2 Chronicles

2 Chronicles 1

2 Chronicles 1:1

Apay a napatibker ti panagturay ni Solomon a putot ni David?

Napatibker ti panagturay ni Solomon gapu ta adda kenkuana ni Yahweh ken pinabilegna unay isuna.

2 Chronicles 1:2-5

Ania dagiti banag a naidatag iti panagdayaw iti ipapanan ni Solomon iti pagdaydayawan nga adda iti Gabaon?

Adda sadiay ti tolda a pakiumanan wenno ti tabernakulo nga inaramid ni Moises idiay let-ang, ken ti bronse nga altar nga inaramid ni Bezalel, ngem naipanaw ti lakasa ti Dios manipud Kiriat Jearim ket naipan iti maysa a tolda iti Jerusalem.

2 Chronicles 1:6-7

Ania ti inaramid ni Solomon iti sangoanan ni Yahweh sakbay nga nagparang kenkuana babaen iti saludsod iti, “Ania ti rumbeng nga itedko kenka?”

Dinaydayaw ni Solomon Yahweh idiay bronse nga altar babaen iti panagidatag iti sangaribu a daton a naan-anay a maipuor amin.

2 Chronicles 1:8-11

Apay a dinawat ni Solomon kenni Yahweh nga ikkanna isuna iti kinasirib ken pannakaammo?

Dinawat ni Solomon kenni Yahweh nga ikkanna isuna iti kinasirib ken pannakaammo tapno maidauloanna dagiti adu nga Israelita nga adu ti bilangna.

2 Chronicles 1:12-13

Ania ti inted ti Dios kenni Solomon a kadua/nayon ti sirib ken pannakaammo?

Inted ti Dios kenni Solomon ti saanna a dinawat: kinabaknang ken sanikua, ken dayaw a nangatngato ngem iti siasinoman kadagiti ari sakbay kenkuana.

2 Chronicles 1:14-17

Iti ania a wagas ti pakakitaan iti kinabaknang ni Solomon?

Addaan kadagiti 1,400 a karuahe ken 12,000 a kumakabalio, ti pirak ken balitok a kas gagangay laeng kadagiti bato, ken ti kayo ti sedro ket gagangay a kas kadagiti ordinario a kayo ti sikamoro kadagiti nababa a daga.

2 Chronicles 2

2 Chronicles 2:1-3

Apay a dinawat ni Solomon kenni Hiram a mangipatulod isuna kadagiti kayo a sedro a kas inaramidna iti amana?

Dinawat ni Solomon a mangipatulod ni Hiram kadagiti kayo a sedro tapno makaipatakder isuna iti balay nga agpaay iti nagan ni Yahweh ken palasio nga agpaay kenkuana.

2 Chronicles 2:4-5

Apay a panggep ni Solomon nga ipatakder ti balay nga agpaay iti nagan ni Yahweh a dakkel unay?

Pinanggep ni Solomon nga ipatakder ti maysa a dakkel a balay nga agpaay iti nagan ni Yahweh gapu natantan-ok nga amang ti Diosna ngem kadagiti didiosen.

2 Chronicles 2:6-7

Siasino ti masapul ni Solomon inton ipatakderna ti maysa a balay nga agpaay iti nagan ni Yahweh a maiparang ti kinatan-ok ni Yahweh?

Kasapulan ni Solomon ti maysa a nalaing nga agtrabaho iti balitok, bronse, landok ken iti maris ube, nalabbaga asul a de lana ken makaaramid iti amin a kita iti panagkitikit iti kayo.

2 Chronicles 2:8-10

Apay a kayat ni Solomon a mangipatulod kenkuana ni Hiram kadagiti kayo a sedro, saleng, ken algum manipud Lebanon?

Kayat ni Solomon nga ipatulod kenkuana ni Hiram dagitoy a kayo tapno ti balay nga ipatakderna para iti nagan ni Yahweh ket dakdakkel ken napinpintas unay.

2 Chronicles 2:11-12

Segun kenni Hiram, apay a pinagbalin ni Yahweh nga ari ni Solomon kadagiti Israelita?

Segun kenni Hiram, pinagbalin ni Yahweh nga ari ni Solomon gapu ta ay-ayaten ni Yahweh dagiti tattaona ken nasagutan ni Solomon iti kinasaririt ken pannakaawat.

2 Chronicles 2:13-14

Apay nga imbaon ni Hiram ni Huramabi kenni Solomon?

Imibaon ni Hiram ni Huramabi gapu ta nalaing isuna nga agtrabaho maipanggep iti balitok, bronse, landok, bato, ken iti dakkel a kayo, ken iti maris ube, asul, nalabaga a de lana ken iti kasayaatan a lupot kasta met iti panagaramid iti aniaman a kita ti panagkitikit.

2 Chronicles 2:15-18

Kasano a maipan iti Israel dagiti kayo manipud iti Lebanon?

Naipan ti kayo manipud Lebanon a kas balsa babaen iti baybay ti Joppe ket kalpasanna, insang-atda iti Jerusalem.

2 Chronicles 3

2 Chronicles 3:1-3

Apay a rinugian ni Solomon nga ipatakder ti balay ni Yahweh iti pagir-irikan ni Ornan a Jebuseo idiay Bantay Moria?

Rinugian ni Solomon nga impatakder ti balay ni Yahweh idiay gapu ta sadiay a nagparang ni Yahweh kenni David nga amana.

Ania dagiti rukod ti pundasion nga inaramid ni Solomon para iti balay ni Yahweh?

Dagiti ti pundasion para iti balay ti Dios ket 60 kubit ti kaatiddogna ken 20 a kubit ti kalawana, iti panangusar ti daan nga estilo ti kubit.

2 Chronicles 3:4-7

Kasano kangato ti balkon nga adda iti sango ti balay?

20 a kubit ti kangato ti balkon.

Ania ti inaramat ni Solomon tapno ipatakder ti akin uneg ti balay ti Dios?

Saleng ti inusar ni Solomon a bubida ken iti kadakkelan a siled,a kinalupkopanna iti kasayaatan a balitok, ken inarkosanna ti balay kadagiti napateg a bato.

2 Chronicles 3:8-12

Ania ti pinangkalupkopda iti nasantoan a disso?

Kinalupkopanda ti kasasantoan a disso iti kasayaatan a balitok.

2 Chronicles 3:13-17

Ania ti makita iti akin uneg ti kasasantoan a disso?

Ti kasasantoan a disso ket kasayaatan a balitok ken adda iti uneg dagiti dua nga imahen ti kerubim nga addaan kadagiti payak a nakatakder kadagiti sakada, ken nakasango iti kadakkelan a siled.

Ania ti inkabil ni Solomon kadagiti dua nga adigi iti sango ti balay ti Dios?

Pinagsisinnilpo ni Solomon ti 100 a Sinan-granada kadagiti kawar nga inakabilna iti tuktok dagiti adigi.

2 Chronicles 4

2 Chronicles 4:1-3

Ania ti rukod ti altar a bronse?

Ti altar a bronse ket duapulo a kubit ti kaatiddog, duapulo a kubit ti kalawana ken sangapulo a kubit ti kangatona.

Kasano kadakkel ti nagbukel a tangke a landok?

Sangapulo a kubit ti ngarab ti nagbukel a tangke a landok. Lima a kubit ti kangato ken tallopulo ti aglikmut daytoy.

2 Chronicles 4:4-6

Ania ti nakaisangratan ti tangke nga impatakder ni Solomon para iti templo?

Ti tangke ket pagbuggoan dagiti papadi

2 Chronicles 4:7-13

Kasano a naammoan ni Solomon ti panagaramid kadagiti sangapulo a kandelero a balitok?

Inaramid ni Solomon ti sangapulo a kandelero a balitok a maiyannurot iti desenio dagitoy.

Ania dagiti trabaho a lineppas ni Huram para kenni Ari Solomon idiay templo?

Lineppas ni Huram ti trabaho a dua nga adigi, dagiti malukong, dagiti arkos, ken dagiti uppat a gasut a kinitikitan a granada.

2 Chronicles 4:14-16

Ania dagiti inaramid ni Huramabi iti napasileng a bronse para kenni Solomon nga agpaay iti templo ni Yahweh?

Inaramid ni Huramabi dagiti pagbatayan ken dagiti palanggana, maysa a tangke, ken ti sangapulo ket dua a Sinan-toro a baka nga adda iti sirok daytoy, ken adu nga alikamen.

Mano ti timbang dagiti amin a bronse nga nga alikamen nga inaraid ni Solomon?

Saan nga naamon dagiti timbang ti bronse a naaramid nga alikamen ni Solomon.

2 Chronicles 4:17-18

Mano ti timbang dagiti amin a bronse nga nga alikamen nga inaraid ni Solomon?

Saan nga naamoan ti kadagsen dagiti bronse a naaramid nga alikamen ni Solomon.

2 Chronicles 4:19-22

Ania ti nakaaramidan ti kandelero ken dagiti pagsilawanna a naidesnio a masindan sakbay ti akin uneg a siled?

Naaramid iti puro a balitok ti kandelero ken dagiti pagsilawanna.

Ania dagiti alikamen nga inaramid ni Solomon iti kinawadwad para iti balay ti Dios?

Inaramid ni Solomon ti balitok nga altar, dagiti lamisaan para iti tinapay, dagiti kanderelo nga adda dagiti pagsilawanna, ken dagiti dadduma a banag a naaramid iti puro a balitok.

2 Chronicles 5

2 Chronicles 5:1

Sadino ti nangikabilan ni Solomon kadagiti banbanag nga indaton ni David iti Dios?

Inkabil ni Solomon dagiti amin a banbanag karaman dagiti pirak, balitok, ken dagiti amin nga alikamen, iti pagiduldulinan iti balay ti Dios.

2 Chronicles 5:2-3

Ania ti inkeddeng ni Solomon a sumaruno nga maaramid?

Inummong ni Solomon dagiti mangidadaulo iti Israel tapno alaenda ti lakasa ti tulag ni Yahweh manipud iti siudad ni David.

2 Chronicles 5:4-6

Ania ti inaramid ni Ari Solomon ken dagiti amin a taripnong ti Israel idi innala dagiti Levita ti lakasa ti tulag?

Napan nagidaton ni Ari Solomon ken ti amin a taripnong ti Israel iti adu a karnero ken toro a baka.

2 Chronicles 5:7-8

Sadino ti nangikabilan dagiti padi iti lakasa ti tulag ni Yahweh?

Inkabil dagiti papadi ti lakasa ti tulag ni Yahweh iti kasasantoan a disso iti sirok dagiti payak ti kerubim.

2 Chronicles 5:9-10

Ania dagiti banag nga adda iti lakasa ti tulag?

Ti linaon ti lakasa ti tulag ket iti dua a tapi ti bato nga inkabil ni Moises idi addada idiay Horeb.

2 Chronicles 5:11-14

Ania ti inaramid dagiti amin a Levita kalpasan a rimmuarda iti nasantoan a disso?

Dagiti Levita, a nakakawes iti kasayaatan a lino ket nagtakder iti daya a murdong ti altar, agpatpatukarda kadagiti piangpiang, kadagiti arpa, ken kadagiti lira.

Kasano a nagdayaw dagiti tumatangguyob ken kumakanta?

Naggigiddan dagiti kumakanta ken dagiti tumatangguyob a nagikanta iti, “Gapu ta naimbag isuna, gapu ta agnanayon ti kinapudnona iti tulagna”

Apay a saan a makatrabho dagiti padi tapno agserbi?

Saan a makatrabho dagiti papadi gapu iti ulep, a ti dayag ni Yahweh, nangpunno iti balay ni Yahweh.

2 Chronicles 6

2 Chronicles 6:1-3

Kasano a pinasayaat ni Solomon ti disso a pagtaengan ni Yahweh?

Kinuna ni Yahweh nga agtaeng koma isuna iti kasipngetan, ngem impatakderan ni Solomon isuna iti nadaeg a pagtaengan a pagtalinaedanna koma iti agnanayon.

2 Chronicles 6:4-6

Sadino ti inkeddeng ni Yahweh a pagnaedan ken siasino ti pinilina a mangituray kadagiti tattaona?

Awan ti pinili ni Yahweh a siudad a pangipatakderan iti balayna wenno ti siasinoman a tao nga agbalin a prinsipe iti Israel, ngem ketdi, pinilina ti Jerusalem a kas siudad ken pinilina ni David a mangituray iti Israel.

2 Chronicles 6:7-9

Ania ti kinuna ni Yahweh kenni David tapno saanna nga ituloy ti panagtungpalna iti tarigagayna?

Imbaga ni Yahweh kenni David, “Adda iti pusom ti mangipatakder iti maysa a balay para iti naganko, ngem ketdi ipatakderto daytoy ti putotmo a lalaki’

2 Chronicles 6:10-11

Kasano ti panangtungpal ni Yahweh iti sao nga imbagana?

Tinungpal ni Yahweh ti sao nga imbagana babaen iti panagtugaw ni Solomon iti trono ni David, impatakderna ti balay para iti nagan ni Yahweh, ken inkabilna ti lakasa iti daytoy.

2 Chronicles 6:12-13

Kasano ti panagtakder ni Solomon iti sangoanan ti altar ni Yahweh?

Nagtakder ni Solomon iti rabaw ti bronse a plataporma, nagparintumeng isuna iti sangoanan dagiti amin a taripnong ti Israel, ken intag-ayna dagiti imana nga agturong kadagiti langit

2 Chronicles 6:14-15

Ania ti aramiden ni Yahweh kadagiti adipen nga agtulnog iti imatangna iti amin a pusoda?

Salimetmetan ni Yahweh ti tulagna ken ti kinapudnona iti tulagna kadagiti adipenna nga agtulnog iti sangoananna iti amin a pusoda.

