Ruth

Ruth 1

Ruth 1:1-2

Ania a panawen iti pakaistoriaan dagiti Judio idi napasamak ti istoria ni Ruth?

Napasamak daytoy kadagiti panawen a nagturay dagiti ukom.

Apay a napan nagnaed ni Elimelec ken ti pamiliana idiay Moab?

Napanda nagnaed idiay Moab gapu ta adda panagbisin idiay Judah.

Ruth 1:3-5

Ania ti napasamak iti pamilia ni Naomi idiay Moab?

Nabati kenkuana dagiti manugangna gapu ta natay ti asawa ken dua nga annakna a lallaki.

Ruth 1:6-7

Apay nga nangngeddeng ni Naomi nga agsubli idiay Judah?

Nangngeganna a nangted ni Yahweh ti taraon kadagiti tattao ti Judah.

Ruth 1:8-15

Ania iti kayat ni Naomi nga aramiden dagiti manugangna?

Kayat ni Naomi nga agsubli dagiti manugangna kadagiti bukodda a pagtaengan ken mangbirukda iti agbalin nga assawada.

Ruth 1:16-18

Idi nakipagnaed ni Ruth ken ni Naomi, ania ti inkarina ken ni katuganganna?

Kinunana kenkuana, "No sadino ti papananyo, sumurotak, agnaedak sadinoman ti pagnaedanyo; agbalin a tattaok dagiti tattaoyo, ket ti Diosyo ket agbalin a Diosko; matayak met no sadinoman iti pakatayanyo.

Ruth 1:19-21

Iti sadino nga ili a nagsubli ni Naomi?

Nagsubli isuna idiay Bethlehem.

Ruth 1:22

Ania a panawen iti dayta tawen idi dimtengda Naomi ken niRuth idiay Bethlehem?

Mangrugi idi iti panagapit iti sebada.

Ruth 2

Ruth 2:1-4

Ania ti relasion ni Boaz iti natay nga asawa ni Naomi?

Agkabagianda

Ruth 2:5-7

Ania iti kayat a maamoan ni Boaz maipapan ken ni Ruth?

Kayatna a maamoan no siasino a tao iti nakaibilanganna.

Ruth 2:8-9

Ania dagiti inbilin ni Boaz ken ni Ruth maipapan iti panagtudtodna?

Kinunana, "Agtalinaedka ditoy ket agtrabahoka a kaduam dagiti babbalasang a trabahadorko."

Ruth 2:10-14

Kalpasan a nangngeganna iti pammalubos nga agtudtod iti taltalon ken uminum manipud kadagiti nasakdoan a burnay, ania ti sinaludsod ni Ruth ken ni Boaz?

Sinaludodna, "Apay a nakabirukak iti pabor iti imatangmo?"

Ruth 2:15-18

Ania pay iti pabor nga inted ni Boaz ken ni Ruth idi nagsublida a nagtrabaho kalpasan ti pannanganda?

Pinalubosanna ni Ruth nga agtudtod kadagiti binettek, ken binilinna dagiti agan-ani nga aguyosda manipud kadagiti nareppet.

Ruth 2:19-22

Idi nakita ni Naomi ti nagadu a bukel a natudtod ni Ruth, ania iti sinaludsodna?

Sinaludsodna, "Sadino iti nagtudtodam ita?"

Ruth 2:23

Ania ti inaramid ni Ruth iti dagup ti panagaapit iti sebada?

Nagtudtod isuna a kaduana dagiti trabahador ni Boaz ken nakipagnaed ken ni Naomi.

Ruth 3

Ruth 3:1-2

Ania ti imbaga n Naomi a tarigagayna para ken ni Ruth?

Tarigagayna a maaddaan ni Ruth iti lugar a paginanaan, ken nasayaat koma dagiti banbanag a mapasamak kenkuana.

Ruth 3:3-7

Ania ti imbaga ni Naomi ken ni Ruth sakbay a mapan idiay pagirikan?

Imbagana nga agdigus, agbangbanglo, ken agsukat iti badona.

Ruth 3:8-9

Ania iti nakita ni Boaz iti tengnga iti rabii nga isu ti nakakigtotanna?

Nakigtot isuna a nakakita iti babai a nakaidda iti sakaananna.

Ruth 3:10-11

Apay a dimmawat ni Boaz iti pammendision ni Yahweh para ken ni Ruth?

Gapu ta ni Boaz iti binirok ni Ruth ket saan a dagiti agtutubo a lallaki.

Ruth 3:12-13

Ania iti nanglapped ken ni Boaz saanna dagus inaramid ti pagrebbenganna ken ni Ruth?

Gapu ta adda iti lalaki nga as-asideg a kabagianda ngem ni Boaz.

Ruth 3:14-18

Apay a nasapa a pimmanaw ni Ruth idiay pagirikan sakbay nga adda iti makabigbig kenkuana?

Gapu ta imbaga ni Boaz a saan a rumbeng nga adda ti makaammo nga immay isuna idiay pagirikan.

Ruth 4

Ruth 4:1-2

Sadino iti napanan ni Boaz tapno marisut iti parikut no siasino iti agbalin a mangaywan ken ni Ruth?

Napan idiay ruangan ti siudad.

Ruth 4:3-4

Ania ti immuna nga insingasing ni Boaz iti kabagiannaa gatangen no kayatna?

Insingasing ni Boaz a gatangenna ti paset ti dagaa kukua ni Elimelec.

Ruth 4:5-8

Ania pay ti mainayon a pagrebbengan ti sabali a kabagian nga imbaga ni Boaz?

Imbagana a masapul nga asawaenna ni Ruth tapno agtalinaed ti tawid iti nagan ni Elimelec.

Ruth 4:9-15

Ania dagiti dua a tulagan nga imbaga ni Boaz a sinaksian dagiti panglakayen?

Sinaksianda a ginatang ni Boaz iti amin a kukua ni Elimelec ken innalana ni Ruth tapno agbalin nga asawana.

Ruth 4:16-22

Ania iti relasyon ni Naomi iti anak ni Ruth?

Isu ti mangaywan iti anak ni Ruth.