1 Corinthians

1 Corinthians 1

1 Corinthians 1:1-6

Siasino ti nangayab kenni Pablo ken ania iti nakaayabanna?

Inayaban ni Jesu-Cristo ni Pablo nga agbalin nga apostol.

1 Corinthians 1:7-9

Ania ti saan a nagkurangan ti iglesia idiay Corinto?

Saanda a nagkurang iti aniaman a naespirituan a sagut.

1 Corinthians 1:10-11

Ania iti ginuyugoy ni Pablo nga aramiden ti iglesia sadiay Corinto?

Ginuyugoy ida ni Pablo nga umanamongda amin tapno awan iti pannakabingay-bingay kadakuada ken tapno makipaset nga addaan ti maymaysa a panunot ken maymaysa a panggep.

1 Corinthians 1:12-13

Ania iti kayat a sawen ni Pablo iti pannakasinasina?

Ti kayat a sawen ni Pablo ket daytoy: Ibagbaga ti tunggal maysa kadakayo, "Kaduak ni Pablo," wenno "Kaduak ni Apollos," wenno "Kaduak ni Cefas," wenno "Kaduak ni Cristo."

1 Corinthians 1:14-16

Apay a nagyaman ni Pablo iti Dios nga awan kadakuada ti binautisaranna malaksid kenni Crispo ken Gayo?

Nagyaman ni Pablo iti Dios para iti daytoy gapu ta saan a maited kadakuada iti gundaway a mangibaga a nabautisaranda iti nagan ni Pablo.

1 Corinthians 1:17

Ania ti nangibaonan ni Cristonga aramiden ni Pablo?

Imbaon ni Cristo ni Pablo tapno ikasabana ti ebanghelio.

1 Corinthians 1:18-19

Ania ti mensahe iti krus kadagidiay matmatay?

Ti mensahe iti krus ket kinamaag para kadagidiay matmatay.

Ania ti mensahe iti krus kadagidiay isalakan ti Dios?

Daytoy ket ti pannakabalin ti Dios kadagidiay nga isalakan ti Dios.

1 Corinthians 1:20-25

Ania iti inaramid ti Dios ti kinasirib iti lubong?

Pinagbalin ti Dios iti kinamaag a kinasirib iti lubong.

1 Corinthians 1:26-27

Kasano kaadu iti inayaban ti Dios a pagannurotan dagiti tattao wenno kadagiti nabileg wenno kadagiti addaan pannakaiyanak?

Saan a nangayab ti Dios iti adu a kasla iti dayta.

1 Corinthians 1:28-29

Ania iti inaramid ti Dios tapno awan maysa a makarason nga agpasindayag iti sangoananna?

Pinili ti Dios dagiti kababaan ken naumsi iti lubong ken uray pay dagiti banbanag a kas naibilang nga awan kaes-eskanna.

1 Corinthians 1:30-31

Apay a dagiti namati ket adda kenni Cristo Jesus?

Addada kenni Jesu-Cristo gapu iti inaramid ti Dios.

Ania iti nagbalinan ni Jesu-Cristo para kadatayo?

Nagbalin isuna a kinasirib para kadatayo manipud ti Dios—kinalintegtayo, kinasanto, ken mannubbot.

1 Corinthians 2

1 Corinthians 2:1-7

Iti ania a tignay ti immayan ni Pablo kadagiti taga-Corinto idi inwaragawagna dagiti nailemmeng a kinapudno ti Dios?

Saan nga immay ni Pablo gapu iti napipintas a sasao wenno kinasirib idi inwaragawagna dagiti nailemmeng a kinapudno ti Dios.

1 Corinthians 2:8-9

No dagiti mangiturturay idi tiempo ni Pablo ket naammoanda ti kinasirib ti Dios ania ti mabalin a saanda nga inaramid?

No naammoan dagidiay nga agturturay ti kinasirib ti Dios mabalin a saanda koma nga inlansa iti krus ti Apo ti dayag.

1 Corinthians 2:10-11

Kasano a naammoan ni Pablo ken dagidiay kadauana iti kinasirib ti Dios?

Impakita ti Dios dagidiay a banbanag kadakuada babaen ti Espiritu.

1 Corinthians 2:12-13

Ania iti maysa a gapu a nakaawat ni Pablo ken dagidiay kaduana ti Espiritu a naggapu iti Dios?

Inawatda ti Espiritu a naggapu iti Dios tapno maammoanda dagiti banbanag nga inted ti Dios kadatayo nga awan bayadna.

1 Corinthians 2:14-16

Apay a saan a maawat iti saan a naespirituan a tao wenno maamoan dagiti banbanag a kukua iti Espiritu ti Dios?

Saan a maawat ti saan a naespirituan a tao dagitoy gapu ta minamaagda kenkuana ken saanna nga am-ammo ida gapu ta makailasinda kadagiti naespiritualan.

1 Corinthians 3

1 Corinthians 3:1-2

Apay nga imbaga ni Pablo a saan a makapagsao isuna kadagiti namati a taga-Corinto a kas naespirituan a tattao?

