Rinugian ni Jesus iti Panagserbina

Kalpasan a napagballigian ni Jesus ti panangsulisog ni Satanas, nagsubli ni Jesus iti ili iti Galilea a pagnanaedanna a napnoan iti pannakabalin iti Espiritu Santo. Napan nangisuro ni Jesus iti nadumaduma a lugar. Nasayaat ti imbagbaga iti tunggal maysa maipapan kenkuana.

Nagsubli ni Jesus idiay ili iti Nazaret a nagnaedanna idi ubing pay isuna. Napan isuna iti lugar iti pagdaydayawan iti aldaw iti panaginana. Inyawatda kenkuana ti libro nga insurat ni profeta Isaias tapno basaenna ti nailanad iti daytoy. Linukatan ni Jesus ti libro ket imbasana kadagiti tattao ti maysa a paset.

Binasa ni Jesus daytoy, "Inikkannak iti Dios iti pannakabalin babaen iti Espiritu Santo tapno maikasabak ti naimbag a damag kadagiti napapanglaw, pannakawayawaya dagiti balod, pannakakita dagiti bulsek ken pannakaruk-at dagiti maparparigat. "Daytoy ti tawen nga naparabor iti Apo kadagiti tao."

Kalpasan daytoy, nagtugaw ni Jesus ket kimmita amin dagiti tattao kenkuana. Ammoda a maipapan iti Mesias ti linaon iti naibasa a kasuratan. Kinuna ni Jesus, "Ti sao nga inbasak kadakayo ket mapaspasamaken ita." Nasdaaw amin dagiti tao, kinunada, "Saan kadi a daytoy ti anak ni Jose?"

Kinuna ni Jesus, "Kinapudnona awan ti profeta a maawat iti bukodna nga ili. Ado dagiti balo idiay Israel idi panawen ni profete Elias. Ngem idi saan a nagtudo iti tallo ket kagudua a tawen, saan nga inbaon iti Dios ni Elias tapno tulunganna ti balo a taga Israel, ngem ketdi, ti maysa a balo manipud iti sabali a nasion."

Intuloy ni Jesus ti nagsao, "Kabayatan ti panawen ni profeta Eliseo, nagadu kadagiti Israelita ti adda sakit ti kudilda. Ngem awan ti inagasan ni Eliseo kadakuada. Ti laeng sakit iti kudil ni Naaman a pangulo dagiti kabusor ti inagasanna." Judio dagiti dumdumngeg ken ni Jesus. Nakaungetda kenkuana idi nangngegda ti ibagbagana.

Inguyod dagiti taga Nazaret ni Jesus manipud iti lugar ti pagdaydayawan, impanda isuna iti igid iti teppang tapno papatayenda babaen iti panangitappuakda kenkuana sadiay. Ngem nagna ni Jesus iti tengnga dagiti adu a tattao ket pinanawanna ti ili iti Nazaret.

Napan ni Jesus iti pagillian iti Galilea, ado a tattao ti immasideg kenkuana. Inyegda dagiti masaksakit, bulsek, pilay, tuleng ken umel. Inagasan amin ida ni Jesus.

Inyegda pay kenni Jesus dagiti linuganan iti demonyo, babaen iti bilin ni Jesus, napaksiatda manipud kadagitoy a tattao, impukpukkawda, "Sika nga agpayso ti Anak iti Dios!" Nasdaaw dagiti tattao ket indaydayawda ti Dios.

Kalpasanna nangpili ni Jesus iti sangapulo ket dua nga apostolesna. Nakipagdalyasatda kenni Jesus ket nakasursuroda kenkuana.

Istorya ti Biblia manipud: Mateo 4:12-25; Marcos 1:14-15; 35-39-3:13-21; Lucas 4:14-30, 38-44