Mark

Mark 1

Mark 1:4-11

Ania ti immayan nga inkasaba ni Juan

Immay inkasaba ni Juan ti bautisar iti panagbabawi para iti pannakapakawan dagiti basbasol.

Mark 1:12-15

Sinno ti nangpilit ken ni Jesus a rumuar a mapan idiay let -ang?

Pinilit ti espiritu ni Jesus a rumuar a mapan idiay let-ang.

Mark 1:16-18

Ania ti trabaho da Simon, Andres, Santiago, ken Juan?

Mangngalap amin da Simon, Andres, Santiago ken Juan.

Mark 1:19-31

Ania ti trabahoda Simon, Andres, Santiago ken Juan?

Mangngalap amin da Simon, Andres, Santiago ken Juan.

Mark 1:32-34

Ania ti napasamak idi rumabiin?

Idi rumabiin, inyeg dagiti tattao amin nga agsakit wenno naluganan ti demonio, ket inagasan isuda ni Jesus.

Mark 1:35-37

Ania ti inaramid ni Jesus idi nakasapsapa unay kabayatan a nasipnget pay laeng?

Idi nakasapsapa unay kabayatan a nasipnget pay laeng, pimmanaw ket rimuar ni Jesus a napan iti saan a matagtagitao a lugar, ket nagkararag isuna idiay.

Mark 1:38-39

Ania ti imbaga ni Jesus ken ni Simon nga umayna aramiden?

Kinuna ni Jesus nga immay isuna tapno mangasaba iti aglawlaw nga il-ili.

Mark 1:40-45

Ania a panagtignay ti adda ken ni Jesus para iti agketong a nagpakpaka-asi kenkuana tapnu maagasan?

Naasyan ni Jesus iti agketong ket inagasanna isuna

Mark 2

Mark 2:3-4

Ania ti inaramid dagiti uppat a lallaki a nangawit iti lalaki a paralitiko?

Inikkat dagiti lallaki ti atep ti balay ket imbabada ti lalaki a paralitiko ken ni Jesus.

Mark 2:5-7

Ania ti imbaga ni Jesus iti paralitiko a lalaki?

Kinuna ni Jesus, "Anak, dagiti basbasolmo ket napakawanen."

Mark 2:8-12

Kasano ti panangipaneknek ni Jesus nga addaan isuna iti pannakbalin ditoy daga a mangpakawan iti basbasol?

Kinuna ni Jesus iti paralitiko a lalaki nga alaenna ti nagiddaanna ket mapan iti balayna, ket inaramid ti lalaki.

Mark 2:13-14

Ania iti ar-aramiden ni Levi idi imbagana ni Jesus kenkuana a sumurot kenkuana?

Ni Levi ket nakatugaw idi iti lugar a pagsingsingiranna iti buis idi inayaban isuna ni Jesus.

Mark 2:15-16

Idiay balay ni Levi, ania idi ti ar-aramiden ni Jesus nga isu a nakapasakit kadagiti Pariseo?

Makipangpangan idi ni Jesus kadagiti managbasol a tattao ken kadagiti agsingsingir ti buis.

Mark 2:17

Siasino ti imbaga ni Jesus nga umayna ayaban?

Kinuna ni Jesus nga immay isuna tapno ayaban dagiti tattao a managbasol.

Mark 2:18-19

Ania ti sinaludsod dagiti tattao maipanggep iti panagayunar?

Sinaludsodda ken ni Jesus no apay a saan a nagayunar dagiti adalanna idi ta dagiti adalan ni Juan ken dagiti adalan dagiti Pariseo ket nagayunar.

Mark 2:20-22

Kasano a sinungbatan ni Jesus ti saludsod maipanggep iti panagayunar?

Kinuna ni Jesus a kabayatan a kadua pay laeng ti nobio dagiti bisitana saanda a mabalin ti agayunar, ngem inton ti nobio ket maipanaw, agayunardanto.

Mark 2:23-24

Ania ti inaramid dagiti adalan ni Jesus idiay kataltalunan idi Aldaw a Panaginana nga isu a nakarurodan dagiti Pariseo?

Agpidpidut dagiti adalan ni Jesus ti dawa ket kinnanda idi Aldaw a Panaginana.

Mark 2:25-26

Ania a pangiyarigan ti inted ni Jesus iti maysa nga agkasapulan ken nangan iti tinapay kas gagangay a maiparit para kadakuada?

Inted ni Jesus ni David a kas pangiyarigan idi agkasapulan isuna, kinnanna ti tinapay iti sangoanan a kas gagangay a naisagana a para kadagiti papadi.

Mark 2:27-28

Siasino ti nakaaramidan ti Aldaw a Panaginana nga imbaga ni Jesus?

Kinuna ni Jesus a ti Aldaw a Panaginana ket naaramid a para kadagiti tattao.

Mark 3

Mark 3:1

Apay a buybuyaenda ni Jesus idi Aldaw a Panaginana idiay uneg iti sinagoga?

Buybuyaenda ni Jesus tapno kitaenda no mangagas isuna iti Aldaw a Panaginana, tapno pabasulenda isuna.

Mark 3:2

Ania a pammabasol ti inaramid dagiti eskriba a maisupiat ken ni Jesus?

Pinabasol dagiti eskriba ni Jesus nga agpakpaksiat kadagiti demonio babaen iti mangiturturay kadagiti demonio.

Mark 3:3-4

Ania a saludsod ti dinamag ni Jesus kadagiti tattao maipanggep iti Aldaw a Panaginana?

Dinamag ni Jesus kadagiti tattao no nainkalintegan kadi ti agaramid iti nasayaat wenno agaramid iti dakes iti Aldaw a Panaginana.

Kasano a simmungabat dagiti tattao iti saludsod ni Jesus, ken kalpasanna ania ti galad ni Jesus kadakuada?

Nagulimek dagiti tattao, ket nakaunget ni Jesus kadakauda.

Mark 3:5-6

Kasano a simmungbat dagiti adu a tattao iti saludsod ni Jesus, ken ania met ti kagagalad ni Jesus kadakuada?

Nagulimek dagiti tattao, ket nakaunget ni Jesus kadakuada.

Mark 3:7-8

Manu a tattao ti simmurot ken ni Jesus idi napan idiay baybay?

Dakkel a bunggoy dagiti tattao ti simmurot ken ni Jesus.

Mark 3:9-10

Manu a tattao iti simmurot kenni Jesus idi napan idiay baybay?

Dakkel a bunggoy dagiti tattao ti simmurot ken ni Jesus.

Mark 3:11-12

Ania ti inyikkis dagiti demonio idi nakitada ni Jesus?

Inyikkis dagiti demonio a ni Jesus isu ti Anak ti Dios.

Mark 3:13-18

Manu a lallaki ti dinutukan ni Jesus a kas apostol, ken ania ti aramidenda?