Saan a makapagsao ni Pablo kadakuada kas naespirituan a tattao gapu ta nainlasaganda pay laeng, adda pay laeng kadakuada iti panagimon ken panagriri.

1 Corinthians 3:3-11

Apay nga imbaga ni Pablo a saan a makapagsao kadagiti taga-Corinto a namati a kas naenspirituan a tattao?

Saan a makapagsao ni Pablo kadakuada iti naespirituan a tao gapu ta nainlasaganda paylaeng, imon ken adda pay laeng iti panagriri kadakuada.

1 Corinthians 3:12-13

Anianto ti mapasamak iti trabaho ti maysa a nangipatakder iti pundasyon ni Jesu-Cristo?

Maiparangarangto ti trabahona iti aldaw ken iti apuy.

1 Corinthians 3:14-15

Anianto ti mapasamak no iti maysa nga impatakder iti tao ket agtatalinaed kalpasan iti apuy?

Makaawatto dayta a tao ti gunggona.

1 Corinthians 3:16-17

Siasinotayo ken ania iti agnanaed kadatayo a kas namati kenni Jesu-Cristo?

Datayo ti templo iti Dios ken ti Espiritu iti Dios ket agnanaed kadatayo.

1 Corinthians 3:18-20

Ania iti imbaga ni Pablo kadagiti mangipagarup a masirib isuna daytoy a tawen?

Imbaga ni Pablo, "...bay-anyo isuna nga agbalin a "maag" tapno agbalin isuna a masirib."

1 Corinthians 3:21-23

Apay nga imbaga ni Pablo kadagiti namati a taga-Corinto nga isardengda iti agpasindayag maipanggep kadagiti tattao?

Imbagana kadakuada nga isardengda ti agpasindayag, "Ta kukuayo amin a banbanag," ken gapu, "...kukuanakayo ni Cristo, ken kukua ti Dios ni Cristo"..

1 Corinthians 4

1 Corinthians 4:1-4

Apay nga imbaga ni Pablo a rumbeng nga ibilang ida dagiti taga-Corinto ken dagiti kakaduana?

Rumbeng nga ibilang ida dagiti taga-Corinto a kas kadagiti adipen ni Cristo ken dagiti mangay-aywan dagiti nailimed a kinapudno iti Dios.

1 Corinthians 4:5

Anianto ti aramiden iti Apo inton umay isuna?

Ipannanto iti lawag dagiti nailimed a banbanag iti kasipngetan ken iparangarangna dagiti panggep iti puso.

1 Corinthians 4:6-7

Apay nga inusar ni Pablo dagitoy a pagannurotan iti bagina ken ni Apolos?

Inaramid ni Pablo daytoy para iti pagimbagan dagiti namati a taga-Corinto tapno masursurodanto ti kayat a sawen iti pagsasao, "Saankayo a lumabes no ania ti naisurat," tapno awan kadakuada iti mangitangsit iti maysa a tao maibusor iti sabali.

1 Corinthians 4:8-9

Apay a tarigagayan ni Pablo nga agari dagiti namati a taga-Corinto?

Tarigagay ni Pablo nga agarida tapno makipagari met kadakuada da Pablo ken dagiti kakaduana.

1 Corinthians 4:10-11

Ania dagiti tallo a wagas pangigidiatan ni Pablo iti bagina ken dagiti kakaduana kadagiti namati a taga-Corinto?

Kinuna ni Pablo, "Maagkami gapu kenni Cristo, ngem nasiribkayo kenni Cristo. Nakapuykami, ngem napigsakayo. Mapadayawankayo, ngem maum-umsikami.

1 Corinthians 4:12-13

Kasano a nagtignay da Pablo ken dagiti kakaduana idi saan a napintas ti pannakatratoda?

No marautda, mangbendisionda. No maidadanesda, ibturanda. No mapadasda, agsaoda ti kinaimbag.

1 Corinthians 4:14-16

Apay nga insurat ni Pablo dagitoy a banbanag kadagiti namati a taga-Corinto?

Sinuratanna ida tapno bagaanna ida a kas ay-ayatenna nga annak.

1 Corinthians 4:17-21

Apay nga imbaon ni Pablo ni Timoteo kadagiti namati a taga-Corinto tapno palagipanna ida?

Imbaon ni Pablo ni Timoteo idiay Corinto tapno palagipanna dagiti namati sadiay iti wagas ni Pablo kenni Cristo.

1 Corinthians 5

1 Corinthians 5:1-8

Ania ti nangngeg ni Pablo a padamag maipanggep iti iglesia idiay Corinto?

Nangngeg ni Pablo nga adda iti kinaderrep sadiay. Maysa kadakuada ti makikakaidda iti asawa ni amana.

1 Corinthians 5:9-10

Nangibagaan ni Pablo a saan a pakikaduaan dagiti namati a taga- Corinto?

Nagsurat ni Pablo kadakuada a saanda a makikadua kadagiti naderrep a tattao.

