Amos
Amos 1
Amos 1:1-2
Kasano a naawat ni Amos dagiti banbanag maipapan iti Israel?
Naawat ni Amos dagiti banbanag maipapan iti Israel iti maysa a paltiing.
Ania ti trabaho ni Amos?
Ni Amos ket maysa nga agpaspastor.
Amos 1:3-5
Apay ta imbaga ni Yahweh a dusaenna ti Damasco?
Imbaga ni Yahweh a dusaenna ti Damasco gapu ta inirikda ti Galaad babaen kadagiti landok a maar-aramat a pag-irik.
Amos 1:6-8
Apay ta imbaga ni Yahweh a dusaenna ti Gaza
Imbaga ni Yahweh a dusaenna ti Gaza gapu ta inyadayuda a kas balud ti maysa a bunggoy ti tattao tapno iyawatda ida iti Edom.
Ania ti imbaga ni Yahweh nga aramidenna iti sarikedked ti Ben Hadad, Gaza ken Tiro?
Imbaga ni Yahweh a puorananto a naan-anay dagiti sarikedked iti Ben Hadad, Gaza ken Tiro.
Amos 1:9-10
Apay ta imbaga ni Yahweh a dusaenna ti Tiro?
Imbaga ni Yahweh a dusaenna ti Tiro gapu ta inyawatda ti maysa a bunggoy ti tattao iti Edom ken sinalungasingda ti tulagan ti panagkakabsatda.
Amos 1:11-12
Apay ta imbaga ni Yahweh a dusaenna ti Edom?
Imbaga ni Yahweh a dusaenna ti Edom gapu ta kinamatna iti kampilan ti kabsatna.
Amos 1:13
Apay ta imbaga ni Yahweh a dusaenna ti Amon?
Imbaga ni Yahweh a dusaenna ti Amon gapu ta binutiakanda dagiti masikog a babbai iti Galaad.
Amos 1:14-15
Ania ti imbaga ni Yahweh nga aramidenna kadagiti palasio iti Bosra ken Raba?
Imbaga ni Yahweh a puorananto a naan-anay dagiti palasio ti Bosra ken Raba.
Ania ti imbaga ni Yahweh a mapasamakto iti ari ti Amon?
Imbaga ni Amon a maitalawto a kas balud ti ari ti Amon.
Amos 2
Amos 2:1
Apay ta imbaga ni Yahweh a dusaenna ti Moab?
Imbaga ni Yahweh a dusaenna ti Moab gapu ta pinuoran ti Moab dagiti tulang ti ari ti Edom.
Amos 2:2-3
Ania ti imbaga ni Yahweh nga aramidenna kadagiti sarikedked ti Moab ken Juda?
Imbaga ni Yahweh a puorananto a naan-anay dagiti sarikedked iti Moab ken Juda.
Amos 2:4-5
Apay ta imbaga ni Yahweh a dusaenna ti Juda?
Imbaga ni Yahweh a dusaenna ti Juda gapu ta linaksid ti Juda ti linteg ni Yahweh.
Amos 2:6
Apay ta imbaga ni Yahweh a dusaenna ti Israel?
Imbaga ni Yahweh a dusaenna ti Israel gapu ta badbaddekanda ti ulo dagiti marigrigat.
Amos 2:7-8
Apay ta imbaga ni Yahweh a dusaenna ti Israel?
Imbaga ni Yahweh a dusaenna ti Israel gapu ta badbaddekanda ti ulo dagiti marigrigat.
Amos 2:9-10
Kasano a naparmek dagiti Israelita dagiti Amorreo?
Naparmek dagiti Israelita dagiti Amorreo gapu ta dinadael ni Yahweh dagiti Amorreo iti sangoananda.
Amos 2:11-12
Ania ti inaramid dagiti Isarelita kadagiti profeta a dinutokan ni Yahweh manipud kadakuada?
Binilin dagiti Israelita dagiti profeta a saanda nga agipadtu.
Ania ti inaramid dagiti Israelita kadagiti Nazireo a dinutokan ni Yahweh manipud kadakuada?
Inallukoy dagiti Isarelita dagiti Nazireo nga uminom iti arak.
Amos 2:13-14
Inton rumeken ni Yahweh ti Israel, siasinonto ti makalibas?
Inton rumeken ni Yahweh ti Israel, awanto ti siasinoman a makalibas.
Anianto ti saan a maaramid ti napardas a tao ken ti nabileg a tao?
Saanto a makalibas ti tao a napardas ken ti tao a nabileg ken saananto a manayonan ti kinapigsana.
