41. Allah ba’as Isa min al maytin

Al gissa di ti guul chunu?

1. Chunu al chuyukh al yahuud ga’idiin yakafo kadar al talamiiz sawu be janaza hana Isa?

   Humma kadar al talamiiz yasurgu janaza hana Isa wa yi guulu kadar hu ba’as min al maytin (41:1).

2. Kikef Bilatus akkad kadar al talamiiz ma yagdaro yasurgu janaza hana Isa?

   Bilatus ammar le chuyukh al yahuud yi khuttu al khitim fil khabur wa yi jiibu assakir le yi harussu (41:2).

3. Mata al awiin joo fil khabur?

   L awiin deel joo fil khabur baad akhir yom hanal usbu (41:3).

4. Chunu al awiin fakkaro le yi sawu fil khabur?

   Al awiin dawaro yi zubbu itir fi janaza hana Isa (41:3).

5. Yatu al dardag al hajar da min al khabur?

   Malak wahid min al sama dardag al hajar min al khabur (41:4).

6. Chunu al assakir sawo wakit al humma chaafo al malak?

   Al assakir kafo chedid wa wago fi turab misil nas al maytin (41:4).

7. Chunu al malak gaala lel awiin be chey al hassal le Isa?

   Al malak gaal lehum kadar Isa mafi fil bakan wa hu ba’as min al maytin (41:5).

8. Chunu al malak gaala lel awiin kadar humma lazim yi hajju lel talamiiz?

   Hu gaal lehum: amchu hajju lel talamiiz kadar Isa ba’as min al maytin wa hu yi gadimuhum fi Galile (41:6).

9. Wakit al humma kaano fi derib, chunu al awiin deel sawu wakit al Isa zahar lehum?

   Al awiin deel rakko wa abado Isa (41:8).

Al gissa di maanataha lena chunu?

1. Yatu al fakkar fi wa’ad hana Isa al gaal kadar yi gum min al maytin baad talata yom?

   Da chey ajiib kadar al talamiiz ne fakkaro kadar Isa gaal hu yaba’as min al maytin baad talata yom. Lakin chuyuk al yahuud al kuffar dol bas fakkaro fi chey al hu gaala. Humma ma amano, lakin humma fakkaro be kalama. Al talamiiz dol wajiib yi fakkuru.

2. Hal al assakir gidiro yadaro derib dukhul hanal khabur?

   Assakir al rumaniin kaano assakir al chudad fi zaman da. Lakin, humma ma gidiro yadaro al malak al Allah rassala le yi fukka al khabur. Gudura hana askar ma yagdar yadara le Allah yi sawi chey al hu dawar yi sawi. Wakit al malak da zahar, humma wago tihid misil nas al maytin.

3. Kikef al malak kalam maa awiin al joo fi khabur?

   Al malak ya’arfa kadar al awiin deel joo le yi charufu Isa wa subbu itir fi janaza hagga. Achan ke da, al malak kalam lehum be farha wa gaal lehum khalli ma yakafo. Hu wassafahum khabur al yabis wa gaal lehum kadar Isa yi lum ma’ahum fi Galile.

4. Fi fikirku mala wakit al Isa zahar lel awiin da hu gaal lehum nafs al chey misil al malak gaala?

   Isa ma muhtaj le yazahar lel awiin. Al malak khalas khabarahum kadar hu hay wa kadar hu yamchi yi lum ma’al talamiiz fi Galile. Lakin Isa ya’arfa battan kadar al awiin deel joo le yi charufu. Ankun hu zahar lel awiin deel fi chan da, le yi charifuhum achan humma joo le yi karumu. Achan ke da humma bigo nas al awal al chafo Isa baad bu’asa min al moot.

Zibdet al kalam

Isa gaal le talamiiza wa nas al akhariin kadar hu yaba’as baad talata yom. Be mufajaa, al talamiiz ma fakkaro wa macho lel khabur achan yi chufu hal hu yi gum min jedid. Illa al awiin bas joo, wa hatta humma zata ma fakkaro kadar yi chufu Isa hay. Illa nas al fakkaro kadar hu wa’ad le yaba’as dol kaano chuyuk al diin al kuffar. Humma fakkaro be kalam al Isa gaala wa humma dawaro yadaro al nas le ma yi fakkuru kadar hu yaba’as min al maytin. Humma khatto al assakir le yi akkudu kadar janaza da yagod fil khabur. Lakin humma ma gidiro le yi wagufu barnamij hana Allah. Wa al malak dawas al assakir dol wa Isa gamma be khuwa.