siasinonto dagiti makalasat manipud iti ima ti ari ti Amianan?

Adunto ti makalibas a taga-Edom ken taga Moab, ken nabatbati a tattao ti Ammon manipud iti imana.

Daniel 11:42-43

Anianto dagiti pagilian a masakupan ti pannakabalin daytoy nga ari ti Amianan?

Dumanunto ti pannakabalin daytoy nga ari ti Amianan iti Egipto, kadagiti taga-Libya ken kadagiti taga- Etiopia.

Daniel 11:44-45

Anianto ti aramiden daytoy nga ari ti Amianan inton riribuken isuna kadagiti damag nga aggapu iti daya ken laud?

Rumautto isuna a kasta unay ti pungtotna tapno mangdadael ken mangpapatay iti adu a tattao.

Sadinonto ti pangibangonan daytoy nga ari ti Amianan kadagiti toldana a kas ari?

Ibangonnanto dagiti toldana a kas ari iti nagbaetan dagiti baybay, iti napintas a nasantoan a bantay.

Siasinonto ti mangtulong iti ari ti Amianan iti kamaudiananna?

Dumtengto ti ipapatay iti ari ti Amianan ket awanto a pulos ti mangtulong kenkuana.

Daniel 12

Daniel 12:1-2

Siasino daytoy a mangbanbantay kadagiti tattao ni Daniel?

Ni Miguel a naindaklan a prinsipe ti agbanbantay kadagiti tattao ni Daniel.

Kasano kadakes ti tiempo ti riribuk a naisurat ditoy?

Tiemponto daytoy ti riribuk nga awan pay iti kasta a napasamak manipud idi nangrugi iti aniaman a nasion agingga iti dayta a tiempo.

Siasinonto dagiti maisalakan iti dayta a tiempo?

Maisalakanto dagiti tattao ni Daniel iti dayta a tiempo, tunggal maysa a masarakan a naisurat ti naganna iti libro.

Anianto ti mapasamak kadagiti adu a pimmusay a dimmaga?

Dagiti dadduma a pimmusay a dimmaga ket agungarto iti agnanayon a biag ken dagiti dadduma ket agungarto iti pannakaibabain ken agnanayon a pannakailaksid.

Daniel 12:3-6

Anianto ti mapasamak kadagiti masirib ken kadagiti mangisuro iti adu iti kinalinteg?

Agraniagto dagiti masirib a kasla iti karaniag ti tangatang, ket kaslanto kadagiti bituen iti agnanayon nga awan patinggana dagiti mangisuro iti adu iti kinalinteg.

Kasano kabayag a naibaga kenni Daniel nga agtalinaed a naselio-an ti libro?

Naibaga kenkuana nga agtalinaed a naselio-an ti libro agingga iti panungpalan.

Daniel 12:7

Kasano kabayag ti panawen nga imbaga ti lalaki a nakakawes iti lino nga agingga ti panungpalan dagitoy a nakaskasdaaw a pasamak?

Imbaga ti lalaki a nakakawes ti lino nga agpaayto iti maysa a tiempo, dagiti tiempo, ken gudua, dayta. Inton agpatinggan ti pannakaburburak ti bileg dagiti nasantoan a tattao, malpasto metten amin dagitoy a banbanag.

Daniel 12:8-9

Ania ti inrason ti lalaki a nakakawes iti lino a makagapu no apay a saan a naawatan ni Daniel ti ibagbaga ti lalaki a nakakawes iti lino kenkuna?

Kinuna ti lalaki a nakakawes iti lino kenni Daniel, “Mapankan, Daniel, ta naserraan ken naselio-an dagiti sao agingga iti panungpalan.”

Daniel 12:10-11

Siasinonto dagiti makaawat ken saan a makaawat kadagiti sao ti padto iti dayta a tiempo?

Awanto a pulos kadagiti nadangkes ti makaawat, ngem maawatanto dagiti masirib.

Manonto nga aldaw ti mapalabas iti nagbaetan iti tiempo a maikkat ti inaldaw a daton a mapuoran ken ti pannakaisaad ti makarimon a pakaigapuan iti naan-anay a pannakadadael?

Addanto 1,290 nga aldaw iti nagbaetan dagitoy dua a pasamak.

Daniel 12:12-13

Siasinonto ti nagasat nga ibagbaga ti lalaki a nakakawes iti lino?

Kinuna ti lalaki a nakakawes iti lino, “Nagasat ti siasinoman nga aguray agingga a malpas dagiti 1,335 nga aldaw.”

Ania ti imbaga ti lalaki a nakakawes ti lino a mapasamakto kenni Daniel?

Kinunana a matayto ni Daniel ket agungarto isuna iti lugar a naidutok kenkuana iti panungpalan.