Esther

Esther 1

Esther 1:1-2

Kasano kalawa iti iturturayan ni Ahasuero?

Ti kalawa iti iturayan ni Ahasuero ket manipud India inggana iti Etiopia, kadagiti 127 a probinsia.

Esther 1:3-4

Siasino dagiti kakadua dagiti ari?

Kaduana ti armada ti Persia ken Media, dagiti natatakneng a tattao, ken dagiti gobernador dagiti probinsia

Esther 1:5-6

Kalpasan nga impakitana iti kinapintas ti pagarianna iti las-ud iti 180 nga aldaw, kasano kabayag iti padaya iti ari?

Ti ari ket nangipaay iti padaya iti las-ud iti pito nga aldaw.

Siasino iti nakairantaan ti padaya?

Ti padaya ket para kadagiti amin a tattao iti palasio ti Susa, manipud iti kapapatgan agingga iti kababassitan.

Esther 1:7-11

Apay nga adda iti nakaad-adu nga arak ti ari?

Adda iti adu nga arak ti ari gapu iti kinamanangited iti ari.

Esther 1:12

Apay a nakaunget ti kasta unay ti ari?

Ti ari ket nakaunget unay gapu ta pinagkekeda ni Reyna Vasti ti sao ti ari a mapan isuna kenkuana.

Esther 1:13-15

Siasino ti nangiyumanan iti ari?

Inyuman ngarud ti ari kadagiti lallaki a mabigbigbig a masisirib, a makaawat kadagiti panawen, (ta daytoy iti pamuspusan iti ari no maipapan kadagiti isu amin a nalalaing iti linteg ken panangukom).

Esther 1:16-18

Sigun kenni Memucan, siasino iti nakaaramidan ni Vasti iti biddut?

Kinuna ni Memucan, "Saan laeng a maibusor iti ari ti biddut a naaramid ni Vasti a reyna, ngem maibusor met kadagiti amin nga opisial ken kadagiti amin a tattao nga adda kadagiti probinsia ni Ari Ahasuero.

Esther 1:19-22

Siasino ti pangitedan ti ari ti saad ni Vasti a kas reyna?

Mabalin nga ited ti ari ti saad ni Vasti a kas reyna iti sabali a nasaysayaat ngem isuna.

Esther 2

Esther 2:3-6

Siasino iti nangipaaywananda kadagiti birhen?

Dagiti birhen ket maipaaywan kenni Hegai, ti opisial ti ari, a mangay-aywan kadagiti babbai.

Esther 2:7-9

Ania ti sabali a nagan ni Ester?

Ti sabali a nagan ni Ester ket Hadassa.

Ania iti pakainaigan ni Ester kenni Mardokeo?

Ni Ester ket anak a babai ti uliteg ni Mardokeo.

Esther 2:10-13

Apay a saan nga imbaga ni Ester iti siasinoman no siasinoman dagiti tattao wenno kakabagianna?

Saan nga imbaga ni Ester iti siasinoman no siasino dagiti tattao wenno dagiti kakabagianna, ta imbilin ni Mardokeo nga saanna nga ibagbaga kadakuada.

Esther 2:14

Kaano nga agsubli ti balasang iti ari?

Saanen a makasubli ti balasang iti ari malaksid a maay-ayo unay ti ari iti balasang ket paayabanna manen ti balasang

Esther 2:15-16

Ta ania iti kiniddaw ni Ester?

Awan iti aniaman a kiniddaw ni Ester, no di, ti insingasing kenkuana ni Hegai nga opisial ti ari a mangay-aywan kadagiti babbai.

Esther 2:17-23

Apay nga inkabil ti ari ti korona iti ulo ni Ester ken pinagbalinna a reyna?

Inayat ti ari ni Ester a nalablabes ngem dagiti dadduma a babbalasang ket naalana ti pabor ken kinaimbag iti sangoananna, inkabina ngarud ti korona ti reyna iti ulo ni Ester ken inaramidna a Reyna.

