Zechariah

Zechariah 1

Zechariah 1:1-3

Siasino ti madama nga agturturay idi nagipadto ni Zacarias?

Nagipadto ni Zacarias kabayatan ti panagturay ni Dario.

Siasino ni Zacarias?

Ni Zacarias ket putot a lalaki ni Barakias a putot ni Iddo, ti profeta.

Ania ti imbaga ni Yahweh a Mannakabalin -amin nga aramidenna no agsubli kenkuana dagiti tattao?

Kinuna ni Yahweh a Mannakabalin -amin a no agsubli kenkuana dagiti tattao, agsublinto met isuna kadakuada.

Zechariah 1:4-6

Ania ti inaramid dagiti ammada idi imbaga ni Yahweh kadakuada a baliwanda dagiti dakes a wagasda ken dagiti nadangkes nga ar-aramidda?

Saan a dimngeg dagiti ammada ken saanda nga impangag ni Yahweh.

Zechariah 1:7-9

Ania ti nakita ni Zacarias idi dimteng kenkuana ti sao ni Yahweh iti rabii?

Nakakita ni Zacarias iti maysa a lalaki a nakasakay iti nalabaga a kabalio, ket adda isuna kadagiti babassit a kayo nga addaan kadagiti napipintas a sabsabong nga adda iti tanap. Iti likodanna ket dagiti nalabaga, alazan ken puraw a kabalio.

Zechariah 1:10-11

Ania dagiti kabalio a nakita ni Zacarias?

Dagiti kabalio ket dagiti imbaon ni Yahweh nga agsursor iti entero a daga.

Ania ti naduktalan dagiti kabalio a nangsursor iti entero a daga?

Naduktalan dagiti kabalio a sitatalna ken siiinana ti amin a daga.

Zechariah 1:12-15

Ania ti sinaludsod ti anghel kenni Yahweh maipapan iti Jerusalem ken kadagiti siudad ti Juda?

Sinaludsod ti anghel kenni Yahweh no kasano pay kabayag ti panangipakitana iti kinaawan ti panangngaasina iti Jerusalem ken kadagiti siudad ti Juda.

Zechariah 1:16-17

Aniati imbaga ni Yahweh a Mannakabalin-amin maipapan iti Jerusalem ken kadagiti sudad ti Juda?

Kinuna ni Yahweh a nagsubli isuna iti Jerusalem nga addaan iti asi, a maibangonto ti balayna iti daytoy ken maibinnat ti pangrukod iti entero a Jerusalem. Kinuna pay ni Yahweh nga aglaplapusananto manen ti kinaimbag kadagiti siudadna, ket liwliwaento manen ni Yahweh ti Sion, ken piliennanto manen ti Jerusalem.

Zechariah 1:18-19

Ania dagiti uppat a sara a nakita ni Zacarias?

Dagiti uppat a sara ket dagiti nangiwarawara ti Juda, Israel, ken Jerusalem.

Zechariah 1:20-21

Siasino dagiti uppat a mammanday a nakita ni Zacarias ken ania ti aramidenda?

Dagiti mammanday ket dagiti tattao a mangpatalaw ken mangitinnag kadagiti sara dagiti nasion a nangingato iti sara a maibusor ti daga ti Juda tapno mawarawarada.

Zechariah 2

Zechariah 2:1-2

Ania ti aramiden ti maysa nga agtutubo iti ig-iggamanna a pangrukod?

Rukodenna ti Jerusalem, tapno mammoan ti kalawa ken kaatiddogna.

Zechariah 2:3-5

Apay nga imbaga ti maikadua nga anghel nga agtugawto ti Jerusalem iti siudad a saan a napaderan?

Imbaga ti maikadua nga anghel daytoy gapu iti nakaad-adu a tattao ken ayup nga addanto iti daytoy.

Ania ti imbaga ni Yahweh a pagbalinanna para iti Jerusalem?

Imbaga ni Yahweh nga agbalin isuna a pader nga apuy iti aglawlawna ken isunanto ti dayag ti nagtengngaanna.

Zechariah 2:6-7

Ania ti impakaammo ni Yahweh kadagidiay nakipagnaed iti anak a babai ti Babilonia?

Imbaga ni Yahweh kadakuada nga agakamangda idiay Sion.

Zechariah 2:8-9

Kasanoda a maammoan a ni Yahweh a Mannakabalin-amin ti nangibaon iti maikadua nga anghel?

Imbaga ti maikadua nga anghel a maammoan ti Juda ken Israel nga imbaon isuna ni Yahweh inton isenyasna ti imana kadagiti nasion a nagsamsam kadakuada ken inton dagiti nasion a nagsamsam iti Juda ken Israel ket samsamanto dagiti tagaboda.

Zechariah 2:10-11

Anianto ti mapasamak inton umay ni Yahweh ken makipagkampo iti Sion?