Dinutukan ni Jesus ti sangapulo ket dua nga apostol a kaduana, a mangasaba, ken addaan ti turay a mangpaksiat kadagiti demonio.

Mark 3:19-20

Siasino ti apostol a mangliput ken ni Jesus?

Ni Judas Iscariote ti apostol a mangliput ken ni Jesus.

Mark 3:21-22

Ania ti pinanunot iti pamilia ni Jesus maipapan kadagiti adu a tattao ken dagiti paspasamak a manglawlawlaw ken ni Jesus?

Pinanunot iti pamilia ni Jesus nga awan isuna iti panunotna.

Mark 3:23-27

Ania ti sungbat ni Jesus kadagiti pammabasol dagiti eskriba?

Insungbat ni Jesus nga awan ti pagarian nga nabingay a maibusor iti bagina ti makatakder.

Mark 3:28-32

Ania a basol ti imbaga ni Jesus ti saan a mapakawan?

Imbaga ni Jesus a ti panangtabbaaw iti Santo Espiritu ket saan a mapakawan.

Mark 3:33-35

Siasino ti nangibagaan ni Jesus nga isuda ti ina ken kakabsatna?

Imbaga ni Jesus a ti inana ken kakabsatna ket dagidiay agar-aramid iti pagayatan ti Dios.

Mark 4

Mark 4:1-2

Apay a limmugan ni Jesus iti bangka tapno mangisuro?

Limmugan ni Jesus iti bangka tapno mangisuro gapu ta naguummong ti adu unay a tattao iti aglawlawna.

Mark 4:3-5

Ania ti napasamak kadagiti bukel a naipurruak iti dalan?

Immay dagiti billit ket kinnanda ida.

Mark 4:6-7

Ania ti napasamak kadagiti bukel a naipurruak iti kabatoan?

Nagtuboda, ngem nalaylayda gapu ta awan ti ramutda.

Ania iti napasamak kadagiti bukel a naipurruak kadagiti nasiit a mulmula?

Binnekkel ida dagiti nasiit a mulmula.

Mark 4:8-9

Ania ti napasamak kadagiti bukel a naimula idiay nadam-eg a daga?

Nakapataud dagiti bukel ti dawa, nakapataud iti tallo pulo, innem a pulo, ken adda ti sangagasut a daras no ania ti naimula.

Mark 4:10-12

Ania ti imbaga ni Jesus a maited kadagiti Sangapulo ket Dua, ngem saan a kadagiti adda iti ruar?

Kinuna ni Jesus a ti palimed iti pagarian ti Dios ket naited kadagiti Sangapulo ket dua, ngem saan a kadagiti adda iti ruar.

Mark 4:13-15

Iti panggarig ni Jesus, ania iti bukel?

Ti bukel isu ti sao ti Dios.

Ania ti iparparangarang ti bukel a naimula iti dalan?

Iparangarangna daytoy dagidiay dumngeg iti sao, ngem dagus nga alaen ni satanas daytoy.

Mark 4:16-17

Ania ti iparparangarang ti bukel a naipurruak iti kabatoan?

Iparparangarangna daytoy dagidiay dumngeg iti sao, ngem no umay ti dakkel a rigat ket maupayda.

Mark 4:18-20

Ania ti iparparangarang ti bukel a naipurruak kadagiti nasiiit a mulmula?

Iparparangarangna dagidiay dumngeg iti sao, ngem ti pakaseknan iti lubong ket bekkelenna ti sao.

Ania ti iparparangarang ti bukel a naipurruak idiay nadam-eg a daga?

Iparparangarangna dagidiay dumngeg iti sao, awatenda daytoy, ket agpataudda iti bunga.

Mark 4:21-25

Ania ti imbaga ni Jesus a masapul a mapasamak kadagiti nailemmeng ken dagiti nailimed a banbanag?

Imbaga ni Jesus a dagiti nailemmeng ken dagiti nailimed a banbanag ket maiyapanto iti lawag.

Mark 4:26-29

Iti ania a wagas a ti pagarian ti Dios ket kas iti tao a nangimula ti bukelna iti daga?

Inmula ti tao ti bukel, ket dimmakkel daytoy, ngem saanna nga ammo no kasano, ket inton naluomen ti maapit, inapitna daytoy.

Mark 4:30-34

Iti ania a wagas a ti pagarian ti Dios ket kas iti bukel iti mustasa?

Nangrugi ti bukel iti mustasa a kas kababassitan kadagiti bukel, ngem dummakkel daytoy a dakkel a mula no sadino ket adu ti mabalin nga agumok.

Mark 4:35-37

Ania ti napasamak kabayatan nga agbalballasiw dagiti adalan ken ni Jesus iti dan-aw?

Nangrugi ti napigsa a bagyo, ket dandanin a mapunno ti bangka iti danum.

Mark 4:38-39

Ania ti ar-aramiden ni Jesus iti bangka iti dayta a tiempo?

Matmaturog ni Jesus.

Ania a saludsod ti dinamag dagiti adalan ken ni Jesus?

Dinamag dagiti adalan ken ni Jesus no awan ti aniamanna kenkuana a ngannganidan a matay.

Ania ngarud ti inaramid ni Jesus?

Tinubngar ni Jesus ti angin ken pinagtalnana ti baybay.

Mark 4:40-41

Kalpasan a naaramid ni Jesus daytoy, ania ti sungbat dagiti adalan?

Napnoan dagiti adalan iti kasta unay a buteng, ket panpanunotenda no siasino ni Jesus a pinagtulnogan ti angin ken baybay.

Mark 5

Mark 5:1-2

Siasino ti nangsabat ken ni Jesus idi nakasangpetda idiay rehion dagiti Geraseno?

Ti lalaki nga addaan iti narugit nga espiritu ti nangsabat ken ni Jesus.

Mark 5:3-4

Ania dagiti sumagmamano a banbanag nga inaramid daytoy a lalaki?

Agnanaed ti lalaki kadagiti tanem, pinugsatna dagiti kadena ken kawar, nagikkis ken sinugat-sugatna ti bagbagina iti rabii ken aldaw.

Mark 5:5-6

Ania dagiti sumagmamano a banbanag nga inaramid daytoy a lalaki?

Agnanaed ti lalaki kadagiti tanem, pinugsatna dagiti kadena ken kawar, nagikkis ken sinugat-sugatna ti bagbagina iti rabii ken aldaw

Mark 5:7-8

Ania a titulo ti inted ti dakes nga espiritu ken ni Jesus?

Inawagan ti narugit nga espiritu ni Jesus nga Anak ti Kangatoan a Dios.

Mark 5:9-24

Ania ti nagan ti narugit nga espiritu?

Ti nagan ti narugit nga espiritu ket Buybuyot, gapu ta aduda.

