Ni Jesus Ti Naikari A Mesias

Idi pinarsua iti Dios ti lubong, naan-anay dagiti amin a banbanag. Awan ti basol. Agin-innayat ni Adam ken ni Eba ken ay-ayatenda iti Dios. Awan ti saksakit ken ipapatay. Daytoy ti wagas a kayat iti Dios a mapasamak iti lubong.

Nakisarita ni Satanas ken ni Eba babaen iti uleg idiay minuyungan iti Eden tapno allilawenna isuna. Nagbasol ni Adan kenEba iti Dios. Gapu iti daytoy, naadda iti sakit ken ipapatay kadagiti tattao ditoy lubong.

Gapu ta nagbasol ni Adan ken Eba, kimmaro dagiti kasasaad dagiti tattao. Kinagura idan iti Dios. Kas supapakna, naiyanak amin a tao a managbasol ken kabusor iti Dios. Gapu iti basol, naisina ti tao iti Dios ngem pinanggepna a maisubli dayta a langenlangen.

Inkari iti Dios a maysanto kadagiti kaputotan ni Eba ti mangrim-it iti ulo ni Satanas, ngem sugatento ni Satanas ti mukodna. Kayatna a sawen, papatayento ni Satanas ti Mesias ngem pagungarento iti Dios. Parmekento iti Mesias ti pannakabalin ni Satanas iti agnanayon. Kalpasan iti adu a tawen, impakita iti Dios a ni Jesus ti Mesias.

Idi dinadael iti Dios ti lubong babaen iti layus, nagpaaramid iti daong tapno maisalakan dagiti tattao a namati kenkuana. Iti daytoy met laeng a wagas rumbeng laeng a madusa dagiti amin a tattao gapu iti basbasolda, ngem imbaon iti Dios ni Jesus tapno maisalakan dagiti amin a mamati kenkuana.

Iti las-ud iti ginasgasut a tawen, nagtultuloy a nagidaton dagiti papadi iti Dios tapno maipakita kadagiti tattao ti maiparbeng a dusa kas supapak dagiti basbasolda. Saan a mapakawan dagiti basolda babaen iti daton. Ni Jesus ti Katan-okan a Padi. Saan a kas kadagiti gagangay a padi, indatonna ti bagina. Isu ti kakaisuna a daton tapno mapakawan dagiti basbasol iti tattao ditoy lubong. Ni Jesus ti Katan-okan a Padi. Inaklonna ti dusa tapno mapakawan ti anyaman a basol dagiti tattao.

Kinuna ti Dios ken ni Abraham, "Mabendisionan amin a tattao ditoy lubong babaen kenka." Nagtaud ni Jesus iti kaputotan ni Abraham. Mabendisionan amin a tattao ditoy lubong babaen kenkuana. Naisalakan manipud iti basol amin a mamati kenkuana, ken agbalinda a naespirituan a kaputotan ni Abraham.

Idi imbaga iti Dios ken ni Abraham nga idatonna ti anakna a lalaki a ni Isaac, nangted ti Dios iti karnero a maidaton kas kasukat iti anakna a ni Isaac. Rumbeng laeng a matay tayo amin gapu kadagiti basoltayo ngem inted iti Dios ni Jesus, ti karnero iti Dios a kas daton a matay gapu kadatayo.

Idi inted iti Dios iti maudi a didigra idiay Egipto, imbagana iti tunggal pamilya dagiti Israaelita a mangpatayda iti kapintasan a karnero. Iwarasda ti darana iti ngato ken igid dagiti ruangan iti babbalayda. Idi makita iti Dios ti dara linabsanna dagiti balayda. Saanna a pinatay dagiti inuuna nga annakda a lalaki. Maaw-awagan nga Ilalabas daytoy a pasamak.

Ni Jesus ti napapatay a kas Karnero idi panawen iti Ilalabas. Naan-anay ken awan basol ni Jesus. Pinatayda isuna iti panawen iti panagrambak iti Ilalabas. Subbuten iti dara ni Jesus ti basol iti siasinoman a mamati kenkuana. Saanen ida a dusaen iti Dios.

Nakitulag ti Dios kadagiti napilina a tattao, dagiti Israelita. No pay kasta, nagaramid ti Dios iti baro a tulag a maipaay iti tattao. Gapu iti daytoy, pagbalinen ti Dios a tattaona ti siasinoman manipud iti anyaman a bunggoy babaen iti panamatida kenni Jesus.

Natan-ok ni Moises a profeta a nangiwaragawag iti sao iti Dios. Ni Jesus ti katan-okan kadagiti isu amin a profeta. Isuna ket Dios, amin nga inaramidna ken imbagana ket ar-aramid ken sasao iti Dios. Gapu iti dayta, naawagan ni Jesus a sao iti Dios.

Inkari iti Dios ken ni ari David a maysa kadagiti kaputotanna ti agnanayon a mangituray kas ari dagiti tattao iti Dios. Gapu ken ni Jesus ket anak iti Dios ken Mesias, isuna ti naisangsangayan a kaputotan ni David, ti makabael nga agturay iti agnanayon.

Ni David ket ari iti Israel, ngem ni Jesus ket Ari iti lubong! Agsublinto isuna ket iturayanna ti pagarian nga addaan hustisia ken kappia iti agnanayon.

Istorya ti Biblia manipud: Genesis 1-3, 6, 14, 22; Exodo 12, 20; 2 Samuel 7; Hebreo 3:1-6, 4:14-5:10, 7:1-8:13, 9:11-10:18; Paltiing 21