1 Corinthians 5:11-13

Ania ti kayat a sawen ni Pablo a saan a pakikaduaan dagiti namati a taga-Corinto?

Kayatna a saanda a makikadua iti siasinoman a naawagan a kabsat ken Cristo a naderrep, naagum, naranggas nga agsao, mammartek, mannanakaw wenno maysa nga agrukbab ti didiosen.

1 Corinthians 6

1 Corinthians 6:1-6

Apay a kinuna ni Pablo a masapul a mabalin a maukom a dagiti sasanto idiay Corinto?

Kinuna ni Pablo a masapul a kabaelanda ti mangukom kadagiti riri dagiti sasanto maipapan kadagiti banbanag iti daytoy a biag.

1 Corinthians 6:7-8

Ania ti kinapudno nga adda dagiti naiparang a riri kadagiti Kristiano a taga- Corinto?

Iparangna a daytoy ket pannakaabak para kadakuada.

1 Corinthians 6:9-11

Siasino ti saanto a makatawid iti pagarian ti Dios?

Dagiti saan a nalinteg; ti kinaderrep, dagiti agrukbab kadagiti didiosen, mannakikamalala, lallaki a balangkantis, dagiti aggartem ti padada a lalaki wenno padada a babai, dagiti agag-agaw, ti naagum, dagiti mammartek, dagiti mamadpadakes, ken dagiti mannanakaw ket saanto a makatawid ti pagarian iti Dios.

1 Corinthians 6:12-15

Ania dagiti dua a banag a kinuna ni Pablo a saanna a palubosan tapno mangimaton kenkuana?

Kinuna ni Pablo saanto isuna a maimaton babaen ti makan ken kinaderrep.

1 Corinthians 6:16-17

Ania ti mapasamak no ti maysa a tao ket itiponna ti bagina iti balangkantis?

Agbalin isuna a maysa a lasag kenkuana.

1 Corinthians 6:18

Siasino ti pagbasolan dagiti tattao no naderrepda?

Agbasolda maibusor kadagiti bukodda a bagi no naderrepda.

1 Corinthians 6:19-20

Apay a masapul a dayawen dagiti namati iti Dios babaen dagiti bagida?

Masapul a dayawenda iti Dios babaen kadagiti bagida gapu ta bagida ket templo iti Espiritu Santo ken gapu ta nagatangda iti nangina a gatad.

1 Corinthians 7

1 Corinthians 7:5-7

Kaano a maitutop para ti asawa a lalaki ken asawa a babai agpaidam ti tunggal maysa nga agkaidda?

Maitutop no ti asawa a lalaki ken asawa a babai ket agtungtong a nasayaat ken mangisimpa iti umiso a tiempo, tapno maipamaysada dagiti bagbagida iti panagkararag.

1 Corinthians 7:8-9

Ania ti imbaga ni Pablo a nasayaat nga aramiden dagiti balo ken dagiti tattao a saan nga agasawa?

Kinuna ni Pablo a nasayaat para kadakuada no agtalinaedda a saan nga agasawa.

1 Corinthians 7:10-11

Ania a bilin ti inted ti Apo kadagidiay nagasawa?

Saan a masapul makisina ti asawa a babai iti asawana a lalaki. Ngem no makisina isuna iti asawana a lalaki, masapul nga agtalinaed isuna nga awanan iti asawana wenno makitipon manen iti asawana. Ken, masapul a saan nga isina ti asawa a lalaki ti asawana a babai.

1 Corinthians 7:12-14

Masapul kadi nga isina ti namati nga asawa a lalaki wenno asawa a babai iti saan a namati nga asawana?

No mapnek ti saan a namati nga asawa a lalaki wenno asawa a babai a makidenna iti asawana, masapul a saan nga isina ti namati nga asawa iti saan a namati.

1 Corinthians 7:15-16

Ania ti masapul nga aramiden ti namati no pimmanaw ti kaduada a saan a namati?

Palubosan ti namati a mapan ti saan a namati a kaduana..

1 Corinthians 7:17-26

Ania a pagalagadan ti insimpa ni Pablo kadagiti amin nga iglesia?

Ti pagalagadan ket: Bay-am nga agbiag ti tunggal maysa babaen ti biag nga impaaramid ti Apo kadakuada, ken iti nangayaban ti Dios kadakuada.

1 Corinthians 7:27-38

Ania ti masapul nga aramiden dagiti namati no naigalutda iti babai gapu iti kinnari ti kallaysa?

Masapul a saanda nga agbirok ti wayawaya manipud kadagiti karida a mangasawa ti babai.

1 Corinthians 7:39-40

Agingga kaano a naigalut ti babai iti asawana a lalaki?

Naigalut isuna ti asawana a lalaki agingga nga agbibiag isuna.

No matay ti asawa a lalaki ti namati a babai, siasino ti mabalinna nga asawaen?

Asawaenna ti siasinoman a tarigagayanna nga asawaen, ngem maysa laeng iti Apo.