Amos 2:15-16
Ania ti imbaga ni Yahweh maipapan ti pumapana, ti tao a napardas nga agtaray, ti nakakabalio, ken dagiti katuredan a mannakigubat?
Imbaga ni Yahweh a saanto makatakder ti pumapana, saanto makalibas ti tao a napardas nga agtaray, ti tao a nakakabalio ket saananto maisalakan ti bagina ken uray dagiti katuredan a mannakigubat ket agtaraydanto a lamolamo iti dayta nga aldaw.
Amos 3
Amos 3:1-2
Maibusor iti siasino a tattao iti daytoy a sao ni Yahweh?
Daytoy a sao ni Yahweh ket maibusor kadagiti tattao ti Israel, ti sibubukel a pamilia nga inruar ni Yahweh iti Egipto.
Siasino ti pinili ni Yahweh manipud kadagiti amin a pamilia iti a daga?
Pinili ni Yahweh ti Israel manipud kadagiti amin a pamilia iti entero a daga.
Amos 3:3-4
Ania ti masapul nga aramiden iti dua a tao tapno agkuyogda a magna?
Masapul nga agtulag ti dua a tao tapno agkuyogda a magna.
Amos 3:5-6
No adda didigra nga umay iti maysa a siudad, siasino ti nangyeg iti daytoy?
No adda didigra nga ummay iti maysa a siudad, ni Yahweh ti nangyeg iti daytoy.
Amos 3:7-8
Ania ti ar-aramiden ni Yahweh sakbay nga agtignay isuna?
Ipakpakaammo ni Yahweh ti panggepna sakbay isuna nga agtignay.
Amos 3:9-10
Anianto ti makita iti Egipto no makitada ti mapaspasamak idiay Samaria?
Makitanto ti Egipto ti dakkel a riribok ken pannakaidadanes idiay Samaria.
Ania ti ur-urnongen ti Israel kadagiti sarikedkedda?
Agur-urnongda iti kinaranggas ken panakadadael kadagiti sarikedkedda.
Amos 3:11-12
Ania ti pannusa nga imbaga ni Yahweh maibusor iti Israel?
Imbaga ni Yahweh a samsamanto iti kabusor dagiti sarikedked iti Israel.
Siasino ti makalibas iti pannusa ni Yahweh?
Bassitto laeng ti makalibas iti pannusa ni Yahweh.
Amos 3:13-15
Iti aldaw a dusaen ni Yahweh dagiti basol iti Israel, siasino pay ti dusaenna?
Dusaen pay ni Yahweh dagiti altar iti Bethel, iti balay ni Jacob.
Amos 4
Amos 4:1-3
Ania ti impanagan ni Yahweh kadagiti babbai nga assawa dagiti baknang nga agnanaed idiay Samaria?
Pinanaganan ni Yahweh dagiti asawa ti baknang a "baka iti Basan".
Ania ti ar-aramiden dagiti babai nga asawa dagiti baknang kadagiti marigrigat?
Idaddanes dagiti asawa dagiti baknang dagiti marigrigat ken rumrumekenda dagiti agkasapulan.
Ania ti imbaga ni Yahweh a mapasamakto kadagiti babbai nga assawa dagiti baknang?
Imbaga ni Yahweh a mabaniitanto dagiti babai nga asawa dagiti baknang ket maiyadayodanto manipud iti siudad.
Amos 4:4-5
Ania ti ar-aramiden dagiti tattao ti Israel idiay Betel ken Gilgal?
Dagiti tattao ti Israel ket agbasbasol ken paadaduenda ti basol idiay Betel ken Gilgal.
Ania ti pagragsakan dagiti tattao ti Israel?
Pakaragsakan dagiti tattao ti Israel ti agbasol idiay Betel ket paad-aduenda ti basolda idiay Gilgal, mangyeg kadagiti daton ken apagkapullo, mangidatag iti daton a panagyaman, ken mangiwarragawag kadagiti daton a nagtaud iti nakemda.
Amos 4:6-7
Kasano a nagsubalit dagiti tattao ti Israel iti panangpadas ni Yahweh a pagsublien ida?
Saan a nagsubli kenni Yahweh dagiti tattao ti Israel.
Ania ti inaramid ni Yahweh iti tudo tapno agsubli kenkuana dagiti tattao ti Israel?
Saan a pinagtudo ni Yahweh idiay Israel tapno agsubli dagiti tattao kenkuana.
Amos 4:8-9
Kasano a nagsubalit dagiti tattao ti Israel iti panangpadas ni Yahweh a pagsublien ida?
Saan a nagsubli kenni Yahweh dagiti tattao ti Israel.