Mark 5:25-27

Ania ti parikut ti babai a nangsagid iti kagay ni Jesus?

Agsagsagaba ti babai babaen iti panagbulos ti dara iti sangapulo ket dua a tawen.

Mark 5:28-29

Apay a sinagid ti babai ti kagay ni Jesus?

Ta ammo ti babai a no masagidna laeng ti bado ni Jesus, maagasan isuna.

Mark 5:30-34

Ania ti inaramid ni Jesus idi sinagid ti babai ti kagayna?

Ammo ni Jesus nga adda pannakabalin a rimuar manipud kenkuana ket kimmita ni Jesus iti aglawlaw tapno kitaenna no siasino ti simmagid kenkuana.

Mark 5:35

Ania ti kasasaad ti anak a babai ni Jairo idi simmangpet ni Jesus iti balay?

Natayen ti anak a babai ni Jairo a babai

Mark 5:36-43

Ania ti imbaga ni Jesus ken ni Jairo iti dayta a tiempo?

Imbaga ni Jesus ken ni Jairo a saan nga agbuteng, mamati laeng.

Mark 6

Mark 6:4-6

Sadino ti nangibagaan ni Jesus a ti propeta ket awan ti dayawna?

Imbaga ni Jesus a ti propeta ket awan ti dayawna iti bukodna nga ili, kadagiti kabagyanna, ken iti bukodna a pagtaengan.

Mark 6:7-13

Ania a turay ti inted ni Jesus kadagiti Sangapulo ket Dua idi imbaonna isuda a rumuar?

Inikkan ni Jesus dagiti Sangapulo ket Dua iti turay a nangat-ngato ngem kadagiti narugit nga espiritu.

Mark 6:14-17

Siasino ni Jesus iti panangipagarup dagiti tattao?

Ipagpagarup dagiti tattao a ni Jesus ket ni Juan a Mammuniag, wenno ni Elias, wenno maysa a propeta.

Mark 6:18-22

Ania ti imbaga ni Juan a Mammuniag ken ni Herodes nga ar-aramidenna a saan a nainkalentegan?

Imbaga ni Juan ken ni Herodes a saan a nainkalintegan a pakasaranna ti asawa ti kabsatna a lalaki.

Mark 6:23-25

Ania ti insapata ni Herodes nga inkarina ken ni Herodias?

Nagkari ni Herodes a matagikuana ti aniaman a dawatenna kenkuana, aginggana iti kaguddua iti pagarianna.

Mark 6:26-32

Kasano a nagtignay ni Herodes iti kiddaw iti anak a babai ni Herodias?

Nagliddaang unay ni Herodes, ngem saanna a mapagkedkedan gapu iti sapata nga inaramidna iti sangoanan dagiti sangailina.

Mark 6:33-36

Ania ti napasamak idi ni Jesus ken dagiti apostol pinadasda ti umadayo tapno aginana?

Nalasin dagiti adu a tattao isuda ket nagtarayda tapno sumangpetda idiay sakbay da Jesus ken dagiti apostol.

Mark 6:37-47

Idi sinaludsod ni Jesus ida, ania ti pinanunot nga aramiden koma dagiti adalan tapno mapakan dagiti tattao?

Dagiti adalan pinanunotda a mapan gumatang iti agbalor ti dua gasut a denario a tinapay.

Mark 6:48-55

Kasano a napan ni Jesus kadagiti adalan idiay dan-aw?

Napan ni Jesus kadagiti adalan a magmagna iti rabw ti dan-aw.

Mark 6:56

Ania ti napasamak kadagidiay nakasagid laeng iti baruyboy ti bado ni Jesus?

Naagasan dagidiay nakasagid laeng iti baruyboy ti pagan-anay ni Jesus.

Mark 7

Mark 7:2-4

Ania ti ar-aramiden ti sumagmamano nga adalan ni Jesus a nakarurodan dagiti Pariseo ken eskriba?

Sumagmamano kadagiti adalan ket mangmangan a saan a nabuguan dagiti imada.

Mark 7:5

Ania ti ar-aramiden dagiti sumagmamano nga adalan ni Jesus a nakarurodan dagiti Pariseo ken eskriba?

Sumagmamano kadagiti adalan ket mangmangan a saan a nabuguan dagiti imada.

Mark 7:6-19

Ania ti imbaga ni Jesus kadagiti Pariseo ken kadagiti eskriba maipanggep iti sursuroda iti pagsasaritaan iti panagbuggo?

Kinuna ni Jesus a dagiti Pariseo ken dagiti eskriba ket managinsisingpetda ket isursuroda ti paglintegan dagiti tattao kabayatan a laklaksidenda ti bilin ti Dios

Mark 7:20-28

Ania ti imbaga ni Jesus a mangrugrugit iti tao?

Kinuna ni Jesus a no ania ti rumuar iti tao isu ti mangrugrugit kenkuana.

Mark 7:29-32

Ania ti inaramid ni Jesus para iti anak ti babai?

Pinaruar ni Jesus ti demonio nga adda iti anak ti babai.

Mark 7:33-35

Idi naipan ken ni Jesus ti lalaki a tuleng ken saan unay a makasao, ania ti inaramidna tapno maagasan isuna?

Inkabil ni Jesus dagiti ramramayna kadagiti lapayag ti lalaki, nagtupra ken sinagidna ti dilana, kalpasanna timmangad iti langit ket kinunana, "Aglukatka!"

Mark 7:36-37

Ania ti inaramid dagiti tattao idi imbaga ni Jesus kadakuada nga awan koma ti pangibagbagaanda maipanggep iti panangag-agasna?

No ad-adda a binilin ni Jesus nga agulimekda, iyad-addada met ti nagsasao maipanggep iti daytoy.

Mark 8

Mark 8:1-4

Ania a pakaseknan ti imbaga ni Jesus maipapan iti adu a tattao a sumursurot kenkuana?

Imbaga ni Jesus a maseknan isuna kadagiti adu a tattao nga awan ti kanenda.

Mark 8:5

Manu a tinapay ti adda kadagiti adalan idi?

Addaan iti pito a tinapay dagiti adalan.

Mark 8:6

Ania ti inaramid ni Jesus kadagiti tinapay dagiti adalan?

Nagyaman ni Jesus, pinispisina iti tinapay, ket intedna dagitoy kadagiti adalan tapno iserbida.

Mark 8:7-10

Manu a tattao ti nangan ken napnek?

Agarup uppat a ribo a tattao iti nangan ken napnek.

Kasano kaadu ti taraon ti nabati kalpasan a nangan ti tunggal maysa?

Adda ti pito a basket iti taraon a nabati kalpasan a nangan ti tunggal maysa.

Mark 8:11-13

Tapno suoten isuna, ania ti kayat dagiti Pariseo nga aramiden ni Jesus?

Kayat dagiti Pariseo a mangted ni Jesus iti pagilasinan a naggapu sadi-langit.

