Binautisaran ni Juan ni Jesus

Dimmakkel ti anak ni Zacarias ken ni Elisabet a ni Juan. Nagbalin isuna a maysa a profeta. Nagnaed ni Juan idiay let-ang. Diro ken dudon ti kankanenna. Naaramid met dagiti kawesna manipud iti buok iti kamelio.

Mapmapan dagiti adu a tattao idiay let-ang tapno agdingegda kenni Juan. Nangasaba isuna kadakuada ket kinunana, "Agbabawi kayo kadagiti basbasolyo, ta asidegen ti iyuumay iti pagarian iti Apo."

Nangngeg dagiti tattao ti mensahe ni Juan, gapu iti dayta adu kadakuada ti nagbabawi kadagiti basbasolda. Binautisaran ni Juan dagiti tattao. Adu met kadagiti panguloen iti relihiyon iti napan nagpabautisar kenni Juan. Uray no kasta, saanda a nagbabawi wenno inaklon dagiti basbasolda.

Kinuna ni Juan kadagiti panguloen iti relihiyon, "Gapu ti kinaulbodyo, kasla kayo uleg! Agbabawi kayo ken agbalbaliw kayon. Mapukan ti kayo a saan nga agbunga iti nasayaat ken maibelleng iti apoy." Tinungpal ni Juan ti imbaga dagiti propeta a, “Kitaem, ibaonkunto ti maysa a profeta nga umun una ngem sika. Isaganananto dagiti tattao tapno agdinggegda kenka."

Dinamag dagiti dadduma a Judio ni Juan no isuna ti Mesias. Simmungbat ni Juan ket kinunana, " Saan a siak ti Mesias. Adda umay a sumaruno kaniak. Natan-ok launay isuna nga uray siak ket saan a maikari a mangwarwar iti tali iti sandalyasna."

Ti sumaruno nga aldaw, napan nagpabautisar ni Jesus kenni Juan. Kinuna ni Juan idi nakita na ni Jesus," Kitaenyo! Addan ti kordero iti Dios a mangikkat kadagiti basbasol dagiti tattao."

Kinuna ni Juan kenni Jesus, "Saanak a maikari a mangbautisar kenka, sika koma ti rumbeng a mangbautisar kaniak." Kinuna ni Jesus," Masapul a bautisarannak ta daytoy ti rumbeng a maaramid." Binautisaran ngarud ni Juan ni Jesus urayno saan met a managbasol daytoy.

Idi timmakdang ni Jesus kalpasan a nabautisaran, nagparang ti Espiritu iti Dios kas maysa a kalapati. Bimmaba daytoy ken nagdisso kenkuana. Iti dayta met laeng a tiempo, nagtimek ti Dios manipud iti langit, kinunana, "Sika ti Anakko nga ay-ayatek. Maay-ayo ak launay kenka."

Imbagan idi iti Dios kenni Juan, "Bumabanto ti Espiritu Santo ken agdisso iti maysa a tao a bautisaram. Dayta a tao ket ti Anak iti Dios." Maymaysa laeng ti Dios. Uray no kasta, idi binautisaran ni Juan ni Jesus, nangngegna ti Dios Ama a nagsao, nakitana ti Dios Anak a ni Jesus ken nakitana ti Espiritu Santo.

Istorya ti Biblia manipud: Mateo 3; Marcos 1:9-11; Lucas 3:1-23