2 Chronicles 6:16-20

Ania ti inkari ni Yahweh kenni David nga adipenna?

Imbaga ni Yahweh kenni David a kanayonto nga adda maysa a tao iti tribuna ti agtugaw iti trono ti Israel no naannad nga agtulnog iti linteg ni Yahweh dagiti kaputotanna.

2 Chronicles 6:21

Ania ti gagangay a kiniddaw ni Solomon kenni Yahweh?

Kiniddaw ni Solomon a denggen koma ni Yahweh ti kiddaw ken kararagna tapno malukatan koma dagiti matana iti templo iti aldaw ken rabii.

2 Chronicles 6:22-23

Kasano a maipakaammo ti maysa a nalinteg a tao nga awan basolna no mapabasol isuna nga agbasbasol iti kaarrubana?

Maipakaammo ti maysa a nalinteg a tao nga awan basolna babaen iti panagsapatana iti sangoanan ti altar iti balay ni Yahweh.

2 Chronicles 6:24-25

Ania ti masapul nga aramiden dagiti Israelita no naparmek idan dagiti kabusorda gapu ta nagbasolda kenni Yaweh?

Masapul nga agsubli dagiti Israelita babaen iti panagraemda iti nagan ni Yahweh, panagkararag ken panagkiddaw iti pammakawan iti sangoananna idiay templo.

2 Chronicles 6:26-27

Ania ti rumbeng nga aramiden dagiti Israelita no agrikep dagiti tangatang ket awan ti tudo gapu ta nagbasolda kenni Yahweh?

Rumbeng nga agkararag dagiti Israelita a sumango iti templo,raeenda ti nagan ni Yahweh, ken isardengda ti panagbasbagsolda tapno agtudo iti dagada.

2 Chronicles 6:28-31

Ania dagiti sumagmamano a kasasaad dagiti Israelita a kasapulan a dumngeg ni Yahweh kadagiti kararagda ken pakawanenna ida kadagiti basbasolda?

Kasapulan dagiti Israelita a dumngeg ni Yahweh kadagiti kararagda no adda panagbisin, sakit, buot, dudon wenno arabas, no darupen dagiti kabusorda dagiti ruangan ti siudadda, wenno no adda didigra wenno sakit.

2 Chronicles 6:32-35

Apay nga aramiden ni Yahweh ti dawdawaten ti ganggannaet para kenkuana no umay ket agkararag a sumango iti balay ni Yahweh?

Ksapulan nga araiden ni Yahweh ti dinawat ti ganggannaet para kenkuana tapno dagiti amin a bunggoy dagiti tattao iti rabaw ti daga ket maammoanda ti nagan ni Yahweh, agbutengda kenkuana, ken maammoanda ti balay a naawagan babaen iti nagana.

2 Chronicles 6:36-42

Ania ti kiniddaw ni Solomon kenni Yahweh?

Dinawat ni Solomon a dumngeg koma ni Yahweh kadagiti ipudno dagiti Israelita ken pakawanenna koma ida kadagiti basolda, kalpasan a nagbasolda, naibaludda iti daga dagiti kabusorda, ket nagbabawida kadagiti basolda.

2 Chronicles 7

2 Chronicles 7:1-3

Ania ti napasamak idi nalpas ni Solomon ti panagkararagna kenni Yahweh?

Idi nalpas ni Solomon ti panagkararagna, bimmaba ti apuy manipud langit tapno puoranna dagiti daton a maipuor ken dagiti sakripisio, ken pinunno ti dayag ti Dios ti balay.

Ania ti inaramid dagiti tattao ti Israel idi nagtinnag ti apuy ken pinunno ti dayag ni Yahweh ti balay?

Nagpakleb dagiti tattao ti Israel iti daga, nagdayaw ken nagyaman kenni Yahweh.

2 Chronicles 7:4-6

Apay a nagidaton ni Ari Solomon ken dagiti amin a tattao kenni Yahweh?

Nagidaton ni Ari Solomon ken dagiti tattao kenni Yahweh tapno idaton ti balay ti Dios.

2 Chronicles 7:7

Apay a nagidaton ni Solomon iti daton a mapuoran ken ti taba ti pakikapia a daton idiay tengnga ti paraangan?

Indaton ni Solomon dagiti daton a maipuor ken ti taba para iti daton a pakikappia idiay tengnga ti paraangan gapu ta saan a malaon ti bronse nga altar nga inaramidna dagiti daton a maipuor, dagiti bukel a daton ken ti taba.

2 Chronicles 7:8-10

Apay a kinabaelan ni Solomon a pinagawid dagiti tattao ti Israel nga addaan iti ragsak ken rag-o kadagiti pusoda kalpasan iti piesta?

Pinapanaw ni Solomon dagiti tattao nga addaan kinaragsak ken rag-o kadagiti pusoda gapu ta naipakita ti kinasayaat ni Yahweh kenni David, Solomon ken kadagiti tattaona nga Israel.

2 Chronicles 7:11-12

Ania ti naipatungpal iti balay ni Yahweh ken iti bukod a balay ni Solomon?

Naipatungpal ti amin a banag nga adda iti puso ni Solomon nga aramiden iti balay ni Yahweh ken iti bukodna a balay.

2 Chronicles 7:13-15

Ania ti rumbeng nga aramiden dagiti tattao ti Israel tapno mangngeg ni Yahweh ti kararagda, mapakawan ti basolda ken maagasan ti dagada?

Masapul nga agpakumbabada dagiti tattao nga umaw-awagan babaen iti nagan ni Yahweh, agkararag, birukenda ni Yahweh ken tallikudanda dagiti kindangkesda.

2 Chronicles 7:16-18

Apay a pinili ken inkonsagrar ni Yahweh ti balayna?

Pinili ken inkonsagrar ni Yahweh ti balayna tapno agtalinaed ti naganna sadiay iti agnanayon.

2 Chronicles 7:19-20

Ania ti mapasamak no salungasingen dagiti Israelita dagiti alagaden ken dagiti bilin ni Yahweh ken agdayawda kadagiti didiosen?

No salungasingen dagiti Israelita dagiti alagaden ken dagiti bilin ni Yahweh ken agdayawda kadagiti didiosen, ket parutennanto ida iti daga nga intedna kadakuada ken ti balay nga inkunsagrarna ket aramidennanto dagitoy a pagkakatawaan dagiti amin a tattao.

2 Chronicles 7:21-22

Anianto ti sungbat a maited kadagiti lumabas iti templo a tattao ken nakigtot iti inaramid ni Yahweh iti daga ken ti balayna?

Ti sungbat ket inyeg amin dagitoy ni Yahweh a didigra iti daga ken ti balayna gapu ta sinalungasing dagiti tattaona ken nagtalekda kadagiti didiosen, nagrukbabda kadagitoy.

2 Chronicles 8

2 Chronicles 8:1-4

Ania ti inaramid ni Solomon kabayatan a bangbangonenna ti balay ni Yahweh ken ti bukodna a balay?

Kabayatan a bangbangonen ni Solomon iti balay ni Yahweh ken iti bukodna a balay, bangbangonenna met dagiti ili nga inted ni Hiram kenkuana ket pinagnaedna sadiay dagiti tattao ti Israel.

2 Chronicles 8:5-6

Sadino ken ania ti panggep ni Solomon iti panangibangonna?

Nangbangon ni Solomon para iti bukodna a pagragsakan idiay Jerusalem, Lebanon, ken kadagiti amin a daga a masakupanna.

2 Chronicles 8:7-8

Ania ti napasamak kadagiti tattao iti daga a saan a kukua ti Israel?

Pinagbalin ni Solomon a tagabu dagiti tattao a saan nga Israelita.

2 Chronicles 8:9-10

Ania dagiti trabaho nga inted ni Solomon kadagiti tattao ti Israel?

Pinagbalin ni Solomon dagiti tattao ti Israel a soldadona, mangidadaulo iti soldadona, ofisialna, mangidadaulo kadagiti buyot ti karuahena ken kumakabaliona.

2 Chronicles 8:11

Apay nga impanaw ni Solomon ti anak a babai ni Faraon iti siudad ni David sana impan iti balay a binangonna nga agpaay kenkuana?

Impanaw ni Solomon ti anak a babai ni Faraon iti siudad ni David gapu ta adda ti lakasa ni Yahweh iti siudad isu a nasantoan daytoy a siudad.

2 Chronicles 8:12-13

Kasano ti panangidaton ni Solomon kenni Yahweh kadagiti daton a maipuor iti rabaw ti altar a binangonna iti sangoanan ti balkonahe?

Nangidaton ni Solomon kenni Yahweh kadagiti daton a maipuor a kas naibatang a kasapulan iti inaldaw, a kas panangtungpal kadagiti annuroten a masarakan iti bilin ni Moises.

2 Chronicles 8:14-15

Ania dagiti pagrebbengan dagiti padi ken dagiti Levita?

Dinutokan ni Solomon dagiti padi ken dagiti Levita kadagiti akemda tapno padayawanda ti Dios ken agserbida iti kadagiti padi a kas naibatang a kasapulan iti inaldaw.

Kasano kapudno dagiti agbanbantay kadagiti ruangan iti panagtungpalda kadagiti pagrebbenganda?

Nagtulnog dagiti agbanbantay kadagiti ruangan kadagiti bilin ti ari kadagiti padi ken kadagiti Levita maipapan iti aniaman a banag.

2 Chronicles 8:16-18

Ania ti pagilasinan a nalpasen dagiti amin a trabaho ni Solomon iti balay ni Yahweh?

Nalpasen ti balay ni Yahweh ket maus-usaren daytoy.

2 Chronicles 9

2 Chronicles 9:1-2

Apay a napan ti reyna ti Seba idiay Jerusalem?

Napan ti reyna ti Seba idiay Jerusalem gapu ta nadamagna ti kinalatak ni Solomon ket kayatna a suoten isuna babaen kadagiti narririgat a saludsod.

Ania ti inaramid ni Solomon idi sinaludsod isuna ti reyna ti Seba kadagiti amin a saludsod nga adda iti pusona?

Sinungbatan ni Solomon dagiti amin a sinaludsod kenkuana ti reyna ti Seba.

2 Chronicles 9:3-4

Ania ti inaramid ti reyna ti Seba idi napaneknekanna ti kinasirib ni Solomon ken dagiti amin a pasdek, taraon, pagan-anay, ken dagiti adipen a kukuana?

Idi nakita ti reyna ti Seba dagiti amin a sanikua ni Solomon, nasdaaw unay isuna.

2 Chronicles 9:5-6

Ania ti imbaga ti reyna ti Seba kenni ari Solomon?

Imbaga ti reyna ti Seba kenni Ari Solomon nga inartapan ti kinasirib ken kinabaknangna ti nadamagna a maipanggep kenkuana.

2 Chronicles 9:7-9

Ania ti imbaga ti reyna ti Seba a mangpalagip ni Solomon no kasano a naisaad isuna iti trono ti Israel a kas arida?

Impalagip ti reyna ti Seba kenni Solomon a pinagbalin isuna ni Yahweh nga ari iti Israel ken naisaad isuna iti trono gapu ta ay-ayaten ni Yahweh ti Israel ken kayatna nga ipasdek daytoy iti agnanayon.

2 Chronicles 9:10-12

Ania ti nagbanagan ti panagdaliasat ti reyna ti Seba tapno kitaen ni Ari Solomon?

Inted ni Ari Solomon iti reyna ti Seba dagiti amin a banbanag a kiniddawna a kas mainayon iti kasukat iti inyegna iti ari, ket pimmanaw ngarud isuna ken nagsubli iti bukodna a daga.

2 Chronicles 9:13-14

Mano a balitok ti naiyeg kenni Solomon iti maysa a tawen?

Ti kadagsen ti balitok a naiyeg kenni Solomon iti maysa a tawen ket 666 a talento.

Siasino ti nangiyeg kadagiti balitok kenni Solomon?

Dagiti agtagtagilako, komersiante, amin nga ari ti Arabia ken dagiti gobernador iti pagilian ti nangiyeg iti balitok kenni Solomon.

2 Chronicles 9:15-16

Mano a kalasag a balitok ti inaramid ni Solomon?

Nangaramid ni Ari Solomon iti lima gasut a kalasag manipud iti napitpit a balitok.

2 Chronicles 9:17-18

Ania a banag ti nausar iti pannakaaramid ti trono ni Ari Solomon?

Naaramid ti trono ni Ari Solomon manipud iti marfil a nakalupkopan iti kapipinnoan a balitok.

2 Chronicles 9:19-21

Apay nga awan ti kopa ni Ari Solomon a naaramid manipud iti pirak?

Awan ti kopa ni Ari Solomon a naaramid manipud iti pirak gapu ta saan a maibilang a napateg ti pirak kadagiti aldaw ni Solomon.

2 Chronicles 9:22-24

Apay a sapsapulen dagiti amin nga ari iti daga ti presensia ni Solomon?

Sapsapulen dagiti amin nga ari iti daga ti presensia ni Solomon gapu iti kinabaknangna ken tapno mangngeg ti kinasiribna nga inkabil ti Dios iti pusona.

2 Chronicles 9:25-26

Siasino dagiti ari nga inturayan ni Solomon?

Inturayan ni Solomon dagiti amin nga ari manipud iti Karayan Eufrates agingga iti daga dagiti Filisteo, ken agingga iti beddeng ti Egipto.

2 Chronicles 9:27-31

Kasano kabayag a nagturay a kas ari ni Solomon idiay Jerusalem iti entero nga Israel?

Nagturay ni Solomon idiay Jerusalem iti entero nga Israel iti uppat a pulo a tawen.

2 Chronicles 10

2 Chronicles 10:1-2

Apay a napan dagiti adu a tattao ti Israel idiay Sikem?

Napan dagiti adu a tattao ti Israel idiay Sikem tapno isaadda ni Rehoboam nga arida.

