Ti Pannakaparsua

Kastoy ti nangrugian dagiti amin a banbanag. Pinarsua iti Dios ti sangalubongan ken amin nga adda sadiay iti innem nga aldaw. Kalpasan a pinarsua iti Dios ti lubong, nakasipsipnget daytoy, pulos nga awan kargana ken awan iti uray aniaman a nailanga ditoy. Ti Espiritu iti Dios ket adda iti rabaw dagiti danum.

Kalpasanna, kinuna iti Dios, “Maadda iti lawag.” Naadda ngarud iti lawag. Nakita iti Dios a nasayaat ti lawag ket inawaganna daytoy iti “aldaw”. Insina iti Dios ti lawag manipud iti sipnget ket inawaganna iti “rabii.” Pinarsua iti Dios ti lawag iti umuna nga aldaw iti panagparsua.

Iti maikadua nga aldaw iti panagparsua, nagsao ti Dios, pinarsuana ti tangatang iti ngatoen iti daga. Pinarsuana ti tangatang babaen iti panangisinana iti danum sadiay ngato ken ti danum nga adda iti baba.

Iti maikatlo nga aldaw, nagsao ti Dios, insinana ti danum manipud iti namaga a daga. Ti namaga a paset ket inawaganna iti "daga", ti danum ket inawaganna iti "baybay". Nakita iti Dios a ti pinarsuana ket nasayaat.

Kalpasanna, kinuna iti Dios, “Maadda iti daga dagiti amin a kita iti kaykayo ken mulmula.” Naaramid ngarud nga kasta kas kinuna iti Dios. Nakita iti Dios a nasayaat ti pinarsuana.

Iti maika-uppat nga aldaw iti panagparsua, nagsao ti Dios, inaramidna ti init, ti bulan ken dagiti bitbituen. Pinarsua iti Dios dagitoy tapno mangted iti lawag iti lubong. Pagilasinan iti aldaw ken rabii kasta met dagiti panpanawen ken tawtawen. Nakita iti Dios a nasayaat ti pinarsuana.

Iti maikalima nga aldaw, nagsao iti Dios, pinarsuana dagiti amin nga aglanglangoy iti danum ken amin a kita ti billit. Nakita iti Dios a nasayaat dagitoy ket binendisionanna ida.

Iti maika-innem nga aldaw iti panagparsua kinuna iti Dios, “Maadda amin a kita iti ay-ayup iti daga!” Napasamak a kasta kas kinuna ti Dios. Sumagmamano kadagitoy ket dingwen, atap ken agkaradap iti daga ti dadduma kadakuada. Nakita ngarud iti Dios a nasayaat dagitoy.

Kinuna ti Dios, “Agaramidtayo iti tattao a kaas-asping tayo. Iturayandanto ti daga ken kadagiti ay-ayup.”

Nangala ti Dios iti tapuk ket dinamilina a lalaki, inikkanna daytoy iti biag. Pinanaganan iti Dios daytoy a tao iti Adan. Nangaramid ti Dios iti minuyungan a pagnaedan ni Adan ket insaadna a mangaywan iti daytoy.

Nagmula ti Dios iti dua a naidumduma a kayo iti tengnga ti minuyongan. Dagitoy a kayo ket isu ti kayo iti biag ken kayo ti pannakaammo iti nasayaat ken dakes. Kinuna iti Dios kenni Adan, mabalinna a kanen ti bunga ti aniaman a kayo idiay minuyongan malaksid iti bunga iti kayo iti pannakaammo iti nasayaat ken dakes. No mangan isuna manipud iti bunga dayta a kayo ket matayto.

Kinuna iti Dios, “Saan a nasayaat nga agmaymaysa ti lalaki.” Awan kadagiti ayup ti mabalin a mangkadua ken ni Adan.

Pinaturog iti Dios ni Adan agingga a narnekan. Nangala ti Dios iti maysa a paragpag ni Adan ket inaramidna daytoy a babai. Impan iti Dios ti babai ken ni Adan.

Naragsakan ni Adan idi nakita na ti babai, kinunana, “Imbag la ketdin! Addan iti kaduak a kapadpadak, awagak daytoy iti "'Babai"' gapu ta naaramid manipud iti lalaki.” Daytoy ti gapuna a panawan ti lalaki dagiti nagannakna tapno makitipon iti asawana ket agbalinda a maymaysa.

Inaramid iti Dios ti lalaki ken babai a kaas-aspingna. Binendisionan ida iti Dios ket kinunana kadakuada, “Aganakkayo iti adu ket maaddaankayo iti adu nga appuko agingga nga mapunnoyo ti lubong!” Idin nakita iti Dios a nakasaysayaat dagiti amin nga inaramidna ket naay-ayo unay kadagitoy. Daytoy ti napasamak iti maika-innem nga aldaw iti panagparsua.

Naginana ti Dios iti maikapito nga aldaw agsipud ta nalpas aminen nga inaramidna. Binendisionan iti Dios ti maikapito nga aldaw. Pinagbalinna daytoy a nasantoan gapu ta naginana iti panagtrabahona. Kasta ti panangparsua iti Dios iti sangalubongan ken dagiti amin a banbanag.

Istorya iti Biblia manipud: Genesis 1-2