Inton mapasamak dayta, dagiti dadakkel a nasion ket makitipon kenni Yahweh ken kadagidiay nga adda iti Sion ket agbalinto a tattaona.

Zechariah 2:12-13

Apay a nabagaan ti amin a lasag nga agulimek iti sangoanan ni Yahweh?

Nabagaan ti amin a lasag nga agulimek iti sangoanan ni Yahweh gapu ta nakariing ni Yahweh manipud kadagiti langit.

Zechariah 3

Zechariah 3:1-3

Siasino ti adda iti asideg ni Josue a nangato a padi?

Ni Josue ket agtaktakder iti sangoanan ni Yahweh ken agtaktakder ni Satanas iti abay ti makannawan nga imana.

Ania ti ar-aramden ni Satanas iti abay ti makannawan nga ima ni Josue?

Pabpabasolen ni Satanas ni Josue.

Ania ti inkawes ni Josue kabayatan a nakatakder isuna iti sangoanan ti anghel?

Nakakawes ni Josue kadagiti nakarugrugit a pagan-anay.

Zechariah 3:4-5

Ania ti imbaga ti anghel ni Yahweh nga inaramidna kenni Josue?

Imbaga ti anghel nga inikkatnan dagiti basol ni Josue.

Ania ti napasamak maipapan iti kawes ni Josue?

Imbilin ti anghel a maussob manipud kenni Josue dagiti nakarugrugit a kawesna ken makawesan ni Josue iti kasasayaatan a kawes; nadalus a turban ken pagan-anay.

Zechariah 3:6-7

Ania ti inkari ni Yahweh kenni Josue, a nangato a padi, no magna isuna kadagiti wagas ni Yahweh ken salimetmetanna dagiti bilinna?

Inkari ni Yahweh kenni Josue nga iturayanna ti balay ni Yahweh ken aywananna dagiti paraanganna. Inkari pay ni Yahweh a palubosanna ni Josue nga agsubli-subli kadagidiay a nakatakder iti sangoan ni Yahweh.

Zechariah 3:8-9

Ania ti naiyawag iti adipen nga imparang mismo ni Yahweh?

Ti adipen ket naawagan iti "ti Sanga."

Ania ti umuna a paset ti mensahe a maikitikit kadagiti pito a sikigan ti bato?

Ti umuna a paset ti mensahe ket ikkatento ni Yahweh ti basol manipud iti dayta a daga iti maysa nga aldaw.

Zechariah 3:10

Segun kenni Yahweh, kaanonto nga awisen ti tunggal tao ti kaarrubana nga aginana iti sirok ti ubas ken puon ti igos a mulana?

Kinuna ni Yahweh a mapasamak daytoy "iti dayta nga aldaw"

Zechariah 4

Zechariah 4:1-3

Ania ti nakita ni Zacarias idi nakariing isuna?

Nakakita ni Zacarias iti nabalitokan a kandelero , nga addaan iti malukong iti rabawna, addaan daytoy iti pito a pagsilawan, ken dua a kayo ti olibo iti abay ti malukong.

Zechariah 4:4-5

Naawatan kadi ni Zacarias ti kaipapanan dagiti banbanag a nakitana iti sirmata?

Saan, imbaga ni Zacarias iti anghel a nakisarsarita kenkuana a saanna nga ammo ti kaipapanan dagidiay a banbanag a nakitana iti sirmata.

Zechariah 4:6-7

Ania ti sao ni Yahweh kenni Zerubbabel maipapan iti pannakaaramid dagiti banbanag?

Ti sao ni Yahaweh kenni Zerubbabel ket, 'Saan a babaen iti pigsa wenno pannakabalin, ngem babaen laeng iti Espirituk."

Anianto ti maipukkaw inton iruar ni Zerubbabel ti kangrunaan a bato?

Ipukkawdanto, "Napintas daytoy! Bendisionan koma daytoy ti Dios!"

Zechariah 4:8-13

Kasanoa maammoan dagiti tattao a ni Yahweh ti nangibaon kenni Zacarias kadakuada?

Maammoanto dagiti tattao into makitada a natungpalen ti padto; impasdek iti ima ni Zerubabel ti pundasyon dayta a balay ket leppasento daytoy dagiti imana.

Anianto ti makita dagiti tattao iti ima ni Zerubbabel?

Makitanto dagiti tattao ti tinnag a bato iti ima ni Zerubbabel.

Ania ti kaipapanan dagiti pito a pagsilawan?

Dagiti pito a pagsilawan ket dagiti mata ni Yahweh a mangsursursor iti entero a daga.

Zechariah 4:14

Ania ti kaipapanan dagiti dua a sanga ti olibo?

Dagiti dua a sanga ti olibo ket dagiti dua nga annak a lallaki ti lana nga agtakder iti abay ti Apo ti entero a daga.