2 Chronicles 10:3-5

Ania ti kiniddaw ni Jeroboam ken dagiti adu a tattao ti Israel kenni Rehoboam?

Kiniddaw ni Jeroboam ken dagiti adu a tattao ti Israel kenni Rehoboam a palag-anenna ti nadagsen a sangol nga impabaklay ni Ari Solomon kadakuada.

2 Chronicles 10:6-7

Ania ti imbalakad dagiti panglakayen nga agtaktakder iti sangoanan ni Solomon idi sibibiag pay laeng isuna nga aramiden ni Ari Rehoboam?

Binalakadan dagiti panglakayen ni Ari Rehoboam nga agbalin a naimbag kadagiti tattao ken ay-ayoenna ida babaen kadagiti nasayaat a sasao, ket kanayondanto nga agbalin nga adipenna.

2 Chronicles 10:8-9

Ania ti inaramid ni Rehoboam kalpasan a saanna nga inkaskaso ti imbalakad kenkuana dagiti panglakayen?

Nakiuman ni Rehoboam kadagiti agtutubo a lallaki a kasadaranna a dimmakkel, babaen iti panangsaludsodna kadakuada no ania ti isungbatna iti kiddaw dagiti tattao a palag-anen dagiti awitda.

2 Chronicles 10:10-11

Ania ti imbalakad dagiti agtutubo a lallaki a kasadaranna a dimmakkel maipapan iti kiddaw dagiti tattao a palag-anen ti awitda?

Binalakadan dagiti agtutubo a lallaki ni Rehoboam nga ibagaba kadagiti tattao nga uray no pinabaklaynakayo ti amak iti nadagsen a sangol, padagsenekto pay dagiti sangolyo.

2 Chronicles 10:12-14

Ania ti napasamak idi napan ni Jeroboam ken dagiti adu a tattao ti Israel kenni Rehoboam iti maikatlo nga aldaw?

Saan nga inkaskaso ni Ari Rehoboam ti balakad dagiti lallakay ken nagubsang ti panangsungbatna kadakuada babaen iti panangsurotna iti balakad dagiti agtutubo a lallaki.

Ania ti napasamak idi napan ni Jeroboam ken dagiti adu a tattao ti Israel kenni Rehoboam iti maikatlo nga aldaw?

Saan nga inkaskaso ni Ari Rehoboam ti balakad dagiti lallakay ken nagubsang ti panangsungbatna kadakuada babaen iti panangsurotna iti balakad dagiti agtutubo a lallaki.

2 Chronicles 10:15

Apay a saan nga impangag ni Ari Rehoboam dagiti tattao ti Israel?

Ti pangngeddeng ti ari a saanna a panangipangag kadagiti tattao ti Israel ket paset dagiti pasamak nga inyeg ni Yahweh tapno matungpal ti saona nga insaona babaen kenni Ahija nga ibagana kenni Jeroboam.

2 Chronicles 10:16-19

Ania ti insungbat dagiti tattao ti Israel iti salaysay ni Ari Rehoboam a padagsenennanto dagiti sangolda?

Idi nangngeg dagiti tattao ti Israel ti sungbat ni Ari Rehoboam, kinuna dagiti tattao ti Israel nga awan ti aniaman a bingayda kenni David, imbagada kadagiti tattao ti Israel nga agsublida kadagiti toldada, ken imbagada kenni Rehoboam a kitaenna ti bukodna a balay.

Ania ti inaramid dagiti tattao ti Israel idi imbaon ni Ari Rehoboam kadakuada ni Adoniram a panguloen dagiti napilit a trabahador?

Binato dagiti tattao ti Israel ni Adoniram agingga a natay ket naglibas ni Ari Rehoboam babaen iti karuahena a mapan idiay Jerusalem.

2 Chronicles 11

2 Chronicles 11:1

Apay nga inummong ni Rehoboam ti balay ti Juda ken Benjamin tapno makigubat iti Israel idi dimteng isuna idiay Jerusalem?

Inummong ni Rehoboam ti balay ti Juda ken Benjamin tapno mapasublina manen ti pagarian kenkuana.

2 Chronicles 11:2-4

Ania ti mensahe a naggapu kenni Yahweh nga imbaga ni Semaias kenni Rehoboam ken kadagiti Israelita?

Ti mensahe a naggapu kenni Yahweh ket masapul a saanda rauten wenno gubaten dagiti kakabsatda.

2 Chronicles 11:5-10

Apay a binangon ni Rehoboam dagiti siudad idiay Juda?

Binangon ni Rehoboam dagiti siudad idiay Juda para iti pannakasalaknibda.

2 Chronicles 11:11-12

Ania dagiti naaramidan ni Rehoboam?

Pinalagda ni Rehoboam dagiti sarikedked, nangisaad isuna kadagiti mangidadaulo kadagitoy, ken nangikabil isuna kadagiti kalasag ken gayang iti tunggal siudad.

2 Chronicles 11:13-15

Apay a pinanawan dagiti Levita dagiti pagipaspastoran ken sanikuada tapno mapanda idiay Juda ken Jerusalem?

Pinanawan dagiti Levita dagiti pagipaspastoran ken sanikuada gapu ta pinagtalaw ida ni Jeroboam ken dagiti putotna a lallaki, tapno saandan a maaramid dagiti trabaho ti kinapadi para kenni Yahweh.

Kasano a sinukatan ni Jeroboam dagiti padi ken Levita nga immakar idiay Juda?

Nangdutok ni Jeroboam kadagiti padi para kadagiti pagdaydayawan ken kadagiti didiosen a sinan-urbon a baka ken sinan-kalding nga inaramidna.

2 Chronicles 11:16-21

Ania ti inaramid dagiti tattao a nagtaud kadagiti tribu ti Israel tapno mapabileg ni Rehoboam ken mapatibker ti pagarian ti Juda?

Napan idiay Jerusalem dagiti tattao a nangipapuso a mangsapul kenni Yahweh, a nagtaud kadagiti amin a tribu ti Israel tapno mangidaton kenni Yahweh.

2 Chronicles 11:22-23

Kasano a nagturay ni Rehoboam a sisisirib?

Nagturay a sisisirib ni Rehoboam babaen iti panangiwarasna kadagiti amin a putotna a lallaki iti entero a Juda ken Benjamin iti tunggal nasarikedkedan a siudad.

2 Chronicles 12

2 Chronicles 12:1

Ania ti dakes a banag nga inaramid ni Rehoboam idi natalgeden ti panagturayna?

Tinallikudan ni Rehoboam ken dagiti amin a tattao ti Israel ti linteg ni Yahweh.

2 Chronicles 12:2-4

Apay a rinaut ni Sisak, nga ari ti Egipto ti Jerusalem?

Rinaut ni Sisak ti Jerusalem gapu ta saan a napudno dagiti tattao kenni Yahweh.

2 Chronicles 12:5-6

Ania ti inaramid ni Rehoboam ken dagiti panguloen ti Juda idi imbaga kadakuada ni profeta Semaias a naiyawatdan kenni Sisak gapu ta tinallikudanda ni Yahweh?

Nagpakumbaba ni Rehoboam ken dagiti panguloen ti Juda ken inwaragawagda a nalinteg ni Yahweh.

2 Chronicles 12:7-8

Ania ti inaramid ni Yahweh idi nakitana a nagpakumbaba ni Rehoboam ken dagiti panguloen ti Juda?

Imbaga ni Yahweh nga ispalenna ida iti mabiit, ngem palubosanna latta ida nga agbalinda nga adipen ni Sisak.

Apay nga impalubos ni Yahweh nga agbalin nga adipen ni Sisak dagiti panguloen ti Juda?

Impalubos ni Yahweh nga agbalinda nga adipen ni Sisak tapno maawatanda ti nagdumaan ti agserbi kenkuana ken ti agserbi kadagiti mangidadaulo kadagiti dadduma a pagilian.

2 Chronicles 12:9-10

Ania ti innala ni Sisak manipud idiay Jerusalem?

Innala ni Sisak dagiti gameng iti balay ni Yahweh ken iti balay ti ari, kasta met dagiti kalasag a balitok nga inaramid ni Solomon.

2 Chronicles 12:11-12

Apay a bimmaaw ti pungtot ni Yahweh kenni Rehoboam?

Bimmaaw ti pungtot ni Yahweh gapu ta nagpakumbaba ni Rehoboam ken adda pay ti dadduma a naimbag a masarakan idiay Juda.

2 Chronicles 12:13-16

Apay a naibaga a “dakes ti inaramid ni Ari Rehoboam”?

Naibaga a dakes ti inaramid ni Ari Rehoboam gapu ta saanna nga impapuso a sinapul ni Yahweh.

Ania ti napasamak kalpasan a natay ni Rehoboam ket naitabon idiay Jerusalem?

Ni Abias a putotna a lalaki ti simmukat kenkuana nga ari.

2 Chronicles 13

2 Chronicles 13:1-3

Siasino ti kinagubat ni Abias?

Ni Jeroboam ti kinagubat ni Abias.

2 Chronicles 13:4-5

Sadino ti ayan ti Bantay Zemaraim?

Ti Bantay Zemaraim ket adda idiay katurturodan a pagilian ti Efraim.

2 Chronicles 13:6-7

Siasino ti nakitipon kenni Jeroboam?

Nakitipon kenni Jeroboam dagiti awan serserbina ken dakes a lallaki.

2 Chronicles 13:8-9

Segun kenni Abias, siasino ti nagkuna a kabaelanna a suppiaten ti bileg iti panangituray ni Yahweh?

Segun kenni Abias, kinuna ni Jeroboam a kabaelanna a suppiaten ti bileg iti panangituray ni Yahweh.

2 Chronicles 13:10-11

Siasino ti saan a timmallikud kenni Yahweh?

Ti nasion ni Abias, a Juda ti saan a nangtallikud kenkuana.

2 Chronicles 13:12

Siasino ti saan nga agballigi no makigubatda kenni Yahweh?

Saan nga agballigi dagiti tattao ti Israel no makigubatda kenni Yahweh.

2 Chronicles 13:13-15

Ania ti panggep ni Jeroboam iti gubat?

Nangisagana ni Jeroboam iti panangsaneb iti likudanda; adda ti armadana iti sangoanan ti armada ti Juda ket adda pay dagiti mangsaneb iti likudan ti Juda.

2 Chronicles 13:16-22

Apay a nangabak dagiti tattao ti Juda?

Nangabak dagiti tattao ti Juda gapu ta nagtalekda kenni Yahweh.

Kasano a natay ni Jeroboam?

Dinangran isuna ni Yahweh, ket natay isuna.

2 Chronicles 14

2 Chronicles 14:1-4

Ania dagiti tignay ni Asa a mangpaneknek a nasayaat ken nalinteg iti imatang ni Yahweh ti inaramidna?

Inikkat ni Asa dagiti altar dagiti didiosen ken dagiti pagdaydayawan, rinebbena dagiti nasagradoan nga adigi a bato ken pinukanna dagiti tekken ni Asera.

2 Chronicles 14:5-6

Apay a natalna daga ken awan ti gubat kabayatan ti panagturay ni Asa?

Natalna ti daga ken awan gubat kabayatan ti panangturay ni Asa gapu ta inikkan isuna ni Yahweh iti kappia.

2 Chronicles 14:7-8

Apay a pinanggep ni Asa a bangonen dagiti napaderan a siudad?

Pinanggep ni Asa a bangonen dagiti napaderan a siudad gapu ta inted kadakuada ni Yahweh ti daga agraman ti kappia iti aglawlaw.

2 Chronicles 14:9-11

Ania ti inaramid ni Asa idi rinaut ti dakkel nga armada ni Zera a taga-Etiopia dagiti tattao ti Israel?

Immawag ni Asa iti tulong kenni Yahweh babaen iti panangbigbigna nga immay isuna ken ti armadana a mangsaranget iti dakkel nga armada ni Zera babaen iti nagan ni Yahweh.

2 Chronicles 14:12-15

Siasino ti nangdangran kadagiti taga-Etiopia iti sangoanan ni Asa ken ti Juda?

Dinangran ni Yahweh dagiti taga-Etiopia iti sangoanan ni Asa ken ti Juda.

Ania ti inaramid ti armada kadagiti barrio iti aglawlaw ti Gerar?

Dinadael ken sinamsaman ti armada dagiti barrio iti aglawlaw ti Gerar.

2 Chronicles 15

2 Chronicles 15:1-2

Ania ti mensahe a naggapu iti Dios nga imbaga ni Azarias kenni Ari Asa?

Ti mensahe ket adda ni Yahweh kenni Asa, bayat nga adda ni Asa kenni Yahweh, ngem no tallikudan ni Asa ni Yahweh, baybay-an ni Yahweh ni Asa.

2 Chronicles 15:3-5

Ania ti awan iti Israel iti nabayag a tiempo?

Ania ti awan iti Israel iti nabayag a tiempo? Iti nabayag a tiempo, awan iti Israel ti pudno a Dios, awanan iti padi a mangisursuro, ken awanan iti linteg.

Ania ti adda kadagiti amin nga agnanaed kadagiti daga kadagidiay a tiempo?

Adda nakaro a pannakariribuk kadagiti amin nga agnanaed kadagiti daga kadagidiay a tiempo.

2 Chronicles 15:6-7

Kasano ti panangriribuk ti Dios kadagiti agnanaed kadagiti daga?

Riniribuk ti Dios dagiti agnanaed kadagiti daga babaen kadagiti amin a kita iti panagsagaba.

2 Chronicles 15:8-11

Ania ti tinarimaan ni Asa idi nangngegna ti mensahe ti profeta?

Tinarimaan ni Asa ti altar ni Yahweh idi nangngegna ti mensahe ti profeta.

Apay a napan kenni Ari Asa ti adu a tattao manipud iti Efraim, Manases ken Simeon?

