Sinulisog ni Satanas ni Jesus

Indalan iti Santo Espiritu ni Jesus iti let-ang kalpasan iti pannakabautisarna, tapno agayunar iti uppat a pulo nga aldaw ken uppat a pulo a rabii. Napan ni Satanas kenni Jesus tapno sulisogenna daytoy tapno agbasol.

Sinulisog ni Satanas ni Jesus, kinunana, "No sika ti Anak iti Dios, pagbalinnemman a tinapay dagitoy a batbato tapno adda kanem."

Simmungbat ni Jesus, "Naisurat iti sao iti Dios a saan laeng a tinapay ti kasapulan iti tao tapno agbiag, no di ket kasapulanda dagiti sasao a naggapo iti Dios."

Inturong ni Satanas ni Jesus iti kangatuan a paset iti templo, kinunana, "No sika ti Anak ti Dios, tumapuakka, agsipud ta naisurat, ibaon iti Dios dagiti anghelesna a mangawit kenka tapno saan a madangran dagita sakam iti bato."

Simmungbat ni Jesus kenni Satanas, babaen iti sao iti Dios kinunana, "Inbilin iti Dios kadagiti tattaona a,`Saanmo a padasen ti Apo a Diosmo.'"

Impakita ni Satanas ken Jesus dagiti amin a pagpagarian iti lubong ken amin a dayagda, kinunana, "Itedko amin dagitoy kenka no agrukbab ken agdayawka kaniak."

Simmungbat ni Jesus, "Umadayoka kaniak Satanas! Ti sasao iti Dios, Imbilinna kadagiti tattaona a `Ti Apo a Diosmo laeng ti inka dayawen ken pagserbian.'"

Pimmanaw ni Satanas gapu ta saan nga impalubos ni Jesus a masulisug isuna. Immay dagiti anghel ket nagserbida ken ni Jesus.

Istorya ti Biblia manipud: Mateo 4:1-11; Marcos 1:12-13; Lucas 4:1-13