Malachi
Malachi 1
Malachi 1:1-3
Siasino ti nakaidalanan ti sao ni Yahweh a dimmanon iti Israel?
Dimteng ti sao ni Yahweh babaen kenni Malakias.
Malachi 1:4-5
Kasano ti sungbat ti Israel idi dinuprak ni Yahweh dagiti naibangon a nadadael iti Edom?
Kunaento dagiti Israelita, “Naindaklan ni Yahweh iti labes iti beddeng ti Israel”.
Malachi 1:6-7
Kas ama ken apo ti Israel, ania ti sinaludsod ni Yahweh kadagiti papadi?
Sinaludsod ni Yahweh kadagiti papadi no ayanna ti dayaw ken panagraem a maitutop iti naganna ken apay nga inumsida ti naganna ken ti lamisaanna.
Malachi 1:8-9
Kasano ti supapak ni Yahweh kadagiti naidaton a bulsek, pilay, ken masakit nga ayup?
Saan nga awaten ni Yahweh dagiti daton a bulsek, pilay, ken masakit, wenno saan a mangipakita iti pabor wenno saanna a paraburan ti Israel gapu kadagitoy, wenno saanna nga awaten ti Israel gapu kadagitoy nga indatonda.
Malachi 1:10-12
Apay a pilien ni Yahweh nga adda maysa kadagiti Israelita ti mangirikep kadagiti ruangan ti templo tapno malapdan ti awan serserbina a panangaronda iti rabaw ti altarna?
Gapu ta maitan-okto ti nagan ni Yahweh kadagiti nasion, ken iti tunggal lugar, mangisagut dagiti nasion kadagiti nadalus a daton a saan a kasla kadagiti daton a naggapu iti ima dagiti Israelita.
Malachi 1:13-14
Kasano nga imbilang dagiti papadi ti panagserbida kenni Yahweh?
Imbilangda daytoy a makabannog, ken siuumsi nga imbang-es daytoy.
Malachi 2
Malachi 2:1-2
Kasano a maammoan dagiti papadi a binilin ida ni Yahweh nga ipapusoda ti mangitan-ok iti naganna?
Maammoandanto babaen iti panangilunod ni Yahweh kadagiti bendisionda, ken panangipulagidna iti rugit kadagiti rupada.
Malachi 2:3-4
Kasano a maammoan dagiti papadi a binilin ida ni Yahweh nga ipapusoda ti mangitan-ok iti naganna?
Maammoandanto babaen iti panangilunod ni Yahweh kadagiti bendisionda, ken panangipulagidna iti rugit kadagiti rupada.
Malachi 2:5-7
Apay a nagdayaw ni Levi kenni Yahweh, timmakder nga addaan panagbuteng iti nagan ni Yahweh, pudno a panursuro ti adda iti ngiwatna a saan ketdi a kinakillo, makipagbibiag kenni Yahweh nga addaan kappia ken kinalinteg, ken inallukoyna ti kaaduan tapno agsardengdan nga agbasbasol?
Gapu ta rumbeng a salimetmetan dagiti papadi ti pannakaammo kas mensahero ni Yahweh.
Malachi 2:8-9
Kasano a dinadael dagiti papadi ti katulagan ni Levi ken saanda a sinalimetmetan dagiti wagas ni Yahweh?
Impakita ketdi dagiti papadi ti panangidumada iti panangisuroda.
Malachi 2:10-12
Siasino dagiti pukawen ni Yahweh manipud kadagiti tolda ni Jacob?
Pukawen ni Yahweh ti siasinoman a tao a nanglipot iti kabsatna, wenno nangasawa iti babai nga anak ti ganggannaet nga agdaydayaw kadagiti didiosen, ket kalpasanna nangiyeg iti daton kenni Yahweh.
Malachi 2:13
Apay a saan nga inawat ni Yahweh dagiti daton ti Israel?
Gapu ta saan a nagbalin a napudno ti Israel iti asawa ti kinaagtutubona.
Malachi 2:14-16
Apay a saan nga inawat ni Yahweh dagiti daton ti Israel?
Gapu ta saan a nagbalin a napudno ti Israel iti asawa ti kinaagtutubona.
Apay a binilin ni Yahweh dagiti Israelita a bantayanda ti bagbagida iti espirituda ken agbalin a napudno?