1 Corinthians 8

1 Corinthians 8:1-3

Ania ti rinugian ni Pablo iti topiko tapno iturongna iti daytoy a kapitulo?

Iturturong ni Pablo ti topiko ti taraon a naidaton kadagiti didiosen.

Ania ti pagbanagan ti pannakaammo ken ania ti makagapu ti ayat?

Ti pannakaammo aramidenna ti maysa a napalangguad ngem ti ayat mangbangon.

1 Corinthians 8:4-6

Ania ti rinugian ni Pablo a topiko tapno iturongna iti daytoy a kapitulo?

Iturturong ni Pablo ti topiko iti taraon a naidaton kadagiti didiosen.

Makipada kadi ti maysa a didiosen iti Dios?

Saan. Ti maysa a didiosen iti daytoy a lubong ket awan kaes-eskanna wenno maayna, ken awan ti Dios ngem maymaysa.

1 Corinthians 8:7

Ania ti masapak no ti dadduma nga agdaydayaw iti didiosen ket mangan iti taraon a kas naidaton iti didiosen?

Marugitan dagiti konsensia gapu ta nakapsut.

1 Corinthians 8:8-10

Ti kadi taraon a kanentayo ket pasayaatennatayo wenno padaksennatayo iti Dios?

Saan a ti taraon iti mangiyasideg kadatayo iti Dios. Saantayo a pagdaksan no saantayo a mangan, wenno pasayaaten no mangantayo iti daytoy.

1 Corinthians 8:11-13

Ania ti mapasamak no ti kabsat a lalaki wenno kabsat a babai nga addaan iti nakapsut a konsensia maipapan iti karne a naidaton kadagiti didiosen, kanenda dayta a karne gapu ta nakitada a kankanentayo daytoy?

Datayo ti pakaigapuan ti pannakadadael dayta a kabsat a lalaki wenno kabsat a babai nga addaan nakapsut a konsensiana.

Siasino ti pakabasolantayo no ammotayo iti pakaigapuan ti kabsatko a lalaki wenno kabsatko a babai a maitibkol gapu iti nakapsut a konsensiada?

Nakabasoltayo a maibusor iti kabsat a lalaki wenno kabsat a ababai a nakaigapuan ti pannakaitibkolna ken nakabasoltayo maibusor kenni Cristo.

1 Corinthians 9

1 Corinthians 9:1-6

Ania iti pammaneknek nga indiaya ni Pablo a maysa isuna nga apostol?

Kuna ni Pablo a gapu ta dagiti namati a taga-Corinto ket bunga iti trabahona iti Apo, isuda a mismo dagiti pammaneknek ni Pablo iti kinaapostolna iti Apo.

1 Corinthians 9:7-8

Ania ti pagtuladan nga inted ni Pablo kadagidiay nga umawat kadagiti gungona wenno kadagiti panagtrabahoda?

Dinakdakamat ni Pablo dagiti suldado, ti maysa nga agmulmula iti kaubasan, ken iti maysa nga agtartaraken iti arban a kas pagtuladan dagidiay nga umawat iti gungona wenno tangdan manipud iti panagtrabahoda.

1 Corinthians 9:9-11

Ania a pagtuladan manipud iti linteg ni Moises ti inted ni Pablo tapno mangtulong iti kapanunotan iti panangawat iti pagimbagan wenno tangdan ti maysa a nagtrabaho?

Inadaw ni Pablo ti bilin, "Saanmo a busalan ti lalaki a baka no madama nga agir-irik." tapno mangsuporta iti supiat ni Pablo.

1 Corinthians 9:12-18

Ania ti kalintegan ni Pablo ken dagiti kakaduana kadagiti namati a taga-Corinto, uray pay saanda a tinunton dayta a kalintegan?

Adda kalintegan ni Pablo ken dagiti kakaduana a mangsagrap kadagiti materyal banbanag nga aggapu kadagiti taga-Corinto gapu ta nagmulada kadagiti naespiritualan a banbanag kadagiti taga-Corinto.

1 Corinthians 9:19-23

Apay a nagbalin nga adipen ni Pablo iti amin?

Nagbalin nga adipen ni Pablo ti amin tapno mabalinna a maawis ti ad-adu pay a tattao iti Dios.

1 Corinthians 9:24-27

Kasano iti panagtaray nga imbaga ni Pablo?

Imbaga ni Pablo nga agtaray tapno magun-od ti gungona.

1 Corinthians 10

1 Corinthians 10:1-10

Ania dagiti gagangay a napadasan dagiti ammada idi tiempo ni Moises?

Addada amin iti babaen ti ulep ken limmasatda iti baybay. Nabautisaranda amin kenni Moises iti ulep ken iti baybay, ken nanganda amin iti naespirituanlan a taraon ken imminomda iti naespirituan nga umainom.

1 Corinthians 10:11-13

Apay a napasamak dagiti banbanag ken apay a naisuratda?

Napasamakda a kas pagtuladantayo ken naisuratda para iti pakasursuroantayo.