Ania ti inaramid ni Yahweh kadagiti minuyongan, kaubasan ken kaykayo tapno agsubli kenkuana dagiti tattao ti Israel?
Nangyeg ni Yahweh iti panaggango ken buot kadagiti minuyongan, kaubasan ken kaykayo ken inibus ida dagiti dudon.
Amos 4:10-11
Ania ti inaramid ni Yahweh kadagiti agtutubo a lallaki tapno agsubli kenkuana dagiti tattao ti Israel?
Pinatay ni Yahweh dagiti agtutubo a lallaki babaen iti kampilan tapno agsubli kenkuana dagiti tattao ti Israel.
Ania ti inaramid ni Yahweh kadagiti siudad tapno agsubli kenkuana dagiti tattao ti Israel?
Pinarmek ni Yahweh dagiti siudad tapno agsubli kenkuana dagiti tattao ti Israel.
Kasano a nagsubalit dagiti tattao ti Israel iti panangpadas ni Yahweh a pagsublien ida?
Saan a nagsubli kenni Yahweh dagiti tattao ti Israel.
Amos 4:12-13
Ania ti imbaga ni Yahweh kadagiti tattao ti Israel a masapulda nga aramiden?
Imbaga ni Yahweh kadagiti tattao ti Israel a masapol nga agsaganada a sumango ti Diosda.
Siasino ti nangaramid kadagiti bantay ken nangipakaamo iti kapanunotanna kadagiti tattao?
Ni Yahweh, ti Dios a mannakabalin amin, ti nangparsua kadagiti bantay ken nangipakaamo iti kaapanunotanna kadagiti tattao.
Amos 5
Amos 5:1-3
Sino ti natuang iti daytoy a panagdung-aw?
Iti daytoy a panagdung-aw, natuang ti birhen nga Israel.
Amos 5:4-5
Ania ti imbaga ni Yahweh iti balay ti israel nga aramidenda?
Imbaga ni Yahweh iti balay ti Israel a sapulenda isuna ket agbiagda.
Amos 5:6-7
Ania ti imbaga ni Yahweh iti balay ti israel nga aramidenda?
Imbaga ni Yahweh iti balay ti Israel a sapulenda isuna ket agbiagda.
Amos 5:8-9
Ania ti ipapaay ni Yahweh kadagiti nabileg?
Ipapaay ni Yahweh ti apagdarikmat a panakadadaddael kadagiti nabileg.
Amos 5:10-11
Siasino ti kabusbusor ken kagurgura dagiti nabileg?
Kagurgura dagiti nabileg dagiti manglinlinteg kadakuada ken kagurgurada ti siasinoman a mangibagbaga iti pudno.
Ania ti inaramid iti nabileg a gapuanan iti panangdusanto ni Yahweh kadakuada?
Inbaddebaddek dagiti nabileg dagiti marigrigat isu a dusaento ida ni Yahweh.
Amos 5:12-13
Ania ti aramiden ti tao a nanakman iti dayta a dakes a panawen?
Ti tao a nanakman ket agulimek iti dayta a dakes a panawen.
Amos 5:14-15
Ania ti masapul nga aramiden dagiti tattao tapno sigurado nga adda kadakuada ni Yahweh?
Masapul a sapulen dagiti tattao ti naimbag saan ketdi a ti dakes tapno pudpudno nga adda kadakuada ni Yahweh.
Amos 5:16-17
Ania ti mangngeg kadagiti kalsada inton lumabas ni Yahweh iti tengnga dagiti tattao?
Mangngegto dagiti panagdung-aw ken kinakakaasi kadagiti kalsada intono lumabas ni Yahweh iti tengnga dagiti tattao.
Amos 5:18-20
Anianto ti mapasamak iti aldaw ni Yahweh?
Sipngetto ken addanto ti kinaliday iti aldaw ni Yahweh.
Amos 5:21-22
Ania ti kinuna ni Yahweh maipapan iti panagrarambak dagiti tattao?
Saan a mararagsakan ni Yahweh kadagiti nainget a panag-uumong dagiti tattao.
Amos 5:23-24
Ania ti kayat ni Yahweh a makita nga agayus kadagiti tattao?
Kayat ni Yahweh a makita nga agay-ayus ti hustisia ken kinalinteg manipud kadagiti tattao.
Amos 5:25-26
Ania ti inaramid dagiti tattao para kadagiti bagbagida?
Nagaramid dagiti tattao kadagiti didiosen.
Amos 5:27
Sadino ti pangiyapanan ni Yahweh kadagiti tattao?
Italawto ni Yahweh a kas balud dagiti tattao iti labes ti Damasco.