Gapu ta pinagmaymaysa ni Yahweh ti Israel ken ti asawana tapno maaddaanda iti annak, ken gapu ta kagura ni Yahweh ti panagsina ti agassawa ken ti tao a taktakupanna ti kawesna iti kinaranggas.
Malachi 2:17
Kasano a binannog dagiti Israelita ni Yahweh kadagiti sasaoda?
Binannogda ni Yahweh kadagiti sasaoda babaen iti panangibagada a ti tao nga agar-aramid iti dakes ket nasayaat iti imatang ni Yahweh ken maay-ayo isuna kadakuada, ken iti panagsalsaludsodda no sadino ti ayan ti Dios iti hustisia.
Malachi 3
Malachi 3:1-3
Ania ti napasamak kalpasan nga imbaon ni Yahweh ti mensaherona iti katulagan a mangisagana iti dalanna?
Ti Apo a birbiruken dagiti Israelita ket kellaatto nga umay iti templona.
Malachi 3:4-5
Kaano nga agbalin a makaay-ayo ti daton ti Juda ken Jerusalem?
Makaay-ayonto daytoy kalpasan iti pannakadalus dagiti annak ni Levi, inton madalusanda a kas iti balitok ken pirak.
Malachi 3:6-7
Uray no simmina dagiti tattao ni Jacob manipud kadagiti pagalagadan ni Yahweh, apay ta saanda pay a naibus?
Saanda pay a naibus gapu ta saan a nagbaliw ni Yahweh.
Malachi 3:8-9
Kasano a tinakawan dagiti Israelita ti Dios?
Tinakawanda ti Dios gapu iti saanda a panangiyeg iti buo nga apagkapulloda idiay balay a pagidulinan.
Malachi 3:10-12
Ania ti inkari Ni Yahweh a mapasamak no iyeg dagiti Israelita ti buo nga apagkapulloda idiay balay a pagidulinan?
Inkari ni Yahweh a lapdannanto dagiti mangib-ibus, ken panagananto ida ti entero a nasion ti Israel a nabedisionan.
Malachi 3:13-15
Kasano ti panagsao dagiti Israelita maibusor kenni Yahweh?
Imbagada nga awan mamaayna ti panagserserbi iti Dios gapu ta agbalballigi ti natangsit ken dagiti nadangkes uray no susuotenda isuna.
Malachi 3:16
Siasino dagiti ibagbaga ni Yahweh a kukuana ken ispalenna?
Kinuna ni Yahweh a dagidiay nagbuteng kenkuana ken nangraem iti naganna ket kukuana ken ispalenna.
Malachi 3:17-18
Iti aldaw nga agtignay ni Yahweh, ania ti mapasamak?
Mailasinto manen dagiti Israelita ti nalinteg ken ti dakes, kasta met a mabigbigdanto ti tao nga agdaydayaw iti Dios ken ti tao a saan nga agdaydayaw kenkuana.
Malachi 4
Malachi 4:1-3
Iti dumteng nga aldaw, a gumilgil-ayab a kasla hurno, ania ti mapasamak kadagiti natangsit ken managdakdakes?
Ti natangsit ken dagiti managdakdakes ket agbalindanto a kasla garami, a mapuoran.
Siasino ti pagsingisingan ti init iti kinalinteg?
Agsingisingto ti init iti kinalinteg kadagiti agbuteng iti nagan ni Yahweh.
Ania ti aramiden dagiti agbuteng iti nagan ni Yahweh inton aldaw nga agtignay ni Yahweh?
Aglaglagtodanto a rummuar a kasla kadagiti baka a rimmuar manipud iti kulunganda ken ibaddebaddekdanto dagiti nadangkes.
Malachi 4:4-6
Ania ti imbilin ni Yahweh a rumbeng nga aramiden dagiti Israelita?
Binilinna ida nga agtulnogda iti linteg ni Moises nga adipenna.
Ania ti aramiden ni Yahweh sakbay a dumteng ti aldawna?
Ibaonnanto ni Elias a mangkaykaysa ti puso dagiti ama kadagiti annakda, kasta met a mangkaykaysa ti puso dagiti annak kadagiti amada, tapno saanton nga ilunod ni Yahweh ti daga.