1 Corinthians 10:14-19

Ania iti imballaag ni Pablo nga adaywan dagiti namati a taga-Corinto?

Binallaaganna nga umadayoda manipud kadagti panagdayaw kadagiti didiosen.

1 Corinthians 10:20-27

Siasino ti pangidatdatonan dagiti hentil a pagano kadagiti datonda?

Idatonda dagitoy a banbanag kadagiti demonio ket saan nga iti Dios.

Agsipud ta saan a kayat ni Pablo a makiraman dagiti taga-Corinto a namati dagiti demonio, ania ti imbagana kadakuada a saanda nga aramiden?

Imbagbaga ni Pablo kadakuada a saanda a mabalin nga paginoman ti kopa ti Apo ken iti kopa dagiti demonio ken saan a mabalin iti makilangen iti lamisaan iti Apo ken iti lamisaan dagiti demonio.

1 Corinthians 10:28-30

Apay a saanmo a rumbeng a kanen daytoy no ibaga ti saan a namati a nagsangaili kenka a ti taraon nga inka kanen ket naggapu iti daton ti pagano?

Saanmo a rumbeng a kanen daytoy para iti pagsayaatan ti tao a nangipaka ammo kenka ken para iti pagsayaatan ti konsensia iti sabali.

1 Corinthians 10:31-33

Ania ti rumbeng nga aramidentayo para iti pakaitan-okan ti Dios?

Rumbeng nga aramidentayo amin a banbanag, pakairamanan iti panpannangan ken panagin-inom, para iti pakaitan-okan ti Dios

1 Corinthians 11

1 Corinthians 11:1-4

Siasino ti kinuna ni Pablo kadagiti namati iti Corinto a tuladenda?

Kinuna ni Pablo kadakuada a tuladenda isuna.

Siasino ti tinulad ni Pablo

Ni Cristo ti tinulad ni Pablo.

1 Corinthians 11:5-6

Ania ti mapasamak no ti babai ket agkarkararag nga awan abbong iti ulona?

Siasinoman a babai nga agkarkararag nga awan abbong iti ulona ket ibabainna iti ulona.

1 Corinthians 11:7-8

Apay a rumbeng a ti lalaki ket awan abbong iti ulona?

Saan a rumbeng a maabbongan iti ulo ti lalaki gapu ta isuna iti ladawan ken dayag ti Dios

1 Corinthians 11:9-10

Para iti siasino ti nakaparsuaan iti babai?

Naiparsua ti babai a maipaay iti lalaki

1 Corinthians 11:11-12

Apay a kasapulan ti babai ken lalaki ti tunggal maysa?

Ti babai ket naggapu iti lalaki, ken ti lalaki ket naggapu iti babai.

1 Corinthians 11:13-22

Ania ti kadawyan nga ar-aramiden ni Pablo, ken dagiti kakaduana, ken ti Iglesia maipapan iti panagkararag dagiti babbai?

Dagiti babbai ket agkararag nga addaan abbong iti uloda, daytoy ti kadawyan nga ar-araminda.

1 Corinthians 11:23-24

Iti rabii a pannakalipotna, ania iti kinuna ti Apo kalpasan a pinisipisina ti tinapay?

Kinunana, "Daytoy ti bagik, para kadakayo. Aramidenyo daytoy a pananglagip kaniak."

1 Corinthians 11:25-26

Ania ti imbaga ti Dios idi innalana ti kopa kalpasan iti pangrabii?

Kinunana, "Daytoy a kopa ket ti baro a tulag iti darak. Aramidenyo daytoy kas masansan a panaginumyo, tapno pananglagip kaniak."

1 Corinthians 11:27-32

Apay a rumbeng a ti tao ket saan a mangan iti tinapay wenno uminom iti kopa ti Apo iti saan a maikari a tignay?

Iti panagaramidmo ket makabasolka iti bagi ken dara iti Apo. Mangmanganka ken umininum iti panakaukom iti bagbagim.

1 Corinthians 11:33-34

Ania ti imbaga ni Pablo kadagiti namati iti Corinto nga aramiden no agkakaduada nga umay mangan?

Imbagana kadakuada nga agi-inurayda.

1 Corinthians 12

1 Corinthians 12:1-3

Maipanggep iti ania ti kayat ni Pablo a maipakaammo kadagiti taga-Corinto a Kristiano?

Kayat ni Pablo a mapakaamoanda maipanggep kadagiti naespirituan a sagsagut.

1 Corinthians 12:4-6

Ania iti mabalin nga aramiden ti Dios iti tunggal namati?

Aramidenna a mabalin iti tunggal namati dagiti nadumaduma a sagsagut, nadumaduma a panagserbi ken nadumaduma a kita ti trabaho.

1 Corinthians 12:7-17

Apay a naited iti pagilasinan ti Espiritu?

Daytoy ket naited a pagimbagan iti amin.

1 Corinthians 12:18-24

Siasino iti nangurnos ken naglanga iti tunggal paset iti bagi?

Inurnos ti Dios iti tunggal paset iti bagi kas linangana.