Napanda gapu ta nakitada nga adda ni Yahweh kenni Ari Asa.

2 Chronicles 15:12-13

Ania ti aramiden dagiti tattao a nagaramid iti katulagan?

Nagaramid dagiti tattao iti katulagan a sapulenda ni Yahweh iti amin a pusoda ken iti amin a kararuada.

Anianto ti mapasamak iti siasinoman a saan a mangsapul kenni Yahweh?

Mapapatayto ti siasinoman a saan a mangsapul kenni Yahweh.

2 Chronicles 15:14-15

Ania ti inted ni Yahweh kadagiti tattao kalpasanda a nagkari kenkuana iti amin a pusoda?

Inikkan ni Yahweh dagiti tattao iti talna iti aglawlawda.

2 Chronicles 15:16-19

Ania ti kasasaad ti puso ni Ari Asa?

Naan-anay a napudno ti puso ni Asa kenni Yahweh kadagiti amin nga al-aldawna.

Ania ti saan a napasamak agingga iti maika-35 a tawen iti panagturay ni Asa?

Awan ti gubat agingga iti maika-35 a tawen a panagturay ni Asa.

2 Chronicles 16

2 Chronicles 16:1

Apay a sigagagar a nagtignay ni Baasa nga ari ti Israel, maibusor iti Juda babaen iti panangibangonna iti Rama?

Nagtignay a sigagagar ni Baasa tapno malappedanna dagiti pumanaw ken sumrek iti daga ni Asa.

2 Chronicles 16:2-3

Apay nga innala ni Asa dagiti pirak ken balitok manipud iti pangiduldulinan ket impatulodna kenni Ben Hadad nga ari ti Aram?

Impatulod ni Asa dagiti pirak ken balitok kenni Ben Hadad tapno allukuyenna a waswasennan ti tulagna kenni Baasa ket makitulag isuna kenni Asa.

2 Chronicles 16:4-6

Ania ti napasamak idi insardeng ni Baasa iti panangipatakderda iti Rama gapu iti panangraut ni Ben Hadad?

Binunag ni Asa ken amin a taga-Juda dagiti bato ken tarikayo nga us-usaren ni Baasa a mangipatakder iti Rama ket inusarda dagitoy a nangipatakder iti Geba ken Mizpa.

2 Chronicles 16:7-8

Apay a tinubngar ni Hanani a profeta ni Asa?

Tinubngar ni Hanani ni Asa gapu ta nagtalek isuna iti katulagan iti ari ti Aram imbes a nagtalek isuna kenni Yahweh a kas iti inaramidna maibusor kadagiti taga-Ethiopia

2 Chronicles 16:9-14

Apay nga adda iti entero a daga ti mata ni Yahweh?

Adda ti mata ni Yahweh iti entero a daga tapno ipakita a napigsa isuna nga agpaay para kadagiti sipupuso a sumursurot kenkuana.

2 Chronicles 17

2 Chronicles 17:1-2

Sadino ti nangikabilan ni Jehosafat kadagiti soldadona?

Nangikabil ni Jehosafat kadagiti soldado kadagiti amin a nasarikedkedan a siudad ti Juda.

2 Chronicles 17:3-4

Apay nga adda ni Yahweh kenni Jehosafat?

Adda ni Yaweh kenni Jehosafat gapu ta nagna isuna iti umuna a wagas ni David nga amana.

Siasino ti akin-kababalin iti saan a nagnaan ni Jehosafat, gapu ta nagna isuna kadagiti bilbilin ti Dios?

Nagna isuna kadagiti bilbilin ti Dios, saan kadagiti kababalin iti Israel.

2 Chronicles 17:5-6

Ania ti nakaipamaysaan ti puso ni Jehosafat?

Naipamaysa ti puso ni Jehosafat kadagiti wagas ni Yahweh.

2 Chronicles 17:7-9

Ania a libro ti intugot dagiti opisial, Levita ken papadi idi napanda nangisuro idiay Juda?

Nangisuroda idiay Juda, intugotda ti Libro ti Linteg ni Yahweh.

2 Chronicles 17:10-11

Ania iti saan nga inaramid dagiti pagarian iti aglawlaw ti Juda gapu ta nagbutengda kenni Yahweh?

Ti panagbuteng kenni Yahweh ket nagdissuor kadagiti adda iti aglawlaw ti Juda isu a saanda a nakigubat kenni Jehosafat.

2 Chronicles 17:12-13

Ania dagiti dua a banag nga impatader ni Jehosafat idiay Juda?

Nangipatakder ni Jehosafat kadagiti sarikedked ken pangidulinan a siudad idiay Juda.

2 Chronicles 17:14-19

Ania ti sididisnudo nga inaramid ni Amasia, a putot ni Zicri?

Sididisnudo a nagserbi ni Amasia kenni Yahweh.

Ania a kita ti tao ni Eliada a nagtaud iti Benjamin?

Ni Eliada ket maysa a nabileg ken natured a lalaki.

2 Chronicles 18

2 Chronicles 18:1-3

Kasano a nakikadua ni Jehosafat kenni Ahab?

Nakikadua ni Jehosafat kenni Ahab babaen iti panangipakasarna iti maysa kadagiti kameng ti pamiliana iti putot a babai ni Ahab.

2 Chronicles 18:4-5

Ania ti imbaga ni Jehosafat iti ari ti Israel nga armidenna tapno maammoanna ti sungbatna?

Kinuna ni Jehosafat iti ari ti Israel, “Pangngaasim ta ammoem pay nga umuna ti ibaga ni Yahweh para iti sungbatmo.”

2 Chronicles 18:6-8

Apay a kagurgura ti ari ti Israel ni Micaias a putot ni Imla?

Kagurgura ti ari ti Israel ni Micaias ta saan pulos isuna a nangipadto iti aniaman a nasayaat a banag maipanggep iti ari, ngem ketdi pasig a kinarigat laeng.

2 Chronicles 18:9-11

Siasino ti nangibaga kadagiti profeta nga iyawatna ti Ramot Galaad iti ima ti ari?

Impadtoda amin a kunada nga iyawat ni Yahweh ti Ramot Galaad iti ima ti ari.

2 Chronicles 18:12-14

Ania ti imbaga ti mensahero kenni Micaias nga imbaga dagiti profeta iti ari?

Imbaga ti mensahero kenni Micaias nga agpapada a nasayaat ti imbaga dagiti profeta iti ari.

2 Chronicles 18:15-16

Ania iti nangidiligan ni Micaias iti Israel idi nakitana ida a naiwarawara kadagiti kabanbantay?

Kinuna ni Micaias a nakitana dagiti amin nga Israel a naiwarawara kadagiti kabanbantayan, a kasla karnero nga awan ti mangipaspastor kadagitoy.

2 Chronicles 18:17-18

Idi nakita ni Micaias ni Yahweh iti tronona sadino ti ayan dagiti buybuyot ti langit?

Nakita ni Micaias a nakatugaw ni Yahweh iti tronona, ket amin a buybuyot iti langit ket nakatakder iti makanawan ken iti makannigidna.

2 Chronicles 18:19

Ania iti dawdawaten ni Yahweh a mapasamak kenni Ahab inton sumang-at idiay Ramot Galaad?

Kiniddaw ni Yahweh nga adda maysa a mangalukoy kenni Ahab, nga ari ti Israel, tapno sumang-at ken maparmek idiay Ramot Galaad.

2 Chronicles 18:20-21

Siasino ti papanan ti espiritu tapno agbalin nga agul-ulbod nga espiritu?

Imbaga ti espiritu a rumuar isuna ken agbalin nga agul-ulbod nga espiritu iti ngiwat dagiti amin a profeta ni Ahab.

2 Chronicles 18:22-24

Ania ti imbaga ni Micaias nga imbaga ni Yahweh a mapasamak iti ari ti Israel?

Imbaga ni Micaias nga imbaga ni Yahweh nga adda iti mapasamak a didigra kenkuana.

2 Chronicles 18:25-27

Sadino ti ayan ni Micaias agingga nga makasubli a sitatalged ti ari ti Israel?

Kinuna ti ari nga ibaludda ni Micaias agingga a makasubli isuna a sitatalged.

No makasubli a sitatalged ti ari, ania ti kayatna a sawen dagiti imbaga ni Micaias?

Kinuna ni Micaias, no makasubli a sitatalged ti ari, ket saan a nagsao ni Yahweh babaen kenkuana.

2 Chronicles 18:28-30

Siasino ti imbaga ti ari ti Aram a darupen dagiti kapitan?

Imbaga ti ari ti Aram kadagiti kapitan iti karuahena a saanda a darupen dagiti soldado, ngem ketdi, darupenda laeng ti ari ti Israel.

2 Chronicles 18:31-32

Ania ti inaramid dagiti mangidadaulo idi naamirisda a saan a ni Jehosafat ti ari ti Israel?

Idi nakita dagiti mangidadaulo nga saan nga isu ti ari ti Israel, insardengda ti panangkamkamatda kenkuana.

2 Chronicles 18:33-34

Ania nga oras idi natay ni Ahab?

Idi dandanin lumnek ti init, natay ni Ahab.

2 Chronicles 19

2 Chronicles 19:1-3

Ania dagiti nasayaat a Makita iti puso ni Jehosafat?

Adda ti sumagmamano a nasayaat a makita kenni Jehosafat, dayta ket impamaysana ti pusona kenni Yahweh.

2 Chronicles 19:4-5

Sadino ti nangisaadan ni Jehosafat kadagiti ukom?

Insaad ni Jehosafat dagiti uk-ukom iti daga iti entero a nasarikedkeddan a siudad ti Juda.

2 Chronicles 19:6-7

Sadino ti ayan ni Yahweh nga imbaga ni Jehosafat no mangukomda?

Kinunana nga adda kadakuada ni Yahweh no mangukomda.

2 Chronicles 19:8-9

Ania a kita ti puso ti masapul a maadda kadagiti ukom iti Jerusalem a kas panangipakita iti panagraem kenni Yahweh?

Binilin ida ni Jehosafat nga kas panangipakita iti panagraemda kenni Yahweh, nasken a mangukomda a sipupudno, ken addaan iti nasin-aw a puso.

2 Chronicles 19:10

Ania iti saan nga agdissuor kadakuada no dagiti tattao ket saan a nagbasol kenni Yahweh?

Imbagana nga saan koma nga agbasol dagiti tattao tapno saan nga agdissuor ti pungtot ni Yahweh kadakuada.

2 Chronicles 19:11

Siasino ti nagkararagan ni Jehosafat nga pagtalinaedan ni Yahweh?

Inkararag ni Jehosafat a makikaadda ni Yahweh kadagiti naiimbag.

2 Chronicles 20

2 Chronicles 20:1-2

Ania iti makagapu nga immay dagiti tattao ti Moab, Ammon, ken dagiti Meunita a maibusor kenni Jehosafat?

Immayda a makiranget kenni Jehosafat.

2 Chronicles 20:3-4

Sadino ti naggapoan dagiti tattao ti Juda a nangbirok kenni Yahweh?

Immay dagiti tattao manipud kadagiti amin a siudad iti Juda a mangbirok kenni Yahweh.

2 Chronicles 20:5-7

Sadino ti nagtakderan ni Jehosafat iti taripnong dagiti tattao?

Nagtakder ni Jehosafat iti balay ni Yahweh, iti sangngoanan iti baro a paraangan.

2 Chronicles 20:8-9

Ania a kari ni Yahweh iti inulit ni Jehosafat idi immasog dagiti tattao kenkuana iti panagrigatda?

Kinuna ni Jehosafat idi immasog dagiti tattao idi immawag dagiti tattao kenni Yahweh iti panagrigatda, dinggennanto ida ken ispalenna ida.

2 Chronicles 20:10-11

Ania ti saan nga impalubos ni Yahweh nga aramiden ti Israel kadagiti Ammon, Moab ken Bantay Seir idi rimmuarda idiay Egipto?

Saan a pinalubosan ni Yahweh a sakupen isuda ti Israel idi rimmuarda iti daga ti Egipto.

2 Chronicles 20:12-13

Ania a paset dagiti bunggoy dagiti tattao ti Juda iti nagtakder iti sangngoanan ni Yahweh?

Nagtakder amin a Juda iti sangngoanan ni Yahweh, kadduada dagiti ubbing, assawa, ken annakda.

2 Chronicles 20:14-15

Apay nga imbaga ni Yahweh a saanda nga agbuteng wenno maupay iti nakaad-adu nga armada a maibusor kadakuada?

Imbaga ni Yahweh a saanda nga agbuteng wenno maupay gapu kadagitoy a nakaad-adu nga armada, ta saan a para kadakuada ti gubat, ngem iti Dios.

2 Chronicles 20:16-17

Ania iti imbaga ni Yahweh a Makita dagiti tattao idi nagtalinaedda kadagiti nagtakderanda?

Imbaga ni Yahweh nga agtalinaedda kadagiti nagtakderanda, ket kitaenda ti panangispal ni Yahweh kadakuada.

2 Chronicles 20:18-21

Ania ti inaramid ti Juda ken dagiti agnanaed iti Jerusalem nga agdayaw kenni Yahweh?

Amin dagiti Juda ken dagiti agnanaed iti Jerusalem ket nagrukbabda iti sangoanan ni Yahweh, a nagdaydayaw kenkuana.

2 Chronicles 20:22-23

Ania iti inaramid ni Yahweh idi ruggian dagiti tattao ti Juda nga agkanta ken agdayaw?

Idi nangrugida nga agkanta ken agdayaw, pinagrinnanget ni Yahweh dagiti lallaki.

2 Chronicles 20:24

Ania iti nakita dagiti tattao ti Juda idi matannawaganda ti armada dagiti kabusorda?

Idi matannawaganda ti armada, nataydan, a napasag iti daga.

