Ti Pannakaiyanak ni Juan

Ti napalabas, nagsao ti Dios kadagiti tattaona babaen kadagiti anghel ken profetana. Napalabas ti uppat a gasut a tawen a saan a nagsao ti Dios kadakuada. Ngem napan iti maysa nga anghel iti Dios a nangited iti mensahe iti maysa a lakay a padi, agnagan ti Zacarias. Naggapu iti Dios ti mensahe. Natulnog iti Dios ni Zacarias ken ti asawana a ni Elisabet ngem awan ti anakda.

Kinuna iti anghel ken Zacarias, "Maadaanto iti anak a lalaki ti asawam, panaganamto iti Juan. Bendisionanto iti Nasantuan nga Espiritu, isaganananto dagiti tattao para iti Mesias!" Simmungbat ni Zacarias, "Nataengan kami unayen nga agasawa tapno aganak kami pay! Kasanok a maamoan a mapasamakto daytoy!"

Simmungbat ti anghel kenni Zacarias, "Imbaonnak iti Dios tapno idanonko kenka daytoy a naimbag a damag. Gapu ta saanka a mamati kanyak, saanka a makasao agingga a maipasngay ti ubing." Kellaat a saanen a makasao ni Zacarias ket pinanawanen iti anghel isuna. Kalpasan daytoy nagawid ni Zacarias, iti saan a nabayag nagsikog ti asawana.

Nagparang ti anghel kenni Maria a kabagyan ni Elisabet, innem a bulan idin a masikog ni Elisabet. Maysa a birhen ni Maria ken naitulag a maiyasawa iti agnagan Jose. Kinuna iti anghel kenni Maria, "Agsikogkanto ket ipasngaymonto ti maysa a lalaki. Panagamto iti Jesus ta daytoy ti Anak iti Kangatoan a Dios, agarinto iti agnanayon."

Simmungbat ni Maria, "Kasano a mapasamak daytoy ket maysaak a birhen?" Inlawlawag iti anghel, "Babaen iti pannakabalin iti Dios, bendisionannakanto iti Espiritu Santo. Nasantoanto ti ubing ket isuna ti Anak iti Dios. Namati ni Maria ket inawatna ti imbaga iti anghel.

Napan simmarungkar ni Maria kenni Elisabet kalpasan a kinasarita isuna ti anghel. Idi nangngeg ni Elisabet ti kablaaw ni Maria, kellaat a nagkuti ti ubing iti unegna. Nagrag-o dagiti dua a babbai gapu iti inaramid iti Dios kadakuada. Nagyan ni Maria idiay balayda Elisabet iti las-ud iti tallo a bulan ket nagawid isuna kalpasan daytoy.

Kas inbilin iti anghel, pinanaganan ni Zacarias ken Elisabet iti Juan ti impasngay ni Elisabet. Kalpasan daytoy pinalubosanen iti Dios a makasao ni Zacarias. Kinuna ni Zacarias, "Madaydayaw ti Dios ta nalagipna dagiti tattaona! Anakko Maawagankanto a profeta iti kangatuan a Dios. Isuromto kadagiti tattao no kasanoda a magun-od ti pannakapakawan dagiti basbasolda.

Istorya ti Biblia manipud: Lukas 1