29. Kalam hana kaddami al fasil

Al gissa di ti guul chunu?

1. Chunu al Isa dawar yi guul wakit al hu gaal le Bitrus achan yi sami akhu saba’in fi sabaa marrat?

   Wakit Isa gaal le Bitrus achan yi sami akhu saba’in fi sabaa marrat, hu dawar yi guul kadar Bitrus lazim yi sami akhu da’iman bala adat (29:1).

2. Kikef al malik yagdar yi chil gurusa be biya hanal khadim wa usrata misil abiid?

   Al malik yi chil gurus fi wakit al hu yi biy al rajil da wa usrata misil abiid. Al gurus da yi kun mukafa fi chey al khadim da yagdar yanti malik (29:3).

3. Hal al khadim da abadan ma yagdar yi kaffi gurus al wajiib hu yanti lel malik?

   Achan al khadim da wajiib yanti mahiya hana miyteen alif sana (200 000 sana), hu ma yagdar yi kaffi lel malik da gurusa fi muddit hayata (29:2, 29:4).

4. Hal al khadim al wajiib yanti mahiya hana arbaa chahar da yagdar yi kaffi deen hanal khadim al wahid da?

   Ankun al khadim al wajiib yanti mahiya hana arbaa chahar da yagdar yi kaffi deen hana khadim al wahid da kan hu liga wakit al yi chil gurusa (29:5, 29:6).

5. Mala khudam al akhariin istakharabo fi chey al kaan da?

   Khudam al akhariin fakkaro kadar khadim al malik sama leya deena da sawa chey al ma adil le khadim al wahid da. Hu lazim yi sami le khadim al wahid da (29:7).

6. Mala al malik da zi’il bilhain?

   Al malik zi’il bilhain achan hu sama deen hanal khadim da, lakin hassa hu chaaf kadar khadim al da nadum fasil al ma yagdar yi sami le nas al akhariin misil al malik sama (29:8).

7. Le muddit kam wakit al malik sadda khadim al fasil da fi sijin?

   Al malik sajan al khadim da lahaddi wakit al hu yi kaffi leya deena kullu. Lakin deena da katiir bilhain le hu abadan ma yagdar yi kaffi. Achan ke da, hu yagod fi sijin le muddit hayata kullu (29:8).

8. Mala Isa haka al gissa di?

   Isa achan talamiiza ya’arfu kadar Allah samahum wa ga’id yarjahum achan humma kullu yi samu be nafs al tarikha di (29:9).

Al gissa di maanataha lena chunu?

1. Fi fikirku mala Bitrus gaal yi sami le akhu sabaa marrat?

   Bitrus fakkar kadar hu ga’id yi sawi rahama kabiire kan hu sama akhu sabaa marrat. Chey da bigi katiir le Bitrus. Lakin Isa radda kadar sabaa marrat da ma kafi. Al talamiiz hana Isa lazim yi samu ziada min da saba’in marra. Da maanata gaal humma lazim yi samu akhuwanuhum bala had.

2. Kikef al duyun hana khudam al itneen dol yi gawusu ambeenatuhum?

   Al deen hana khadim al wahid da bigi katiir lahaddi mustahil leya le yi kaffi. Al deen hana khadim al tani da katiir, lakin ma mustahil leya le yi kaffi.

3. Be nizba leku, yatu al yi massil al malik wal khudam fil gissa di?

   Fil gissa di, al malik yi massil Allah. Al khudam yi massulu talamiiz hana Isa. Ayyi tilmiz lazim yanti le Allah mukafa fi chan zunuba al mustahil leya le hu yagdar yi kaffi, misil al khadim al malik inda fooga deen katiir. Lakin, Allah sama zunubuhum achan Isa mat fi badaluhum. Achan ke da, Allah ga’id yarja kadar talamiiza yi samu ambeenatuhum.

4. Kikef Allah yi rud lel talamiiz al ma yi samu talamiiz al akhariin?

   Allah yi kun za’alan bilhain min talamiiz al ma yi samu talamiiz al akhariin. Hu yi hassibuhum bilhain.

Zibdet al kalam

Bitrus sa’al Isa kam marra hu lazim yi sami nadum al khiti fooga. Hu fakkar kadar sabaa marrat da ankun yakfi. Lakin Isa gaal leya kadar hu lazim yi sami akhu, hatta kan ziada min saba’in marrat. Baad da, Isa haka gissa wahida le yi wassif kadar Allah da misil al malik al sama le talamiiza deen katiir hana zunubuhum. Khalas talamiiza lazim yi samu akhuwanuhum al talamiiz kulu. Deen al wajiib humma yi kaffu ambeenatuhum da yi kun chiya min deen al humma yi kaffu le Allah. Kan al talamiiz dol ma yi samu ambeenatuhum, Allah yazaal fooguhum wa yi akhibuhum.