Zechariah 5

Zechariah 5:1-2

Kasano kadakkel ti nalukot a pagbasaan a nakita ni Zacarias?

Ti nalukot a pagbasaan ket duapulo a kadapan ti kaatiddogna ken sangapulo a kadapan ti kaakabana.

Ania ti imbaga ti anghel a kaipapanan ti maitaytayab a nalukot a pagbasaan?

Imbaga ti anghel a ti nalukot a pagbasaan ket ti lunod nga agsaknap iti rabaw ti entero a daga.

Zechariah 5:3

Siasino dagiti inlunod ti nalukot a pagbasaan?

Ti nalukot a pagbasaan ket lunod para iti tunggal agtatakaw ken kadagiti amin nga agsapata iti inuulbod.

Zechariah 5:4

What did the curse do to the thief and to the one who swears falsely by Yahweh’s name? The curse will enter their houses and remain there and consume the timber and stones of their houses. Anaia ti inaramid ti lunod iti agtatakaw ken iti maysa a tao nga agsapata iti inuulbod babaen iti nagan ni Yahweh?

Sumrekto ti lunod kadagiti balayda ket agtalinaed sadiay ket ibusenna dagiti kayo ken batbato dagiti balayda.

Zechariah 5:5-7

Ania ti adda iti uneg ti basket a nakita ni Zacarias ken ania ti imbaga ti anghel a kaipapananna daytoy?

Adda maysa nga efa iti uneg ti basket a nakita ni Zacarias, ket imbaga ti anghel a ti efa ket "dagiti nadagsen a basbasolda iti entero a daga."

Zechariah 5:8-9

Ania ti imbaga ti anghel a kaipapanan ti babai iti uneg ti basket?

Kinuna ti anghel iti babai iti uneg ti basket, "Daytoy ket Kinadangkes!"

Ania ti inaramid dagiti dua a babbai nga addaan kadagiti payak a kasla kadagiti payak ti kannaway iti basket?

Intayab dagiti dua a babbai ti basket iti nagbaetan ti daga ken langit.

Zechariah 5:10-11

Sadino ti pangipanan dagiti dua a babbai iti basket ken para iti ania a panggep?

Innala dagiti babbai ti basket tapno mangipatakder iti templo iti daga ti Siniar para iti daytoy, tapno inton nakasaganan ti templo, maikabilto sadiay ti basket, iti naisagana a pagbatayanna.

Zechariah 6

Zechariah 6:1-4

Ania ti nakita ni Zacarias a rurummuar manipud iti nagbaetan dagiti dua a bronse a bantay?

Nakita ni Zacarias ti uppat a karwahe a rumrummuar a naggapu iti nagbaetan dagiti dua a bronse a bantay.

Ania dagiti maris dagiti kabalio iti tunggal karwahe?

Ti umuna a karwahe ket addaan kadagiti nalabaga a kabalio, ti maikadua a karwahe ket addaan kadagiti nangisit a kabalio, ti maikatlo ket addaan kadagiti puraw a kabalio, ken ti maikapat ket addaan kadagiti labang labang a maris dapo a kabalio.

Zechariah 6:5-6

Ania ti imbaga ti anghel nga ibagbagi dagiti uppat a karwahe?

Imbaga ti anghel a dagiti uppat nga angin ti langit.

Sadino ti ayan dagitoy nga uppat a karwahe?

Dagitoy nga uppat a karwahe ket agtaktakderda iti sangoanan ti Apo ti entero a daga.

Sadino ti pagturongan dagiti tallo a karwahe nga addaan kadagiti nangisit, puraw, ken dagiti labang a maris dapo a kabalio?

Ti karwahe nga addaan kadagiti nangisit a kabalio ket nagturong iti akin-amianan a pagilian; dagiti puraw a kabalio ket nagturong iti akin-laud a pagilian; ken ti karwahe nga addan kadagiti labang a maris dapo a kabalio ket nagturong iti akin-abagatan a pagilian.

Zechariah 6:7-8

Ania ti mapan aramiden ti karwahe nga addaan kadagiti nangisit a kabalio a nagturong iti amianan a pagilian?

Ti karwahe nga addaan kadagiti nangisit a kabalio ket pagtalnaendanto iti ti espiritu ti anghel maipapan iti amianan a pagilian.

Zechariah 6:9-11

Ania ti rumbeng nga aramiden ni Zacarias iti daton a naurnongna manipud kada Heldai, Tobijas, ken Jedaias?

Naibaga kenni Zacarias nga ipanna ti daton iti balay ni Josias a putot a lalaki ni Sofonias. Alaen ni Zacarias ti pirak ken balitok, mangaramid iti korona, ket ikabilna daytoy iti ulo ni Josue a nangato a padi a putot a lalaki ni Josadak.