Mark 8:14-15

Maipanggep ti ania ti imballaag ni Jesus kadagiti adalan maipapan kadagiti Pariseo?

Binallaagan ni Jesus dagiti adalanna a masapul a siputanda ti lebadura dagiti Pariseo.

Mark 8:16-17

Maipanggep iti ania ti pinanunot dagiti adalan a sasawen ni Jesus?

Impagarup dagiti adalan nga ibagbaga ni Jesus ti maipanggep iti kinapudno a nalipatanda ti mangitugot iti tinapay.

Mark 8:18-21

Ania a milagro ti nangipalagip kadakuada tapno tulonganna dagiti adalan a maawatanda ti kaipapananna?

Imapalagip ni Jesus kadakuada ti panangpakanna iti lima ribu, ken iti uppat a ribu.

Mark 8:22-23

Ania dagiti tallo a banbanag nga inaramid ni Jesus iti bulsek tapno naan-anay ti panagsubli iti panagkitana?

Immuna a tinupraan ni Jesus dagiti matana ket impatayna dagiti imana kenkuana, ket kalpasanna impatay dagiti imana kadagiti matana.

Mark 8:24-26

Ania dagiti tallo a banbanag nga inaramid ni Jesus iti bulag a lalaki tapno naan-anay ti panagsubli iti panagkitana?

Immuna a tinupraan ni Jesus dagiti matana ken impatayna dagiti imana kenkuana, ken kalpasanna ket impatayna dagiti imana kadagiti mata na.

Mark 8:27-28

Siasino ni Jesus iti ibagbaga dagiti tattao?

Ibagbaga dagiti tattao a ni Jesus ket ni Juan a Mammuniag, Elias, wenno maysa kadagiti propeta.

Mark 8:29-30

Siasino ni Jesus iti panagkuna ni Pedro?

Imbaga ni Pedro nga ni Jesus ket isu ti Cristo.

Mark 8:31-32

Maipanggep iti ania a pasamak iti masakbayan ti inrugi nga insuro a silalawag ni Jesus kadagiti adalanna?

Insuro ni Jesus kadagiti adalanna nga ti Anak ti Tao ket masapul nga agsagaba, mailaksid, mapapatay, ken mapagungar kalpasan iti tallo nga aldaw.

Mark 8:33-34

Ania ti imbaga ni Jesus idi inrugi ni Pedro a babalawen isuna?

Imbaga ni Jesus ken ni Pedro, "Pumanawka iti likudak Satanas! Saanmo nga ipatpateg dagiti banbanag para iti Dios, ngem para kadagiti banbanag para kadagiti adu a tattao."

Mark 8:35-37

Ania ti imbaga ni Jesus maipanggep iti tarigagay iti maysa a tao a mangtagikua kadagiti banbanag iti daytoy a lubong?

Imbaga ni Jesus , ”Ania ngay ti maala ti maysa a tao no matagikuana ti entero a lubong, ken kalpasanna ket mapukawna ti biagna?”

Mark 8:38

Ania ti imbaga ni Jesus nga aramidenna maipapan kadagidiay mangibain kenkuana ken kadagiti sasaona?

Imbaga ni Jesus nga iti iyuumayna, ibainnanto met dagidiay mangibain kenkuana ken kadagiti sasaona.

Mark 9

Mark 9:1-3

Siasino ti imbaga ni Jesus a makakita iti pagarian ti Dios nga umay nga addaan pannakabalin?

Kinuna ni Jesus nga adda kadagiti agtaktakder sadiay a kaduana ti saan pay a matay sakbay ti iyuumay iti pagarian ti Dios nga addaan pannakabalin.

Ania ti napasamak ken ni Jesus idi kaduana da Pedro, Santiago ken Juan a simmang-at iti nangato a bantay?

Nagbaliw ti langana ken nagbalin a naraniag dagiti pagan-anayna.

Mark 9:4-6

Siasino ti makisarsarita ken ni Jesus idiay bantay?

Ni Elias ken ni Moises.

Mark 9:7-8

Idiay bantay, ania ti imbaga ti timek manipud iti ulep?

Kinuna ti timek, “Daytoy ti anakko nga ay-ayatek. Dumngegkayo kenkuana.”

Mark 9:9-10

Ania ti imbilin ni Jesus kadagiti adalan maipanggep iti nakitada idiay bantay?

Binilin ida ni Jesus nga awan ti pangibagaanda iti nakitada, aginggana nga agungar ti Anak ti Tao manipud ken patay.

Mark 9:11-16

Ania ti imbaga ni Jesus maipanggep iti iyuumay ni Elias?

Kinuna ni Jesus nga umuna nga umay ni Elias tapno isublina dagiti amin a banbanag a kas iti sigudna, ket immayen dayta nga Elias.

Mark 9:17-19

Ania ti saan a kinabaelan dagiti adalan nga aramiden para ti ama ken ti anakna?

Saan a nabalinan dagiti adalan a paksiaten ti dakes nga espiritu manipud iti anak a lalaki ti amana.

Mark 9:20-22

Sadino ti nangipurwakan ti dakes nga espiritu iti ubing tapno madadaelna isuna?

Impurwak ti dakes nga espiritu iti apuy wenno iti danum a kas panangpadasna a mangdadael kenkuana.

Mark 9:23-27

Kasano a simmungbat ti ama idi imbaga ni Jesus a dagiti amin a banbanag ket mabalin a mapasamak iti mamati?

Simmungbat ti ama, “Mamatiak! Tulongannak iti saanko a panamati!"

Mark 9:28-29

Apay a saan a nabalinan dagiti adalan a paksiaten ti umel ken tuleng nga espiritu iti ubing?

Saan a nabalinan dagiti adalan a paksiaten ti dakes nga espiritu gapu ta saan a mapaksiat daytoy no saan a babaen iti kararag.

Mark 9:30-32

Ania ti imbaga ni Jesus kadagiti adalanna a mapasamak kenkuana?

Imbaga ni Jesus kadakuada a mapapatay isuna, ket kalpasan iti tallo nga aldaw agungar manen isuna.

Mark 9:33-35

Ania ti pagsisinuppiatan dagiti adalan idiay dalan?

Pagsisinuppiatan dagiti adalan ti maipanggep no siasino kadakuada ti katatan-okan.

Siasino ti imbaga ni Jesus nga umuna?

Imbaga ni Jesus nga ti umuna ket masapul nga agpaudi ken adipen iti amin.

Mark 9:36-41

No awaten ti maysa a tao ti bassit nga ubing ti nagan ni Jesus, siasino met ti aw-awatenda?

No awaten ti maysa a tao ti bassit nga ubing ti nagan ni Jesus, aw-awatenda met ni Jesus ken ti nangibaon ken ni Jesus.

