Habakkuk
Habakkuk 1
Habakkuk 1:2
Ania ti sinaludsod ni Habakkuk kenni Yahweh a kas panangirugina iti pakaammona?
Salsaludsoden ni Habakkuk kenni Yahweh no apay a saanna nga impangag ken insalakan isuna, uray no nagkiddaw isuna iti tulong.
Habakkuk 1:3
Ania ti naipakita kenni Habakkuk?
Naipakita kenni Habakkuk ti kinadangkes, saan nga umno nga aramid, pannakadadael, kinaranggas, panagraranget ken panagaapa.
Habakkuk 1:4-5
Ania a kita ti hustisia ti agtultuloy?
Agtultuloy ti ballikug a hustisia.
Habakkuk 1:6
Ania ti imbaga ni Yahweh kenni Habakkuk a makitananto kadagiti aldawna?
Imbaga ni Yahweh a makitanto ni Habakkuk dagiti Caldeo nga agmarmartsa iti entero a daga tapno tagikuaenda dagiti pagtaengan.
Habakkuk 1:7-8
Ania a kita a tattao dagiti Caldeo?
Nakaam-amak ken nakabutbuteng dagiti Caldeo.
Habakkuk 1:9
Ania ti inurnong dagiti Caldeo babaen iti kinaranggas?
Inurnong dagiti Caldeo dagiti balud a maiyarig iti darat babaen iti kinaranggas.
Habakkuk 1:10-11
Ania ti kagagalad dagiti Caldeo para kadagiti ari ken mangiturturay?
Lalaisenda dagiti Caldeo dagiti ari ken dagiti mangiturturay.
Habakkuk 1:12
Siasino ti nangibilin nga umay ken mangiyeg iti panangukom dagiti Caldeo?
Ni Yahweh ti nangibilin kadagiti Caldeo nga umay ken mangiyeg iti panangukom dagiti Caldeo.
Ania dagiti titulo nga ar-aramaten ni Habakkuk para kenni Yahweh?
Ar-aramaten ni Habakkuk dagiti titulo a “Diosko,” “ti Nasantoan,” ken “O Bato” para kenni Yahweh.
Habakkuk 1:13-14
Ania ti sinaludsod wenno inyasug ni Habakkuk kenni Yahweh?
Salsaludsoden ni Habakkuk ni Yahweh no apay a naulimek isuna kabayatan nga al-alun-onen dagiti nadangkes dagiti nalinlinteg.
Habakkuk 1:15-16
Ania a trabaho ti imbaga ni Habakkuk a kaiyarigan ti panagurnong kadagiti tattao para iti panangukom?
Imbaga ni Habakkuk a ti panagurnong kadagiti tattao para iti panangukom ket kasla panagurnong iti ikan babaen kadagiti iket.
Habakkuk 1:17
Ania a rikna ti awan kadagiti mangpatpatay kadagiti nasion?
Awanan asi dagiti mangpatpatay kadagiti nasion.
Habakkuk 2
Habakkuk 2:1
Apay nga agwanwanawan a nasayaat ni Habakkuk?
Agwanwanawan a nasayaat ni Habakkuk tapno makitana ti kayat ni Yahweh nga ibaga kenkuana.
Habakkuk 2:2
Ania ti imbaga ni Yahweh nga aramidenna kenni Habakkuk iti sirmata?
Imbaga ni Yahweh nga isurat ni Habakkuk ti sirmata kadagiti tapi.
Habakkuk 2:3-7
Ania ti impanamnama ni Yahweh nga intedna kenni Habakkuk maipanggep iti daytoy a sirmata a maipapan iti masakbayan?
Impanamnama ni Yahweh kenni Habakkuk a mapasamakto daytoy a sirmata uray maitantan daytoy.
Habakkuk 2:8
Ania ti imbaga ni Yahweh a mapasamakto iti natangsit nga agtutubo a lalaki a nangsamsam kadagiti adu a nasion?