1 Corinthians 12:25-27

Apay nga inikkan ti Dios iti ad-adda a pammadayaw dagiti paset iti bagi nga agkurkurang?

Inaramidna daytoy tapno awan iti panagsisina iti bagi, ngem tunggal paset ket rumbeng a taripatoenna ti tunggal maysa iti isu met laeng a pammateg.

1 Corinthians 12:28-31

Siasino iti dinutukan ti Dios iti iglesia?

Dinutokan ti Dios iti iglesia nga umuna dagiti apostol, maikadua dagiti propeta, maikatlo dagiti manursuro, ken kadagidiay agaramid iti mannakabalin nga aramid, dagiti sagut iti panangagas, kadagidiay mangipaay iti tulong, dagidiay mangidaldalan, ken kadagiti agsasao iti agduduma a pagsasao.

1 Corinthians 13

1 Corinthians 13:1-3

Ania iti pagbalinan ni Pablo no agsao isuna iti pagsaao ti tao ken kadagiti anghel ngem awan iti ayatna?

Agbalin isuna a natagari a gansa wenno naaweng a piangpiang.

1 Corinthians 13:4-7

Ania dagiti sumagmamano a kababalin ti ayat?

Ti ayat ket naanus ken naasi; saan a managapal wenno napalangguad; saan natangsit wenno saan a naalas ti kababalinna. Saan a naimut. Saan a nalaka nga agpungtot wenno saan nga agidulin iti bilang dagiti biddut. Saan nga agrag-o iti saan a nalinteg ngem agrag-o iti kinapudno. Ituredna dagiti amin a banbanag, mamati kadagiti amin a banbanag, addaan ti talek maipapan iti amin a banbanag, ken ibturanna dagiti amin a banbanag. Saan daytoy nga agpatingga.

1 Corinthians 13:8-10

Ania dagiti sumagmamano a pakailasinan ti ayat?

Ti ayat ket naanus ken naasi; saan a managapal wenno napalangguad; saan natangsit wenno saan a dakes iti kababalinna. Saan a naimut. Saan a nalaka nga agpungtot wenno saan nga agidulin iti bilang dagiti biddut. Saan nga agrag-o iti saan a nalinteg ngem agrag-o iti kinapudno. Ituredna dagiti amin a banbanag, mamati kadagiti amin a banbanag, addaan ti talek maipapan iti amin a banbanag, ken ibturanna dagiti amin a banbanag. Saan daytoy nga agpatingga.

Ania dagiti sumagmamano a banbanag a mapukawto wenno agsardengto?

Padto, pannakaammo ken dagiti saan a naan-anay ket mapukawto ken agsardengto dagiti pagsasao.

Ania iti saan nga agpatingga?

Ti ayat ket saan pulos nga agpatingga.

1 Corinthians 13:11-13

Ania iti kinuna ni Pablo nga inaramidna idi nagbalin isunan a nataengan ?

Kinana ni Pablo nga idin ta nataenganen isuna, inikkatnan dagiti inuubing a banbanag.

1 Corinthians 14

1 Corinthians 14:1-4

Ania a naespirituan a sagut ti imbaga ni Pablo a masapul a nangnangruna a pagregtaantayo?

Imbaga ni Pablo a masapul a nangnangruna a rumegtatayo para iti panangipadto.

1 Corinthians 14:5-6

Apay a natantan-ok iti panangipadto ngem iti panagsasao kadagiti sabali a pagsasao?

Pappapigsaen ti maysa nga agsasao iti sabali a pagsasao ti bagina, ngem pappapigsaen ti maysa nga agipadpadto ti iglesia. Ngarud nasaysayaat ti agipadpadto.

1 Corinthians 14:7-11

Ania ti nangiyarigan ni Pablo ti panagsasao nga saan a maawatan ti siasinoman?

Inyarigna wenno indiligna daytoy iti instrumento a kas iti plauta wenno arpa a saan a mailasin ti unida ken iti trumpeta a mapaguni iti saan nga umiso nga uni.

1 Corinthians 14:12-14

Ania ti imbaga ni Pablo kadagiti taga Corinto a masapul a pagregtaanda nga aramiden?

Ibagbagana a masapul a naregtada iti panangpapigsa iti iglesia.

1 Corinthians 14:15-21

Kasano nga imbaga ni Pablo ti panagkararag ken panagkantana?

Imbaga ni Pablo nga agkararag ken agkanta isuna saan laeng nga iti espirituna ngem uray iti panunotna.

1 Corinthians 14:22-23

Siasino ti akin-pagilasinan ti sabali a pagsasao ken panagipadto?

Pagilasinan dagiti saan a namati ti sabali a pagsasao ken pagilasinan dagiti namati ti panangipadto.

1 Corinthians 14:24-28

Ania ti imbaga ni Pablo a mapasamak no amin iti iglesia ket agipadpadto ken sumrek ti saan a namati wenno taga-ruar?