Zechariah 6:12-13

Ania ti imbaga ni Yahweh a Mannakabalin-amin nga aramiden ni Josue a nangato a padi a putot a lalaki ni Josadak?

Imbaga ni Yahweh a dumakkelto ni Josue iti ayanna ket isunanto ti mangipatakder iti templo ni Yahweh, itag-ayna ti dayag daytoy, ken agtugaw ken agturayto isuna iti tronona.

Zechariah 6:14-15

Apay a maikabil ti korona iti templo ni Yahweh?

Maikabil ti korona iti templo ni Yahweh tapno mapadayawan da Heldai, Tobijas, ken Jedaias ken agpaayto a pakalaglagipan iti kinaparabur iti putot a lalaki ni Sofonias.

Ania ti masapul nga aramiden dagiti tattao tapno mapasamak dagitoy a naipadto a pasamak?

Imbaga ni Yahweh a mapasamakto dagitoy "no pudno a dumngegkayo iti timek ni Yahweh a Diosyo!"

Zechariah 7

Zechariah 7:1-3

Apay nga imbaon dagiti tattao ti Betel da Sarezer ken ni Regemmelek ken dagiti tattaoda?

Imbaon ida dagiti tattao ti Betel a mapan agkiddaw iti pabor kenni Yahweh.

Ania ti sinaludsod da Sarezer, Regemmelek ken dagiti tattaoda iti padi ken kadagiti profeta?

Sinaludsodda a, "Rumbeng kadi nga agladingitak iti maikalima a bulan babaen iti panagayunar, kas iti inaramidko kadagiti adu a tawtawen?"

Zechariah 7:4-7

Ania dagiti dua a sinaludsod ni Yahweh kadagiti tattao iti daga ken kadagiti papadi babaen kenni Zacarias maipapan iti panagayunar, pannangan ken panaginom?

Ti umuna a sinaludsod ni Yahweh ket, "Idi nagayunar ken nagladingitkayo iti maikalima ken iti maikapito a bulan kadagitoy a pito pulo a tawen, pudno kadi a nagay-ayunarkayo para kaniak?" Ti maikadua a saludsod ket, "Ken idi nangan ken naginomkayo, saan kadi a nangan ken naginomkayo para kadagiti bagbagiyo?"

Iti ababa a sarita, ania ti naudi a saludsod ni Yahweh kadagiti papadi ken kadagiti tattao iti daga?

Iti ababa a sarita, sinaludsod ni Yahweh no saan kadi nga isu met laeng dagitoy a sasao ti impakaammo ni Yahweh kadagiti tattao bayat iti panagnanaedda pay laeng idiay Jerusalem, kadagiti nakapalikmot a siudad iti Negev, ken kadagiti arisadsad ti turod iti laud.

Zechariah 7:8-10

Ania ti imbaga ni Yahweh babaen kenni Zacarias nga aramiden dagiti tattao?

Kinuna ni Yahweh a mangukomda nga addaan iti pudno a hustisia, iti kinapudno iti tulag ken asi. Kinunana a saanda a parigaten ti balo, ulila, ti ganggannaet, ken ti nakurapay a tao, ken saanda nga agaramid iti aniaman a dakes iti tunggal maysa.

Zechariah 7:11-12

Ania ti sungbat dagiti tattao kadagiti annuroten ni Yahweh?

Nagkedked dagiti tattao a dumngeg kadagiti sasao ni Yahweh.

Zechariah 7:13-14

Ania ti imbaga ni Yahweh nga aramidenna inton umawag kenkuana dagiti immun-una a nagkedked a dumngeg kenkuana ( kenni Yahweh)?

Kinuna ni Yahweh a saanto isuna a dumngeg kadakuada, ken maysa pay, iwarawarananto dagidiay a tattao babaen iti alipugpog kadagiti amin a nasion a saanda pay a nakitkita.

Zechariah 8

Zechariah 8:1-3

Kasano ti pnangiyebkas ni Yahweh iti asina iti Sion?

Iybe-ebkas ni Yahweh ti asina iti Sion nga addan iti kinaregget ken nakaro a pungtot.

Anianto ti maiyawag iti Jerusalem ken ti bantay ni Yahweh inton agsubli ni Yahweh nga agnaed iti tengnga iti Jerusalem?

Maawaganto ti Jerusalem a "Ti Siudad ti Kinapudno" ken maawaganto ti bantay ni Yahweh a "Ti Nasantoan a Bantay" inton agsubli ni Yahweh nga agnaed iti tengnga ti Jerusalem.

Zechariah 8:4-5

Siasinonto ti masarakan manen kadagiti kalsada ti Jerusalem?

Masarakanto dagiti lallakay ken babbaket kadagiti kalsada ken mapunnonto dagiti kalsada kadagiti ubbing a lallaki ken babbai nga agay-ayam kadagitoy.