2 Chronicles 20:25-26

Kasano kapaot iti panangbunag dagiti tattao kadagiti nasamsamda manipud iti armada?

Tallo nga aldaw a binunag dagiti tattao dagiti nasamsamda, gapu ta nakaad-adu unay dagitoy.

2 Chronicles 20:27-28

Apay a nakaragragsak a nagsubli ni Jehosafat ken dagiti tattaona idiay Jerusalem?

Nakaragragsakda a nagsubli idiay Jerusalem gapu ta pinaragsak ida ni Yahweh idi pinagbaligina ida manipud kadagiti kabusorda.

2 Chronicles 20:29-30

Ania ti inted ti Dios kenni Jehosafat a namagbalin iti pagarianna a natalna?

Natalna ti pagarian ni Jehosafat, ta inikkan isuna ti Dios iti kapia iti isu amin nga aglawlawna.

2 Chronicles 20:31-34

Ania ti inaramid ni Jehosafat iti imatang ni Yahweh?

Inaramid ni Jehosafat iti umno iti imatang ni Yahweh.

2 Chronicles 20:35-37

Ania ti naipadto a maibusor kenni Jehosafat, gapu ta nakikaddua isuna kenni Ahazias?

Gapu ta nakikaddua ni Jehosafat kenni Ahazias, dinadael ni Yahweh dagiti inaramidna.

2 Chronicles 21

2 Chronicles 21:1-3

Apay nga inted ni Jehosafat iti trono kenni Jehoram?

Inted ni Jehosafat ti trono kenni Jehoram gapu ta isuna ti inauna nga anakna.

2 Chronicles 21:4-5

Ania ti inaramid ni Jehoram kadagiti kakabsatna a lallaki kalpasan a naisaad isuna a kas ari?

Idi naan-anayen a naisaad ni Jehoram a kas ari, pinapatayna amin dagiti kakabsatna a lallaki babaen iti kampilan.

2 Chronicles 21:6-7

Apay a saan a kinayat ni Yahweh a madadael ti balay ni David?

Saan a kinayat ni Yahweh a madadael ti balay ni David gapu iti tulag nga inaramidna kenni David.

2 Chronicles 21:8-10

Apay a nagrebelde ti Libna iti panangituray ti Juda?

Nagrebeldeda iti panangituray ti Juda; gapu ta linipat ni Jehoram ni Yahweh.

2 Chronicles 21:11

Ania dagiti inaramid ni Jehoram kadagiti bantay ti Juda?

Nagaramid met ni Jehoram kadagiti pagdaydayawan kadagiti bantay ti Juda.

2 Chronicles 21:12-15

Ania ti imbaga ni Elias a mapasamak kadagiti bagis ni Jehoram?

Maaddaan ni Jehoram iti nakaro a sakit agingga a rummuar ti bagisna gapu iti sakit.

2 Chronicles 21:16-17

Ania dagiti innala dagiti Filsteo ken taga-Arab iti balay ti ari?

Innalada amin a kinabaknang a masarakanda iti balay ti ari?

2 Chronicles 21:18-20

Ania ti saan nga inaramid dagiti tattao para kenni Jehoram nga inaramidda kadagiti kapuonanna?

Saan a nangpasged iti dakkel nga apuy dagiti tattaona a kas panangraemda kenkuana a kas inaramidda kadagiti kapuonanna.

2 Chronicles 22

2 Chronicles 22:1-3

Akin wagas ti nagnaan ni Ahazias gapu iti balakad ti inana?

Nagna ni Ahazias iti wagas a kas iti inaramid ti balay ni Ahab, ta ti inana ti mamalbalakad kenkuana nga agaramid kadagiti nadangkes a banbanag

2 Chronicles 22:4-5

Kasano a nagtignay ni Ahazias iti imatang ni Yahweh, a kas iti inar-aramid ti balay ni Ahab?

Dakes ti inaramid ni Ahazias iti imatang ni Yahweh, a kas iti inar-aramid ti balay ni Ahab.

2 Chronicles 22:6

Apay a napan sinarungkaran ni Ahazias ni Joram, a putot a lalaki ni Ahab?

Simmalog ni Ahazias idiay Jezreel a mangkita kenkuana gapu ta nasugatan ni Joram.

2 Chronicles 22:7-8

Ania ti inyeg ti Dios babaen iti panangsarungkar ni Ahazias kenni Joram?

Ti pannakadadael ni Ahazias ket inyeg ti Dios babaen iti panangsarungkarna kenni Joram.

2 Chronicles 22:9

Ania ti nalagip ni Jehu maipanggep iti ama ni Ahazias?

Kinuna ni Jehu a putot a lalaki ni Jehosafat ni Ahazias a nangbirok kenni Yahweh iti amin a pusona.

2 Chronicles 22:10-12

Ania ti inaramid ti ina ni Ahazias idi nakitana a natayen isuna?

Idi nakitana a natayen ti anakna, timmakder ken pinapatayna dagiti amin nga annak ti ari iti balay ti Juda.

2 Chronicles 23

2 Chronicles 23:1-3

Ania iti nangpatured kenni Jehoyada a makitungtong kadagiti mangidadaulo a nasken nga agturay ti anak ti ari?

Kinuna ni Jehoyada nasken nga agturay ti anak ti ari, a kas imbaga ni Yahweh maipanggep kadagiti kaputotan ni David.

2 Chronicles 23:4-7

Ania a trabaho ti naidutok kadagiti papadi ken Levita nga agserserbi iti Aldaw a Panaginana?

Dagidiay umay nga agserbi iti Aldaw a Panaginana ket agbantay kadagiti ruangan.

2 Chronicles 23:8-9

Kasano a naananay a sinurot dagiti Levita ken dagiti amin a Juda ti imbilin ni Jehoyada?

Nagserbida iti amin a wagas nga imbilin ni Jehoyada a padi.

2 Chronicles 23:10-11

Ania iti intedda iti anak ti ari idi inkabilda kenkuana ti korona?

Inruarda ti anak ti ari, inkabilda ti korona kenkuana ket intedda kenkuana ti allagaden a katulagan.

2 Chronicles 23:12-13

Ania nga ariwawa a nangngeg ni Atalia isu a napan isuna kadagiti tattao iti balay ni Yahweh?

Idi nangngegna ti ariwawa dagiti tattao nga agtataray ken agdaydayaw iti ari, napan isuna kadagiti tattao iti balay ni Yahweh.

2 Chronicles 23:14-15

Ania ti imbilin ni Jehoyada nga aramidenda iti siasinoman a sumurot kenni Atalia?

Imbaga ni Jehoyada a patayenda babaen iti kampilan ti siasinoman a mangsurot kenkuana.

2 Chronicles 23:16-17

Ania a katulagan ti inaramid ni Jehoyada kadagiti tattao, ken ti ari?

Nagaramid ni Jehoyada iti katulagan kadagiti amin a tattao, ken ti ari, a nasken nga agbalenda a tattao ni Yahweh.

2 Chronicles 23:18-19

Siasino dagiti saan a paserreken ni Jehoiada iti balay ni Yahweh babaen iti panangikabilna kadagiti agbanbantay kadagiti ruangan?

Nangikabil ni Jehoyada kadagiti agbantay kadagiti ruangan ti balay ni Yahweh, tapno awan iti makaserrek a narugit iti aniaman a wagas.

2 Chronicles 23:20-21

Sadino ti nangikabilan ni Jehoyada ken dagiti tattao iti ari kalpasan nga imbabada babaen iti Akinngato a Ruangan?

Impan dagiti tattao ti ari iti balay ti ari babaen iti Akinngato a Ruangan ket impatugawda ti ari iti trono ti pagarian.

2 Chronicles 24

2 Chronicles 24:1-3

Kasano kabayag nga inaramid ni Joas ti umno iti imatang ni Yahweh?

Inaramid ni Joas ti umno iti imatang ni Yahweh iti amin nga al-aldaw ni Jehoyada a padi.

2 Chronicles 24:4-5

Apay nga imbaon ni Joas dagiti papadi ken dagiti Levita a mangkolekta iti kuarta manipud iti amin nga Israel?

Imbaon ni Joas ida a mangkolekta iti kuarta manipud iti amin nga Israel tapno matarimaan ti balay ti Diosda.

2 Chronicles 24:6-7

Ania ti innala dagiti annak ni Atalias manipud iti balay ni Yahweh sada inted kadagiti Baal?

Intedda amin dagiti naidaton a banbanag iti balay ni Yahweh kadagiti Baal.

2 Chronicles 24:8-10

Sadino ti imbilin ti ari a pangikabilanda iti lakasa?

Nangbilin ti ari, ket nangaramidda iti maysa a lakasa sada inkabil daytoy iti ruar iti pagserkan ti balay ni Yahweh.

Kasano kaadu dagiti tattao a nagrag-o ken nangiyeg iti kuarta iti lakasa?

Nagrag-o dagiti amin a pangulo ken amin a tattao ket nangiyegda iti kuarta sada inkabil daytoy iti lakasa.

2 Chronicles 24:11-12

Ania ti inurnong dagiti opisila iti inaldawda-aldaw a panangibukbuokda ti lakasa?

Kasano nga imbangon dagiti trabahador ti balay ti Dios bayat ti panangtarimaanda iti daytoy?

2 Chronicles 24:13-14

Kasano nga imbangon dagiti trabahador ti balay ti Dios bayat ti panangtarimaanda iti daytoy?

Imbangon dagiti trabahador ti balay ti Dios iti sigud a kasasaadna ket pinalagdada daytoy.

2 Chronicles 24:15-16

Apay a naitanem ni Jehoyada iti nakaipunpunan dagiti ar-ari iti siudad ni David?

Intanemda isuna iti siudad ni David iti nakaipunpunan dagiti ar-ari gapu ta naimbag ti inaramidna iti Israel, iti imatang ti Dios ken iti balay ti Dios.

2 Chronicles 24:17-19

Ania ti inaramid dagiti tattao idi nangibaon ni Yahweh kadagiti propeta a mangbalaag kadakuada?

Nangibaon ni Yahweh kadagiti propeta a nangballaag kadagiti tattao ngem nagkedked a dumngeg dagiti tattao

2 Chronicles 24:20-22

Apay nga imbaga ni Zacarias kadagiti tattao a linaksid ida ni Yahweh?

Imbaga ni Zacarias kadagiti tattao nga agsipud ta linaksidda ni Yahweh, linaksid metten ida ni Yahweh.

Kasano a linipat ni Ari Joas ti kinaimbag nga inaramid kenkuana ti ama ni Zacarias?

Iti daytoy a wagas, linipat ni Joas nga ari ti kinaimbag nga inaramid kenkuana ni Jehoyada nga ama ni Zacarias. Ngem ketdi, pinapatayna ti anak ni Jehoyada.

2 Chronicles 24:23-24

Ania ti inted ni Yahweh iti bassit nga armada dagiti Arameo gapu ta linaksid isuna ti Juda?

Immay dagiti Arameo nga addaan iti bassit nga armada ngem pinagbaligi isuda ni Yahweh a maibusor iti nakadakdakkel nga armada gapu ta linaksid ti Juda ni Yahweh.

2 Chronicles 24:25-27

Ania ti ginandat dagiti adipen ni Joas maibusor kenkuana?

Naggandat dagiti adipenna maibusor kenkuana gapu iti pannakatay dagiti annak ni Jehoyada a padi.

2 Chronicles 25

2 Chronicles 25:1-2

Mano ti tawen ni Amazias idi nagrugi isuna nga agturay ken kasano kapaut ti panagturayna?

Agtawen ni Amazias iti 25 idi nangrugi isuna nga agturay ken nagturay isuna iti 29 a tawen.

2 Chronicles 25:3-4

Apay a saan a pinapatay ni Amazias dagiti annak dagiti adipen a nangpapatay iti amana nga ari?

Saan a pinapatay ni Amazias dagiti annak dagiti adipen a nangpapatay iti amana gapu ta kuna dagiti linteg iti libro ni Moises a masapul a saan a mapapatay dagiti annak para kadagiti amma, ngem tunggal tao ket masapul a mapapatay gapu iti bukodna a basol.

2 Chronicles 25:5-6

Kasano a ninayonan ni Amazias kadagiti 300,000 a napili a lallaki manipud iti Juda ken Benjamin a nakarehistro babaen kadagiti balay ti kapuonanda?

Nanangdan ni Amazias iti 100,00 mannakigubat a lallaki manipud iti Israel a nayon dagiti 300,000 a napili a lallaki manipud iti Juda.

2 Chronicles 25:7-8

Apay nga imbaga ti tao ti Dios iti ari a saanna a palubosan ti armada ti Israel a mapan a kaduana?

Imbaga ti tao ti Dios iti ari a saanna a palubosan ti armada ti Israel a mapan a kaduana gapu ta awan ni Yahweh iti Israel.

Ania ti imbaga ti adipen ti Dios a mapasamak uray no ni Amazias ket situtured ken sipipigsa iti gubat?

Kuna ti tao ti Dios a parmenkento isuna ti Dios iti sangoanan dagiti kabusor.

2 Chronicles 25:9-10

Kasano a simmungbat ti tao ti Dios iti saludsod ni Amazias maipapan iti aramidenna iti sangagasut a talento nga intedna kadagiti armada ti Israel?

Kuna ti tao ti Dios kenni Amazias a kabaelan ni Yahweh nga ikkan isuna iti ad-adu ngem iti dayta.

Apay a simgiab ti pungtot ti armada manipud iti Efraim maibusor iti Juda?

Simgiab ti pungtotda maibusor iti Juda gapu ta inlasin ni Amazias ti armada sana ida pinagawid.

2 Chronicles 25:11-12

Ania ti napasamak kadagiti sangapulo a ribu a lallaki ti Seir idi indauloan ni Amazias dagiti tattao a mapan iti Tanap ti Asin?