Mark 9:42-46

Ania ti nasaysayaat a maaramid iti tao a pakaigapuan ti maysa a bassit nga ubing a mamati ken ni Jesus nga agbasol?

Nasaysayaat para kenkuana a maaddaan iti dakkel a paggilingan a bato a naigalot iti tenggedna ken maitappuak iti baybay.

Mark 9:47-50

Ania ti imbaga ni Jesus nga aramiden iti tunggal banag a pakaigapuam nga agbasol?

Imbaga ni Jesus nga ibellengda iti tunggal banag a pakaigapuam nga agbasol.

Ania ti imbaga ni Jesus a mapasamak idiay impierno?

Imbaga ni Jesus a saan a matay ti igges idiay impierno, ken saan a maiddep ti apuy.

Mark 10

Mark 10:5-6

Apay nga inted ni Moises kadagiti Judio daytoy a bilin maipanggep iti panagsina?

Inted ni Moises daytoy a bilin kadagiti Judio gapu iti natangken a puspusoda

Mark 10:7-12

Ania ti imbaga ni Jesus a nagbalinan ti dua a tao, ti lalaki ken ti asawana, idi nagasawada?

Kinuna ni Jesus a dagiti dua ket nagbalin a maymaysa a lasag.

Mark 10:13-14

Kasano a natignay ni Jesus idi tinubngar dagiti adalan dagidiay mangiyas-asideg kadagiti babassit nga ubbing kenkuana?

Nakaunget ni Jesus kadagiti adalanna ket imbagana kadakuada a palubosanda dagiti babassit nga ubbing a mapan kenkuana

Mark 10:15-22

Iti imbaga ni Jesus, kasano nga awaten ti pagarian ti Dios tapno makastrek iti daytoy?

Kinuna ni Jesus a ti pagarian ti Dios ket masapul nga awaten a kas iti babassit nga ubbing tapno makastrek iti daytoy

Mark 10:23-25

Siasino ti imbaga ni Jesus a marigatan unay a sumrek iti pagarian ti Dios?

Kinuna ni Jesus a dagiti nabaknang ket marigatan unay a sumrek iti pagarian ti Dios

Mark 10:26-28

Kasano nga imbaga ni Jesus nga uray dagiti nabaknang a tattao ket mabalin a maisalakan?

Kinuna ni Jesus nga iti tao saan a mabalin, ngem iti Dios amin a banbanag ket mabalin.

Mark 10:29-31

Ania ti imbaga ni Jesus iti siasinoman a mangpanaw iti balay, pamilia, ken dagdaga gapu ken ni Jesus?

Kinuna ni Jesus a makaawatdanto iti mamin-gasut a daras a kas kaadu iti daytoy a lubong, nga addaan panangidadanes, ken biag nga agnanayon iti lubong nga umay.

Mark 10:32-34

Iti ania a dalan ti nagdaliasatan ni Jesus ken dagiti adalanna?

Agdaldaliasat ni Jesus ken dagiti adalanna iti dalan a sumang-at idiay Jerusalem.

Mark 10:35-42

Ania a kiddaw ti dinawat da Santiago ken Juan ken ni Jesus?

Kiniddaw da Santiago ken Juan nga agtugawda iti makannawan ken makanigid nga ima ni Jesus idiay gloria.

Mark 10:43-52

Kasano ti panangibaga ni Jesus a masapul a panagbiag dagidiay agtarigagay nga agbalin a naindaklan kadagiti adalan?

Kinuna ni Jesus kadagidiay a agtarigagay nga agbalin a naindaklan kadagiti adalan a masapul nga agbalinda nga adipen ti amin.

Mark 11

Mark 11:1-3

Ania ti nangibaonan ni Jesus kadagiti dua nga adalanna idiay bangir a barrio?

Imbaonna isuda tapno iyegda kenkuana ti maysa nga urbon nga asno a saan a pulos a nasaksakayan.

Mark 11:4-6

Ania ti napasamak idi warwarwaran dagiti adalan ti urbon nga asno?

Dinamag dagiti dadduma a tattao no ania ti ar-aramiden dagiti adalan, isu nga insaoda kadagiti tattao ti imbaga ni Jesus kadakuada, ket pinalubosan dagiti tattao ida.

Mark 11:7-10

Ania ti inyaplag dagiti tattao iti kalsada kabayatan a nakasakay ni Jesus iti urbon nga asno?

Inyaplag dagiti tattao dagiti pagan-anayda ken sangsanga a pinutedda a naggapu iti tay-ak.

Ania a pagarian ti umay nga ipukpukkaw dagiti tattao kabayatan a nakasakay ni Jesus nga agturong idiay Jerusalem?

Ipukpukkaw dagiti tattao a ti pagarian ti amada a ni David ket umay.

Mark 11:11-12

Ania ti inaramid ni Jesus idi makastrek iti ayan ti templo?

Kimmita ni Jesus iti aglawlaw ket kalpasanna rimmuar a napan idiay Betania.

Mark 11:13-14

Ania ti inaramid ni Jesus idi nakitana ti puon ti igos nga awan bungana?

Kinuna ni Jesus iti puon ti igos, “Awanto a pulos ti mangan iti bunga nga agtaud kenka."

Mark 11:15-16

Ania ti inaramid ni Jesus idi simrek iti templo iti daytoy a tiempo?

Pinapanaw ni Jesus dagiti aglaklako ken agkumkumpra, ken saanna a pinalubosan ti uray maysa a mangbitbit iti ilakona a sumrek idiay templo.

Mark 11:17-19

Ania ti imbaga ni Jesus a pagbalinan ti templo, segun iti Nasantoan a Surat?

Kinuna ni Jesus a ti templo ket balay koma a pagkararagan para kadagiti amin a pagilian.

Ania ti imbaga ni Jesus nga inaramid dagiti panguloen a papadi ken eskriba iti templo?

Kinuna ni Jesus nga inaramidda ti templo a rukib dagiti agtatakaw.

Ania iti pinadas nga aramiden dagiti panguloen a papadi ken eskriba ken ni Jesus?

Pinadas a patayen dagiti panguloen a papadi ken eskriba ni Jesus.

Mark 11:20-23

Ania ti napasamak iti puon ti igos a nagsaw-an ni Jesus?

Nagangu manipud ramutna ti puon ti igos a nagsaw-an ni Jesus.

Mark 11:24-26

Ania ti imbaga ni Jesus maipanggep iti tunggal banag a dawatentayo iti panagkararagtayo?

Kinuna ni Jesus a tunggal banag a dawatentayo iti panagkararagtayo patientayo a naawattayon, ket iti kasta matagikuatayo.

Ania ti imbaga ni Jesus a masapul nga aramidentayo tapno ti Amatayo nga adda sadi langit ket pakawanennakayo met?

Kinuna ni Jesus a masapul a pakawanentayo ti aniaman a nakabasolan ti siasinno man kadatayo, tapno ti Amatayo ket pakawanennatayonto met.