Imbaga ni Pablo a matignayto ti saan a namati wenno taga-ruar babaen iti amin a mangngeganna, maukom isuna babaen iti amin a naibaga.

1 Corinthians 14:29-30

Ania ti insuro ni Pablo kadagiti profeta no agtitiponda iti iglesia?

Imbaga ni Pablo a palubosanda nga agsao ti dua wenno tallo a profeta kabayatan nga dumdumngeg dagiti dadduma a tattao nga addaan iti pannakaawat iti aniaman a naibaga. No ti sabali a profeta ket addaan iti kinalaing, ti maysa nga agsasao ket rumbeng agulimek. Masapul nga agipadtoda a saggaysa.

1 Corinthians 14:31-33

Ania ti insuro ni Pablo kadagiti profeta no agtitiponda iti iglesia?

Imbaga ni Pablo a palubosanda nga agsao ti duwa wenno tallo a profeta kabayatan nga agdindingngeg dagiti dadduma a tattao nga addaan iti pannakaawat iti aniaman a naibaga. No ti sabali a profeta ket addaan iti pannakaawat, rumbeng nga agulimek ti maysa nga agsasao. Masapul nga agipadtoda a saggaysa.

1 Corinthians 14:34-36

Iti ania kadagiti iglesia nga imbaga ni Pablo a saan a mapalubosan dagiti babbai nga agsao?

Ibagbaga ni Pablo kadagiti amin nga iglesia dagiti namati a saan a mapalubosan nga agsao dagiti babbai.

1 Corinthians 14:37-40

Ania ti imbaga ni Pablo a masapul nga bigbigen dagidiay mangpanpanunot kadagiti bagbagida a profeta wenno naespirituanda?

Imbaga ni Pablo a masapul nga bigbigenda a dagiti banbanag nga insuratna kadagiti namati iti Corinto ket bilin ti Apo.

1 Corinthians 15

1 Corinthians 15:1-2

Ania ti impalagip ni Pablo kadagiti kakabsat?

Impalagipna kadakuada iti maipapan iti ebanghelio nga inwaragawagna kadakuada.

1 Corinthians 15:3-7

Ania dagiti paset ti ebanghelio nga umuna a kapatgan?

Dagiti paset nga umuna a kapatgan ket maipapan iti pannakatay ni Cristo gapu kadagiti basbasoltayo sigun iti Nasantoan a Surat ken maipapan iti pannakaitanemna ken panagungarna iti maikatlo nga aldaw sigun iti Nasantoan a Surat.

1 Corinthians 15:8-11

Siasino ti nagparangan ni Cristo kalpasan a nagungar isuna manipud iti patay?

Kalpasan a nagungar isuna manipud iti patay, nagparang ni Cristo kenni Cefas, kadagiti Sangapulo ket dua, nagparang isuna a mammaminsan kadagiti nasurok a lima a gasut a kakabsat, ken kenni Santiago ken kadagiti amin nga apostol ken nagparang isuna kenni Pablo.

1 Corinthians 15:12-17

Ania ti kayat nga ipakaawat ni Pablo kadagiti dadduma a namati a taga Corinto maipapan iti panagungar?

Impakaawatna nga ibagbaga dagiti sumagmamano kadakuada nga awan iti panagungar manipud iti patay.

1 Corinthians 15:18-19

No saan a napagungar ni Cristo, ania ti napasamak kadagidiay a natay kenni Cristo?

Napukawda.

1 Corinthians 15:20-21

Ania ti pangawag ni Pablo kenni Cristo?

Inawaganna ni Cristo nga, "ti immuna a bunga kadagiti natay".

1 Corinthians 15:22-23

Siasino ti tao a babaen kenkuana ket immay ti patay ditoy lubong ken siasino ti tao a babaen kenkuana ket immay ti panagungar dagiti natay?

Inyeg ni Adan ti patay ditoy lubong ken babaen ken Cristo ket mabalin nga agbiagtayonto amin wenno mapagungar.

1 Corinthians 15:24-26

Anianto ti mapasamak iti kamaudiananna?

Iyawatto ni Cristo ti pagarian iti Dios Ama, no ikkatennanto amin a paglintegan, turay ken pannakabalin.

1 Corinthians 15:27-34

Siasino ti saan a karaman no ibaga a, "inkabilna amin a banag iti sirok iti sakana"?

Ti nangikabil iti amin a banag iti turay iti Anak ket saan a nairaman iti iturayanna (iti Anak).

1 Corinthians 15:35-36

Ania ti pangiyar-arigan ni Pablo iti panagungar dagiti natay?

Iyar-arigna daytoy iti bukel a naimula.

1 Corinthians 15:37-39

Maiyasping kadi ti bukel a naimula ti bagi (mula) a rumwar manipud iti bukel?

Saan a maiyasping ti aniaman nga inmulam ti bagi a pagbalinanna.

1 Corinthians 15:40-41

Adda kadi pay ti sabali a kita iti bagbagi?

Adda met dagiti nailangitan a bagbagi ken adda met dagiti naindagaan a bagbagi.