Amos 6
Amos 6:1-4
Siasino dagiti imbaga ni Yahweh a nakakaasi?
Imbaga ni Yahweh a nakakaasinto dagiti nanam-ay idiay Sion ken dagiti natalged idiay Samaria.
Amos 6:5-6
Ania ti ar-aramiden dagiti tattao a kinuna ni Yahweh a kakaasinto?
Dagiti tattao a pangibagbagaan ni Yahweh iti kinakakaasi ket agul-uldag, agrarambak, agkankanta ken agiinum.
Amos 6:7-10
Sadino ti papanan dagiti tattao a kinuna ni Yahweh a kakaasinto?
Maitalawto a kas balud dagiti tattao a kinuna ni Yahweh a kakaasinto.
Ania ti kagurgura ni Yahweh kadagitoy a tattao iti Jacob?
Kagurgura ni Yahweh ti kinapalangguad ken dagiti sarikedked dagitoy a tattao ni Jacob.
Amos 6:11
Ania ti mapasamakto kadagiti babbalay dagitoy a tattao ni Jacob?
Marumekto dagiti babbalayda.
Amos 6:12-13
Ania ti inaramid dagitoy a tattao ni Jacob iti hustisia ken kinalinteg?
Dagitoy a tattao ni Jacob ket pinagbalinda a sabidong ti hustisia ken napait ti kinalinteg.
Amos 6:14
Ania ti imbaga ni Yahweh nga aramidenna maibusor iti balay ti Israel?
Imbaga ni Yahweh a mangibangonto isuna iti maysa a nasion maibusor iti balay ti Israel.
Anianto ti aramiden daytoy a nasion maibusor iti balay ti Israel?
Parigatento daytoy a nasion ti balay ti Israel.
Amos 7
Amos 7:1-3
Iti sirmata ni Amos, ania ti nakitana a pinarsua ni Yahweh iti panawen iti panagtutubo?
Nakita ni Amos a nangtaud ni Yahweh iti dudon iti panawen iti panagtutubo tapno kanenda dagiti mula iti daga.
Idi kiniddaw ni Amos kenni Yahweh a pakawanenna ni Jacob ken saanna nga iyeg kadakuada daytoy a didigra, ania ti insungbat ni Yahweh?
Insungbat ni Yahweh a daytoy a didigra ket saanto a mapasamak.
Amos 7:4-6
Iti sirmata ni Amos, ania ti nakitana nga aw-awagan ni Yahweh?
Nakita ni Amos nga aw-awagan ni Yahweh iti apuy nga umay mangukom..
Amos 7:7-8
Iti sirmata ni Amos, sadino ti nagtakderan ken ania ti ar-aramiden ti Apo?
Nakita ni Amos a nagtakder ti Apo iti abay iti pader nga adda iggemna a tinnag.
Ania ti kinuna ti Apo a kaipapanan ti tinnag?
Kinuna ti Apo a ti tinnag ket mangipakaawat a saanen a maispal ti Israel
Amos 7:9
Ania ti imbaga ni Yahweh nga aramidenna iti Israel?
Imbaga ni Yahweh a dadaelenna dagiti nangangato a disso ken dagiti nasantoan disso ti Israel.
Amos 7:10-11
Ania ti impabasol ni Amasias a padi ti Betel kenni Amos?
Inakusaranna ni Amos nga agpangpanggep isuna iti maibusor kenni Jeroboam nga ari ti Israel.
Ania ti impadto ni Amos maipapan kenni Jeroboam?
Impadto ni Amos a matay ni Jeroboam babaen iti kampilan.
Amos 7:12-13
Sadino ti imbaga ni Amasias a pagsublian ken pagpadtoan ni Amos?
Nabagaan ni Amos nga agsubli iti daga ti Juda ket sadiay ti pagpadtoanna.
Amos 7:14-15
Ania ti trabaho ni Amos sakbay a pinagbalin isuna ni Yahweh a profetana?
Ni Amos ket maysa nga agpaspastor ken agay-aywan kadagiti kayo a sikamoro.
Amos 7:16-17
Ania ti imbaga ni Yahweh maibusor kenni Amasias a padi ti Betel?
Imbaga ni Yahweh a matayto ni Amasias iti narugit a daga, agbalinto a balangkantis ti asawana, matayto dagiti putotna a lallaki ken babbai ken mabingay-bingayto ti dagana.
Ania ti imbaga ni Yahweh nga aramidenna iti Israel?
Imbaga ni Yahweh a maitalawto a kas balud ti Israel manipud iti dagana.
