37. Seidna Isa ba’asa lazarus

Al gissa di ti guul chunu?

1. Chunu al Isa gaala fi natijat marad hana Lazarus?

   Hu gaal kadar al marad hana Lazarus da yi khalli al nas yantu daraja le Allah (37:1).

2. Kam wakit Isa ga’id yarja gubal le yamchi yi chifa Lazarus?

   Isa ga’id lahaddi yomeen fi bakan al hu kaan fooga (37:2).

3. Chunu al Isa dawar yi guula wakit hu gaal kadar Lazarus ga’id yi num?

   Wakit Isa gaal kadar Lazarus ga’id yi num da, hu istamal be tarikha mu’adaba le yi guul kadar Lazarus kaan mayit (37:2, 37:3).

4. Min kam wakit Lazarus kaan mayit wakit Isa khalas wassal fi beeta?

   Lazarus kaan khalas mayit gablu arbaa yom fil wakit da (37:4).

5. Isim al weenu Isa anta le nafsa fi wakit al kalam le Malsa?

   Isa gaal kadar hu da bas al Khiyama wal Haya (37:5).

6. Malsa gaalat kadar Isa da kaan yatu?

   Hi gaalat kadar hu kaan al Masih, Ibn Allah (37:5).

7. Mala Malsa khafat le yi fukku al khabur?

   Hi khafat kadar al jisim hana Lazarus binchamma hawan, achan hu mat gablu arbaa yom (37:7).

8. Chunu al Isa gaala le Abu fi sabab chey al wadda le yi salli leya?

   Isa gaal kadar hu ga’id yas’al Abu le achan nas al fi jamba dol yi amunu kadar Allah bas rassala fi dunia (37:8).

9. Chunu al Lazarus sawa wakit al Isa gaal leya khalli yamurug min al khabur?

   Lazarus gabbal fil haya wa marag min al khabur, lissaya mulawlaw bel khafana (37:10).

10. Mala al chuyukh al diin hana yahuud fatacho le yaktulu Lazarus wa Isa?

    Humma hassado Isa achan al nas ga’idiin yi amunu beya (37:11).

Al gissa di maanataha lena chunu?

1. Fi fikirku mala Isa kalam fi moot hana Lazarus da misil Lazarus kaan nayim?

   Lazarus kaan mayit, lakin hu ma yagod mayit. Isa ya’arfa kadar hu yanti al haya le Lazarus min jedid. Isa ankun gaal kadar Lazarus kaan nayim da le achan yi wassif kadar moota da le wakit chiya bas. Be nafs al tarikha di, Allah yi kalim le kullu mu’miniin al ga’idiin yi mutu misil humma nayimiin sakhit bas. Chey ga’id bi chajji al mu’miniin fi wakit al wahid minnuhum yi mut.

2. Mala Isa ga’id lahaddi yomeen gabul macha fi beet Lazarus?

   Isa ma dawar kadar rafiga yataab, wala kadar akhuwata deel ma yabgo fi huzun. Lakin al muhim bilhain le Isa da kaan daraja al yanti le Allah. Achan ke da, Isa khalla le Lazarus, le Malsa wa le Mariam yataabo le achan Allah yalga daraja fi wakit al Isa yanti haya min jedid le Lazarus. Be nizba lel masihiin, al taab da wakita chiya wa yagdar yanti daraja le Allah.

3. Mala al talamiiz istakhrabo kadar Isa yi door yamchi beet Lazarus fi Yahudia?

   Al masa’il hanal yahuud al fi Yahudia dawaro yaktulu Isa. Lakin, Isa ma khaf le yi mut. Be hagiga da, hu jaa fil ard le mut fi sabab al muznibiin. Achan ke da, hu kaan jahiz le yamchi fi Yahudia hatta kan hu ya’arfa kadar humma dayiriin yaktulu hinak.

4. Kikef al iman hana Malsa wa Mariam kaan misil muhaddat?

   Malsa wa Mariam amano kulluhum al itneen kadar Isa kaan gadir le yi wakhit al moot hana Lazarus. Lakin, wala al wahide wala al taniya ma fihimo kadar Isa yagdar yi gawim Lazarus hatta baad moota.

5. Fi fikirku mala al chuyukh al diin da’iman ma amano be Isa hatta baad bu’asa hana Lazarus?

   Al chuyukh al diin dol ga’idiin yi ta’usu Isa achan al nas ga’idiin yassamo kalam ziada minnuhum. Humma dawaro bilhain yalgo sulta fil nas lahaddi ma dawaro yi amunu be Isa fi wakit al hu sawa ajayib al illa Allah weheeda bas yagdar yi sawihum. Zunubuhum ma khallahum yi chufu kadar Isa da kaan Allah zata.

Zibdet al kalam

Isa charafa Allah be kullu chey al hu sawa. Hu ma khaf min nas al dayiriin yakyulu. Hu kaan jahiz le yi khalli Lazarus yi mut, hatta kan chey da yi sawi Malsa, Mariam wa hu zata haznaniin chedid. Chey al muhim ziada da kaan charaf al yanti le Allah. Achan ke da, Malsa, Mariam, al talamiiz wa akhariin al katiriin chafo Allah ga’id yakhadim be sulta kabiire be wasta hana Isa le yi gawim Lazarus min al moot. Chey da wassaf kadar Isa kaan al Khiyama, al Haya, al Masih wa Ibn Allah. Lakin, hatta al dalil da kulu ma khalla chuyukh al diin al ma induhum agil dol yakraho Isa wa yi kaddubu le yaktulu.