Zechariah 8:6-8

Sadino a lugar ti pangispalan ni Yahweh kadagiti tattaona?

Ispalen ni Yahweh dagiti tattaona manipud iti daga a pagsingisingan iti init ken manipud iti daga a paglennekan iti init.

Zechariah 8:9-10

Apay a kayat ni Yahweh a papigsaen dagiti tattao dagiti imada?

Kayat ni Yahweh a papigsaen dagiti tattao dagiti imada tapno maipatakderda manen ti templo.

Ania ti napasamak sakbay kadagidiay nga al-aldaw a naisaad ti pondasion iti balay ni Yahweh?

Kadagidiay nga al-aldaw, awan iti maapit, awan ti gungguna, ken awan ti kappia gapu kadagiti kabusor. Pinagbibinnusor ni Yahweh iti tunggal tao iti kaarubana.

Zechariah 8:11-15

Kasano nga imbaga ni Yahweh a daytoy ket kabayatan iti panawen ni Zacarias?

Kinuna ni Yahweh a saanen a kas kadagiti immun-una nga al-aldaw. Kinunana a maimulanto dagiti bukel iti kappia. Agbunganto dagiti agkalatkat a lanlanut ket ipaayto ti daga dagiti bungana. Ipaayto dagiti tangatang dagiti linnaawda. Ipatawidto ni Yahweh amin dagitoy a banbanag kadagiti nabatbati kadagiti tattao.

Zechariah 8:16-17

Kasano ti panangbilin ni Yahweh kadagiti tattao nga agtignay a sitatakneng ken apay?

Kinuna ni Yahweh kadagiti tattao a masapul nga agsaoda iti kinapudno iti kaarubana ken mangukom a sipupudno, sililinteg, ken sitatalna kadagiti ruanganda. KInunana nga awan koma ti agpanggep iti dakes kadagiti pusoda a maibusor kadagiti kaarubada wenno may-ayo kadagiti palso a sapata. Imbilin ni Yahweh dagitoy a banbanag gapu ta dagitoy dagiti banbanag a kagurgurana.

Zechariah 8:18-19

Iti kinapudnona a dagiti panagay-ayunar iti maikapat, maikalima, maikapito ken maikasangpulo a bulan ket agbalinto a tiempo iti panagrag-o, kinaragsak, ken naragsak a fiesta para iti balay ti Juda, ania ti naibaga ni Yahweh kadakuada nga aramidenda?

Naibaga kadakuada nga aytenda ti kinapudno ken kinatalna.

Zechariah 8:20-22

Siasino dagiti imbaga ni Yahweh nga umay mangsapul kenkuana ken agkiddw iti paraburna?

Kinuna ni Yahweh nga adu a tattao manipud kadagiti adu a siudad ken nabibileg a nasion ti umayto a mangsapul kenni Yahweh ken agkiddaw iti paraburna.

Zechariah 8:23

Kadagidiay nga al-aldaw, apay a dawaten dagiti sangpulo a lallaki manipud iti amin a pagsasao ken nasion ti sumang-at iti Jerusalem a kakuyog dagiti tattao ni Yahweh?

Dawatendanto a sumang-atda iti Jerusalem a kakuyogda dagiti tattao ni Yahweh gapu ta mangngegdanto nga adda kadakuada ti Dios.

Zechariah 9

Zechariah 9:1-2

Ania ti pakaseknan ti pakammao ni Yahweh?

Ti pakaseknan ti pakaammo ti sao ni Yahweh ket ti daga ti Hadrac ken Damasco, Tiro ken Sidon.

Zechariah 9:3-4

Ania ti kuna ni Yahweh nga aramidenna iti Tiro?

Kuna ni Yahweh, "Alaento ti Apo dagiti amin a sanikuana ken dadaelenna ti pigsana iti baybay, isu a mauramto daytoy.

Zechariah 9:5-7

Ania ti kinuna ni Yahweh nga aramidenna iti Filistia ken ania ti pagbalinanda?

Kinuna ni Yahweh a putdennanto ti kinatangsit dagiti Filisteo. Kinuna pay ni Yahweh nga isudanto dagiti natda a para iti Dios a kasla iti maysa a puli idiay Juda.

Zechariah 9:8

Ania ti maysa a rason nga agkampo ni Yahweh iti aglawlaw ti dagana?

Kinuna ni Yahweh nga agkampo isuna iti aglawlaw ti dagana a maibusor iti armada dagiti kabusor tapno awan ti makalasat wenno makasubli ta awanton a pulos ti makalasat ditoy a mangparparigat.

Zechariah 9:9-10

Apay a naibaga iti anak a babai ti Sion nga agpukkaw a sirarag-o ken iti anak a babai ti Jerusalem nga agpukkaw a siraragsak?

