1. Al khaliga

Al gissa ti guul chunu?

1. Chunu al achia al Allah khalagahum?

   Allah khalag al dunia wa kulu chey al fooga. Khalag al nur. Hu khalag al chams, al gamar wa al nujum. Khalag al ard ma’al bahar wa ard al yabis. Khalag kulul achjar, al tuyur wal haywanat. Wa hu khalag awal rajil wa awal mara, wa sawa al jinena le yi ichu.

2. Chunu al achia al Allah ammara le yi kunu be nizam bala insan?

   Allah kalam bas gaal yi kunu, wa baad da kulul achia bano. Wa be tarikha di hu wassaf gudurta al azima.

3. Be tarikha al weenu Allah khalag al insan wa jaala farikh min al haywanat?

   Allah kharar yakhlig al insan fi surita, wa yi chaabi. Battan hu kharar yantihum al sulta foog al ard wa kulu al haywanat (1:9).

4. Weenu al chudaar al itneen al khasi’in al Allah maganahum fil jinene?

   Allah magan achjar katiriin fi jinene, lakin itneen minhum khassiin. Hu magan chadarat al haya fil jinene wa gaal le Adum takdar taakul min al fawake al talda. Battan hu magan chadarat al maarifat al kher wal cheer wa gaal le Adum kan akal min fawake hanal chadara di ti mut (1:11).

5. Chunu Allah sawa achan rajil ma yi kun weeda?

   Allah dawar le Adum wahid musa’id al yi chaabi. Lakin ma fi wahid al bi chaabi Adum, achan humma ma yakdaro yi sa’udu. Fichan da, Allah chal min Adum saaf wahid wa khalag beya al mara le ti sa’id Adum (1:12, 1:13).

6. Chunu Allah sawa baad ma khalag kulu chey?

   Baad ma Allah khalag kulu chey fi sitta ayam, hu anjamma fi yom al saabi. Allah maa bigi ayan lakin khalas kammal khidimta wa amal kulu chey. Hu baraka yom al saabi wa ja’ala yom khass (1:16).

Al gissa di maanata lena chunu?

1. Fi fikirku mala Allah khalag al insan chig min kulu khalige al fi dunia?

   Allah khalag al nas be tarikha khasa wa mukhtalifa min ayyi chey akhar. Khalag rajil min al turab wa nafakh fooga al ruh. Baad da khalag al mara min saf al rajil. Hu be da wassaf kadar al insan muhim leya ziada wa hu ja’alahum khaliga khasa (1:10, 1:13).

2. Kikef nas yi chaabu Allah wa khalagahum fi surita? Kikef humma mukhtalifin min Allah?

   Allah khalag insan al bi chaabi, lakin ma misila sawa-sawa. Be maana akhar, al nas induhum juzu min tabiat Allah farik min tabiat al haywanat. Wa lakin, nas ma musawin le Allah. Humma bi chaabu Allah achan induhummas’ulia le khaliga (1:9).

3. Fi fikirkum mala Allah katta chadarat al maarifa al kher wal cheer fil jinena wakit al hu daara le Adum ma yaakul min al fuwake hana chadara di?

   Allah dawar yanti le Adum al khiar kan hu yi taabi aw yi khalifa. Achan da, Allah magan al chadarat al maarifa al kher wal cheer fi jinene al Adum ga’id yi ich fooga. Akkad le Adum kan akal min al chadara di hu yi mut. Lakin saamaa lea yaakul min achjar al akhariin. Be sabab al da ma wajib le Adam kan yi khalif kalam Allah (1:11).

4. Fi fikirkum mala Allah khalag al mara min saf al rajil wa ma khalagaha min turab?

   Allah yi door al rajil wal mara yabgo nafsal wahid. Achan da hu ma khalag al mara rafil bakan chik-chik. Fi badal da Allah chal min saf Adum wa khalag minna Hawa. Wakit Adum chaafa le Hawa, hu fihim kadar hi bilhain ti chaabi le hu. Allah khalagaha khususun leya hu (1:13).

5. Fi fikirkum kikef mara wa rajil yabgo wahid?

   Allah dawar le rajil wa marta yi kunu induhum alakha agrab min ayyi nadum akhar. Al alakha been al mara wa rajil ti kun ziada min al alakhatuhum ma abbahatuhum. Fi kulu wakit alakhatuhum gay takhbur wa ti ziid, wa humma yi fakkuru fi chey wahid wa fi nafsal tarikha. Nas al akado tawal yaarfu chey al yi fakkuru fooga gubal ma yi hajju beya (1:14).

6. Mala Allah gaal kulu achia al hu sawahum humma adiliin marawahit?

   Allah khalag kulu chey le yistafugu wa yi tammumu muradaata (1:15).

7. Chunu al Allah yi door nas yi sawu fi yom al saabi?

   Allah ja’al yom al saabi yom khass. Fil yom da, Allah dawar yanjammo chiya min ayam al khidime. Wajib humma yi zakuru kadar Allah khalagahum be kulu chey hawagahum. Fichan da humma ma wajib yakhadumu fi yom al saabi, achan yalgo wakit le ya’abudu Allah wa yi karumu ziada min ayam al akhariin fil uzbu (1:16).

Zibdet al kalam

Allah khalag kulu chey al mawjud. Hu kalam bas wa kulu chey fi dunia bigi. Lakin, Allah khalag awal rajil wa awal mara be tarikha khassa. Allah nafak al ruh al haya fil rajil wa min al rajil sawa al mara. Allah yi door kadar nas yi chaabu lakin ma khalagahum misil al haywanat. Allah kammal khidimta fi sitta yom, wa khassas yom al saabi achan nas yi zakuru hu wal achia al hu sawahum.