Imbaga ni Yahweh a ti natangsit nga agtutubo a lalaki ket masamsamto babaen kadagiti nabati kadagiti tattao.
Habakkuk 2:9-10
Siasino dagiti immuna nga impakaammo ni Yahweh a kakaasi pay?
Impakaammo ni Yahweh nga asi pay dagiti agar-aramid iti kinadakes para iti balayna.
Habakkuk 2:11
Ania ti imbaga ni Yahweh nga agasugto gapu iti bain ken basol?
Imbaga ni Yahweh nga agasugto dagiti bato gapu iti bain ken basol.
Habakkuk 2:12-13
Siasino ti maikadua nga impakaammo ni Yahweh nga asi pay?
Impakaammo ni Yahweh nga asi pay dagiti mangipatpatakder iti maysa a siudad babaen iti dara ken kinadangkes.
Habakkuk 2:14
Ania ti inkari ni Yahweh a mapasamak iti daga iti masakbayan?
Inkari ni Yahweh a mapunnonto ti daga iti pannakaammo iti dayag ni Yahweh.
Habakkuk 2:15
Siasino ti maikatlo nga impakaammo ni Yahweh a kakaasi pay?
Impakaammo ni Yahweh nga asi pay dagiti mangipainum iti iti kaarrubana iti sabidong tapno makitana ti kinalamu-lamoda.
Habakkuk 2:16-17
Anianto ti umay iti daydiay a mangipainum iti karrubana iti sabidong?
Ti kopa nga adda iti makannawan nga ima ni Yahweh ket umayto iti daydiay a mangipainum iti karrubana iti sabidong.
Habakkuk 2:18-19
Ania ti pagtaltalkan ti maysa a mangitkitikit iti ladawan?
Agtaltalek isuna iti aramid ti bukod nga ima idi inaramidna dagitoy nga umel a dios.
Habakkuk 2:20
Ania ti masapul a maaramid iti sangoanan ni Yahweh, nga adda iti nasantoan a templona?
Masapul nga agulimek amin iti sangoanan ni Yahweh iti nasantoan a templona.
Habakkuk 3
Habakkuk 3:2-4
Idi nangngeganna ti padamag ni Yahweh, ania ti rikna ni Habakkuk?
Idi nangngeganna ti padamag ni Yahweh, nagbuteng ni Habakkuk.
Ania ti kiniddaw ni Habakkuk a masapul a lagipen ni Yahweh?
Kiniddaw ni Habakkuk kenni Yahweh a lagipenna ti kinamanangngaasina iti pungtotna.
Habakkuk 3:5
Idi immay ti Dios, ania ti napan iti sangoanan ken iti likudanna?
Idi immay ti Dios, napan ti peste iti sangoananna ken didigra iti likudanna.
Habakkuk 3:6-13
Ania ti inaramid ni Yahweh kadagiti nasion iti pungtotna?
Ginungon ni Yahweh dagiti nasion.
Habakkuk 3:14-15
Ania ti inaramid dagiti nadangkes a mannakigubat idi immayda tapno iwarawara dagiti tattao ni Yahweh?
Nagpasindayaw dagiti mannakigubat kadagiti tattao ni Yahweh.
Habakkuk 3:16
Ania ti ur-urayen ni Habakkuk a siuulimek?
Siuulimek a mangur-uray ni Habakkuk iti aldaw ti tuok kadagiti tattao a nangraut kadagiti tattao ni Yahweh. [3:16}
Habakkuk 3:17
Ania ti kinarigat a sagsagabaen dagiti tattao ni Yahweh?
Saan nga agbungbunga dagiti kayo nga igos ken olibo, saan a mangipapaay iti taraon dagiti talon ken awan ti ayup.
Habakkuk 3:18-19
Iti laksid ti kinarigat, anianto ti aramiden ni Habakkuk?
Iti laksid ti kinarigat, agragsakto latta ni Habakkuk kenni Yahweh.