30. Isa akalahum le khamsa alif nadum

Al gissa di ti guul chunu?

1. Mala Isa al Masih ammar talamiiza le yamchu?

   Achan humma kaano bi bachuru wa bi allumu be isim hana Isa al Masih fil hillal chik-chik wa humma kaano ayaniin (30:1).

2. Chunu al nas sawo le yi chufu Isa?

   Al nas dol hawago mugta al bahar achan yi lagu al markaba al foogaha Isa al Masih wa talamiiza (30:2).

3. Kam adad hana nas al ga’idiin yarjo Isa al Masih?

   Kaan fi khamsa alif rujal (5000 rujal), lakin kaman fi awiin katiriin wa iyal kulu. Adatuhum ma maaruf (30:3).

4. Kikef Isa al Masih istaajab le hajat al nas dol?

   Isa al Masih hanna lehum bilhain, achan humma bigo misil al khanam al ma induhum ra’i (30:3).

5. Gadur chunu al akil al talamiiz induhum ma’ahum?

   Al talamiiz kaano induhum khamsa khubza wa itneen hut dugag bas (30:5).

6. Isa al Masih amal chunu bel khubzat wal hut?

   Hu chal al khamsa khubzat wa hut al itneen wa chakar Allah. Baad da gattat al hut ma’al khubzat wa anta lel talamiiz achan yi gasumu lel nas (30:7, 30:8).

7. Chunu hassal wakit al nas akalo khamsa khubzat wa hut al itneen?

   Al khubzat wal hut ma kammalo. Wa kullu al nas akalo wa chi’ibo (30:8).

8. Kam adat hana akil fadal baad al nas akalo al gelbuhum dawara?

   Al talamiiz khammo atnachar kachakay maliyaniin be akil al fadal (30:9).

Al gissa di maanataha lena chunu?

1. Hal wajiib al talamiiz yinjammo hatta kan wakit al khidime lissa katiir le yi sawu?

   Al jumma da chey adil. Achan wakit al Allah khalag al ard, hu ammar lel nas achan yinjammo fi yom al sabi hanal usbuu. Wakit al talamiiz kamalo min al bichara wal taalim, Isa al Masih nadahum le yinjammo. Bakan wahid da, al nas muhtajiin yinjammo le achan yi sawu khidimtuhum seme.

2. Kikef Isa al Masih radda lel nas fi wakit al humma bachtano, hu wa talamiiza, wakit al humma machin le yinjammo?

   Hatta kan Isa dawar kadar talamiiza yanjammo kulu, hu ma zi’il min nas al katiriin al ga’idiin yi tabu. Be aks, hu hanna lel chaab da. Hatta kan hu wa talamiiza dawaro yanjammo, humma allamo wa chaffo nas al fi ussut al jamaa dol.

3. Mala Isa al Masih ammar al talamiiz achan yantu lel nas chey al yakulu?

   Isa al Masih irif kadar humma ma induhum akil al yakfi lel nas al katiriin. Hu gaal le talamiiza yi akilu al nas achan al talamiiz ya’arfu kadar da chey al mustahil le yi sawu. Hatta wakit al hu barak al khubza wal hut yabgo katiir be ziada wa yi akiluhum kullu, baad da al talamiiz yafahamo kadar hu sawa chey al mustahil. Da yafahamo kadar Allah khadam be gudurta fil Masih.

4. Yatu al sabbab be ziada hana akil da?

   Isa bas kaan al sabab achan al akil da yi ziid wa yachbi nas al katiriin. Al talamiiz gassamo al akil lel nas, lakin Isa bas ga’id yantihum al akil da. Wakit al kullu wahid kammal akila, al talamiiz irifo kadar Isa bas ga’id yi sawi al mu’ajiza da.

5. Fi fikirak, mala al talamiiz lammo akil al faddal?

   Isa al Masih dawar kadar talamiiza yi chufu kikef hu barak al akil wa zada. Akil al fadal kaan ziada min al khamsa khubzat wa itneen hut al kaan induhum awal. Kan dol yi chiluhum fi guffa wahide, lakin hassa akil al fadal da chalo fi atnachar guffa maliyan. Ayyi wahid min al talamiiz al atnachar indu maliyan minnal akil al fadal.

Zibdet al kalam

Talamiiz hana Isa al Masih kaan ti’ibo min al bichara wa taalim be Isa al Masih. Isa al Masih irif kadar humma muhtajiin le jumma, khalas chalahum fi markaba le mukta al bahar. Khalas alaf al nas kaano dayiriin yi chufu Isa al Masih, humma tawali gaddamo lel bakan da. Isa al Masih ma kachar lehum, lakin hanna lehum. Al nas dol, ma kaano induhum ayyi nadum al yi fakkir lehum wa yi allimuhum. Khalas hu sawa lehum al chey da. Hatta wakit humma ma induhum akil be ziada, Isa barak al akil al chiya al kaan induhum, anta le talamiiza wa gassamo lel nas. Al akil tamma lel nas kulluhum misil dawaro yakulu. Al talamiiz bigo induhum akil ziada min al kaan induhum fil bidaya gabul ma yi akilu al nas. Isa al Masih chal al akil al chiya al kaan induhum, baraka wa zada le yachbi beya nas al katiriin. Allah weheeda bas yagdar yi sawi al chey da.