Indauloan ni Amazias dagiti tattaona a mapan iti Tanap ti Asin ket pinarmekna ti sangapulo a ribu a lallaki ti Seir.

Ania ti inaramid ti armada ti Juda iti innalada a sabali pay a sangapulo a ribu a sibibiag?

Intinnag ti armada ti Juda dagiti lallaki ti Seir manipud iti tapaw ti derraas.

2 Chronicles 25:13

Ania ti inaramid ti armada ti Israel kadagiti siudad ti Juda manipud iti Samaria agingga iti Bet-horon?

Rinaut ti armada ti Israel dagiti siudad, pinapatayda ti 3,000 kadagiti tattao ket innalada ti adu a samsam.

2 Chronicles 25:14-15

Ania ti inaramid ni Amazias kadagiti dios nga insangpetna manipud kadagiti tattao ti Seor?

Inaramidna dagitoy a bukodna a dios, nagrukbab ken nangpuor isuna iti insenso kadagitoy.

2 Chronicles 25:16

Ania ti imbaga ti profeta a rason ti Dios iti pangngeddenna a dadaelenna ni Amazias?

Ti rason ti Dios iti pangngeddengna a dadaelenna ni Amazias ket gapu ta inaramidna daytoy ket saanna nga impangag ti pammagbaga ti profeta.

2 Chronicles 25:17

Ania ti mensahe nga impatulod ni Amazias kenni Joas nga ari ti Israel?

Nangibaon ti mensahe ni Amazias a mangkarkarit kenni Joas nga umay ket agsinnango kenni Amazias iti gubat.

2 Chronicles 25:18-19

Ania ti imbaga dagiti mensahero ni Joas kenni Amazias a masapul nga agtalinaed isuna iti pagtaenganna?

Imbaga dagiti mensahero ni Joas kenni Amazias nga agtalinaed isuna iti pagtaenganna gapu ta agpada laeng a maparmek ni Amazias ken ti Juda.

2 Chronicles 25:20-22

Apay nga inyawat ti Dios dagiti tattao ti Juda iti ima dagiti kabusorda?

Inyawat ida ti Dios kadagiti kabusorda gapu ta dimmawatda ti pammagbaga manipud kadagiti dios ti Edom.

2 Chronicles 25:23-24

Iti ania a lugar iti nagsublian ni Joas kalpasan a rinebbana ti pader ti Jerusalem ket innalana dagiti adu a napapateg a banbanag manipud iti templo ken palasio, agraman dagiti balud.

Nagsubli ni Joas iti Samaria kalpasan a rinebbana ti pader ti Jerusalem ken innalana amin a napapateg a banbanag ken dagiti balud.

2 Chronicles 25:25-26

Mano pay a tawen a nagbiag ni Amazias nga ari ti Juda kalpasan ti ipapatay ni Joas nga ari ti Israel?

Nagbiag ni Amazias iti 15 pay a tawen kalpasan ti ipapatay ni Joas.

2 Chronicles 25:27-28

Ania ti napasamak a maibusor kenni Amazias kalpasan nga immadayo isuna iti panangsurot kenni Yahweh?

Kalpasan nga immadayo ni Amazias iti panangsurotna kenni Yahweh, nangrugida a nagmaymaysa a bimmusor kenkuana.

Sadino ti nakaipunpunan ni Amazias kalpasan a napapatay isuna idiay Lakis?

Naipunpun ni Amazias a kadua dagiti kapuonanna iti Siudad ti Juda.

2 Chronicles 26

2 Chronicles 26:1-3

Siasino ti nangisaad kenni Uzzias nga ari kalpasan ti ipupusay ti amana a ni Amazias?

Innala dagiti tattao ti Juda ni Uzzias ket insaadda isuna nga ari a kasukat ti amana a ni Amazias.

2 Chronicles 26:4-5

Kasano a sinurot ni Uzzias dagiti pagulidan ti amana iti pannakilangen-langenna kenni Yahweh?

Inaramid ni Uzzias ti umno iti imatang ni Yahweh ket impamaysana a sinapul ti Dios.

2 Chronicles 26:6-8

Ania dagiti imbalakad ni Zacarias kenni Uzzias ken ania ti napasamak kabayatan a sinurotna dagidiay nga balakad?

Impaannurot ni Zacarias kenni Uzzias iti panagtulnog iti Dios, ket pinarang-ay isuna ti Dios kabayatan ti panagtultulnog kenni Yahweh.

Ania ti nagbanagan ti panangtulong ti Dios kenni Uzzias kas makigubgubat isuna kadagiti kabusorna?

Tinulongan ti Dios ni Uzzias a nakigubat kadagiti kabusorna, nagsaknap ti kinalatakna kadagiti dadduma a dagdaga, ket nagbalin isuna a nabileg unay.

2 Chronicles 26:9-10

Ania ti impatakder ni Uzzias kadagiti ruangan idiay Jerusalem ken idiay let-ang?

Nangipatakder ni Uzzias kadagiti torre iti ruangan iti suli ti Jerusalem ken iti pagsikkoan ti bakud. Nangipatakder pay isuna kadagiti torre a pagwanawanan idiay let-ang.

2 Chronicles 26:11-13

Kasano a nakigubat ti armada ni Uzzias?

Ti armada ni Uzzias ket nakigubat a sibibileg tapno mangtulong iti ari a makiranget iti kabusor.

2 Chronicles 26:14-15

Ania ti inembento dagiti nalalaing a lallaki idiay Jerusalem a kas usaren ti armada ni Uzzias?

Idiay Jerusalem, nangaramid isuna kadagiti makina nga inembento dagiti nalalaing a lallaki.

2 Chronicles 26:16-18

Kasano a nagsalungasing ni Uzzias maibusor kenni Yahweh a Diosna, idi nagbalin isuna a nabileg?

Nagsalungasing ni Uzzias maibusor kenni Yahweh idi immuneg isuna iti balay ni Yahweh tapno agpuor iti insenso iti rabaw ti altar ti insenso.

2 Chronicles 26:19-20

Ania ti napasamak kenni Uzzias kabayatan nga igge-iggemna ti insensario tapno agpuor iti insenso, ken idi nakaunget isuna kadagiti papadi?

Kabayatan nga igge-iggem ni Uzzias ti insensario tapno agpuor iti insenso, ken idi nakaunget isuna kadagiti papadi ket rimsua ti ketong iti mugingna.

2 Chronicles 26:21-23

Apay a masapul nga agnaed ni Uzzias iti naisina a balay agingga iti ipapatayna?

Masapul nga agnaed ni Uzzias iti naisina a balay gapu ta agketong isuna ken naiyadayo isuna manipud iti balay ni Yahweh.

2 Chronicles 27

2 Chronicles 27:1-2

Mano ti tawen ni Jotam idi nagbalin isuna nga ari ti Juda ken kasano kapaut ti panagturayna?

Duapulo ket lima ti tawen ni Jotam idi nagbalin nga ari ti Juda ken nagturay isuna iti sangapulo ket innem a tawen idiay Jerusalem

Ania ti inaramid dagiti tattao ti Juda uray no inaramid ni Jotam ti umno iti imatang ni Yahweh?

Dakes latta ti inaramid dagiti tattao ti Juda, uray no umno iti imatang ni Yahweh ti inaramid ni Jotam.

2 Chronicles 27:3-4

Ania ti impatakder ni Jotam idiay Jeusalem?

Impatakder ni Jotam ti akin-ngato a ruangan ti balay ni Yahweh, ken adu pay ti impatakderna idiay tapaw ti turod ti Ofel.

2 Chronicles 27:5

Apay a nangted dagiti tattao ti Ammon kenni Jotam iti pirak, trigo ken sebada?

Nangted dagiti tattao ti Ammon kenni Jotam iti pirak, trigo ken sebada gapu ta nakigubat isuna kadakuada ket naparmekna ida.

2 Chronicles 27:6-9

Apay a nagbalin a nabileg unay ni Jotam?

Nagbalin a nabileg unay ni Jotam gapu ta nagtulnog isuna a sipupudno iti sangoanan ni Yahweh a Diosna.

2 Chronicles 28

2 Chronicles 28:1-2

Ania ti saan nga inaramid ni Ahaz nga inaramid ni David a kapuonanna?

Saan nga inaramid ni Ahaz dagiti umno iti imatang ni Yahweh, kas ti inaramid ti kapuonanna a ni David.

2 Chronicles 28:3-4

Ania ti inaramid ni Ahaz kadagiti annakna a mainayon kadagiti panagaramidna kadagiti kinitikitan a ladawan ni Baal, panangidaton iti insenso ken panangsurotna kadagiti makarimon nga ugali dagiti bunggoy dagiti tattao a pinapanaw ni Yahweh iti imatang dagiti tattao ti Israel?

Pinuoranna dagiti annakna a kas daton a maipuor.

2 Chronicles 28:5-8

Ania ti nakaigapuan ti pannakaparmek ni Ahaz iti ima dagiti Arameo ken uray pay iti ima ti ari ti Israel?

Ni Ahaz ket pinarmek dagiti Arameo ken ti ari Israel gapu ta linaksidna ken dagiti tattaona ni Yahweh, a Dios dagiti kapuonanda.

2 Chronicles 28:9-13

Siasino ti rimmuar tapno sabten ti armada nga umun-uneg iti Samaria?

Rimmuar ni Obed a maysa a profeta ni Yahweh tapno sabatenna ti armada.

Ania dagiti pammabasol nga inyeg ni Obed iti armada?

Pinabasol ni Obed ti armada iti panangpapatay kadagiti tattao ti Juda nga addaan iti napalalo a pungtot nga immabot agingga iti langit.

2 Chronicles 28:14-15

Ania dagiti inaramid dagiti papangulo kadagiti balud idi imbati ida dagiti soldado iti sangoananda?

Kinawesan ida dagiti papangulo, inikkanda ida kadagiti sandalias, kadagiti makan ken mainom, inagasanda dagiti sugatda, inluganda ida kadagiti asno ket insublida kadagiti pamiliada idiay Jerico.

2 Chronicles 28:16-18

Ania ti nakaigapu a nangibaon ni Ari Ahaz kadagiti mensahero kadagiti ar-ari ti Asiria a dumawdawat iti tulong?

Masapul a dumawat iti tulong ni Ahaz kadagiti ar-ari ti Asiria gapu ta rinaut dagiti Edomita ti Juda ken sinakup dagiti Filisteo dagiti kapatadan ken iti Negev idiay Juda

2 Chronicles 28:19-21

Ania ti inaramid ni Ahaz a nakaigapuan ti pannakaibaba ti Juda?

Naipababa ti Juda gapu ta nagtignay a sidadangkes ni Ahaz ken nadagsen unay ti basolna kenni Yahweh.

2 Chronicles 28:22-23

Ania ti nangiyeg iti pannakadadael ni Ahaz ken ti amin nga Israel?

Nagbasol ni Ahaz kenni Yahweh ken nangidaton kadagiti didiosen ti Damasco.

2 Chronicles 28:24-25

Ania ti inaramid ni Ahaz kadagiti alikamen iti balay ti Dios?

Binurak-burak ni Ahaz dagiti alikamen ket inkandadona dagiti ridaw ti balay ni Yahweh.

Ania ti nagbanagan ti panangaramid ni Ahaz kadagiti altar para iti bagina iti tunggal suli ti Jerusalem, ken panangibangonna kadagiti pagdaydayawan a pangipuoran kadagiti daton kadagiti dadduma a dios iti tunggal siudad ti Juda?

Ti nagbanagan dagiti aramid ni Ahaz ket pinagpungtotna ni Yahweh, a Dios dagiti kapuonanna.

2 Chronicles 28:26-27

Sadino ti nakailistaan dagiti dadduma nga ar-aramid ni Ahaz?

Dagiti dadduma nga ar-aramid ni Ahaz ket nakailista iti Libro dagiti Ar-ari ti Juda ken Israel.

2 Chronicles 29

2 Chronicles 29:1-2

Ania dagiti pagulidan a sinurot ni Hezekias idi nangrugi isuna nga agturay idi agtawen isuna iti 25?

Sinurot ni Hezekias dagiti pagulidan ti kapuonanna a ni David ken inaramidna ti umno iti imatang ni Yahweh.

2 Chronicles 29:3-5

Ania ti imbaga ni Hezekias kadagiti Levita kalpasan a linukatanna dagiti ridaw ti balay ni Yahweh ken tinarimaan dagitoy?

Imbaga ni Hezekias kadagiti Levita a konsagraranda ti bagida, ti balay ni Yahweh, ken ipanawda ti kinarugit manipud iti nasantoan a disso.

2 Chronicles 29:6-7

Ania ti imbaga ni Hezekias nga inaramid dagiti kapuonanda iti imatang ni Yahweh?

Imbaga ni Hezekias a nagsalungasing dagiti kapuonanda ken inaramidda dagiti dakes iti imatang ni Yahweh a Diosda.

Ania ti saan nga inaramid dagiti kapuonanda iti lugar a pagnanaedan ni Yahweh?

Dagiti kapuonanda ket saan a nagpuor iti insenso wenno nagidaton iti daton a naan-anay a maipuor iti nasantoan a disso ti Dios ti Israel.

2 Chronicles 29:8-9

Ania ti nagbanagan ti agdisdissuor a pungtot ni Yahweh iti Juda ken Jerusalem?

Inaramid ni Yahweh ti Juda ken Jerusalem a banag nga pakadidigraan, pakabutngan ken pakaibabainan.

2 Chronicles 29:10-11

Ania ti insingasing nga aramiden ni Hezekias tapno pumanaw kadakuada ti pungtot ni Yahweh?

Insingasing ni Hezekias a makitulagda kenni Yahweh a Dios ti Israel.