Mark 11:27-28

Idiay templo, ania ti kayat a maammoan dagiti panguloen a papadi, eskriba, ken dagiti panglakayen ken ni Jesus?

Kayatda a maamoan no iti ania a turay nga inaramidna dagiti banbanag nga inaramidna.

Mark 11:29-30

Ania a saludsod ti dinamag ni Jesus kadagiti panguloen a papadi, eskriba, ken dagiti panglakayen?

Sinaludsod ni Jesus kadakuada no ti panangbautisar ni Juan ket naggapu idiay langit wenno naggapu iti tao.

Mark 11:31-33

Apay a dagiti panguloen a papadi, eskriba, ken dagiti panglakayen ket saanda a kayat nga isungbat a ti panangbautisar ni Juan ket naggapu sadi langit?

Saanda a kayat nga ited daytoy a sungbat gapu ta ammoda a damagen met laeng ni Jesus no apay a saanda a pinati ni Juan.

Apay a dagiti panguloen a papadi, eskriba, ken dagiti panglakayen ket saanda a kayat nga isungbat a ti panangbautisar ni Juan ket naggapu iti tao?

Saanda a kayat nga ited daytoy a sungbat gapu ta mabutengda kadagiti tattao, a mamati a ni Juan ket maysa a propeta.

Mark 12

Mark 12:1-3

Kalpasan a nagmula ken impaabangna ti kaubasan, ania ti inaramid ti makinkukua?

Kalpasan a nagmula ken impaabangna ti kaubasan, pimmanaw ti makinkua a nagdaliasat.

Mark 12:4-5

Ania ti inaramid dagiti mangay-aywan ti ubas kadagiti adipen nga imbaon ti makinkukua nga umawat iti bunga ti kaubasan?

Sinaplit, sinugatan, ken pinatay dagiti mangay-aywan iti ubas dagiti adipen.

Mark 12:6-7

Siasino ti naudi nga imbaon ti makinkukua kadagiti mangay-aywan ti ubas?

Naudi nga imbaon ti makinkua ti ay-ayatenna nga anak.

Mark 12:8-9

Ania ti inaramid dagiti mangay-aywan ti ubas iti naudi nga imbaon ti makinkukua?

Tiniliw dagiti mangay-aywan isuna, pinatayda isuna, ken imbellengda isuna iti ruar ti kaubasan.

Anianto ti aramiden ti makinkukua ti kaubasan kadagiti mangay-aywan iti ubas?

Umayto ti makinkukua ti kaubasan ket dadaelenna dagiti mangay-aywan iti kaubasan ken itedna ti kaubasan iti sabali.

Mark 12:10-12

Iti Nasantoan a Surat, ania ti napasamak iti bato a saan a kinayat dagiti mangipatpatakder?

Ti bato a saan a kinayat dagiti agipatpatakder ket naaramid a pasuli a bato.

Mark 12:13-15

Ania a saludsod ti dinamag dagiti Pariseo ken dadduma kadagiti Herodiano ken ni Jesus?

Dinamagda isuna no nainkalintegan kadi nga agbayad iti buis ken ni Cesar wenno saan.

Mark 12:16-17

Kasano a sinungbatan ni Jesus ti saludsodda?

Imbaga ni Jesus a masapul nga itedda ken ni Cesar dagiti banag a kukua ni Cesar, ken iti Dios, dagiti banag a kukua ti Dios.

Mark 12:18-19

Ania iti saan a pinati dagiti Saduceo?

Saan a namati dagiti Saduceo iti panagungar.

Mark 12:20-23

Iti istoria nga imbaga dagiti Saduceo, manu ti inasawa ti babai?

Pito ti inasawa ti babai.

Ania ti sinaludsod dagiti Saduceo a dinamagda ken ni Jesus maipanggep iti babai?

Dinamagda no siasino kadagiti lallaki ti asawa ti babai iti panagungar.

Mark 12:24-25

Ania a rason ti inted ni Jesus kadagiti Saduceo para iti biddutda?

Imbaga ni Jesus a dagiti Saduceo ket saanda nga ammo ti Nasantoan a Sursurat wenno ti pannakabalin ti Dios.

Ania ti sungbat ni Jesus iti saludsod dagiti Saduceo maipanggep iti babai?

Imbaga ni Jesus nga iti panagungar, saan nga agasawa dagiti lallaki ken babbai, ngem agbalindanto a kasla kadagiti anghel.

Mark 12:26-27

Kasano nga impakita ni Jesus manipud iti Nasantoan a Sursurat nga adda iti panagungar?

Nagadaw ni Jesus manipud iti libro ni Moises, no sadino ti nangibagaan ti Dios nga isuna ti Dios ni Abraham, ni Isaac, ken ni Jacob –aminda ngarud ket mabalin a sibibiag pay laeng.

Mark 12:28-31

Ania a bilin ti imbaga ni Jesus a kapapatgan?

Imbaga ni Jesus a ti panangipateg iti Apo a Dios iti amin a puso, kararua, panunot, ken pigsa ti kapapatgan a bilin.

Ania a bilin ti imbaga ni Jesus a maikadua?

Imbaga ni Jesus a ti panangipateg iti karruba kas iti bagi ket ti maikadua a bilin.

Mark 12:32-37

Ania a saludsod ti dinamag ni Jesus kadagiti eskriba maipanggep ken ni David?

Dinamag ni Jesus no kasano nga awagan ni David nga Apona ni Cristo idinto a ni Cristo ket ti anak ni David.

Mark 12:38-42

Ania iti imbaga ni Jesus kadagiti tattao a pagalwadanda maipapan kadagiti eskriba?

Imbaga ni Jesus nga dagiti eskriba ket agtarigagay a padayawan dagiti tattao, ngem tagikuaenda dagiti babbalay dagiti balo a babai ken agkarkararagda ti atiddug tapno makita dagiti tattao.

Mark 12:43-44

Apay nga imbaga ni Jesus a ti napanglaw a balo ket ad-adu ti impisukna ngem kadagiti amin a nangibingay iti Lakasa a pagipispisukan ti sagut?

Imbaga ni Jesus a nangibingay isuna iti ad-adu gapu ta nangted manipud iti kinapanglawna kabayatan a dagiti dadduma ket nangted manipud iti kawadwadanda.

Mark 13

Mark 13:7-8

Ania ti imbaga ni Jesus a pangruggian dagiti ut-ot iti panagpasngay?

Kinuna ni Jesus a dagiti pangrugianan dagiti ut-ot iti panagpasngay ket dagiti gubat, dagiti sayangguseng iti gubat, dagiti ginggined ken dagiti panagbisin.

Mark 13:9-13

Ania ti imbaga ni Jesus a mapasamakto kadagiti adalan?