Esther 3

Esther 3:1-2

Siasino dagiti nagparintumeng ken nagpakled kenni Haman?

Nagparintumeng ken nagpakleb kenni Haman dagiti amin nga adipen ti ari nga adda iti ruangan ti ari.

Esther 3:3-4

Ania ti pinagkedkedan ni Mardokeo nga aramiden?

Nagkedked isuna nga agtulnog iti kalikagumda.

Esther 3:5-7

Siasino dagiti kayat a papatayen ni Haman?

Kayat a papatayen ni Haman ni Mardokeo ken amin dagiti Judio.

Esther 3:8-11

Idi nangipurwakda iti batbato, ania a bulan ti napilida?

Idi nangipurwakda iti batbato, napilida ti maikasangapulo ket dua a bulan (ti bulan ti Adar)

Mano a kuarta ti kayat nga ikabil ni Haman nga ikabil idiay pangiduldulinan ti kinabaknang iti ari, no mangited ti ari iti bilin a mapapatay dagiti Judio?

Kayat nga ikabil ni Haman ti sangapulo a talento ti pirak idiay pangiduldulinan ti kinabaknang ti ari no mangited iti bilin ti ari a mapapatay dagiti Judio.

Esther 3:12-13

Kasano a naipatulod dagiti kasuratan kadagiti amin a probinsia ti ari?

Intulod dagiti mensahero dagiti kasuratan iti amin a probinsia ti ari.

Esther 3:14-15

Kasano a nagtignay dagiti tattao ti Susa iti bilin?

Natiktikaw dagiti tattao ti Susa

Esther 4

Esther 4:1-3

Kasano kaadayo iti nakadanunan ni Mardokeo? Apay?

Napan laeng isuna iti ruar ti ruangan ti ari, gapu ta awan ti mapalubusan sumrek a nakakawes iti nakirsang a lupot.

Esther 4:4-5

Idi nangipatulod ni Ester iti lupot a pangkawes kenni Mardokeo, ania iti inaramid ni Madokeo?

Idi nangipatulod ni Ester iti lupot a pangkawes kenni Mardokeo, saanna nga inawat dagitoy.

Esther 4:6-8

Ania ti impadamag ni Mardokeo kenni Hatak?

Impadamag ni Mardokeo kenkuana dagiti amin napasamak kenkuana, ken ti bilang ti pirak nga ingkari ni Haman a maitimbang ken ikabilna iti pangiduldulinan ti ari ti kinabaknangna, tapno mapapatay dagiti Judio.

Apay nga inikkan ni Mardokeo ni Hata iti kopya ti bilin a naited iti Susa para iti pannakadadael dagiti Judio?

Inaramid ni Mardokeo daytoy tapno maipakita ni Hatak daytoy kenni Ester ti, ket ited ni Hatak kenni Ester pagrebbengen a mapan iti ari a dumawat iti pabor ken makipagpakpakaasi kenkuana iti biang dagiti tattaona.

Esther 4:9-12

Ania ti mapasamak no mapan ti siasinoman a lalaki wenno babai iti akin uneg a paraangan a saan a napaayaban?

Siasinoman a lalaki wenno babai a mapan iti akin uneg a paraangan a saan a napaayaban, ket adda laeng maymaysa a linteg: masapu a mapapatay isuna—malaksid ti siasinoman a pangipaturungan no ipaturong ti ari ti balitok a setro tapno agbiag isuna.

Esther 4:13-14

Ania ti imbaga ni Mardokeo a mapasamak no agtalinaed nga agulimek ni Ester iti dayta a kanito?

No agtalinaed ni Ester nga agulimek iti dayta a kanito, ti tulong ken panangispal ket umay kadagiti Judio manipud iti sabali lugar ngem isuna ken ti balay ti amana ket mapukawto.

Esther 4:15-17

Ania iti imbaga ni Ester nga aramiden ni Mardokeo?