2 Chronicles 29:12-14

Ania ti inaramid dagiti Levita iti insingasing ni Hezekias?

Dagiti Levita ket timmakder, inummongda dagiti kakabsatda, kinonsagrarda ti bagida, ket sinurtda dagiti sasao ni Yahweh tapno dalusanda ti balay ni Yahweh.

2 Chronicles 29:15-17

Ania ti inaramid dagiti Levita iti insingasing ni Hezekias?

Dagiti Levita ket timmakder, inummongda dagiti kakabsatda, kinonsagrarda ti bagida, ket sinurtda dagiti sasao ni Yahweh tapno dalusanda ti balay ni Yahweh.

2 Chronicles 29:18-19

Ania ti imbaga dagiti papadi kenni Hezekias nga insaganada ken kinonsagrarda a nayon ti pannakadalus ti entero a balay ni Yahweh?

Kas pangnayon iti pannakadalus ti entero a balay ni Yahweh, insagana ken kinonsagrar dagiti papadi dagiti amin nga alikamen nga imbelleng ni Ari Ahaz idi nagsalungasing isuna kabayatan ti panagturayna.

2 Chronicles 29:20-21

Ania ti imbilin ni Hezekias kadagiti papadi nga aramidenda kadagiti ayup nga inyegda a kas daton gapu iti basol para iti Juda?

Imbaga ni Hezekias kadagiti papadi nga idatonda dagiti ayup iti rabaw ti altar ni Yahweh.

2 Chronicles 29:22-24

Apay a pinarti dagiti padi dagiti ayup sada insabbuag ti dara daytoy iti rabaw ti altar?

Pinarti dagiti papadi dagiti ayup sada insabbuag ti dara daytoy iti rabaw ti altar tapno mapakawan ti amin a basol ti Israel. Masapul nga agidaton iti daton a naan-anay a maipuor ken daton gapu iti basol para iti amin nga Israel.

2 Chronicles 29:25-26

Siasino ti nagtaudan ti bilin maipapan iti panangsaad kadagiti Levita ken dagiti instrumentoda iti balay ni Yahweh?

Ti bilin ket nagtaud kenni Yahweh babaen kadagiti profetana.

2 Chronicles 29:27-30

Kasano kabayag ti panagtultuloy ti panagkankanta ken panagtukar iti musika a kas panagdayaw ti sibubukel a gimong ken nagrugi ti daton a naan-anay a maipuor?

Nagtuloy ti kankanta ken musika agingga a nalpas ti daton a naan-anay a maipuor.

2 Chronicles 29:31

Ania ti inyuneg ti gimong iti balay ni Yahweh?

Inyuneg ti gimong dagiti daton ken dagiti daton a panagyaman, ken amin nga addaan iti situtulok a puso ket nangiyeg kadagiti daton a maipuor.

2 Chronicles 29:32-33

Ania a kita dagiti ayup ti inyeg ti gimong a nausar a kas daton a naan-anay a maipuor?

Nangiyeg ti gimong kadagiti baka a toro, karnero, urbon a karnero, bakbaka ken karkarnero a nausar a kas daton a maipuor.

2 Chronicles 29:34

Apay a masapul nga agdawat ti tulong dagiti papadi kadagiti Levita iti pananglalat iti daton a maipuor?

Dimmawat ti tulong dagiti padi kadagiti Levita iti pananglalatda kadagiti daton a naan-anay a maipuor gapu ta bassit dagiti papadi a mangtrabaho iti daytoy.

2 Chronicles 29:35-36

Ania ti inaramid ni Hezekias ken ti amin a tattao idi naiyurnos ti panagserbi iti balay ni Yahweh?

Ni Hezekias ken dagiti amin a tattao ket nagragsak.

2 Chronicles 30

2 Chronicles 30:1-3

Sadino ti nangibaonan ni Hezekias kadagiti mensahero ken siasino ti sinuratanna?

Nangibaon ni Hezekias iti entero nga Israel ken Juda, ken sinuratanna ti Efraim ken Manases.

Ania ti Imbaga ni Hezekias kadakuada?

Imbagana kadakuada a masapul a mapanda idiay Jerusalem iti balay ni Yahweh tapno rambakanda ti Fiesta ti Ilalabas.

2 Chronicles 30:4-5

Ania ti nagbanagan ti plano iti imatang ti ari ken ti sibubukel a gimong?

Ti plano ket nagparang a nasayaat iti imatangda.

2 Chronicles 30:6-9

Iti ania a wagas a naidanon ti pakaammo?

Naipan ti pakaammo babaen kadagiti mangitultulod kadagiti surat manipud iti ari ken kadagiti pangulona agturong iti entero nga Israel ken Juda.

2 Chronicles 30:10-12

Sadino ti napanan dagiti mangitultulod iti surat ken kasano ti sungbat dagiti tattao kadakuada?

Napan dagiti mangitultulod iti surat iti amin a siudad ti entero nga Efraim ken Manases agingga idiay Zabulon, ngem kinatawaan ken inumsi ida dagiti tattao.

2 Chronicles 30:13-15

Kasano kaadu dagiti naguummong idiay Jerusalem tapno rambaknda ti Fiesta ti Tinapay nga Awan Lebadurana iti maikadua a bulan?

Adu a tattao, nakadakdakkel a gimong ti naguummong diay Jerusalem.

2 Chronicles 30:16-17

Kasanoda a nagtakder ken ania ti inaramid dagiti papadi?

Nagtakderda segun ti pannakabingay a panangsurot iti linteg ni Moises, ken insabbuag dagiti papadi ti dara.

2 Chronicles 30:18-20

Apay a nagkararag ni Hezekias para kadagiti tattao ti Efraim , Manases, Isacar ken Zabulon, ken para iti ania ti kararagna?

Adu kadagiti tattao ti saan a nagdalus iti bagida sada nangan ti taraon ti Fiesta ti Ilalabas a maibusor kadagiti naisurat nga annuroten. Isu a nagkararag ni Hezekias kenni Yahweh a pakawanenna dagidiay a nangisaad kadagiti pusoda a mangbiruk iti Dios, uray no saanda a nadalus segun iti nairanta nga alagaden ti santuaryo.

2 Chronicles 30:21-22

Ania ti inaramid dagiti tattao ti Israel, dagiti Levita ken dagiti papadi?

Rinambakan dagiti tattao ti Fiesta ti Ilalabas iti uneg ti pito nga aldaw nga addaan ti napalalo a rag-o. Dinayaw dagiti Levita ken dagiti papadi ni Yahweh babaen iti panagkanta nga addaan iti natagari nga instrumento.

2 Chronicles 30:23-24

Ania ti nagnunummoan nga aramiden ti sibubukel a gimong idi nangted ni Hezekias iti gimong iti sangaribu a baka a toro ken 7,000 a karnero, ken nangted dagiti pangulo iti 1,000 baka a toro ken 10,000 a karnero ken kalkalding?

Nagnunummoan ti sibubkel a gimong nga agrambakda pay iti pito pay nga aldaw, ket kasta ti inaramidda nga adda ti rag-o.

2 Chronicles 30:25-27

Siasino dagidiay a nagragsak iti panagrambakda?

Amin a gimong ti Juda, dagiti papadi, dagiti Levita, ken a min a tattao a nagguummong manipud iti Israel, dagiti gangannaet nga immay manipud iti Israel ken dagiti agnanaed idiay Juda ket nagragsak.

2 Chronicles 31

2 Chronicles 31:1

Ania ti inaramid dagiti Israelita kalpasan a narambakanda ti Fiesta ti Tinapay nga Awan ti Lebadurana?

Napan dagiti Israelita kadagiti siudad ti Juda ket rinebbada dagiti nasagraduan nga adigi a bato, tinumbada dagiti imahen ni Asera, tinumbada dagiti pagdaydayawan ken dagiti altar idiay Juda, Bejamin, Efraim ken Manases, agingga a nadadaelda amin dagitoy.

Sadino ti napanan dagiti Israelita kalpasan a maaramidda daytoy?

Nagsublida kadagiti bukodda a daga ken siudad. [31:1

2 Chronicles 31:2-3

Ania ti indutok ni Hezekias kadagiti papadi ken kadagiti Levita nga aramidenda kalpasanna a binunggobunggoyna ida?

Dinutokan ni Hezekias ida a mangidatag iti daton a maipuor, sagut a pannakikadua, agserbi, agyaman ken agdayaw kadagiti ruangan ti templo ni Yahweh.

2 Chronicles 31:4-5

Ania ti imbilin ni Hezekias nga aramiden dagiti tattao ti Jerusalem tapno maipamaysa dagiti papadi ken dagiti Levita ti agtulnog iti linteg ni Yahweh?

Dagiti tattao ti mangted iti para kadagiti papadi ken Levita.

Ania ti napasamak idi naammoan dagiti tattao ti bilin?

Inted dagiti Israelita ti damo a dawa ti trigo, baro nga arak, lana, diro, ken ti nawagwag nga apit manipud iti talon. Intedda pay ti apagkapullo dagiti amin a banbanag.

2 Chronicles 31:6-8

Ania ti inaramid dagiti tattao kadagiti siudad iti Juda maipanggep iti bilin?

Inyeg dagiti tattao kadagiti siudad iti Juda ti apagkapullo dagiti baka, karnero, ken apagkapullo dagiti banbanag nga insagutda kenni Yahweh, pinagtitiponda dagitoy.

Ania dagiti bulan idi inyegda dagiti tattao dagiti pinagtitiponda?

Inrugi nga inyeg dagiti tattao dagiti pinagtitiponda maikatlo a bulan ket nagpatingga ti panangiyegda kadagitoy iti maikapito a bulan.

2 Chronicles 31:9-15

Ania ti imbilin ni Hezekias a maisagana ken ania ti inaramid dagiti tattao?

Imbilin ni Hezekias a maisagana dagiti siled a pagidulinan iti balay ni Yahweh. Kalpasanna insagana ngarud dagitoy dagiti tattao ket inserrekda dagiti sagut, apagkapullo, ken dagiti naisagut a banbanag.

Siasino dagiti pinulotan da Hezekias ken Asarias a mangimaton iti siled a pagiduldulinan?

Pinulotan da Hezekias ken Asirias ni Konanias a mangimaton ken ti kabsatna a ni Simei a maikadua a mangimaton.

2 Chronicles 31:16

Siasino ti nangibunongan ni Kore ken dagiti kakaduana dagiti sagut?

Inbunongda kadagiti lallaki nga agtawen iti tallo ken nasurok, kadagiti nabunggo-bunggoy, a naibilang iti listaan ti puli nga immuneg iti balay ni Yahweh a nangtrabaho kadagiti pagrebbenganna.

2 Chronicles 31:17-19

Ania ti inaramid dagtiti tattao sakbay a maawatda dagiti sagut manipud kenni Kore ken dagiti kakaduana?

Insagut pay nga umuna dagiti tattao dagiti bagbagida sakbay ti pannakaiwaras kadagiti an-annakda a babassit, dagiti assawada, dagiti annakda a lallaki, ken dagiti annakda a babbai, a naibilang iti listaan dagiti pulida.

Ania ti napasamak kadagiti papadi a naibilang iti listaan dagiti puli a kakadua dagiti Levita?

Adda dagiti lallaki a nadutokan a mangited iti para kadagiti amin a lallaki nga adda kadagiti talon iti lugar a sakop dagiti siudad wenno iti amin a siudad.

2 Chronicles 31:20-21

Sadino ti nangaramidan ni Hezekias daytoy ken kasano daytoy a napasamak?

Inaramid daytoy ni Hezekias iti intero a Juda ket napasamak daytoy a nasayaat, nalinteg ken napudno iti sangoanan ni Yahweh.

Iti ania a wagas ti panangaramid ni Hezekias iti tunggal proyekto, ken ania ti nagbanaganna?

Inaramid amin dagitoy ni Hezekias a proyekto iti amin a pusona, ket nagballigi isuna.

2 Chronicles 32

2 Chronicles 32:1

Ania ti inaramid ni Senakerib nga ari ti Asiria iti Juda?

Sinerrekna ti Juda ket dinaropna dagiti siudad.

2 Chronicles 32:2-5

Ania ti kiniddaw ni Hezekias kadagiti opisialna?

Kiniddawna kadakuada a serrraanda amin dagiti pagayusan ti danum ken waig tapno saan a makabirok iti danum ti ari ti Asiria.

Ania ti inaramid ni Hezekias tapno masaripdaanna ti panangraut dagiti kabusor?

Nangipasdek isuna kadagiti pader ken nangaramid iti adu nga amas.

2 Chronicles 32:6-8

Kasano nga inallukoy ni Hezekias dagiti tattaona?

Kinunana kadakuada nga agbalinda a napigsa, nakired, ken saanda nga agbuteng gapu ta nabilbileg ni Yahweh ngem kadagiti kabusorda ket tulonganna ida a makiranget.

2 Chronicles 32:9-10

Apay nga imbaon ni Senakerib dagiti adipenna iti Jerusalem?

Kayatna a maammoan no ania ti pagsanggiran ni Hezikias tapno agballigi isuna.

2 Chronicles 32:11-12

Kasano a pinadas ni Senakerib nga ipakaammo kadagiti tattao nga iyaw-awawan ida ni Hezekias?

Kinunana a matayda iti bisin ken uwaw ken sinaludsodna no maisalakan ni Yahweh ida.

2 Chronicles 32:13-15

Ania ti inaramid ni Senakerib agraman dagiti kapuonanna kadagiti dadduma a tattao ken kadagiti luglugarda?

Gapu ta saan ida a matulongan ti diosda, naan-anay a madadaelda.

Apay nga ibagbaga ni Senakerib kadagiti Israelita a saanda a patien ni Hezekias?

Kayat nga allilawen ni Senakerib dagiti tattao a saann nga ispalen ida ti Dios manipud iti mannakabalin nga imana.

