6. Allah fazaah Isaakha fi chey al wajiib leya

Al gissa di ti guul chunu?

1. Ibrahim rassal khadima le yi sawi chunu?

   Ibrahim rassala le yi fatich mara le waleeda, Isaakha, min ussut ahala (6:1).

2. Kikef khadim hana Ibrahim ikhtar Rifka mara le Isaakha?

   Allah kha’ada al khadim le Rifka (6:2).

3. Mala ga’id binchaaf misil Ibrahim ma yagdar yalga zurriya kabiire?

   Marit Isaaka, Rifka, ma gidirat ti jiib sakhir (6:4).

4. Chunu al Isaakha sawa wakit al Rifka ma gidirat talga sakhir?

   Isaakha da’a Allah, wa Allah antaha fursa le hi tabga khalbane (6:5).

5. Chunu al Allah gaala le Rifka kadar yahassal le awladaha al itneen?

   Allah gaal leya kadar iyalaha al itneen dol yabgo gabayil itneen al yi harubu ambeenatuhum. Al chaab hana waleed al bikhir yabgo khudam lel chaab hana waleed al sakhayar (6:6).

6. Yatu waleed al bikhir hana Rifka?

   Waleed al bikhir hana Rifka usuma Isau.

7. Yatu waleed al sakhayar hana Rifta?

   Waleed al sakhayar hana Rifka usuma Yakhub.

Al gissa di maanataha lena chunu?

1. Mala Ibrahim arsal khadima ba’id achan yalga mara le Isaakha?

   Ibrahim dayir kadar Isaakha yi zawij mara al ti karim Allah. Hu ma dawar yi zawij mara min gabayil hana balaad kanaa al ga’idiin ba’abudu al asnam.

2. Mala Rifka khassadat le ti usrataha wa tamchi taakhud Isaakha, al hi ma ta’arfa?

   Mumkin Rifka tahasib Allah rassal leha khadim hana Ibrahim. Hi inda sikha fi Allah achan yantiha rajil tayib.

3. Mala Rifka ma tagdar talga sakhir?

   Ma na’arfu mala Rifka ma ligat sakhir. Hi karamata Allah wakit hi khallata usrataha wa akhadat Isaakha. Ankun Allah yi door kadar Isaakha yi salli leha, le achan yafahamo kadar Allah bas antaha fursa le tabga khalbane.

4. Mala al timan dol ga’idiin yaharubu ambeenatuhum wakit al humma lissahum ga’idiin fi battun Rifka?

   Wakit al timan dol lissahum fi battun Rifka, kaano khalas misil nas al Allah dawar kadar yabgo. Humma ga’idiin yi harubu ambeenatuhum le muddat hayatuhum kullu. Allah dawar kadar humma yabgo gabauil kubar, wa gabila hana walad al kabir tihtarim gabila hana walad al sakhayar. Allah jaala chey da gubbal ma yaldohum.

5. Mala Yakhub karab kaab hana Isau?

   Baaden, Yakhub chal bakan hana Isau wa ligi charaf wa maal al mawajibiin le walad al kabiir. Ankun Yakhub karab kaab hana Isau da, misil ichara al ga’ide ti wassif kadar hu yi door yi sabiga Isau wa yi chil bakana.

Zibdet al kalam

Ibrahim yi door yi akkid kadar walada Isaakha yakhud mara al ga’ide ti karim Allah, lakin ma mara al ga’ide ta’abud sanam. Khalas rassala khadima fi dar ba’id hana ahala le yalga mara tamama le Isaakha. Allah kha’ada al khadim hana Ibrahim le Rifka al indaha sikha fi Allah. Lakin baad zawajuhum, Isaakha wa Rifka ma gidiro yaldo sakhir. Fi wakit da, Allah gibil du’a hana Isaakha wa Rifka bigat kalbane bel timan. Fi wakit al humma lissahum fi battunaha, Allah gaal le Rifka kadar humma yabgo gabayil itneen al kubar, wa gabila hana walad al kabiir yakhadim lel gabila hana walad al sakhayar. Be tarikha al di, Allah ikhtar le yahfiz wa’ad al hu sawa maa Ibrahim be tarikhat Yakhub, walad al sakhayar hana Isaakha.