Imbaga ni Ester nga urnongen ni Mardokeo dagiti amin a Judio nga agnanaed idiay Susa ket agayunarda iti tallo nga aldaw para kekuana.

Esther 5

Esther 5:1-2

Sadino ti ayan ti akin uneg a paraangan iti palasio iti ari?

Ti akin-uneg a paraangan iti palasion ti ari ket adda iti sangoanan ti balay ti ari.

Idi nakita ti ari a nakatakder ni reyna Ester iti paraangan, apay nga impaturongna kenkuana ti balitok a setro?

Naala ni Ester ti pabor iti imatangna, isu nga impaturongna ti balitok a setro nga adda iti imana kenkuana.

Esther 5:3-8

Ania iti kiniddaw ni Ester iti ari?

Kiniddawna a mapan ti ari kenni Haman iti padaya nga insaganana para kenkuana.

Esther 5:9-11

Ania ti imbinsa-binsa ni Haman iti gagayemna?

Imbinsa-binsa ni Haman kadakuada ti kinadayag ti kinabaknang ken ti bilang dagiti annakna, no kasano a nangatngato isuna kadagiti amin nga opisial ken adipen ti ari.

Esther 5:12-13

Apay a narikna ni Haman nga awan serserbi iti panakaawisna iti padaya?

Awan serserbi iti pannakaawisna iti padaya inggana a makitkitana ni Mardokeo a nakatugaw iti ruangan iti ari.

Esther 5:14

Ania iti imbaga ni Zeres nga aramiden ni Haman? Apay?

Imbaga ni Zeres kenkuana a mangpaaramid ti pagbitayan a limapulo a kubits iti kangatona tapno bitayenda ni Mardokeo iti daytoy.

Esther 6

Esther 6:1-3

Apay nga impaiyeg ti ari kadagiti adipenna dagiti nakaisuratan dagiti pasamak iti panagturayna?

Saan a makaturog ti ari iti dayta a rabii, isu nga impaiyegna kadagiti adipen dagiti nakaisuratan dagiti pasamak iti panagturayna.

Ania ti naaramid a kas pammadayaw wenno panangbigbig kenni Mardokeo para iti panangibagabana iti ari ti maipanggep kada Bigtana ken Teres?

Awan ti naaramid a kas pammadayaw wenno panangbigbig kenni Mardokeo para iti panangibagana iti ari ti maipanggep kada Bigtana ken Teres.

Esther 6:4-6

Idi sinaludsod ti ari ni Haman no ania ti rumbeng a maaramid para iti tao a pakaragsakan ti ari a padayawan, siasino ti pagarupen ni Haman a sarsaritaenna?

Idi sinaludsod ti ari ni Haman no ania ti rumbeng a maaramid para iti tao a pakaragsakan ti ari a padayawan, impagarup ni Haman nga isuna ti sarsaritaen ti ari.

Esther 6:7-9

Siasino ti mangkawes iti tao a pakaragsakan ti ari a padayawan, ken ti mangiparada kenkuana a nakalugan iti kabalio kadagiti dalan ti siudad?

Maysa kadagiti katataknengan nga opisial ti ari ti mangkawes iti tao a pakaragsakan ti ari a padayawan, ken ti mangiparada kenkuana a nakalugan iti kabalio kadagiti dalan ti siudad.

Esther 6:10-11

Siasino ti nangkawes kenni Mardokeo ken ti nangiparada kenkuana a nakalugan iti kabalio kadagiti dalan ti siudad?

Kinawesan ken imparada ni Haman ni Mardokeo a nakalugan iti kabalio kadagiti dalan ti siudad.

Esther 6:12-14

Ania ti imballaag dagiti lallaki a mabigbigbig gapu iti kinasiribda ken ti asawana kenni Haman?

Kinuna dagiti lallaki a mabigbigbig gapu iti kinasiribda ken ti asawana a no ni Mardokeo ket Judio, saanna isuna a kabaelan nga abaken, ngem awan duadua a matuangto isuna iti sangoananna.