Kinuna ni Jesus a dagiti adalan ket maipaimanto kadagiti mammagbaga, kabilenda ida idiay sinagoga ken agtakderdanto iti sangoanan dagiti gobernador ken kadagiti ari a kas pammaneknek.

Mark 13:14-23

Ania ti imbaga ni Jesus a rumbeng nga aramiden dagidiay adda iti Judea no makitada ti rurod ti pannakadadael?

Kinuna ni Jesus a dagidiay adda idiay Judea ket kumamang koma kadagiti bantay no makitada ti rurod ti pannakadadael.

Mark 13:24-29

Ania ti mapasamak kadagiti pannakabalin iti langit kalpasan ti panagrigat kadagidiay nga aldaw?

Sumipngetto ti init ken bulan, dagiti bituen ket matnagto manipud iti tangatang, ken dagiti pannakabalin iti langit ket magunggonto.

Mark 13:30-32

Ania ti imbaga ni Jesus a saanto a mapukaw agingga a mapasamak amin dagitoy a banbanag?

Kinuna ni Jesus a daytoy a kaputotan ket saanto a mapukaw agingga nga amin dagitoy ket mapasamak.

Mark 13:33-37

Ania a bilin ti inted ni Jesus kadagiti adalanna maipapan iti iyaayna?

Imbaga ni Jesus kadagiti adalanna nga agalibtak ken agsiputda.

Mark 14

Mark 14:1-2

Ania ti pangpanggepen dagiti panguloen a papadi ken dagiti eskriba maipapan no kasanoda nga aramiden?

Pangpanggependa no kasanoda a tiliwen ni Jesus a sililimed ket kalpasan patayenda isuna

Mark 14:3-9

Ania ti inaramid ti babai ken ni Jesus idiay balay ni Simon nga agketong?

Maysa a babai ti nangbittak iti kalub iti nangina a likido ket imbukbokna iti ulo ni Jesus.

Mark 14:10-11

Apay a napan ni Judas Iscariote kadagiti panguloen a papadi?

Napan ni Judas Iscariote kadagiti panguloen a papadi tapno iti kasta maipaimana ni Jesus kadakuada.

Mark 14:12-19

Kasano a nasarakan dagiti adalan ti lugar a mabalinda a panganan iti Fiesta ti Ilalabas?

Imbaga ni Jesus kadakuada a mapanda iti siudad ket surotenda ti tao a nakaawit iti danum ken saludsodenda no sadino ti siled ti pangsangaili a mabalinda a panganan iti Fiesta ti Ilalabas.

Mark 14:20-21

Ania ti imbaga ni Jesus maipapan iti pagbanagan iti adalan a mangliput kenkuana?

Kinuna ni Jesus a nasay-sayat pay koma para kenkuana no saanen a naipasngay.

Mark 14:22-29

Ania ti imbaga ni Jesus idi intedna ti napisi a tinapay kadagiti adalan?

Kinuna ni Jesus, “Alaenyo daytoy. Daytoy ti bagik”

Mark 14:30-31

Ania ti imbaga ni Jesus ken ni Pedro kalpasan nga imbaga ni Pedro a saanto pulos a matnag isuna?

Imbaga ni Jesus ken ni Pedro a sakbay nga agtaraok ti kawitan iti mamindua, inlibak ni Pedro ni Jesus iti mamintallo.

Mark 14:32-34

Ania ti imbaga ni Jesus kadagiti tallo nga adalanna nga aramidenda kabayatan nga agkararag isuna?

Imbaga ni Jesus kadakuada nga agtalinaed idiay ken agsiput.

Mark 14:35-36

Ania ti ingkararag ni Jesus?

Inkararag ni Jesus a daytoy nga oras ket pumanaw koma manipud kenkuana.

Mark 14:37-39

Ania ti nasarakan ni Jesus idi nagsubli iti ayan dagiti tallo nga adalan?

Nasarakan ni Jesus dagiti tallo nga adalanna a matmaturog.

Mark 14:40-50

Ania ti nasarakan ni Jesus iti maikadua a daras a nagsubli manipud iti panagkararagna?

Nasarakan ni Jesus dagiti tallo nga adalanna a matmaturog.

Mark 14:51-52

Ania ti inaramid iti agtutubo a lalaki a nangsursurot ken ni Jesus idi tiniliwda ni Jesus?

Nabati ti agtutubo a lalaki ti lupotna a lino ket nagtaray a lamulamo.

Mark 14:53-54

Sadino ti ayan ni Pedro idi naipan ni Jesus iti kangatoan a padi?

Nagtugaw ni Pedro kadagiti agbanbantay, iti asideg ti apuy nga agpabpabara.

Mark 14:55-65

Ania ti saan a nasayaat idiay pammaneknek a maibusor ke nni Jesus a naited iti Konseho?

Ti pammaneknek a maibusor ken ni Jesus ket ulbod ken saan nga maiyanamong.

Mark 14:66-70

Ania ti sungbat ni Pedro iti babaonen a babai a nagkuna a ni Pedro ket kadua ni Jesus?

Insungbat ni Pedro a saanna nga ammo wenno maawatan ti maipanggep iti ibagbaga ti babai.

Mark 14:71-72

Ania ti insungbat ni Pedro idi dinamagda isuna iti maikatlo a daras no isuna ti maysa kadagiti adalan ni Jesus?

Nagsapata ni Pedro ket ingkabilna ti bagina iti pannakailunod a saanna nga am-ammo ni Jesus.

Mark 15

Mark 15:1-3

Nasapa iti bigat, ania ti inaramid dagiti panguloen a papadi ken ni Jesus?

Nasapa iti bigat, ginalutanda ni Jesus ket impaimada ken ni Pilato.

Mark 15:4-5

Kabayatan a dagiti panguloen a papadi ket iparparangda ti adu a pammabasol a maibusor ken ni Jesus, ania ti nagsiddaawan ni Pilato kenkuana?

Nagsiddaaw ni Pilato ta saanen a sinungbatan ni Jesus isuna.

Mark 15:6-8

Ania ti masansan nga ar-aramiden ni Pilato para kadagiti adu a tattao iti tiempo ti piesta?

Masansan a wayawayaan ni Pilato ti maysa a balud a kiddawen dagiti tattao iti tiempo ti fiesta.

Mark 15:9-11

Apay a kayat ni Pilato a wayawayaan ni Jesus kadagiti adu a tattao?

Ammo ngamin ni Pilato nga apal ti makagapu nga impaima dagiti panguloen a papadi ni Jesus kenkuana.

Siasino ti impukkaw dagiti adu a tattao a mawayawayaan, ken ania ti inaramidna a nakaigapuan nga isuna ket adda iti pagbaludan?

Impukkaw dagiti adu a tattao a ni Barrabas, a maysa a mamapatay ti mawayawayaan.