Naibaga kadakuada nga aramidenda daytoy gapu ta umayen kadakuada ti arida a sililinteg ken ispalenna ida.

Kasanonto ti iyuumay ti arida kadakuada?

Napakumbabanto ti arida ken agsakayto iti asno, iti urbon nga asno.

Anianto ti pagpatinggaan ti pagturayan dayta nga ari?

Ti pagpatinggaan ti pagturayan dayta nga ari ket manipud iti taaw agingga iti sabali a taaw, ken manipud iti Karayan agingga iti pungto iti daga.

Zechariah 9:11-15

Apay a wayawayaan ni Yahweh dagiti baludda manipud iti abut nga awan iti danumna?

Kuna ni Yahweh nga inaramidna daytoy gapu iti dara ti tulagna kadakuada.

Maibusor iti siasino ti panangriing ni Yahweh kadagiti annak a lallaki ti Sion?

Riniing ni Yahweh dagiti annak a lallaki ti Sion maibusor kadagiti annak a lallaki ti Gresya.

Ania ti inaramid ni Yahweh iti Sion a kasla kaiyariganna?

Inaramid ni Yahweh ti Sion a kasla kampilan ti mannakigubat.

Zechariah 9:16-17

Anianto ti kaiyarigan ti Sion iti dayta nga aldaw, inton ispalen ida ni Yahweh a Diosda?

Iti dayta nga aldaw, agbalinto ti Sion nga alahas iti korona, a naipangato iti daga ni Yahweh.

Zechariah 10

Zechariah 10:1-2

Ania ti aramiden ni Yahweh a maipaay iti Sion?

Mangipaay ni Yahweh kadagiti arbis a maipaay iti Sion no dumawatda kenkuana, ken para kadagiti mula iti talon.

Ania ti pakaigapuan iti panagalla-alla dagiti tattao a kasla iti karnero ken agsagaba?

Agalla-alla dagiti tattao a kasla iti karnero ken agsagabada gapu ta dagiti didiosen iti sangakabbalayan nga agsasao iti inuulbod, makakita dagiti mammadto iti saan a pudno a sirmata, agibagada kadagiti awan kaipapananna a tagtagainep ken mangtedda iti ubbaw a panangliwliwa. Awanan met laeng iti pastor dagiti tattao.

Zechariah 10:3

Siasino ti imbaga ni Yahweh a dusaennanto?

Imbaga ni Yahweh a dusaennanto dagiti bulog a kalding—dagiti pangulo.

Zechariah 10:4-5

Ania ti imbaga ni Yahweh a tumaudto iti balay ti Juda?

Imbaga ni Yahweh a tumaudto iti balay ti Juda ti pasuli a bato, ti pasok ti tolda, ti bai a pakigubat, ken ti amin a pangulo.

Zechariah 10:6-7

Ania ti imbaga ni Yahweh nga aramidennanto a maipaay iti balay ti Juda kenni Jose?

Kinuna ni Yahweh a papigsaennanto ti balay ti Juda ken isalakanna ti balay ni Jose. Kinuna ni Yahweh nga isublina manen ida ken kaasianna ida.

Zechariah 10:8-10

Anianto ti aramiden ti Juda ken Efraim inton malagipda ni Yahweh kadagiti kabangibang a pagilian a nangiwarasan kadakuada ni Yahweh?

Agbiag ken agsublidanto agraman dagiti annakda inton malagipda ni Yahweh kadagiti adayo a pagilian a nangiwarasanna kadakuada.

Zechariah 10:11-12

Ania ti imbaga ni Yahweh nga aramidenna iti Egipto ken Asiria kalpasan ti panangummongna kadagidiay balay ti Juda manipud kadagidiay a lugar?

Kinunana ni Yahweh nga ipababananto ti kinadayag ti Asiria ken iyadayona ti setro ti Egipto manipud kadagiti Egipcio.

Zechariah 11

Zechariah 11:1-3

Apay nga aganug-og dagiti pastor?

Aganug-og dagiti pastor gapu ta nadadaelen ti dayagda.

Zechariah 11:4-6

Ania ti imbaga ni Yahweh kenni Zacarias nga aramidenna?

Imbaga ni Yahweh kenni Zacarias nga “Ipastorna ti arban a naituding a maparti!”

Ania ti imbaga ni Yahweh nga aramidennanto kadagiti agnanaed iti Juda?

Kinuna ni Yahweh a saannanton a kaasian ida ngem ketdi, iyawatnanto ti tunggal maysa iti ima ti pastorna ken kadagiti ima ti arina, ket ibadebaddekdanto ti daga.

Zechariah 11:7-9

Ania dagiti nagan ti dua a sarukod nga inusar ni Zacarias a mangipastor kadagiti arban a naikkeddeng a maparti?