Esther 7

Esther 7:1-2

Ania ti kiniddaw ni Ester?

Kiniddawna a maited kenkuana ti biagna ken ti biag dagiti tattaona.

Esther 7:3-5

Ania ti imbaga ni Ester a mabalin nga aramidenna no nailako laeng dagiti tattaona iti pannakatagabu?

Imbagana a no nailako laeng dagiti tattaona iti pannakatagabu, agulimekak latta koman isuna.

Esther 7:6-7

Siasino ti inladawan ni Ester a kas, “Ti kontrabida a lalaki, dayta a kabusor….?”

Daytoy ti panangiladawan ni Ester kenni Haman.

Ania ti inaramid ni Haman idi sipupungtot a timmakder ti ari gapu iti panaginomna iti arak?

Idi sipupungtot a timmakder ti ari gapu iti panaginomna iti arak, nagtalinaed ni Haman tapno agpakaasi kenni Reyna para iti biagna.

Esther 7:8

Kalpasan a nagpakleb ni Haman iti sofa nga isu ti ayan ni Ester, ania ti impagarup ti ari nga ar-aramiden ni Haman?

Kalpasan a nagpakleb ni Haman iti sofa nga isu ti ayan ni Ester, impagarup ti ari nga ramramesenna ti reyna iti imatangna.

Esther 7:9-10

Sadino ti imbaga ti ari a pagibitinan kenni Haman?

Imbaga ti ari a maibitin ni Haman ken ti pamiliana iti pagbitayan nga insaganana para kenni Mardokeo.

Esther 8

Esther 8:1-2

Apay a nangrugi a nagserbi ni Mardokeo iti ari?

Nangrugi a nagserbi ni Mardokeo iti ari, ta imbagan ni Ester no ania ti pakainaiganna kenkuana.

Apay a nagbalin ni Mardokeo a mangimaton iti sanikua ni Haman?

Gapu ta dinutokan ni Ester ni Mardokeo a mangimaton iti sanikua ni Haman.

Esther 8:3-4

Ania ti inaramid ti ari tapno bumangon ken tumakder ni Ester iti sangoananna?

Inturong ti ari ti balitok a setro kenni Ester; isu a bimmangon isuna ken timmakder iti sangaonan ti ari.

Esther 8:5-6

Ania dagiti surat nga insurat ni Haman?

Insurat ni Haman dagiti surat maipanggep iti pannakadadael dagiti Judio nga adda kadagiti amin a probinsia ti ari.

Esther 8:7-8

Apay a masapul a mangisurat ni Ester iti sabali a bilin a maipaulog iti nagan ti ari?

Masapul a mangisurat ni Ester iti sabali a bilin a maipaulog iti nagan ti ari, ta ti immuna a bilin a naisuraten iti nagan ti ari ken nadeppelanen iti singsing ti ari ket saanen a mabalin a mawaswas.

Esther 8:9

Kaano a naayaban dagiti eskriba ti ari?

Naayaban dagiti eskriba ti ari iti maikatallo a bulan, nga isu ti bulan ti Sivan, iti maika-23 nga aldaw ti bulan.

Esther 8:10-14

Ania ti inted a pammalubos ti ari kadagiti Judio?

Inted ti ari kadagiti Judio ti pammalubos nga aguummong ken tumakder a mangsalaknib kadagiti biagda; a pukawen, papatayen ken dadaelen ti aniaman nga armada manipud kadagiti siasinoman a tattao wenno probinsia a mabalin a mangdarup kadakuada, kadagiti annakda, agraman kadagiti babbai, wenno kadagiti mangtakaw kadagiti sanikuada.

Esther 8:15-17

Apay nga adu kadagiti nadumaduma a tattao iti daga ti nagbalin a Judio?

Adu kadagiti nadumaduma a tattao iti daga ti nagbalin a Judio, gapu ta ti panagbuteng dagiti Judio ket nagdissuor kadakuada.