Mark 15:12-15

Ania ti imbaga dagiti adu a tattao a masapul a maaramid iti Ari dagiti Judio?

Kinuna dagiti adu a tattao a ti Ari dagiti Judio ket rumbeng a mailansa idiay krus.

Mark 15:16-18

Kasano ti panangkawes dagiti bunggoy dagiti suldado ken ni Jesus?

Kinawesan dagiti suldado ti lila ni Jesus ket kinoronaanda isuna iti natiritir a balangat a sisiit.

Mark 15:19-21

Siasino ti nangbaklay iti krus ni Jesus?

Maysa a lumablabas a managan Simon a taga Cirene, pinilitda a baklayenna ti krus ni Jesus.

Mark 15:22-24

Ania ti nagan iti lugar a nangipanan dagiti suldado ken ni Jesus tapno ilansada isuna iti krus?

Ti nagan ti lugar ket Golgota, a ti kayatna a sawen ket Lugar dagiti Bangabanga.

Ania ti inaramid dagiti suldado kadagiti kawes ni Jesus?

Nagbibinnunotan dagiti suldado dagiti kawes ni Jesus.

Mark 15:25-28

Ania a pammabasol ken ni Jesus ti insurat dagiti suldado iti pagilasinan?

Insurat dagiti suldado “Ti Ari dagiti Judio” iti pagilasinan.

Mark 15:29-30

Ania a karit ti imbaga dagiti lumablabas nga aramiden ni Jesus?

Kinarit dagiti lumablabas ni Jesus nga isalakanna ti bagina ken bumaba manipud iti krus.

Mark 15:31-32

Ania ti imbaga dagiti panguloen a papadi a masapul nga aramiden ni Jesus tapno mamatida?

Kinuna dagiti panguloen a papadi a masapul a bumaba ni Jesus manipud iti krus tapno mamatida.

Ania a sasao a pangawag ti inaramat dagiti panguloen a papadi kas pananglaisda ken ni Jesus

Inawaganda a ni Jesus a Cristo ken Ari ti Israel.

Mark 15:33-35

Ania ti napasamak iti maikainnem nga oras?

Iti maikainnem nga oras, simmipnget ti entero a daga.

Ania ti impukkaw ni Jesus iti maikasiam nga oras?

Impukkaw ni Jesus, “Diosko, Diosko, apay a binaybay-annak?”

Mark 15:36-38

Ania ti inaramid ni Jesus sakbay a matay isuna?

Nagpukkaw isuna iti napigsa a timek sakbay a natay isuna.

Ania ti napasamak iti templo idi natay ni Jesus?

Napigis a naguddua ti kurtina ti templo manipud ngato inggana baba idi natay ni Jesus.

Mark 15:39-41

Ania ti imbaga ti senturion idi nakitana no kasano ti pannakatay ni Jesus?

Imbaga ti senturion a daytoy a tao ket pudno nga isu ti Anak ti Dios.

Mark 15:42-47

Iti ania nga aldaw a natay ni Jesus?

Natay ni Jesus iti aldaw sakbay ti Aldaw a Panaginana.

Ania ti inaramid ni Jose a taga Arimatea kalpasan a natay ni Jesus?

Dinawat ni Jose a taga Arimatea ti bagi ni Jesus ken ni Pilato, innalana isuna manipud iti krus, binungonna isuna iti lino a kawes, ken impaiddana isuna iti tanem, nangitulid iti bato a mangserra iti ruangan ti tanem.

Mark 16

Mark 16:1-2

Kaano a napan dagiti babbai idiay tanem ni Jesus a manglana iti bagina?

Napan dagiti babbai iti tanem iti umuna nga aldaw ti lawas idi agsingising ti init.

Mark 16:3-4

Kasano a simrek dagiti babbai iti tanem uray no adda sadiay pagserrekan ti nakadakdakkel unay a bato?

Adda ti nangituliden iti nakadakdakkel a bato manipud iti pagserrekan.

Mark 16:5-8

Ania ti nakita dagiti babbai idi simrekda iti tanem?

Nakakita dagiti babbai ti agtutubo a lalaki a nakakawes iti puraw a kawes nga agtugtugaw iti makannawan a sikigan.

Ania ti imbaga ti agtutubo a lalaki maipanggep ken ni Jesus?

Imbaga ti agtutubo a lalaki a ni Jesus ket nagungaren ken awanen isuna sadiay.

Sadino ti imbaga ti agtutubo a lalaki a mabalinda a pakakitaan ken ni Jesus?

Imbaga ti agtutubo a lalaki a ni Jesus ket makita dagiti adalanna idiay Galilea.

Mark 16:9-11

Siasino ti umuna a nagparangan ni Jesus kalpasan ti panagungarna?

Nagparang nga immuna ni Jesus ken ni Maria Magdalena.

Kasano a simmungbat dagiti adalan ni Jesus idi imbaga ni Maria kadakuada a nakitana ni Jesus a sibibiag?

Saan a pinati dagiti adalan isuna.

Mark 16:12-13

Kasano a simmungbat dagiti adalan ni Jesus idi imbaga ti dua a sabali a tattao kadakuada a nakitada ni Jesus a sibibiag?

Saan a pinati dagiti adalan ida.

Mark 16:14-16

Idi nagparang isuna kadagiti adalan, ania ti imbaga ni Jesus kadakuada maipanggep iti kinaawan pammatida?

Binabalaw ni Jesus dagiti adalan gapu iti kinaawan pammatida.

Ania a bilin ti inted ni Jesus kadagiti adalanna?

Imbilin ni Jesus kadagiti adalan a mapanda iti amin a lubong ket ikasabada ti ebanghelio.

Siasino ti imbaga ni Jesus a maisalakan?

Imbaga ni Jesus a dagidiay mamati ken mabautisaran ti maisalakan.

Siasino ti imbaga ni Jesus a madusa?

Imbaga ni Jesus a dagidiay saan a mamati ti madusa.

Mark 16:17-18

Ania a pagilasinan ti imbaga ni Jesus a mapan kadagidiay namati?

Imbaga ni Jesus a dagiti namati paksiatenda dagiti demonio, agsaoda iti baro a pagsasao, saanda a maan-ano iti aniaman a makapatay, ken paimbagenda dagiti dadduma.

Ania ti napasamak ken ni Jesus kalpasan a nagsao isuna kadagiti adalan?

Kalpasan a nagsao isuna kadagiti adalan, naipangato ni Jesus sadi langit ket nagtugaw iti makannawan nga ima ti Dios.

Mark 16:19-20

Ania ti inaramid dagiti adalan?

Pimmanaw ngarud dagiti adalan ket nangasabada iti sadinoman.

Ania ngarud ti inaramid ti Apo?

Nakipagtrabaho ngarud ti Apo kadagiti adalan ken pinatalgedna ti sao babaen kadagiti milagro a pagilasinan.