Ti Pannakaiyanak Ni Jesus

Naitulagen ni Maria a maiyasawa iti maysa a nalinteg a lalaki nga agnagan iti Jose. Idi nadamag ni Jose a masikog ni Maria, ammonan a saan nga isuna ti ama iti ubing. Saanna kayat a maibabain ni Maria isu a pinanunotna a sinaan a sililimed daytoy. Ngem nagtimek kenkuana ti maysa nga anghel babaen iti tagtagainep sakbay a maaramidna daytoy.

Kinuna iti anghel, "Jose saanka nga agbuteng a mangasawa kenni Maria. Ti ubing a sikogna ket manipud iti Espiritu Santo. Aganakto isuna iti lalaki ket panaganam iti Jesus [ kayat na a sawen ket Mangisalakan ni Yaweh ] agsipudta isalakannanto dagiti tattao kadagiti basbasolda."

Inasawa ngarud ni Jose ni Maria, inyawidna iti balayna. Uray no kasta, saanna pulos a kinakaidda agingga a naganak isuna.

Asidegen idi ti panaganak ni Maria, adda bilin iti gobyerno iti Roma a masapul a mapan agpalista dagiti tattao kadagiti ili a nagtaudan dagiti kapuonanda, tapno maibilang ida iti gobyerno. Nagdalyasat garud ni Jose ken Maria manipud iti Nazaret a pagnanaedanda, napanda idiay Betlehem, ti ili ni David a kapuonanda.

Simmangpetda idiay Betlehem ngem awan ti mabalin a pagdagusanda. Ti laeng mabalin a pagturugan ket ti lugar a pagiyap-apunan kadagiti dingwen. Naipasngay ti ubing ket impaidda ni inana iti maysa a kulloong gapu ta awan ti pagiddaanna. Pinanagananda iti Jesus ti ubing.

Nagparang ti maysa a makapurar nga anghel kadagiti agpaspastor iti asideg iti taltalonda ket nagdanagda. Kinuna ti anghel, "Saankayo nga agbuteng, adda naaimbag a damag a maipaay kadakayo. Ti Mesias, ti Apo, ket naiyanak idiay Betlehem!"

"Inkayo sapulen ket mabirukanyonto ti maysa nga ubing a nabalkot iti lupot ken nakaidda iti maysa a kulluong. Pagammoan napno ti tangatang kadagiti anghel nga agdydayaw iti Dios ket kinunkunada, "Madaydayaw ti Dios iti langit ken maadda koma ti talna ditoy lubong, ken kadagiti tattao a pinaraburanna!"

Nasarakan dagiti agpaspastor ni Jesus a nakaidda iti maysa a kulluong kas imbaga iti anghel kadakuada. Naragsakanda unay. Gapu kadagiti nakita ken nangngeg da, nagsublida iti ayan dagiti karneroda a nagdaydayaw iti Dios.

Ti saan a nabayag, nakakita iti saan a gagangay a bituen dagiti mamasirib manipud kadagiti nasion idiay daya. Nailasinda ti kayat na a sawen ket naiayanak ti baro nga ari dagiti Judio. Nagdalyasatda iti adayo tapno mapanda kitaen ti ari. Nasarakanda ti balay ni Jesus ken dagiti nagannakna idiay Betlehem.

Nagrukbab ken nagdayaw dagiti mamasirib idi nakitada ni Jesus ken ni inana. Inikkanda ni Jesus kadagiti nangingina a sagsagot, kalpasanna nagawiddan.

Istorya ti Biblia manipud: Mateo 1; Lucas 2