Ti nagan dagiti dua a sarukod ket “Parabur” ken “Panagkaykaysa.”

Apay a dinadael ni Zacarias dagiti tallo nga agpaspastor iti makabulan?

Inaramid daytoy ni Zacarias gapu ta nabannog isuna kadagiti agpaspastor ken kagurada met isuna.

Zechariah 11:10-12

Apay a tinukkol ni Zacarias ti sarukodna a “Parabur”?

Tinukkolna daytoy tapno dadaelenna ti tulag nga inaramidna kadagiti amin a tribuna.

Mano ti tangdan ni Zacarias?

Natangdanan ni Zacarias iti tallopulo a pidaso iti pirak.

Zechariah 11:13-14

Ania ti imbaga ni Yahweh kenni Zacarias nga aramidenna iti tallopulo a pidaso iti pirakna?

Naibaga kenni Zacarias nga idulinna ti pirak iti pagiduldulinan.

Ania ti naipaay ti panagburak ti maikadua a sarukod a, “Panagkaykaysa,”?

Ti panangburak ti maikadua a sarukod ket panangburak iti panagkakabsat iti nagbaetan ti Juda ken Israel.

Zechariah 11:15-16

Ania ti naiwaragawag a pannakailunod ti awan serserbina a pastor a nangbaybay-an iti arban?

Daytoy ti lunod: “Maiduyokto koma ti kampilan iti makannawan a takkiagna ken iti makannawan a matana! Malpayto koma ti makanawan a takkiagna ken mabulsekto koma ti makannawan a matana!”

Zechariah 11:17

n/a

n/a

Zechariah 12

Zechariah 12:1-3

Siasino ni Yahweh a nangaramid iti daytoy a pakaammo maipapan iti Israel?

Ni Yahweh ti nangiyukrad iti tangatang ken nangisaad iti pundasion ti daga, ti nangparsua ti espiritu ti sangkataoan iti kaungganna.

Siasinonto dagiti aguummong a maibusor iti Jerusalem?

Aguummongto dagiti amin a nasion iti entero a daga a maibusor iti Jerusalem.

Zechariah 12:4-5

Iti aldaw nga aguummong dagiti amin a nasion a maibusor iti Juda, ania a banag ti imbaga ni Yahweh nga aramidenna kadagiti kabalio ken kadagiti kumakabalio dagiti kabusor nga armada?

Kinuna ni Yahweh a pagbutngennanto ti tunggal kabalio ken pagmauyongennanto ti tunggal kumakabalio. Kinuna pay ni Yahweh a pagbulsekenna dagiti amin a kabalio ti armada.

Zechariah 12:6

Apay nga ispalento nga umuna ni Yahweh dagiti tolda ti Juda?

Umunanto nga ispalen ni Yahweh dagiti tolda ti Juda tapno saanto a nangatngato ti dayaw ti balay ni David ken dagiti agnanaed iti Jerusalem ngem kadagiti nabati idiay Juda.

Zechariah 12:7-9

Ania ti inkeddeng ni Yahweh nga aramidennanto iti dayta nga aldaw?

Kinuna ni Yahweh nga iti dayta nga aldaw ket dadaelendanto dagiti amin a nasion nga immay a maibusor iti Jerusalem.

Zechariah 12:10-11

Iti dayta nga aldaw, anianto ti ibukbok ni Yahweh iti balay ni David ken kadagiti agnanaed iti Jerusalem?

Ibukbokto ni Yahweh ti espiritu ti kinamanangngaasi ken panagasug.

Siasino ti dinuyokda?

Inton kumitada kenkuana a dinuyokda, agsangit ken agladingitdanto gapu kenkuana a kas iti panagladingit ken panagsangit ti maysa a tao gapu iti pannakatay ti bugbugtong nga anak wenno ti umuna nga anak.

Zechariah 12:12-14

Kasanonto nga agladingit ti daga iti dayta nga aldaw?

Iti dayta nga aldaw, agladingitto ti tunggal pamilia a maisina manipud kadagiti dadduma a pamilia, ket tunggal pamilia agdung-awto nga is-isuda, maisinanto dagiti babbai manipud kadagiti lallaki.

Zechariah 13

Zechariah 13:1-2

Ta apay nga agayusto ti ubbog ti danum para iti balay ni David iti dayta nga aldaw?

Ti ubbog ket para kadagiti basol ken kinarugitda.

Ania ti ikkaten ni Yahweh manipud iti daga ken apay?

Ikkatento ni Yahweh dagiti nagan dagiti didiosen manipud iti daga tapno saanto ida a malaglagip pay.

Ania ti paruarento ni Yahweh manipud iti daga?

Paruarento ni Yahweh iti daga dagiti palso a profeta ken dagiti dakes nga espirituda.