Amos 8
Amos 8:1-3
Ania ti impakita ni Yahweh kenni Amos?
Impakita ni Yahweh kenni Amos ti sangabasket a prutas a maapapit iti kalgaw.
Ania ti kinuna ni Yahweh a dimteng para kadagiti tattaona nga Israel?
Kinuna ni Yahweh a dimtengen ti panungpalan kadagiti tattaona nga Israel.
Amos 8:4-6
Ania ti basol nga inaramid dagiti tattao ti Israel?
Inbadebaddek dagiti tattao ti Israel dagiti agkasapulan ken pinatalawda dagiti napanglaw iti daga.
Apay ta tartarigagayan dagiti tattao a malpas ti luttuad ken ti Aldaw a Panaginana.
Aggagar dagiti tattao gapu ta kayatda manen nga aglakko iti bukbukel ken saoren dagiti marigrigat.
Amos 8:7-8
Ania ti imbaga ni Yahweh a saanna pulos nga aramiden kadagiti aramid dagiti tattao?
Kinuna ni Yahweh a saanna pulos a malipatan ti aniaman kadagiti aramid dagiti tattao.
Amos 8:9-10
Iti dayta nga aldaw, ania ti kinuna ni Yahweh nga aramidenna iti init?
Iti dayta nga aldaw, kinuna ni Yahweh a palnekenna ti init iti tengnga ti aldaw.
Ania ti ikawes dagiti tattao iti dayta nga aldaw?
Agkawesto dagiti tattao iti nakersang a lupot iti dayta nga aldaw.
Amos 8:11-12
Ania a panagbisin ti kinuna ni Yahweh nga iyegna iti daga?
Kinuna ni Yahweh nga iyegna iti daga maipapan kadagiti sasao ni Yahweh.
Amos 8:13-14
Iti dayta nga aldaw, siasino ti matalimudaw gapu iti pannakawaw?
Iti dayta nga aldaw, matalimudawto dagiti birhen ken dagiti babbaro gapu iti pannakawaw.
Siasino ti kinuna ni Yahweh a saanto a makabangon iti uray kaanoman?
Dagiti agsapsapata iti basol ti Samaria ket saanto a bumangon uray kaanoman.
Amos 9
Amos 9:1-2
Siasino ti makalibas iti panangukom ti Apo iti Israel?
Awan uray maysa kadakuada ti makalibas iti panangukom ti Apo.
Amos 9:3-4
Ania ti aramiden ti Apo kadagiti aglemmeng iti lansad ti baybay?
Bilinento ti Apo ti uleg a kagatenna ida.
Ania ti gapuna no apay nga imatmatto ti Apo dagiti matana iti Israel?
Imatmatto ti Apo dagiti matana iti Israel para iti pagdaksan..
Amos 9:5-6
Ania ti aramiden dagiti tattao inton sagiden ni Yahweh ti daga tapno marunaw daytoy?
Agladingit dagiti tattao no sagiden ni Yahweh ti daga tapno marunaw daytoy.
Amos 9:7-8
Sadino ti nangiruaran ni Yahweh kadagiti Filisteo?
Inruar ni Yahweh dagiti Filisteo manipud iti Isla ti Creta.
Kinuna kadi ni Yahweh a dadaelenna amin dagiti tattao ti Israel?
Saan, kinuna ni Yahweh a saanna a dadaelen amin dagiti tattao ti Israel.
Amos 9:9-10
Ania ti ibagbaga dagiti managbasol idiay Israel, dagiti pateyento ni Yahweh?
Ibagbaga dagiti managbasol a saan ida nga kamakamen iti didigra.
Amos 9:11-12
Iti dayta nga aldaw, ania ti imbaga ni Yahweh a bangonennanto?
Iti dayta nga aldaw, imbaga ni Yahweh nga ibangonanto ti tolda ni David a natuang.
Amos 9:13
Ania ti kinuna ni Yahweh nga agtedted kadagiti banbantay ken agayus kadagiti turod kadagiti dumteng nga al-aldaw?
Kadagiti dumteng nga al-aldaw, agtedtedto dagiti bantay ken agayusto kadagiti turod ti nasam-it nga arak.
Amos 9:14-15
Inkari ni Yahweh nga isublina ti Israel manipud iti ania?
Inkari ni Yahweh nga isublinanto ti Israel manipud iti panakaitalawda a kas balud.
Kalpasan nga isubli ni Yahweh ti Israel, kasano kabayag nga agnaed ti Israel iti daga?
Kalpasan nga isubli ni Yahweh ti Israel, agnanayonto nga agnaed ti Israel iti dagada.