1 Corinthians 15:42-44

Ania ti pangiyar-arigan ni Pablo ti panagungar dagiti natay?

Iyar-arigna daytoy iti bukel a naimula.

Kasano a naimula dagiti mapukaw a bagitayo?

Naimulada a kas gagangay a bagi, iti pannakaibabain ken kinakapuy.

Ania iti kasasaadtayo idi napagungar tayo manipud iti patay?

Ti aniaman a napagungar ket saan a mapukaw a naespirituan a bagi; napagungar iti dayag ken pannakabalin.

1 Corinthians 15:45-46

Ania ti nagbalinan ti immuna nga Adan?

Nagbalin isuna a sibibiag a kararua.

Ania ti nagbalinan ti naudi nga Adan?

Nagbalin isuna nga espiritu a mangit-ited iti biag.

1 Corinthians 15:47-49

Sadino ti naggapuan ti immuna ken maikadua a tao?

Nagtaud ti immuna a tao iti daga a naaramid manipud iti tapuk. Naggapu iti langit ti maikadua a tao.

1 Corinthians 15:50-51

Ania ti saan a makatawid iti pagarian ti Dios?

Saan a matawid iti lasag ken dara ti pagarian iti Dios.

1 Corinthians 15:52-53

Kaano ken kasano kapardas a mabaliwantayo?

Mabaliwantayonto iti apagbiit, iti maudi nga uni ti trumpeta ken iti panagkirem ti mata.

1 Corinthians 15:54-55

Ania ti mapasamak no inkabilen daytoy a mapukaw iti saan a mapukaw ken inkabilen ti matay ti saan a matay?

Matilmonto iti balligi ti patay.

1 Corinthians 15:56-57

Ania ti silud ti patay ken ania ti pannakabalin ti basol?

Ti silud ti patay ket basol ken ti pannakabalin ti basol ket ti linteg.

1 Corinthians 15:58

Ania a rason ti inted ni Pablo iti ibagbagana kadagiti kakabsat a taga-Corinto nga agbalinda a natibker, agtalinaedda iti pinatida, ken kanayon a saysayaatenda iti agtrabaho maipaay iti Apo?

Ibagbaga ni Pablo kadakuada nga aramidenda dagitoy gapu ta ammoda a dagiti trabahoda iti Dios ket saan a maawanan iti serbi.

1 Corinthians 16

1 Corinthians 16:1-2

Siasino ti nangisuruan ni Pablo iti isu met laeng a wagas iti iglesia idiay Corinto maipapan iti panagur-ur maipaay kadagiti santo wenno namati?

Insuro ni Pablo dagiti iglesia ti Galatia iti isu met laeng a wagas a kas iti iglesia idiay Corinto.

Siasino ti pakaitedanna dagiti sagsagut?

Maited dagitoy kadagiti santo wenno namati idiay Jerusalem.

1 Corinthians 16:3-4

Siasino ti pakaitedanna dagiti sagsagut?

Maited dagitoy kadagiti namati idiay Jerusalem.

1 Corinthians 16:5-6

Kaano a mapan ni Pablo iti iglesia idiay Corinto?

Kinunana a mapan isuna kadakuada no magna isuna iti Macedonia.

1 Corinthians 16:7-9

Apay a saan a kayat a dagus a makita ni Pablo dagiti namati idiay Corinto iti apagbiit a panawen?

Kayat ni Pablo a sarungkaran ida iti at-atiddog a tiempo ken nalabit nga makipagnaed isuna kadakuada iti panawen ti lammiis.

1 Corinthians 16:10-14

Ania ti ar-aramiden ni Timoteo?

Ar-aramidenna ti trabaho iti Apo a kas iti ar-aramiden ni Pablo.

Ania ti imbilin ni Pablo iti iglesia idiay Corinto maipapan kenni Timoteo?

Imbaga ni Pablo iti iglesia idiay Corinto a siguradoenda a saan a mabuteng ni Timoteo bayat nga adda isuna kadakuada. Imbaga ni Pablo kadakuada a saanda a lalaisen ni Timoteo ken tulunganda isuna a maaddaan isuna iti kappia iti dalanna.

1 Corinthians 16:15-16

Siasino kadagiti taga- Corinto ti nangituding iti bagbagida iti panagserbi kadagiti namati?

Intuding dagiti kabbalay ni Estefanas dagiti bagbagida iti panagserbi kadagiti namati.

1 Corinthians 16:17-18

Ania ti inaramid ni Estefanas, Fortunato ken Acaico maipaay kenni Pablo?

Isuda ti simmukat iti kinaawan dagiti namati iti Corinto ken nabang-aran ti espiritu ni Pablo gapu kadakuada.

1 Corinthians 16:19-24

Siasino ti nangipatulod iti kablaaw iti iglesia idiay Corinto?

Dagiti iglesia ti Asia, ni Akila ken Priscilla ken amin dagiti kakabsat ket nangipatulod iti panagkablaaw maipaay iti iglesia idiay Corinto.