Zechariah 13:3

No itultuloy ti maysa a tao ti agipadto, anianto ti aramiden kenkuana ti ama ken inana?

Duyokento isuna ti ama ken inana inton agipadto isuna.

Zechariah 13:4-6

Iti dayta nga aldaw, apay a saanto nga agkagay iti dutdutan dagiti agipadpadto?

Saanton nga agkagay iti dutdutan dagiti agipadpadto tapno maallilawda dagiti tattao.

Zechariah 13:7

Siasino ti agpaspastor?

Ti agpaspastor ket “ti tao nga agtaktakder iti abayko.”

Anianto ti mapasamak iti arban inton mapapatay ti agpaspastor?

Maiwarawaranto dagiti karnero inton mapapatay ti agpaspastor.

Zechariah 13:8-9

Ania ti ipakpakaammo ni Yahweh a mapasamakto iti entero a daga?

Ipakpakaammo ni Yahweh a maikkatto ti dua a kapaset daytoy. Mataydanto; ti laeng kakatlo ti mabati sadiay.

Anianto ti mapasamak iti kakatlo a nabati sadiay?

Maikabilto iti apuy ti kakatlo a nabati, magugoran ken mapapintas.

Anianto ti ibaga dagiti nabati nga kakatlo sadiay?

Ibaganto ti kakatlo a nabati sadiay, “Ni Yahweh ti Diosko!”

Zechariah 14

Zechariah 14:1-2

Apay a mabinga-bingayto dagiti nasamsam ti Jerusalem iti nangtengngaanda?

Mabingaybingayto dagiti nasamsam ti Jerusalem iti nagtengngaanda gapu ta ummongento ni Yahweh ti tunggal nasion a maibusor iti Jerusalem para iti gubat, ket masakupto ti siudad. Masamsamto dagiti balay.

Zechariah 14:3-4

Anianto ti mapasamak kadagiti nasion a nakiranget a maibusor iti Jerusalem?

Rummuarto ni Yahweh ket makigubat a maibusor kadagidiay a nasion a kas iti pannakigubatna iti aldaw ti gubat.

Anianto ti mapasamak iti Bantay Olibo inton agtakder ditoy ni Yahweh?

Magudduanto ti bantay Olibo ket addanto ti dakkel a tanap iti nagbaetan daytoy.

Zechariah 14:5

Kaano nga umay ni Yahweh ken dagiti nasantoan/anghelesna?

Umayto ni Yahweh ken dagiti nasantoan kalpasan nga aglibas dagiti agnanaed iti Jerusalem iti tanap iti nagbaetan dagiti bantay ni Yahweh.

Zechariah 14:6-8

Sadino ti pagturongan ti danum nga agayus manipud iti Jerusalem?

Agturongto ti kagudua a danum iti akindaya a baybay, ken agturongto ti kagudua iti akinlaud a baybay.

Zechariah 14:9-11

Dadaelen kadi ni Yahweh ti Jerusalem?

Awanton ti pannakadadael a maibusor kadakuada manipud iti Dios; agbiagto a sitatalged ti Jerusalem.

Zechariah 14:12-13

Ania a didigra ti pangdarup ni Yahweh kadagiti amin a tattao a nakigubat a maibusor iti Jerusalem?

Ti lasag, mata, ken dila dagiti amin a tattao a nakigubat a maibusor iti Jerusalem ket aglungtotto.

Anianto ti mapasamak inton umay kadakuada ti kasta unay a panagbuteng a nagapu kenni Yahweh?

Gammatanto ti tunggal maysa ti ima iti kaarrubana; mailayatto ti tunggal ima a maibusor iti ima ti kaarrubana.

Zechariah 14:14-15

n/a

n/a

Zechariah 14:16-18

Anianto ti aramiden dagiti nabati kadagidiay a nasion nga immay a maibusor iti Jerusalem?

Sumang-atto dagiti amin a nabati kadagidiay a nasion iti tinawen tapno dayawen ti ari, ni Yahweh a mannakabalin-amin, ken tapno ngilinen ti Fiesta dagiti Abong-abong.

Anianto ti mapasamak no adda ti uray maysa manipud kadagiay amin a nasion a saan a sumang-at iti Jerusalem tapno dayawenna ti ari, ni Yahweh a Mannakabalin-amin?

No adda ti saan a sumang-at iti Jerusalem, saanto a mangyeg ni Yahweh iti tudo kadakuada. Darupento ti didigra ni Yahweh dagiti nasion a saan a mangngilin iti Fiesta dagiti Abong-abong.

Zechariah 14:19

n/a

n/a

Zechariah 14:20-21

Iti dayta nga aldaw, siasinonto ti awanen iti balay ni Yahweh a Mannakabalin-amin?

Iti dayta nga aldaw, awanton dagiti agtagtagilako iti balay ni Yahweh a Mannakabalin-amin.