2 Chronicles 32:16-17

Kasano ti pananglaisn ni Senakerib kenni Yahweh?

Nagsurat isuna iti maibusor kenni Yahweh, mangipalagip kadagiti tattao ti Jerusalem ti napalabas, ken saan ida nga isalakan ti Dios ni Hezekias.

2 Chronicles 32:18-19

Apay nga impukkaw dagiti adipen ni Senakerib iti Judio a pagsasao kadagiti tattao iti Jerusalem?

Apay nga impukkaw dagiti adipen ni Senakerib iti Judio a pagsasao kadagiti tattao iti Jerusalem?

2 Chronicles 32:20-21

Ania ti inaramid ni Yahweh idi immasog ni Hezekias ken Isaias iti langit?

Nangibaon isuna iti anghel, a nangpapatay kadagiti lallaki ken kadagiti opisial.

Ania ti napasamak kenni Senakerib kalpasan a pinapatay ti anghel ti armadana?

Nagawid a naibabain ni Senakerib iti bukodna a daga, nga isu ti nangpatayan kenkuana dagiti annakna.

2 Chronicles 32:22-23

Kasano a naitag-ay ni Hezekias?

Insalakan ni Yahweh ni Hezekias manipud kenni Senakerib ken kadagiti dadduma. Adu ti nangiyeg kadagiti nginginaen a sagut kenni Yahweh ken Hezekias.

2 Chronicles 32:24-26

Ania ti napasamak kenni Hezekias idi saan isuna a nagyaman kenni Yahweh idi matmatayen isuna gapu iti sakit?

Nakaunget ti Dios kenkuana, ken iti Juda ken Jerusalem. Kalpasan a nagpakumbaba isuna agraman dagiti tattao ti Jerusalem, saan nga intuloy ni Yahweh nga indisuor kadakuada ti pungtotna kadagiti nabatbati a panagbiag ni Hezekias.

2 Chronicles 32:27-29

Ania ti inpaay ti Dios kenni Hezekias kalpasan a nagpakumbaba isuna kenni Yahweh?

Sibubuslon a binindisionan isuna ti Dios babaen kadagiti nginginaen a bato, nawadwad nga apit, adu nga ayup, ken siudsiudad.

2 Chronicles 32:30-31

Apay a binaybay-an ti Dios ni Hezekias kalpasan a nagballigi isuna iti amin a proyektona?

Kayat a subuken ti Dios isuna ken ammoen no ania ti linaon ti pusona.

2 Chronicles 32:32-33

Sadino ti nakaisuratan dagiti nasasayaat nga inaramid ni Hezekias?

Naisuratda kadadgiti Sirmata ni Profeta Isaias ken kadagiti Libro dagiti Ar-ari iti Juda ken Israel.

2 Chronicles 33

2 Chronicles 33:1-3

Ania a kita ti ari ni Manases iti las-ud iti 55 a tawen?

Inaramidna dagiti dakes a banag iti imatang ni Yahweh, impatakderna manen dagiti didiosen a tinumba ni Hesekias, ken nagdayaw kadagiti bituen iti langit.

2 Chronicles 33:4-11

Ania ti inaramidna a nagpungtotan ti Dios?

Indaton ni Manases dagiti annakna a kas daton a maipuor, nagan-anito, ken nakiuman kadagiti makisarsarita kadagiti natay.

2 Chronicles 33:12-13

Ania ti inaramid ni Manases isu nga insubli ti Dios isuna idiay Jerusalem?

Nagpakumbaba isuna, nagkararag, ken immasog iti Dios.

2 Chronicles 33:14-20

Kalpasan a nagkararag ni Manases, ania ti inaramidna tapno maipakitana ti panagbabawina?

Impasdekna ti nangato a pader iti aglawlaw iti Juda ket inikkatna dagiti dios dagiti ganggannaet, dagiti didiosen nga inkabilna iti balay ti Dios, ken dagiti amin nga altar nga impasdekna.

2 Chronicles 33:21-23

Ania a kita ti ari ni Amon kabayatan ti panagarina iti dua a tawen?

Nadakdakes pay isuna ngem ni amana, nagdaydayaw isuna kadagiti nakitikitan a ladawan, ken saan a nagpakumbaba iti sangoanan ni Yahweh.

2 Chronicles 33:24-25

Kapasan a pinatay dagiti adipen ni Ari amon isuna, ania ti inaramid dagiti tattao nga adda iti lugar kadagiti nangpapatay kenkuana?

Pinapatay dagiti tattao iti dayta a lugar dagiti amin nga adipen a nangpapatay kenni Amon.

2 Chronicles 34

2 Chronicles 34:1-3

Uray no walo laeng ti tawen ni Josias idi nagbalin isuna nga ari, ania ti inaramidna a nakaay-aywan ni Yahweh?

Sinukimatna ti Dios, rinugiananna a dalusan ti Juda ken Jerusalem manipud kadagiti pagdaydayawan, didiosen, ken nakitikitan a ladawan.

2 Chronicles 34:4-5

Kasano a dinalusan ni Josias ti Juda ken Jerusalem?

Dinadaelda dagiti altar, dagiti imahen ni Asera, nakitkitan a ladawan, ken dagiti landok nga imahen ken inwarasna dagiti tapok kadagiti tanem. Pinuoranna dagiti tulang dagiti papadi kadagiti altarda.

2 Chronicles 34:6-7

Ania ti inaramid ni Josias iti daga ti Israel sakbay a nagsubli idiay Jerusalem?

Inaramidna met iti Israel ti inaramidna idiay Juda ken Jerusalem.

2 Chronicles 34:8-9

Naggapoan ti kuarta a naaramat a pinangpatarimaan iti balay ti Dios?

Nakolektada ti kuarta manipud kadagiti tattao idiay Jerusalem sada intalek iti nangato a padi.

2 Chronicles 34:10-11

Siasino ti pakaibunongan kadagiti kuarta ken ania ti nakaaramatanna daytoy?

Kadagiti karpentero a gimmatang kadagiti bato ken tabla a pinangpatarimaan iti templo.

2 Chronicles 34:12-13

Ania dagiti rebeng nga inaramid dagiti Levita iti pannakatarimaan iti templo?

Adda dagiti agbanbantay, sekritario, nangimatmaton, ken nagserbi a kas guardia ti ruangan; dagiti dadduma ket nalalaing iti musiko ken dagiti dadduma ket nangidalan kadagiti napudno a trabahador.

2 Chronicles 34:14-16

Ania ti nasarakan ti padi idi napanna innala ti kuarta a naiyeg iti balay ni Yahweh?

Nasarakan ti nangato a padi ti libro ti linteg ni Yahweh a naited babaen kenni Moises.

2 Chronicles 34:17-22

Ania ti inaramid ti ari kalpasan a nangngegna dagiti paglintegan?

Pinisang ni Ari Josias dagiti kawesna.

2 Chronicles 34:23-25

Apay a maidussuor ti pungtot ti Dios kadagiti tattao ket awan ti makalapped iti daytoy?

Linipatda isuna babaen iti panagdayawda kadagiti sabali dios a kas iti inaramid dagiti kapuonanda.

2 Chronicles 34:26-28

Gapu ta nasayaat ti puso ni Josias, ania ti napasamak idi nagpakumbaba isuna kalpasanna a mangngeg dagiti sasao ti Dios?

Kinuna ti Dios nga ikkanna isuna iti kappia, ken saanna a makita iti uray ania a didigra nga idissuor ti Dios kadagiti tattao ken iti daga.

2 Chronicles 34:29-30

Apay nga inummong ni Josias dagiti amin a tattao?

Binasa ni Josias kadakuada ti libro ti tulag.

2 Chronicles 34:31-32

Ania ti nakitulagan ni Josias kenni Yahweh?

Nakitulag isuna kenni Yahweh a tungpalenna dagiti bilbilinna.

2 Chronicles 34:33

Ania ti inaramid dagiti tattao ti Israel a kas panagtulnog kenni Josias?

Nagdaydayawda kenni Yahweh ken saanda a timmallikod kenkuana.

2 Chronicles 35

2 Chronicles 35:1-2

Kasano a rinambakan ni Josias iti Paskua idiay Jerusalem?

Pinartina dagiti urbon a karnero a naituding para iti Paskua ken insaadna dagiti papadi idiay balay ni Yahweh.

2 Chronicles 35:3-4

Sadino ti imbagana ni Josias kadagiti tattao a pangikabilanda ti nasantoan a Lakasa ti tulag imbes nga ibaklayda daytoy?

Nabilinda nga ikabilda ti Nasantoan a Lakasa ti Tulag idiay balay nga impasdek ni Solomon.

2 Chronicles 35:5-15

Kasano nga agsagana dagiti tattao para iti Paskua?

Partien dagiti tattao dagiti urbon a karnero a naituding a para iti Paskua ken linisanda dagiti bagbagida kas panagtulnog iti sao ti Dios.

2 Chronicles 35:16-17

Ania ti inaramid dagiti tattao iti Israel kalpasan ti panangrambakda iti Paskua?

Rinambakanda ti Piesta iti Awan Lebadurana a Tinapay iti las-ud iti pito nga aldaw.

2 Chronicles 35:18-19

Apay a naisangsangayan iti kasta unay daytoy a pannakarambak iti Paskua?

Naisangsangayan daytoy gapu ta daytoy ti umuna a tiempo a narambakan daytoy idiay Israel manipud idi tiempo ti profeta Samuel.

2 Chronicles 35:20-21

Ania ti mensahe nga imbaga ti ari iti Egipto kenni Josias?

Kinuna a binilin isuna ti Dios a rangetenna ti Carkemis ken saan a rumbeng a lappedan daytoy ni Josias.

2 Chronicles 35:22

Kasano a nagtignay ni Josias iti mensahe a naggapu iti ari iti Egipto?

Saanna nga inkaskaso ti sao ti ari, ngem ketdi nanglimlimo isuna tapno mabalinna ti makiranget.

2 Chronicles 35:23-24

Ania ti napasamak kenni Josias iti pagrarangetan?

Napana isuna iti maysa a pumapana ket inyapan isuna ti adipenna idiay Jerusalem, ket saan a nagbayag isu iti nakatayanna.

2 Chronicles 35:25-27

Ania dagiti dung-aw a kankanta a nagbalin a kultura idiay Israel?

Dagitoy ket kankanta a kinantada iti panagdung-awda kenni Josias, dagitoy a kankanta ket makankanta pay laeng.

Sadino iti nakaisuratan dagiti napaspasamak kenni Josias ken dagiti nasasayaat nga aramidna?

Nailanad dagitoy iti Libro dagiti Ar-ari iti Juda ken Israel.

2 Chronicles 36

2 Chronicles 36:1-2

Idi natay ni Josias, siasino ti nagbalin nga ari ti Jerusalem?

Insaad dagiti tattao ti putot a lalaki ni Josias, a ni Joahaz nga ari ket nagturay isuna iti tallo a bulan.

2 Chronicles 36:3-4

Kasano a nagbalin ni Eliakim nga ari ti Juda ken Jerusalem?

Inikkat ti ari ti Egipto ni Joahaz kalpasan iti tallo a bulan ket insaadna ni Eliakim nga ari sana sinukatan ti nagana iti Jehoyakim.

2 Chronicles 36:5-7

Ania a kita ti ari ni Jehoyakim iti panagarina iti sangapulo ket maysa a tawen?

Dakes ni Jehoyakim iti imatang ni Yahweh.

Ania ti inaramid ni Ari Nebucadnesar iti Babilonia iti ari ti Juda?

Rinautna isuna, inkawarna, ket inyapanna isuna idiay Babilonia.

2 Chronicles 36:8

Siasino ti simmukat nga ari kenni Jehoyakim?

Ti putotna a lalaki a ni Jehoyakin ti simmukat kenkuana nga ari.

2 Chronicles 36:9-10

Ania a kita ti ari ni Jehoyakin?

Iti ababa a panagarina, dakes iti imatang ni Yahweh dagiti inaramidna.

Kasano ti panangtrato ni Nebucadnesar kenni Jehoyakin?

Inyapanna ni Jehoyakin idiay Babilonia agraman dagiti napapateg a banbanag manipud iti balay ni Yahweh.

2 Chronicles 36:11-14

Ania ti inaramid ni Zedekias iti imatang ni Yahweh?

Dakes ti inaramidna iti imatang ni Yahweh, ken saan isuna a nagpakumbaba kenni Profeta Jeremias, a nagsao manipud iti ngiwat ni Yahweh.

2 Chronicles 36:15-17

Ania ti insubad dagiti tattao iti kaasi a nagtultuloy nga ipakpakita ni Yahweh kadakuada?

Kinatkatawaanda dagiti mensahero ti Dios ken linaisda dagiti sasaona, ken pinaglulukuanda dagiti profetana.

2 Chronicles 36:18-19

Ania ti inaramid ti ari iti Babilonia iti Jerusaem ken ania dagiti inyapanna idiay Babilonia?

Dinadaelna ti balay ti Dios, ti pader ti Jerusalem, dagiti amin a palasio, ken dagiti napipintas a banbanag iti daytoy. Kalpasanna, inyapanna dagiti amin a nginginaen ken gameng idiay Babilonia.

2 Chronicles 36:20-21

Ania ti napasamak kadagiti nakalasat iti panagpapatay?

Nagbalinda nga dipen ti ari ken ti putotna a lalaki, a pakatungpalan dagiti sasao ni Yahwe kenni Jeremias.

2 Chronicles 36:22-23

Ania ti impablaak ken insurat ni Ciro nga ari iti Persia?

Kinunana a ni Yahweh ti nangbilin kenkuana a mangipasdek iti balay ti Dios idiay Jerusalem ken kaduananto dayta a Dios inton sumang-at isuna iti daga.