Esther 9

Esther 9:1-2

Apay nga awan ti makalapped kadagiti Judio?

Awan ti makalapped kadagiti Judio, ta ti panagbuteng kadakuada ket nagdisuor kadagiti amin a tattao.

Esther 9:3-10

Ania ti inaramid dagiti Judio kadagiti kabusorda?

Rinaot dagiti Judio dagiti kabusorda babaen iti kampilan, pinapatayda ken dinadaelda ida, ken inaramidda ti pakaay-aywanda kadagiti kabusorda.

Esther 9:11-12

Siasino dagiti pinapatay dagiti Judio?

Pinapatay dagiti Judio ti limagasut a lallaki idiay siudad ti Susa, agraman dagiti sangapulo nga annak a lallaki ni Haman.

Esther 9:13-14

Ania ti napasamak kadagiti bagi dagiti sangapulo nga annak a lalaki ni Haman?

Naibitin iti pagbitayan dagiti bagi dagiti sangapulo nga annak a lalaki ni Haman.

Esther 9:15-16

Mano a lallaki ti pinapatay dagiti Judio idi maika-14 nga aldaw ti bulan ti Adar?

Idi maika-14 nga aldaw ti bulan ti Adar, pinapatay dagiti Judio ti tallogasut pay a lallaki idiay Susa.

Esther 9:17-19

Apay a nginilin dagiti Judio kadagiti barbarrio ti maika-14 nga aldaw ti bulan ti Adar a kas aldaw a panagraragsak ken padaya?

Nginilin dagiti Judio kadagiti barbarrio ti maika-14 nga aldaw ti bulan ti Adar a kas aldaw a panagraragsak ken padaya gapu ta insarddengda ti nangpapatay, ken naginanada ket inaramidda dayta nga aldaw a kas aldaw ti panagraragsak ken padaya.

Esther 9:20-22

Mamin-ano a daras ti panangngilin dagiti Judio a kas imbilin ni Mardokeo iti maika-14 ken maika-15 nga aldaw ti Adar?

Imbilin ni Mardokeo a ngilinenda ti maika-14 ken maika-15 nga aldaw ti Adar a tinawen.

Esther 9:23-25

Ania ti kayatna a sawen ti Pur?

Ti kayatna a sawen ti Pur ket ‘babassit a batbato a maipurpurruak tapno ammoen no ania ti kagagasatan nga aldaw iti makatawen nga aramiden ti maysa a banag’.

Esther 9:26-32

Apay a saan nga agsarday a ngilinen dagiti Judio ken dagiti kaputotanda a sipupudno dagitoy nga aldaw ti Purim?

Saan nga agsarday a ngilinen dagiti Judio ken dagiti kaputotanda a sipupudno dagitoy nga aldaw ti Purim, tapno saanda pulos daytoy a malipatan.

Esther 10

Esther 10:1-2

Sadino ti nangituyangan ni Ari Ahasuero iti buis?

Nangituyang ni Ari Ahasuero iti buis kadagiti daga ken kadagiti daga iti igid ti baybay.

Sadino ti naikaisuratan dagiti amin a nagun-od ti pannakabalin ken kinamaingel ni Ari Ahasuero?

Amin a nagun-od ti pannakabalin ken kinamaingelna ket naisurat Iti Libro dagiti Cronicas dagiti Ar-ari ti Media ken Persia.

Esther 10:3

Ania ti nagbalin a saad ni Mardokeo a Judio?

Ni Mardokeo a Judio ket nagbalin a maikadua iti saad ni Ari Ahasuero.

Apay a nagbalin ni Mardokeo a natan-ok kadagiti Judio ken nalatak kadagiti adu a kakabsatna a Judio?

Nagbalin isuna a natan-ok kadagiti Judio ken nalatak kadagiti adu a kakabsatna a Judio, ta kinalikagumanna ti pagsayaatan dagiti tattaona, ken nagsao para iti talna dagiti amin a tattaona.